The Holy Bible, containing the Old and New Testaments, with the Apocryphal books,

CAP. XXXII.

[verse 1] The puple forsothe, seynge that Moyses made abidyng of comyng doun fro the hil, gederid to gidere aȝens Aaron, seith, Arise, mak to vs goddis, that goon beforn vs; to this man Moyses, that hath [has E.] ladde vs out fro [of BDEFH.] the loond of Egipte, we knowen not what is fallyn. [verse 2] And Aaron seide to hem, Tak ȝe the goldun eer rynges fro the eerys of wyues, and of sones, and of ȝoure dowȝtres [douȝtren BDEFH.] , and bryngith [bryng B.] to me. [verse 3] The puple dide that he comaundide, [verse 4] bryngynge the eer rynges to Aaron; the whiche whanne he hadde takun, he four|myde with ȝetun werk, and made of hem a ȝotun calf. And thei seiden, Thes ben thi goddis, Yrael, that ladde thee out of the loond of Egipte. [verse 5] The whiche thing whanne Aaron hadde seeyn, he made vp

an [Om. A.] auter before it, and in voys of a bedel he cryede, seiynge, To morwe is the so|lempnyte of the Lord. [verse 6] And thei arysun [arysyng E.] erly offreden sacrifices al brent and peesi|ble sacrifices [sacrifice A.] ; and the puple sat to ete and to drynke, and arysen to pleyen. [verse 7] The Lord forsothe spak to Moyses, sei|ynge, Go, descende, thi puple hath synned, whom thow hast ladde out of the loond of Egipte. [verse 8] Soone thei han goon back|ward fro the weie that thow shewedist to hem, and thei han made to hem a ȝo|tun calf, and anourden, and offrynge to it sacrifices seiden, Thes ben thi goddis, Israel, that han ladde thee out of the loond of Egipte. [verse 9] And eftsones the Lord seith [seide D.] to Moyses, Y se wel that this pu|ple [verse 10] is of hard nol; late me that my woodnes wreth aȝen hem, and that I do hem awey; and thee I shal make into a greet folk of kynde. [verse 11] Moyses forsothe preyede the Lord his God, seiynge, Whi, Lord, wraththith thi woodnes aȝen thi puple [puple alone A.] , whom thow hast ladde out of the loond of Egipte in greet strengthe, and in a stroong hoond? [verse 12] Lest, Y biseche, the Egipciens seyn, fellich he hath ladde hem out, that he myȝte slee in the hilles, and doon a wey fro the erthe, reste thi wraththe, and be peesyble [pleysable BDEFH.] vpon the wickidnes of thi puple. [verse 13] Record of Abra|ham, Ysaac, and [and Jacob A.] of Yrael, thi seruauntis, to whom thow hast sworn bi thi seluen, seiynge, Y shal multiplie ȝoure seed as the sterres [sternes BE.] of heuene, and al this loond of the which Y haue spokun, Y shal ȝyue to ȝoure seed, and ȝe shulen welde it euermore. [verse 14] And the Lord was plesid that he dide not the harme, that he spake aȝens his puple. [verse 15] And Moyses is turned aȝen fro the hil, berynge in hoond two

tablis of testymonye wrytun on eithir side, [verse 16] and maad with the werk of God; the wrytyng forsothe of God was grauen in the tables. [verse 17] Josue forsoth herynge the noyse of the puple criynge out, seide to Moyses, Ȝellynge of fiȝtynge is herd in the tentis. [verse 18] To whom he answerde, It is not a crye of men biddynge to fiȝtyng, ne an out crye of men compellynge to flee, but a voys of men syngynge Y here. [verse 19] And whanne he was nyȝ to the tentis, he sawȝ the calf, and companyes of men al abowt; and ful wrooth he threwe the tablis out of the hoond, and he brake hem at the rotes of the hil. [verse 20] And [Om. D.] cacchynge the calf that thei hadden made, he brente, and gronde it al to dost, the which he sprengide `in to [in the A.] water, and ȝaf of it drynke to the sones of Yrael. [verse 21] And Moyses seide to Aaron, What dide this puple to thee, that thow woldest [wolde E pr. m.] brynge vpon hem the moost synne? [verse 22] To whom he answerde, Ne endeyn, my lord, thou forsothe knewe this puple, that it is redy [verse 23] to yuel; thei seiden to me, Make to vs goddis, that goon beforn vs, to this Moyses forsothe, that ladde vs out of the loond of Egipte, we knowen not what is be|faln. [verse 24] To whom Y seide, Which of ȝow hath gold? Thei token, and ȝauen to me, and Y threwe it into the fier, and there ȝede out this calf. [verse 25] Seynge thanne Moyses the puple, that it was nakid; Aaron for|sothe hadde spoylde it for the senship of the filthe, and among the enemyes he [verse 26] hadde sette it nakid; and stondynge in the ȝatis of the tentis, seith, If eny man be of the Lord, be he ioyned to me; and there ben gedered to hym alle the sones of Leuy. [verse 27] To whom he seith, Thes thinges seith the Lord God of Yrael, Put a man

a swerd vpon his hippe, goth, and turneth aȝen fro ȝate vnto ȝate by the myddel of the tentis, and slee echon brother, and frende, and his neiȝbore. [verse 28] The sones of Leuy diden after the word of Moyses, and there fellen in that day as thre and twenti thowsynd of men. [verse 29] And Moyses seith, Ȝe han sacrid ȝoure hoondes to day to the Lord, echon in sone, and in his brother, that there be ȝeue to ȝow bliss|yng. [verse 30] And another dai begun Moyses spake to the puple, Ȝe han synned the moost synne; Y shal stye vp to the Lord, if eny manere Y may preye hym for ȝoure gilt. [verse 31] And he goon aȝen to the Lord, seith, Lord, Y biseche, this puple hath synned a greet synne, and thei han made to hem goldun goddis; outher forȝif hem [verse 32] this gilt, or if thow dost not, do me out of thi book, that thou hast wrytun. [verse 33] To whom the Lord answerde, Who so syn|neth to me, Y shal do hym out of my [verse 34] book; thow forsothe goo, and lede this puple whider Y spake to thee; myn aun|gel shall goo before thee, and Y in the day of veniaunce shal visite this synne of hem. [verse 35] Than the Lord smoot the puple for the gilt of the calf, that Aaron made.