The english register of Godstow nunnery, near Oxford : written about 1450 / edited with an introduction by Andrew Clark.

DINTON

[NOTE.—In pope Nicholas IV's Taxatio Ecclesiastica, 1291, the Godstow properties at Dinton and Little Missenden are put together as being in Wendover rural deanery, and are estimated to be worth £1 7s. 8d. yearly. At the dissolution, 1540, Godstow received (Monast. iv. 374) from 'Donyngton' rectory and the yardland at Ford £16 10s. yearly, and paid 2s. quit-rent to the earl of Huntingdon, and 8s. 5d. to the poor, by doles at St. Thomas the Apostle and Easter. The deeds relating to the hamlet of Ford are given under its own name.]

[folio XXVb(36b)] Chartur of Aliȝ of Mynchonsey of iij acris in doninton.

About 1170. Grant to St. Peter's church, Dinton, by Agnes of Myn|chonsey, of three acres, and the tithe of hay.

THE sentence of þis chartur is, þat Aliȝ [Agnes de Monte Canisio, or de Mun|chenesei, a great benefactress to Oseney (Rev. H. Salter).] , þe dowhter of pagane þe sone of Iohn, gaf & grauntid, to god & to þe churche of seint petur of doninton, iij. acris of londe of her lordshippe, þe whyche lien vppon Ackenham nihe [folio XXVb(36b)] þe londe þat was bawdewyne fraunces, & all þe tithe of all her hei of doninton, in-to pure & fre & perpetuel almis, for the helthe of her sowle & of all her aunceturs: & þat her gifte sholde not be reuokyd a-geine, she strengthid hit with her writinge, & with her seele: & is with-oute date.

[folio XXVb(36b)] Chartur of Anneis of Mynchonsy þe dowhter of pagane þe sone of Iohn of a winde-mille in donynton.

About 1180. Grant to Godstow, by Agnes of Myn|chonsey, of a wind|mill and four acres.

THE sentence of þis chartur is, þat agneis [Agnes de Monte Canisio, or de Mun|chenesei, a great benefactress to Oseney (Rev. H. Salter).] , þe dowhter of pagane þe son of Iohn, for þe helþe of his ['his' should be 'her.' The translator often makes this mistake in charters where a lady is the donor.] sowle & for þe helþe of all his ['his' should be 'her.' The translator often makes this mistake in charters where a lady is the donor.] aunceturs & of all his ['his' should be 'her.' The translator often makes this mistake in charters where a lady is the donor.] heiris, gaf & grauntid, in-to pure & fre & perpetuel almis, to god & to þe churche of our lady & of seint Iohn baptiste of Godestowe, & to þ^e Mynchons ther seruinge god, his [Agnes de Monte Canisio, or de Mun|chenesei, a great benefactress to Oseney (Rev. H. Salter).] winde-mille þat stondit vppon hoge wiþ-oute

þe towne of doninton, nyhe þe hy wei þe whiche strecchith fro Oxenford toward Alisburi, & iiij. acris of his [i. e. her.] londe þat bin next to þe wei & to þe mille & strecchen fro þe mille toward þe est, to be had for euir & to be hold, freli & quietli fro all seculer seruice: & þat her graunt shold be sure & sad ['Coram viris honestis fide confirmavit.'] , she strengthid hit with her seele & is with-oute date.

[folio XXV(36)] A Chartur of agnes the dowhter of Pagane of þe churche of donington.

About 1180. Grant to Godstow, by Agnes of Mynchon|sey, of the rectory of Dinton, for endow|ment of the infirmary at Godstow, with a re|quest for a cell of Godstow at Dinton.

THE sentence of þis chartur is, þat agnes, þe dowhtur of pagane þe sone of Iohn, gaf & grauntid, to god & to þe churche of oure lady & of seint Iohn baptiste of Godestowe & to þe holi minchons þere seruinge god, nameliche to þe susteininge of seke mynchons of þe infirmarie [¶ for seke mynchons, note in margin.] , for þe helþe of þ^e sowle of lorde henri kynge & of his sonis & of his grauntesire kynge henri & for þe helth of his [i. e. her.] owne sowle & of his [i. e. her.] predecessours & of his [i. e. her.] successours, his [i. e. her.] churche of donington, in-to perpetuell almis, fre & quiete fro all seculer seruice & exaccon, with all his pertinences, in tithis & offeringis, in londis & medis & pasturis. He [i. e. She.] grauntid also to þe foreseide holi minchons, if hit plesid god & þe Abbas of þe churche of Godestowe & to all þe couent, an howse of her profession to be sette in þe foreseide donington: & is with-oute date.

An oþer chartur of donington.

About 1180. The grant to Godstow, by Agnes of Mynchon|sey, of the rectory of Dinton (no. 52) is sub|ject to the life interest of the in|cumbent, who is to pay God|stow a pension of £6 13s. 4d. yearly. Request for a cell of Godstow at Dinton.

