The English register of Oseney abbey / by Oxford, written about 1460. Ed., with an introduction and indexes, by Andrew Clark.

[269.]

About 1210. Grant to bishop John Grey, by Henry Doyly II, of Cogges|wood, and of Swerford church and Seuewell chapel, with a view to founding a monastery.

TO all cristen men thys present charter to see Henry doylly helth. Knowe ye me to haue y-yefe, and to haue i-grauntyd, and with thys my charter to haue i-confermyd, to lorde John Gray, bysshoppe of Norewych, all my woode of Cudelyngton þe which is i-callyd Goggeswoode [Name noted in the margin. 'Kogges|wude' in the Latin.] , withoute oony reteynyng, and þe church of Swereforde [Name noted in the margin.] , with þe Chapell of Sevewell [Name noted in the margin.] , with alle þere pertinences, to be assynyd and

to i-yeve to þe religiouse howse þe which he hath i-wyllyd to founde, In-to ffre pure and perpetuell almys; And yf by case ['si forte.'] þe same noo religiouse howse founde, lete hym assyne hit to whoome he wylle. And I and myne heyres shall warantiȝe þem to þe same Bysshop, and to Euery man þat he wylle assyne þem, agaynste all mortall men: Þese witnysses.