The English register of Oseney abbey / by Oxford, written about 1460. Ed., with an introduction and indexes, by Andrew Clark.

[120.]

1257, Oct. Suit by which Oseney received from Eus|tace son of Ralph, the property in no. 119, paying a 'sparhauke sowre.'

THIS is þ^e ffinall acorde i-maade In the Kynges Courte at Westmynster, fro þ^e day of Seynt Miȝghell in-to þe xv. day In þe ȝere off þe reyne of Kyng Henry þ^e soone of Kyng John xlj., afore Henry of Bathe and Robert Brywes, Justices, and oþer true men of þe Kynges þenne þere beyng present, bitwene Richard, Abbot of Osney, playnyng, by William lech i-sette in his stede to gete or to lese, and Eustach ffiȝt Raph of Hensinton, deforcyng, of j. mese, j. tofte, xlj. acris of londe, and ij. acris of mede with þe pertinences In Hensinton [Marginal note:—'Hensyngton.'] , Where-of a ['placitum conventionis summonitum fuit.'] plee of Couenaunte was i-sumned Bitwene þeme in þ^e same Courte: þat is to say, that the forsaide Eustach knowlechid all þe forsaide tenement with þ^e pertinences to be þe ryȝght of the same Abbot and of his church of Osney, þat þe saide abbot and his church hauen of þe ȝifte of the fforsaide Eustach, to be had and to be holde, to þe same Abbot and to his successours and to his church aforsaide, of the chefe lordis of that ffee ffor Euer, doyng þerof all seruices the which perteynyn to þe forsaide tenement. And for this Recognicion, ffine and acorde þe same Abbot ȝafe ['dedit . . . unum spervarium sorum.'] to þ^e fforsaide Eustach j. sparhauke Sowre, et cetera.