The romance of Guy of Warwick. The first or 14th-century version.

'SIR,' QUOTH heraude to Guy Line 1075 (His maister he was, a Knyght hardy), 'To Englonde nowe woll we goo: With worship we may it nowe doo; For we haue ouere all bee And the pris wonne in euery contree. Line 1080 . . . . . . . . . . . . . . . . . . . . To the kyng thou shall acqueynte the Line 1085 Of Englond, that is so free, And to the Barons also Wel bee-knowen thou shalt the doo.' 'Maister,' he seith, 'y graunte wele, After the that it bee euery dele; Line 1090 And to-morowe whan it is daye, We woll forthe on oure weye.' Guy aroosse on morowe thoo, And to the see they been goo: Assone as they might, to shippe they wente, Line 1095 And in-to Englond they come in the lente. To kyng Athelston Guy is come, And with him he is aqueynted full sone, With the Erles and Barons also, And full riche yiftes they gaue him tho. Line 1100 To Warrewik than he is fare: [Caius MS. 107 page 35] The Erle Rohaude he fonde there, That faire vnderfonge him and his feere; For he was him bothe leef and dere. He kissed him full swetely Line 1105 And of his present thanked him hertly.

To his lemman he is well-come, And him to kisse she maketh hir bowne. The Erle proferd him siluer and golde, And noothing therof take he wolde. Line 1110 Full gladde is his fader of him And his moder and all his kynne, And all the folke of that Contree Were gladde him for to see.