The Ormulum / with the notes and glossary of R.M. White ; edited by Robert Holt.

INTRODUCTION.

[col 1] All mannkinn, fra þatt Adam wass Þurrh Drihhtin wrohht off eorþe, Anán till þatt itt cumenn wass Till Cristess dæþ o rode, All fór till helle forr þatt gillt Line 5 Þatt Adam haffde gilltedd, Þurrh þatt he Godess bo˘deword Forrle¯¯t forr lítell nede. Forr wel he mihhte lokenn himm, Ȝiff þatt he wollde himm lokenn, Line 10 Fra þatt anlĕpiȝ treo þatt himm Drihhtin forrbodenn haffde, Þær þær he fand off oþre treos Full gode treos inoȝhe. & forrþi þatt he bracc onnȝæn Line 15 Drihhtin all hise þannkess, Forrþi wass mikell wræche sett Onnȝæn þatt woh wiþþ rihhte. Forr þatt wass mikell wræche wiss Þatt all follc fór till helle, Line 20 To ben á butenn ende þær Forr áness manness gillte. & itt wass þohh full mikell rihht, Þatt witt tu wel to soþe, Þatt all follc wass forrgillt, þurrh þatt Line 25 Þatt Adam wass forrgilltedd. Forr all follc wass þatt illke streon Þatt Adam haffde strenedd,

& all follc wass forrþi forrgillt Þær Adam wass forrgilltedd. Line 30

Adam wass wurrþenn deofless peoww Þurrh þatt he díde hiss wille, & all þatt streonedd wass þurrh himm Wass streonedd to þatt illke, To ben unnderr deofless þeowwdom, Line 35 To farenn all till helle. & tatt wass rihht tatt mannkinn wass Unnderr þe deofless walde, All swa summ Adam wurrþenn wass, Þatt haffde hemm alle streonedd, Line 40 & all se iss her bitwenenn þe & tin eorþlike laferrd; Forr all swa summ þu þeowwtesst himm, Swa shall þin sune himm þeowwtenn, Butt iff he wurrþe lesedd u¯¯t Line 45 Off hiss þeowwdomess bandess. Nu mihht tu sen þatt tatt wass rihht Þatt mannkinn fór till helle, All affterr þatt tatt Adam for, Þatt haffde hemm alle streonedd; Line 50 & alle forenn all forrþi Till helless þeossterrnesse, Ȝa þa þatt wærenn gode menn, Ȝa þa þatt wærenn ille. Þær wærenn fĕle gode menn Line 55 Biforenn Cristess come,

Þatt cwemmdenn Godd þurrh haliȝ lif, & þurrh unnshaþiȝnesse, & tohh ne mihhte naniȝ mann Þurrh hise gode dedess Line 60 U¯¯tbresstenn off þe deofless band, & u¯¯t off helle walde. Acc son se tíme comm þærto Þatt Godd itt wollde betenn, Godd ræw off mann, & tatt forrþi Line 65 Þatt he wass wrohht off eorþe. [col 2] Off all þatt enngleflocc þatt fell Off heoffness ærd till helle Ne ræw himm nohht, swa þatt he þeȝȝm Fra píne wollde lesenn; Line 70 Forrþi þatt teȝȝ ne gilltenn nohht Þurrh flæshess unntrummnesse, Acc þurrh þatt laþe modiȝleȝȝc Þatt comm all off hemm sellfenn, Forrþi ne ræw himm nohht off hemm, Line 75 Ne nohht off here píne; Acc Drihhtin ræw off mann, forrþi Þatt he wass wrohht off eorþe. & son se tíme comm þærto Þatt Godd uss wollde lesenn Line 80 U¯¯t off þe laþe gastess band, U¯¯t off þe deofless walde, He sennde uss sone hiss word, hiss witt, Hiss Sune, hiss mahht, hiss kinde,

To takenn ure mennisscleȝȝc, Line 85 To wurrþenn mann onn eorþe, To lesenn mannkinn þurrh hiss dæþ U¯¯t off þe deofless walde.

Acc ȝuw birrþ unnderrstanndenn her Þatt Sannt Johan Bapptisste Line 90 Wass borenn i þiss middellærd Þurrh Godess lefe wille, To cumenn forþ bitwenenn menn, To spellenn & to fullhtnenn Biforenn Crist Allmahhtiȝ Godd, Line 95 To ȝarrkenn hise weȝȝess. Rihht swa summ bidell birrþ ben sennd, To ȝarrkenn & to greȝȝþenn Onnȝæn hiss laferrd tær þær he Shall cumenn swiþe newenn, Line 100 Rihht o þatt wise comm Johan Biforenn Cristess come, To ȝarrkenn follc onnȝæness Crist, To takenn wiþþ hiss lare. & her icc wile shæwenn ȝuw Line 105 Hu Sannt Johan Bapptisste Wass sennd þurrh Godd biforenn Crist, To ȝarrkenn Cristess weȝȝess;

SECUNDUM LUCAM I.

Fuit in diebus Herodis Regis Judee sacerdos quidam nomine Zacharias.

An preost wass onn Herodess daȝȝ Amang Judisskenn þeode, Line 110 & he wass, wiss to fulle soþ, Ȝehatenn Zacaríȝe, & haffde an duhhtiȝ wif, þatt wass Off Aaroness dohhtress; & ȝho wass, wiss to fulle soþ, Line 115 Elysabæþ ȝehatenn. & teȝȝ wærenn biforenn Godd Rihhtwise menn & gode. Forr eȝȝþerr here ȝede swa Rihht affterr Godess lare, Line 120 Þatt nan mann nohht ne fand onn hemm To tælenn ne to wreȝenn, [col 3] Noff whatt menn mihhtenn habbenn niþ Ne wraþþe ȝæn heore owwþerr. & swa þeȝȝ leddenn heore lif Line 125 Till þatt teȝȝ wærenn alde, Þatt naffdenn þeȝȝ þurrh þeȝȝre streon Ne sune child, ne dohhterr, Forr ȝho wass swa bifundenn wif Þatt ȝho ne mihhte tæmenn. Line 130 & forr þatt he wass Godess preost To þeowwtenn i þe temmple,

Att ænne time whanne hiss lott Wass cumenn upp to þeowwtenn, He toc hiss reclefatt onn hand, Line 135 & ȝede innto þe temmple. All áne shridd wiþþ haliȝ shrud Ȝede he till Godess allterr, Forr þær to þeowwtenn Drihhtin Godd O þatt Judisskenn wise; Line 140 & all þe follc þær ute stod Þatt while onn heore béne. & Godess enngell comm himm to O rihht hallf bi þatt allterr, Þatt hemm wass sett þurrh Godess æ Line 145 To þeowwtenn þær wiþþ recless. & he warrþ drefedd & forrdredd Off þatt he sahh þatt enngell; & Godess enngell seȝȝde himm to Forr þatt he wollde himm frofrenn; Line 150 Ne dred te, Zacaríȝe, nohht, Noff me, noff mine wordess, Forr Godd Allwældennd hafeþþ herrd & ȝatedd tíne beness. & nu þe shall Elysabæþ Line 155 Þin wif an sune childenn; & tu shallt nemmnenn himm Johan, & tu shallt habbenn blisse. & oþre unnfæwe shulenn ec Full glade & bliþe wurrþenn, Line 160 Forrþi þatt he shall borenn ben & cumenn her to manne.

Forr he shall ben u¯¯tnumenn mann Inn haliȝ lif & læfe, Ne shall he drinnkenn nænne drinnch Line 165 Þatt drunnkennesse follȝheþþ· & he beþ full off Haliȝ Gast Ȝe¯¯t inn hiss moderr wambe; & he shall turrnenn mikell flocc Off þiss Judisskenn þeode Line 170 Till Godess Sune Jesu Crist, & till þe rihhte læfe; & he shall newenn cumenn forþ Till mannkinn her o life Biforenn Crist Allmahhtiȝ Godd, Line 175 To ȝarrkenn hise weȝȝess; & he shall newenn cumenn forþ Biforenn Cristess cóme Rihht i þatt illke gode gast & i þatt illke mahhte, Line 180 Þatt Helyas shall cumenn efft Biforenn Cristess come; & he shall newenn cumenn forþ To turrnenn & to wendenn Þe suness þurrh hiss hallȝhe spell Line 185 Till þeȝȝre faderr herrte; & he shall turrnenn þurrh hiss spell Þe trowwþelæse leode Till all þe rihhte witt off þa Þatt all rihhtwise wærenn; [col 4] Line 190

Line 190 & he shall newenn cumenn forþ Biforenn Cristess come, To ȝarrkenn her onnȝæness Crist All þwerrt u¯¯t haliȝ leode, Þurrh fulluhht & þurrh haliȝ spell, Line 195 & ec þurrh haliȝ bisne;·

Þa seȝȝde Zacariass þuss Till Godess enngell sone; Þurrh whatt maȝȝ icc nu witenn þiss Þatt itt me muȝhe wurrþenn? Line 200 Witt sinndenn off swillc elde nu Þatt witt ne muȝhenn tæmenn. & Godess enngell seȝȝde þuss Till Zacariæe efft sóne; Witt tu þatt icc amm Gabriæl Line 205 Þatt æfre & æfre stannde Biforenn Godd, to lútenn himm, To lo˘fenn himm & wurrþenn; & hiderr amm icc sennd to þe, Þiss blisse þe to kiþenn. Line 210 & fra þiss daȝȝ þu shallt ben dumb Till þatt itt shall ben forþedd, Forrþi þatt tu ne wolldesst nohht Nu trowwenn mine wordess, Þatt filledd shulenn ben þurrh Godd Line 215 Att heo˘re rihhte tíme. & all þe follc þær úte abad, & þuhhte mikell wunnderr

Forrwhi þe preost swa lannge wass Þatt daȝȝ att Godess allterr. Line 220 & tanne comm he siþþenn u¯¯t All dumb & butenn spæche, & toc to becnenn till þe follc, & spacc he nohht wiþþ tunge. & ta þeȝȝ wisstenn sone anan Line 225 Forr whatt he dwelledd haffde; Þeȝȝ wisstenn þatt himm wass þatt daȝȝ Summ unncuþ sihhþe shæwedd. & Zacaríȝe for himm ham Affterr þa daȝhess sone. Line 230 & siþþenn warrþ Elyzabæth Off himm þurrh Godd wiþþ childe; & ȝho¯¯t forrhall fif moneþþ wel, Þatt witt tu wel to soþe, & tuss ȝho seȝȝde inn hire þohht Line 235 Off hire dærne sellþe; [col 5] Þuss hafeþþ Drihhtin don wiþþ me, Þurrh hiss orrmete millce, Þatt icc ne beo mang wimmannkinn Till hæþinng butenn chilldre. Line 240 Her endenn twa Goddspelless þuss, & uss birrþ hemm þurrhsekenn, To lokenn whatt teȝȝ lærenn uss Off ure sawle nede. Her habbe icc shæwedd ȝuw summ del Line 245 Hu Sannt Johan Bapptisste

Þurrh Godess ȝife streonedd wass Off faderr & off moderr, Onnȝæness kinde þohh swa þehh, Forr baþe wærenn alde. Line 250 & her icc wile shæwenn ȝuw Off þise twa Goddspelless, Hu mikell god teȝȝ lærenn ȝuw Off ȝure sawless nede;·

Þiss Goddspell seȝȝþ þatt Sannt Johan Line 255 Wass her to manne streonedd Upponn Heróde kingess daȝȝ; & tatt wass Godess wille; Forr Godess Gast itt haffde seȝȝd Þurrh hiss profetess tunge, Line 260 Full mikell fresst biforenn þatt Þatt Crist comm her to manne, Þatt Godess follc, Judisskenn follc, Þatt Godess laȝhess heldenn, Aȝȝ sholldenn habbenn allderrmenn Line 265 & kingess off hemm sellfenn, Aȝȝ — till þatt Godess Sune Crist Himm shollde onn eorþe shæwenn. & swa itt wass aȝȝ — till þatt Crist Wass borenn her to manne. Line 270 Forr aȝȝ þeȝȝ haffdenn allderrmenn & kingess off hemm sellfenn, Till þatt Herode wass hemm sett Hæþene mann to kinge,

Þurrh Rome burrȝhess Kaserrking, Line 275 Þatt tær wass oferrlaferrd. & o þatt illke Herodess daȝȝ Comm Jesu Crist to manne, Hallf ȝer affterr þatt Sannt Johan Wass borenn off hiss moderr. Line 280 & swa wass filledd opennliȝ Þatt word tatt ær wass cwiddedd, Þatt Godess follc, Judisskenn follc, Þatt Godess laȝhess heldenn, Aȝȝ sholldenn habbenn allderrmenn Line 285 & kingess off hemm sellfenn, Aȝȝ—till þatt Godess Sune Crist Himm shollde onn eorþe shæwenn; & ec þiss Goddspellwrihte seȝȝþ, Þatt Zakariȝess macche Line 290 Elysabæþ wass an wifmann Off Aaroness dohhtress. & Aaron wass þe firrste preost Off Issraæle þeode, & Aaron, þatt seȝȝþ soþ boc, Line 295 Wass Moysæsess broþerr. & Moysæs wass hæfedd mann Off Issraæle þeode, & Aaron wass hæfedd preost Amang Judisskenn þeode. Line 300 & tiss wif wass off þeȝȝre kinn, Swa summ þe Goddspell kiþeþþ· & tohh þatt tiss Elysabæþ, Þatt we nu mælenn ummbe,

Wass þuss off Aaroness kinn, Line 305 Þohh seȝȝþ þe Goddspellwrihhte Þatt ȝho wass Sannte Marȝe sibb, Þe Laferd Cristess moderr, Þatt wass off Davið kingess kinn, & Daviþ king þohhwheþþre Line 310 Nass nohht off Aaroness kin Noff Aaroness birde, & forr þatt all iss þwerrt u¯¯t soþ, & all þwerrt u¯¯t to trowwenn, Þatt stanndeþþ o þe Goddspellboc Line 315 Þatt þwerrt u¯¯t nohht ne leȝheþþ, Uss birrþ heroffe witenn wel & seon & unnderrstanndenn, Þatt Daviþ kingess kinness menn Off weress oþþr off wifess Line 320 Wiþþ Aaroness kinness menn Off siþre wærenn sammnedd, To streonenn streon, to wurrþenn sibb Wiþþ kingess & wiþþ preostess. Tacc nu þiss streon þatt tuss wass sibb Line 325 Wiþþ preostess & wiþþ kingess, & le¯¯t itt streonenn streon inoh All i þatt illke birde, All all swa summ itt streonedd be Off kingess & off preostess, Line 330 & le¯¯t itt siþþenn streonenn forþ Elysabæþ to manne, & le¯¯t itt siþþenn streonenn forþ Þe lafdiȝ Sannte Marȝe;

& tacc hemm baþe u¯¯t off þatt streon Line 335 & eȝȝþerr sibb wiþþ oþerr, & eȝȝþerr streonedd i þiss lif Off kingess & off preostess; & tacc þe Laferd Jesu Crist Þurrh Sannte Marȝe hiss moderr, Line 340 Þatt hallȝhe streon þatt streonedd wass Off kingess & off preostess, Þatt streon þatt wass Allmahhtiȝ Godd, & King off alle kingess, & Preost off alle preostess ec, Line 345 & Shippennd allre shaffte, & lac to wurrþenn offredd her O rodetreowwess allterr, To lesenn mannkinn þurrh hiss dæþ U¯¯tt off þe deofless walde, Line 350 & forr to sahhtlenn hemm towarrd Hiss Faderr upp off heoffne, Þatt all wass wraþ wiþþ all mannkinn, & haffde itt all forrworrpenn Aȝȝ fra þatt Adam Godd forrle¯¯t, Line 355 & toc himm to þe deofell. & forrþi wass þe Laferrd Crist Off preostess kinn onn eorþe, Forr þatt he wollde wurrþenn lac Þatt preostess unnderrfangenn, Line 360 & ec forrþi þatt he wass Preost Hæfedd off alle preostess, To biddenn forr hiss aȝhenn follc Upponn hiss Faderr are;·

& ec þiss illke Goddspell seȝȝþ, Line 365 Swa summ ȝe littlær herrdenn, Þatt Zacaríe, Godess preost, & ȝho þatt wass hiss macche Wærenn rihhtwise & gode menn Biforenn Godess eȝhne. Line 370 & ȝuw maȝȝ ben þiss illke word God lare hu ȝuw birrþ libbenn. [col 6] He seȝȝde þatt teȝȝ wærenn ba Biforenn Godd rihhtwise. & tatt wass alls he seȝȝde þuss Line 375 Wiþþ all full openn spæche, Þeȝȝ baþe samenn cwemmdenn Godd Þurrh heore rihhtwisnesse. & swa ne don nohht alle þa Þatt follȝhenn rihhtwisnesse, Line 380 Ne cwemenn þeȝȝ nohht alle Godd Wiþþ heore rihhtwisnesse. Forr mann maȝȝ findenn i þiss lif Bitwenenn uss inoȝhe Þatt ledenn hemm swa dærneliȝ Line 385 Biforenn menness eȝhne, Þatt mann hemm hallt forr góde menn & forr full wel rihhtwise, & sinndenn þohh biforenn Godd Unngode & unnrihhtwise; Line 390 Forrþi þatt teȝȝ forr idell ȝellp & all forr menness spæche

Shæwenn biforenn oþre menn Godnesse & rihhtwisnesse, & sinndenn þohh swa þehh i þohht Line 395 & ec i dærne dedess Biforenn Drihhtin fule menn, Þurrh sinness unnclænnesse. Acc þa þatt all forr lufe off Godd Aȝȝ follȝhenn rihhtwisnesse Line 400 Biforenn menn, bihinndenn menn, O daȝȝess & o nihhtess, & nohht forr eorþliȝ loff, acc all Forr heofennlike mede, Þa sinndenn wiss biforenn Godd Line 405 Rihhtwise menn & gode, & shulenn habbenn heore læn Forr heore rihhtwisnesse, Á butenn ende blisse inoh Wiþþ alle Godess enngless. Line 410 & ȝe¯¯ tiss Goddspell seȝȝþ off hemm, Forr uss þurrh hemm to lærenn, Þatt eȝȝþerr heore ȝede swa Rihht affterr Godess lare, Þatt fand mann nan þing upponn hemm Line 415 To wreȝenn, ne to tælenn, Noff whatt menn mihhtenn habbenn niþ, Ne wraþþe ȝæn heore owwþerr. & her þu mihht nu sen þatt teȝȝ Full cweme wærenn baþe Line 420 Biforenn Godd inn heoffne, & ec Biforenn menn onn eorþe.

& tu shallt findenn swillke nu Bitwenenn uss well fæwe; Forr swa we don unnhaȝherrliȝ Line 425 Whattse we don to góde, & swa we don itt wiþþ unnskill Þatt itt maȝȝ anngrenn oþre. Acc swa ne didenn nohht ta twa Þatt we nu mælenn ummbe; Line 430 Forr fand mann nan þing upponn hemm Þatt mihhte ohht anngrenn oþre; [col 7] Þurrh whatt tu mihht nu sen þatt teȝȝ Rihhtwise & gode wærenn. & swa þeȝȝ leddenn heore lif Line 435 Till þatt teȝȝ wærenn alde, Þatt naffdenn þeȝȝ nan child till þa; & tatt wass Godess wille. Forr Godd itt haffde lokedd swa Þatt Sannt Johan Bapptisste Line 440 Þatt time shollde streonedd ben Þatt wære onnȝæness kinde, Þatt hise frend mihhtenn off himm All þess te mare blissenn, & tatt te follc all þess te bett Line 445 Hiss lare shollde follȝhenn, Þurrh þatt tatt teȝȝ himm sholldenn sen Ben borenn her to manne Þurrh Godess wille, & þurrh hiss mahht, & nohht þurrh moderr kinde. Line 450

Line 450 Forr ȝho wass swa bifundenn wif Þatt naffde ȝho nohht tæmedd, & ȝho wass þa swa winntredd wif & off swa mikell elde, Þatt naffde ȝho nan kinde þa Line 455 Onn hire forr to tæmenn. & forrþi wass itt all þurrh Godd Þatt ȝho wass þa wiþþ childe, Forr þatt ȝho shollde childenn an U¯¯tnumenn child to manne. Line 460

Þiss gode mann, þiss gode prest, Þatt we nu mælenn offe, Wass, alls I seȝȝde nu littlær, Ȝehatenn Zacaryas; & he wass, alls icc hafe seȝȝd, Line 465 God prest, & Godd full cweme. & he wass i þatt shifftinng sett Þatt nemmnedd wass Abya, Forr prestess þanne & dæcness ec Shifftedenn hemm bitwenenn Line 470 Whillc hĕre shollde serrfenn firrst, Whillc siþþenn i þe temmple. & he, þiss Zakaryas, wass Bitwenenn oþre prestess I þatt shifftinng to serrfenn sett Line 475 Þatt nemmnedd wass Abya, Affterr an hæfedd prest tatt wass Off Aaroness chilldre,

Þatt ta bi name nemmnedd wass Abyuþþ oþþr Abyas. Line 480 Unnderr all þalde laȝhess fresst Wærenn alle þe prestess Off tweȝȝenn prestess, & tatt an Off þa tweȝȝenn wass nemmnedd Eleazar, & Ytamar Line 485 Wass he þatt oþerr nemmnedd. & ta twa prestess wærenn A| -aroness suness baþe. & talde laȝhess presteflocc Comm all off þa twa prestess; Line 490 Forr Drihhtin haffde þanne sett, Þatt nan ne shollde wurrþenn Þa sett to wurrþenn prest, butt iff He prestess sune wære. & alle þa prestess þatt off Line 495 Þa tweȝȝenn prestess comenn, Shifftedenn hemm bitwenenn þa Wiþþ lott, whillc shollde serrfenn Allmahhtiȝ Godd att allterr firrst, Whillc siþþenn i þe temmple. Line 500 & Daviþþ king hemm haffde sett I lotess fowwre & twenntiȝ, Þatt illc an shollde witenn wel Whillc lott himm shollde reȝȝsenn, To cumenn inntill Ȝerrsalæm, Line 505 To serrvenn i þe temmple. Þær wærenn fowwre & twenntiȝ menn Þatt wærenn hæfedd prestess,

& off illc an off alle þa Comm an god flocc off prestess, Line 510 Sprungenn off himm, strenedd þurrh himm, & wass hiss hird ȝehatenn. & iwhillc an serlepess off Þa fowwre & twenntiȝ hirdess Wass nemmnedd affterr an mann off Line 515 Þa fowwre & twenntiȝ prestess Þatt wærenn hæfedd prestess off Þa fowwre & twenntiȝ hirdess. & illc an hird serlepess, off Þa fowwre and twenntiȝ hirdess, Line 520 Wisste full wel whillc lott an, off Þa lotess fowwre & twenntiȝ, Himm badd ben bun his sefennnahht To þewwtenn i þe temmple. Forr illc an hird wel wisste inoh, Line 525 Wheþþr itt to serrfenn shollde Prest senndenn i þe firrste lott, Oþþr i þatt comm þæraffterr, Oþþr i þe þridde lott, oþþr i Þe ferþe, oþþr i þe fifte. Line 530 & off þa fowwre & twenntiȝ menn, Þatt wærenn hæfedd prestess & allderrmenn & hirdess off Þa fowwre & twenntiȝ gengess Þatt wærenn prestess, Drihhtin Godd Line 535 To þewwtenn wukemalumm, Off þa twa si˘þe twellfe menn Wass an Abyas nemmnedd

Oþþr Abyud, & inn hiss hird Wass Zakaryass fundenn, Line 540 & off hiss kinn an haliȝ prest, & Drihhtin Godd full cweme. & i þehhtennde lott comm þiss Abyȝess hird to serrfenn, To findenn prest hiss sefennnahht Line 545 To þewwtenn i þe temmple. & aȝȝ whannse þatt presteflocc, Þatt fowwre & twenntiȝ wærenn, Ann siþe þewwtedd haffdenn all Abutenn i þe temmple, Line 550 Aȝȝ haffde þeȝȝ off wukess þa Rihht fowwre & twenntiȝ filledd. & aȝȝ þeȝȝ tokenn efft forrnon To serrfenn wukemalumm. & ȝuw birrþ wi˘tenn þatt te king Line 555 Þa fowwre & twenntiȝ hirdess Todæledd haffde þane o twa, To settenn tweȝȝenn hirdess, An hird tatt off Eleazár Wass sprungenn & was strenedd, Line 560 An oþerr þatt off Ytamár Wass strenedd her to manne. & eȝȝþerr hird & eȝȝþerr hus Todæledd wass þohhwheþþre Onn hirdess rihht sextene, & ec Line 565 Onn hirdess twiȝȝess fowwre. & tatt hird tatt todæledd wass Onn hirdess rihht sextene,

All þatt hird off Eleazar Wass strenedd her to manne; Line 570 & tatt, forr þatt Eleazar Sextene suness haffde, & off illc an serlepess wass An hird to manne strenedd. & tatt hird tatt todæledd wass Line 575 Onn hirdess twiȝȝess fowwre, All þatt hird wass þurrh Ytamar To manne onn erþe strenedd; & tatt, forrþi þatt Ytamar Rihht ehhte suness haffde, Line 580 & off illc an serlepess wass An hird to manne strenedd; & ta sextene þatt Ele|azar her haffde strenedd, Þa hirdess þatt, witt tu full wel, Line 585 Haffdenn an hird onn hæfedd, Haffdenn an hæfedd hird tatt wass Abufenn alle þoþre, Alls iff itt wære laferrdflocc Offr alle þoþre flockess. Line 590 & tatt tatt swa wass hæfedd hird, Þatt hird wass i þatt time Nemmnedd Eleazaress hus, Eleazaress hewenn. & all se itt fór onn oþerr hallf Line 595 Inn Ytamaress chilldre. Forr Ytamaress hird wass ec Þatt illke wise dæledd

Onn hirdess ehhte, seȝȝþ þe boc, & haffde an hird onn hæfedd, Line 600 & haffde an hæfedd hird tatt wass Abufenn alle þoþre, Alls iff itt wære laferrdflocc Offr alle þoþre flokkess. & tatt tatt swa wass hæfedd hird, Line 605 Þatt hird wass i þatt time Ȝehatenn Ytamaress hus, & Ytamaress hewenn. & illc an hird wass nemmnedd aȝȝ Bi name, inn all þatt time, Line 610 Affterr summ aþell mann & god Þatt i þatt hird wass hæfedd. & illc an hird wel wisste inoh Whillc lott badd hise prestess I Godess temmple serrfenn Godd. Line 615 & aȝȝ comm Zacaryas Unnderr þehhtennde lott wiþþ lac To þewwtenn i þe temmple. & o þatt illke wise comm Aȝȝ dækenn affterr dækenn, Line 620 All affterr þatt his lott himm fell To þewwtenn i þe temmple.

[col 7.1.35] Þatt Godess enngell Gabriæl Comm dun o Godess hallfe

I Godess hus, wiþþ Godess word, Line 625 O rihht hallf bi þatt allterr Þær Zacarías, Godess preost Wiþþ recless þeowwtenn shollde, Þatt wass full wel, forr itt wass don All all se Drihhtin wollde. Line 630 Forr he comm dun wiþþ Godess word, To kiþenn itt onn eorþe, Þatt Cristess bidell Sannt Johan Þa shollde cumenn newenn Innto þiss lif biforenn Crist, Line 635 To ȝarrkenn hise weȝȝess Biforenn himm þatt shollde ben Hæfedd off alle preostess, & offringlac rihht god inoh Affterr hiss Faderr wille, Line 640 To lesenn mannkinn þurrh hiss dæþ U¯¯t off þe deofless walde, Swa þatt mann mihhte winnenn her To brukenn eche blisse, [col 8] Þatt eȝȝwhær upponn haliȝ boc Line 645 Iss þurrh rihht hallf bitacnedd. & forrþi shulenn alle þa Þatt shulenn habbenn blisse Tosamenn stanndenn att te dom O rihht hallf bi þe Deme, Line 650 Bi Jesu Crist o Domes daȝȝ Þær he shall all follc demenn;

Forrþi þatt hemm þurrh þatt rihht hallf Shall ben full wel bitacnedd, Þatt hemm beþ ȝarrkedd þurrh Drihhtin Line 655 To brukenn eche blisse;· & son se Zacariȝe sahh Þatt enngless brihhte leome, He warrþ forrfæredd & forrdredd, Swa summ þe Goddspell kiþeþþ· Line 660 & Godess enngell toc himm þær To beldenn & to frofrenn. Forr ure wrecche kinde iss swillc Þatt itt maȝȝ ben forrfæredd, Ȝiff þatt itt ohht færlike seþ Line 665 Þe wli˘te off ennglekinde. & Godess enngell iss full meoc, & milde, & soffte, & bliþe, To beldenn & to frofrenn þe, Ȝiff he þe seþ forrgloppnedd. Line 670 Acc deofell iss, þatt witt tu wel, Off grimme & niþfull herrte; Forr ȝiff he seþ þatt mann iss ohht Forrfæredd off hiss sihhþe, He wi˘le himm færenn, ȝiff he maȝȝ, Line 675 & skerrenn máre & máre. Acc whas itt iss þatt wæpnedd iss Wiþþ fulle trowwþe o Criste, Þohh þatt he se þe laþe gast, Niss he rihht nohht forrfæredd. Line 680 Þatt Godess enngell Gabriæl Till Zacaríȝe seȝȝde,

Witt tu þatt Drihhtin hafeþþ herrd & ȝatedd tine beness, & tatt tin wif Elysabæþ Line 685 Þe shall an sune childenn, Þatt seȝȝde he ful iwiss forrþi Þatt ta wass cumenn tíme Þatt Drihhtin wollde lesenn u¯¯t Hiss follc off deofless walde, Line 690 Þatt Zacariass Godess preost, & oþre gode preostess, & maniȝ haliȝ læwedd mann O Drihhtin haffde bonedd. Forr alle þa þatt cwemmdenn Godd Line 695 Biforenn Cristess come, Þeȝȝ alle bædenn innwarrdliȝ Wiþþ bedess & wiþþ dedess, Þatt Drihhtin shollde lesenn hemm U¯¯t off þe deofless walde. Line 700 [col 9] & ta wass cumenn time to Þatt Godd hemm wollde lesenn. & forrþi seȝȝde Gabriæl, Þu shallt an sune streonenn; Forr þatt hiss sune shollde ben Line 705 Biginning off þatt blisse. Forr att te come off Sannt Johan Bigann all ure blisse, All þatt te Laferrd Jesu Crist Comm till mannkinn onn eorþe, Line 710

Line 710 & bohhte þurrh hiss aȝhen dæþ Mannkinn fra deofless walde. Forr Sannt Johan Bapptisste comm Biforenn Cristess come, To kiþenn to þe follc þatt Crist Line 715 Þa shollde cumenn newenn. & swa bigann att Sannt Johan Þe Laferrd Cristess come, & all þatt blisse þatt uss comm Þurrh þatt he comm onn eorþe. Line 720 Þatt Godess enngell seȝȝde himm þær, Whatt name he shollde settenn Uppo þatt illke child tatt he Þa shollde newenn strenenn, Þatt wass till all þe childess kinn Line 725 Wurrþshipe, & tatt unnlitell; Forr þatt te Laferrd Godd himm sellf Himm seȝȝde þurrh hiss enngell, Þatt he þa shollde streonenn child, & hu he shollde itt nemmnenn, Line 730 Þatt wass wurrþshipe inoh till menn, & ec full openn takenn Þatt heore streon wass Drihhtin leof Ȝe¯¯t ær itt wære streonedd. & himm wass ec þatt name sett Line 735 Forr mikell þing to tacnenn; Forr affterr þatt icc seggenn maȝȝ, Johan onn Ennglissh spæche Bitacneþþ uss þatt þing þatt iss All affterr Godess wille, Line 740

Line 740 & swa wass þatt la ful iwiss All affterr Godess wille, Þatt Sannt Johan wass streonedd ta Þurrh faderr & þurrh moderr, Þatt tíme þatt teȝȝ wærenn ba Line 745 Winntrĕde menn & alde. & tekenn þatt tatt ȝho wass ald Ȝe¯¯t wass ȝho swa bifundenn, Þatt ȝho, swa summ itt wollde Godd, Ne mihhte næ¯fræ¯r tæmenn; Line 750 & forrþi wass itt ful iwiss All þurrh Drihhtiness wille, Þatt teȝȝ swa late mihhtenn child I mikell elde streonenn. [col 10] & tatt tiss illke Sannt Johan, Line 755 Þatt wass swa lăte streonedd, Wass filledd off þe Frofre Gast Ȝe¯¯t inn hiss moderr wambe, Swa summ þe Goddspellwrihhte seȝȝþ Þatt þwerrt u¯¯t nohht ne leȝheþþ, Line 760 Þatt sellþe ȝaff himm Drihhtin Godd Affterr hiss aȝhenn wille; & forrþi wass itt mikell rihht Þatt he Johan wass nemmnedd, Þatt tacneþþ all þatt þing þatt iss Line 765 All affterr Godess wille. & tatt he siþþenn þurrh hiss spell, & þurrh hiss hallȝhe bisne,

Droh swiþe mikell follc till Godd & till þe rihhte læfe, Line 770 Son summ he þeȝȝm bigann off Godd To spellenn & to fullhtnenn, Þatt sellþe ȝaff himm Drihhtin Godd Affterr hiss aȝhenn wille; & forrþi sette himm Drihhtin Godd Line 775 To ben Johan ȝehatenn, Þatt tacneþþ all þatt þing þatt iss All affterr Godess wille. & Godess enngell seȝȝde þær Off Sannt Johan ȝe¯¯ mare, Line 780 Till Zacaríȝe þær he stod All shridd att Godess allterr. He seȝȝde; & tu shallt off þatt child Habbenn gladdshipe & blisse. & tatt wass witerrlike soþ Line 785 Þatt Godess enngell seȝȝde. Forr þatt wass to þatt gode preost Well swiþe mikell blisse, Þatt Drihhtin himm onn elde ȝaff Swa mahhtiȝ child to streonenn. Line 790

& ȝe¯¯ tatt enngell seȝȝde himm þær, Þatt oþre menn unnfæwe Well glade & bliþe sholldenn ben Ec off þatt childess come; & tatt wass soþ, forr mani mann Line 795 Wass off hiss come bliþe;

Forr þatt he wass þe firrste mann Þatt brohhte word onn eorþe, Þatt mannkinn shollde newenn ben U¯¯tlesedd fra þe deofell, Line 800 & winnenn heoffness kinedom Þurrh clene lifess wæpenn.

