The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.

47 [Clement.] [folio 141]

                  
                    SEint Clement was I-bore at Rome : I-furn bi olde dawe.
                  
                    Of þe hexte men he was i-come : þa[t] weren in þulke lawe.
                  
                    his Moder hiet Macidiane : his fader Faustinian.
                  
                    Twei breþren he hadde, eldore þane he : heore namen ich telle kan :
                  
                    Þat on hiet Faust, þat oþur Faustyn : twynnes boþe huy were;
                    Line 5 
                  
                    Fader and moder weren glade of heom : þat heom bi-ȝete and bere.
                  
                    Swiþe fair womman heore Moder [added later.]  was : þe faireste þat Men wuste;
                  
                    hire louerd heo louede treweliche— : non-oþur of heom men nuste.

                    Line 8

Page 323

                  
                    Line 8 
                  
                    For hire fair-hede hire louerdes broþer : fondede with al [overlined.]  is miȝte
                  
                    To bringue hire in fole loue : bi daiȝe and eke bi nyȝte.
                  
                    Þis guode womman was [MS. wast]  studefast : he nolde nouȝt don is wille;
                  
                    Ake euere Ansuerede him fayre i-nov : and bar hire faire and stille.
                    Line 12 
                  
                    he of-souȝte hire so swiþe : þat no pais heo nadde.
                  
                    heo nust[e] ȝwat was hire beste red : ake sore of him heo dradde,
                  
                    And þouȝte ȝif heo tolde hire louerd fore : þat he wolde beo wroth
                  
                    And þe more hatie is broþer— : þat were hire swiþe loth.
                    Line 16 
                  
                    heo þouȝte hou heo miȝte on take : þat heo ane ȝwyle nere
                  
                    Ovt of is siȝte in oþur stude : þat heo fur-ȝite were.
                  
                    heo hire bi-þouȝte of one quoyntise : þat to hire louerd heo seide. [MS. leide?] 
                  
                    A niȝt In hire bed heo bi-gan to sike : ase þei heo of slepe a-breyde :
                  
                    "A, sire," heo seide, "merci, þin ore! : ich am in grete drede :
                    Line 21 
                  
                    An hard metingue me hath i-mat : I-not ȝwat me is to rede :
                  
                    Me þouȝte þat on of ovre godes : cam here bi-fore þe
                  
                    And hiet me greiþi hastifueliche : mine twei sones and me
                    Line 24 
                  
                    And wiende with hem and wonie : feor In an oþur londe,
                  
                    For-to ich oþur [MS. oþur oþur]  heste hadde : of him oþur is sonde;
                  
                    And bote ȝif ich sone dude so : he swor with grete oþe,
                  
                    To luþere deþe he wolde do : us and ore children boþe.
                    Line 28 
                  
                    Þare-fore, sire, bi-þench þe wel : ȝwat þar-of þov wolt rede :
                  
                    For bote it beo sone ido : for-soþe we beoth dede."
                  
                    Þis guode Man [overlined.]  lai in grete care : And þene deth sore he dradde,
                  
                    bi-þouȝte him strete In swuche neode : þene beste red he radde :
                    Line 32 
                  
                    "Dame," he seide, "ȝwane it is so : to schilden us fram care
                  
                    Þov schalt nime þine twei sones : a[n] to [MS. ato]  Atenes fare.
                  
                    Þov schalt habbe with þe men I-nowe : And tresor al-so.
                  
                    Þov schalt, ȝwane þou þudere comest : þine sones to lore do,
                    Line 36 
                  
                    Þat huy leornien of clergie. : and ȝwan ore god þe sent tokningue
                  
                    For-to comen hom a-ȝein : þov schalt heom with þe bringue."

                  
                    Glad was þo þis guode wijf : of þat leoue rede.
                  
                    heo greiþede hire and wende forth : ase hire louerd sede :
                    Line 40 
                  
                    heo gan hire twei sones : toward atenes lede.
                  
                    Ake seint clement athom with is fader : bi-lefde, for ȝong-hede,
                  
                    For he was onneþes fif ȝer old : and for þat he scholde beo
                  
                    his fader solas, and [al. om.]  for he nadde : bote childrene þreo.—

                    Line 44

Page 324

                  
                    Line 44 
                  
                    Þo þis guode wijf was forth i-went : and hire louerdes broþer it wuste
                  
                    Þat hire louede in fole loue : no red þar-of he nuste;
                  
                    ¶ For wrathþe to is broþur he seide : "sire, hov geth þis?
                  
                    Is þi wijf fram þe I-went? : heo is strong hore, i-wis.
                    Line 48 
                  
                    heo haueth me wel longue i-loued : ne [r. no]  leng hele ich ne may,
                  
                    And to bringue me in fole dede : heo fonde[de] [MS. fonde]  niȝt and day;
                  
                    Onneþe ich me miȝte with hire wite : for, siker, i-nolde it do,
                  
                    For sunne, ne for þe loue of þe : ne for mi treovnesse al-so.
                    Line 52 
                  
                    Anon so heo it onder-ȝat : þat i-nolde don hire wille,
                  
                    On of þine hynene heo louede : In folie wel stille,
                  
                    Þat hath bi hire wel ofte i-leie. : ake, þat þov it ne onder-ȝete,
                  
                    heo þouȝte hov heo miȝte with him beo— : for heo nolde him nouȝt lete :
                    Line 56 
                  
                    Þare-fore heo þouȝte ane feolle wrench : of wommanes kuynde lore,
                  
                    And is i-go with hire copiner : þov ne sixt hire nonmore.
                  
                    For ofte men seggez, and soth it is : þat þis wommen beoth
                  
                    Feolle and false, and þat [al. om.]  me for-þinchez : þat we þe soþe i-seoth."
                    Line 60 
                  
                    Sori was þis guode Man : þo he heorde þis,
                  
                    Þat his wijf, þat he louede muche : scholde so don a-mis,
                  
                    Ant þat heo was so fram him i-went : and þat heo ne bi-lefde bi-hinde
                  
                    his sones, þat him so leoue weren : ne he nuste ȝware heom finde.
                  
                    After he wolde habbe i-went : ake he ne dorste for care
                  
                    Of cleme[n]te, is ȝongue sone : laste he scholde for-fare. [al. 2 vv. more.] —
                  
                    Forth wende þis wijf with hire sones : ase god hire wolde sende.
                  
                    In scipe heo dude hire in þe se : in-to an oþur londe to wende. [folio 142] 
                    Line 68 
                  
                    A-midde þe se a-ȝein ane roche : þat schip bi-gan to glide,
                  
                    Þat it alto-drof, and huy fullen out : euer-ech in is side.
                  
