The Holy Bible, containing the Old and New Testaments, with the Apocryphal books,
Wycliffe, John, d. 1384., Forshall, Josiah, 1795-1863., Madden, Frederic, 1801-1873.

CAP. VIII.

[verse 1] Stryue thou not with a myȝti man, lest parauenture thou falle in the hondys of hym. [verse 2] Striue thou not with a riche man, lest parauenture aȝenward he sette strif to thee. [verse 3] Manye men forsothe gold and siluer hath lost; and vnto the herte*. [hertis A.] [verse 4] of kingus it streccheth, and turneth. Striue thou not with a tungy man, and*. [Om. A.] ne greithe thou in to the fir of hym wode. [verse 5] Comune thou not to a man vntaȝt, lest he speke euele*. [eueles C pr. m.] of thi progenye. [verse 6] Dis|pise thou not a man turnende awei hym|self fro synne, ne putte thou repref to hym; haue mynde, for alle in corup|cioun wee ben. [verse 7] Ne dispise thou a man in his elde; forsothe of vs thei waxen olde. [verse 8] Wile thou not of thin enemy dead ioȝen, witende for alle wee dien, and in to ioȝe wee wiln come. [verse 9] Dyspise thou not the telling of wise prestis, and in the prouerbis of hem togidere dwelle thou; Page  139 [verse 10] of hem forsothe thou shalt lerne wisdam, and doctrine of vndirstonding, and fruc|tuousli vse grete men withoute pleynt. [verse 11] Passe not biside thee the telling of el|deres; thei forsothe lerneden of ther fa|dris. [verse 12] For of hem thou shalt lerne vnder|stonding; and in tyme of nede thou shalt ȝyue an answere. [verse 13] Teende thou not colis of synneres, vndirnymende hem; and lest thou be tend with the flaume `of the*. [Om. C pr. m.] fyr of the synnes of hem. [verse 14] Stonde thou not aȝen the face of the strifful; lest he sitte as a spiere to thi mouth. [verse 15] Wile thou not leenen to a man strengere than thiself; that if thou leenest, haue it as lost. [verse 16] Be|hote thou not ouer thi vertue; that if thou behote, as ȝelding bethenk. [verse 17] Deme thou not aȝen the iuge; for after that ys riȝtwis, he demeth. [verse 18] With a fool hardy man go thou not in the weie, lest par auenture he gregge his eueles in thee; he forsothe aftir his wil goth, and togi|dere with the folie of hym thou shalt pershen. [verse 19] With the wratheful man make thou not ianglyng, and with the fool*. [Om. C pr. m.] hardy go thou not in to desert; for as noȝt is*. [Om. AGH.] anent hym blod, and where is not helpe, he shal hurtle thee doun. [verse 20] With fooles haue thou not counseil; for|sothe they shul not moun loouen, but tho thingus that plesen to them. [verse 21] Beforn a straunger make thou not counseil; for|sothe thou wost not, what he bere out. To alle men thin herte opene thou not; lest par auenture it bringe in to thee fals grace, and yt poote reproof to thee.