& ȝe¯¯ he seȝȝde þuss till himm; Þatt child tatt tu shallt streonenn Shall ben biforenn Drihhtin Godd Line 805 Full mahhtiȝ mann & mære, Ne shall he næfre drinnkenn drinnch Þatt drunnkennesse follȝheþþ· [col 11] Þiss seȝȝde Godess enngell þær; & uss birrþ alle trowwenn, Line 810 Þatt he forrwarrp forr lufe off Godd All þwerrt u¯¯t gluterrnesse, He — þatt wass full off Haliȝ Gast Œr þann he borenn wære; Forr Haliȝ Gast forrseþ & fleþ Line 815 Þwerrt u¯¯t all þatt iss sinne. & Gabriæl spacc þær off þiss Till Zacariȝe, & seȝȝde; & he beþ full off Haliȝ Gast Ȝe¯¯t inn hiss moderr wambe. Line 820 & sone summ he cuþe ben Himm ane bi himm sellfenn,

He flæh till wesste fra þe follc, Forr þatt he nollde gilltenn, Ne forrþenn þurrh an idell word Line 825 To mælenn her o life. & i þe wesste þær he wass Hiss fode wass unnorne, Forr nass nan esstemete þær Þatt follȝheþþ gluternesse; Line 830 Ne þær ne fand he nænne drinnch Þatt drunnkennesse follȝheþþ; & tohh het¯¯ owwhar funde þær, Ne wollde het¯¯ næfre cunnenn, Forr he wass filledd all þurrh Godd Line 835 Off Haliȝ Gastess drinnchess.

& Godess enngell seȝȝde off himm Ȝe¯¯t tuss till Zacaríȝe; & he shall turrnenn þurrh hiss spell, & þurrh hiss hallȝhe bisne, Line 840 Well mikell flocc till þeȝȝre Godd Off Israæless chilldre. & tatt he dide ful iwiss, Son summ he toc to spellenn, He turrnde mikell follc till Godd Line 845 Ȝa læwedd follc, ȝa læredd, Þurrh fulluhht & þurrh haliȝ spell, & þurrh hiss hallȝhe bisne; Forr þurrh þatt he wass haliȝ mann Onn alle kinne wise, Line 850

Line 850 He ȝaff hemm bisne god inoh To lufenn Godd & dredenn.

[col 12] & ȝe¯¯ spacc Godess enngell þuss Till Zacariȝe & seȝȝde; & tatt child, tatt tu streonenn shallt, Line 855 Shall cumenn her to manne Biforenn Crist rihht i þatt gast, & i þatt illke mahhte, Þatt Helyas shall cumenn efft Biforenn Cristess cóme. Line 860 & tatt wass witerrlike soþ, Forr Sannt Johan Bapptisste Comm forrþ biforenn Jesu Crist Att Cristess forrme come; & Helyas shall cumenn efft, Line 865 Onn Anntecristess time, Biforenn ure Laferrd Crist Att Cristess lattre come. & Sannt Johan Bapptisste comm Biforenn Cristess come, Line 870 Þa Crist wass her all gilltelæs Wiþþ woȝhe demmd to dæþe; & Helyas shall cumenn efft Biforenn Cristess come, Þa Crist shall demenn all mannkinn Line 875 All rihht, & nohht wiþþ woȝhe.

& Sannt Johan Bapptisste comm Biforenn Cristess come, Þa Crist comm hiderr dun, hiss follc To lesenn u¯¯t off helle; Line 880 & Helyas shall cumenn efft Biforenn Cristess come, Þa Crist shall cumenn efft, hiss follc To ledenn inntill heoffne. Þuss comm Johan biforenn Crist Line 885 All o þatt illke wise, Þatt Helyas shall cumenn efft Biforenn Cristess come. & eȝȝþerr wass wiþþ oþerr lic Ȝe¯¯t onn an oþerr wise, Line 890 Forr baþe leddenn usell lif I mĕtess & i claþess, & baþe fluȝhenn fra þe follc U¯¯tt inntill wilde wesste, & leddenn þær full haliȝ lif, Line 895 Forr swa to winnenn blisse, & baþe hemm fell to þolenn wa Þurrh ifell wifess irre [Coll. 13—28 wanting.] . . . . . [col 29] & till uss sellfenn baþe, & Godd off heffne aȝȝ wollde himm sellf Line 900 Þa belless herenn ringenn, Whannse þe preost wass shridd tærwiþþ To gan till Godess allterr,

To þeowwtenn & to wurrþenn Godd Wiþþ bedess & wiþþ lakess. Line 905 & mikell ned wass himm þatt Godd Þa belless herrde ringenn, Þatt he ne felle þære dæd Þurrh Godess wraþþe & wræche; Forr ȝiff þatt Godd ne mihhte nohht Line 910 Þa belless herenn ringenn, Whannse þe preost wass shridd tærwiþþ To gan till Godess allterr, Godd wollde himm wrekenn o þe preost, Swa þatt he swelltenn shollde, Line 915 Forrþi þatt he ne namm nan gom To fillenn all hiss wikenn.

Nu, laferrdinngess, loke we Whatt tiss maȝȝ uss bitacnenn, Hu mikell god itt læreþþ uss Line 920 Off ure sawle nede. Þe belledræm bitacneþþ ȝuw Þatt dræm þatt ȝuw birrþ herenn, Whannse þe preost ȝuw telleþþ spell Biforenn Godess allterr; Line 925 & ȝiff he nohht ne spelleþþ ȝuw Þe Goddspellbokess lare, He falleþþ wissliȝ forr þatt gillt I Godess wraþþe & wræche, All swa summ þatt Judisskenn preost Line 930 Þurrh Drihhtin shollde swelltenn,

Ȝiff þatt he wære reckelæs To ringenn hise belless. Nu loke ȝure preost tatt he Ȝuw bliþelike spelle, Line 935 Þatt he ȝuw illke Sunenndaȝȝ Att allre læste lære, Off all hu ȝuw birrþ ledenn ȝuw & lefenn uppo Criste, & lufenn Godd & lufenn mann Line 940 & Godess laȝhess haldenn; & ȝuw birrþ swiþe bliþeliȝ Ȝuw turrnenn till hiss lare, & haldenn itt & follȝhenn itt Aȝȝ affterr ȝure mihhte. Line 945 Nu — ȝiff þatt ȝure preost & ȝe Þuss farenn ȝuw bitwenenn, Þa maȝȝ ben god till ȝure preost & till ȝuw sellfenn baþe, Þatt tatt Judisskenn preost wass swa Line 950 Bihenngedd all wiþþ belless, & tatt himm wass swa mikell ned Þatt Godd hemm herrde ringenn.

& off þatt preostess shulldrelin, & off hiss breostlin baþe, Line 955 [col 30] & off þa twellfe namess ec Þatt wærenn don þæronne,

Summwhatt icc habbe shæwedd ȝuw Till ȝure sawle fode, Ȝiff þatt ȝe wilenn follȝhenn itt, Line 960 & ȝuw till frame turrnenn.

& nu icc wile shæwenn ȝuw Summ del, wiþþ Godess hellpe, Off þatt Judisskenn follkess lac Þatt Drihhtin wass full cweme, Line 965 & mikell hellpe to þe follc, To læredd & to læwedd, Biforenn þatt te Laferrd Crist Wass borenn her to manne. Acc nu ne geȝȝneþþ itt hemm nohht Line 970 To winnenn eche blisse Þohh þatt teȝȝ stanndenn daȝȝ & nihht To þeowwtenn Godd & lakenn; For all itt iss onnȝæness Godd Þohh þatt teȝȝ swa ne wenenn, Line 975 Forrþi þatt teȝȝ ne kepenn nohht Noff Crist, noff Cristess moderr. & tohh swa þehh nu wile icc ȝuw Off þeȝȝre lakess awwnenn, Hu mikell god teȝȝ tacnenn uss Line 980 Off ure sawle nede; Forr all þatt lac wass sett þurrh Godd, Forr þatt itt shollde tacnenn, Hu Cristess þeoww birrþ lakenn Crist Gastlike i gode þæwess, Line 985

Line 985 Wiþþ all þatt tatt bitacnedd wass Þurrh alle þeȝȝre lakess.

Þatt follkes lac wass shep, & ga¯¯t, & oxe, & cullfre, & turrtle, & teȝȝre lac wass bule, & lamb, Line 990 & buckess twa togeddre, & recles smec, & bulltedd bræd Þatt bakenn wass inn ofne, & smeredd wel wiþþ elesæw & makedd fatt & nesshe; Line 995 & oþerr stund tatt lac wass bræd All þeorrf wiþþutenn berrme; & oþerr stund itt bakenn wass Full harrd & starrc inn ofne; & oþerr stund tatt lac wass brennd Line 1000 & turrnedd all till asskess. [col 31] & aȝȝ wass sallt wiþþ iwhillc lac Biforenn Drihhtin offredd; & tatt wass don, þatt witt tu wel, Forr mikell þing to tacnenn. Line 1005 All þeȝȝre lac wass swillc & swillc, Forr oþerr þing to tacnenn, Þatt uss iss swiþe mikell ned To follȝhenn & to trowwenn; Forr uss birrþ nu biforenn Godd Line 1010 Offrenn þa lakess alle,

Rihht o þatt wise þatt uss iss Bitacnedd þurrh þa lakess;· & witt tu þatt an waȝherifft Wass spredd fra wah to waȝhe, Line 1015 Biforenn an allterr þatt wass Innresst i þeȝȝre minnstre. Þatt waȝherifft wass henngedd tær, Forr þatt itt hidenn shollde All þatt tatt tær wiþþinnenn wass Line 1020 Fra læwedd follc & læredd, Wiþþutenn þatt te bisscopp sellf, Wiþþ blod & ec wiþþ recless, Þær shollde cumenn o þe ȝer Ann siþe, & all himm áne. Line 1025 & enngless comenn offte þær, & wiþþ þe bisscopp spækenn O Godess hallfe off maniȝwhatt, Himm & hiss follc to frofrenn. & bi þatt allterr stodenn aȝȝ Line 1030 Þatt follkess haliȝdomess, Þatt wærenn inn an arrke þær Wel & wurrþlike ȝemmde. & tær oferr þatt arrke wass An oferrwerrc wel timmbredd, Line 1035 Þatt wass Propitiatoriumm O Latin spæche nemmnedd, Off þatt word tatt o Latin iss Nemmnedd Propitiari, Þatt maȝȝ onn Ennglissh nemmnedd ben Line 1040 Millcenn, & shæwenn are,

Forr whase doþ hiss are o þe Tibi propitiatur, Affterr þatt itt maȝȝ wel inoh Ben seȝȝd o Latin spæche. Line 1045 & tær uppo þatt oferrwerrc Þeȝȝ haffdenn liccness metedd Off Cherubyn, & haffdenn itt O tweȝȝenn stokess metedd. All enngleþeod todæledd iss Line 1050 O niȝhenn kinne þeode; & Cherubyn & Seraphyn Sinndenn þa tweȝȝenn þeode, Þatt sinndenn Drihhtin allre nest, & hehȝhesst upp inn heoffne. Line 1055 & off þatt an, off Cherubyn, Þeȝȝ haffdenn liccness metedd Uppo þatt oferrwerrc þatt wass Abufenn þarrke timmbredd. & att te minnstredure wass Line 1060 An allterr þær wiþþutenn; & bi þatt allterr wass þe lac O fele wise ȝarrkedd [col 32] Þurrh preostess, alls uss seȝȝþ soþ boc, Off Aaroness chilldre. Line 1065 & o þatt allterr haffdenn þeȝȝ Glowennde gledess ȝarrkedd. & off þatt errfe þatt tær wass Drihhtin to lake ȝarrkedd,

Himm toc þe bisscopp off þe blod, Line 1070 Swa summ hiss boc himm tahhte. & gledess inn hiss reclefatt He toc þær o þatt allterr, & dide recless inn inoh Drihhtin þærwiþþ to þeowtenn, Line 1075 Aȝȝ whann he shollde ganngenn inn Upp to þatt oþerr allterr, Þatt wass aȝȝ æness o þe ȝer, & aȝȝ himm sellf himm ane, Forr mikell þing to tacnenn uss Line 1080 Þatt uss birrþ alle trowwenn. He toc þe recless & te blod & ȝede upp to þatt allterr Þatt wass wiþþinnenn waȝherifft, Swa summ icc habbe shæwedd, Line 1085 & tanne brennde he recless þær, To þeowwtenn Godd tocweme, Swa-þatt tær wass swa mikell smec Off recless att tatt allterr, Þatt all he wass himm sellf þær hidd Line 1090 & lokenn þær wiþþinnenn; & toc himm þa þatt illke blod Þatt he þær haffde greȝȝþedd, Þatt blod tatt he þær haffde brohht, & warrp itt tær wiþþ strenncless, Line 1095 Eȝȝwhær uppo þatt hallȝhe bord, & eȝȝwhær o þatt allterr. & siþþenn ȝede he þeþenn u¯¯t To strennkenn i þe kirrke

Wiþþutenn þeȝȝre waȝherifft, Line 1100 Swa summ hiss boc himm tahhte. & siþþenn comm he till þe follc & wessh himm hise claþess, Acc þohh swa þehh he wass all daȝȝ Unnclene anan till efenn. Line 1105 Nu habbe icc shæwedd ȝuw summ del Off þa Judisskenn lakess, Þatt Drihhtin toc full ædmodliȝ Biforenn Cristess cóme, & off þatt preost tatt tanne wass, Line 1110 & off þatt bisscopp baþe. & ec icc habbe shæwedd ȝuw [col 33] Summ del off þeȝȝre wikenn. & nu icc wile shæwenn ȝuw All þatt whatt itt bitacneþþ, Line 1115 & hu itt maȝȝ ȝuw turrnenn all Till ȝure sawless hellpe, & hu ȝe muȝhenn lakenn Godd Gastlike i gode þæwess, Wiþþ all þatt Judewisshe lac Line 1120 Þatt icc ȝuw habbe shæwedd; Forr ȝuw birrþ nu biforenn Godd Offrenn þa lakess alle, All o þatt wise þatt ȝuw iss Bitacnedd þurrh þa lakess. Line 1125 Þa lakess mihhtenn clennsenn hemm Off sakess & off sinness,

& gladenn Godd, ȝiff þatt he wass Hemm wraþþ forr heore gillte. & witt tu wel þatt Latin boc Line 1130 Full witerrlike uss kiþeþþ, Whillc lac wass offredd forr þe preost, Whillc forr þe bisscopp offredd, & whillc wass offredd forr þe follc, To clennsenn hemm off sinne. Line 1135

Þe ramm wass offredd forr þe preost, To clennsenn himm off sinne, & forr þe bisscopp wass þe callf Offredd o þeȝȝre wise, & forr þe follc wass offredd bucc, Line 1140 Drihhtin to lofe & wurrþe, Þatt he þeȝȝm þurrh hiss mildherrtleȝȝc Forrȝæfe þeȝȝre gilltess. Her habbe icc shæwedd þrinne lac Forr þrinne kinne leode, Line 1145 Forr bisscopp & forr unnderrpreost, & forr þe follkess nede. & ure Laferrd Jesu Crist Badd hise bedess þriȝess, Biforenn þatt he takenn wass Line 1150 & naȝȝledd uppo rode. & tær he badd forr alle þa Þatt onn himm sholldenn lefenn, Forr biscopp & forr unnderrpreost, & ec forr læwedd leode; Line 1155

Line 1155 & mare wass hiss bede wurrþ Þann alle þeȝȝre lakess, To lesenn & to clennsenn menn Off alle kinne gillte, & tohh swa þehh wass þeȝȝre lac, Line 1160 Biforenn Cristess come, Drihhtin full cweme inn alle þa Þatt Godess laȝhess heldenn. & nu icc wile shæwenn ȝuw, Wiþþ min Drihhtiness hellpe, Line 1165 All hu ȝe muȝhenn lakenn Godd Gastlike i gode þæwess, Wiþþ all þatt Judewisshe lac Þatt ȝuw her uppe iss shæwedd;· Ȝiff þatt tu follȝhesst soþ meocleȝȝc Line 1170 & soþ unnshaþiȝnesse, Þa lakesst tu Drihhtin wiþþ shep Gastlike i þine þæwess, [col 34] Swa þatt itt maȝȝ wel hellpenn þe To winnenn Godess are; Line 1175 Forr shep iss all unnskaþefull & stille der & liþe, & makeþþ itt nan mikell bracc Ȝiff mann itt wile bindenn, Ne forrþenn þær mann cwelleþþ itt Line 1180 Ne wiþþreþþ itt nohht swiþe. & forrþi seȝȝþ þatt Latin boc, Þatt þwerrt u¯¯t nohht ne leȝheþþ,

Þatt ure Laferrd Jesu Crist Inn ure mennisscnesse Line 1185 Toc þildiliȝ wiþþutenn bracc, Þatt mann himm band wiþþ woȝhe, Rihht all swa summ þe shep onfoþ Meocliȝ, þatt mann itt clippeþþ; & ȝiff þu cwennkesst i þe sellf, Line 1190 & læresst me to cwennkenn Inn me — galnessess fule stinnch & hire fule lusstess, & follȝhesst aȝȝ clænnessess sloþ, & læresst me to follȝhenn, Line 1195 Þa lakesst tu Drihhtin wiþþ ga¯¯t Gastlike i þine þæwess, Swa — þatt itt maȝȝ wel hellpenn þe To winnenn Godess are; For ga¯¯t iss, þatt witt tu full wel, Line 1200 Gal deor, & stinnkeþþ fule, & forrþi tacneþþ itt full wel Galnessess háte stinnchess. & forrþi sinndenn alle þa Þatt shulenn inntill helle Line 1205 Effnedd wiþþ g毯t, & nemmnedd g毯t, O Goddspellbokess lare, Forrþi þatt sinness fule stinnch Shall shædenn hemm fra Criste. & ȝiff þu follȝhesst skill & shæd Line 1210 & witt i gode þæwess, & hafesst ȝe¯¯t, tohh þu be ȝung, Elldernemanness láte,

& haȝherrlike ledesst te & dafftelike & faȝȝre, Line 1215 & ummbeþennkesst aȝȝ occ aȝȝ Hu þu mihht Drihhtin cwemenn, & lufenn himm & dredenn himm & hise laȝhess haldenn, Wiþþ oxe lakesst tu Drihhtin Line 1220 Gastlike i þine þæwess, Swa — þatt itt maȝȝ wel hellpenn þe To winnenn Godess are. Forr oxe gaþ o clofenn fo¯¯t & shædeþþ hise clawwess, Line 1225 Þurrh whatt he tacneþþ skill & shæd & witt i gode þæwess. & oxe ganngeþþ haȝheliȝ & aldelike láteþþ, [col 35] & ȝifeþþ bisne off þatt te birrþ Line 1230 All haȝhelike & faȝȝre & dafftelike ledenn þe, Wiþþutenn bracc & braþþe, & shæwenn ȝe¯¯t, tohh þu be ȝung, Elldernemanness late. Line 1235 & oxe chewweþþ þær he gaþ Hiss cŭde, & tær he stanndeþþ, & chewweþþ forrþenn þær he liþ, Forr þe to ȝifenn bisne, Þatt te birrþ ummbeþennkenn aȝȝ Line 1240 & chewwenn i þin heorrte

Hu þu mihht cwemenn þin Drihhtin, & winnenn eche blisse. Þuss þu mihht lakenn Drihhtin Godd Wiþþ oxe i gode þæwess, Line 1245 Ȝiff þu þe ledesst all wiþþ skill, & haȝhelike & faȝȝre, & ummbeþennkesst nihht & daȝȝ Hu þu mihht Drihhtin cwemenn. & ȝiff þu firrþresst fremmde menn Line 1250 Aȝȝ affterr þine fére, & arrt te sellf aȝȝ milde & meoc, & all wiþþutenn galle, Wiþþ cullfre lakesst tu Drihhtin Gastlike i þine þæwess, Line 1255 Swa þatt itt maȝȝ wel hellpenn þe To winnenn Godess are. Forr cullfre iss milde, & meoc, & swe¯¯t, & all wiþþutenn galle, & fedeþþ oþerr cullfress bridd Line 1260 All alls itt wære hire aȝhenn. & ȝiff þu ledesst clene lif, & murrcnesst i þin heorrte, Þatt tu swa lannge dwellesst her Swa ferr fra Godess riche, Line 1265 & ȝeornesst tatt tu mote ske¯¯t Uppcumenn inntill heoffne, Upp till þi Laferrd Jesu Crist, To lofenn himm & lutenn, Wiþþ turrtle lakesst tu þin Godd Line 1270 Gastlike i þine þæwess,

Swa þatt itt maȝȝ wel hellpenn þe To winnenn Godess are. Forr turrtle ledeþþ chariȝ lif, Þatt witt tu wel to soþe, Line 1275 Forr fra þatt hire make iss dæd Ne kepeþþ ȝho nan oþerr, Acc serrȝheþþ aȝȝ forrþi þatt ȝho Ne maȝȝ himm nowwhar findenn. & ȝiff þatt tu forrlangedd arrt Line 1280 To cumenn upp till Criste, [col 36] & nohht ne chesesst oþerr Godd To follȝhenn ne to þeowwtenn, Wiþþutenn Crist tatt wass & iss Þin Drihhtin & tin hæfedd, Line 1285 Þa lakesst tu gastlike Godd Wiþþ turrtle i þine þæwess. & ȝiff þu cwennkesst i þe sellf All þwerrt u¯¯t modiȝnesse, & læresst oþre all swa to don Line 1290 Þurrh lare & ec þurrh bisne, Wiþþ bule lakesst tu þin Godd Gastlike i þine þæwess, Swa þatt itt maȝȝ wel hellpenn þe To winnenn Godess are. Line 1295 Forr bule lateþþ modiliȝ, & bereþþ upp hiss hæfedd, & drifeþþ oþre nowwt himm fra & hallt himm all forr laferrd.

& ȝiff þu cnawesst rihht tin Godd, Line 1300 & herrcnesst hise spelless, & leȝȝesst all þin herrte onn himm, & follȝhesst himm & buȝhesst, & forr þe lufe off himm forrsest Hæþene Goddess alle, Line 1305 & arrt te sellf aȝȝ milde & meoc, & soffte, & stille, & liþe, Wiþþ lamb þu lakesst tin Drihhtin Gastlike i þine þæwess, Swa þatt itt maȝȝ wel hellpenn þe Line 1310 To winnenn Godess are. Forr lamb is soffte & stille deor, & meoc, & milde, & liþe, & itt cann cnawenn swiþe wel Hiss moderr þær ȝho blæteþþ Line 1315 Bitwenenn an þusennde shep, Þohh þatt teȝȝ blætenn alle. & all swa birrþ þe cnawenn wel Þin Godd & all hiss lare, & all forrwerrpenn hæþenndom Line 1320 & oþre Goddess alle, Swa summ þe lamb fleþ oþre shep, & follȝheþþ aȝȝ hiss moderr.

Þe Judewisshe follkess boc Hemm seȝȝde, þatt hemm birrde Line 1325 Twa bukkess samenn to þe preost Att kirrkedure brinngenn;

& teȝȝ þa didenn bliþeliȝ, Swa summ þe boc hemm tahhte, & brohhtenn tweȝȝenn bukkess þær Line 1330 Drihhtin þærwiþþ to lakenn. & att te kirrkedure toc Þe preost ta tweȝȝenn bukkess, & o þatt an he leȝȝde þær All þeȝȝre sake & sinne, Line 1335 & le¯¯t itt eornenn forþwiþþ all [col 37] U¯¯t inntill wilde wesste; & toc & snaþ þatt oþerr bucc Drihhtin þærwiþþ to lakenn. All þiss wass don forr heore ned, Line 1340 & ec forr ure nede; Forr hemm itt hallp biforenn Godd To clennsenn hemm off sinne, & all swa maȝȝ itt hellpenn þe, Ȝiff þatt tu willt [itt] follȝhenn. Line 1345 Ȝiff þatt tu willt full innwarrdliȝ Wiþþ fulle trowwþe lefenn All þatt tatt wass bitacnedd tær, To lefenn & to trowwenn, Þa maȝȝ þatt trowwþe firrþrenn þe Line 1350 To winnenn Godess are. Þa tweȝȝenn bukkess tacnenn uss An Godd off twinne kinde, Þatt iss þe Laferrd Jesu Crist, Þatt iss off twinne kinde. Line 1355

Line 1355 Forr Jesu Crist iss ful iwiss Soþ Godd i Goddcunndnesse, & he iss ec to fulle soþ Soþ mann i mennisscnesse; Forr Crist iss baþe Godd & mann, Line 1360 An had off twinne kinde, & tiss birrþ trowwenn iwhillc mann Þatt ȝeorneþþ Godess are. An bucc rann þær aweȝȝ all cwicc Wiþþ all þe follkess sinne, Line 1365 & Cristess Goddcunndnesse wass All cwicc & all unnpinedd, Þær Crist wass uppo rodetreo Naȝȝledd forr ure nede. & Cristess Goddcunndnesse cwicc Line 1370 & all wiþþutenn pine Barr ure sinness þær aweȝȝ, Þær Cristess mennisscnesse Drannc dæþess drinnch o rodetreo Forr ure woȝhe dedess. Line 1375 & all swa summ þatt oþerr bucc Toc þær wiþþ dæþess pine, To wurrþenn þær Drihhtin to lac Forr all þe follkess sinne, All swa toc Cristess mennisscleȝȝc Line 1380 Wiþþ dæþess pine o rode, Forr þatt he wollde wurrþenn þær Offredd Drihhtin to lake, Forr uss to clennsenn þurrh hiss dæþ Off sinness unnclænnesse. Line 1385

Line 1385 & all swa summ þatt cwike bucc Comm inntill wilde wesste, All swa comm Cristess Goddcunndleȝȝc All cwicc upp inntill heoffne, Þatt wass biforenn Cristess dæþ Line 1390 Swa summ itt wesste wære, [col 38] Forrþi þatt baþe enngless & menn Itt haffdenn ær forrworrpenn. Forr enngless haffdenn heoffness ærd Forrlorenn all wiþþ rihhte; Line 1395 Forr þatt teȝȝ wolldenn effnenn hemm Ȝæn Godd þurrh modiȝnesse; Forr whatt teȝȝ fellenn sone dun Off heoffne unntill helle Till eche wa, forrþi þatt teȝȝ Line 1400 Forrwurrpenn eche blisse. & alle þa þatt fellenn swa Þeȝȝ sinndenn laþe deofless, & stanndenn inn þurrh hĕte & niþ To scrennkenn menness sawless. Line 1405 Acc þu mihht werenn þe fra þeȝȝm Þurrh rihhte læfe o Criste, & þurrh þatt weorrc þatt tær toliþ Wiþþ Jesu Cristess hellpe. & ure tweȝȝenn forrme menn, Line 1410 Þatt Drihhtin shop off eorþe, Forrlurenn ec forr heore gillt Wiþþ rihht dom heoffness blisse,

Þurrh þatt teȝȝ forr þe deofless raþ Drihhtiness raþ forrwurrpenn; Line 1415 & all forrþi wass heoffness ærd Swa summ itt wesste wære, Forrþi þatt baþe enngless & menn Itt haffdenn ær forrworrpenn. & Cristess Goddcunndnesse comm Line 1420 Cwicc inntill heoffness wesste Wiþþ ure sinne, i þatt tatt Crist Toc dæþ forr ure sinne, All all swa summ þatt bucc attrann U¯¯t inntill wilde wesste Line 1425 All cwicc, & barr aweȝȝ wiþþ himm Þe follkess sake & sinne. & ȝiff þatt iss þatt tu willt nu Wiþþ fulle trowwþe lefenn, Þatt Crist iss baþe Godd & mann, Line 1430 An had off twinne kinde; & ȝiff þatt iss þatt tu willt nu Wiþþ fulle trowwþe lefenn, Þatt Cristess Goddcunndnesse wass All cwicc & all unnpinedd, Line 1435 Þær Crist wass dæd o rodetreo Forr all mannkinne nede; & ȝiff þatt iss þatt tu willt nu Wiþþ fulle trowwþe lefenn, [col 39] Þatt Crist, tær he wass o þe treo Line 1440 Naȝȝledd forr ure nede,

Drah harrd & hefiȝ pine inoh Þurrh fife grimme wundess, Þa mihht tu lakenn þin Drihhtin Gastlike i soþfasst læfe, Line 1445 Wiþþ all þatt te to trowwenn wass Þurrh þa twa bukkess tacnedd. & ȝiff þu cwemesst tin Drihhtin Bi daȝȝess, & bi nihhtess, Wiþþ fassting, & wiþþ bedesang, Line 1450 Wiþþ cnelinng, & wiþþ wecche, Þa lakesst tu wiþþ recless swa Þin Godd i þine þæwess, Swa þatt itt maȝȝ wel hellpenn þe To winnenn Godess are. Line 1455 Forr all all swa summ recless smec Iss swe¯¯t biforenn manne, All all se iss swe¯¯t biforenn Godd Þe gode manness bene. & ȝiff þin herrte iss arefull, Line 1460 & milde, & soffte, & nesshe, Swa þatt tu mihht wel árenn himm Þatt iss ȝæn þe forrgilltedd, & all forrȝifenn himm full neh Þe rihhte domess wræche, Line 1465 Aȝȝ whannse þu forrȝifesst tuss Þin wraþþe & ec þin wræche, Aȝȝ þanne lakesst tu þin Godd Gastlike i þine þæwess, Wiþþ laf þatt iss wiþþ elesæw Line 1470 All smeredd wel & nesshedd.

