[XXXV. Of Wigginton]
[263.]
1283, May 4. Suit by Oseney, to compel the rector of Wiggin|ton to pay 5s. yearly on March 20, as tithe|rent-charge due to St. George's church, long paid but now withheld. Verdict in favour of Oseney.
ACTes In the prebendall church of Buckeden, þe twysday nexte after þe ffest of þe Inuencion of the holy crosse, In the yere of our lorde Mo CC lxxxiij., afore vs olyuere By the mercy of God Bisshop of lincoln, by ordinarie auctorite knowyng, in plee þe which was bitwene religiouse men Abbot and Couent of Oseneye (the church of Seynte George with-yn the castell of oxonforde In-to þere owne vses opteynyng), actorres, by ffrere Robert i-callid Maynarde, þere chanon, procuratour of the same actors i-ordeyned, comperyng, of þe oone partie, and Master Richard Malyngton, person of [folio 57b] þe church of Wigynton, gilty, personally comperyng, of þe oþer partie. I-purposid (that is to Say) In Juggement agaynste þe saide person By the foresaide procuratour þat when þe saide siris, for cause (of þem-selfe) of þe saide church of Seynte George, had be In possession, or as, by ryȝght, of takyng v. s. euery yere, In the ffest of Seynte Cuthbert, of þe personys of þe saide church of Wigynton, þe which þere for þe tyme had be, at Oseney to Be payed, In the name of ij. parties of tithe for all thynge that is i-wonyd to be i-tithid of the Demayne of Wygynton comyng forth, to þe saide church of Seynte George, and longyng lawfully to þe saide religiouse men, and þe Same v. s. summot|longe þey haue i-take hit and lawfully haue i-had hit In