Page 203, vol.2
Capitulum secundum.
Augustinus de Civitate Dei, libro sexto decimo, capitulo septimo. A question may be movede of suche mervayles in nature wheder thei come of Adam or of Noe, as men callede Cyclopes, hauenge oon eie in the forehede. And somme be [folio 81a] seide to haue either kynde as the ryȝhte pappe of a man and the lifte of a woman, other while gendrenge to gedre and to conceyve. Also in other places hit is seide women of the age of v. yere to childe, and not to excede the viijthe yere from the natiuite of theyme, and somme men have thees with owte a homme of grete swiftenes, whiche peple be callede Sciopode, [stropode or scropode, Harl. MS.] in that thei lyenge in the somer tyme with theire faces vpwarde, defende alle theire body thro the schado of theire foote. To the whiche question we say that hit is [not] necessary a man to beleve the kyndes of alle men whiche be seide to be; neuerthelesse the same reason may be assignede of the monstruous peple whiche