Þe rihhte dom iss starrc & harrd & all þe rihhte wræche, Swa summ itt wære scorrcnedd laf Þatt iss wiþþutenn crummess. Line 1475 & are & millce & mildherrtleȝȝc & rihht forrȝifenesse, Þatt iss þatt laf þatt smeredd iss Wiþþ elesæw & nesshedd. & ȝiff þatt tu willt makenn laf, Line 1480 Þu þresshesst tine shæfess, & siþþenn winndwesst tu þin corn, & fra þe chaff itt shædesst, & gaddresst swa þe clene corn All fra þe chaff togeddre, Line 1485 & grindesst itt, & cnedesst itt, & harrdnesst itt wiþþ hæte; & tanne mahht tu þin Drihhtin Lakenn þærwiþþ tocweme, Ȝiff þatt tu ledesst haliȝ lif Line 1490 I þohht, i word, i dede. & tu mihht ec gastlike laf Onn oþerr wise ȝarrkenn, & lakenn þin Drihhtin þærwiþþ Well swiþe wel tocweme. Line 1495 Ȝiff þatt iss þatt tu þurrh þin spell Till rihhte læfe turrnesst Þatt flocc þatt wass toskeȝȝredd ær [col 40] Þurrh fele kinne dwilde,

Þa þresshesst tu þin corn wiþþ fleȝȝl, Line 1500 I þatt tatt tu þeȝȝm shæwesst, Hu sinnfull lif þeȝȝ leddenn ær, & hu þeȝȝ cwemmdenn deofell, & hu þeȝȝ haffdenn addledd wel To dreȝhenn eche pine, Line 1505 & hu þeȝȝm haffde Drihhtin all Forr heore woh forrworrpenn; Wiþþ swillc þu þresshesst wel þe follc, Ȝiff þatt tu þuss hemm tælesst; Forr ȝiff þu shæwesst me min woh Line 1510 & tælesst mine weorrkess, & seggesst swillc & swillc wass þu, Þu þresshesst me wiþþ wordess. & ȝiff þu shæwesst hemm off Godd & off hiss æddmodnesse, Line 1515 Hu wel he takeþþ aȝȝ wiþþ þa Þatt sekenn Godess are, & ȝiff þu shæwesst hemm whatt læn Iss ȝarrkedd hemm inn heoffne, Ȝiff þatt teȝȝ takenn Crisstenndom Line 1520 & Cristess laȝhess haldenn, & spedesst wiþþ þin spell swa wel Þatt teȝȝ itt unnderrfanngenn, & turrnenn till þe Crisstenndom & till þe rihhte læfe, Line 1525 & shædenn fra þatt hæþenn follc Þatt Godd iss all unncweme, Forr þatt itt iss þatt illke chaff Þatt helle fir shall bærnenn,

Þa winndwesst tu þin þrosshenn corn, Line 1530 & fra þe chaff it shædesst, & gaddresst swa þe clene corn All fra þe chaff togeddre. Forr þurrh þatt tatt tu læresst hemm To ben sammtale & sahhte Line 1535 To þeowwtenn an Allmahhtiȝ Godd Wiþþ anfald rihhte læfe, & aȝȝ to ben ummbenn þatt an To winnenn eche blisse, Þurrh þatt tu sammnesst hemm i Godd, Line 1540 Þu gaddresst corn togeddre. Annd þurrh þatt tu primmseȝȝnesst hemm, & spellesst hemm, & læresst All to forrwerrpenn modiȝleȝȝc, & harrd & grammcunnd herrte, Line 1545 & aȝȝ to follȝhenn soþ meocleȝȝc Wiþþ luffsumm æddmodnesse, Þær þurrh þu brekesst wel þin corn, & grindesst itt & nesshesst. & þurrh þatt tatt tu fullhtnesst hemm Line 1550 & unnderr waterr dippesst, Þu sammnesst all þin mele inn an & cnedesst itt togeddre, Swa þatt teȝȝ shulenn alle ben An bodiȝ & an sawle. Line 1555 [col 41] & Jesu Crist himm sellf shall ben Uppo þatt bodiȝ hæfedd,

To fedenn & to fosstrenn hemm, To steorenn & to berrȝhenn. & þurrh þatt tatt tu læresst hemm Line 1560 To þolenn illc unnsellþe Wiþþ innwarrd heorrte & soþfasst þild, All forr þe lufe off Criste, All forr þatt lufe þatt iss ha¯¯t I Cristess þeowwess heorrte, Line 1565 Þær þurrh þu bakesst Godess laf & harrdnesst itt þurrh hæte, Þurrh þatt tu harrdnesst hemm wiþþ spell To þolenn illc unnseollþe Wiþþ soþfasst þild, all forr þatt fir Line 1570 Þatt soþfasst lufe follȝheþþ· Forr soþfasst lufe bærneþþ aȝȝ, Loc ȝiff þut¯¯ mihht ohht findenn, & whærs itt iss itt harrdneþþ all Þe gode manness heorrte, Line 1575 To þolenn wiþþ fullfremedd þild All þatt tatt iss unnsellþe. & sone summ þin laf beþ wel All greþþedd tuss & ȝarrkedd, Þa mahht tu lakenn Godd wiþþ all Line 1580 Gastlike wel tocweme. Forr Drihhtin takeþþ æddmodliȝ Wiþþ þa þatt till himm turrnenn, & ȝiff þu ledesst clene lif Onn alle kinne wise, Line 1585 Þa lakesst tu þin Drihhtin swa Gastlike i þine þæwess,

Wiþþ þerrflinng bræd swa þatt tu mihht Drihhtiness are winnenn. Forr þerrflinng bræd iss clene bræd, Line 1590 Forr þatt itt iss unnberrmedd, & itt bitacneþþ clene lif, & alle clene þæwess, & clene þohht, & clene word, & alle clene dedess. Line 1595 & ȝiff þin heorrte iss harrd & starrc, & stĕdefasst o Criste, To þolenn forr þe lufe off himm All þatt tatt iss to dreȝhenn, Þa lakesst tu þin Drihhtin swa Line 1600 Gastlike i þine þæwess, Wiþþ fasst & findiȝ laf & harrd Wiþþinnenn & wiþþutenn, Swa þatt itt maȝȝ wel hellpenn þe To winnenn Godess are. Line 1605 & ȝiff þu mihht forrwerrpenn her Þi faderr, & ti moderr, & wif, & child, & hus, & ham, & freond, & land, & ahhte, & all forrwerrpenn her þwerrt u¯¯t Line 1610 Bitwenenn menn to biggenn, & ledenn harrd & haliȝ lif All ane i wilde wesste, & pinenn þær þi bodiȝ a Wiþþ chĕle & þrisst & hunngerr, Line 1615 Wiþþ fasstinng, & wiþþ swinnc & swa¯¯t, Wiþþ bedess, & wiþþ wecchess,

Þa mihht tu lakenn swa þin Godd [col 42] Gastlike i þine þæwess Wiþþ lac, þatt all þwerrt u¯¯t beoþ brennd Line 1620 Drihhtin to lo˘fe & wurrþe, Swa þatt itt beoþ þe rihht inoh To winnenn Godess are. Forr þu ne mihht nohht ledenn her Na bettre lif onn eorþe, Line 1625 Þann iss þatt tu þweorrt u¯¯t forrse, & all þwerrt u¯¯t forrwerrpe All weorelldlike lif & lusst, & fle fra menn till wesste, & tær wiþþ harrd & haliȝ lif Line 1630 Beo ȝeorrnfull Crist to cwemenn. Forr swillc lif iss all þwerrt u¯¯t dæd Fra weorelldshipess lusstess, & itt iss turrnedd all þurrh fir Off soþfasst lufe o Criste Line 1635 Till dusst, forrþi þatt swillke menn Soþfasst meocnesse follȝhenn. & aȝȝ wass sallt wiþþ iwhillc lac, Forr þatt itt shollde tacnenn, Þatt all þatt tu willt offrenn Godd, Line 1640 Ȝiff þatt itt shall himm cwemenn, All birrþ itt offredd ben wiþþ skill, & all wiþþ luffsumm heorrte, Swa þatt itt be clennlike don, Off rihhtbiȝetenn ahhte, Line 1645

Line 1645 Swa þatt te Laferrd Jesu Crist Swe¯¯tlike itt unnderrfannge. Þiss wass bitacnedd þurrh þe sallt Þatt ure mĕte swéteþ, Ȝiff þatt iss þatt mann wile itt don Line 1650 Wiþþ witt & skill þærinne. Forr witt & skill iss wel inoh Þurrh salltess smacc bitacnedd, & tatt forrþi þatt witt & skill Iss god inn alle þinge, Line 1655 All swa summ sallt iss swiþe god Þær þær itt tobilimmpeþþ; & all forrþi wass æfre sallt Wiþþ alle lakess offredd, Forrþi þatt nohht ne maȝȝ ben don Line 1660 Allmahhtiȝ Godd tocweme, Bu¯¯t iff itt be wiþþ witt & skill & luffsummlike forþedd. All þuss þu mahht nu lakenn Godd Gastlike i þine þæwess, Line 1665 Wiþþ all þatt lac þatt offredd wass Biforenn Cristess come.

Icc seȝȝde ȝuw nu littlær her Biforenn o þiss lare Summ del off — þatt an waȝherifft Line 1670 Was spredd fra wah to waȝhe, Biforenn an allterr þatt wass Innresst i þeȝȝre minnstre,

Amang þe Judewisshe follc, Biforenn Cristess come; Line 1675 & ec icc seȝȝde þatt itt wass Þær henngedd i þatt hírne, [col 43] Forr þatt itt hidenn shollde þær All þatt tær wass wiþþinnenn Fra læredd & fra læwedd follc, Line 1680 Annd all fra þeȝȝre sihhþe, Wiþþutenn þatt te bisscopp sellf, Wiþþ blod & ec wiþþ recless, Þær shollde þeowwtenn o þe ȝer Ann siþe & all himm áne; Line 1685 & ec I seȝȝde littlær her Biforenn o þiss lare, Þatt bi þatt allterr stodenn a Þatt follkess haliȝdomess, Þatt wærenn inn an arrke þær Line 1690 Wel & wurrþlike ȝemedd; & tatt tær wass an oferrwerrc Oferr þatt arrke timmbredd; & tatt teȝȝ ec abufenn þatt Hemm haffdenn liccness metedd Line 1695 Off Cherubyn & Seraphyn, Off tweȝȝenn enngleþeode; & tatt te bisscopp o þe ȝer Ann siþe & all himm áne Comm þiderr inn to þeowwtenn Godd, Line 1700 Wiþþ blod & ec wiþþ recless;

& tatt he brennde reccless þær Swa mikell att tatt allterr, Þatt all he wass hidd wiþþ þe smec, Forr mikell þing to tacnenn; Line 1705 & tatt he warrp siþþenn þe blod Wiþþ strenncless o þatt allterr, & o þatt bord, & siþþenn þær Wiþþutenn i þe minnstre; & tatt he comm himm siþþenn u¯¯t Line 1710 & wessh himm hise claþess; & tatt he wass unnclene þohh Þatt daȝȝ anan till efenn; All þiss icc seȝȝde ȝuw littlær Her uferr mar a litell; Line 1715 & tiss me birrþ nu shæwenn ȝuw Whatt itt ȝuw maȝȝ bitacnenn, & whærwiþþ itt maȝȝ fesstnenn ȝuw Inn ȝure rihhte læfe.

All þatt tatt wass bitacnedd tær Line 1720 Biforenn Cristess come, All wass itt filledd iwhillc del Þurrh Crist i Cristess time. & ȝure preost itt awwneþþ all, Aȝȝ whanne he singeþþ messe Line 1725 Þær, þær he Cristess flæsh & blod Hanndleþþ, hallȝheþþ, & offreþþ· Þe Laferrd Crist himm sellf wass uss Þurrh þatt bisscopp bitacnedd,

Forr Crist iss bisscopp god þwerrt u¯¯t Line 1730 To berrȝhenn hise leode, & hise claþess þatt he wessh Tacnedenn Cristess þeowwess, Þatt Crist himm sellf her wassheþþ aȝȝ, Forr he forrȝifeþþ sinness. Line 1735 [col 44] & tatt bisscopess reclefa¯¯tt Wass an full openn takenn Off Cristess bodiȝ, þatt wass full Off Goddcunndnessess mahhtess, Rihht all swa summ itt wære full Line 1740 All off glowennde gledess, To bærnenn all þatt ifell iss Aweȝȝ inn hise þeowwess. Þatt recless þatt te bisscopp þær Biforenn allterr brennde, Line 1745 Þatt recless þær to fulle soþ Wass brennd, forr to bitacnenn Þa bedess, þatt te Laferrd Crist Forr hise þeowwess biddeþþ Upponn hiss faderr heofennking, Line 1750 Þatt he þeȝȝm ȝife blisse. & tatt tær comm swa mikell smec U¯¯t off þatt brennde recless, Þatt all þe bisscopp wass þær hidd & lokenn þær wiþþinnenn, Line 1755 Þatt miccle smec tacnede þeȝȝm, & uss, & alle þeode,

Þatt Cristess hallȝhe bede maȝȝ Towarrd hiss faderr forþenn Unnseȝȝenndlike mare inoh Line 1760 Þann aniȝ wihht maȝȝ þennkenn. Ne forrþenn Godess enngleþeod Ne maȝȝ nohht unnderrstanndenn Hu mikell Cristess bede maȝȝ Towarrd hiss faderr spedenn, Line 1765 Þatt he forrȝife Cristess hird All þeȝȝre sake & sinne, & hellpe þeȝȝm þurrh hiss godleȝȝc To winnenn eche blisse. Þatt blod tatt þurrh þe bisscopp wass Line 1770 Þær o þa þingess strennkedd, Þatt blod tacnede Cristess blod Þatt ȝotenn wass o rode. Þatt oferrwerrc þatt timmbredd wass Abufenn Godess arrke, Line 1775 Þatt oferrwerrc tacnede wel Þe Faderr upp off heffne, Forr þatt te Faderr eche Godd Iss oferr crisstnedd lede, To frofrenn & to beldenn itt, Line 1780 To lærenn & to gætenn; & crisstnedd þed iss i þiss lif Unnderr þe Faderr are, & itt iss Godess arrke, & iss All full off haliȝdomess, Line 1785 All full off gode & clene menn Þatt sinndenn Godd full cweme.

Þatt allterr þatt tatt errfeblod Wass eȝȝwhær strennkedd onne, Þatt allterr, wiss to fulle soþ, Line 1790 Tacnede Godess enngless, Forr Godess enngless berenn aȝȝ Upp till þe Faderr sihhþe Þatt lac þatt ure preostess her Hallȝhenn o Godess allterr, Line 1795 & forrþi þatt teȝȝ sinndenn á Wiþþ preostess. . . . . [Coll. 45-52 wanting.] . . . . . [col 53] . . . . .i þatt tíme Wiþþ hire meȝhe Elysabæþ, Swa summ þe Goddspell kiþeþþ; Line 1800 Forr þatt ȝho wollde abidenn þær Elysabæþess time Off hire child tatt ȝho wass wiþþ, Þatt ȝho itt shollde childenn. & affterr þatt itt borenn wass Line 1805 & cumenn her to manne, Þæraffter for þe laffdiȝ ham Till Nazaræþess chesstre, & ȝede þær wiþþ hire child All all se fĕle moneþ, Line 1810 Alls iff itt wære an oþerr child Þatt wære on hire streonedd.

Her endenn þuss Goddspelless twa & uss birrþ hemm þurrhsekenn, To lokenn whatt teȝȝ lærenn uss Line 1815 Off ure sawle nede. Me mi˘neþþ þatt icc seȝȝde ȝuw Nu littlær o þiss lare, Þatt Godess enngell Gabriæl Wass sennd till Zakariȝe, Line 1820 To kiþenn himm þatt he Johan Bapptisste shollde streonenn. & ec icc seȝȝde ȝuw þatt he Wass sennd till Sannte Marȝe, To kiþenn þatt ȝho shollde ben Line 1825 Off Haliȝ Gast wiþþ childe. Whær summ we findenn o þe boc Enngell bi name nemmnedd, Wel birrþ uss lokenn þær whatt uss Þatt name maȝȝ bitacnenn; Line 1830 Forr niss himm næfre name sett Butt iff itt shule tacnenn, Whatt weorrc himm iss þurrh Drihhtin sett To forþenn her onn eorþe. Forr Michaæl bitacneþþ uss, Line 1835 Affterr þatt icc maȝȝ seggenn, Whillc iss wiþþ Godd all efennlic Onn alle kinne mahhte, Niss nani þing þatt muȝhe ben Wiþþ Godd off efenn mahhte; Line 1840 Þatt name wass himm sett þurrh Godd, Forr þatt he shollde fihhtenn

Onnȝæn an drake & cwellenn himm Þurrh heofennlike mahhte; & tatt wass don forr þatt itt uss Line 1845 Full wel bitacnenn shollde, Þatt Godess Sune shollde wel Þe deofell oferrswifenn. Annd Raphaæl bitacneþþ uss, Affterr þatt icc maȝȝ seggenn, Line 1850 Drihhtiness hallȝhe læchedom & sawless eȝhesallfe; Þatt name wass himm sett þurrh Godd, Forr þatt he wollde himm senndenn Wiþþ heofennlike læchedom Line 1855 To læchenn Tobess eȝhne. Þiss Tobi wass an haliȝ mann Amang Judisskenn þeode, & he wass æness wurrþenn blind, [col 54] Swa summ itt Drihhtin wollde. Line 1860 & Drihhtin sennde Raphaæl Hehenngell dun off heoffne, Wiþþ heofennlike læchedom To ȝifenn himm hiss sihhþe; & tatt wass don forr þatt itt uss Line 1865 Full wel bitacnenn shollde, Þatt Drihhtin shollde ȝifenn uss God sawless eȝhesihhþe, Þurrh Crisstenndomess læchecrafft, & þurrh þe rihhte læfe, Line 1870

Line 1870 & þurrh þatt werrc þatt tær toliþ, & þurrh þatt gode wille. & Gabriæl bitacneþþ uss Onn Ennglissh - Godess strenncþe, & swa wass he nemmnedd þurrh Godd, Line 1875 Forr þatt itt tacnenn shollde, Þatt himm wass sett þurrh Drihhtin Godd To kiþenn & to shæwenn Till Zacaríȝe Godess preost, & ec till Sannte Márȝe, Line 1880 Þatt Godess Sune Jesu Crist, Þurrh hiss goddcunnde strenncþe, Uss shollde inn ure mennisscleȝȝc Þe deofell oferrswifenn;· Þiss Goddspell seȝȝþ þatt Gabriæl Line 1885 Comm till þe laffdiȝ Márȝe, Affterr þatt tatt Elysabæþ Wass wurrþenn ær wiþþ childe; & ec itt telleþþ þatt he comm Rihht i þe sexte moneþþ, Line 1890 Þatt wass i Marrch, acc Marrch wass þa Neh all gan u¯¯t till ende; Forr þatt wass o þe fifte daȝȝ Att twenntiȝ daȝhess ende Off Marrch, þatt Sannte Márȝe warrþ Line 1895 Off Haliȝ Gast wiþþ childe. & i þatt illke moneþ efft, & tatt daȝȝ i þe moneþþ, Wass ure Laferrd Jesu Crist Sacclæs o rode naȝȝledd. Line 1900

Line 1900 & Marrchess nahhtess wannsenn aȝȝ, & Marrchess daȝhess waxenn; & Crist ras upp off dæþess slap, Forr dæþess nahht to wannsenn, & forr to ȝifenn hise freond Line 1905 Soþ sawless lihht & leome, Þatt leome - þatt hemm waxeþþ aȝȝ, Ȝiff þatt teȝȝ rihht itt follȝenn. & Crist wass borenn i þiss lif Wiþþinnenn Ȝoless moneþþ, Line 1910 Acc all þatt moneþþ wass þatt daȝȝ Full neh gan u¯¯t till ende; [col 55] Forr þatt wass o þe fiffte daȝȝ Att twenntiȝ daȝhess ende Off Ȝol - þatt ure Laferrd Crist Line 1915 Wass borenn her to manne; & o þatt daȝȝ biginneþþ uss Þe daȝȝess lihht to waxenn, & uss comm soþfasst lihht þurrh Crist Swa summ ȝe littlær herrdenn. Line 1920

Þatt Godess enngell Gabriæl Comm till þe laffdiȝ Marȝe, I þatt Galilewisshe burrh Þatt Nazaræþ wass nemmnedd, Þatt wass swa don, forr þatt itt uss Line 1925 God sellþe shollde tacnenn;

Forr Nazaræþess name iss uss Onn Ennglissh nemmnedd blosstme. & tiss bilammp well swiþe wel Till ure laffdiȝ Márȝe; Line 1930 Forr þær, þær ȝho þurrh Drihhtin warrþ Off Haliȝ Gast wiþþ childe, Þær toc ȝho blosstme off Godess Gast Inn all unwemmedd wambe; & tær, þær ure Laferrd Crist Line 1935 Wass borenn her to manne, Þær brohhte ȝho þatt wasstme forþ Off all unnwemmedd wambe, Þatt wasstme þatt iss lifess bræd Onn eorþe & ec onn heoffne. Line 1940 & ȝuw birrþ wi˘tenn þatt ȝho wass Weddedd þurrh Godess wille Wiþþ an weppmann off hire kinn, Þatt Josæp wass ȝehatenn. Forr Drihhtin haffde þanne sett Line 1945 Amang Judisskenn þeode, Þatt nan ne shollde filedd ben Þurrh hæþenn macchess mæne. Forr all follc wass hæþene þa, & all itt wass unnclene, Line 1950 Wiþþutenn þatt Judisskenn follc Þatt ta wass Go˘de cweme, Þurrh þatt teȝȝ Godess laȝheboc Wel stodenn inn to follȝhenn; & all forrþi forrbæd hemm Godd, Line 1955 Swa summ icc habbe shæwedd,

Þatt nan off hemm ne shollde ben Weddedd wiþþ hæþenn macche, Þatt nan ne shollde filedd ben Wiþþ hæþenndom þurrh macche. Line 1960 & tatt wass ned tatt ȝho wass þa Wiþþ Godess laȝhe weddedd; Forr ȝiff mann mihhte wurrþenn warr Þatt ȝho wiþþ childe wære, œr þann ȝho wære laȝheliȝ Line 1965 Weddedd wiþþ aniȝ macche, Ȝho munnde affterr þe laȝheboc To dæþe ben istanedd.

Þe laffdiȝ wass wurrþenn þurrh Godd Off Haliȝ Gast wiþþ childe; Line 1970 [col 56] Acc þatt ne wisste naniȝ mann, Ne forrþenn hire macche, Ne ȝe¯¯ te deofell nisste itt nohht Þatt ȝho wass swa wiþþ childe. & nollde nohht Allmahhtiȝ Godd, Line 1975 Þurrh whamm ȝho wass wiþþ childe, Þatt ȝho, þatt all wass gilltelæs, To dæþe wære stanedd. Forr bettre wollde Drihhtin Godd, Þatt mannkinn nohht ne wisste Line 1980 O whillke wise Jesu Crist To manne borenn wære,

Þatt wollde bettre Drihhtin Godd, Swa summ soþ boc uss kiþeþþ, Þann þatt te laffdiȝ wære shennd Line 1985 & shamedd her o life, Swa summ þatt wimmann birrde ben Þatt all forrleȝenn wære; & forrþi wass ȝho till Josæp Wiþþ Godess laȝhe weddedd, Line 1990 Þatt ȝho ne wære shamedd her, Ne shennd off unnclænnesse. & forrþi wennde wel þe follc, & swa wennde þe deofell, Þatt ȝho wære Josæpess wif Line 1995 & off Josæp wiþþ childe; & swa comm ȝho full wel aweȝȝ, Þurrh þatt tatt ȝho wass weddedd, Þatt ȝho ne shamedd nass, ne shennd, Ne forr forrleȝenn haldenn. Line 2000 & ȝho wass weddedd ec forrþi, Þatt witt tu wel to soþe, Forr þatt itt shollde unnawwnedd ben & all unncuþ & dærne Þe laþe gast, swa þatt he nohht Line 2005 Ne shollde itt unnderrstanndenn, Þatt ȝho þa shollde ben þurrh Godd Off Haliȝ Gast wiþþ childe, & tatt ȝho shollde childenn her Allmahhtiȝ Godd to manne. Line 2010 & tatt wass mikell god tatt itt Unnawwnedd wass þe deofell;

Forr ȝiff þe deofell wære warr, Þatt Cristess Goddcunndnesse Himm shollde ræfenn all hiss mahht, Line 2015 & mannkinn u¯¯t off helle, Ne munnde he næfre lĕtenn himm Þurrh rodepine cwellenn; & tanne wære uss gaȝhennlæs [col 57] All Jesu Cristess come, Line 2020 Ȝiff þatt he nære dæd forr uss To lesenn uss off pine.

& ure laffdiȝ weddedd wass Ȝe¯¯t forr an oþerr nede; Ȝho wass weddedd forrþi þatt ȝho Line 2025 Þa shollde ben wiþþ childe, Þohh þatt itt nohht ne shollde ben O faderr hallfe streonedd; & ȝiff þatt ȝho þa bære child & weddedd nohht ne wære, Line 2030 Þa mihhte wimmann berenn child Þurrh ful forrleȝerrnesse; & ȝiff mann wollde tælenn þatt, & hutenn hire & þutenn, Ȝho mihhte modiȝlike onnȝæn Line 2035 Anndswerenn þuss & seggenn; Þe laffdiȝ Márȝe ȝho barr child Wiþþutenn weddedd macche,

& ȝiff þatt tu willt tælenn me, Þe birrþ ec hire tælenn. Line 2040 Þuss mihhte ȝho full modiȝliȝ Off hire sinne ȝellpenn, & tatt tatt ȝho forrhoredd wass Þurrh ful forrleȝerrnesse; Þuss mihhte ȝho bitellen wel Line 2045 & werenn þurrh þatt bisne, Ȝiff þatt te laffdiȝ bære child, & weddedd nohht ne wære. & ȝho wass ec—þatt witt tu wel, Forrþi wiþþ weppmann weddedd, Line 2050 Wiþþ an þatt wass off hire kinn, & all off hire birde, Forr þatt te Laferrd Cristess kinn Onn eorþe — o moderr hallfe Bi weppmann shollde reccnedd ben Line 2055 Uppwarrd & dunnwarrd baþe. Forr i þatt time, & i þatt land Þatt Crist was borenn inne, Ne talde þeȝȝ nohht teȝȝre kinn Uppwarrd ne dunnwarrd nowwþerr Line 2060 Bi wimmenn, acc þeȝȝ taldenn aȝȝ Bi weppmenn, alls itt ȝede; & all forrþi wass Cristess kinn Uppwarrd & dunnwarrd baþe Bi Josæp reccnedd, & nohht bi Line 2065 Þe laffdiȝ Sannte Marȝe. & full wel mihhte Cristess kinn Bi Josæp wurrþenn reccnedd,

Forr baþe wærenn off an kinn, Josæp & Sannte Márȝe, Line 2070 & forrþi mihhte Cristess kinn Bi Josæp wel ben reccnedd, Forr Crist wass off Josæpess kinn O Sannte Marȝess hallfe. & ure laffdiȝ weddedd wass Line 2075 Ȝe¯¯t all forr oþerr nede; Forr ȝho wass wiþþ an haliȝ mann Weddedd, forr þatt he shollde [col 58] Wel gætenn hire & hire child, & fosstenn hemm & fedenn, Line 2080 & ledenn hemm fra land to land, Ȝiff þatt teȝȝ flittenn sholldenn. Forr swillke nede wass Josæp Weddedd wiþþ Sannte Marȝe. Acc ȝho wass æfre maȝȝdennmann Line 2085 Fra were þwerrt u¯¯t clene, Biforr þatt ȝho wiþþ childe wass, & whil ȝho wass wiþþ childe, & affterr þatt he borenn wass, & æfre a butenn ende; Line 2090 & whase nile trowwenn þiss He slaþ hiss aȝhenn sawle. Annd tohh swa þehh mann wennde inoh, Þatt time þær i lande, Þatt ȝho wære Josæpess wif, Line 2095 & off Josæp wiþþ childe;

& ec þe deofell wennde swa, & forrþi durrste he siþþenn Don hise þeowwess tăkenn Crist, & naȝȝlenn himm o rode. Line 2100 Þeȝȝ wenndenn þatt ȝho wære wif, Acc ȝho wass maȝȝdenn clene, & ȝho wass, alls icc habbe seȝȝd, Off Haliȝ Gast wiþþ childe;·

Þatt gode mann þatt weddedd wass Line 2105 Wiþþ ure laffdiȝ Marȝe Bi name nemmnedd wass Josæp, Forr þatt itt shollde tacnenn, Þatt hiss godnesse shollde ben Þurrh þatt full mikell ekedd, Line 2110 Þatt himm wass ȝifenn forr to ben Wiþþ Sannte Marȝe inn huse. For all allswa summ ifell mann Off ifell tăkeþþ bisne, All all swa takeþþ haliȝ mann Line 2115 Off haliȝnesse bisne. & witt tu þatt hiss haliȝdom Wass godedd himm & ekedd, Þurrh þatt he daȝȝwhammlike sahh [col 59] Þe laffdiȝ Sannte Marȝe, Line 2120 Þatt all wass full off haliȝdom Inn heofennlike mahhtess.

