About 1300? Grant to Godstow, by William Blundus, of 18d. rent|charge, with the re|versionary rights con|ferred by it.
THE sentence of þis chartur is, þat william blundus ['William son of Blondes' in Wigram's Cartulary of St. Frideswide, ii. 229.] of faufelore gaf, grauntid, & confirmid, to þe howse of Godestowe & to þe holi minchons þere seruinge god, for þe helþe of his sowle & of þe sowlis of his aunceturs & successours, in-to pur & perpetuel almis, xviij. d of yerli rente at to termis of þe yere, þat is to sei, et Mihelmas ix. d, & at oure ladi-dai in marche ix. d, to be take of a tenement with his pertinences þat henri þe sone of henri vlger sum-time helde of him in þe towne of faufelore, with all fredoms & eschetes þat miht falle of the fore|seide tenement with þe pertinences to him or to his heires, to be had & to be hold, freli & quietli pesibli & holli. Also þe seide william & his heiris warantiȝed & defendid for euir þe fore|seide rente of xviij. d, with all liberteis & eschetes þat miht [folio XXXVIIIb(48b)] falle to him & to his heiris of þe fore-seide tenement with his pertinences: & þat all þese þinges a-fore-seide sholde be sure & stable for euir, he sette to þis writinge his seele: & is with|oute date.
About 1300? Grant to Henry Ulger, by William Blundus, of a messuage, subject to the rent|charge to Godstow, as in no. 443.
THE sentence of þis chartur is, þat william blundus of faufe|lore gaf grauntid & confirmid to henri fitȝ henri vlger, for his homage & seruice, a mese with þe pertinences þat humfrei malon sum-time helde in þe towne of faufelore, & halfe j. akir of mede in la more þat lieth bitwene þe londe of Raph Danuers of j. parte & þe londe of Gunnilde widowe of þe oþer parte, to be had & to be holde, of him & of his heiris, to him & to his heiris, freli & quietli, fulli & holli, pesibli and worshipfulli, in weijs & bipatthis, in medis & pasturis, & in all oþer placis, with all liberteis & free customs, painge þerof yerli to þe howse of
