The Holy Bible, containing the Old and New Testaments, with the Apocryphal books,

CAP. VII.

[verse 1] Wile thou not don eueles, and thei shul not cacche thee. [verse 2] Go awei fro the wicke, and ther shul failen eueles fro thee. [verse 3] Sowe thou not eueles in foorewes of vnriȝtwisnesse [vnriȝtwijs AGH.] , and thou shalt not repen [gedere C pr. m. E pr. m.] them in to the seuethe [seuenthe ceteri.] fold. [verse 4] Wile thou not sechen of a man the dig|nete of a ledere, ne of a king the chaȝer of wrshepe. [verse 5] Iustefie thou not thee bifor God, for he ys knowere of the herte [hertes C pr. m.] ; and anent the king wile thou not wilne to ben seen wys. [verse 6] Wile thou not sechen to be mad a domes man, but if thou mowe bi vertue breken wickidnesses; lest par|auenture thou out drede the face of the myȝti, and putte sclaunder in thin hider and thider deliuernesse. [verse 7] Synne thou not in the multitude of the cite, ne poote [verse 8] thee in to the puple; ne bynde thou to double synnes, ne forsothe thou shalt be in oon gilteles. [verse 9] Wile thou not ben a [verse 10] couward in thi soule, to preȝen; and to don almesse deede, ne dispise thou. [verse 11] Ne sei thou, In the multitude of my ȝiftus God shal beholde; and me offrende to the heȝest God, my ȝiftis he shal take. [verse 12] Scorne

thou not a man in the bitternesse of soule; God forsothe the lokere aboute is, that enhaunceth and meketh. [verse 13] Wile thou not looue lesing aȝen thi brother; and in to a frend lic maner do thou not. [verse 14] Wile thou not wilne to lien eche lesing; the besynesse forsothe of hem is not good. [verse 15] Wile thou not be ful of wrdis in the multitude of prestus; and reherse thou not a wrd in thin orisoun. [verse 16] Hate thou not trauailous werkes, and cherlish doing foormed of the heiȝest. [verse 17] Ne acounte thou thee in the multitude of men withoute discipline. [verse 18] Haue mynde of wrathe, for it shall not tarie. [verse 19] Meeke gretli thi spirit, for veniaunce of the flesh of the vnpitous, fyr and werm. [verse 20] Wile thou not trespasen `in to [to C pr. m.] thi frend delaȝende [for delaying E pr. m.] monie; ne dispise thou thi derwrthe [derworthist E sec. m. AGH.] brother for gold. [verse 21] Wile thou not [Om. C pr. m.] gon awei fro a wel felende womman, and a good, whom thou hast goten in the drede of the Lord; for|sothe the grace of the shamefastnesse of hir ouer gold. [verse 22] Hurte thou not a ser|uaunt in treuthe werchende, ne an hired man ȝyuende his lif. [verse 23] A wel felende ser|uaunt be to thee looued as thi soule; bygile thou not hym fro [bi AGH.] fredam, ne forsake thou hym helpeles. [verse 24] Beestis [If beestis A.] to thee ben? tac heed to them; and if thei ben profitable, abide thei stille anent thee. [verse 25] Sonus [If sones A.] ben to thee? tech hem, and bowe hem fro the childhed of hem. [verse 26] Doȝ|tris [If doȝtris A.] ben to thee? keep the body of hem, and shewe thou not thi face glad to them. [verse 27] Bytac [Tac C pr. m.] a doȝtir, and a gret werk thou shalt do; and to a wel felende man ȝif [thou shalt ȝyue A.] hyr. [verse 28] A womman if she is to thee aftir thi soule, throȝ hir not awei; and to an hateful tac thou not thee in al thin herte. [verse 29] Honoure thi fader; and the weilingus of thi moder forȝete thou not. [verse 30] Haue mynde for but bi them thou haddest not ben, and ȝeeld to them what maner and thei to thee. [verse 31] In al thi soule dred God, and

the prestes of hym halewe. [verse 32] In al thi vertue looue hym that made thee; and the seruauns of hym forsac thou not. [verse 33] Wrshepe thou God of al thi soule; and wrshipe prestus, and purge thee forth with armes. [verse 34] Ȝif to them part, as and maundement is [it is A.] to thee, of first frutes, and of purging; and of thi [the C.] necgligence purge thee with fewe. [verse 35] The ȝifte [first A.] of thin armes, and the sacrifise of halewing, thou shalt offre to the Lord, the bigynyngus of hoeli thingus. [verse 36] And to the pore put forth thin hond, that plesing be parform|ed, and thi blessyng. [verse 37] Grace of ȝifte in the siȝte of alle lyuyng; and to the deade forfende thou not grace. [verse 38] Fayle thou not to wepende men to ben in coumforting; and with weilende men go thou. [verse 39] Noȝe it not thee to visiten the sike; of these thingus forsothe in louyng [looue C pr. m.] thou shalt be fastned. [verse 40] In alle thi werkes haue in mynde thi laste thyngus; and withoute ende thou shalt not synne.