THE sentence of this chartur is, þat annes, þe dowhtur of pagane þe [folio XXVb(36b)] sone of Iohn, gaf & grauntid þe churche of doninton [MS. 'dominton.'] , with all his pertinences, to þe Infirmarie of Godestowe to susteine seke minchons, in-to perpetuel almis & quiete fro all ertheli seruice, vndur this condicion þat Bartholmewe þe clerke, þe sone of Iohn clerke, sholde holde þe fore-seide church in-to a perpetuel vicariage, þat is to sei, in medis in pasturis & in londis, in tithis & in offeringes, & in all þinges perteininge to þe same churche, painge yerli to þe fore-seide minchons x. mark of siluer at iiij. termis, at cristemas, ij. marke & j halfe; at estur, ij. marke & j halfe; at þ^e fest of petur & poule, ij. marke

& j halfe; & at Mihelmas, ij. marke & j halfe: & þe fore-namid Bartholmewe sware & confirmid a-fore honest men, by his trowthe, þat he sholde finde þe sonys & þe dowhters of Iohn clerke his broþer aftur his power & aftur þat his goode miht suffise: &, aftur þ^e decese of þe fore-namid Bartholomew, þe fore-namid churche shold bide vtturli quite to the fore-seide minchons. Also if þe abbas & þ^e conuent of þe churche of Godestowe wolde make an abbey þat minchons shold dwell þere, if þei sawe þat hit were to þe profite & availe of all þe couent: and is wyth-oute date.

[folio XXVI(37)] The institucion of doninton bi Robert Archi|decun of Bukingeham.

About 1180. Confirma|tion to Godstow, by Robert (of Burn|ham), arch|deacon of Bucking|ham, of no. 52.

THE sentence of this institucion is, þat Robert, archedecun of bukingham, willid to be know, to all pepull at þat time & þat were to come afterward, þat he had laufulli institute, & sette in, þe abbas of Godestowe, & all þe Couent of the same place, in þe churche of Doninton & in all his pertinences, & þat at þe peticion, axinge, and presentacion, of anneis of Minchonsey: & þat þis institucion sholde be ferme & sure, he confirmid hit with his seele & writinge.

Chartur of Raph of Mynchonsey of þe churche of doninton.

About 1180. Confirma|tion to Godstow, by Ralph of Mynchon|sey, of his mother's gift, as in no. 52.

THE sentence of þis writinge is, þat raph of Minchonsei gaf & grauntid, & confirmid with his writinge, to god & to þe churche of our lady & of seint Iohn baptiste of Godestowe & to þe minchons þere seruinge god, þe churche of doninton, with all his pertinences, in-to perpetuell almis, fre & quiete fro all seculer seruice & exaccion, as anneis hir modur gaf & grauntid to þe foreseid Minchons, & as hir writinge wittnessith: & is with-oute date.

[folio XXXIX(49)] Chartur bitwene hugh aldrede of forde & william helie.

About 1330. Sale to William Helie, by Hugh Aldred, of 2½ acres, described in half-acre strips. Quit-rent, 5^d.

THE sentence of þis chartur is, þat hugh aldred of forde gaf, grauntid, & confirmid, to william helie, for his homage & seruice, ij. acris & j half of his arable londe with all his pertinences,

liinge in þe bowndis of þe towne of donington: where-of j halfe acre lieth of þe weste side of þe gardine of þe courte of donington, bitwene þe londe of william hirke of þe sowþe side & þe londe of walter bisshopiston of þe norþe side, & strecchithe him-selfe towarde þe west in-to þe forowe of wature kniht & towarde þe est in la grene diche of þe west side of þe fore-seide gardine; & j acre liethe vppon goshei of þe weste parte, bitwene þe londe of Robert blake of þe sowthe parte & þe londe þat was of Gefrei burgeis of þe northe parte, & strecchithe him-selfe in-to þe kinges wei toward þe est, & j halfe acre of þe same acre more sowther strecchithe in-to þe forowe of edithe blakistan & an|oþer halfe acre more northe strecchiþe him-selfe in-to þe forowe of william paumer; & j halfe acre strecchith him-selfe in lengthe vppon þe hill fro þe felde of hedenham vn-to þe londe þat Richard albod helde toward þe est, & liethe in brede bitwene þe londe þat Richard cniht helde & þe londe þat Thomas fitȝ Godwine helde; & j halfe acre strecchith him-self in lengthe fro þe londe þat Robert dunston helde vn-to þe wei þat ledith to hedenham, & liethe in brede bitwene þe tenement þat william hirk hilde & þe arable londe of þe fore-seide william hirke: to be had & to be hold, of him & of his heiris, to þe fore-seide william of heilei & to his heiris or to whom-so-euir or whenne|þat-euir he wolde gif, biqueþe, selle, or assine hit for riht heritage, freli quietli pesibli & holli for euire, painge þerof yerli to him & to his heiris v. d of siluer at iiij. termis of þe yere, þat is to sei, at mihelmas j d qua., at martinmas j d qua., at cristemas j d qua., and at estur I-flowrid j d qua., for all seruices customs & demaundis: & for þis gifte graunt & confirmacion þe fore|seide william heilei gaf to him xl. shillings of siluer in warison: & þe fore-seide hugh aldred & his heiris warantiȝid acquitid & defendid þe fore-seide ij. acris & j halfe of arable londe with all his pertinences to þe fore-seide william heilei, & to his hei [folio XXXIXb(49b)] ris or to his assinis, ageiniste all men liuinge for euir, bi þe fore|seide seruice. In-to witnes þer-of he sette to his seele: & is with-oute date.