[224.]
About 1270. Grant to Oseney, by John of Chorleton, of a quit|rent of 4s. as feudal superiority over a yard|land, with the reversion|ary rights implied by it.
KNOW þoo that been nowe And to Be that I, John of Chorleton, yafe, grauntid, And with this presente my charter confermyd, to ffrere William, Abbot of Oseney, and to þe chanons þere Seruyng god and for Euer to serue, iiij. shelyngworth of yerely rent with the pertinences In Hokenorton, In-to ffree pure and perpetuell almys, the which thomas ffrankelyne yerely to me was i-wonyd to paye for j. yerde of londe and A Crofte þat is i-callid Rokeshull, to Be take of þe Same thomas and his heyres or his assines at two termes of þe yere, that is to say, at þe fest of Seynte Myȝghell ij. s. And at þe ffeste of Seynte Marie in Marche ij. s. I haue i-grauntid also, to þe foresaide Abbot and chanons, all that Euer in the foresaide rente, with his per|tinences, I had or myȝght have, withoute oony agayne-holdyng to me or myne heyres or myne Assines perteynyng, with wardis, Relefis, Hariettes, And Eschetes, And helpis, and all other thynges to þe same rente perteynyng for Euer. And I, John, And myne heyres or myne assynes, the foresaide iiij. shelyng|worth of rente with all his pertinences aforesaide, to the foresaide Abbot And chanons for Euer schall warantiȝe, defende, And Aquite, agaynste all cristen men And Juys And women, as ffree pure And owr perpetuell almes. In-to witnesse of the which thyng to this present writyng my seale I haue i-put to. Þese witnesses, et cetera.