The English register of Oseney abbey / by Oxford, written about 1460. Ed., with an introduction and indexes, by Andrew Clark.

[73.] [Controversy] betwene Osney & Godstowe.

1192. Contro|versy between Oseney and Godstow, about tithes and parish dues in north suburb of Oxford, ended by Oseney conceding them to Godstow, and God|stow promising to offer yearly 2 wax|candles at Oseney as homage.

TO all þe soones of our holy modur þe church to þe which this present writyng shall come, W. and W. of Cumbe and of Thame Abbotes, helth in our lorde Euerlastyng. Knowe ȝe all þat whenne, bitwene þabbot and chanons of Oseney ande thabbesse and Minchons of Godestow, was i-stered ['controversia verteretur': 'or strife,' as usual, is an alternative rendering of the Latinism.] a con|trouersie or strife, vppon þe tithis of men of þe forsaide chanons and Walton and parisshens and tithis of xx^ti acris, þ^e chanons saying þe same parisshens and tithis to longe to þe church of Seynte George (þe which is þere owne) of olde ryȝght, and þ^e Minchons affermyng þe same parisshens and tithis to longe to þe church of Seynte Gile (þe which þey haue) of ryȝght: at þ^e laste, this maner Ende ['huiusmodi finem controversia ipsa sortita est.'] that controuersie or stryfe fortunyd to take. Truly þabbot and Couent or chanons of Oseney, for þ^e love of god and of þe forsaide Mynchons religion sake, grauntid to þem in-to perpetuell almes all þe forsaide parisshens And tithis, of them for Euer to be holde, payng þerof ȝerely ij. Serges ['duos cereos.'] of iij. li. of waxe, þe which (semely made or diȝth ['quos (decenter paratos).'] ) vppon þe Auter of Seynte Marye of Oseney in þ^e vigile of þe Assumpcion of her afore Euensonge þey ofte to Offer. for this cawse we, to þe which our lorde pope Celes|tine þe iij. this cause committid to be herde and (apell i-put awey) with dewe Ende to be termined, þis forsaide composicion, By þ^e Autorite i-ȝeve to vs by þe pope, conferme hit and [by] þ^e puttyng to of owr Seeles we make hit Sure: The which also to more Surete, with þe seele of Bothe Chapiters Is i-strengthid. This composicion was i-maade þ^e ȝere fro þe Incarnacion of owr lorde anno M^l anno [Dittography in MS.] C. iiij.^xx. xij.