The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And therafter, Cut, he seith, to thee two stonun tables at the liknes of the former, and Y shal write vpon hem the wordes that hadden the tablis, that thow brak. [verse 2] Be redi eerli, that thow stie vp anone into the hil of Synay; and thow shalt stonde with me vpon the cop of the [verse 3] hil; no man stie vp with thee, ne be seen eny man thurȝ out al the hil; oxen for|sothe
and sheep, be thei not fedde there aȝens. [verse 4] Thanne he hewide out two stonun tables, what manere thei weren before, and fro nyȝt arysynge he stiede [stey D.] vp into the hil of Synay, as the Lord comaundide to him, berynge with hym the tables. [verse 5] And whanne the Lord had stiede vp bi the clowde, Moyses stood with hym, in|wardli clepynge the name of the Lord, [verse 6] whom passynge before hym, seith, Lord|shiper [lordys E pr. m.] , Lord God, mercyable, and good|liche, and [Om. BDEFH.] pacient, and of myche mercy, [verse 7] and verrey, that kepist couenaunt and mercy into thowsandes, that dost awei wickidnes [wyckidnesses BDEH.] , and hidows giltis, and synnes, and no man anentis thee bi him silf is innocent, that ȝeldist wickidnes [wickydnesses BDFH.] of fadris to sones and neces, into the thridde and the ferthe progenye. [verse 8] And Moyses hast|ynge is bowid redi into the erthe, and [verse 9] anowrynge, seith, If Y haue founde grace in thi siȝt, Lord, I biseche that thow goo with vs, forsothe the puple is of hard nol, and that thow do awey oure wickidnes [wyckyd|nesses BDEFH.] , and synnes, and that thow welde vs. [verse 10] The Lord answerde, Y shal goo in couenaunt, seynge alle men, I shal do signes, that neuere weren seen vpon erthe [the erthe DEH.] , ne in eny folkis [folk D.] of kynde, that this puple seen, in whos myddil thow art, the feerful werk of the Lord, that Y am to do [doying E pr. m.] . [verse 11] Kep alle thingis that to day I haue comaundide to thee; Y my silf shal throwe out before thi face Amorrey, Chananey, and Ethei, Pheresei forsothe, and Euei, and Jebuzei. [verse 12] Be war, lest eny tyme thow ioyne frend|ships with the [Om. A.] dwellers of that loond, that ben to thee into fallyng. [verse 13] But and the auteers of hem destrye, brek togidere the ymages, and the mawmete [mawmettes BD. preue herying places E pr. m.] woodes [verse 14] hew down; wole [wiln BE. wilt D.] thow not anowre an alien God; the Lord gelows the name
[verse 15] of hym, God is a louer; ne go thow not into couenaunt with men of that regioun, lest whanne thei han do fornycacioun with her goddes, and anourden the mawmetis of hem, eny man clepe thee, that thow eete of the thingis that ben offerd. [verse 16] Ne wijf of the dowȝtris of hem thow shalt tak to thi sones, lest after that thei han do fornycacioun, thei maken to do forny|caciouns and thi sones into her goddis. [verse 17] Ȝotun goddis thow shalt not make to thee. [verse 18] The solempnyte of therf looues thow shalt kepe; seuen dayes thow shalt eete therf looues, as I haue comaundide to thee, in the tyme of the moneth of new thinges; in the moneth forsothe of veer tyme thow ȝedest out of Egipte. [verse 19] Al that openith the wombe of maal kynde shal be myn, of alle hauynge lijf, as wel of oxen, as of sheep, shal be myne. [verse 20] The first goten of an asse thow shalt bigge with a sheep; ellis forsothe if thow ȝyuest not for it the priys, it shal be slawn. The first gotun of thi sones thow shalt `aȝen|bigge [for bigge E pr. m.] ; ne thow shalt not apere in my siȝt voide. [verse 21] Six dayes thow shalt worche, the seuenthe day thow shalt ceese to eeren and to repen. [verse 22] The solempnyte of weekis [werkis AD.] thow shalt make to thee in the first bigynnyng of fruytis of thi whete heruest, and the solempnete whanne, the tyme turnynge aȝen of the ȝeer, alle thinges ben putte vp. [verse 23] Thre tymes of the ȝeer shal apere eche maal child that is thin in the siȝt of the Almyȝti Lord, thi God, Yrael. [verse 24] Whanne forsothe Y shal take the gentiles fro thi face, and I shal sprede abrood thi teermes, no man shal putte spies to thi loond, thee styinge vp and apperynge in the siȝt of the Lord thi God, thries in the ȝeer. [verse 25] Thou shalt not offre vpon the [Om. BDEH.] sowr dowȝ the blood of my sacrifice, nether [ne A pr. m.] shal not leeue vnto the morwe tide of the sacrifice of the so|lempnyte
of pask. [verse 26] The chefe of the fruytes of thi loond thow shalt offre in the hows of the Lord thi God. Thow shalt not seethe a kidde in the mylk of his moder. [verse 27] And the Lord seide to Moyses, Write to thee thes wordes, with whiche Y haue couenauntide a boond of pees, with thee and with Yrael. [verse 28] Thanne Moyses was there with the Lord fourti dayes and fourti nyȝtis, and eete no breed, ne drank water [no water E pr. m.] ; and he wroot in the ta|bles the ten wordes of the boond of pees. [verse 29] And whanne Moyses descendide fro the mownt of Synay, he held two tables of testymonye, and he wiste not that his face was horned of the cumpanye of the word of God. [verse 30] Aaron forsothe and the sones of Yrael, seynge the face of Moyses [verse 31] horned, thei dredden to comen nyȝ, and thei clepid of hym turneden aȝen, as wel Aaron as the princes of the synagoge; [verse 32] and after that he had spokun, comen to hym also alle the sones of Yrael; to whom he comaundide alle thinges that he hadde herd of the Lord in the mownt of Synay. [verse 33] And fulfillid the wordes, he putte a veyle [verse 34] vpon his face; the which, he goon yn to the Lord, and spekynge with him, dide awey, to the tyme that he shulde goo out; and thanne he spak to the sones of Yrael alle thinges, that to hym weren co|maundid; [verse 35] the whiche seen the face of Moyses goynge out be horned, but eft he couerde his face, if eny tyme he spak to hem.