The English register of Oseney abbey / by Oxford, written about 1460. Ed., with an introduction and indexes, by Andrew Clark.

[216.]

About 1184. Confirma|tion to Oseney, by Henry Doyly II, as feudal superior, (a) of both Stonehales, given by Hugh of Tew; (b) in Clay|don, Philip of Hamp|ton's gift (as in no. 24), and Leonard of Whitfield's gift of a yard-land with its serf-tenant and 24 acres, (c) in Hook|norton, of no. 217, and of 219, and 218; (d) in Perry, of the rec|tory with the advow|son, and a half-hide, with man|sions, croft, & meadow; (e) in Weston-on|the-Green, 3 acres and a meadow, held by quit-rent of I lb. of pepper; (f) in Bletching|don, 2 yard|lands and 2 acres.

BE it i-know to all true men of holy church that I, Henry Doylly, þe Soone [folio 47b] of Henry Doylly, with þe consent and assent of Robert my Broþer and with þe counsell of my ffre men, grauntid, & with this present charter confermyd, to the Church of god and of Seynte marie of Oseney and to þe chanons þere seruynge god, all þoo yiftes the which men of my ffee to the Same church made, as þe charters of þe Same witnyssen, þat is to saye, of þe yifte of Hugh of Tywe þe londe of bothe stanehale, with all þynges to þe Same londe perteynynge, of þe which Robert my Beelesire and Henry my ffadur quite|claymed to þ^e foresaide church all þe Seruice þat to þem and to þere heyres þere-of whas dewe; In Cleydon, of the yifte of philipp of Hampton, dj. an hide whereof my ffadur all þe Seruice that to hym and to his heyres whas dewe quite-claymed to þem; In the same towne, of þe yifte of leonarde of White|felde, j. yerde of londe þe which Gilbert corbeller ['corbeiller.'] helde, with þat man and all his childron, and xij. acris in spetesham, and vj. acris at þ^e woode at Harestaine, and vj. acris at Wytereden; In Hokenorton, of the yifte of Sibille the wiffe of Robert ffiȝt Gye & of Raph boterelle and of Julian his wiffe, XX. acris þe which been in the crofte [Read 'end': 'in fine.'] of prestesfelde by Widecumbe; and v. mansuris or dwellynges withinne Hokenorton, j. agaynste þe howse of Adam clerke, Another agaynste þ^e howse of Elfwyne Reve, þe þirde agaynste þe howse of þe Same Elfwyne of þe oþer parte of the weye with the Crofte and Garden þe which

William Calcebote helde, þe fowrthe By the howse of Elfwyne Sputi, þe fifte bitwene the howse of Edwarde palmer and swyne þe soone of Beatrige; The sixte, of þe yifte of William of Heteuille [Hereville.] & of Johan his wife, the which William of Hampton helde, with that man [and all his], and an [The text seems doubtful even in the Latin.] halle (þe which is i-set bitwene the dwellyng of William Derby & the dwellyng of William Burgeys) and all his parte In the mede of Smededell, and þoo twoo acris (of [Omit 'of.'] ) þe which þe Incluse In Hokenorton in Almys helde, and j. acre of the me[de] of Heme mede; of the yifte of William ffiȝt Helie and of Emme his wiffe þe church of Pyrye & the ryȝght of Aduocacion of the same, And halfe an hide of londe In ledehale, with ij. mansions þe which been bitwene the dwellyng of Gilbert and the dwellyng of Sawakar, with the crofte to þ^e same dwellyng perteynyng, & with the mede to the halfe-hide perteynyng; In Weston, of the yifte of William ffiȝt Moolde, ij. acris and all the mede that is in the hedis of them At Bakesmulne, and the þride acre þe which is in the hede of the mede þe which is i-callid Aldefelde, to be holde for Euer of hym and of his heyres by oon li. of pepur yerely; Of the yifte of Raph of Aumery, In blechesdon, j. yerde of the lordeschip, And A-noþer yerde of þe vilenage (or towne [Read 'bonde': alternative rendering of 'vilenage.'] ) þe which whas of Raph Blund; Of the yifte of ffowke de la Graue, ij. acris at Haraldes [folio 48a] Welle. Of this graunte and confirmacion been witnesse Robert my Broþer, et cetera [One is Robert de Witefeld (Sheriff of Oxon. 1182-5).]