The English register of Oseney abbey / by Oxford, written about 1460. Ed., with an introduction and indexes, by Andrew Clark.

[150.]

1247, June. Surrender to Oseney, by Henry of Barton, of two yard|lands in Barton and Rousham, subject to 13s. 4d. quit-rent to his manor, Oseney con|ceding him commemo|ration in the con|ventual prayers.

THIS is a finall concorde i-made In the Cowrte of owr lorde the Kyng at oxonford, fro the Daye of þe Holy trinite in-to the xv. Daies, In the ȝere of the Reyne of Kynge Henry the soone of Kyng John xxxj^o, afore Roger of Turkelby, Gilbert of preston, Master Symonde of Bampton ['de Bautone': read 'Wauton.'] , and John of Cobbe|ham, Justices Journeyng, and other true men of owre lorde the Kyng þenne þere Beyng present, Bitwene John, Abbot of Ose|neye, playner, and Henry of Barton, letter ['impedientem.'] , of two plow-londes with the pertinences in Barton and Rolesham, Whereof plee ['placitum warantie carte.'] of 'warantiȝe of the charter' whas i-summoned Bitwene them in the same cowrte, that is to say, that þ^e same Henry knowlegid to [Omit 'to.'] þe foresaide londe to be the Ryȝght of the same Abbot and of is church of Oseney, þat [In the Latin, 'ut illam quam.' The translator, having taken 'ut' as 'that' (instead of 'as'), had to insert 'þey haue hit' (not in the Latin) to make sense.] that þe which þe same Abbot and the foresaide church hauen þey haue hit of the ȝifte of the saide Henry: to be had and to be holde to þ^e same Abbot and

to his successours and to his church aforesaide, in-to ffre and perpetuell almes for Euer, ȝeldyng þerof ȝerely j. marke of Siluer at ij. termes At Barton, videlicet medietatem, þat is to say, halfe, at þe ffest of Seynte Miȝghell, & the other halfe at þe ffeste of Saynte Miȝghell [Read 'Mary in March,' i.e. Ladyday.] In marche, And Doyng þerof to þe chefe lordes of that ffee all other seruices þe which to þe foresaide londe perteynen. And the same Henry and his heyres schall warantiȝe to þe forsaide Abbot and his successours and to the church a-foresaide þe foresaide londe, with his pertinences, as ffre and his perpetuell almes, By the foresaide seruices, agaynste all men for Euer. And the saide Abbot receyued þe foresaide Henry and his heyres in alle Benefettes and prayers þe which hereafter schall Be Doone In his church aforesaide for Euer.