[31.] A confirmacion of Kyng John of þe church of Seynte George with his pertinences.
1199, June 16. Confirma|tion to Oseney, by king John, of St. George's church (no. 23), as in nos. 27, and 28; with ex|emptionsas in no. 13.
JOHN, by þe grace of god Kyng of Inglonde, lorde of Irlonde, Duke of Normandy and of Gien, and Erle of Aungie, to Archie|bisshops bissphos [Sic.] Abbotes Erles Barons Justices Shreves Revys and to all Baylyffes and to his true men helth. Knowe ȝe me to haue [folio 8b] i-graunted, and confermed, to þe church of god and of Saynte Marye of Oseney and to þabbot and chanons þere seruyng god, for our helth and of oures, in-to perpetuell almes, and for þe sowle of Kyng Henry beelesire of my ffadur and for þe sowle of Kyng Henry oure ffadur and of oþer kynnesfolkes, þe church of Saynte George þe which is i-set in þe castell of Oxonford, with all his pertinences, þat is to say þe church of Saynte Mary Mawdelen þe which is in þe strete with-oute þe Northȝate, and þe londe of Walton [Marginal note: 'Walton.'] of both sides of þe waye by þe which men goth fro Walton to þe castell (as Walter Archedecon hit helde), and þe londe of Cudeslawe, and of Couelay (with þe church), and þe londe of Stowe and of Morton (with þe church and Chapell), And þe londe of Worton, and of Sanforde, and ij. hides of Ernycote, with all other þynges to þe same church perteynyng, In tithis In men In howses In londes And Medes and ffedynges In woode In playne, As þe forsaide church held fro þe tyme of þem þe which hit foundid and as þe Modur of our ffadur the lady themperice and Kyng Henry our fadur hit to þem graunted and with his charter confermed. Wherefore we will and Surely commaunde þat þe forsaide church and Chanons þe forsaide holdes ['predictas tenaturas.'] have