                    A wawe þare cam of þe se : þoru ore louerdes sonde,
                  
                    And caste þis guode wijf al quik : a-non-riȝt to þe londe.
                    Line 72 
                  
                    A-non so heo was up i-cast : and to hire riȝte witte cam,
                  
                    And miste hire twei leoue sones : gret deol to hire heo nam;
                  
                    Into þe se heo wolde habbe i-lope : hire-seolf for-to a-drenche,
                  
                    Ȝif it nadde i-beo for grete hope : of þing þat heo gan þenche :
                    Line 76 
                  
                    Þat þe se wolde some tyme : hire sones to londe caste—
                  
                    For men seggez heo wole ech ded þing : weorpen up atþe laste;
                  
                    hadde heo enes heore bodies i-seiȝe : hire þouȝte þat heo ne rouȝte.

Page 325

                  
                    Wide and longue heo ȝeode a-boute : and heore bodies souȝte.
                    Line 80 
                  
                    Þo heo ne miȝte heom finde : heo ȝal and weop ful sore,
                  
                    heo drovȝ of hire tressene and caste a-wei : for heo ne hopede to heom nonmore,
                  
                    hire hondene heo wrong and to-gnovȝ : þat flesch, riȝt to þe bone,
                  
                    And al-to-gnovȝ þe senewes : and made ful sori mone.
                    Line 84 
                  
                    heo orn ase heo witles were : a-boute in-to al þe londe.
                  
                    Wimmen [MS. wumnen]  hadden of hire gret revþe : þat heo to [al. om.] -gnov so hire honde,
                  
                    And fondeden ȝeorne to conforti hire : ake huy alle ne miȝten make
                  
                    Þat heo wolde into hire heorte : ani gladnesse take.
                    Line 88 
                  
                    Into a wommanes hous heo cam : þat longue was bedrede,
                  
                    Þat gret revþe hadde þo heo i-heorde : hire so weope and grede :
                  
                    heo confortede hire, ȝwat so heo miȝte : and made hire bi-leue
                    Line 91 
                  
                    with hire aldai, with glad semblaunt : for-to it was neiȝ eue.
                  
                    So heo confortede þis guode wijf : þat heo bi-lefte þare at [at superscr.]  Inne,
                  
                    Mid [MS. And, al. And mid]  weorke of hire hondene : hire liflode for [al. gan] -to winne,
                  
                    With spinningue and with sevwyngue : þat heo wel couþe do;
                  
                    Þare-with heo fedde hire swiþe wel : and hire ostesse al-so.
                    Line 96 
                  
                    Sone þare-after þe senewes : of hire hondene bi-gonne to schrinke,
                  
                    For heo heom hadde er so for-gnawe— : þat heo ne miȝte non-more swinke;
                  
                    So þat heo ne miȝte i-welde : noþur Arm ne honde
                  
                    to pulte enes mete to hire mouth : ase hit was godes sonde.
                    Line 100 
                  
                    Þat deol þat heo made [þo] : no tongue it telle may.
                  
                    "Alas," heo seide, "þus longue i-leoued : and þat ich euere a-bod þis day!
                  
                    For more sorewe þane me is on : neuere womman ne hadde.
                  
                    Þe Ioye of mi louerd furst i for-les : for sunne þat ich dradde,
                    Line 104 
                  
                    And bi-lefde clement mi ȝongue : þat me was so leof, i-wis;
                  
                    And sethþe les mine tweie sones in þe se : þat weren al mi blis;
                  
                    And al one fram mine freond : þus feor in one-couþe londe
                  
                    Mit deol and soruwe ich habbe i-leoued : þoruȝ swunch of mine honde :
                    Line 108 
                  
                    Novþe mine hondene me beoth bi-nome : þat I-ne may heom enes wawe.
                  
                    Alas, þus longue in care i-leoued : þat i-nere i-brouȝt of lijf-dawe!"

Page 326

                  
                    Þat deol þat heo made : revþe it was to telle;
                  
                    Ofte heo was ope þe pointe : hire-sulf for-to a-quelle.
                    Line 112 
                  
                     [folio 142b] Fram dore to dore hire mete heo bad : and with þat he miȝte I-winne,
                  
                    heo fedde hire-sulf and hire hostesse : ȝwane heo cam to hire Inne.—

                  
                    HIre louerd athom aftur hire : of-longet was wel sore,
                  
                    And sente men to sechen hire : ake huy ne comen a-ȝein nonmore.
                    Line 116 
                  
                    Oþere he sente into al þat lond : and þo huy hadden longue i-souȝt,
                  
                    huy comen a-ȝein and tolden him : þat huy ne miȝten hire finde nouȝt.
                  
                    Þo gan he Clement, is ȝongue sone : In-to guode warde take,
                  
                    And wend him-sulf into al þat lond : forto sechen is make.
                    Line 120 
                  
                    he ne cam neuer-eft hom a-ȝein— : wel wide he hire souȝte,
                  
                    And ȝeode a-boute and bad is mete : þat of is lijf he ne rouȝte.
                  
                    ¶ Twenti ȝer he bad is mete : and is wijf ȝeot wel mo.
                  
                    he ful into feblesse of elde : þat vnneþe he miȝte go. [al. 2 vv. more.] 
                  
                    Seint clement, þis ȝongue child : to clergie was i-do;
                    Line 125 
                  
                    he i-werth sone a gret clerk : quoynte and guod al-so.
                  
                    Þoruȝ his clergie him þouȝte : þat heore lawe nas nauȝt:
                  
                    he wilnede muche to wyten of god : ȝif ani man him hadde i-tauȝt.

                  
                    HIt bi-feol þat seint Barnabe : Into Rome cam,
                    Line 129 
                  
                    And clement hyne heorde a day : prechi of cristinedom:
                  
                    So þat of þis holie Apostle : he lette him cristni a-non,
                  
                    And bi-cam þe beste prechur : þat miȝte on eorþe gon.
                    Line 132 
                  
                    he heorde telle of seint peter : þat In þe londe of Iudee was:
                  
                    Are he to him were I-come : glad ne bliþe he nas:
                  
                    he bi-cam is o desciple : and a-boute with him wende
                  
                    For-to prechie cristine-dom : þoruȝ wit þat god him sende.
                    Line 136

                  
                    Symon Magus, þe luþere Man : ȝeode in Ane oþur londe,
                  
                    To prechi aȝein Cristinedom : þoruȝ þe deoueles sonde.
                  
                    Tweie desciples he hadde with him : þat, þo huy onder-ȝete
                  
                    Þe falshede þat with him was : huy gonne him sone for-lete;
                    Line 140 
                  
                    To seint peter huy wenden a-non : and his desciples bi-come.
                  
                    glad was seint peter of heom : and þonkede god i-lome.

