The Holy Bible, containing the Old and New Testaments, with the Apocryphal books,
Wycliffe, John, d. 1384., Forshall, Josiah, 1795-1863., Madden, Frederic, 1801-1873.

CAP. XXXIII.

[verse 1] And the Lord spak to Moyses, seiynge, Go, and stye vp fro this*. [the A.] place, thow, and thi puple, that thow hast ladde out of the loond of Egipte, in to the loond that Y swore to Abraham, Ysaac, and Jacob, seiynge, To thi seed Y shal ȝyue it. [verse 2] And Y shal sende an aungel, thi before renner, that Y throwe out Chanane, and Amorre, and Ethe, and Phereze, and Eue, and Je|buze, [verse 3] and thow go into*. [to B.] the loond flow|ynge mylk and hony; forsothe Y shal not stie vp with thee, for a puple `it is*. [thou ert E pr. m.] of hard nol, lest perauenture Y skater thee Page  273 in the weie. [verse 4] The puple herynge this werst word weilide, and noon after the wonne was clothid his ournyng. [verse 5] And the Lord seide to Moyses, Spek to the sones of Yrael, A puple of hard nol thow art; ones Y shal stye vp in the myddil of thee, and Y shal do thee awey; now riȝt put down thin ournement*. [anournment E.], that I knowe, what Y shal do to thee. [verse 6] Thanne the sones of Yrael diden doun her ourne|ment*. [anornement BDEFH.] fro the hil of Oreb. [verse 7] And Moyses takynge a tabernacle strauȝte it afer out of the tentis, and he clepyde the name of it the tabernacle of the boond of pees. And al the puple that hadde eny ques|tioun, ȝede out to the tabernacle of the*. [Om. E.] boond of pees, out of the tentis. [verse 8] And whanne Moyses ȝede out to the taber|nacle, alle the puple aroos, and echon stode in the dore of his tente, and thei biheelden the bak of Moyses, to the tyme he ȝede into the tente. [verse 9] He forsothe goon into the tabernacle of the boond of pees, discendide a piler of a clowde, and stode at the dore; and `the Lord*. [when he E pr. m.] spak with*. [to A.] [verse 10] Moyses, alle men beholdynge that the piler of the clowde stode at the dore of the tabernacle; and thei stoden, and low|tiden thurȝ the ȝates of her tabernaclis. [verse 11] The Lord forsothe spak to Moyses face to face, as a man is wonte to speke to*. [with E pr. m.] his freende; and whanne he turnede aȝen into the tentis, the seruaunt of hym, child Josue, the sone of Num, ȝede not fro the tabernacle. [verse 12] And Moyses seide to the Lord, Thow comaundis, that*. [and that A.] I lede out this puple, and thow shewist not to me, whom thow art to sendynge with me, namelich sith thow seist, Y knewe thee bi name, and thow hast founde grace be|fore me. [verse 13] If thanne Y haue founde grace Page  274 in thi siȝt, shew to me thi face, that I knowe thee, and fynde grace before thin eyen; behold thi puple, and this folk. [verse 14] And God seide, My face shal goo before thee, and reste Y shal ȝyue to thee. [verse 15] And Moyses seith, If thow thi silf gost not before, ne lede thow vs fro this place; [verse 16] in what forsothe mowen we knowe, I and this puple, that we han founde grace in thi siȝt, but if that thow go with vs, that we ben glorrifyed of alle puples that dwellen vpon the erthe? [verse 17] The Lord for|sothe seith to Moyses, And this word that thow hast spokun, Y shal do; thow hast forsothe founde grace before me, and thi silf Y haue knowe bi name. [verse 18] The which seith, Shew to me thi glorie. [verse 19] He an|swerde, Y shal shewe al good to thee, and Y shal be clepid in the name of the Lord before thee, and Y shal haue mercy to whom Y wole, and goodliche Y shal be to whom it likith to me. [verse 20] And eft he seith, Thow shalt not mowe se my face, forsothe there shal not mowe*. [Om. E.] se me a man, and lyue. [verse 21] And eft, Loo! he seith, there is a place anentis me, and thow [verse 22] shalt stonde vpon a stoon; and whanne my glorie shal passe, Y shal putte thee in the hool of the stoon, and I shal de|fende with my riȝt hoond, to the tyme [verse 23] that Y passe; and I shal take myn hoond, and thow shalt se myn hyndermore, my face forsothe thow shalt not mowe se.