The English register of Oseney abbey / by Oxford, written about 1460. Ed., with an introduction and indexes, by Andrew Clark.

[23.] A confirmacion of Henry Doylly þe ffirst þe Sone [MS. has 'the Sone the Sone.' This is a genuine deed, extant as Brit. Mus. Add. Charter 20,361.] of þe saide Robert Doylly his ffadur off þe saide thynges.

A D. 1149. Grant to Oseney, by Henry Doyly I, of St. George's church.

BE hit i-knowe to all trew men of holy church that I, Henry Doylly, with þ^e consent and grauntyng of my Broþer Gilbert, and with þe counsell of Syre Robert (þ^e soone of Roger [A most misleading slip. The Latin has 'domini Roberti filii regis'; i.e. of lady Edith's son by Henry I.] ) my broþer and of my modur and of oder ffrendes and of my men, yefe and graunte, in-to perpetuell almys, for þe sowle of Kyng Henry and for þe sowle of my ffadur Robert Doylly and other kynnesfolkes and of myne aunceturs and for my helth and of my modur and of my brethryn and of oþer of my ffrendes and for þe state and welefare of all þe realme, to þe church of Saynte marye þe which my ffadur fundid in þe Ile þe which is i-called Oseney and to þe chanons in hit seruyng god, my church of Saynte George the which is in þe Castell of Oxonforde, with all thynges þe which ben of my fee and perteynyng to hit, þat is to say, in howses in tithis in playne in woode in ryvers and in ffedynges and in all oþer thynges, with customs & liberteis þe which he [Read 'it'; i.e. the church.] helde in þe

tyme of my aunceturs þe which foundid hit. Wherefore I wille and surely ordeyne þat þe forsayde church of Saynte George [A strange error. Latin has, correctly, 'prefata sancte Marie ecclesia'; i.e. Ose|ney.] , of þe which my ffadur was foundur and of þe which I am patrone and advocate, This addyng ['additamentum.' This 'adding,' really by Henry Doyly I, is attributed to his father in the spurious deed (no. 21).] to þencresyng of my ffadurs almys þe which ['quam,' scil. eleemosinam. The refer|ence is to the foundation-gift (no. 12).] be ordeyned þere, hit holde, of me and of all myne heyres and successours, quietly and worschipfully, all exaccion i-put ['postposita.'] a-bak, fro this tyme nowe and for Euer Witnesses: Daniell, Abbot of Mussendene; Alurede [Alfred, abbot of Dorchester, 1146-63.] , Abbot of Dorchester, et cetera.