                  
                    SEint Clement tolde a day : to seint peter wel stille
                  
                    hov hit of is freond bi-feol : as it was godes wille,
                    Line 144 
                  
                    And al-hov is Moder ȝeode a-wei : with is breþren tweie,

Page 327

                  
                    Þat he wende þat huy a-dronke weren : oþur i-storue bi þe weie,
                  
                    And hov is fader wende to sechen heom : þo he ne saiȝ oþur red;
                  
                    And [he] [om.]  wende þat he were a-dreint : oþur for deole ded;
                    Line 148 
                  
                    And hov frendles he was op i-brouȝt : Into [al. & to]  swyche lore.
                  
                    Þo seint peter i-heorde þis : he gan to weope sore.—
                  
                    Ase seint petur ȝeode a dai : prechinde ouer lond,
                  
                    Ane womman, þat him þouȝte gent and freo : In grete miseise he fond,
                    Line 152 
                  
                    Ȝware heo ȝeode and bad hire mete. : he Axede hire a-non
                  
                    Ȝwy heo ne miȝte hire mete I-winne : and ȝwy heo wolde so gon.

                  
                    ÞIs womman seide, "swuch day was : Ich couþe minne mete I|winne,
                  
                    Ake nouþe mine hondene me beoth bi-nome : þat Ine may sevwy ne spinne.
                    Line 156 
                  
                    More sorewe þane me is on : neuere nas i-founde;
                  
                    Alas þat ich nadde me a-dreint : a-wei, þat ilke stounde!" [folio 143] 
                  
                    ¶ "Womman," seide seint peter þo : "folliche þov dest telle:
                  
                    For þe Man þat him-seolfue a-slowe : his soule scholde into helle."
                  
                    "Sire," heo seide, "wuste ich þe soþe : þat soulene libbe scholde
                  
                    After þusse liue, I-nolde bi-leue : þat me-seolf a-quelle i-nolde,
                  
                    Þat Ich miȝte one stounde : mine sones i-seo;
                  
                    I-ne rouȝte sethþe, þei ich scholde : euer-eft in helle beo.
                    Line 164 
                  
                    For mi louerd and mi [overlined.]  ȝongore sone : ich [MS. þat ich]  bi-lefte at rome
                  
                    And wende forth with mine tweie sones : ake þo we in þe se come,
                  
                    Þat schip brak, and mine leoue sones : ne miȝten neuereft beo i|founde;
                  
                    Ake me heo caste to londe al quik : allas þulke stounde!
                    Line 168 
                  
                    Ine mai for feblesse wende a-ȝein : ne Ine habbe no man þat me lede,
                  
                    And not ȝweþer mi louerd and mi ȝongue sone : beon quike oþur dede."

                  
                    "Clement," seide seint peter : "þat min o desciple nouþe is,
                  
                    Seith þat is fader and is moder : þis cas bi-feollen, [al. bifel]  i-wis."
                  
                    Þis womman feol a-don i-swowe : þo heo i-heorde þis.
                  
                    Þo heo a-ros, heo cride ȝeorne : and weop for Ioie and blis,
                    Line 174 
                  
                    And seide, "sire, þat is mi sone. : tech me ȝware he beo!
                  
                    Ine wilne mi lijf no leng to habbe : bote þat ich him enes i-seo."

Page 328

                  
                    Seint peter seide, "cum forth with me : to him ichulle þe lede.
                  
                    Ake ne beo þov nouȝt a-knowe to him : erore þane ich þe rede."
                    Line 178 
                  
                    he nam þis wommane bi þe hond : and to hire sone hire brouȝte.
                  
                    Þo seint Clement i-saiȝ him lede ane womman : vuel bi him he þouȝte,
                  
                    And seide, "nouþe In þine olde liue : woltþou with wommane beo?"
                  
                    So wroth he was þat vnneþe he wolde : toward him bi-seo.
                    Line 182 
                  
                    ¶ Þis guode wijf stod bi hire sone : heo ne miȝte for-bere non-more,
                  
                    heo bi-cluppte him faste and custe a-non : for Ioye heo weop ful sore.
                  
                    hire hondene þat hire weren bi-nome : anon-riȝt hole huy were,
                  
                    For Ioye, and for grete vertue : of þe holie men þere.
                    Line 186

                  
                    SEint Clement was wroth with hire : for heo bi-clupte him and custe, [MS. clupte] 
                  
                    And in grete wrathþe hire pulte a-wei : and to þe grounde upriȝt þruste.
                  
                    "Clement," seide seint peter þo : "darstþov þine moder pulte?
                  
                    Þov cri hire Merci and lat þe schriue : for þine foule gulte!"
                    Line 190 
                  
                    "Louerd," seide seint cleme[n]t [þo] : "ȝweþur þis mi moder beo?
                  
                    Louerd, i-hered beo þi miȝte : þat ich moste þis day i-seo!"
                  
                    To is moder he ful a-doun : and bi-clupte hire and custe.
                  
                    Welle, þe Ioye þat þare was : þo eiþur of oþur wuste!
                    Line 194 
                  
                    Þis wyf seide, "leoue sone, þin ore : ȝweþur þi fader a-liue beo?"
                  
                    "Certes, moder," he seide, "i-not : Ine wene neuer-eft him i-seo.
                  
                    Twenti ȝer it is ago : þat he After þe i-wende,
                    Line 197 
                  
                    Þat neuer-eft Ine heorde word of him : ne he ne cam ne sende."
                  
                    Þis guode wyf bi-gan to weope sore : ake natheles for blisse
                  
                    Of hire sone þat heo hadde I-founde : hire seoruwe heo gan to lisse.

                  
                    Euere stoden bi seint peter : his oþere desciples tweie
                    Line 201 
                  
                    Þat fram symon Magus weren i-come to him : and ȝeorne bi|heolden beie;
                  
                    huy i-heorden hou þis guode wyf tolde : to clemente, hire sone, þere, [folio 143b] 
                  
                    hov hire tweie leoue sones : in þe se a-dreinte were.
                    Line 204 
                  
                    Þo huy hadden þis tale i-heord : huy weren swiþe glad,
                  
                    For Ioye huy stoden ase þei huy weren : witlese oþur [orig.and]  a-mad.

Page 329

                  
                    "louerd," huy seiden, "ȝweþer þis beo soth : þat we i-heorez nouþe telle,
                  
                    oþur us þinchez ase in metingue : oþur in manere of spelle?"
                    Line 208 
                  
                    "hit is soth," seint peter seide : "oþur me þinchez ȝe beoth wode."
                  
                    huy nusten ȝweþur to beon stille oþur speke : bote ase gydie men huy stode.
                  
                    ¶ "Louerd," huy seiden, "here is ore Moder : þat a-dreint was ase we wende,
                  
                    I-hered he beo þat hire hath to liue i-brouȝt : And þat hire to us sende!
                    Line 212 
                  
                    And þis is Clement, ore ȝongue broþur : þat longue hath i-beo ore fere;
                  
                    Nuste we neuere er ȝwat he was : are þoruȝ godes grace nouþe here."
                  
