The English register of Oseney abbey / by Oxford, written about 1460. Ed., with an introduction and indexes, by Andrew Clark.

[222.]

About 1270. Exchange between Oseney and Ralph of Swerford, Oseney giv|ing a piece of land next Ralph's hall, and re|ceiving 2 roods.

ÞIS is A perpetuell Eschange i-maade At Hoke|norton, Bitwene ffrere W. [Probably William of Sutton, abbot 1268-84.] Abbot of Oseney and the Couent of þe Same place of þe oone partie, And Raph of Swereforde clerke of þe other partie; þat is to Say, that þe saide Abbot And Couent yafe and grauntid to the foresaide Raph and to his heyres A place By the halle of þe same Raph of the Northe parte þe which bygynneth of ['a strata publica.'] þe hie-weye And strecchith vnto the Ende of his Curtilage and By the hie-weye hit conteyneth

xviij. foote In Brede And In the Ende of þe Same place allonly xiiij. foote; And the foresaide Raph, In-to þe Eschange of þat place, yafe and grauntid to þe foresaide Abbot And Couent, In|to pure and perpetuell Almes, j. rodde of Arable londe vppon Otehulle at forthsheter, þat is to say, the more weste Rodde, And anoþer rodde of londe the which lieth In the Mershe In a telthe þ^e which Is i-callid longefurlonge. And that þis Eschange be sure and Stable for Euer, the parties to this writyng, In-to the maner of A charter i-made, þere Seales euerich agaynste other haue i-put to: Þese witnessis John of Herevile, et cetera.