Page 48
[42.] Thomas of saint Walerys confirmacion.
About 1192? Confirma|tion to Oseney, by Thomas of St. Valerie, of all grants made of his fee, with ex|emption from scu|tage.
KNOW þey that ben present and to be that I, Thomas of Seynte Walerye, by the counsell and peticion of Ele my wiffe and of goode men, haue i-grauntid [and] confermyd, for my helth and of myne and for the sowles of my aunceturs and of my Brethryn, to þe church of seynte Marye of Oseney and to þe chanons þere seruyng god, all the possessions of my ffee to þe church of Seynte George þe which in the castell of Oxonforde is i-sett perteynyng, both of my lordshippis and of my tenaun|tries of my men, In men In londis and tithys and in all oþer thynges: to be holde, in-to fre and pure and perpetuell almys. And I will and commaunde that þe londis of them þe which ['terre eorum que de feodo meo sunt, solute sint et quiete.'] ben of my ffee be lose and quite fro scuage, tallage, & all oþer seculer exaccions to me perteynyng. These witnesses, et cetera.