                    Louerd, þe Ioye þat þe[re] was : And þat manie Miȝten i-seo,
                  
                    bi-twene þe guode wyf and hire sones : þe swete breþren þreo!
                    Line 216

                  
                    ÞIs guode wyf axede hire tweye sones : hov huy to liue come.
                  
                    "Dame," huy seiden, "ase god it wolde : a bord of þe schype we nome
                  
                    And þar-on we hienguen, and hit bar us forth : into þe se wel wide.
                  
                    Marineres us token into heore schipe : ase we floten heom bi-side.
                  
                    Are huy us hadden to londe i-brouȝt : huy nolden neuere a-fine.
                    Line 221 
                  
                    To Ane holie wydewe huy solden us : þat hiet dame Iustine;
                  
                    Þat us lokede nesche I-novȝ : as þei we hire sones were,
                  
                    And, god ȝielde it hire! of clergie : heo liet us sone lere.
                    Line 224 
                  
                    So þat we beoth nouþe godes desciples : and with his Apostle here.
                  
                    Ore broþur clement we knoweth nouþe furst : þat ȝare hath i-beon ore fere.
                  
                    And nouþe we beoth here to-gadere come : we mowen i-seo godes miȝte,
                  
                    Þat euere wole mannes ȝwyle ȝelde : þat seruez him with riȝte."
                    Line 228 
                  
                    Ech man wot wel þat þis I-heorth : þey we ne seggen it i-lome,
                  
                    gret Ioye bi-twene heom alle was : þo huy to-gadere come.
                  
                    ¶ þis guode wyf heom tolde of hire hostesse : þat Innede hire bi nyȝte,
                  
                    Þat heo was a guod womman and was bedrade : ȝif huy hire hele miȝten.

                    Line 232

Page 330

232

                  
                    SEint petre hire let fette : and þoruȝ ore louerdes grace
                  
                    Made hire hol, bi-fore al þat folk : anon in þulke place.—
                  
                    Ase seint petre prechede a day : he seide in his prechingue
                    Line 235 
                  
                    Þat, ho-so seruede ore louerd wel : scholde habbe guod endingue.
                  
                    ¶ Þo stod þare op a swiþe old man : his lockes weren ful hore;
                  
                    pouere and stoupinde and miseise. : he bi-gan to siken sore.
                  
                    "gret revþe," he seide, "ich habbe of eov : þat ȝe bi-trayez men so;
                  
                    Ech man bi-fallez ase his ȝwate is : ȝwat-so he euere do.
                    Line 240 
                  
                    ¶ For þei a man swyncke and crie on god : and bidde ȝeorne is bede,
                  
                    him schal bi-falle, guod oþur vuel : ase it is him i-queþe.
                  
                    Þei mani man beo wis and euere swynke : he ne may neuere bate;
                  
                    And þei manie don vuele and euere folie : ȝeot he hath guod ȝwate."
                  
                    ¶ Seint petre hiet þe þreo breþren : þat is desciples were,
                    Line 245 
                  
                    Despuyti aȝein þis olde man : of þat he tolde þere.
                  
                    huy stoden and heore [r]esones [orig. oresones]  seiden : þat ech man scholde a-fongue
                  
                    After þat he wurche wolde : And elles it were with wrongue; [folio 144] 
                    Line 248 
                  
                    "For, ho-so nath no guod, ne swinke nele : ne of porueance beo,
                  
                    Ȝwat-so-euere man beo Iqueþe : he ne may it neuere fleo; [r. i-þeo] 
                  
                    And [ho]-so is wys to winne guod : and wel it witie can,
                  
                    Ȝwat-so-euere is ȝwate beo : he worth riche man.
                    Line 252 
                  
                    For ore louerd wole here and elles-ȝware : ȝelden ane mannes seruise
                  
                    After þat he him-seolf wurche wole : ake aftur ȝwate in none wise."

                  
                    GRet clerk was þis olde Man : he desputede wel faste
                  
                    A-ȝein þe þreo breþren with gret reson. : þat playt wel longue laste.
                    Line 256 
                  
                    Seint Clement was grettest clerk : þare-fore atþenende
                  
                    Maister he was, þoruȝ grace : þat ore louerd him wolde sende.
                  
                    Atþe laste þis olde Man : bi-gan to sike and grone,
                  
                    And seid[e], "wel, icholde i-leue : ower resones ech-one,
                    Line 260 
                  
                    Ȝif I-ne hadde to muche i-fondet : of þinge þat geth bi ȝwate.
                  
                    Alas þulke soruful tyme : for mi confort cometh to late!
                    Line 262 
                  
                    Riche man ich was elles-ȝware : þei ich beo nouþe a wrechche here;
                  
                    Ich hadde þreo ȝoungue children : and a guod wif þat was mi fere.
                  
                    Mine tweie sones heo ladde awei : þo we heom hadden al bi-swonke :
                  
                    Ine heorde neuereft word of heom : Ich wot huy beoth a-dronke.
                  
                    Alle myne freond and al mi guod : Ich bi-lefte me bi-hynde

Page 331

                  
                    And habbe here i-walke in onkovþe londe : ȝif ich heom miȝte i-fynde.
                    Line 268 
                  
                    Mi ȝongeste child ich bi-lefte athom : Ich wene þat he beo ded.
                  
                    Worse ȝwate nadde neuere man : Inot ȝwat is mi red.
                  
                    And ich am, [overlined.] þare no man me ne knoweth : mid miseise ouer-come;
                  
                    honguer and chele hath myne leomes : and elde, me bi-nome.
                    Line 272 
                  
                    Seggez ov-sulf ȝif ȝe euere I-heorden : Ani so deolful cas!
                  
                    ho is þat ne may i-leue : þat luþur ȝwate it nas?"
                  
                    ¶ Þo þis þreo breþren hore fader i-knewen : þoruȝ þat he hadde i-sed,
                  
                    Sturten huy wolden and cussen him. : ake seint petre heom for-bed,
                  
                    And seide, "ȝif ich bringue bi-fore þe i-hole : þine children and þi wijf,
                    Line 277 
                  
                    Woltþov for-hote þine mis-bi-leue : and a-mendi þi lijf
                  
                    And i-leue þat þing [MS. þing þat] comez ase god wole : and no-þing after ȝwate?"
                  
                    "Ȝe, sire," seide þis olde man : "Ake þat worth so wel late.
                  
                    Also ase it neuere ne worth : þat ich i-seo heom alle,
                  
                    And [al. om.] so ne worth hit neuere þat muche þing : nele bi ȝwate falle."
                  