& þurrh hiss name wass himm þiss Full opennliȝ bitacnedd; Forr Josæp tacneþþ uss þatt þing Line 2125 Þatt godedd iss & ekedd. & ure deore laffdiȝ wass Þurrh Drihhtin nemmnedd Marȝe, Forr þatt tatt name shollde wel Bitacnenn hire seollþe; Line 2130 Forr hire name tacneþþ uss Sæsteorrne onn Ennglissh spæche, & ȝho beoþ æfre, & wass, & iss Sæsteorrne inn haliȝ bisne; Forr all swa summ þe steoressmann Line 2135 Aȝȝ lokeþþ till an steorrne, Þatt stannt aȝȝ still upp o þe lifft & swiþe brihhte shineþþ, Forr þatt he wile follȝhenn aȝȝ Þatt illke steorrness lade, Line 2140 Swa þatt he muȝhe lendenn rihht To lande wiþþ hiss wille, All swa birrþ all Crisstene follc Till Sannte Marȝe lokenn, Þatt stannt wiþþ hire sune i stall Line 2145 Þær heȝhesst iss inn heoffne. & iwhillc an Crisstene mann, Þatt ȝeorneþþ affterr blisse, Birrþ stanndenn inn affterr hiss mihht To follȝhenn hire bisne, Line 2150 Swa þatt he muȝhe lendenn rihht Affterr hiss aȝhenn wille

Upp inntill heofennrichess ærd, To brukenn eche blisse. & hire name nemmnedd iss Line 2155 Laffdiȝ onn Ennglissh spæche, & tatt bilimmpeþþ swiþe wel Till hire miccle seollþe, Forr ȝho iss allre shaffte cwen & laffdiȝ full off mahhte. Line 2160

Þatt Godess enngell Gabriæl Comm inntill Sannte Marȝe, Þatt doþ uss tunnderrstanndenn wel Þatt nass ȝho nohht tær úte I skemmtinng & inn idelleȝȝc, Line 2165 Inn ægæde & i leȝȝkess, Swa summ þatt laþe maȝȝdenn iss Þatt sekeþþ unnclænnesse. & þurrh þatt tatt ȝho drefedd wass & radd off Godess enngell, Line 2170 Forrþi þatt he wass cumenn inn Inn aness weress hewe, Þurrh þatt wass sene witerrliȝ [col 60] Þatt ȝho wass wiss wiþþ alle Shammfasst, & daffte, & sedefull, Line 2175 & þwerrt u¯¯t wel bifundenn. Ȝho cneow himm wel, forr he wass ær Wel wunedd offte & lóme

To cumenn dun wiþþ Godess word To gladenn hire & frofrenn; Line 2180 & tohh ȝho wass, forr þatt he comm Inn aness weress hewe, Forrshamedd, & forrdredd off himm, Forr ȝho wass haliȝ maȝȝdenn. Forr son se maȝȝdenn wurrþeþþ bald, Line 2185 Ȝho wurrþeþþ sone unnþæwedd, Forr kaggerrleȝȝc shall don þatt ȝho Shall daffteleȝȝc forrwerrpenn. Full wel birrþ ure maȝȝdenn ben Forrshamedd, ȝiff mann brinngeþ Line 2190 Biforenn hire unnþæwfull word & wælinng word þurrh scaldess, Ȝiff ure laffdiȝ Marȝe wass Forrshamedd & forrdrefedd, Þær enngell comm wiþþ gretinng word Line 2195 Till hire o Godess hallfe. & forr þatt ȝho ne wass næfrær Wiþþ swillc gretinnge frofredd, Ȝho toc wisliȝ to fraȝȝnenn himm Whatt itt bitacnenn mihhte. Line 2200 & forrþi þatt he sahh þatt ȝho Wass drefedd off hiss spæche, He toc to frofrenn hire anann Cuþliȝ bi name, & seȝȝde; Ne beo þu, Marȝe, nohht forrdredd, Line 2205 Þin Godd arrt tu full deore. & siþþenn seȝȝde he sone anan Wiþþ all full openn spæche,

Þurrh whatt itt shollde sene ben Þatt ȝho wass Godd full cweme, Line 2210 He seȝȝde þatt ȝho shollde ben Off Haliȝ Gast wiþþ childe, [col 61] & tatt ȝho Godess sune Godd To manne shollde childenn, & tatt ȝho shollde nemmnenn himm Line 2215 Jesus, þatt iss, Hælennde, Forr þatt he shollde himm sellf mannkinn Hælenn off sinnes wunde. Þatt Godess enngell Gabriæl Till Sannte Marȝe seȝȝde Line 2220 Off hire sune Jesu Crist, Þatt newenn cumenn shollde, Þatt Drihhtin shollde ȝifenn himm Þatt illke kinesæte, Þatt Daviþþ king hiss faderr held Line 2225 Amang Judisskenn þeode, & tatt himm shollde hiss kinedom Á lasstenn butenn ende Bitwenenn þatt Judisskenn þeod Þatt Jacob wass bilenge, Line 2230 Þatt seȝȝde he wiss forrþi þatt Crist Þa shollde newenn turrnenn Judisskenn follc till Crisstenndom Þurrh hise Leorninngcnihhtess, & brinngenn hemm till heoffness ærd, Line 2235 Inntill hiss kineriche,

& tære rixlenn oferr hemm Wiþþutenn ende i blisse. Acc witt tu wel þatt alle þa Þatt lefenn uppo Criste, Line 2240 Off baþe, - off þatt Judisskenn þeod, & off hæþene þeode, Þatt witt tu wel, þatt alle þa Ȝuw sinndenn her bitacnedd, Ȝa þurrh Jacob, ȝa þurrh Judeow, Line 2245 Affterr gastlike lare. Forr Jacob tacneþþ alle þa, Þatt tredenn dun & cwennkenn All þatt tatt iss onnȝæness Godd Inn alle kinne sinne; Line 2250 & Judeow tacneþ alle þa, Þatt lofenn Godd & wurrþenn, & innwarrdlike anndgætenn aȝȝ Wiþþ muþ & ec wiþþ trowwþe, Þatt niss nan Godd wiþþutenn himm Line 2255 Þatt alle shaffte wrohhte, & innwarrdlike anndgætenn aȝȝ All þeȝȝre sake & sinne, & stanndenn inn to cwemenn Godd Onn alle kinne wise. Line 2260 & swillke sinndenn Cristess follc & Cristess kineriche, & Crist shall rixlenn aȝȝ occ aȝȝ Inn heoffness ærd i swillke;·

Þatt Sannte Marȝe seȝȝde þuss Line 2265 Till Gabriæl hehenngell, Hu maȝȝ þiss dede wurrþenn don, Hu maȝȝ icc ben wiþþ childe Wiþþutenn streon o faderr hallf, Wiþþutenn iwhillc macche? Line 2270 Þatt seȝȝde ȝho þurrh mikell witt, Forr þatt nass næfrær wurrþenn, Þatt aniȝ wimmann bære child Wiþþutenn weress mæne. & ȝho wass turrnedd swa till Godd Line 2275 Wiþþ bodiȝ & wiþþ sawle, Þatt ȝho þurrh macche nollde nohht [col 62] Maȝȝþhadess læn forrlesenn; & forrþi wollde ȝho ben wis Off þatt þurrh Godess enngell, Line 2280 Whillc gate ȝho wiþþ childe ben Wiþþutenn were shollde. & witt tu wel þatt nass næfrær, Biforenn Sannte Marȝe, Nan wimmann þatt forr lufe off Godd Line 2285 I maȝȝþhad wollde libbenn, & forrþi wass ȝho wurrþ full wel U¯¯tnumennliȝ to wurrþenn Þurrh Drihhtin blettcedd, & to ben Allwældennd Godess moderr. Line 2290 & forr þatt ȝho wisliȝ bigann To fraȝȝnenn Godess enngell,

Hu ȝho wiþþ childe shollde ben Wiþþutenn weress mæne, He toc forrþrihht all opennliȝ Line 2295 To shæwenn hu ȝho shollde, Þurrh Godess wille, wurrþenn ske¯¯t Off Haliȝ Gast wiþþ childe, Swa þatt ȝho þohh maȝȝþhadess læn Ne shollde nohht forrlesenn. Line 2300 Annd tatt ȝho shollde þess te bett Wiþþ fulle trowwþe lefenn, Þatt ȝho wel mihhte berenn child Wiþþutenn weress mæne, Þurrh Allmahhtiȝ Drihhtiness mahht, Line 2305 Þatt forþeþþ all hiss wille, He seȝȝde þatt Elysabæþ Wass wurrþenn þa wiþþ childe, Þatt ta wass swiþe winntredd wif, & kindelæs to tæmenn, Line 2310 & ec þatt wif þatt haffde ben Aȝȝ childlæs till þatt time, & tanne shollde berenn child Onnȝæn wimmaness kinde. & tatt wass seȝȝd alls iff he þuss Line 2315 All opennlike seȝȝde, Ne wen þu nohht tatt Godd ne maȝȝ All don þatt iss hiss wille, All swa maȝȝ Godd don þe full well To childenn ȝæness kinde, Line 2320 All all swa summ Elysabæþ Shall nu ȝæn kinde childenn.

& son se Sannte Marȝe sahh, Þatt ȝho þa shollde wurrþenn Wiþþ childe swa þatt ȝho þærþurrh Line 2325 Ne shollde nohht ben wemmedd, Ȝho warrþ full bliþe sone anan, [col 63] & seȝȝde þuss wiþþ worde; Loc her icc amm ammbohht all bun To follȝhenn Godess wille; Line 2330 Forr wel ȝho sahh & unnderrstod Þurrh Gabriæless spæche, Þatt ȝho wass ædiȝ wimmann an All wimmannkinn bitwenenn. Þe laffdiȝ Sannte Marȝe wass Line 2335 All Godd bitahht wiþþ alle, & haffde sett inn hire þohht To libbenn i clænnesse, To ledenn i clene maȝȝþhad All hire lif till ende; Line 2340 Acc ȝho ne seȝȝde itt to nan mann Þatt ȝho swa wollde libbenn, Acc to Drihhtin ȝhot¯¯ haffde seȝȝd Inn hire clene wille, Þatt ȝho, — ȝiff þatt itt mihhte ben, Line 2345 I maȝȝþhad libbenn wollde. & tatt wass heh biforenn Godd Þatt ȝho swa wollde libbenn, Forr nass þatt næfre fundenn ær Amang wimmenn onn erþe, Line 2350

Line 2350 Þatt aniȝ wimmann hire lif I maȝȝþhad ledenn wollde; & tærþurrh, & þurrh all þatt god Þatt wass inn hire fundenn, Inn hire lif þatt all þwerrt u¯¯t Line 2355 Wass Drihhtin lef & dere, Þærþurrh wass ȝho wel wurrþ to ben Swa wurrþedd her onn erþe, Þatt Godess Sune shollde mann Inn hire wambe wurrþenn, Line 2360 Off hire flæsh, off hire blod, Off hire streness kinde. & siþþenn affterr þatt ȝho þuss Wel haffde þohht to libbenn I maȝȝþhad forr þe lufe off Godd, Line 2365 & forr þe mede off heffne, Þæraffterr comm þatt hire frend Hemm tokenn raþ bitwenenn, To ȝifenn hire summ god mann All affterr hire birde. Line 2370 & ȝho ne wass nohht tær onnȝæn, Acc ȝatte hemm hĕre wille, & ȝatte þatt ȝho wollde ben Rihht laȝhelike fesstnedd Wiþþ macche, swa summ i þatt ald Line 2375 Wass laȝhe to ben fesstnedd. & wel ȝho þohhte þohh þatt ȝho I maȝȝþhad wollde libbenn, Ȝiff þatt ȝho mihhte forþenn itt Onn aniȝ kinne wise; Line 2380

Line 2380 & all ȝho leȝȝde þatt o Godd & onn hiss lefe wille, Þatt he þæroffe shollde don All whattse hiss wille wære; & innwarrdlike badd ȝho Godd Line 2385 Hiss hellpe þatt ȝho mihhte Á libbenn i clene maȝȝþhad, & inn unnwemmeddnesse. & ȝho wass hanndfesst an god mann Þatt Josæp wass ȝehatenn; Line 2390 & ȝho bilæf wiþþ hire frend Ȝe¯¯t affterr þatt summ whíle. & i þatt fresst, whil þatt ȝho wass Wiþþ hire kinn att hame, Comm Godess enngell onn an daȝȝ Line 2395 Till hire inn hire bure; & Drihhtin hire sennde word Þurrh Gabriæl hehenngell, Þatt ȝho wiþþ childe shollde ben, & berenn child to manne. Line 2400 &, forr þatt ȝho wel haffde þohht To libbenn i clænnesse, Ȝho ȝaff hehenngell Gabriæl Anndswere onnȝæn & seȝȝde; Hu maȝȝ þiss forþedd ben þurrh me Line 2405 Þatt nan weppmann ne cnawe? Whi ȝaff ȝho swillc anndswere onnȝæn, Þa Godess enngell seȝȝde Þatt ȝho wiþþ childe shollde ben, & berenn child to manne? Line 2410

Line 2410 Ȝa mihhte ȝho ske¯¯t affterr þatt Wiþþ hire macche sammnenn, & cnawenn hire macchess stren, & wurrþenn swa wiþþ childe, & tæmenn hire tæm wiþþ himm Line 2415 Alls oþre wimmenn tæmenn? Whi ȝaff ȝho swillc anndswere onnȝæn, Hu maȝȝ þiss forþedd wurrþenn, Þatt I wiþþ childe muȝhe ben, & berenn child to manne? Line 2420 Nu wile I shæwenn ȝuw forrwhi Ȝho ȝaff swillc sware onnȝæness; Ȝho ȝaff himm swillc anndswere onnȝæn, Forr þatt ȝho wollde shæwenn Þatt ȝho, ȝiff þatt itt mihhte ben, Line 2425 Nohht naffde inn hire wille To cnawenn aniȝ macchess stren, Forr swa to ben wiþþ childe, To tæmenn swa wiþþ were tæm Alls oþre wimmenn tæmenn. Line 2430 Þærfore seȝȝde ȝho þiss word Till Gabriæl hehenngell, Hu maȝȝ þiss forþedd ben þurrh me Þatt nan weppmann ne cnawe? Forr þiss wass seȝȝd alls iff ȝho þuss Line 2435 Wiþþ oþre wordess seȝȝde, Whatt gate maȝȝ ícc berenn child, Ícc—þatt wel hafe fesstnedd I míne þohhtess þatt I nan Weppmann ne wile cnawenn? Line 2440

Line 2440 Icc hafe fesstnedd i min þohht To libbenn i clænnesse, Swa þatt icc, — ȝiff þatt itt maȝȝ ben, Nan macche nile cnawenn; & na¯¯t I nohht hu þatt maȝȝ ben, Line 2445 Þatt I maȝȝ ben wiþþ childe I min maȝȝþhad, i clene bedd, Wiþþutenn macchess mæne; & bliþelike I wollde sen & witenn þurrh þe sellfenn, Line 2450 Whatt gate þiss maȝȝ ben þatt tu O Godess hallfe kiþesst. & Godess enngell Gabriæl Ȝaff hire anndswere & seȝȝde; Þu best wiþþ childe off Haliȝ Gast, Line 2455 & best tohh maȝȝdenn clene. & ȝho toc wel wiþþ Godess word To wurrþenn swa wiþþ childe, Þatt ȝho þohhwheþþre shollde ben Maȝȝdenn all þwerrt u¯¯t clene. Line 2460 & ȝho wharrþ þa wiþþ childe swa All affterr Godess wille; & nisste itt nan lifisshe mann Þatt ȝho wass swa wiþþ childe; Forr ȝho ne seȝȝde itt naniȝ mann, Line 2465 Ne Godess enngell nowwþerr; Forr þatt itt shollde wurrþenn wel Forrholenn wiþþ þe defell, Þatt Godess sune shollde ben Her borenn o þatt wise. Line 2470

Line 2470 & hire wambe siþþenn toc To waxenn alls itt birrde, & ȝhot¯¯ forrhall wiþþ alle menn Wiþþ sibbe & wiþþ unnsibbe. & ȝho wass siþþenn affterr þatt Line 2475 Brohht ham till hire macche. & he warrþ sone siþþenn warr, Son se he sahh hire wambe, Þatt ȝho wass waxenn summ del gr毯t, & tatt ȝho wass wiþþ childe, Line 2480 & wollde forrþrihht hire himm fra All stillelike shædenn. & Godess enngell comm himm to Onn uhhtenn þær he sleppte, & seȝȝde himm þatt hiss macche wass Line 2485 Off Haliȝ Gast wiþþ childe, & badd himm ben full milde & mec, To lefftenn & to lutenn Þatt clene maȝȝ þatt shollde ben Allmahhtiȝ Godess moderr. Line 2490 & ȝho þa siþþenn seȝȝde himm wel, All hu ȝho fesstnedd haffde Inn hire þohht all hire lif To ledenn i clænnesse; & he warrþ þa þurrh hire bun Line 2495 To libbenn i clænnesse; & baþe leddenn i maȝȝþhad All þeȝȝre lif till ende. & tohh wass heh & soþ weddlac Haldenn onn eȝȝþerr hallfe, Line 2500

Line 2500 Forr eȝȝþerr wass wiþþ oþerr mec & god att alle nede. & all wass mænelike þing Whatt littless se þeȝȝ haffdenn; & all onn ane wise fell Line 2505 Till eȝȝþerr þeȝȝress herrte, All þatt tatt owwþerr hĕre comm Off sellþe & off unnsellþe. & forrþi wass bitwenenn hemm Weddlac rihht full wel haldenn, Line 2510 Þohh þatt teȝȝ leddenn here lif I maȝȝþhad all till ende.

[ 63/9] Nu habbe icc shæwedd ȝuw summ del Off ure laffdiȝ Marȝe, Hu ȝho wass wurrþenn þurrh Drihhtin Line 2515 Off Haliȝ Gast wiþþ childe. Forr ȝho wass all Drihhtin bitahht Wiþþ bodiȝ & wiþþ sawle; Forr ȝho wass, wiss to fulle soþ, All full off hallȝhe mahhtess, Line 2520 Off herrsummleȝȝc, off rihhtwisleȝȝc, & off soþfasst meocnesse, Off soþ clænleȝȝc, off god ȝæpleȝȝc, Off strenncþe, off mettfasstnesse, Off soþfasst lufe, off soþfasst þild, Line 2525 Off rihhtwis swinncfullnesse.

Þatt ȝho wass rædiȝ tunnderrgan Drihhtiness will to follȝhenn, Þatt wass, — þatt witt tu fuliwiss, Fullfremedd herrsummnesse; Line 2530 & itt wass ec soþ rihhtwisleȝȝc, Forr þatt iss rihht onn eorþe, Þatt mannkinn be till Drihhtin Godd Herrsumm onn alle wise. & soþ meocleȝȝc wass opennliȝ Line 2535 Inn hire anndswere shæwedd, Þurrh þatt ȝho seȝȝde þatt ȝho wass Ammbohht Drihhtin to þeowwtenn. Þatt ȝho wass full off soþ clænleȝȝc, Þatt maȝȝ mann unnderrstanndenn, Line 2540 Þurrh þatt tatt Drihhtin hire chæs All wimmannkinn bitwenenn, To wurrþenn filledd all þweorrt u¯¯t I bodiȝ & i sawle Off Godess Gastess hallȝhe mahht, Line 2545 To wurrþenn Godess moderr. Þær wass full sene þatt ȝho wass All full off soþ clænnesse, Forr Drihhtin shuneþþ alle þa Þatt unnclænnesse follȝhenn. Line 2550 & ȝho wass full off god ȝæpleȝȝc, & tatt wass full wel sene, Þær ȝho toc onn full aldeliȝ To fraȝȝnenn Godess enngell,

All hu ȝho shollde berenn child Line 2555 [col 64] Wiþþutenn macchess mæne, Ȝho, þatt ne wollde næfre ben Þurrh were o life filedd. & ȝho wass full off strenncþe & mahht, To stanndenn ȝæn þe deofell; Line 2560 Forr ȝho tradd deofell unnderrfo¯¯t Þwerrt u¯¯t onn alle wise; Forr nass nan wimmann borenn her Biforenn hire o life, Ne nan ne wass whil þatt ȝho wass Line 2565 Bitwenenn menn onn eorþe, Ne nan ne beoþ her i þiss lif Affterr þe laffdiȝ Marȝe, Þatt muȝhe wurrþenn hire lic Inn aniȝ haliȝnesse, Line 2570 Ne tredenn dun þe deofless mahht, Swa — summ ȝho tradd wiþþ alle. Annd ȝho wass full off mett & mæþ Onn alle kinne wise, Swa þatt nan þing att oferrdon Line 2575 Ne keppte ȝho to follȝhenn; Forr hire þohht & hire word & hire weorrc wass clene, & all wiþþ witt & all wiþþ skill & all wiþþ mettfasstnesse. Line 2580 Off soþe lufe wass ȝho full, & tatt full wel wass sene I þatt tatt Drihhtin hire chæs To wurrþenn Godess moderr;

Forr nære ȝho nohht Drihhtin Godd Line 2585 Swa sellcuþlike cweme, Ȝiff þatt ȝho nohht ne wære full Off soþfasst lufess mahhte; Forr alle þa þatt hafenn witt & waxenn manness elde, Line 2590 Ȝiff þatt teȝȝ cwemenn Drihhtin Godd, Witt tu þatt teȝȝ himm cwemenn Wiþþ lufe off Drihhtin & off mann, & wiþþ þe rihhte læfe. & ȝho þatt cwemmde himm allre mæst Line 2595 Off all mannkinn onn eorþe, Ȝho wass wiss allre manne mast Off soþfasst lufe filledd; Forr ȝho wass god u¯¯tnumennliȝ, & milde & meoc & bliþe, Line 2600 Ȝa towarrd Godd, ȝa towarrd mann, Onn alle kinne wise. & ȝho wass full off soþfasst þild To þolenn & to dreȝhenn Wiþþ soþ meocleȝȝc, wiþþ witt, wiþþ skill, Line 2605 Illc seollþe & illc unnseollþe. & tu mihht wi˘tenn þatt ȝho wass Full wel off þild bifundenn; [col 65] Forr niss nan mahht rihht god inoh Biforenn Godess eȝhne, Line 2610 Butt iff itt beo þurrh þildess gold All full wel oferrgildedd.

Forr þild birrþ ben wiþþ iwhillc mahht To beoldenn itt & strengenn, Swa þatt itt muȝhe ben till uss Line 2615 God wæpenn ȝæn þe deofell, Þatt æfre & æfre stanndeþþ inn To scrennkenn ure sawless, To don uss to forrgilltenn uss Ȝæn Godd o sume wise. Line 2620 & ȝho wass swinncfull, witt tu wel, Inn alle gode dedess; Forr unnlusst & forrswundennleȝȝc Iss Drihhtin swiþe unncweme, & ȝho wass Drihhtin dere & lef Line 2625 & cweme onn alle wise; Þurrh whatt we wi˘tenn þatt ȝho wass Off idellnesse clene. [Þohh þatt te] laffdiȝ Marȝe wass Swa sellcuþlike wurrþedd Line 2630 Þurrh Drihhtin, þatt ȝho shollde ben Allmahhtiȝ Godess moderr, Ne toc ȝho þohh nan modiȝleȝȝc Off hire miccle sellþe, Acc toc to shæwenn sone anan Line 2635 Meocnesse þess te mare; Forr þatt ȝho wollde ȝifenn uss God bisne in hire sellfenn, Off þatt tatt uss birrþ laȝhenn uss Ȝiff Godd uss heȝheþþ here; Line 2640 Forr wha sitt iss þatt heȝhedd iss Þurrh Drihhtin her onn eorþe,

Himm birrþ himm sellfenn fuliwiss Þurrh soþ meocnesse laȝhenn, Affterr þatt bisne þatt himm ȝaff Line 2645 Þe laffdiȝ Sannte Marȝe, Þurrh þatt tatt ȝho warrþ swiþe meoc Affterr þatt ȝho wass heȝhedd & hofenn upp þurrh Godd, to ben Allwældennd Godess moderr. Line 2650 Forr affter þatt tatt Gabriæl Wass cumenn dun off heoffne, To kiþenn þatt ȝho shollde ben Off Haliȝ Gast wiþþ childe, Ȝho ras hire upp, & fór anan Line 2655 Upp inntill heȝhe cludess Till hire meȝhe Elysabæþ, To lutenn hire & lefftenn. & tatt wass wiss soþfasst metleȝȝc, Þatt ure laffdiȝ Marȝe Line 2660 Swa ferrde till Elysabæþ, To lutenn hire & lefftenn; Forr þohh þatt ȝho wass haliȝ wif, Þohh wass ȝho miccle lahre, Þann ure laffdiȝ Marȝe wass Line 2665 Onn alle kinne wise; Forr þatt Elysabæþ wass wif, & Marȝe maȝȝdenn clene; & ec Elysabæþess child [col 66] Þurrh faderr streon wass streonedd, Line 2670

Line 2670 & Marȝe wass o faderr hallf Wiþþutenn streon wiþþ childe; & ec Elysabæþess child Wass mann & nohht na mare, & Marȝess child wass mann & Godd Line 2675 An had i twinne kinde; & forrþi wass Elysabæþ Onn alle wise lahre, Þann ure laffdiȝ Marȝe wass, & wel itt birrþ uss trowwenn, Line 2680 Forr ȝho wass heȝhesst i þiss lif Off all mannkinn onn eorþe, & ȝho iss nu & æfre beoþ Heȝhesst off alle shaffte.

SECUNDUM LUCAM III.

Exurgens Maria abiit in montana cum festinatione.

Itt seȝȝþ þatt Sannte Marȝe fór Line 2685 Wiþþ mikell hih þatt weȝȝe, & tatt wass swa þurh hire don Forr uss to ȝifenn bisne, Þatt uss birrþ aȝȝ wiþþ mikell hih, Wiþþ mikell ȝeorrnfullnesse, Line 2690 Follȝhenn & fillenn all þatt gaþ Till ure sawle bote; Forr nan ne maȝȝ nohht wi˘tenn her Hu lannge mann maȝȝ libbenn, To stanndenn inn to cwemenn Crist Line 2695 To winnenn Cristess are.

Forrþi mann birrþ beon ȝeorrnfull aȝȝ, Whil þatt mann lifeþþ here, To cwemenn Crist þurrh haliȝ lif, & þurrh unnshaþinesse, Line 2700 Þurrh soþ & rihht, þurrh witt & skill, Þurrh mett & soþ meocnesse, Þurrh clene þohht & word & weorrc, Þurrh lufe, & hope, & læfe, Swa þatt mann muȝhe wurrþi beon Line 2705 To winnenn Cristess are. Forr niss nan time inn oþer lif Affterr þiss lifess ende, To takenn wiþþ þe wake leod, To fedenn hemm & claþenn, Line 2710 To wasshenn hemm, to warrmenn hemm, To beddenn hemm & frofrenn; Ne nohht niss time inn oþerr lif Affterr þiss lifess ende, To ȝifenn Godd te tende del Line 2715 Off all þin aȝhenn ahhte, To lakenn Godd, to þeowwtenn Godd, To sekenn kirrke ȝeorne, To lufenn & to follȝhenn griþþ, & messedaȝȝ to freollsenn, Line 2720 To winnenn Cristess are swa & eche lifess blisse. & forrþi birrþ uss hiȝhenn her To cwemenn Crist o life, Swa þatt we moten wurrþi beon Line 2725 To winnenn Cristess are.

& Godd Allmahhtiȝ ȝife uss swa To flen illc hæfedd sinne, Swa þatt we motenn wurrþi ben To brukenn [eche] blisse. Amæn. Line 2730

Þatt tatt te laffdiȝ Marȝe fór, Swa summ þe Goddspell kiþeþþ, To spekenn wiþþ Elysabæþ I cludiȝ landess munntess, Þær ȝho wiþþ hire macche wass Line 2735 Inn an Judisskenn chesstre; Þatt tacneþþ uss well mikell þing Off ure sawle nede. Son summ þe laffdiȝ Marȝe wass Off Haliȝ Gast wiþþ childe, Line 2740 Ȝho ras upp sone anan, & for Upp inntill heȝhe munntess, Forr þatt ȝho wollde lutenn þær & lefftenn hire lahre; & all swa birrþ illc mann þatt iss Line 2745 Þurrh Godess millce beldedd, & frofredd her þurrh Haliȝ Gast, & strengedd inn hiss herrte, Swa þatt hiss herrte iss hofenn upp To follȝhenn Godess wille, Line 2750 All swa birrþ himm forrþrihht anan All risenn upp off sinne, & stiȝhenn aȝȝ þurrh haliȝ lif Upp inntill heȝhe mahhtess,

& lefftenn aȝȝ & lutenn þa Line 2755 Þatt sinndenn hise lahre, & cumenn swa þurrh haliȝ lif Inntill Judisskenn chesstre, Þatt iss upp inntill lufe & lusst, To lofenn Godd & wurrþenn, Line 2760 & ec to clennsenn aȝȝ hiss lif, Þurrh soþfasst anndȝætnesse, Off all þatt iss onnȝæness Godd, & weordeþþ ohht te sawle. All þiss wass uss bitacnedd wel Line 2765 Þurrh þatt Judisskenn chesstre, Þatt sannte Marȝe ferrde till Þær itt wass i þe munntess; Forr þatt ȝho wollde lutenn þær [col 67] & lefftenn hire lahre, Line 2770 Affterr þatt ȝho wass hofenn upp To wurrþenn Godess moderr. & ȝho bilæf þreo moneþþ þær, Forr þatt itt shollde tacnenn, Þatt Godess þeoww birrþ habbenn her Line 2775 Aȝȝ soþfasst læfe o Criste, & soþfasst hiȝ, & hope onn himm, & soþfasst lufe o baþe, O Drihhtin & onn iwhillc mann I þohht, i word, i dede. Line 2780 Forr wha sitt iss þatt wæpnedd iss Wiþþ þise þrinne mahhtess,

Þatt illke mann iss stiȝhenn wel Upp inntill heȝhe munntess, & he maȝȝ stanndenn wel onnȝæn Line 2785 Þe deofell wiþþ swillc wæpenn.

Son summ þe laffdiȝ Marȝe comm Till Zacariȝess bottle, & spacc þær wiþþ Elysabæþ, Forrþrihht teȝȝ wærenn baþe Line 2790 Off Godess Gastess hallȝhe witt Þurrh heore chilldre filledd; & tatt uss tacneþþ opennliȝ Þurrh þeȝȝre baþre bisne, Þatt Drihhtin ȝifeþþ haliȝ witt Line 2795 Þa menn þatt wel himm follȝhenn. Þatt tatt Elysabæþ spacc þær Till Sannte Marȝe & seȝȝde; Rihht affterr þatt tin greting word Wass cumenn i min ære, Line 2800 Min child i blisse sone onngann To blissenn i min wambe, Þatt wass swa summ ȝho seȝȝde þuss Wiþþ opennlike spæche, Son summ þu gann to gretenn me Line 2805 Wiþþ þine milde wordess, Min child tatt i min wambe liþ Bigann itt te to þannkenn, Forr he bigann forrþrihht anan To stirenn & to buttenn; Line 2810

Line 2810 & tatt forrþi þatt he wass gladd, Laffdiȝ, forr þatt tu come, & ec forr þatt he wollde swa Allmahhtiȝ Drihhtin heȝȝlenn Þatt nu liþ, alls he wa¯¯t full wel, Line 2815 I þin unnwemmedd wambe. & tatt Elysabæþ spacc þær Till Sannte Marȝe, & seȝȝde; & tu full ædiȝ wurrþenn arrt, Forr þatt tu mihhtesst trowwenn; Line 2820 Þatt wass swa summ ȝho seȝȝde þuss Wiþþ all full openn spæche, Þin seollþe iss all unnseȝȝenndlic, [col 68] Forr þatt tu toc wiþþ trowwþe Þatt word tatt Godess enngell þe Line 2825 O Godess hallfe brohhte; & bettre arrt tu þann ure preost, Þatt nohht ne mihhte trowwenn Þatt word tatt himm þurrh Gabriæl Wass seȝȝd o Godess hallfe, Line 2830 Forr whatt himm wass hiss spæche anan Þurrh Drihhtin all biræfedd. & tatt Elysabæþ spacc þær Till Sannte Marȝe & seȝȝde; Forr all shall filledd ben i þe Line 2835 Þatt word tatt Godd te seȝȝde, Þatt wass swa summ ȝho seȝȝde þuss Wiþþ all full openn spæche,

All þatt shall filledd ben i þe Þurrh Godess hallȝhe mahhte, Line 2840 Þatt Godess enngell Gabriæl Þe seȝȝde o Godess hallfe Off — þatt tu sholldesst ben þurrh Godd Off Haliȝ Gast wiþþ childe. Her maȝȝ mann sen full opennliȝ Line 2845 Þatt Zacariȝess macche, Þatt gode wif Elysabæþ, Off Godess Gast wass filledd, Þatt seȝȝde till þe laffdiȝ þær Off hire miccle seollþe, Line 2850 Þatt Drihhtin haffde sennd hiss word Till hire, & tatt itt shollde Ben filledd all þurrh Drihhtin Godd Inn hire & Sannte Marȝe, Ȝe¯¯t tanne naffde seȝȝd rihht nohht Line 2855 Till hire off swillke þinge. Þurrh Godess Gast & nohht þurrh mann Ȝhot¯¯ unnderrstod, & wisste Hu Sannte Marȝe wurrþenn wass Off Godess Gast wiþþ childe. Line 2860 Þatt ure laffdiȝ Marȝe wass Þreo moneþþ i þe munntess Wiþþ hire meȝhe Elysabæþ, Þatt wass forr þatt ȝho wollde Seon hire childenn hire child, Line 2865 Forr þatt wass, wiss to soþe, Þe maste þing forr whatt ȝho wass Þatt time cumenn þære.

& all swa birrþ þatt illke mann, Þatt Drihhtin hafeþþ beoldedd Line 2870 & strengedd ohht þurrh Haliȝ Gast To follȝhenn heȝhe mahhtess, Aȝȝ birrþ himm habbenn hope o Godd & soþfasst lufe & troww[þe] [Coll. 69-76 wanting.] . . . . . [col 77] . . . . .i clene unnwemeddnesse; Line 2875 Forrþi þatt Jesu Cristess hird Iss clene, & all unnwemmedd Inn hire trowwþe towarrd Godd, & ec inn hire lare.

