Dere soone Wigoode Abbot [See n. 7, p. 13.] of Oseney ande of his Brethryn, the church of Saynte marye in þe which þey be i-ȝeve to goddis seruice, [the which] in þe Ile the which is i-callid Oseney was i-foundid and made, with all thynges with-inne the costis to yowr parisshe perteynyng, vndur þe Defence of Saynt mary and owre we take, and with þese letters we make hit strong: in the which, these thynges to be i-schewed we have avised in here owne names, that is to say:
Þe church of Saynte George, with all his holenysse ['cum omni integritate sua.'] ; þe church of Cudelinton, þe church of Weston, þe church of Hokenorton, þe church of Cleydon, þe church of Chesterton, þe church of Watelinton, þe church of Stanys, þe church of Cowley, and þe chapell of fforsthull; and all that was of Robert Doylly founder of this church, and of Henry his sone, in Oseney, with all Dwellynges þe which been vppon the were of þe Milles, and all þe londe þat þey had withinne þe Borowgh of Oxonforde; And all Eton [Name noted in margin.] , with all þynges to hit [folio 7b] per|teynyng (but þe Mille); and in Hokenorton, dj. hide þe which was of Hugh ffraunceys, and j. ȝerdelonde þe which was of Morice; þere also j. hide of londe with iiij. men of Warlande ['cum quattuor hominibus de War|land.'] , and of þe lordeship prestesfelde and buturhull, and of þe mede of þe lordschip al-so-muche as longeth to iij. hides; In Weston iij. ȝerdes of londe of Warlant [Sic: and so also in the Latin.] and iij. of þe lordeschip with þe mede; In cleydon, ij. hides of Warlant, and vj. of Cotlane [Read 'and vi. cotlands.' Latin has '& sex cotlanz.' A cotagium or cotland was 2 acres, or 4 acres, attached to a cottar's house.] , and of þe lordeship prestesthorn and benetbrech and stodeforde and in a-noþer felde Medelham with þe mede in þe hedis, of [Omit 'of.' Latin 'le Redeland.'] Redelande and Sibcrofte and Kynges bruggehale; and xxti Acris [Marginal note: 'the prebend of peue|rell; xxte acres in Walton, with meades & fedinges. Note.'] in Walton, with medys and ffedynges; and ij. s. of Rent þe which ffromunde Chapeleyne helde, and þe tithe of Nichol of Stodeham;
And of Kyng Henry and of themperice, a prebende þe which was of peuerell of lx. s., and with-inne þe borowgh of Oxon|forde iij. ['v. s.' in the Latin, and in nos. 14, 18.] s. v. d. ob. qua. of viij. ȝerdes of þe Kynge, and þe lok [Marginal note: 'The locke.']