                    ¶ "Lo," seide seint petre þo : "þis beoth þine sones þreo,
                  
                    Þat, for-to bringue þe in godes lawe : plaidiez aȝein þe."
                    Line 284 
                  
                    Þo þis olde Man i-heorde þis : his limes him bere nolde,
                  
                    huy nescheden ase doth wex a-ȝein þe fuyre : And ful a-don on þe molde;
                  
                    he lai al cold with-oute breþe : ase þei he no lyf nadde.
                  
                    his [sones] him clupten a[n]d custen him : sore huy weopen and gradde;
                    Line 288 
                  
                    huy beren him a-boute and bleowen on him : ȝif huy him miȝten in stat bringue.
                  
                    Longue it was are heo miȝten : i-seo of liue : Ani riȝt tokningue.
                  
                    Þo is stat him was i-come : he axede a-non-riȝt þere
                  
                    hov huy weren a-liue forth i-brouȝt : so freondlese ase huy were.
                    Line 292 
                  
                    Euerech tolde in his wise : ore swete louerdes miȝte, [folio 144b] 
                  
                    Þat he on heom i-schewed hadde : ho-so onder-stode þe riȝte.
                  
                    Ase huy tolden of heore lijf : euerech in his side,
                    Line 295 
                  
                    Þis guode wif orn ase heo were wilde : and swiþe loude heo cride:
                  
                    "Ȝware is mi louerd? ȝware is mi spouse? : schewez him me a-non!"
                  
                    huy bi-clupten heom and fullen a-doun : a fote ne miȝten huy gon.

Page 332

                  
                    More Ioye ne miȝte beo i-seiȝe : bi none mannes liue,
                  
                    Þane was, þo huy to-gadere comen : a-mong heom alle fiue.
                    Line 300 
                  
                    here we mouwen alle i-seo : ore swete louerdes miȝte,
                  
                    Þat euere atþenende he wole ȝelde : þe manne þat him seruez with riȝte.—

                  
                    HIt bi-ful þat þe Aumperour : ouer-al sende is sonde,
                    Line 303 
                  
                    Symon Magus, þe luþere man : to sechen him into al þe londe,
                  
                    For-to sleen him, ho-so him miȝte I-finde : al for his luþer-hede.
                  
                    And þo symon Magus i-heorde þar-of : he was in grete drede.
                  
                    On feolonie he þouȝte for wrathþe : of þe breþren tweie,
                  
                    Faust and Faustin, þat weren with him : and departed fram him beiȝe.
                    Line 308 
                  
                    bi hore fader he cam a day : ase þe deuel him gan lere,
                  
                    And caste on him is owene fourme : ase þei it him-sulf were,
                  
                    Þoruȝ is foul enchauntement— : ho-so þene olde manne i-seiȝe,
                  
                    wenden þat symon magus it were. : þare was þe deuel to sleiȝe,
                    Line 312 
                  
                    For þe Ioye þat his sones hadden : of him þare in one stounde;
                  
                    And for he scholde beon for him a-slawe : ȝif he miȝte beon i-founde.
                  
                    For euere þe deuel, and alle his : of feolonie doth þenche;
                  
                    Ake atþe laste huy worþeth bi-traid : with heore feolle wrenche.
                    Line 316 
                  
                    ¶ Symon Magus wende a-wei [orig. aȝen]  : þo al þis i-don was.
                  
                    Þis guode [man] ȝeode forth to is children : he nuste nouȝt of þat cas :
                  
                    he cam and wolde gret Ioye make : with heom and with is wiue.
                  
                    huy spatten on him, euerechone : and heten him a-wei wel bliue,
                  
                    For he was þe deueles lyme : huy nolden nouȝt with him dele,
                    Line 321 
                  
                    Ake bote he þe sonere fram heom ȝeode : him to wroþer hele.

                  
                    " Alas," seide þis olde Man : "Mine leoue [overlined.]  children þreo,
                  
                    Ȝwi wolle ȝe ouwer fader þus pulte and bete? : nelle ȝe me nonmore i-seo?"
                    Line 324 
                  
                    "Nay," seiden þis breþren þreo : "þov nart ore fader nouȝt,
                  
                    Þov art symon Magus, godes trichor. : to deþe þov worst i-brouȝt;
                  
                    Ȝif þe Aumperores [men] þe mouwen finde : þat wide þe habbez i-souȝt,
                  
                    Þov worst to-drawe ase þe deueles lime : for falshede þat þou hast i|wrouȝt."
                    Line 328 
                  
                    ¶ "Louerd, merci," seide þis olde man : "ȝwodere may ich nouþe iwende,

Page 333

                  
                    Nouþe mi wijf ne mine sones me nellez i-knowe : o dai to þenende?
                  
                    Mest wrechche ich am of alle men : nouþe Ine habbe freond non
                  
                    bote heom, and huy me wollez a-sle. : ȝwodere may ich nouþe gon?"
                  
                    ¶ Symon Magus þare-at-fore : in Auntioche ase [al. om.]  he wende,
                  
                    And seint petre bi-fore al þat folk : with lesingues foule he schende;
                  
                    he seide þat he man-quellare was : and wichche, and eke for-swore :
                  
                    Þat folk a-waytede him for-to sle : In Auntyoche þare-fore.
                    Line 336 
                  
                    ¶ Seint petre þis onder-ȝat : he wolde beon a-wreke, he þouȝte.
                  
                    he cam to þis seli oldeman : þat him wel longue souȝte; [folio 145] 
                  
                    "beo stille," he seide, "and do Aftur me : and soffre a luytel þrowe,
                  
                    And Ichulle makien þat þi wijf : and þine sones : þe schullen sone i-knowe.
                    Line 340 
                  
                    Þov schalt gon In-to Auntioche : þare symon Magus was,
                  
                    Ase he me desclaundret hath : and segge of þis ilke cas
                  
                    In his name, ase ech man weneth : þat þov he him-sulue beo,
                  
                    And segge þat hit lesingue is : þat þov seidest op-on me,
                    Line 344 
                  
                    And line al-so þine owene Mouth : as þei it beo in his name,
                  
                    And þat hit was al les þat þov seidest : to bringue me in luþer fame,
                  
                    And þat þov art þarof repentaunt : sori, and swiþe wel I-schriue,
                    Line 347 
                  
                    Of þe lesingue þat þov bi me seidest : and bide heom it þe for-ȝyue."

                  
                    ÞIs olde Man ȝeode him forth : In-to Auntioche a-non,
                  
                    And ȝede a-boute to Mani a stude : þare symon hadde I-gon;
                  
                    "Guode Men," he seide, "ȝif ich habbe i-told : bi seint petre eni|þing
                  
                    bote guod and gret trewenesse : for-soþe, it is lesing;
                    Line 352 
                  
                    here bi-foren eov euerech-one : ich lixni minne owene Mouth.
                  
                    For he is treowe and studefast : and is guodnesse is wide couth.
                  