Itt seȝȝþ þatt Josæp wass rihhtwis, Line 2880 & tatt iss tunnderrstanndenn Forr þatt hiss trowwþe wass full god, Þatt Godess sune shollde Ben borenn i þiss middellærd Off maȝȝdenn þweorrt u¯¯t clene. Line 2885 & tekenn þatt he wass rihhtwis, He wass ædmod & milde, I þatt tatt he ne wollde nohht Unnshaþiȝ wimmann wreȝhenn; Forr eȝȝþerr birrþ wiþþ oþerr ben, Line 2890 Ȝiff þatt itt Godd shall cwemenn; Forr aȝȝ birrþ rihhtwisnesse ben Þurrh mildheorrtnesse temmpredd,

Swa þatt itt summ del nesshe be To þolenn & to dreȝhenn; Line 2895 & mildheorrtnesse birrþ ben aȝȝ Þurrh rihhtwisnesse strengedd, Swa þatt te millce nohht ne be To soffte, ne to nesshe; Forr mann maȝȝ ske¯¯t to soffte ben Line 2900 Ȝæn þa þatt Drihhtin wraþþenn. Þurrh þatt Josæp wass hoȝhefull & mikell ummbeþohhte, Off whatt himm wære bettst to don Off þatt himm wass bilummpenn, Line 2905 Off þatt hiss macche wurrþenn wass Wiþþutenn himm wiþþ childe, Þær þurrh he ȝaff ȝuw, læwedd follc, Full opennlike bisne, Þatt ȝuw birrþ nimenn mikell gom Line 2910 To ȝemenn ȝure macchess, Þatt teȝȝ ne falle nohht i gillt Þurrh ȝure ȝemelæste. & ec Josæp uss ȝaff þurrh þatt Full god & halsumm bisne, Line 2915 Þatt Godess þeoww himm ȝeorne birrþ Biþennkenn & bilokenn, Off all þatt tatt he wile don & tatt he wile mælenn, Swa þatt itt Drihhtin cweme be, Line 2920 & halsumm till hiss sawle. Þurrh þatt he wollde stilleliȝ Fra Sannte Marȝe shædenn,

Þær þurrh wass sene þatt he wass Rihhtwis & milde baþe. Line 2925 Rihhtwis he wass, þatt witt tu wel, O þatt hallf, þatt he nollde Nohht haldenn wiþþ þatt illke þing Þatt he nohht off ne wisste; He sahh þatt ȝho wiþþ childe wass, Line 2930 [col 78] & nisste he nohht whæroffe, & wisste þatt ȝho clene wass Off alle menn onn eorþe, & forrþi wollde he fleon þatt þing Þatt he nohht off ne wisste, Line 2935 Swa—þatt he wære gilltelæs Biforenn Godess eȝhne. & milde he wass onn oþerr hallf, I þatt he nollde wreȝenn Þatt wimmann þatt wass gilltelæs, Line 2940 Þatt ȝho ne wære stanedd. & forr þatt Josæp sohhte raþ Swa lannge inn hise þohhtess, Off whatt himm wære bettst to don, Þatt he ne felle i sinne; Line 2945 Forrþi comm himm þatt he wass wurrþ Þatt Godd himm sennde hiss enngell, To raþenn himm þe bettste raþ Off—whatt himm wass to donne. & tatt me doþ full opennliȝ Line 2950 To sen & tunnderrstanndenn,

Þatt ȝiff þatt icc amm hoȝhefull & mikell ummbeþennke, Whillc gate icc muȝhe cwemenn Godd I þohht, i word, i dede, Line 2955 Drihhtin me ȝifeþ witt & mihht To forþenn wel min wille, Þatt I shall cunnenn cwemenn Godd & wel itt mughenn forþenn.

Þatt Godess enngell comm o nihht Line 2960 Till Josæp þær he sleppte, Þatt uss bitacneþþ þatt tatt mann Iss Drihhtin lef & dere, Þatt, i þiss lifess þeossterrleȝȝc, Forrȝeteþþ & forrwerrpeþþ Line 2965 To ȝeornenn affterr weorelldþing Þurrh sinnfull grediȝnesse; Forr rihht all swa summ icc amm fre Fra weorelldþingess lusstess, A whil þatt icc amm i min bedd Line 2970 Þurh slæpess bandess bundenn, Rihht swa þe soþe lufe off Godd Birrþ bindenn all min heorrte, Þatt icc be þweorrt u¯¯t all se fre Fra sinnfull grediȝnesse, Line 2975 Swa þatt icc weorelldþing forrseo To winnenn ohht wiþþ sinne. & witt tu þatt tiss weorelldlif Iss wel þurrh nihht bitacnedd,

Forr all þiss weorelldlif iss full Line 2980 Off sinness þeossterrnesse. [col 79] & sinne iss opennlike inoh Þurrh þeossterrnesse tacnedd, Forr sinne, ȝiff þut¯¯ lufesst ohht, Forrblendeþþ all þin heorrte, Line 2985 Swa—þatt itt litell nimeþþ gom Hu mikell pine itt follȝheþþ· & tatt tatt Godess enngell spacc Till Josæp þær he sleppte, & seȝȝde þatt hiss macche wass Line 2990 Off Haliȝ Gast wiþþ childe, Þatt birrþ uss lokenn whatt itt iss & whatt itt wile seggenn; Forr uss birrþ unnderrstanndenn wel & soþfasstlike trowwenn, Line 2995 Þatt Godess Gast iss soþfasst Godd & Allmahhtiȝ wiþþ alle, & Godess Gast iss kariteþ & soþfasst lufe nemmnedd; & tatt wass all þurrh kariteþ Line 3000 & þurrh soþ lufe forþedd, Þatt Godess Sune Allmahhtiȝ Godd Warrþ mann off Sannte Marȝe. & tatt he seȝȝde þatt ȝho wass Off Haliȝ Gast wiþþ childe, Line 3005 Þatt seȝȝde he wiss forr þatt ȝho wass Þurrh kariteþ wiþþ childe; Forr Godd warrþ mann þurrh cariteþ & þurrh soþ lufe onn eorþe.

Þurrh soþfasst lufe wass itt don, Line 3010 Forr ure Drihhtin haffde Swa mikell lufe towarrd uss, Forr whatt he wollde uss lesenn U¯¯t off þe laþe gastess hannd, & brinngenn uss till heoffne. Line 3015 Forr ȝuw birrþ unnderrstanndenn wel & soþfasstlike trowwenn, Þatt nass ȝho nohht wiþþ childe þa Off Haliȝ Gast tatt wise, Þatt Hallȝ Gast wass wurrþenn mann, Line 3020 Nass ȝho nohht swa wiþþ childe; Forr Godess Gast ne warrþ nohht mann, Þiss birrþ uss alle trowwenn, Acc Godess Sune Allmahhtiȝ Godd Warrþ mann off Sannte Marȝe. Line 3025 & tatt he seȝȝde þatt ȝho wass Off Haliȝ Gast wiþþ childe, Þatt seȝȝde he wiss forr þatt itt wass Þurrh Godess ȝife wurrþenn; Forr Haliȝ Gast iss soþfasst Godd Line 3030 & Godess ȝife nemmnedd; & all þurrh Godess ȝife itt wass & all þurrh Godess wille, Þatt ȝho wiþþ childe wurrþenn wass Wiþþutenn iwhillc macche. Line 3035 Þe Goddspell seȝȝþ þatt Godess word Warrþ mann off Sannte Marȝe; Forr Godess Sune Jesu Crist Iss Godess aȝhenn kinde,

& Godess word, & Godess witt, Line 3040 & soþ Godd inn himm sellfenn.

[col 80] Þatt Godess enngell seȝȝde þær Till Josæp þuss wiþþ worde; Þu nemmnenn shallt tatt illke child Jesumm þatt ȝho shall childenn, Line 3045 Forr þatt he shall hiss aȝhenn follc Off þeȝȝre sinness hælenn, Þatt illke word wass cwiddedd ær Till ure laffdiȝ Marȝe Þurrh Gabriæl, þær þær he comm Line 3050 Till hire o Godess hallfe, To kiþenn þatt ȝho shollde ben Off Haliȝ Gast wiþþ childe. Jesusess name nemmnedd iss Hælennde onn Enngliss spæche, Line 3055 & forrþi birrde itt cwiddedd ben Till eȝȝþerr kinn onn eorþe, Till weppmann & till wifmannkinn, Forr þatt he wollde baþe Weppmenn & wifmenn hælenn her Line 3060 Off þeȝȝre sinness wunde.

Þatt Godess enngell, þær he spacc Wiþþ Josæp þær he sleppte,

Droh u¯¯t off Ysayȝess boc Wittness off Cristess come, Line 3065 Þatt dide he forr he wollde uss swa Full wel don tunnderrstanndenn, Þatt baþe droȝhenn all till an Off Jesu Cristess come, Þe Judewisshe follkess boc, Line 3070 & Goddspellbokess lare, & ec forr þatt he wollde swa Full opennlike shæwenn, Þatt nass itt nohht færlike don Þatt Godd warrþ mann onn eorþe, Line 3075 Forr þatt itt wass forr maniȝ daȝȝ œr cwiddedd þurrh prophetess. & ec he droh þatt wittness forþ Off Ysayȝess lare, Þatt Josæp shollde þess te bett Line 3080 Trowwenn, þatt Sannte Marȝe Wass wiss þatt illke maȝȝdennmann Þatt wi˘tess haffdenn cwiddedd. Þatt Ysayas haffde seȝȝd & writenn uppo boke, Line 3085 Þatt maȝȝdenn shollde berenn child Wiþþutenn macchess mæne, & tatt itt shollde nemmnedd ben Emanuæl onn eorþe, Þatt wass inoh all an wiþþ þatt Line 3090 Þatt Godess enngell seȝȝde Till Sannte Marȝe, þær he spacc Wiþþ hire o Godess hallfe;

Forr þær he seȝȝde wel þatt ȝho An sune shollde childenn, Line 3095 Þatt shollde nemmnedd ben Jesus & Godess Sune onn eorþe; Forr Godess Sune iss soþfasst Godd [col 81] Hiss faderr efennmete, & tatt iss Jesu Crist tatt iss Line 3100 Hiss faderr efennmete; Forr Crist iss Godess Sune & Godd Inn ure mennisscnesse, & tatt wass þurrh Emmanuæl Full witerrliȝ bitacnedd; Line 3105 Forr ȝiff þu willt Emmanuæl Till Ennglissh spæche turrnenn, Itt seȝȝþ þatt Godd iss her wiþþ uss Inn ure mennisscnesse. Josæp, forr þatt he nollde nohht Line 3110 Onn ane wise gilltenn, All wollde he shædenn fra þatt þing Þatt he nohht off ne wisste; & Godd ne keppte nohht off þatt Off þatt he shollde shædenn, Line 3115 Forr þa mann munnde trowwenn wel Þatt ȝho forrleȝenn wære, Ȝiff þatt ȝho wære stilleliȝ Forrlætenn & forrworrpenn. & her mann unnderrstanndenn maȝȝ Line 3120 Þurrh þiss Josæpess bisne,

Þatt mann birrþ lokenn allre mast Aȝȝ till hiss aȝhenn sawle; Forr birrþ me nowwþerr hellpenn þe To lif, ne to þe sawle, Line 3125 Swa þatt icc ohht forrgillte me Ȝæn Godd onn aniȝ wise. Acc all þatt icc maȝȝ gengenn þe, Swa þatt I nohht ne gillte, All birrþ me bli˘þelike don Line 3130 Forr heofennlike mede, & nohht ne birrþ me gengenn þe Forr eorþliȝ loff to winnenn. Josæp all unnderrstod full wel Þatt Godess enngell seȝȝde, Line 3135 & ras himm upp off slæpe anan Þurrh soþfasst herrsummnesse, & dide all alls himm bedenn wass, & toc wel wiþþ hiss macche; Forr þatt he wisste þa þurrh whatt Line 3140 Ȝho wurrþenn wass wiþþ childe. & wel bilimmpeþþ þatt itt seȝȝþ Þatt he ras upp off slæpe, Forr he wass þa brohht u¯¯t off all Orrtrowwþe & orrraþnesse, Line 3145 Son summ he wisste inoh þurrh whatt Hiss macche wass wiþþ childe; Forr þatt wass þurrh wanntrowwþess slæp, Þatt he wass off hiss macche All orrraþ whatt he mihhte don, Line 3150 Off þatt ȝho wass wiþþ childe.

& tær he ras upp off þatt slæp Þær Godess enngell seȝȝde, O whillke wise hiss macche wass Wiþþutenn himm wiþþ childe; Line 3155 Forr siþþenn toc he swiþe wel Wiþþ hire onn alle wise, & toc to þeowwtenn hire anan Wiþþ þæw att alle nede. & swa bilæf ȝho þa wiþþ himm Line 3160 Inn Nazaræþess chesstre, & ȝede þa wiþþ childe þær All all se fele móneþþ, Alls iff itt wære an oþerr child Þatt wære onn hire streonedd, Line 3165 [col 82] Forrþi þatt ure Laferrd Crist, Þatt wass inn hire wambe, Wass wurrþenn all þweorrt u¯¯t soþ mann I bodiȝ & i sawle, Wiþþutenn þatt tatt he wass wiss Line 3170 All þweorrt u¯¯t clene off sinne. & forr þatt he wass wurrþenn mann Off hire flæshess kinde, All all swa ȝede ȝho wiþþ himm Till hire rihhte time, Line 3175 Alls iff he wære anoþer child Þatt wære onn hire streonedd.

Annd hire meȝhe Elysabæþ Wass gladd inoh & bliþe Off hire dere child Johan, Line 3180 & lefliȝ ȝho himm fedde; & swiþe wel he wex & þraf, & Drihhtin wass he cweme; Forr affterr þatt te Goddspell seȝȝþ, Þatt þweorrt u¯¯t nohht ne leȝheþþ, Line 3185 Wisslikess þingess Godess hannd Wass wiþþ þatt child onn eorþe. & tatt wass upponn all hiss lif Full opennlike sene; Forr son summ he wass waxenn swa Line 3190 Þurrh hise freondess fode, Þatt he þa mihhte himm sellf ben wel Hiss aȝhenn hellpe & hirde, & tatt he cuþe himm ane ben & lokenn till himm sellfenn, Line 3195 Forrþrihht anan he flæh aweȝȝ Fra faderr & fra moderr, & flæh himm inntill wesste land Þær itt wass all unnbiggedd, & shadde himm all þweorrt u¯¯t fra menn, Line 3200 Forr þatt he wollde himm ȝemenn, Swa þatt he þurrh an idell word Ne shollde himm nohht forrgilltenn. & tær he ledde himm ane hiss lif Fra þatt he wass full litell Line 3205 Till þatt he waxenn wass, & neh Off þrittiȝ winnterr elde.

Hiss claþ wass off ollfenntess hær, Swa summ þe Goddspell kiþeþþ, Hiss girrdell wass off shepess skinn Line 3210 Abutenn hise lendess, Hiss drinnch wass waterr aȝȝ occ aȝȝ, Hiss mete wilde rotess, & ȝiff he mihhte findenn ohht Off huniȝ i þatt wesste. Line 3215 Þiss lif to ledenn he bigann, Whann he wass ȝe¯¯ full litell, & aȝȝ het¯¯ held full wel anan Till þatt he Ȝaff hiss ende. [col 83] Swillc lif wass tacnedd þurrh þatt lac Line 3220 Þatt all wass brennd till asskess, Swa summ icc habbe shæwedd ȝuw Biforenn o þiss lare; Forr þu ne mihht nohht ledenn her Nan bettre lif onn eorþe Line 3225 Þann iss, þatt tu þweorrt u¯¯t forrse & all þweorrt u¯¯t forrwerrpe All weorelldlike lif & lusst, & fleo fra menn till wesste, & tær wiþþ hard & haliȝ lif Line 3230 Be ȝeorrnfull Crist to cwemenn; Forr swillc lif iss all þweorrt u¯¯t dæd Fra weorelldshipess lusstess, & itt iss all þurrh haliȝ fir Off soþfasst lufe o Criste Line 3235

Line 3235 Turrnedd till asskess & till dusst, Forrþi þatt swillke leode Aȝȝ follȝhenn soþ meocnessess sloþ, Þatt iss þurrh asskess tacnedd. & Sannt Johan bigann swillc lif Line 3240 Whann he wass ȝe¯¯ full litell, & aȝȝ het¯¯t held full wel anan Till þatt he ȝaff hiss ende. & swa birrþ illc Crisstene mann Þatt ȝeorneþþ affterr blisse, Line 3245 Aȝȝ himm birrþ gode dedess don Whil þatt hiss lif himm lassteþþ; Forr mann ne maȝȝ nohht borrȝhenn ben, Swa summ soþ boc uss kiþeþþ, Þohh mann biginne god to don, Line 3250 Butt iff mann wel itt ende. Uss birrþ biginnenn god to don, & haldenn a þæronne, & uss birrþ endenn ure lif Inn ure gode dede; Line 3255 & ta shall ure Laferrd Crist Att ure lifess ende Uss ȝifenn ure swinnkess læn, Wiþþ enngless eche blisse;· & Godd Allmahhtiȝ gife uss swa Line 3260 To cwemenn Crist onn erþe Swa þatt we motenn wurrþi ben To brukenn heffness blisse. Amæn.

Nu wile icc here shæwenn ȝuw Off ure laffdiȝ Marȝe, Line 3265 Off hu ȝho barr þe Laferrd Crist Att hire rihhte time, Swa þatt ȝho þohh þær affterr wass A maȝȝdenn þweorrt u¯¯t clene;·

SECUNDUM LUCAM VII.

Exiit edictum.

An Romanisshe Kaserrking Line 3270 Wass Augusstuss ȝehatenn, & he wass wurrþenn Kaserrking Off all mannkinn onn eorþe, & he gann þennkenn off himm sellf, & off hiss miccle riche. Line 3275 & he bigann to þennkenn þa, Swa sum þe Goddspell kiþeþþ, Off þatt he wollde witenn wel Hu mikell fehh himm come, Ȝiff himm off all hiss kinedom Line 3280 [col 84] Illc mann an peninng ȝæfe. & he badd settenn upp o writt All mannkinn, forr to lokenn Hu mikell fehh he mihhte swa Off all þe weorelld sammnenn, Line 3285

Line 3285 Þurrh þatt himm shollde off illc an mann An peninng wurrþenn reccnedd. & ta wass sett tatt iwhillc mann, Whær summ he wære o lande, Ham shollde wendenn to þatt tun Line 3290 Þatt he wass borenn inne, & tatt he shollde þær forr himm Hiss hæfeddpeninng reccnenn, Swa þatt he ȝæn þe Kaserrking Ne felle nohht i wíte. Line 3295 & i þatt illke time wass Josæp wiþþ Sannte Marȝe I Galilew, & i þatt tun Þatt Nazaræþ wass nemmnedd. & ta þeȝȝ baþe forenn ham Line 3300 Till þeȝȝre baþre kinde; Inntill þe land off Ȝerrsalæm Þeȝȝ forenn samenn baþe, & comenn inntill Beþþleæm Till þeȝȝre baþre birde, Line 3305 Þær wass hemm baþe birde to, Forr þatt teȝȝ baþe wærenn Off Daviþþ kinȝess kinness menn, Swa summ þe Goddspell kiþeþþ· & Daviþþ kinȝess birde wass Line 3310 I Beþleæmess chesstre; & hemm wass baþe birde þær Þurrh Daviþþ kinȝess birde; Forr þatt teȝȝ baþe wærenn off Daviþess kin & sibbe. Line 3315

Line 3315 & Sannte Marȝess time wass Þatt ȝho þa shollde childenn, & tær ȝho barr Allmahhtiȝ Godd Þatt all þiss weorelld wrohhte, & wand himm sone i winndeclu¯¯t, Line 3320 & leȝȝde himm inn an cribbe; Forrþi þatt ȝho ne wisste whær Ȝho mihhte himm don i bure. & tohh þatt Godd wass borenn þær Swa dærnelike onn eorþe, Line 3325 & wundenn þær swa wreccheliȝ Wiþþ clutess inn an cribbe, Ne wollde he nohht forrholenn ben Þohhwheþþre i þeȝȝre clutess, Acc wollde shæwenn whatt he wass Line 3330 Þurrh heofennlike takenn. Forr sone anan affterr þatt he Wass borenn þær to manne, Þær onnfasst i þatt illke land [col 85] Wass seȝhenn mikell takenn. Line 3335 An enngell comm off heoffness ærd, Inn aness weress hewe, Till hirdess þær þær þeȝȝ þatt nihht Biwokenn þeȝȝre faldess, Þatt enngell comm & stod hemm bi Line 3340 Wiþþ heoffness lihht & leome. & forrþrihht summ þeȝȝ sæȝhenn himm Þeȝȝ wurrdenn swiþe offdredde;

& Godess enngell hemm bigann To frofrenn & to beldenn, Line 3345 & seȝȝde hemm þuss o Godess hallf Wiþþ swiþe milde spæche; Ne beo ȝe nohht forrdredde off me, Acc beo ȝe swiþe bliþe, Forr icc amm sennd off heoffness ærd Line 3350 To kiþenn Godess wille, To kiþenn ȝuw þatt all follc iss Nu cumenn mikell blisse, Forr ȝuw iss borenn nu to daȝȝ Hælennde off ȝure sinness, Line 3355 An wennchell þatt iss Jesu Crist, Þatt wi˘te ȝe to soþe. & her onnfasst he borenn iss I Daviþþ kingess chesstre, Þatt iss ȝehatenn Beþþleæm, Line 3360 I þiss Judisskenn birde. & her icc wile shæwenn ȝuw Summ þing to witerr tákenn; Ȝe shulenn findenn ænne child I winndeclutess wundenn, Line 3365 & itt iss inn a cribbe leȝȝd, & tær ȝet¯¯ muȝhenn findenn. & sone anan se þiss wass seȝȝd Þurrh an off Godess enngless, A mikell here off enngleþeod Line 3370 Wass cumenn u¯¯t off heoffne, & all þatt hirdeflocc hemm sahh & herrde whatt teȝȝ sungenn.

Þeȝȝ alle sungenn ænne sang Drihhtin to lofe & wurrþe, Line 3375 & tuss þeȝȝ sungenn alle imæn, Swa summ þe Goddspell kiþeþþ, Si Drihhtin upp inn heoffness ærd Wurrþminnt & loff & wullderr, & upponn eorþe griþþ & friþþ, Line 3380 Þurrh Godess mildheorrtnesse, Till iwhillc mann þatt habbenn shall God heorrte & aȝȝ god wille. & sone anan se þiss wass þær Þurrh Godess enngless awwnedd, Line 3385 Þeȝȝ wenndenn fra þa wăkemenn All u¯¯t off þeȝȝre sihhþe. Þa hirdess tokenn sone þuss To spekenn hemm bitwenenn; Ga we nu till þatt illke tun Line 3390 Þatt Beþþleæm iss nemmnedd, & loke we þatt illke word Þatt iss nu wrohht onn eorþe, Þatt Drihhtin Godd uss hafeþþ wrohht & awwnedd þurrh hiss are. Line 3395 & sone anan þeȝȝ ȝedenn forþ Till Beþþleæmess chesstre, & fundenn Sannte Marȝe þær & Josæp hire macche, & ec þeȝȝ fundenn þær þe child Line 3400 Þær itt wass leȝȝd i cribbe. [col 86]

& ta þeȝȝ unnderrstodenn wel Þatt word tatt Godess enngless Hemm haffdenn awwnedd off þatt child, Þatt teȝȝ þær haffdenn fundenn; Line 3405 & ta þeȝȝ wenndenn hemm onnȝæn Wiþþ rihhte læfe o Criste, & tokenn innwarrdlike Godd To lofenn & to þannkenn All þatt teȝȝ haffdenn herrd off himm, Line 3410 & seȝhenn þurrh hiss are. & sone anan þeȝȝ kiddenn forþ Amang Judisskenn þeode All þatt teȝȝ haffdenn herrd off Crist, & seȝhenn wel wiþþ eȝhne; Line 3415 & iwhillc mann þatt herrde itt ohht Forrwunndredd wass þæroffe. & ure laffdiȝ Marȝe toc All þatt ȝho sahh & herrde, & all ȝhot¯¯ held inn hire þohht, Line 3420 Swa summ þe Goddspell kiþeþþ, & leȝȝde itt all tosamenn aȝȝ I swiþe þohhtfull heorrte, All þatt ȝho sahh & herrde off Crist, Whas moderr ȝho wass wurrþenn. Line 3425

Annd o þatt illke nahht tatt Crist Wass borenn her to manne, Wass he ȝe¯¯t, alls hiss wille wass, Awwnedd onn oþerr wise.

He sette a steorrne upp o þe lifft Line 3430 Full brad, & brihht, & shene, Onn æst hallf off þiss middellærd, Swa summ þe Goddspell kiþeþþ, Amang þatt follc þatt cann innsihht Off maniȝ þing þurrh steorrness, Line 3435 Amang þe Calldeowisshe þeod Þatt cann innsihht o steorrness. & tatt þeod wass hæþene þeod Þatt Crist ȝaff þa swillc takenn; Forrþi þatt he þeȝȝm wollde þa Line 3440 To rihhte læfe wendenn. & son se þeȝȝ þatt steorrneleom Þær sæȝhenn upp o liffte, Þreo kingess off þatt illke land Full wel itt unnderrstodenn, Line 3445 & wisstenn witerrliȝ þærþurrh Þatt swillc new king wass awwnedd, Þatt wass soþ Godd & soþ mann ec, An had off twinne kinde. All þiss þeȝȝ unnderrstodenn wel Line 3450 Forr þatt itt Godd hemm úþe, [col 87] & cómenn samenn alle þreo, & settenn hemm bitwenenn, Þatt illc an shollde þrinne lac Habbenn wiþþ him o lade, Line 3455 & tatt teȝȝ sholldenn farenn forþ To leȝȝtenn & to sekenn

Þatt newe king, þatt borenn wass Amang Judisskenn þeode. & sone anan þeȝȝ forenn forþ Line 3460 Illc an wiþþ þrinne lakess, Forr þatt ta lakess sholldenn uss Well mikell god bitacnenn. & teȝȝre steorrne wass wiþþ hemm To ledenn hemm þe weȝȝe, Line 3465 Forr aȝȝ itt fl毯t upp i þe lifft Biforenn hemm a litell, To tæchenn hemm þatt weȝȝe rihht Þatt ledde hemm towarrd Criste. Acc fra þatt Kalldewisshe land, Line 3470 Þatt teȝȝ þa comenn offe, Wass mikell weȝȝe till þatt land Þatt Crist wass borenn inne; & forrþi wass hemm ned to don God þraȝhe to þatt weȝȝe, Line 3475 Forr rihht onn hiss þrittende daȝȝ Þeȝȝ comenn till þatt chesstre, Þær ure Laferrd Jesu Crist Wass borenn her to manne; Þuss wass þe Laferrd Jesu Crist Line 3480 Awwnedd o twinne wise Forrþrihht anan, i þatt tatt he Wass borenn her to manne, Forr þatt menn sholldenn cnawenn himm & lofenn himm & wurrþenn, Line 3485 & cumenn till þe Crisstenndom & till þe rihhte læfe,

& winnenn swa to cumenn upp Till heofennrichess blisse. Her endenn twa Goddspelless þuss, Line 3490 & uss birrþ hemm þurrhsekenn, To lokenn whatt teȝȝ lærenn uss Off ure sawle nede.

Forrþrihht anan se time comm, Þatt ure Drihhtin wollde Line 3495 Ben borenn i þiss middellærd Forr all mannkinne nede, He chæs himm sone kinness menn All swillke summ he wollde, & whær he wollde borenn ben Line 3500 He chæs all att hiss wille. &, alls hiss lefe wille wass, Hiss moderr Sannte Marȝe Comm rihht inntill þatt illke tun & till þatt illke bottle, Line 3505 Þatt he wollde inne borenn ben & awwnedd her onn eorþe. [col 88] & forrþi þatt maȝȝþhadess lif Iss heȝhesst allre life, Forrþi chæs ure Laferrd Crist Line 3510 An maȝȝdenn himm to moderr, Forr þatt he lufeþþ alle þa Þatt soþ clænnesse follȝhenn.

& forr þatt he wass borenn her Sahhtnesse & griþþ to settenn Line 3515 Bitwenenn Drihhtin, heoffness king, & mannkinn her onn eorþe, Forrþi chæs he to wurrþenn mann O þatt Keȝȝseress time, Þatt held wiþþ mikell griþþ & friþþ Line 3520 Hiss kinedom onn eorþe. & forr þatt he wass wurrþenn mann To ȝifenn menn onn eorþe Hiss aȝhenn hallȝhe flæsh & blod, Soþ bræd to þeȝȝre sawle, Line 3525 Forrþi chæs he þatt illke tun To wurrþenn borenn inne, Þatt wass ȝehatenn Beþþleæm, Forrþi þatt itt bitacneþþ Þatt hus þatt bræd iss inne don, Line 3530 & tatt iss Cristess kirrke; Forr Cristess flæsh & Cristess blod Iss hallȝhedd inn hiss kirrke, Forr þær to wurrþenn lifess bræd Till alle Cristess þeowwess. Line 3535 & all all swa se þa wass sett Þurrh þatt Kaseress hæse, Þatt illc mann shollde cumenn ham Inntill hiss aȝhenn birde, Forr þær to reccnenn till þe king Line 3540 An peninng forr himm sellfenn, & tatt mann shollde hiss name þær Att hame o wri˘te settenn,

All all swa biddeþþ ure king, Þe Laferrd Crist off heffne, Line 3545 Þatt illc mann shule cumenn ham Inntill hiss aȝhenn birde, Þatt iss inntill rihht Crisstenndom, & inntill rihhte læfe, Inntill þatt soþfasstnessess ham Line 3550 Þatt mann wass shapenn inne, & reccnenn himm þatt peninng þær Þatt tacneþþ rihhtwisnesse; & he shall wrítenn alle þa Þatt cwemmdenn himm o life Line 3555 Onn eche lifess bokess writt, To brukenn heoffness blisse. & ec þurrh þatt tatt Josæp comm Wiþþ ure laffdiȝ Marȝe Till Beþþleæm, Daviþess burrh, Line 3560 [col 89] Forr sillferr þær to reccnenn Forr Marȝe, & forr himm sellfenn ec, Affterr þe kingess hæse, Þurrh þatt we muȝhenn sen full wel, Þatt Jesuss nohht ne wollde Line 3565 Ben borenn nowwhar i þe land, Bu¯¯tt inn hiss aȝhenn birde; Forr ure laffdiȝ Marȝe wass Þatt illke kingess meȝhe, Forr ȝho wass off Daviþess kinn Line 3570 Þatt Drihhtin wass full dere.

& hire sune wass himm lic O fĕle kinne wise; Forr Crist wass strang wiþþ hannd inoh To werrpenn dun þe deofell, Line 3575 & Crist wass æfre swillc to sen & á beoþ butenn ende, Þatt gode ȝeorrndenn himm to sen, & æfre shulenn ȝeorrnenn. & tiss iss þatt uss opennliȝ Line 3580 Daviþess name tacneþþ; Forr itt uss tacneþþ strang wiþþ hannd & luffsumm onn to lokenn, & Crist iss baþe — strang wiþþ hannd, & luffsumm onn to lokenn. Line 3585 & Crist iss all se Daviþþ wass Shephirde, & king, & kemmpe, Forr Crist iss allre kinge King, & alle shaffte Laferrd. & Daviþþ king sloh Golia¯¯t, Line 3590 Hæþene follkess kemmpe, & Crist band uss þe laþe gast, All hellewaress strenncþe. & Daviþþ, whanne he ȝung mann wass, Þa wass he shepess hirde, Line 3595 & Crist iss hirde off hise shep, Off hise dere þeowwess. & Crist wass hirde god inoh Þatt ȝaff hiss aȝhenn sawle, To lesenn hise shep þærwiþþ Line 3600 U¯¯t off þe deofless walde.

Þa gode menn þatt lufenn Crist, & hise laȝhess haldenn, Þeȝȝ alle sinndenn Cristess shep, Forr þatt teȝȝ sinndenn alle Line 3605 Æddmode & meoke & milde menn, All affterr shepess kinde.

