The English register of Oseney abbey / by Oxford, written about 1460. Ed., with an introduction and indexes, by Andrew Clark.

[53.]

1226, July 14. Agreement between Oseney and Einsham abbey, in respect of counter claims about tithes, Oseney receiving a perpetual lease of Einsham interest in meadows near Ose|ney, paying 5s. to Heading|ton manor, excusing 6s. due from Cassington by Einsham, and paying to Einsham 13s. on July 20. Oseney also is to pay the mower.

TO all cristen men to þ^e which this wrytyng shall come, prior of lantony, Archedecun and Deene of Gloucetur, helth in our lorde. Knowe ye all þat whenne, by diurese letters afore vs and afore þabbot and prior and Deene of Abendon of Delegatye of our lorde þe pope Honory þe iij., whas a plee betwene þe lorde Abbot and Couent of ['Oseney' follows in MS., and ought to have been struck out.] Enysham of þe oon partye, and lorde Richard, Abbot, and Couent of Oseney of þe oþer partie, vppon tithis of heye of þe saide Munckes of þere medys by Oseney liyng, and vppon a yerly rente of vj. s. for þe ferme of þe tithis of þe saide chanons of Kersynton [i.e. Cassington.] , and vppon þe peyne of xl. s. [and] vppon interesse of þe same chanons by-cause agaynste þ^e mynchuns of Wrokeshale and vppon summe despites, at þe laste after many altercacions vppon þe saide all axynges of Euerych oþer and mony wronges vnto þe tyme of makyng of this writyng i-meved, þe stryves ['lites.'] betwene þe saide howses thys frendely restyd: þat is to say, þe

saide Abbot and Couent of Enysham grauntid and toke ['concesserunt et tradiderunt.'] to þe saide Abbot and Couent of Oseney all þere mede of Bolestoke [Marginal note: 'betwene thabbotes of Eynesham & Osney for bolestake mede & the hammys &c.'] , with ij. hammys lyyng be-hynde þ^e courte of Oseney towarde þe sowth, to be holde of þem and to be had in þ^e name of a perpetuell ferme, for xxiiij. s. yerly in þis maner to be payde, þat is to say, v. s. to þe chefe lorde of Hedyndon at þ^e terme of Seynte John Baptiste, and vj. s. by relese þe which þe saide chanons maade to þe saide Munkes vppon þe vj. s. in þe which þe same Munkes were i-holde to þem for þe saide tithis [of] Kersynton for ['pro solutis habendis.'] i-paide i-had, And þe xiij. residue s. at þe fest of Seynte Margarete at Oseney to þe Secresten of Enynsham or to his certeyn messynger þe saide chanons yerly withoute agayne|saying and Cauillacion shall paye, And euermore þe saide chanons ofte to susteyne þe Burdon ['onus' in the Christ Church MS.; 'onus consuete mercedis messarii,' in the Cotton MS.] of þe mower of þ^e saide mede: And þ^e saide Munkes been i-holde to þe warantiȝyng of þe saide fferme. Also þe bothe parties haue i-subiecte þem-selfe by goode feyth to our Jurisdiccion, of þ^e consent ['de consensu'; scil. of the parties.] , for euer to constreyne both by censure of þe churche (apelyng i-put aweye) to þe kepyng of þe forsaide thynges, notwithstandyng þe com|posicion betwene þe parties a-noþer tyme vppon þe saide tithis i-made, þe which naþelesse in oþer artikuls in þe composicion i-contente in þere surenysse shall abide. And that this com|posicion sure and stable abide for euer, both parties also with our seeles haue i-strengeth hit with þere seeles. Thes thynges were i-doo at Oxonforde in seynte Marye church þe thride fferie after þe ffeste of þe translacion of Seynte Benet, þ^e yere of þ^e Incarnacion of our lorde M^lCC xxvj., afore Master Roger Caunt|lowe and Reginalde Chapeleyn of þ^e church of Seynte Oolde of Oxonford vndur ['subdelegatis nostris.'] our Delegates, þ^e dede of þe which we by þe popes auctorite strengthe. Þese witnysse:—