                    For-to saui al þat lond : ore louerd him hath i-sent :
                  
                    bi-lieueth and wurcheth aftur him : oþur ȝe beoth alle I-schent!
                    Line 356 
                  
                    For ȝe eov-seolf and Al eower guod : þoruȝ ore louerdes wreche
                  
                    hit schal for-fare, bote ȝe don : ase he eov wole lere ant teche.
                  
                    Ȝif ich euere-eft more am so : in þe deoueles weorke I-brouȝt
                  
                    Þat Ich ani-þing oþur bi him segge : ne leuez me þar-of nouȝt,
                    Line 360 
                  
                    Ake doth me [overlined.]  schame and betez me : ant bringuez me of dawe,
                  
                    Ase men schullen a strong liare : and man of false lawe."
                  
                    ¶ Þare-Aftur-ward he cam to seint petre : and he is leomen riȝte

Page 334

                  
                    And brouȝte him a-ȝein to is owene fourme : al þoruȝ godes miȝte.
                  
                    Þo was þere gret Ioye bi-tweone [is sones] [om.]  : and him and eke is wiue,
                  
                    þo huy weren in riȝte fourme : to-gadere alle fiue.

                  
                    Euere is strengore ore swete louerd : þane þe deuel atþende!
                    Line 367 
                  
                    And symon Magus-is tricherie : op-on him-sulf it gan i-wiende.
                  
                    Al [al. for]  Auntioche wel gret loue : opon seint petre caste,
                  
                    And sore heom longuede after him : and leten him seche faste.
                  
                    ¶ Seint Petre cam to Auntioche : ase he hadde er I-lome :
                  
                    Men and wommen of þe lond : wel glade a-boute him come,
                    Line 372 
                  
                    And Anoureden him suyþe muche : ase ane prince of godes lawe
                  
                    And Ase heore maister and heore louerd— : huy weren of him wel fawe;
                  
                    In riche chayre huy setten him : and knevlede him bi-fore,
                  
                    And beden wel ȝeorne him wardi heom : and techen, þat heore soulene neren for-lore.
                    Line 376 
                  
                    ¶ Þis was a-seint petres day : þat comez in feuerer,
                  
                    Þat for þe honour of þulke dede : men helewiez feor and ner.
                  
                    Þo þis dede was al I-don : and seint petre þannes i-wend,
                  
                    Symon Magus hyede þudere : and heold him foule I-schend.
                    Line 380 
                  
                    bi-fore al þis folk he cam : "Muche wonder me þinchez," he sede,
                  
                    "Þat ich ouwer soule-bote here-bi-fore : and to eouwer guod gan eov rede,
                  
                    Þat ȝe ne flouwen petre, þane trichour : þat he a-mong eov ne come; [folio 145b] 
                  
                    And nouȝt one ne [al. ȝe]  Anoreden him : ake wit grete nobleie him nome
                  
                    And an heiȝ in chaire [MS. in chaire In chaire]  setten him : ase he eouwer crist were.
                  
                    Fleoth fram him, ȝif ȝe wollez i-sauede beon : and doth ase ich eov lere!"
                  
                    ¶ Þo al þat folk i-heorde þis : for wrathþe heo weren neiȝ wode;
                  
                    "False trichour," huy seiden, "þis oþur day : bi-fore us here þov stode
                    Line 388 
                  
                    And seidest þat he was treowe and guod : and þat we after him do scholde,
                  
                    And seist nouþe þat he is luþer and fals! : þi ȝwile worth sone i-ȝolde,"
                  
                    huy sturten forth and beoten þis foule þeof : þat he was neiȝ a-slawe;

Page 335

                  
                    Nadde he þe revlocur i-cried on heom : hey [r. huy]  wolden him habbe to-drawe.
                    Line 392 
                  
                    Ase he miȝte, he crep a-wei : with many a luþur strok.
                  
                    Þare he him-seolf, ase euerech swyke doth : him-seolf he bi-swok!

                  
                    Seint petre ȝeode to rome : with his desciple þreo.
                  
                    he wuste þat is tyme was neiȝ : þat he Imartred scholde beo :
                    Line 396 
                  
                    Seint Clement al bi is daye : he made him pope at rome,
                  
                    Þat he guode ȝeme after him : to holie churche nome.
                  
                    ¶ Þo seint petre I-martred was : seint clement him bi-souȝte : [al. biþouȝte vv. 401-4 are corrupted.] 
                    Line 399 
                  
                    Ȝif he bi-lefte pope forth : ase þat folk him bi-souȝte,
                  
                    Þat no [al. om.]  pope ne [al. om.]  miȝte aftur him : Ane oþurne pope make,
                  
                    Ȝwam so huy wolden, þoruȝ heore wille : oþur for [on the margin.]  eni mede take;
                  
                    Þat he him bad for godes loue : þat no pope bi is daye
                  
                    Non oþur pope ne scholde maken so : holie churche to bi-traye; [vv. 403-4 added.] 
                    Line 404 
                  
                    For a wardein of holie churche : þoruȝ is godnesse man schal take,
                  
                    Þat [al. om.; r. and?]  nouȝt, ase it were bi heritage : þat o freond þat oþur make.
                  
                    he tok up is dignete : for al þat man him bad,
                  
                    And seint lyn, þat was a guod man : was pope in his stude Imad.
                  
                    After seint lynes daye : alle þe men wolde
                    Line 409 
                  
                    Seint clemente habbe pope Imad : ake for no-þing ȝeot he nolde;
                  
                    Se[int] [MS. Se]  Clete huy maden pope þo. : ake after is daiȝe a-non
                  
                    Þat folk heold seint clement faste : huy nolden him nouȝt for-gon;
                  
                    hAlflingue with strencþe huy maden him pope. : and þo hit cam þar-to,
                  
                    he fondede to paye euer-ech Man : riche and pouere al-so.
                    Line 414 
                  
                    he honourede more þe pouere Men : þane he dude þe riche,
                  
                    to helpe more is [al. þe]  soule þane is [al. þe]  bodi— : for huy ne beot nouȝt Iliche.
                  
                    Sisyme, þe Iustise of þe lond : hadde a swiþe guod wijf,
                  
                    Þat þoruȝ se[int] cleme[n]t I-cristned was : for-to amendi hire lijf.
                  
                    Ȝwane heo miȝte, fram hire louerd [heo stole] : al with-oute fiere.
                  
                    A day, ase [on the margin.]  heo wolde to churche gon : he siwede hire wel swiþe. [2 vv. om.] 
                    Line 420 
                  
                    Sone so heo to churche cam : and hire hovse-bonde onder-ȝat, [MS. it onder-ȝat] 
                  
                    A-drad heo was, and hudde hire : in one [derne] stude heo sat.
                  