& tatt te Laferrd Jesu Crist Wass borenn her to manne, Þatt time þatt hiss moderr wass Line 3610 I þeowwdom unnderr laferrd, Þatt dide he forr to shæwenn swa Unnseȝȝenndliȝ meocnesse, To tæchenn þurrh himm sellfenn swa, & þurrh hiss hallȝhe bisne, Line 3615 Þatt ȝuw birrþ berenn bliþeliȝ Þeowwdom off ȝure laferrd; & ec forr þatt he wollde swa Þurrh hiss þeowwdom u¯¯tlesenn Off deofless þeowwdom alle þa, Line 3620 Þatt wel himm sholldenn follȝhenn. & tatt te laffdiȝ Marȝe warrþ [col 90] I Nazaræþ wiþþ childe, & tatt ȝho comm off Galileow Till Beþþleæmess chesstre, Line 3625 Þatt time þatt ȝho Jesu Crist To manne shollde childenn,

Þatt iss nu filledd illke daȝȝ Þurrh Jesu Cristess þeowwess. Forr Nazaræþ onn Ennglissh iss Line 3630 Alls iff þu nemmne blosstme, & Galileow bitacneþþ wheol, Swa summ soþ boc uss kiþeþþ, & Beþþleæm tacneþþ þatt hus Þatt lifess bræd iss inne, Line 3635 & Godess þeowwess blomenn aȝȝ Inn alle gode þæwess, Her i þiss middellærdess lif Þatt þurrh þe wheol iss tacnedd. Forr all þiss middellærdess þing Line 3640 Aȝȝ turrneþþ her & wharrfeþþ Nu upp, nu dun, swa summ þe wheol, & nohht ne stannt itt stille. & Cristess þeowwess aȝȝ occ aȝȝ Forrhoȝhenn & forrwerrpenn Line 3645 All weorelldshipess fule lusst, & alle fule þæwess, & cumenn u¯¯t off Galileow Gastlike o swillke wise, & cumenn inntill Beþþleæm, Line 3650 Þatt tacneþþ Cristess kirrke, Þatt Cristess flæsh & Cristess blod Þe sawle bræd iss inne. & Jesu Crist iss borenn þær Swa summ itt wære off moderr, Line 3655 Þurrh þatt tatt hise þeowwess þær Wiþþ spell off Godess lare

Don læwedd follc to sen summ del, & don hemm tunnderrstanndenn, Þatt Crist iss Godd, & Crist iss mann, Line 3660 An had off twinne kinde.

Forrþrihht anan se Jesu Crist Wass borenn off hiss moderr, Ȝho wand himm sone i winndeclu¯¯t, & leȝȝde himm inn an cribbe. Line 3665 Acc uss birrþ wi˘tenn þatt he warrþ, All wiþþ hiss aȝhenn wille, Unnorne & wrecche & usell child Inn ure mennisscnesse, Forr þatt he wollde inn heoffness ærd Line 3670 Uss alle makenn riche. & he þatt all þiss middellærd Onn alle wise shrideþþ, He wollde wundenn ben forr uss [col 91] I wrecche winndeclutess, Line 3675 Forr þatt he wollde shridenn uss Wiþþ heofennlike wæde. & he þatt all þiss weorelld shop & alle shaffte stereþþ, He le¯¯t himm baþe bindenn her Line 3680 Wiþþ bandess fe¯¯t & hande, Forr þatt he wollde unnbindenn uss Off hellepiness bandess.

& heoffne & lifft & land & sæ Wiþþ Goddcunndnesse filleþþ Line 3685 Þatt illke child, tatt tær wass leȝȝd Inn an full naru cribbe, Forr þatt he wollde ȝifenn uss All heoffness rume riche. & he þatt fedeþþ enngleþeod Line 3690 & alle cwike shaffte, He laȝȝ all, alls hiss wille wass, Biforenn asse i cribbe, Swa summ he wære ȝifenn himm To wurrþenn himm to fode, Line 3695 Forr þatt he wollde brinngenn uss Upp inntill heoffness blisse, & ȝifenn uss himm sellfenn þær Wiþþ enngless eche fode. Þuss Godess Sune, Allmahhtiȝ Godd, Line 3700 Wass wrecche mann onn eorþe, Forr swa to brinngenn mannkinn onn To ȝeornenn affterr litell, Forr þatt he lufeþþ alle þa Þatt hise laȝhess haldenn, Line 3705 & lufenn, forr þe lufe off himm, To libbenn her onn eorþe Full wrecchelike inn uselldom Off metess & off claþess. & tatt te Laferrd Jesu Crist Line 3710 Wass leȝȝd inn asse cribbe, Þatt tacneþþ uss, þatt he comm her To wurrþenn mann onn eorþe

Wiþþ mannkinn þatt wass stunnt, & dill, & skilllæs swa summ asse. Line 3715 & asse — þohh itt litell be, Itt hafeþþ mikell afell To berenn upp well mikell sæm, Ȝiff mann itt doþ þæronne. & swa wass neh all follc þatt daȝȝ Line 3720 Þatt Crist comm her to manne, Neh all itt wass þa strang inoh To þeowwtenn laþe gastess, To berenn upp þatt laþe sæm, To don alle þeȝȝre wille. Line 3725 & þurrh þatt Godd wass wurrþenn mann Forr ure miccle nede, Þurrh þatt wass he, þatt witt tu wel, All wiþþ hiss lefe wille Niþþredd & wannsedd wunnderrliȝ, Line 3730 [col 92] & laȝhedd inn himm sellfenn, Forr o þatt hallf þatt he wass mann, Mann mihhte himm fon & pinenn Wiþþ ha¯¯t & kald, wiþþ nesshe & harrd, Wiþþ pine off þrisst & hunngerr, Line 3735 & cwellenn himm mann mihhte wel Inn ure mennisscnesse. & Godd wass wurrþenn swa forr uss Ȝe¯¯t lasse þann an enngell; Forr mann ne maȝȝ nohht enngell seon Line 3740 Ne tăkenn himm ne bindenn,

Ne pinenn himm, ne cwellenn himm, Forr he ne deȝeþþ næfre. Acc Drihhtin Godd warrþ her forr þe Ȝe¯¯t lasse þann hiss enngell, Line 3745 & lahȝhre inoh, forrþi þatt he Þe wollde ȝifenn bisne, Þatt te birrþ aȝȝ þe sellfenn her Þurrh soþ meocnesse laȝhenn, & lætenn swiþe unnorneliȝ Line 3750 & litell off þe sellfenn.

Þatt hirdess wokenn o þatt nahht Þatt Crist wass borenn onne, Þatt wass swa summ hiss wille wass, Forr þatt itt shollde tacnenn Line 3755 Þatt he forrþi wass wurrþenn mann, Forr þatt he wollde sammnenn An flocc off menn till Crisstenndom, & till þe rihhte læfe, Þatt sholldenn wurrþenn hise shep Line 3760 Þurrh heore unnshaþiȝnesse, & sholldenn habbenn oferr hemm Bisscopess, preostess, dæcness; Forr þatt teȝȝ sholldenn hirdess ben To ȝemenn hemm & gætenn, Line 3765 & ec forr þatt he wollde ben Himm sellf u¯¯tnumenn hirde, Swa þatt he wollde hiss aȝhenn lif Forr hise shep forrlætenn.

Þatt Godess enngell comm o nihht, Line 3770 Swa summ þe Goddspell kiþeþþ, To spekenn wiþþ þa wakemenn Þatt wokenn heore faldess, & tatt he comm þatt nihht till hemm Wiþþ heoffness lihht & leome, Line 3775 & tatt teȝȝ wærenn forr þatt lihht, & forr þatt enngless sihhþe, Forrdredde swiþe fasste anan, Swa summ þe Goddspell kiþeþþ, & ec þatt Godess enngell toc Line 3780 To frofrenn hemm wiþþ worde, [col 93] All þatt wass don þurrh Jesu Crist Forr mikell þing to tacnenn. Itt tacneþþ uss þatt ure Godd Well offte senndeþþ enngless Line 3785 Inntill þiss middellærd, tatt iss All full off þeossterrnesse, Þatt iss off all þatt ifell iss Inn alle kinne sinne. Itt tacneþþ þatt he senndeþþ hemm Line 3790 Inntill þiss þeossterrnesse, To frofrenn þa þatt wakenn wel Onnȝæness laþe gastess, & stanndenn inn to shildenn hemm Fra deofless swikedomess. Line 3795 & all þatt flocc þatt hemm iss se¯¯t To ȝemenn & to gætenn,

To frofrenn swillke senndeþþ Godd Enngless & hallȝhe sawless, & aȝȝ þeȝȝ cumenn dun till þa Line 3800 Wiþþ heoffness lihht & leome, Þatt iss wiþþ witt & god innsihht Inn alle kinne þinge, Forr Drihhtin ȝifeþþ her hiss þeoww God witt, & mahht, & wille, Line 3805 To stanndenn ȝæn þe laþe gast & ȝæn all þatt he læreþþ· Acc aȝȝ þeȝȝ sinndenn þohh swa þehh Well swiþe sare offdredde Off domess daȝess starrke dom, Line 3810 & off þe Demess irre, All all swa summ þa wăkemenn Well swiþe offdredde wærenn Off heoffness brihhte lihht & leom, & off þatt enngless sihhþe; Line 3815 Acc hihht & hope o Drihhtin Godd & onn hiss mildheorrtnesse, Þatt frofreþþ hemm & beoldeþþ hemm To follȝhenn Godess lare, To fandenn, ȝiff þeȝȝ muȝhenn swa Line 3820 Þe Demess are winnenn. & tatt wass uss bitacnedd wel Þurrh þatt tatt Godess enngell Toc sone anan wiþþ milde word Þa wăkemenn to frofrenn, Line 3825 Forr þatt he wisste wel þatt teȝȝ Off himm forrdredde wærenn;

Forr Godess enngell frofreþþ mann, Ȝiff þatt he seoþ himm færedd; Forr Godess enngell iss full meoc, Line 3830 & soffte, & milde, & bliþe, & deofell iss all full off niþ, & full off grammcunndnesse, & full off hĕte towarrd mann, & full off modiȝnesse, Line 3835 & ȝiff he seoþ þe mann forrdredd, He wile himm skerrenn mare, & ræfenn himm hiss rihhte witt, & shetenn inn hiss heorrte. [col 94] Acc whas itt iss þatt wæpnedd iss Line 3840 Wiþþ fulle trowwþe o Criste, Þohh þatt he grissliȝ deofell seo, Niss he rihht nohht forrfæredd. Þatt enngell seȝȝde þatt he wass Þa cumenn forr to kiþenn, Line 3845 O Godess hallfe, þær till hemm An swiþe mikell blisse, Þatt shollde ben till all þe follc; Þatt seȝȝde he forr þatt tanne Wass cumenn i þiss middellærd Line 3850 Full mikell blisse & sellþe, Till alle þa þatt sholldenn wel O Godess Sune lefenn, O Jesu Crist tatt borenn wass Þatt illke nahht to manne. Line 3855

Line 3855 He seȝȝde þatt te Laferrd Crist Wass borenn her to manne Nohht o þe nahht, acc o þe daȝȝ, Forr mikell þing to tacnenn; Forr daȝȝess lihht bitacneþþ uss Line 3860 All eche lifess blisse, & nahht bitacneþþ all þatt wa Þatt iss inn hellepine. & Crist wass borenn i þiss lif To lesenn uss off helle, Line 3865 Forr þatt he wollde ȝifenn uss Wiþþ enngless eche blisse. & tatt wass uss bitacnedd ec Þurrh þatt, tatt Godess enngell Wass awwnedd till þa wăkemenn Line 3870 Wiþþ heoffness lihht & leome; Forr Godess Sune Jesu Crist Wass wurrþenn mann onn eorþe, To ȝifenn heoffness lihht & leom Þatt follc þatt shollde himm follȝhenn. Line 3875

Þatt Godd Allmahhtiȝ wurrþenn wass Ȝung child inn ure kinde, & wrecche child off wrecche kinn, Þatt doþ uss tunnderrstanndenn Þatt uss birrþ mikell lufenn Crist, Line 3880 & lofenn himm & wurrþenn, Off þatt he wollde himm sellfenn swa Forr ure lufe laȝhenn,

& off þatt he warrþ wrecche mann Forr uss to makenn riche, Line 3885 Wiþþ enngless upp inn heoffness ærd, Wiþþutenn ende i blisse. Annd þurrh þatt, tatt tær awwnedd wass An here off Godess enngless, Þatt time þatt te Laferrd Crist Line 3890 Wass borenn her to manne, Þurrh þatt wass uss don þær full wel To sen & tunnderrstanndenn, Þatt enngless stanndenn aȝȝ occ aȝȝ To lofenn Godd & wurrþenn. Line 3895 [col 95] & þurrh þatt illke wass uss ec Don full wel tunnderrstanndenn, Þatt uss birrþ lofenn Drihhtin aȝȝ Wiþþ innwarrd heorrtess tunge, & þannkenn himm þatt miccle god Line 3900 Þatt he doþ uss onn eorþe. & þurrh þatt illke wass uss ec Don full wel tunnderrstanndenn, Þatt Crist, all enngleþeode king, Wass borenn her to manne, Line 3905 Alls iff he ȝæn þe laþe gast Wiþþ hĕre wollde fihhtenn, To winnenn Adam & hiss kinn U¯¯t off þe deofless walde, & settenn enngless oferr hemm Line 3910 To ȝemenn hemm & gætenn,

& forr to shildenn hemm onnȝæn Þe deofless laþe wiless. Annd Godess enngless wærenn þa Well swiþe glade wurrþenn Line 3915 Off þatt, tatt Godd wass wurrþenn mann, Forr þatt teȝȝ wisstenn alle, Þatt teȝȝre genge shollde ben Wiþþ gode sawless ekedd, & wurrþedd ec, & all forrþi Line 3920 Þeȝȝ wærenn swiþe bliþe, & all forrþi þeȝȝ sungenn þa Þiss sang wiþþ mikell blisse, Si Drihhtin upp inn heoffness ærd Wurrþshipe, & loff, & wullderr, Line 3925 & upponn eorþe griþþ & friþþ, Þurrh Godess mildheorrtnesse, Till iwhillc mann þatt habbenn shall God heorrte & aȝȝ god wille. Þiss sungenn þeȝȝ, forrþi þatt teȝȝ Line 3930 Full wel þær unnderrstodenn, Þatt teȝȝre genge shollde ben Þurrh hallȝhe sawless ekedd, Þurrh whatt biforenn Drihhtin Godd, Ȝiff þatt itt waxenn mihhte, Line 3935 Wurrþshipe & wullderr shollde ben, Swa summ itt waxenn wære, & ec forr þatt teȝȝ wisstenn wel Þatt Godd comm her to manne, Forr þatt he wollde griþþ & friþþ Line 3940 & soþ sahhtnesse settenn

Bitwenenn Drihhtin, heoffness king, & mannkinn her onn eorþe, Þatt mannkinn shollde muȝhenn wel Upp cumenn inntill heoffne, Line 3945 Þatt heoffness here mihhte swa Þurrh hallȝhe sawless waxenn, Þurrh whatt biforenn Drihhtin Godd Wurrþshipe waxenn shollde, Ȝiff þatt himm mihhte waxenn ohht Line 3950 & wurrþenn bettre & mare. Þatt griþþ wass sett till alle þa, Swa summ þe Goddspell kiþeþþ, [col 96] Þatt sholldenn wurrþenn gode menn, & habbenn aȝȝ god wille Line 3955 Till þa þatt sholldenn unnderrfon Wiþþ blisse Cristess come, & nohht till þa þatt sholldenn himm Forrhoȝhenn & forrwerrpenn; Forr niss nohht Godess griþþ wiþþ þa Line 3960 Þatt wiþþrenn Godd onnȝæness, Acc hellewawenn iss till þa All affterr þeȝȝre wrihhte. & her mann unnderrstanndenn maȝȝ, Whillc mann iss Drihhtin cweme, Line 3965 Þatt illke mann iss Drihhtin lef Þatt hafeþþ gode wille; Forr whase itt iss þatt illke mann Þatt hafeþþ aȝȝ god wille,

Þatt illke mann ne sinnȝheþþ nohht, Line 3970 Ne gillteþþ hise þannkess, Ne towarrd Godd, ne towarrd mann, Ȝiff þatt he maȝȝ himm lokenn. & ȝiff iss þatt he missdoþ Onn aniȝ kinne wise, Line 3975 Itt reoweþþ himm, & sone anan He stannt itt inn to betenn.

Þatt Godess enngell comm o nahht Wiþþ heoffness lihht onn eorþe, Þatt tacneþþ þatt tiss middellærd Line 3980 Wass full off þeossterrnesse, Þurrh illkess kinness hæþenndom Inn iwhillc unnclænnesse, Þatt time þatt te Laferrd Crist Wass borenn her to manne, Line 3985 To ȝifenn heoffness lihht & leom Þatt follc þatt shollde himm cwemenn. & tatt tatt enngell nohht ne comm Till kingess ne till eorless, Ne till þatt laþe riche flocc Line 3990 Þatt follȝheþþ modiȝnesse, Þatt doþ uss tunnderrstanndenn wel Þatt Drihhtin Godd forrwerrpeþþ All modiȝleȝȝc, & grediȝleȝȝc, & irre, & gluterrnesse, Line 3995 & all þatt follȝheþþ horedom & swikedom onn eorþe,

Þatt mann maȝȝ findenn allre mast I þa þatt sinndenn riche. Þatt Godess enngell awwnedd wass Line 4000 In aness weress hewe, Þatt wass forrþi þatt enngell maȝȝ, Wiþþ hiss Drihhtiness wille, Himm awwnenn alls he wære a mann I manness limess alle, Line 4005 I bodiȝ þatt he doþ himm inn Off heofennlike kinde. & Godd wiþþ enngless ȝife uss á To brukenn heffness blisse.

Am[æn.]

[Coll. 97-104 wanting.] . . . . . [col 105] & forrþi wass itt upponn himm Line 4010 Þurrh Drihhtin firrst bigunnenn, Forr þatt itt shollde ben onn himm Till himm full witerr tákenn, Þatt he wass Drihhtin swiþe lef Þurrh trowwþess rihhtwisnesse. Line 4015 & itt wass ec þurrh Drihhtin sett To wurrþenn himm to tákenn, Þatt Drihhtin haffde ȝifenn himm Swillc blettcinng & swillc sellþe, Þatt he wiþþ all hiss rihhte streon, Line 4020 Þatt shollde hiss trowwþe follȝhenn, A butenn ende shollde ben Wiþþ Godd inn heoffness blisse.

& itt wass sett þurrh Godd onn himm, Forr þatt itt shollde himm tacnenn, Line 4025 Þatt alle þa þatt sholldenn himm Wiþþ trowwþe & dede follȝhenn, Well ȝeorne birrdenn clennsenn hemm I bodiȝ & i sawle, Ȝiff þatt teȝȝ wolldenn habbenn lott Line 4030 Wiþþ himm inn eche blisse. & itt wass sett onn himm þurrh Godd, Forr þatt itt shollde himm tacnenn, Þatt Godess Sune Jesu Crist To manne cumenn shollde, Line 4035 & wurrþenn borenn off hiss kinn Inn ure mennisscnesse, To clennsenn her þurrh Crisstenndom, Þurrh fulluhht, & þurrh læfe, An flocc þatt shollde lufenn himm Line 4040 & hise laȝhess haldenn, Þatt shollde risenn upp off dæþ O domess daȝȝ, þatt wise Þatt tanne shollde itt lesedd ben Fra dæþess ȝocc þurrh Criste, Line 4045 & all þweorrt u¯¯t ben clennsedd ta Off flæshess unntrummnesse, Swa þatt itt shollde ben wiþþ Crist A butenn ende i blisse. & itt wass ec þurrh Drihhtin sett, Line 4050 Þatt witt tu wel to soþe, Forr þatt itt shollde clennsenn hemm Off all Adamess sinne,

All all se fulluhht clennseþþ nu Þa þatt itt unnderrfanngenn. Line 4055 Forr all swa seȝȝde Drihhtin þa Till þatt Judisskenn þeode, All swa summ ure Laferrd Crist Seȝȝde till hise þeowwess, Affterr þatt he wass wurrþenn mann Line 4060 & spacc wiþþ menn onn eorþe. Forr þanne seȝȝde Drihhtin þuss Till þatt Judisskenn þeode; Þatt illke mann, wha summ itt iss, Amang weppmanne genge, Line 4065 Þatt ummbeshorenn onn hiss shapp Ne reckeþþ nohht to wurrþenn, Þatt illke mann, wha summ itt iss, Forrdoþ hiss aȝhenn sawle. & ure Laferrd seȝȝde þuss Line 4070 Till þatt Judisskenn þeode, Affterr þatt he wass cumenn her & wurrþenn mann onn eorþe; [col 106] Wha summ itt iss þatt mann, þatt niss Nohht off to wurrþenn fullhtnedd, Line 4075 Ne maȝȝ þatt mann, wha summ itt iss, Nohht cumenn inntill heoffne. Nu mihht tu sen þatt ta wass sett Amang Judisskenn þeode To wurrþenn ummbeshorenn, swa Line 4080 To clennsenn hemm off sinne,

All swa summ nu iss sett to ben Fullhtnedd, to dillȝhenn sinne. Þeȝȝ ummbeshærenn þeȝȝre shapp, Swa summ icc habbe shæwedd, Line 4085 A litell off þe fell aweȝȝ Biforenn all abutenn, Swa summ itt haffde Drihhtin sett Onn Abrahamess time. & Abraham itt toc onn himm, Line 4090 & ec onn hise chilldre, & ec onn all þatt weppmannkinn Þatt wass inn hise walde; & itt wass haldenn siþþenn aȝȝ Anan till Cristess come, Line 4095 Amang þatt Judewisshe follc Þatt Crist wass borenn offe. & forr þe maȝȝdennchild wass sett Þurrh Drihhtin, þatt mann shollde Offrenn onn allterr hire lac, Line 4100 To clennsenn hire & lesenn Off þatt missdede þatt wass don Þurrh Adam & þurrh Eve; Forr þatt wass sett þurrh Drihhtin þa Amang Judisskenn þeode Line 4105 To clippenn swa þe cnapess shapp, & toffrenn lac forr maȝȝdenn, Forr þatt itt shollde lesenn hemm U¯¯t off Adamess sinne; & all se mikell hallp itt hemm Line 4110 To clennsenn hemm off sinne,

Alls uss doþ o þiss time nu Þe fulluhht unnderr Criste. Acc nohht ne mihht itt oppnenn hemm Þe ȝate off heoffness blisse; Line 4115 Forr Crist nass nohht ȝe¯¯ cumenn þa Ne wurrþenn mann onn eorþe, Þatt shollde itt oppnenn þurrh hiss dæþ Ȝæn alle gode sawless. Forr swa þe firrste manness daȝȝ Line 4120 Anan till Cristess rode Wass Paradisess ȝate sperrd Ȝæn all mannkinn onn eorþe, Acc itt wass efft þurrh Cristess dæþ Oppnedd ȝæn gode sawless, Line 4125 Ȝæn þa þatt tăkenn Crisstenndom [col 107] & endenn wel þærinne. Þatt cnif wass, þatt witt tu full wel, Off stan, & nohht off irenn, Þatt hemm wass to þatt wikenn sett Line 4130 Þurrh Godd Allmahhtiȝ sellfenn, Forr tummbesherenn shapp þærwiþþ Off þeȝȝre cnapechilldre, Forr to bitacnenn uss þærþurrh Swillc þing off ure nede, Line 4135 Þatt uss & all Crisstene þeod Birrþ fillenn all & forþenn. Forr þe birrþ ummbesherenn her Aweȝȝ all fra þin wille

All þatt tatt æfre iss Drihhtin laþ, Line 4140 I þohht, i word, i dede; & te birrþ clippenn itt aweȝȝ Þurrh stan; & tatt bitacneþþ, Þatt te birrþ alle sinness flen Forr soþfasst lufe o Criste. Line 4145 Forr Crist wass tacnedd þurrh þatt stan, Þatt witt tu wel to soþe, Forr Crist iss strang & stĕdefasst & findiȝ & unnfakenn, & æfre he wass, & æfre he beoþ, Line 4150 An allfullfremedd hellpe Till alle þa þatt cwemmdenn himm, & tatt himm shulenn cwemenn.

Þeȝȝ ummbeshærenn Cristess shapp, Swa summ þe boc hemm tahhte, Line 4155 Rihht o þatt daȝȝ þatt he wass her Off ehhte daȝhess elde, Forr to bitacnenn oþerr whatt Þatt uss iss ned to trowwenn, Swa þatt itt muȝhe gengenn uss Line 4160 To berrȝhenn ure sawle. Ȝiff þu þe sellf wel nimesst gom, Þu sest & unnderrstanndesst, Þatt all þiss middellærdess lif Bi seoffne daȝhess eorneþþ Line 4165 Þe sexe daȝhess sette Godd Hiss follc to þeȝȝre werrkess,

Þe sefennde, þe lattste daȝȝ, He sette þeȝȝm to resste; & itt iss nemmnedd Sabbatumm Line 4170 Amang Judisskenn lede; & itt iss aȝȝ heh messedaȝȝ Att hĕre wukess ende. & ȝiff þu turrnesst Sabbatumm Inntill Ennglisshe spæche, Line 4175 Itt seȝȝþ þatt itt iss Resstedaȝȝ Off all þewwlike dede, To don uss tunnderrstanndenn wel, Þatt uss birrþ wel uss ȝemenn O messedaȝȝ & illke daȝȝ Line 4180 All fra þewwlike dede, Þatt iss, fra sinnfull word & werrc, Fra sinnfull þohht & wille, Ȝiff þatt we wilenn cwemenn Godd, & addlenn heffness blisse. Line 4185 Þe seffnde daȝȝ iss Resstedaȝȝ, Swa summ icc hafe shæwedd, Affterr þatt tatt te wuke gaþ Amang Judisskenn lede, & tacneþþ all þatt resste & ro Line 4190 Þatt hallȝhe sawless brukenn Inn oþerr werelld, i þiss fresst, Whil þatt tiss werelld lassteþþ· Nu seost tu wel þatt all þiss lif Bi seoffne daȝhess eorneþþ· Line 4195 Þehhtennde daȝȝ beoþ Domess daȝȝ, Þann all mannkinn shall risenn

Off dæþe, & cumenn to þe dom, & tăkenn þeȝȝre mede; & whase þanne wurrþiȝ beoþ Line 4200 To takenn eche blisse, He beoþ all ummbeshorenn þa Swa þwerrt u¯¯t wel wiþþ alle, & clennsedd all þwerrt u¯¯t swa wel [col 108] Off iwhillc unnclænnesse, Line 4205 Þatt næfre ma ne shall he ben O nane wise filedd, Acc á wiþþutenn ende he shall Wiþþ enngless ben i blisse. & ȝure preostess þeowwtenn nu Line 4210 Biforenn Godess allterr, Off illc an mikell messedaȝȝ Aȝȝ ehhte daȝhess fulle, To tacnenn swa þatt hallȝhe tid, Þatt Cristess follc shall brukenn Line 4215 Wiþþ enngless affterr Domess daȝȝ A butenn ende i blisse. & all swa summ þeȝȝ settenn þa Þe name o þeȝȝre chilldre, Þatt daȝȝ þatt teȝȝ þe cnapechild Line 4220 Hiss shapp himm ummbeshærenn, & tatt daȝȝ, þatt forr maȝȝdennchild Wass offredd lac onn allterr, All swa þin child hiss name onnfoþ Þatt daȝȝ þatt itt iss fullhhtnedd. Line 4225

Line 4225 Þeȝȝ ummbeshærenn Cristess shapp All alls himm sellf itt wollde, & he wass o þatt illke daȝȝ Off ehhte daȝhess elde; & tatt daȝȝ iss New Ȝeress daȝȝ Line 4230 Mang Enngleþeode nemmnedd. & tatt te Laferrd Jesu Crist, Þatt all wass clene off sinne, Toc onn hiss aȝhenn bodiȝ swa Þatt alde follkess hellpe, Line 4235 Þatt hemm wass sett þurrh Drihhtin þa To clennsenn hemm off sinne, Þatt dide he forr he wollde swa Uss alle ȝifenn bisne, Þatt uss birrþ, affterr ure mahht, Line 4240 Aȝȝ stanndenn inn to follȝhenn All þatt uss hafeþþ Drihhtin sett Till ure sawless hellpe. & tatt teȝȝ ummbeshærenn swa Þe shapp off cnapechilldre, Line 4245 Þatt wass hemm swa þurrh Drihhtin sett, Forr þatt itt shollde tacnenn, Þatt uss birrþ clippenn all aweȝȝ Þe flæshess fule wille, Þatt allre werrst & allre mast Line 4250 Werdeþþ þe wrecche sawle, Þurrh all þatt fĕle kinne gillt Þatt i þa limess rixsleþþ, I weppmenn & i wifmenn ec, Inn ȝunge, & ec inn alde. Line 4255

Line 4255 Þeȝȝ ummbeshærenn Cristess shapp Wiþþ stan forr cnifess egge, & he wass o þatt illke daȝȝ Jesus bi name nemmnedd, All affterr þatt itt cwiddedd wass Line 4260 Þurrh Gabriæl hehenngell, [col 109] Biforenn þatt he cumenn wass I Sannte Marȝess wambe. & wel þatt enngell seȝȝde whi He shollde swa ben nemmnedd; Line 4265 He seȝȝde þatt he shollde ben Jesus bi name nemmnedd, Forr þatt he shollde hiss aȝhenn follc Hælenn off sinness wunde; Forr Jesuss o Grickisshe mal Line 4270 Onn Ennglissh iss Hælennde. & Crist iss nemmnedd swiþe rihht Hælennde onn Ennglissh spæche; Forr he comm her to læchenn uss Off all þatt dæþess wunde, Line 4275 Þatt Adam haffde ȝifenn uss Þurrh hiss unnherrsummnesse. Forr þærto comm þe Laferrd Crist To wurrþenn mann onn eorþe, Forr þatt he wollde lesenn menn Line 4280 U¯¯t off þe deofless walde, Þurrh þatt he wollde þolenn dæþ Wiþþutenn hise wrihhte,

& turrnenn menn till Crisstenndom & till þe rihhte læfe, Line 4285 & fullhtnenn hemm, & clennsenn hemm Off all Adamess sinne, Þatt haffde ben till all mannkinn Full grimme dæþess wunde; Forr þurrh Adamess gilltess dinnt Line 4290 Wass all mannkinn þurrhwundedd, & fallenn inn till eche dæþ Inn helle wiþþ þe deofell. & Crist comm dun to wurrþenn mann, Forr þatt he wollde uss hælenn Line 4295 Off all þatt wunde þatt uss ȝaff Adam þurrh hiss missdede, & forrþi maȝȝ þe Laferrd Crist Wel nemmnedd ben Hælennde; Forr mannkinn hæledd wass þurrh himm Line 4300 Off sinness grimme wunde.

& tiss name off þe Laferrd Crist, Þatt ȝe nemmnenn Hælennde, Iss writenn o Grickisshe boc Rihht wiþþ bocstafess sexe; Line 4305 & itt iss nemmnedd IESOϒS Affterr Grickisshe spæche; & iwhillc an bocstaff þatt iss Uppo þiss name fundenn Tacneþþ an tăle rihht full wel, Line 4310 Swa summ icc shall nu shæwenn.

Þe firrste staff iss nemmnedd I & tacneþþ tăle off tene; Þatt oþerr staff iss nemmnedd E & tacneþþ tăle off ehhte; Line 4315 Þe þridde staff iss nemmnedd S & tacneþþ tweȝȝenn hunndredd; Þe feorþe staff iss nemmnedd O & seofenntiȝ bitacneþþ; Þe fifte staff iss nemmnedd ϒ Line 4320 & tacneþþ fowwerr hunndredd; Þe sexte staff iss nemmnedd S [col 110] & tacneþþ tweȝȝenn hunndredd. & ȝiff þu þise taless kannst Inntill an tale sammnenn, Line 4325 Þu findesst wiss wiþþutenn wen Rihht ehhte siþe an hunndredd, & tærtill ehhte siþess an, & ehhte siþess tene. & all þiss þrinne taless hæp Line 4330 Iss hæpedd aȝȝ wiþþ ehhte; Forr þær iss, alls icc seȝȝde nu, Rihht ehhte siþe an hunndredd, & tærtill ehhte siþess an, & ehhte siþess tene; Line 4335 Her iss þreo siþess opennliȝ Þe tale off ehhte nemmnedd. & tale off ehhte tacneþþ uss All þatt orrmete blisse,

Þatt mannkinn unnderrfeng þurrh þatt Line 4340 Þatt Crist ras upp off dæþe, Þatt ras rihht o þehhtennde daȝȝ Affterr þe wukess ende, Swa summ icc habbe shæwedd her Biforenn o þiss lare. Line 4345 Forr þatt daȝȝ wass þehhtennde daȝȝ Þatt Crist ras onne off dæþe, Affterr þatt tatt te wuke gaþ Amang Judisskenn þeode; Forr Saterrdaȝȝ wass haliȝ daȝȝ Line 4350 O þatt Judisskenn wise, & aȝȝ wass þeȝȝre wuke gan All u¯¯t tatt daȝȝ att efenn. & forrþi wass þehhtennde daȝȝ Þatt daȝȝ þatt comm þæraffterr; Line 4355 Forr seffne daȝhess brinngenn aȝȝ Þe wuke till hiss ende, & tatt daȝȝ iss þehhtennde daȝȝ Þatt cumeþþ affterr seoffne; & swa comm ure Sunenndaȝȝ Line 4360 Affterr þatt wukess ende; & tatt daȝȝ iss þehhtennde daȝȝ Þatt Crist ras onne off dæþe, & ȝaff uss her þurrh Crisstenndom To risenn upp off sinness, Line 4365 Swa þatt we muȝhenn risenn upp O Domess daȝȝ off dæþe, To brukenn upp inn heoffness ærd Wiþþ enngless eche blisse.

