Page 75, vol.4
Capitulum tricesimum quartum.
THOLOMEUS Epiphanes, þe fifte [kyng] [From β.; inserted by a later hand in γ.] of Egipt, Emperator his sone, [Eupators sone, β.; Eupator, γ.; Eupaters sonne, Cx.] regnede foure and twenty ȝere. Trogus, libro 30o. [tercio, Cx.] And for he bygan to regne whan he was fyve ȝere olde, messangers [messares, β., γ., and Cx.] of Alexandria prayde þe Romayns þat þey wolde take þe warde of þe childe and defende þe kyngdome of Egipt; ffor Phelip kyng of Macedonia, and Antiochus kyng of Siria hadde i-cast [hadden cast, β.] as it were by covenant to dele the kyngdom of Egipt bytwene hem tweyne. Þe Romayns were glad of þe [that, β. and Cx.] message, and anon sente messangers [messagers, Cx.] to þe same kynges, chargynge þat þey schulde holde hem out of Egipt. Iosephus, libro 12o. Þanne Ptholomeus wax [wext, Cx.] a strong ȝongelynge, and sente oon Scopa, a duke of his, in to Siria, and made Siria suget [subgette, Cx.] to hym; but nouȝt longe after Antyochus overcome Scopa, and was better frende to þe Iewes. Eutropius, libro 3o. After þis þe grete Antiochus bycome Ptholomeus his frend, and wedded his douȝter Cleopatra to wyve, [wyf, Cx.] and graunted here instede of dower Siria, Inde, and Phenicia. [Fenicia, Cx.] Þerfore eiþer kyng hadde tribut [tribut] om. Cx.] of þe Iewes, but Onias, þe riȝtful Symon his