                    Þo seint clement seide is oresun : and is clerkes amen seide,
                    Line 423 
                  
                    Þe Iustise i-werth boþe def and blind. : wel loude he gan to grede :
                  
                    "Ȝware beo ȝe nouþe, mine men? : ovt ȝe moten me lede,
                  
                    For Ine mai mi-seolf I-seo ne heore. : ȝwat mai ich to-rede?

Page 336

                  
                    cometh forth to me euerechone : and out heonnes ȝe me leden!" [vv. 426-7 al. om.] 
                  
                    his Men sturten forth And nomen him op : huy swatten alle for drede. [folio 146] 
                    Line 428 
                  
                    huy beren him al-a-boute þe churche : huy ne miȝten þe dore finde :
                  
                    Ȝwane huy wenden atþe dore to beo : þanne weren huy feor bi-hinde.
                  
                    Sore was þis guode wijf a-drad : þo heo i-saiȝ heom so fare :
                    Line 431 
                  
                    heo Axede ȝwat hire louerd were— : for no leng ne miȝte heo spare.
                  
                    huy seiden, "for he wolde [orig. huy wolden]  I-seon and I-heore : oþur þane to him bi-come,
                  
                    bi-come he is blijnd and def : here in þe churche of Rome."
                  
                    Þis guode wijf bad ore louerd ȝeorne : þat huy mosten þannes ovt wende :
                  
                    Þo founden þis men þe dore a-non : and wenden out atþenende.
                    Line 436 
                  
                    Þis guode wijf bad Clement ȝeorne : to hire louerd come
                  
                    And amendi him þoruȝ godes grace : of is limes, þat him weren bi-nome.
                  
                    ¶ Seint clement and þis guode wijf to þis luþere man gonne teo :
                  
                    huy founden him loki swiþe brode : and no-þing ne miȝte i-seo. [vv. 439-40 al. om.] 
                    Line 440 
                  
                    Seint clement bad ore louerd for him : and þo he i-don hadde,
                  
                    his heoringue and is siȝt him cam a-ȝein. : ake neuere þonk he ne hadde.
                  
                    For a-non so he i-saiȝ seint clement stonde : bi is wiue, he wende
                  
                    And seide þat he hadde bi hire i-leie : and þare-fore he him a-blende.
                  
                    Þis guode wijf ȝeode into hire preuetez : and Iesu crist [bad] wel faste
                  
                    Þat hire louerd þoruȝ is grace : in-to betere bi-leue him caste.
                    Line 446

                  
                    SEint petre fram heouene : to hire a-liȝte a-doun
                  
                    And s[e]ide, hire louerd scholde i-saued beo : þoruȝ hire oresun;
                  
                    "For seint powel seide  [MS. seide seide; al. For me saiþ]  þat a luþer man : scholde i-saued beo
                    Line 449 
                  
                    Þoruȝ guodnesse of a godwomman : And so it worth bi him and þe."
                  
                    Þis guode wyf eode to hire louerd : and prechede him of cristine-dom :
                  
                    So þat he þoruȝ godes grace : in-to guode bi-leue he com.
                    Line 452 
                  
                    he liet him cristni sone a-non : and al is may[n]e þere,
                  
                    Þre hondret men and tweolue : with him i-cristnede were.
                  
                    ¶ TraIan, þe luþere Amperour : herof he heorde speke :
                  
                    he swor he wolde for his Iustise : of seint clement beo a-wreke.

                    Line 456

Page 337

                  
                    Line 456 
                  
                    he comaundede Mamertyn : þat was an oþur Iustise,
                  
                    Þat he scholde maken clement þe pope : to don heom [al. om.]  sacrefise
                  
                    Oþur maken him out of londe fleme— : þat he ne lete it nouȝt,
                  
                    Laste heore lawe and heore godes weren : þoruȝ him to grounde i-brouȝt.
                    Line 460 
                  
                    ¶ Þis Iustise wende þo wiþ [MS. þouȝ]  gret power : And seint clement he nom; [orig. nam] 
                  
                    And for he nolde don heore godes [h. g. al. om.]  sacrefise : he ȝaf him an oþur dom :
                  
                    Þat he scholde beon out of londe i-driue : into wildernesse.
                  
                    Ase a þeof he was i-harlet forth : in wel fyl destresse.
                    Line 464 
                  
                    Þo he into wildernesse cam : to þousende he fond þere
                  
                    Of cristine Men, þat hadden þer : longue i-woned for fere,
                  
                    Laste þe Aumperoures men : In torment heom hadden i-brouȝt;
                  
                    And huy for drede of strongue deþe : weren in feble þouȝt.—
                    Line 468 
                  
                    For manie men bi þulke daie : for drede of þulke þingue
                  
                    Ase bestes huy leoueden in wildernesse : þo cristinedom bi-gan furst springue.—
                    Line 470 
                  
                    Wel glade weren þis guode men : þo huy seint clement i-seiȝe :
                  
                    heo ȝeoden a-ȝein him and þonkeden god : weopinde with heore eie.
                  
                    huy maden seint clement heore Maister þere : pope ase he was. [folio 146b] 
                  
                    Þare nas non þat in studefast lijf : for him a-mendet ne was.
                  
                    Water huy nadden neiȝ heom non : bi six Mile wei wel longue,
                  
                    Al heore drinke huy fetten þare : in weiȝe swiþe stronge.
                    Line 476 
                  
                    Seint clement [bad] ore louerd crist : ȝif hit is wille were,
                  
                    Þat he holpe is trewe couent : and sende heom watur þere.
                  
                    he i-saiȝ a lomb stonde and marki : with is riȝt fot ane stude :
                  
                    he i-saiȝ þat hit ore louerd was : to don þat he hadde i-bede.
                    Line 480 
                  
                    ¶ Seint clement ȝeode and smot in þulke stude : as þat lomb markede er :
                  
                    Þare sprong a welle fair and guod— : wel gret Ioye was þer.
                  
                    Þis Miracle was widen i-cud : fif hondret men þare-fore
                  
                    bi-comen cristine and blesseden þe time : þat seint clement was i-bore.
                    Line 484 
                  
                    Þo ȝede he forþere a-mong þe men : and so fair Miracle wrouȝte,
                  
                    Swiþe muche folk to guode bi-leue : and to Iesu crist he brouȝte.
                  
                    Fyf hondred of Maumates : to grounde he brouȝte þere;
                  
                    And sixti churche and fiftene : in heore studes he liet a-rere.

                    Line 488

Page 338

488

                  
                    So þat traIan þe Aumperour : her-of heorde telle :
                  
                    Ane duyk of gret power he sende þudere : þane guode man for|to quelle.
                    Line 490 
                  
                    Þis duyk him nam and liet to [overlined.]  him binde : grete [orig. and gr.]  stones wel faste,
                  
                    And ladden him feor in-to þe deope se : and riȝt a-midde him caste.
                  
