The English register of Oseney abbey / by Oxford, written about 1460. Ed., with an introduction and indexes, by Andrew Clark.

[41.]

1152. Confirma|tion to Oseney, by pope Eugenius III, of all their estates, viz. of St. George's church and its belong|ings as in nos. 29 and 34, and a grant in|corporated in the spurious no. 21, with tithe in Cassing|ton, and of the churches of Bibury, Turkdean, Rissington, Marsworth, Hawridge, Letcombe, Foresthill; and of lands in Black|bourton. Anathema against violators of this deed.

EUGENYE, Bisshop, seruaunte of seruauntes of god, to his loued soonys Wigoode prior of seynte Marye of Oseney and to his brethren, both present And to be, chanons, et cetera. the for|saide church, in þe which ȝe ben i-ȝefe to goddis seruice, vndur seynte petur & our proteccion we take, and with þe priuilege of this present writyng we make stronge, ordenyng þat all pos|sessions and all goodis of [For 'of' read 'which.'] þe same church nowe ryȝghtfully and lawfully hath in possession, or in tyme to be by þe graunte of Bisshopis, ȝevyng of Kynges or of princys, by offryng of cristen men, or by oþer ryȝghtfull maners (our lorde grauntyng) ye may purchase, sure to ȝow and to ȝowr successours and vntastid ['illibata.'] byde þey. In the which, þese we wille in þere owne names to be schewed:—the church of Seynte George, with all his ryȝght that he hath within þe wall of Oxonforde and abowte, as owr worschipfull broþer Robert, Bisshop of lincoln, with resonable avise hath i-grauntid yow, and boþe he and our worschipfull fadur Theobalde, Archiebisshop of Caunturberye, popis legate, with þaffermyng of þere writynges haue i-made stronge; and, to þe same church longyng and hangyng, þe church of Seynte Marye Mawdeleyn, þe londe of Walton, with þe medys and other þynges longyng to hit, and þe tithe of þe same londe; In Cudeslawe, iij. hides of londe, with men and his oþere pertinences; In Ernycote, ij. hides of londe, with þe woode and his oþere pertinences; þe londe of Worton, with his pertinences; þe londe of Stowe, with his pertinences, and þe church of þe same towne; In sanforde, j. hide of londe, with his pertinences; Twey [folio 12a] parties of tithys of þese maners vndur|write, Hokenorton, Cudelynton, Burcetur, Harewell, Watlynton, Ardynton, Botrynton, ledecumbe, Burton, Asshe, pirye, Tywe, Wyke, Erdufley, Heyforde, Hampton gaytorum, ffullewell, Thrope, Bereforde, Shireburn of both courtis, Tetteburye, Whithull, Treton, Kenycote, Norton, Horspathe, Hensynton,

ludwell, Rolesham of both courtes, Blechesdon, Weston, Boken|hull, Stratforde, Westbury, Thornborowgh, Weston, Wygynton, Swerforde, Escote of þe fe þe which perteyneth to oxonforde; In clopham halfe of þe tithe of þe Demayne; In Barton, þe tithe of j. hide; In Garsynton ['In Kersintona' in the Latin; i.e. Cassington.] , ij. parties of þe tithe of j. hide.

ffurþermor, of our worschipfull broþer John [John de Pageham, bishop of Wor|cester 1150/1-57.] bisshop of Wyrcetur, the church of Bibury [Name noted in margin.] , with chapells, tithis and oþer pertinences, and þe tithe of here salte of þe Wyche [Marginal note: 'tithe of salt of Wyche.'] ; þe church of turkeden; the church of Rysynden; þe church of Messe|wurth; þe church of Haurugge; þ^e church of ledecumbe; þe church of fforsthull, with his pertinences; of þe yifte of Hugh Tywe, his londis of Burton [Name noted in margin. The Latin adds: 'and of Forsthull with their perti|nences.' Burton is Blackbourton. Wood's conjecture (City of Oxford, ii. 191) is wrong.] .

ffor this we decree that hit be not lawfull to no man vtturly ['ut nulli omnino hominum liceat.' The double negative is a feature of this transla|tion.] frowardly to trobull þe forsaide church, or his possessions to take aweye, or to withholde them i-take awey, to make þem lasse, or to wery þem with oony vexacions, but that þey all clenly and hooly be keped for þe gouernyng And susteynyng of þem of þe which þey haue be grauntid to profite in all maner vsys, Sauyng þe lawfull ryȝght of the Bisshopis Diocesanys. Þerfore if oony persone of the church or seculer this writyng of our confirmacion will tempte frowardly to come agaynste hit, twyis or thryis i-warned, but he correcte his presumpcion with conuenient satisfaccion, he lacke or lese the dignite of his power and worschip, and lete hym know hym-selfe gilty to be to goddis Juggement of his wikudnesse i-do, and that he is alienyd or i-put fro the mooste holy body and bloode of god and of our lorde Ihu criste our agayne-byere Ihu criste, and be he vndur to þe streyte veniaunce in the laste doome. And to all kepyng to þe same place þere ryȝghtes be peece of our lorde Ihu criste, that both here þe frute off goode doyng þey take, and afore þe streyte Jugge þe rewardis of euerlastyng life fynde þey. Amen. In the yere of our lorde M^l Clij. of the Bisshiphode of pope Eugenye the iij., vij. ȝere.