Page 120
![Scan of Page 120](/cgi/t/text/api/image/cme:AHA2740.0001.001:00000188/full/!250,250/0/default.jpg)
[141.]
1284/5, Jan. Confirma|tion to Oseney, by John (II) of St. John, of a mill & 5 yardlands at Weston|on-the Green, of Steeple Barton rectory, and of all his pre|decessors' grants,
TO all men this writyng to se or to hire, John of Seynte John, lorde of more Barton, helth. Knowe ȝe me to haue relesid and vtturly to haue quite-claymed, for me and my heyres and myne assynes, to god and to þe church of Seynte marye of Oseney and to þe chanons þere seruyng god, all the ryȝght and clayme that I had, or in any maner wise myȝght haue, (in the [Omit the bracketed words, repeated in error from above.] ryȝght and clayme) in the [Read 'a.'] Mille, and v. ȝerdes of londe, with all the pertinences, in the town of Weston [Name noted in margin.] with-oute Burcetur [Bicester.] , þe which is i-called Symones londe. I haue i-grauntid also and confermed, for me and my heyres and myne assynes for Euer, to þe saide church and chanons, the church of more Barton, the which they haue in-to propur vsis, with all here pertinences, and also all maner tenementis, with all possessions and fredoms, the which they haue of ȝiftes and confermynges of myne aun|ceturs: to be had and to be holde, in-to free and perpetuell almes, so that nother I, nother myne assynes, nother noone in owre name, oony ryȝght or clayme in the fore-put thynges hereafter may axe or chalenge. In-to witnesse of the which, to this present writyng my seele I haue put to. These witnesses, Sire Richard Willamscote [Of Kiddington, Sheriff of Oxfordshire this year.] , et cetera.
This ['Nota' in margin.] writyng was i-made afore sir Salomon of Rowchester and his felaw Justices Jurneyng in oxforde-schire, after the fest of Saynte Hillarye in the ȝere of the rayne of Kyng Edwarde the Soone of Kyng Henry xiijo.