& wel iss Cristess name sett Line 4370 All i þe tale off ehhte; Forr he ras o þehhtennde daȝȝ, To reȝȝsenn uss off sinne. & wel wass þurrh þe firrste staff Þe tale off tene tacnedd, Line 4375 [col 111] Forr firrst uss birrþ wel fillenn her Þa tene bodewordess, Þatt Drihhtin sette till hiss follc Þurrh Moysæsess hande, & siþþenn shall þe Laferrd Crist Line 4380 Uss ȝifenn ure mede, All affterr þatt we fillenn wel Þa téne bodewordess.

& her icc wile shæwenn ȝuw Þa bodewordess alle, Line 4385 Affterr þatt little witt tatt me Min Drihhtin hafeþþ lenedd. Þe firrste bodeword wass sett Þurrh Godd forr þine nede, Þatt tu þweorrt u¯¯t all hæþenndom Line 4390 & hæþenn godd forrwerrpe, & lefe onn an Allmahhtiȝ Godd & hise laȝhess halde; Forr þu ne mihht nohht borrȝhenn ben, Ne winnenn eche blisse, Line 4395

Line 4395 Butt iff þu þwerrt u¯¯t hæþenndom & hæþenn godd forrwerrpe, & lefe onn an Allmahhtiȝ Godd & hise laȝhess halde. Þatt oþerr bodeword wass sett Line 4400 Þurrh Godd forr þine nede, Þatt tu ne take nohht wiþþ skarn, Wiþþ hæþinng, ne wiþþ idell, Þe name off ure Laferrd Crist Þatt forr þe swallt o rode; Line 4405 Forr þu ne mihht nohht borrȝhenn ben Ne winnenn eche blisse, Ȝiff þatt tu nohht ne kepesst her Noff Crist, noff Cristess moderr. Þe þridde bodeword wass sett Line 4410 Þurrh Godd forr þine nede, Þatt tu stannde inn þe messedaȝȝ To freollsenn wel & hallȝhenn, Swa þatt illc an unnclene lusst & illc an ifell wille Line 4415 Beo tredenn dun þurrh lufe off Godd, & cwennkedd i þin herrte, Swa þatt tin herrte beo þatt bedd Þatt Godd himm ressteþþ inne; Forr þu ne mihht nan messedaȝȝ Line 4420 Drihhtin tocweme freollsenn, Ȝiff þatt iss þatt tin herrte iss þeoww Off aniȝ ifell wille. Þe feorþe bodeword wass sett Þurrh Godd forr þine nede, Line 4425

Line 4425 Þatt tu beo milde & meoc onnȝæn Þin faderr & tin moderr, & rædiȝ mann to don hemm god Aȝȝ affterr þine fére; Forr þu ne mihht nohht borrȝhenn ben Line 4430 Ne winnenn eche blisse, Butt iff þu beo full god wiþþ hemm To lif & ec to sawle;· Þe fifte bodeword wass sett Þurrh Godd forr þine nede, Line 4435 [col 112] Þatt tu ne file nohht ti lif Þurrh ful forrleȝerrnesse; Forr whase liþ inn horedom He slaþ hiss aȝhenn sawle, Butt iff he muȝhe betenn itt Line 4440 Onn aniȝ kinne wise;· Þe sexte bodeword wass sett Þurrh Godd forr þine nede, Þatt tu ne sla nan oþerr mann Wiþþ hande ne wiþþ herrte, Line 4445 Ȝiff þatt he nile cwellenn þe Forr Crisstenndom to cwennkenn. Whi seȝȝde icc nu þatt tu nan mann Ne cwelle wiþþ þin herrte? Maȝȝ aniȝ mann slan oþerr mann Line 4450 & cwellenn himm wiþþ herrte? Ȝa full wel seȝȝþ þatt Latin boc Þatt þwerrt u¯¯t nohht ne leȝheþþ;

Forr ȝiff þu beresst hete & niþ Ȝæn aniȝ lif & sawle, Line 4455 Swa þatt tu wolldesst bliþeliȝ Sen ifell ende off baþe, Himm haffst tu slaȝenn witerrliȝ Wiþþ herrte & nohht wiþþ hande; & tu ne mihht nohht borrȝhenn ben Line 4460 Ne winnenn eche blisse, Butt iff þu muȝhe off hete & niþ All clennsenn wel þin herrte. Þe sefennde wass sett þurrh Godd & all forr þine nede, Line 4465 Þatt tu þe loke wel þatt tu Ne stĕle nohht ne ræfe; Forr ȝiff þu skaþesst aniȝ mann Þu skaþesst firrst te sellfenn, & ȝiff þu ræfesst me min þing Line 4470 Þu ræfesst Godd tin sawle; & tu ne mihht nohht borrȝhenn ben Ne winnenn eche blisse, Butt iff þu cweme Drihhtin wel Wiþþ þin unnshaþiȝnesse. Line 4475 Þehhtennde bodeword wass sett Þurrh Godd forr þine nede, Þatt tu þe loke wel fra mán Inn aþess & i wittness, Þatt tu ne swere nan manaþ Line 4480 Forr lufe ne forr eȝȝe, Ne þatt tu nohht ne cume forrþ Wiþþ woh to berenn wittness;

[col 113] Forr þu ne mihht nohht borrȝhenn ben Ne winnenn eche blisse, Line 4485 Butt iff þu wel wiþþ soþ & rihht Þin Drihhtin muȝhe cwemenn Þe niȝhennde wass sett þurrh Godd Acc all forr þine nede, Þatt tu nan oþerr manness wif Line 4490 Ne ȝeorne nohht to nehȝhenn Wiþþ unnclænnessess fule lusst, To filenn swa ȝunnc baþe; Forr baþe gilltenn grimmeliȝ, Ȝiff itt ȝunnc baþe likeþþ, Line 4495 & baþe shædenn swa fra Godd, & cwellenn ȝunnkerr sawless, Butt iff ȝitt muȝhenn betenn itt Onn aniȝ kinne wise; Acc witt tu þatt itt niss nohht lihht Line 4500 To betenn hefiȝ sinne, & forrþi birrþ þe shunenn aȝȝ To fallenn ohht tærinne. Acc whase maȝȝ forrwerrpenn itt, & blinnenn itt to follȝhenn, Line 4505 & innwarrdliȝ bireowenn itt Þatt itt wass æfre forþedd, & gannȝenn unnderr preostess dom To betenn itt wiþþ shriffte, & stanndenn inn to winnenn wel Line 4510 Hiss bodiȝ forr hiss sinne,

Forr þatt he wile clennsenn himm Off all hiss unnclennesse, Þatt mann þurrh Godess hellpe maȝȝ Wel betenn all hiss sinne, Line 4515 & cwemenn Godd wiþþ haliȝ lif, & winnenn wel hiss are. Þe tende bodeword wass sett Þurrh Godd forr þine nede, Þatt tu nan oþerr manness þing Line 4520 Ne ȝeorne nohht to winnenn; Forr grediȝnesse iss hefiȝ lasst Biforenn Godess eȝhne, & itt forrbindeþþ all þweorrt u¯¯t & blendeþþ manness heorrte, Line 4525 Þatt itt ne maȝȝ nohht habbenn mihht To follȝhenn Godess wille. Nu habbe icc here shæwedd ȝuw Þa tene bodewordess, Þatt wærenn þurrh þe firrste staff Line 4530 Off Cristess name tacnedd, & ȝiff þu Cristess bodeword Affterr þin mahhte fillesst, Þa shallt tu ben o Domess daȝȝ Þurrh Cristess name borrȝhenn. Line 4535

& wel wass þurrh þatt oþerr staff Þe tăle off ehhte tacnedd; Forr tekenn þatt tatt ehhte maȝȝ Full opennlike tacnenn

Þatt illke dere Sunenndaȝȝ, Line 4540 [col 114] Þatt Crist ras onne off dæþe, Swa summ icc habbe shæwedd her O þiss Goddspelless lare, Þær tekenn maȝȝ itt tacnenn wel, & tacneþþ wiss to soþe Line 4545 Þa mahhtess þatt te Laferrd Crist Uss sette forr to follȝhenn, & ȝaff uss bisne himm sellf þærto, To fillenn hemm & follȝhenn. & whase wile tellenn hemm Line 4550 Bi tale he findeþþ ehhte, & forrþi sinndenn þeȝȝ full wel Þurrh tale off ehhte tacnedd. & tise mahhtess alle imæn Arrn hæfedd mahhtess ehhte, Line 4555 & sinndenn wæpenn god & strang Ȝæn hæfedd sinness ehhte, Ȝæn gluterrnessess laþe lasst, & ȝæn galnessess hæte, & ȝæn ȝittsunng & grediȝleȝȝc, Line 4560 Ȝæn grimmeleȝȝc & braþþe, Ȝæn unnlusst & forrswundennleȝȝc, Ȝæn erþliȝ kare & serrȝhe, Ȝæn rosinng, & ȝæn idell æellp, Ȝæn modiȝnessess wæpenn. Line 4565 & aȝȝ iss sett an hæfedd mahht Onnȝæn an hæfedd sinne,

& aȝȝ maȝȝ wel an hæfedd mahht Cwennkenn an hæfedd sinne, Inn iwhillc mann þatt follȝheþþ rihht Line 4570 Þe mahhte, Crist tocweme. & whas itt iss þatt follȝheþþ wel & filleþþ þise mahhtess, Þatt illke mann shall borrȝhenn ben Þurrh Cristess name onn ennde; Line 4575 Forr Cristess name þurrh an staff Bitacneþþ tale off ehhte, Forrþi þatt Crist shall berrȝhenn þa Þatt follȝhenn þise mahhtess. & her icc wile shæwenn ȝuw Line 4580 Bi tale þise mahhtess, Forr þatt ȝe shulenn þess te bett All fillenn hemm & follȝhenn. An hæfedd mahhte iss mett & mæþ Inn all þatt te birrþ follȝhenn, Line 4585 I word, i werrc, i mĕte, i drinnch, & ec i þine claþess, I lusst to winnenn eorþliȝ þing, I swinnkess, & i resstess. Þiss mahhte tredeþþ unnderrfo¯¯t Line 4590 & cwennkeþþ gluterrnesse, & all þatt iss att oferrdon Itt drifeþþ fra þin herrte, Ȝiff þatt iss þatt tu lufesst itt, & follȝhesst itt & fillesst. Line 4595 Clænnessess mahht iss witerrliȝ An oþerr hæfedd mahhte;

Ȝiff þu clænnesse follȝhesst rihht Wiþþ bodiȝ & wiþþ herrte, Þu follȝhesst ta, þatt witt tu wel, Line 4600 An haliȝ hæfedd mahhte; Forr þurrh þiss mahht shall maȝȝdennmann Hehlike wurrþenn borrȝhenn, & weddedd wĕre & weddedd wif & widdwe shall itt berrȝhenn; Line 4605 Forr maggdennhad & widdwesshad, Ȝiff þatt itt iss rihht clene Inn all þatt to þe bodiȝ liþ, & ec i þeȝȝre wille, & meoc, & daffte, & sedefull Line 4610 I þæwess & i lusstess, Itt beoþ hehlike witerrliȝ Þurrh soþ clænnesse borrȝhenn. & ȝiff þatt weddedd were & wif Hemm laȝhelike ledenn Line 4615 Bitwenenn hemm forr lufe off Godd, Þa follȝhenn þeȝȝ clænnesse, [col 115] & itt shall muȝhenn berrȝhenn hemm Att heore lifess ende. Þuss birrþ all Jesu Cristess hird, Line 4620 Þatt iss o þreo todæledd, Þuss birrþ itt follȝhenn soþ clænleȝȝc Ȝiff þatt itt shall ben borrȝhenn; Forr maȝȝdennhad & widdwesshad & weddlac birrþ ben clene, Line 4625

Line 4625 & þurrh clænnesse cwemenn Godd, Illc an onn hire wise; Forr all þatt follȝheþþ unnclænleȝȝc All iss Drihhtin unncweme. Her speke icc off unnclene menn Line 4630 & off unnclene gastess; & horedom iss Drihhtin laþ, & deofell swiþe cweme, Forr deofell iss unnclene gast, & lufeþþ unnclænnesse. Line 4635 Þiss mahhte tredeþþ unnderrfo¯¯t Galnessess laþe strenncþe, & all þe lusst off horedom Itt drifeþþ fra þin herrte, Ȝiff þatt iss þatt tu lufesst itt Line 4640 & follȝhesst itt wiþþ dede. Þe þridde mahht iss hæfedd mahht Þatt tu þweorrt u¯¯t forrwerrpe To ȝeornenn affterr weorelldþing, To winnenn itt wiþþ sinne. Line 4645 Wiþþ þiss mahht mahht tu witerrliȝ Wel follȝhenn Cristess posstless, Ȝiff þu forrwerrpesst grediȝleȝȝc, & follȝhesst Cristess wille; Forr þeȝȝ forrwurrpenn all þweorrt u¯¯t Line 4650 To winnenn ohht wiþþ sinne, & stodenn inn to follȝhenn Crist All att hiss lefe wille. Ȝiff þatt tu ȝeornesst weorelldþing To winnenn ohht wiþþ sinne, Line 4655

Line 4655 Þa ȝeornesst tu þatt weorelldþing Onnȝæn Drihhtiness wille, & mare iss þe þæroff þatt þing Þann off Drihhtiness wille, & bett tu lætesst off þatt þing Line 4660 Þann off Drihhtiness wille, & mare lufesst tu þatt þing Þann ohht off Godess wille, Ȝiff þe iss lef to winnenn itt Onnȝæn Drihhtiness wille. Line 4665 Loc nu þe sellf hu ferr þu gast U¯¯t off þe rihhte weȝȝe, Ȝiff þatt tu lufesst weorelldþing To winnenn ohht wiþþ sinne; Forr ȝiff þu winnesst weorelldþing Line 4670 Onnȝæn Drihhtiness wille, Þa turrnesst tu þe frawarrd Godd, & towarrd eorþlic ahhte, & swa forrwerrpesst tu þin Godd, [col 116] & haldesst wiþþ þatt ahhte. Line 4675 Loc nu ȝiff þatt tu narrt rihht wod & all wittess bidæledd, Þatt willt forrlesenn þin Drihhtin & all þe blisse off heoffne, Forr þatt tu muȝhe winnenn her Line 4680 Wiþþ sinne summwhatt littless; Þohh þatt tu mihhtess winnenn her All middellærdess riche,

Ne birrde þe nohht ȝeornenn itt Onnȝæn Drihhtiness wille. Line 4685 Loc nu whatt witt itt iss i þe, To winnenn summwhatt littless Onnȝæness Godess wille swa Þatt tu þær Godd forrlesesst. Tacc þe nu till þiss hallȝhe mahht Line 4690 Wiþþ Jesu Cristess posstless, All þwerrt u¯¯t to forrwerrpenn her To winnenn ohht wiþþ sinne, & beo þu ȝeornfull nihht & daȝȝ To follȝhenn Godess wille. Line 4695 Þiss mahhte tredeþþ unnderrfo¯¯t Ȝittsunng & grediȝnesse, & makeþþ þe full kisstiȝ mann Off whattse Godd te leneþþ, Ȝiff þatt iss þatt tu lufesst itt Line 4700 & follȝhesst itt wiþþ dede. Þe feorþe mahht iss hæfedd mahht & haliȝ mahht wiþþ alle, Þatt tu beo þwerrt u¯¯t milde, & meoc, & soffte, & stille, & liþe, Line 4705 & þwerrt u¯¯t clene off grimmcunndleȝȝc & þwerrt u¯¯t clene off braþþe. Þiss iss an swiþe mikell mahht & Drihhtin swiþe cweme, & ȝiff þatt iss þatt tu þiss mahht Line 4710 Mihht habbenn rihht & follȝhenn, Þa witt tu wel þatt Haliȝ Gast Himm ressteþþ i þin herrte,

& tohh þe birrþ ben harrd wiþþ skill Onnȝæness alle sinness, Line 4715 Forr þu mihht ske¯¯t to nesshe ben Ȝæn þa þatt Drihhtin wraþþenn. Þiss mahhte tredeþþ unnderrfo¯¯t All grimmeleȝȝc & braþþe, & hete & niþ & awwerrmod Line 4720 Itt drifeþþ fra þin herrte, Ȝiff þatt iss þatt tu lufesst itt [col 117] & follȝesst itt wiþþ dede; Forr whase iss þwerrt u¯¯t milde, & meoc, & soffte, & stille, & liþe, Line 4725 All he forrwerrpeþþ grimmeleȝȝc, & hete, & niþ, & braþþe. Þe fifte mahht iss hæfedd mahht & haliȝ mahht to follȝhenn, Þatt tu beo swinncfull att tin mahht Line 4730 Inn alle gode dedess, Aȝȝ att rihht time, & aȝȝ wiþþ skill, Swa þatt itt Godd beo cweme; Forr clene dede & clene swinnc Iss Drihhtin swiþe cweme, Line 4735 & himm iss idellnesse laþ & all forrswundennesse; Forr idellleȝȝc iss hæfedd plihht & wiþþreþþ wiþþ þin sawle, & forrþi birrþ þe ben swinncfull Line 4740 Inn alle gode dedess

Aȝȝ att rihht time, & aȝȝ att hof, Forr þatt iss Drihhtin cweme. Þiss mahhte tredeþþ unnderrfo¯¯t All þwerrt u¯¯t idellnesse, Line 4745 & unnlusst & forrswundennleȝȝc Itt drifeþþ fra þin herrte, Ȝiff þatt iss þatt tu lufesst itt & follȝhesst itt wiþþ dede. Þe sexte mahht iss hæfedd mahht Line 4750 & Drihhtin swiþe cweme, Þatt tu rihht nohht dreriȝ ne beo Forr nan eorþlike unnseollþe, Acc take bliþeliȝ þærwiþþ, & þannke itt Godd wiþþ herrte, Line 4755 & follȝhe swa þe gode Job Þatt wass an king onn eorþe, & all wiþþutenn gillt forrlæs Onn an daȝȝ all hiss ahhte, & ȝe¯¯ tær tekenn mare inoh Line 4760 Þatt mare wass to menenn; Tenn menn, an allfullwaxenn flocc Off suness & off dohhtress, Forrlæs þe gode Job þatt daȝȝ, Ȝe¯¯t tekenn all hiss ahhte. Line 4765 & ȝe¯¯ bilammp himm oþerr wa Þatt mare mihhte himm eȝȝlenn, Ȝiff þatt he nære wæpnedd wel Þurrh þild onnȝæn unnseollþe. He warrþ all, alls uss seȝȝþ soþ boc, Line 4770 Full hefiȝlike secnedd,

Swa swiþe þatt hiss bodiȝ toc To rotenn bufenn eorþe All samenn, brest, & wambe, & þes, & cnes, & fe¯¯t, & shannkess, Line 4775 & lende, & lesske, & shulldre, & bacc, & side, & halls, & hæfedd. All þiss wass utenn wiþþ unnhal Þurrh swiþe unnride unnhæle, & all he toc forrþrihht anan Line 4780 To ro¯¯tenn & to stinnkenn, & war & wirrsenn toc anan U¯¯t off hiss lic to flowenn. Her wass unnseollþe unnride inoh Till an mann forr to dreȝhenn; Line 4785 & ȝiff þatt he þurrh soþfasst þild Wæpnedd full wel ne wære, He munnde ben full dreriȝ mann, & serrhfull inn hiss herrte Off þatt, tatt himm wass all hiss þing Line 4790 Biræfedd butenn gillte, & off, þatt he forrlæs hiss streon Onn an daȝȝ all bidene, Tenn menn, swa summ icc seȝȝde nu, Off suness & off dohhtress, Line 4795 Þatt wærenn samenn inn an hus, [col 118] & etenn þære & drunnkenn, & tær fell dun þatt hus þurrh wind, & oferrfell hemm alle,

& ec off, þatt he wass himm sellf Line 4800 Full hefiȝlike secnedd Onn all hiss bodiȝ her & tær Þurrh an full atell adle, He munnde ben full dreriȝ mann & serrhfull inn hiss herrte, Line 4805 Ȝiff þatt he nære wæpnedd wel Þurrh soþfasst þildess wæpenn. Acc he wass wæpnedd wel þurrh Godd Onnȝæness illc unnseollþe, Þurrh whatt he spacc wislike & wel Line 4810 Inn all hiss miccle unnsellþe, Ne seȝȝde he nohht; unnseliȝ mann Amm icc onn eorþe wurrþenn, Forr whatt iss Drihhtin me þuss wraþ, Forr whatt amm í forrworrpenn? Line 4815 Ne seȝȝde he nohht off þiss forr himm To wanenn ne to menenn, Acc seȝȝde; Drihhtin ȝaff me þiss All wiþþ hiss lefe wille, & Drihhtin takeþþ itt fra me Line 4820 All wiþþ hiss lefe wille, & all þiss iss bilummpenn me, Swa summ itt Drihhtin likeþþ, & þannkedd wurrþe min Drihhtin All þatt tatt he me senndeþþ, Line 4825 & blettsedd wurrþe hiss name nu & æfre á butenn ende; Ȝiff þatt we tăkenn bliþeliȝ Att Godd all þatt iss sellþe,

Þa birrþ uss tăkenn bliþeliȝ Line 4830 Att himm whattse iss unnsellþe. Þuss spacc Drihhtiness kemmpe Job Inn all hiss miccle unnsellþe; & te birrþ takenn bisne att himm To þannkenn Godd wiþþ herrte, Line 4835 [col 119] All þatt he setteþþ uppo þe Off sellþe & off unnsellþe, Swa þatt tu dreoriȝ nohht ne beo Off nan eorþlike unnseollþe, Acc tăke bliþeliȝ þærwiþþ, Line 4840 & þannke itt Godd wiþþ heorrte, Forr þiss is swiþe mikell mahht, & Drihhtin swiþe cweme; & beo þu sikerr þatt he shall Þe ȝifenn eche blisse, Line 4845 Onnȝæn all þatt wanndraþ & wa Þatt te bilimmpeþþ here, Ȝiff þatt tu forr þe lufe off himm Itt bliþelike dreȝhesst. Þiss mahhte tredeþþ unnderrfo¯¯t, Line 4850 & drifeþþ fra þin herrte, All flæshliȝ care & serrȝhe & si¯¯t Off illc eorþlike unnseollþe, Ȝiff þatt iss þatt tu lufesst itt & shæwesst itt wiþþ bisne. Line 4855 Þe seoffnde mahht iss hæfedd mahht & haliȝ mahht wiþþ alle,

Þatt tu well swiþe unnorneliȝ Aȝȝ off þe sellfenn læ¯te, & halde þe forr hinnderrlinng, Line 4860 & forr well swiþe unnwresste, & forr þatt mann þatt litell maȝȝ & litell cann to gode. Þiss illke mahht iss hæfedd mahht & halsumm forr to follȝhenn. Line 4865 & ure Laferrd Crist himm sellf Uss ȝaff heroffe bisne, Þær þær he seȝȝde himm sellf whilumm Þurrh hiss prophetess tunge; Icc amm an wurrm, & nohht nan mann, Line 4870 Uppbrixle menn bitwenenn; Icc amm þatt þing þatt nohht ne dæh, Þatt eȝȝwhær iss forrworrpenn, & whærse icc amm bitwenenn menn Icc hutedd amm & þutedd, Line 4875 & all onn hæþing & o skarn Off me gaþ eȝȝwhær spæche. Þuss spacc þe Laferrd Jesu Crist Þurrh hiss prophetess tunge, Off þatt tatt he forrworrpenn wass Line 4880 Amang Judiskenn þeode; Forr Godess Sune Allmahhtiȝ Godd, Þatt all þe weorelld wrohhte, Warrþ an unnorne & wrecche mann, Forr þe to ȝifenn bisne, Line 4885 Þatt tu well swiþe unnorneliȝ Aȝȝ off þe sellfenn læte,

& halde þe forr hinnderrling, & forr well swiþe unnwresste, & forr þatt mann þatt litell maȝȝ Line 4890 & litell cann to gode, & forr þatt mann þatt all wiþþ rihht Birrþ hutedd ben & þutedd. [col 120] Þiss illke mahht, tatt witt tu wel, Iss haliȝ mahht to follȝhenn; Line 4895 Forr swa þu lætesst lasse off þe, Swa læteþþ Drihhtin mare, & swa þu tellesst werre off þe, Swa telleþþ Drihhtin bettre. Þiss mahhte tredeþþ unnderrfo¯¯t Line 4900 & cwennkeþþ i þin herrte All rosinng & all idell ȝellp, Forr þatt iss hæfedd sinne, To ȝellpenn off þin duhhtiȝleȝȝc & off þin gode dede, Line 4905 To rosenn off þin haȝherrleȝȝc, & leȝhenn off þe sellfenn. & ȝiff þu tellesst all þin mahht & all þin witt unnwresste, All idell ȝellp & idell ros Line 4910 Þu cwennkesst i þe sellfenn. & ȝiff þatt iss þatt tu mihht tuss All idell ȝellp forrwerrpenn, Þa follȝhesst tu þærþurrh þatt stih Þatt Cristess þeoww birrþ follȝhenn; Line 4915

Line 4915 Forr Cristess þeoww birrþ fillenn wel All þatt te Goddspell beodeþþ, & whanne he¯¯t hafeþþ filledd all Þuss birrþ himm þanne seggenn; Icc amm an allforrwurrþenn þeoww Line 4920 & all unnitt & idel, Þatt tatt icc he¯¯t Drihhtin wiþþ word Ne fille icc nohht wiþþ dede. Þuss birrþ himm all forrwerrpenn her To ȝellpenn off himm sellfenn, Line 4925 Ȝiff þatt he wile cwemenn Godd, & winnenn eche blisse. Þehhtennde mahht iss allre mast Off alle þise mahhtess, & tatt forrþi forr þatt itt iss Line 4930 Moderr off alle þóþre, Þatt tu forr soþfasst lufe o Godd Soþfasst meocnesse follȝhe. Þiss mahhte iss, alls icc seȝȝde nu, Moderr off alle þóþre; Line 4935 Forr alle mahhtess springenn u¯¯t Off soþ meocnessess rote; Forr niss nan mahht, tatt ohht iss wurrþ, All shadd fra soþ meocnesse; Forr aȝȝ birrþ soþ meocnesse ben Line 4940 Wiþþ iwhillc mahht onn hellpe, Ȝiff þatt itt shall þe gengenn ohht [col 121] To winnenn eche blisse.

Þiss illke mahht iss þwerrt u¯¯t god To berrȝhenn þe þin sawle, Line 4945 Ȝiff þatt tu¯¯t follȝhesst þweorrt u¯¯t wel Wiþþ bodiȝ & wiþþ herrte. Þiss hallȝhe mahhte maȝȝ þe don, Ȝiff þatt tu rihht itt follȝhesst, Lefliȝ to þeowwtenn oþre menn, Line 4950 To lutenn þine lahȝhre. Þiss hallȝhe mahhte doþ þe wel, Ȝiff þatt tu wel itt follȝhesst, To wurrþenn eȝȝwhær alle menn, Ȝe¯¯t forrþenn þine lahȝhre. Line 4955 Þiss hæfedd mahhte doþ þe wel, Ȝiff itt iss i þin herrte, To shunenn dĕrewurrþe shrud & dĕrewurrþe mæless. Þiss hallȝhe mahhte doþ þe mann, Line 4960 Ȝiff itt iss inn hiss herrte, All to forrȝifenn oþre menn Wiþþ word & ec wiþþ herrte All þatt teȝȝ hafenn skaþedd himm, & shamedd himm & shendedd. Line 4965 & ure Laferrd Crist himm sellf, Swa summ þe Goddspell kiþeþþ, Till hise posstless seȝȝde þuss Off soþ meocnessess mahhte; Lerneþþ att me þatt icc amm wiss Line 4970 Rihht milde & meoc wiþþ herrte, & swa ȝe muȝhenn resste & ro Till ȝure sawless findenn;

Forr niss nan mahht tatt bettre maȝȝ Þe winnenn eche blisse Line 4975 Þann allre mahhte róte maȝȝ, & allre mahhte moderr. Þiss mahhte tredeþþ unnderrfo¯¯t All modiȝnessess strenncþe, Ȝiff þatt iss þatt tu lufesst itt Line 4980 & follȝhesst itt wiþþ herrte. Nu habbe icc here shæwedd ȝuw Rihht ehhte off hæfed mahhtess, Þatt wærenn all forr ure ned Þurrh þatt bocstaff bitacnedd, Line 4985 Þatt uppo Cristess name stannt Rihht allre nesst te firrste. & ȝiff ȝe follȝhenn þwerrt u¯¯t wel Þe sloþ off þise mahhtess, Þa shule ȝe ben witerrliȝ Line 4990 Þurrh Cristess name borrȝhenn.