                    Welle, muche was þe deol : þat is desciples for him made!
                  
                    In-to þe se huy ornen to sechen him : ase feor ase huy dorsten wade.
                  
                    Þo huy ne miȝten neiȝ him come : ore louerd wel ȝeorne huy beade [r. bade] 
                  
                    to ȝiuen heom a siȝt of seint clement : þe more to beon glade.
                    Line 496 
                  
                    Ase huy seten opon þe .se : and crieden on him wel faste and ȝeorne,
                  
                    Þe .se. wel swiftliche hire with-dravȝ [al. wiþdrouȝ]  : and with gret eyr In gan eorne :
                  
                    So þat with-inne þe deope .se : þreo grete Milene and more
                  
                    A swiþe fair wei and druye þare was : i-here[d] beo godes ore!
                    Line 500 
                  
                    Þis guode men bi þis faire wei : In-to þe .se. gonne to wende :
                  
                    Ane churche hui founden, of Marbre i-maud : riȝt atþe weies ende.
                  
                    With-Inne þe churche huy founden ane cofre : of seluer and of golde
                  
                    And þarinne seint clementes bodi : ase ore louer[d] it wolde.
                    Line 504 
                  
                    Welle, louerd, muche was þe Ioye : þat þis guode Men inne were,
                  
                    For þe faire Miracle of seint clement : þat huy founden þere!
                  
                    huy beden heore beden ȝwat-so huy wolden : and wenden aȝen at|þenende :
                  
                    euere orn þe se after heom wel faste : at heore helene bi-hinde,
                    Line 508 
                  
                    For-to heo cam to hire riȝte stude : and þare heo gan atstonde.
                  
                    Þis guode men serueden god þe bet : and þonke[den] ȝeorne is sonde.

                  
                    Longue þer-aftur it bi-feol : þoruȝ ore louerdes heste,
                  
                    fram ȝer to ȝere seue dawes : at seint clementes festes
                    Line 512 
                  
                    þat þe se ire wolde so with-drawe : and makie ane wei wel druye
                  
                    To þe holie chapele of seint clement : þat no watur ne scholde man a-nuye;
                  
                    Þat ech Man alle þe seuen dawes : al druye wende and clene,
                  
                    For-to honouri þat holie bodi : ase it bi-feol eche ȝere ene;
                    Line 516 
                  
                    And Anon-riȝt þe se wende a-ȝein : with watur and with slyme
                  
                     [folio 147] After þe eiȝte dawes, and heold him so : for-to an oþur ȝer þat tyme.

Awommon cam [MS. cam cam] þudere at one tyme : and a child þat was hire sone,

Page 339

                  
                    For-to A-novri þat swete bodi : as it was mannes wone.
                    Line 520 
                  
                    hit feol at [MS. þat]  þe endingue : of þe seueþe daiȝe
                  
                    þat þe se cam eorne & rotte ȝeorne : ase þat child a-slepe laye.
                  
                    Þat folk, þat þare was bi-leued : bi-gonne ateorne faste;
                  
                    Þis womman louede hire lyf al-so : þat heo nas nouȝt þe laste.
                    Line 524 
                  
                    Þo heo was to londe i-come : and hire sone [overlined.]  mid hire nadde,
                  
                    Muche was þe deol þat heo made : loude heo weop and gradde.
                  
                    gredinde heo orn and longue souȝte : a-boute bi þe se-side,
                  
                    Ȝif þe .se. him hadde up i-cast— : heo souȝte a-boute wel wide.
                    Line 528 
                  
                    Þo heo ne miȝte him nouȝwere i-finde : weopinde hom heo wende,
                  
                    And bad seint clement, of hire childe : þat he sum gladnesse hire sende.
                  
                    heo bi-lefte al þe ȝer : in gret sor and in care.
                  
                    Anoþur ȝer at seint clementes tid : þuder-ward heo wolde fare. [al. was ȝare] 
                    Line 532 
                  
                    To þe chapele ȝeorne heo orn : þo þe se was In i-weved : [orig. i-wend] 
                  
                    hIre [MS. Ire; h added.]  sone heo fond in þulke stude : þare heo hine hadde bi-leued.
                  
                    Sone þis womman nam him up : and wende þat he [MS. heo]  ded were.
                  
                    Þat child, ase þei it woke of slepe : Axede ȝwat heo wolde þere.
                    Line 536 
                  
                    Þis womman for Ioie gradde loude : þat folk a-boute hire wende,
                  
                    And þonkeden god with grete Ioye : þat swuche miracle him sende.
                  
                    huy axeden hov he hadde so longue i-leued : And ȝif he were ouȝt i-dreiȝt.
                  
                    "hit nis novȝt longue," þat child seide : "ake to sone ȝe me [MS. me me]  habbez a-weiȝt;
                    Line 540 
                  
                    Softe and swote i habbe [MS. ȝe habbez]  i-slepe : onneþe me þinchez o nyȝt.
                  
                    Moste ich lengore habbe i-leiȝe : me hadde i-beo wel i-diȝt."
                  
                    With gret Ioye huy ladden þis child hom. : þis miracle was couth wel wide.
                  
                    Mani fair Miracle seint clement dude : bi þe sees sides.
                    Line 544 
                  
                    ¶ þe se with-drovȝ hire wel mani a ȝer : to maken men druye i-wende;
                  
                    And þulke miracle for mannes [sunne] : bi-lefde sethþe atþen ende.
                  
                    Þo Men founden þis holie ȝwuchche : In a fair place stonde
                  
                    with þis holie bodi a-boue þe se : al on druye londe;
                    Line 548 
                  
                    Muche folk with fair procession : þis holie bodi nome
                  
                    And ladden it forth with gret honour : to þe churche of rome.
                  
                    Þare is nouþe seint clementes churche : I-mad with quoynte gynne.

Page 340

god ȝiue us part of þulke Ioyȝe : þat seint clement is inne. 552

About this Item

Pages

47 [Clement.] [folio 141]

Page 323

Page 324

Page 325

Page 326

Page 327

Page 328

Page 329

Page 330

Page 331

Page 332

Page 333

Page 334

Page 335

Page 336

Page 337

Page 338

Page 339

Page 340

The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.

About this Item

Pages

47 [Clement.] [folio 141]

description Page 323

description Page 324

description Page 325

description Page 326

description Page 327

description Page 328

description Page 329

description Page 330

description Page 331

description Page 332

description Page 333

description Page 334

description Page 335

description Page 336

description Page 337

description Page 338

description Page 339

description Page 340

Page 323

Page 324

Page 325

Page 326

Page 327

Page 328

Page 329

Page 330

Page 331

Page 332

Page 333

Page 334

Page 335

Page 336

Page 337

Page 338

Page 339

Page 340