[118.] A [An obscure marginal note says:—'A charter; nota pro nigro.'] charter of Symon Scorchebef ffiȝt Geffrey Scorchebeff of Shipton.
About 1255. Grant to Oseney, by Simon Scorchebef, of the rent|charge of 7s. (as in no. 117*) over 4 yardlands, with all other feudal superiori|ties.
[KNOW [Added from the Latin.] all men, et cetera. that I Simon Scorchebef, et cetera.] At the Instance of Water Shipton, Chapleyne, for my helth and of myne, ȝafe and grauntid and with this present charter confermyd, for me and my heyres for Euer, to god and to þe church of Seynt marye off Oseney, in-to ffre pure and perpetuell almes, vij. s. off rent in Hensynton ȝerly to be take In the ffest of Seynt Martine at Osney of iiij. ȝerdis of londe þe which Eustache meyllour, Richard Spenser, Symon Cat, Geffrey Miller, Helewise þe relicte of William ffrankelyne, sumtyme helden in Hensynton, with homage and seruice of þe same and of here heyres, and what of Ryȝght In them or In þere tene|mentes I had or myȝght have, without oony withholdyng to me or to my heyres: to be holde and to be had, to þe saide chanons, of me and off my heyres for Euer, well and In peece, ffrely & quietly fro all seculer seruice exaccion and Demaunde. And I Symon and my heyres all the forsaide thynges to þe forsaide chanons for Euer shall warantiȝe agaynste all men and women: and if perauenture, by oony case happenyng to them, þe forsaide thynges we may not warantiȝe we shall make an Escaunge in Shipton of my londe to þe value of vij. s. of Rent. And that this my ȝift, et cetera.