The English register of Oseney abbey / by Oxford, written about 1460. Ed., with an introduction and indexes, by Andrew Clark.

[52.]

About 1210. Sale to Oseney, by Adam, porter, of 2 acres and 4 butts of meadow, subject to quit-rents, 2d. to the mesne lord, 3s. to the chief lord, with 2d. to the mower. Purchase|money, £4.

KNOWE þey that been present and to bee þat I, Adam Porter of Oseney, haue i-ȝefe, grauntid, and with my charter confermed, to þabbot of Oseney and to þe chanons þere seruyng god, all my mede that I holde of Water Cole þat lieth bytwene Bolestake and þe mylle of Boteley, that is to say, ij. acres and iiij. buttes: to be holde of me and of my heyres for Euer, ffrely and quietly, worschipfully and hooly, yeldyng þerof [Marginal note: 'Mede.'] to me and to my heyres yerly ij. d. at Myȝhelmasse and to Water Cole iij. d. [Latin: 'iii. solidos.'] and to þe Mower ij. d. for all seculer seruice. And I Adam porter and my heyres shall warantiȝe to þ^e forsaide Abbot and Couent þe forsaide mede agaynste all men and women. And if þe forsaide ij. Acris and iiij. Buttes to þ^e forsaide Abbat and Couent we may not warantiȝe, all my londe of his ffee that I haue in seynte Thomas parish [folio 14b] shall abide quyte to þem. And for this yifte and graunte the forsaide Abbot and Couent ȝafe to me in Rewarde ['in gersummam.'] vj. marke of siluer. And þis yifte graunte and warantiȝyng truly to be holde I adam porter for me and my heyres haue I-pliȝght my trowth and with my seele puttyng to haue i-strenghthe hit. These witnyssys, et cetera.