the Soone of hym, of the oþer parte, whas i-stered A controuersie In þe Courte of the Saide Abbot vppon seruices and seruages, that is to say, In erynges, cariages, Medesutes ['metsuris.'] , Mowynges ['falcaturis.'] , and all other Seruages to þat dj. hide of londe the which þe Saide Johne of the Saide chanons helde In Hokenorton. At þe laste, at þe Peticion of Sire Henry Doyley and of Moolde his wiffe, þe saide chanons relesid and quite-claymed to þe Saide Johne and to William her Soone (relesid [The bracketed words are brought in here out of place from below.] and quite-claymed to þe saide chanons all þe Ryȝght) and to the heyres of them þe foresaide Seruices And seruages And for this relese & [folio 49a] quite-clayme þe saide Johne and Willyam her Soone relesid [and [Inserted from the Latin.] quit-claimed to the said canons all the right], for her-selfe and her heyres for Euer, that they had or myȝght haue In oone Crofte the which Is i-callid Parroc…. they relesid and also quite-claymed to þe Same chanons thre hedis þe which þe Saide chanons closid inne with walle, ffurþermore and [Verbatim from the Latin. Possibly it means that they gave up the three 'heads,' and did not ask for the land promised in exchange.] Eschange þat þey had assyned for þoo thre hedis. And ffurþermore, for þe foresaide seruices and seruages þay schall paye yerely vj. s. Also, with viij. s. þe which they were i-woned to paye for þe foresaide dj. hide of londe, at two termes of the yere, that is to say, At þe Anun|ciacion of Seynte Marie vij. s. And at þe fest of Seynte Miȝghell vij. s., sauyng to þe saide chanons homages, relefis, wardis, Eschetes, and Sutes of þere courte. And that þese þynges, þe which [are] aforesaide, Abide for Euer stable, þe parties to þis present writyng put to þere seeles: Þese witnessis, et cetera.