Þe þridde staff bitacneþþ uss Þe tale off tweȝȝenn hunndredd, & tale off tweȝȝenn hunndredd maȝȝ Þatt fulle lufe tacnenn Line 4995 Þatt birrþ ben, alls uss seȝȝþ soþ boc, Twifald, ȝiff itt shall hellpenn; Forr þe birrþ lufenn Godd & mann, Ȝiff þu willt wurrþenn borrȝhenn, Acc nohht onn ane wise þohh, Line 5000 Swa summ þe boc uss kiþeþþ;

Forr þe birrþ lufenn Drihhtin Godd [col 122] & lofenn himm & wurrþenn Wiþþ all þin witt, wiþþ all þin lusst, Wiþþ all þin bodiȝ mahhte, Line 5005 Wiþþ all þin gast, wiþþ all þin þohht, & mare þan þe sellfenn; Swa þatt tu nohht ne stannde onnȝæn Þin Godd o nane wise, Ne þurrh þin witt, ne þurrh þin lusst, Line 5010 Ne þurrh þin bodiȝ dede, Ne þurrh þin gast, tatt tu þin Godd Ne wraþþe þurrh þin wille, Ne þurrh þin þohht, tatt tu þin Godd Þurrh ifell þohht ne wraþþe. Line 5015 Þuss birrþ þe lufenn þin Drihhtin & mare þan þe sellfenn; & tatt iss swiþe mikell rihht, Forr Godd iss god wiþþ alle, & tu þe sellf narrt rihht nohht wurrþ Line 5020 Wiþþutenn Godess hellpe, & arrt an þing þatt nohht ne dæh, Ȝiff þatt tu Godd forrleosesst; & forrþi birrþ þe lufenn Godd Ȝe¯¯t mare þan þe sellfenn; Line 5025 Forr all þin hellpe & all þin hald Iss uppo Godess áre, Þatt maȝȝ þe, ȝiff himm þinnkeþþ god, Dun inntill helle werrpenn,

&, ȝiff himm þinnkeþþ god, he maȝȝ Line 5030 Þe ȝifenn heoffness blisse. & te birrþ lufenn iwhillc mann Þatt lifeþþ her onn eorþe, Þatt wise þatt tu lufesst te, Þatt iss, to wurrþenn borrȝhenn; Line 5035 Judisskenn mann & hæþenn mann Þuss birrþ þe lufenn baþe, Þatt eȝȝþerr turrne himm towarrd Crist Swa þatt he wurrþe borrȝhenn. Þuss birrþ þe lufenn ec þatt mann Line 5040 Þatt hateþþ þe wiþþ herrte, Þatt wreȝeþþ þe, þatt shendeþþ þe, Þatt ræfeþþ þe þin ahhte. Þuss birrþ þe lufenn alle þa, Ȝiff þatt tu willt te berrȝhenn, Line 5045 Þatt illc an bete hiss sinne swa, [col 123] Þatt illc an wurrþe borrȝhenn; Forr þu ne mihht nohht borrȝhenn ben To brukenn eche blisse, Ȝiff þatt tu currsesst aniȝ mann, Line 5050 & hatesst himm wiþþ herrte, Swa þatt tu wolldesst bliþeliȝ Off himm sen ifell ende; Forr mann iss Godess handewerrc, & an full aþell kinde, Line 5055 & Godess onnlicnesse, & all Full god inn all hiss kinde;

& forrþi birrþ þe lufenn mann Þe bodiȝ & te sawle, Forr þatt iss Godess handewerrc, Line 5060 & god & aþell kinde; Acc þe birrþ hatenn upponn me All þatt tatt æfre iss sinne, All þweorrt u¯¯t all swa summ þe birrþ Itt hătenn o þe sellfenn. Line 5065 & forrþi darr mann hătenn wel All þatt tatt æfre iss sinne, Forrþi þatt sinness laþe lasst Niss nan off Godess shafftess, Acc iss þatt dæþess laþe sed Line 5070 Þatt deofless æfre sawenn Inn ure flæshess lusst, & ec Inn ure sawless wille. & all þatt æfre iss god inn me Off kinde & ec off dede, Line 5075 All birrþ þe lufenn itt inn me, All swa summ i þe sellfenn; Forr þe birrþ lufenn all þe god, & hătenn all þe sinne, Þwerrt u¯¯t inn iwhillc oþerr mann, Line 5080 All swa summ i þe sellfenn; & te birrþ ec, þatt witt tu wel, I gode dedess hellpenn & firrþrenn iwhillc oþerr mann, All all swa summ þe sellfenn. Line 5085 Nu birrþ þe nimenn mikell gom Off þiss þatt I þe shæwe,

Off — þatt icc segge þatt te birrþ All all swa lufenn oþre, & hătenn oþre, & hellpenn hemm, Line 5090 All all swa summ þe sellfenn. Ne segge icc þe nohht tatt te birrþ All all se mikell hellpe, & all se mikell lufe, & ec All all se mikell ȝemsle, Line 5095 Þwerrt u¯¯t onn iwhillc oþerr mann Alls o þe sellfenn leggenn; Forr Drihhtin þe ne biddeþþ nohht [col 124] All all se mikell hellpe Don upponn oþre alls uppo þe; Line 5100 Acc o þatt illke wise Wiþþ oþre he bideþþ þe don wel Þatt tu dosst wiþþ þe sellfenn; Forr þe birrþ lufenn oþre menn & lufenn ec þe sellfenn, Line 5105 Acc mare þe þann oþre menn Þu lufenn mihht wiþþ lefe, & god te birrþ don oþre menn & god don ec þe sellfenn, Acc mare þe þann oþre menn Line 5110 Þu mihht don god wiþþ lefe. & te birrþ ȝeornenn daȝȝ & nihht Þatt all follc wurrþe borrȝhenn, & tohh þe birrþ ȝe¯¯ allre mast Þin aȝhenn berrhless ȝernenn. Line 5115

Line 5115 Þuss mihht tu lufenn alle menn All all swa summ þe sellfenn, & hellpenn forrþenn alle menn All all swa summ þe sellfenn, & lufenn þohh & hellpenn þohh Line 5120 Aȝȝ allre mast te sellfenn. Þuss birrþ þe lufenn Godd & mann, Swa summ icc habbe shæwedd, & forr þatt te þiss lufe birrþ O tweȝȝenn hallfe fillenn, Line 5125 Forrþi wass itt bitacnedd wel Þurrh tale off tweȝȝenn hunndredd. & forr þatt eȝȝþerr hunndredd iss Full tale all þwerrt u¯¯t filledd, & swa fullþri˘fenn þatt itt nohht Line 5130 Ne maȝȝ na mare waxxenn, Forrþi wass eȝȝþerr tale sett Full opennliȝ to tacnenn, Þatt te birrþ eȝȝþerr lufess mahht Fullfremeddlike fillenn Line 5135 Swa wel, þatt eȝȝþerr filledd be All þwerrt u¯¯t wel wiþþ alle. & te birrþ lokenn þe þatt tu Ne do nan ifell dede Forr lufe off nan lifisshe mann, Line 5140 Forr Godd itt te forrbedeþþ To gilltenn ohht onnȝæness himm, Forr aniȝ mann to cwemenn; Forr ȝiff þu dosst þatt ifell iss, & opennlike gilltesst Line 5145

Line 5145 [col 125] Forr lufe off aniȝ oþerr mann, Þær hatesst tu ȝunnc baþe, Þurrh þatt tu dosst ȝunnc baþe þær To gilltenn Godd onnȝæness.

Nu mihht tu seggenn her to me Line 5150 Þiss word, ȝiff þatt te þinnkeþþ, Whi birrþ me lufenn Godd & mann, Whi birrþ me lufenn baþe? Inoh iss me to lufenn Godd, Þærþurrh maȝȝ icc ben borrȝhenn. Line 5155 Off þiss wile icc annswerenn þe Þatt tatt icc unnderrstannde, Affterr þatt little witt tatt me Min Drihhtin hafeþþ lenedd. Ȝiff þatt tu mihhtesst lufenn Godd Line 5160 Swa þatt itt wære himm cweme Wiþþutenn lufe off iwhillc mann, Þa mihhtesst tu ben borrȝhenn Wiþþutenn lufe off iwhillc mann Þurrh lufe off Drihhtin áne; Line 5165 Forr ȝiff þatt tu mihht cwemenn Godd, Þa mihht tu wurrþenn borrȝhenn. Acc þe birrþ wi˘tenn witerrliȝ Þatt Godd niss nowwþerr cweme, Ne þatt tu mikell lufesst himm, Line 5170 Ne þatt tu ȝeorne himm þeowwtesst,

Ȝiff þu ne lufesst alle menn All all swa summ þe sellfenn. & Crist ne lufesst tu nohht all Inn all hiss twinne kinde, Line 5175 Ȝiff þatt tu nohht ne lufesst mann, An lot off Cristess kinde; Forr Crist iss Godd, & Crist iss mann, An had off twinne kinne. & ȝiff þu lufesst Drihhtin ohht, Line 5180 O menn þe birrþ itt shæwenn; Forr þe birrþ forr þe lufe off Godd Wel lufenn menn & hellpenn; Forr þu ne mahht nohht lufenn Godd & hătenn menn & werdenn. Line 5185 & Cristess posstell, Sannt Johan, Uss wra¯¯t off þiss & seȝȝde, Ȝiff þu seȝȝst tatt tu lufesst Godd & hătesst menn & werdesst, Þu leȝhesst, & biswikesst swa Line 5190 Þin aȝhen wrecche sawle; Forr þu ne mahht nohht lufenn Godd & hătenn menn & werdenn. Helyas wass an haliȝ mann & an wurrþfull prophete Line 5195 Onn alde daȝhess, mikell fresst Biforenn Cristess come. & wiþþ himm wass an oþerr mann, [col 126] Hiss mann forr himm to þeowwtenn,

& he wass hatenn Helyseow, Line 5200 & he wass Godd full cweme, & ta comm time to þatt Godd Hemm wollde onn erþe shædenn, & takenn all wiþþutenn dæþ Helyamm þe prophete, Line 5205 & brinngenn himm all u¯¯t fra menn Till — þær he shollde libbenn Wiþþ resste & ro, wiþþutenn swinnc, Till Anntecristess come. & Helyseow hiss mann wass warr Line 5210 Þatt teȝȝ þa sholldenn shædenn, & he þa toc to clepenn onn Helyamm þe prophete, & cwaþþ; lef faderr, ȝeld me nu Forr all min swinnc rihht mede, Line 5215 Forr þatt icc hafe follȝhedd te Do me summ god onn ende. & ta ȝaff himm anndswere þuss Helyas þe prophete, Whatt willt tu þatt icc ȝife þe Line 5220 Forr all þin swinnc to mede? & Helyseow þa seȝȝde þuss; Lef faderr, icc þe bone, Ȝiff me nu þatt twifalde gast Þatt i þin herrte himm ressteþþ, Line 5225 Þatt itt beo nu forrþwarrd inn me All all swa wel wiþþ alle, All alls itt hafeþþ ben i þe Þurrh þin Drihhtiness hellpe.

Whatt god wass þatt twifalde gast Line 5230 Þatt Helyseow þær ȝeorrnde? Soþ lufe þatt birrþ ben twifald, Swa summ icc habbe shæwedd; Forr þe birrþ lufenn Godd & mann Ȝiff þatt tu willt ben borrȝhenn. Line 5235 He badd hiss maȝȝstre fillstnenn himm Towarrd Drihhtin wiþþ bone, Þatt Drihhtinn ȝæfe himm wille & mahht Soþ lufe rihht to follȝhenn; All alls het¯¯ haffde ȝifenn ær Line 5240 Hiss maȝȝstre, þiss he ȝeorrnde, & he wass wis, forr he sahh wel, & wisste wel to soþe, Þatt all Drihhtiness bodeword & all Goddspelless lare Line 5245 Iss filledd þurrhu¯¯tlike wel, Ȝiff þatt soþ lufe iss filledd; Forr lufe off Godd & lufe off mann, Ȝiff þatt tu rihht itt haldesst, Itt doþ þe don i word, i werrc, Line 5250 All þatt tu mahht to gode, [col 127] & itt te doþ affterr þin mahht All ifell to forrbuȝhenn; & tær iss all þatt te birrþ don, & all þe bode iss filledd, Line 5255 Ȝiff þatt tu lufesst Godd & mann, & forr þe lufe off baþe

Dost all to gode þatt tu mihht, & ifell all forrwerrpesst. & her þu mihht nu sen full wel Line 5260 Þatt lufe iss all i dedess; Forr maȝȝ na lufe berrȝhenn þe Wiþþutenn gode dedess; Forr ȝiff þu lufesst Godd, tet¯¯ birrþ Wiþþ gode dedess shæwenn, Line 5265 & ȝiff þu lufesst mann, þet¯¯ birrþ Wiþþ gode dedess shæwenn, Þa mihht tu Godd & gode menn Cwemenn, & wurrþenn borrȝhenn. & ure Laferrd seȝȝde þuss Line 5270 Till hise Leorningcnihhtess; Þatt iss min bodeword, tatt ȝe Ȝuw lufenn swa bitwenenn Rihht alls icc hafe lufedd ȝuw. Her maȝȝ mann unnderrstanndenn Line 5275 Whillc gate me birrþ lufenn þe, & illc mann lufenn oþerr; Þatt illke wise badd he þeȝȝm Hemm lufenn hemm bitwenenn, Þatt illke wise þatt he þeȝȝm Line 5280 Hiss lufe shæwedd haffde. Nu birrþ me shæwenn, ȝiff I kann, O whillkess kinness wise Þe Laferrd Cristess lufe wass Onn hise posstless sene, Line 5285 & tanne shallt tu muȝhenn sen O whillkess kinness wise

Þa sellf birrþ lufenn oþre menn, To follȝhenn Cristess bisne. Crist ȝaff hiss aȝhenn lefe lif Line 5290 To þolenn dæþ o rode Forr hise posstless, & forr þe, & forr all follke nede, Forr swa to lesenn all mannkinn U¯¯t off þe deofless walde. Line 5295 & te birrþ follȝhenn Cristess sloþ, & te birrþ wi˘lenn swelltenn Forr Cristess þeowwess, ȝiff mann hemm All saccless wi˘le cwellenn, Forr swa to cwennkenn Crisstenndom, Line 5300 & Cristess laȝhess dillȝhenn. Ȝiff þatt mann wi˘le Crisstenndom & Cristess name dillȝhenn, Þa birrþ þe stanndenn þær onnȝæn, & werenn Cristess þeowwess, Line 5305 & Cristess name, & Crisstenndom, Whil þatt tin lif þe lassteþþ, & forr þe soþe lufe off Crist & ec off Cristess þeowwess [col 128] Þe birrþ, ȝiff þatt te falleþþ swa, Line 5310 Full bliþelike swelltenn; & ta þu follȝhesst opennliȝ Þe Laferrd Cristess bisne, Þatt forr mannkinne lufe swallt Full bliþelike o rode; Line 5315

Line 5315 & ec þu follȝhesst opennliȝ Þe Laferrd Cristess posstless, Þatt forr þe soþe lufe off Crist & ec off Cristess þeowwess, & forr to reȝȝsenn Crisstenndom, Line 5320 Full bliþelike swulltenn. & te birrþ wi˘tenn sikerrliȝ, Forr Goddspellboc itt kiþeþþ, Þatt whase, forr þe lufe off Crist & ec off Cristess þeowwess, Line 5325 Gaþ forþ to swelltenn bliþeliȝ Forr Crisstenndom to reȝȝsenn, Þe maste lufe he shæweþþ þær Þatt aniȝ mann maȝȝ shæwenn; & forrþi ȝedenn bliþeliȝ Line 5330 Þurrh marrtirdom to swelltenn Off Godess þeowwess miccle ma Þann aniȝ mann maȝȝ tellenn. Þiss twafald lufe off Godd & mann, Þatt uss birrþ alle shæwenn, Line 5335 I word, i werrc, uss awwnedd wass Wel þurrh þa tweȝȝenn hunndredd, Þatt wærenn þurrh þe þridde staff Off Cristess name tacnedd. & ȝiff þu mahht te lufe off Godd Line 5340 & ec off mann rihht fillenn, Þa shallt tu þurrh þe name off Crist Ben borrȝhenn att tin ende.

& wel wass þurrh þe feorþe staff Off Cristess name tacnedd Line 5345 Þe fulle tale off seofenntiȝ, Off seofenn siþe tene; Forr tale off seoffne stannt o boc Forr mikell þing to tacnenn; Forr tale off seoffne tacneþþ uss Line 5350 Þatt seofennkinne bene, Þatt o þe Paterr Nossterr stannt Þatt Crist himm sellf uss sette; Forr all þe Paterr Nossterr iss Wiþþ seoffne boness endedd, Line 5355 & wiþþ þa boness bidde we Þe Laferrd Cristess hellpe Off all þatt æfre ned uss iss To lif & ec to sawle. & ec þe tale off seoffne maȝȝ Line 5360 Þa seoffne ȝifess tacnenn Þatt Godess Gast uss ȝifeþþ her, Ȝiff þatt we rihht himm cwemenn; Forr all þatt æfre ned uss iss [col 129] All Godess Gast uss tiþeþþ Line 5365 Þurrh seoffne ȝifess, ȝiff þatt we Wiþþ haliȝ lif himm cwemenn. & ec þe tale off seoffne maȝȝ Þa seoffne seollþess tacnenn, Þatt ure Laferrd Crist himm sellf Line 5370 Spacc offe to þe leode,

Summ si˘þe þær he talde hemm spell Off heofennrichess blisse. He sette himm æness onn an munnt, Swa summ þe Goddspell kiþeþþ, Line 5375 & mikell follc wass þær wiþþ himm, Forr himm to sen & herenn, & forr to tăkenn hæle att himm Off iwhillc unntrummnesse. & tær he talde hemm alle spell Line 5380 Off ædiȝnessess seoffne, Þatt hallȝhe weress follȝhenn her, Drihhtin þærþurrh to cwemenn. Nu mihht tu sen þatt mikell þing Þurrh tale off seoffne iss tacnedd; Line 5385 Forr itt bitacneþþ opennliȝ, Swa summ icc hafe shæwedd, Rihht seffne bedess þatt mann finnt Uppo þe Paterr Nossterr, & seoffne ȝifess þatt man foþ Line 5390 Off Haliȝ Gastess hellpe, & ȝe¯¯ itt tacneþþ, tekenn þatt, Rihht ædiȝnessess seoffne, Þatt hallȝhe weress follȝhenn her, Forr Drihhtin swa to cwemenn Line 5395 Þe firrste bĕde þatt mann bitt Uppo þe Paterr Nossterr Þatt iss, þatt Godess name beo Rihht lofedd her & wurrþedd; Forr whase Godess name maȝȝ Line 5400 Rihht lofenn her & wurrþenn,

He winneþþ swa þatt he shall ben Þurrh Godess name borrȝhenn. Þatt oþerr bĕde þatt mann bitt Uppo þe Paterr Nossterr Line 5405 Þatt iss, þatt Godess ki˘nedom Ske¯¯t mote wurrþenn awwnedd, All all swillc i þiss middellærd Alls itt iss upp inn heoffne. Þiss illke bĕde filledd beoþ Line 5410 Att Domess daȝȝess ende; Forr þa shall Godess kinedom All all swillc beon onn eorþe, Alls itt iss upp inn heoffness ærd To daȝȝ wiþþ Godess enngless. Line 5415 & tiss uss wære swiþe god Þatt itt uss cumenn wære, Ȝiff þatt iss þatt we cwemenn Godd Wiþþ þohht, & word, & dede. Þe þridde bede þatt mann bitt Line 5420 Uppo þe Paterr Nossterr [col 130] Þatt iss, þatt Godess wille beo All filledd her onn eorþe, All all swa summ itt filledd iss Inn heoffne i Godess enngless; Line 5425 Forr whase maȝȝ wiþþ word & weorrc Her fillenn Godess wille, He winneþþ her þatt he shall ben Þurrh Godess wille borrȝhenn.

Þe feorþe bede þatt mann bitt Line 5430 Uppo þe Paterr Nossterr Þatt iss, þatt Drihhtin nu to daȝȝ Uss ȝife þurrh hiss are Ure allre daȝȝwhammlike bræd; Þiss bræd iss Godess hellpe, Line 5435 & itt iss fode to þe lif, & fode to þe sawle, & Godd itt ȝifeþþ alle þa Þatt hise laȝhess haldenn. Þe fifte bede þatt mann bitt Line 5440 Uppo þe Paterr Nossterr Þatt iss, þatt ure Drihhtin uss Forrȝife þurrh hiss are All þatt we gilltenn himm onnȝæn, I þohht, i word, i dede, Line 5445 Þatt het¯¯ forrȝife uss all rihht swa, Summ we forrȝifenn oþre All þatt teȝȝ gilltenn uss onnȝæn Onn aniȝ kinne wise. Loc nu þatt tu forrȝife wel Line 5450 All follc all wraþþe & laþþe, Ȝiff þu willt habbenn off þin gillt Att Godd forrȝifenesse. Þe sexte bĕde þatt mann bitt Uppo þe Paterr Nossterr Line 5455 Þatt iss, þatt Godd ne þole nohht Ne þafe laþe gastess To winnenn oferrhannd off uss Þurrh heore laþe wiless;

Forr whase winneþþ oferrhannd Line 5460 & siȝe off laþe gastess, He shall ben crunedd þurrh Drihhtin Inn eche lifess blisse. Þe seoffnde bede þatt mann bitt Uppo þe Paterr Nossterr Line 5465 Þatt iss, þatt ure Drihhtin Godd Uss lese þurrh hiss are U¯¯t off all þatt tatt ifell iss [col 131] Wiþþ lif & ec wiþþ sawle; Forr mann ne maȝȝ nohht unnderrfon Line 5470 Þatt god þatt iss inn heoffne, Butt iff þatt he be clennsedd all Off ifell & off sinne. Her habbe icc shæwedd nu till ȝuw Þa seoffne bedess alle Line 5475 Þatt wærenn, alls icc hafe seȝȝd, Þurrh tale off seoffne tacnedd.

& her icc wile sone anan Þa seoffne ȝifess shæwenn, Þatt Haliȝ Gast uss ȝifeþþ her, Line 5480 Ȝiff þatt we rihht himm þeowwtenn. Þe firrste ȝife iss witt & skill Inn heofennlike þingess, Þurrh whatt mann unnderrstanndenn maȝȝ, Hu mann birrþ æfre ȝeornenn Line 5485

Line 5485 Affterr þatt þing þatt lassteþþ á, & all iss full off blisse. Þiss ȝife ȝifeþþ Haliȝ Gast Þa menn þatt wel himm cwemenn; Forr aȝȝ hemm langeþþ heþennwarrd, Line 5490 & upp till heoffness blisse; Forr þatt teȝȝ unnderrstanndenn wel Hu wicke itt iss onn eorþe, Wiþþ þatt itt iss inn heoffness ærd Biforenn Godess sihhþe. Line 5495 An oþerr ȝife Godess Gast Her ȝifeþþ hise þeowwess Þatt iss, þatt he þeȝȝm ȝifeþþ her All full wel tunnderrstanndenn Off all þe boc i Godess hus Line 5500 Þe deope diȝhellnesse, Swa þatt teȝȝ muȝhenn shæwenn ȝuw All whatt itt seȝȝþ & meneþþ, & all hu mann birrþ follȝhenn itt Forr Drihhtin rihht to þeowwtenn, Line 5505 Swa þatt ȝe muȝhenn alle imæn Þatt rihhte weȝȝe follȝhenn, Þatt ledeþþ þa till heoffness ærd Þatt Godess laȝhess haldenn. Þe þridde ȝife Godess Gast Line 5510 Her ȝifeþþ hise þeowwess, He gifeþþ hemm himm sellfenn her Swa forrþerrlike onn eorþe, Swa þatt teȝȝ cunnenn ráþenn rihht Hemm sellfenn & ec oþre, Line 5515

Line 5515 [col 132] Off all þatt æfre iss owwþerr ned To lif & ec to sawle. Þe feorþe ȝife off Haliȝ Gast Iss strenncþe ȝæn þe deofell; Strenncþe to fihhtenn stallwurrliȝ Line 5520 Onnȝæn þe flæshess lusstess; Strenncþe þatt ȝifeþþ lufe & lusst Þe bodiȝ forr to pinenn Wiþþ swinnc, wiþþ hunngerr, & wiþþ þrisst, Wiþþ chele i wicke claþess, Line 5525 Wiþþ cnelinng, & wiþþ bedesang, Wiþþ swinginng, & wiþþ wecche; Strenncþe to þolenn rihht wiþþ skill Illc seollþe & illc unnseollþe, & aȝȝ to þannkenn innwarrdliȝ Line 5530 Drihhtin all þatt he senndeþþ; Þiss strenncþe ȝifeþþ Haliȝ Gast Þa menn þatt wel himm cwemenn. Þe fifte ȝife iss shæd & skill I weorelldlike þingess, Line 5535 Þurrh whatt mann unnderrstanndeþþ wel & seoþ wiþþ heorrtess eȝhe All whatt iss rihht, & whatt iss wo Biforenn Godess eȝhne, & whatt bilimmpeþþ to þe lif, Line 5540 & whatt gaþ to þe sawle; & all hu mann birrþ weorelldþing Nittenn & tohh forrwerrpenn;

& hu þe birrþ ȝæn ifell mann & ec ȝæn god mann baþe Line 5545 Swa ledenn þe wiþþ skill, þatt tu Ne gillte nohht ȝæn owwþerr, Acc þatt hemm baþe beo þe bett Off þatt teȝȝ neh þe biggenn; & hu þe birrþ uppo þin frend Line 5550 Swa lufenn lif & sawle, Þatt te birrþ hatenn þohh onn himm All whattse iss woh & sinne; & hu þe birrþ uppo þin fend All hatenn woh & sinne, Line 5555 Swa þatt te lufenn birrþ onn himm Þohhwheþþre lif & sawle. Swillc shæd & skill i weorelldþing All hu mann shall himm ledenn, Her setteþþ Haliȝ Gast o þa Line 5560 Þatt lufenn himm & cwemenn. Þe sexte ȝife off Haliȝ Gast Iss an rihht god reowwsunnge Þatt Godess þeoww, whasumm itt iss, [col 133] Her bereþþ inn hiss heorrte. Line 5565 Himm reoweþþ off hiss aȝhenn woh & off hiss aȝhenn sinne, & ec off oþerr manness woh, Off oþerr manness sinne. Himm reoweþþ þatt he nafeþþ nohht Line 5570 All haldenn, alls himm birrde,

Þe Crisstenndom wiþþ word & weorrc, & wiþþ þe rihhte læfe, All affterr þatt he Godd bihe¯¯t Þatt daȝȝ þatt he wass fullhtnedd. Line 5575 Himm reoweþþ þatt he dwelleþþ her Swa swiþe lange onn eorþe Þatt all iss full off hete & niþ, & full off alle sinness. Himm reoweþþ þatt he nafeþþ nohht Line 5580 Off Paradisess riche Þatt himm wass ȝarrkedd þurrh Drihhtin, To brukenn á wiþþ blisse. Himm reoweþþ þatt he nohht ne maȝȝ Himm ȝemenn all fra sinne, Line 5585 Þohh þatt he nohht ne kepeþþ her To gilltenn hise þannkess. Himm reoweþþ þatt he nohht ne maȝȝ Swillc haliȝ bisne shæwenn, Alls himm hiss herrte bereþþ to, Line 5590 Ȝiff þatt het¯¯ mihhte forþenn. Himm reoweþþ ec off alle þa Þatt follȝhenn deofless lare, Off þatt hemm þwerrt u¯¯t nohht niss off To betenn here sinness. Line 5595 Swillc reowwsunng ȝifeþþ Haliȝ Gast Þa menn þatt rihht himm cwemenn. Þe seoffnde ȝife Godess Gast Her ȝifeþþ Godess þeowwess Þatt iss, to drædenn Drihhtin rihht Line 5600 I þohht, i word, i dede.

Þiss drædunng iss þatt rodetreo Þatt Crist himm sellf spacc offe, & seȝȝde to þe leode þuss, Swa summ þe Goddspell kiþeþþ, Line 5605 Þatt mann þatt wile follȝhenn me & winnenn eche blisse, He tăke hiss rode, & bere itt rihht, & follȝhe swa min bisne. & rihht drædunng off Godd maȝȝ wel Line 5610 Þurrh rodetreo ben tacnedd; Forr rihht drædunng off Godd te doþ All bindenn swa þin herrte, & all þin bodiȝ, swa þatt tu Ne darrst nohht Drihhtin wraþþenn, Line 5615 Ne þurrh þin þohht, ne þurrh þin word, Ne þurrh þin bodiȝ dede; & swa þu follȝhesst Cristess sloþ Þurrh rihht drædunng all bundenn, Alls iff þu wære bundenn all Line 5620 O rodetreo wiþþ bandess; Þiss drædunng ȝifeþþ Haliȝ Gast Þa menn þatt rihht himm þeowwtenn;· Her hafe icc shæwedd nu till ȝuw [col 134] Þa seoffne ȝifess alle, Line 5625 Þatt hallȝhe weress unnderrfon Þurrh Haliȝ Gastess frofre.

& her icc wile wiþþ & wiþþ Þa seoffne seollþess shæwenn Þatt wærenn, alls icc hafe seȝȝd, Line 5630 Þurrh tale off seoffne tacnedd. & her icc wile reccnenn hemm All o þatt illke wise, All alls hemm sette o Goddspellboc Maþeow þe Goddspellwrihhte. Line 5635 Þe firrste seollþe iss þatt tu beo, All wiþþ þin aȝhenn wille, All wrecche & wædle & usell mann, Forr lufe off eche blisse. Þiss seollþe shall þe winnenn her Line 5640 Heh kinedom inn heoffne, Swa summ þe Goddspellwrihhte seȝȝþ, Þatt þweorrt u¯¯t nohht ne leȝheþþ· Þatt oþerr seollþe iss þatt tu beo œdmod, & soffte, & milde, Line 5645 All forr þe soþe lufe off Godd, All wiþþ þin aȝhenn wille. Þiss seollþe all heoffness ærdess land Þe winnenn shall & ahnenn, Swa summ þe Goddspellwrihhte seȝȝþ, Line 5650 Ȝiff þatt tu wel itt follȝhesst. Þe þridde seollþe doþ þe mann Wepenn wiþþ skill & wanenn Nohht forr nan li˘re off weorelldþing, Ne forr eorþlike unnseollþe, Line 5655 Acc forr hiss aȝhenn sinne, & ec Forr oþerr manness sinne;

Forr Godess þeoww her wepeþþ á Forr oþre, & forr himm sellfenn. He wepeþþ her forr alle þa Line 5660 Þatt wepenn her wiþþ sinne, He wepeþþ ec forr alle þa Þatt lahȝhenn her wiþþ sinne. Nu mihht tu fraȝȝnenn whillc iss þatt Þatt wepeþþ her wiþþ sinne, Line 5665 Whatt mann se itt iss þatt wepeþþ her Forr li˘re off eorþlike ahhte. & tu mihht fraȝȝnenn whillc iss þatt Þatt lahȝheþþ her wiþþ sinne, [col 135] Þatt mann þatt lateþþ modiliȝ Line 5670 Forr hiss eorþlike seollþe. Nu wepeþþ Godess þeoww forr þa Þatt wepenn her wiþþ sinne, & he shall att hiss endedaȝȝ Þurrh Drihhtin wurrþenn frofredd Line 5675 Off all hiss wop & all hiss wa, Swa summ þe Goddspell kiþeþþ· Þe feorþe seollþe iss þatt tu beo Forrþrisst & ec forrhunngredd, Nohht affterr mete, naffterr drinnch, Line 5680 Acc affterr rihhtwisnesse. Þiss hunngerr & tiss þrisst iss á I Cristess þewwess herrte; Forr aȝȝ occ aȝȝ he stanndeþþ inn To reȝȝsenn rihhtwisnesse, Line 5685

Line 5685 & aȝȝ to tredenn unnderrfo¯¯t All whattse iss woh & sinne; & all hiss hunngerr & hiss þrisst Shall ben þurrh Drihhtin sleckedd; Forr he shall att hiss endedaȝȝ Line 5690 Þurrh hiss Drihhtiness fode All filledd ben off iwhillc god, Swa summ þe Goddspell kiþeþþ;· Þe fifte seollþe nemmnedd iss Forrȝifenesse & are, Line 5695 & Cristess þeowwess herrte iss all Full off þiss hallȝhe seollþe, Aȝȝ to forrȝifenn innwarrdliȝ, Wiþþ soþfasst millce & are, All þatt mann gillteþþ himm onnȝæn Line 5700 Onn alle kinne wise. & Drihhtin att hiss endedaȝȝ, Swa summ þe Goddspell kiþeþþ, Shall arenn himm & millcenn himm, & brinngenn himm till heoffne;· Line 5705 Þe sexte seollþess ædiȝleȝȝc Iss clene & lutterr herrte, Þatt all þin herrte beo þwerrt u¯¯t Att tin wittshipe clene, Þatt tu ne wi˘te nan wiþþ þe Line 5710 Ne lasse gillt, ne mare. Swillc herrte niss forrblendedd nohht Þurrh ahhtess grediȝnesse, Ne þurrh nan oþerr flæshess lusst, Ne þurrh nan modinesse, Line 5715

Line 5715 & forrþi maȝȝ itt sen to gan Wiþþ all þatt rihhte weȝȝe Þatt ledeþþ menn till heoffness ærd, To sen Drihhtin wiþþ ehne; [col 136] & whase itt iss þatt hafeþþ her Line 5720 Swillc herrte all þwerrt u¯¯t clene, He shall wiþþ blisse seon Drihhtin, Swa summ þe Goddspell kiþeþþ· Þe seoffnde seollþess ædiȝleȝȝc Iss griþþ i manness herrte, Line 5725 Swa þatt illc an unnclene lusst & illc an ifell wille Beo trededd dun þurrh lufe off Godd, & cwennkedd inn hiss herrte, Swa þatt hiss bodiȝ wiþþ hiss gast Line 5730 Sammtale & sahhte wurrþe, Swa þatt teȝȝ baþe ȝeornenn an & follȝhenn an wiþþ wille, Inn all þatt þohht & word & werrc Þatt all iss Drihhtin cweme. Line 5735 & ec þiss seollþe doþ þe mann Aȝȝ soþ sahhtnesse follȝhenn Wiþþ god mann & wiþþ ifell mann, Inn all þatt niss nan sinne; Forr himm ne birrþ nohht beon all an Line 5740 Wiþþ naniȝ mann i sinne; Forr he ne maȝȝ nohht sinnelæs Beon bliþe off aniȝ sinne,

Acc himm birrþ þræpenn aȝȝ wiþþ skill Onnȝæness alle sinness, Line 5745 & shæwenn þohh sahhtnesse & griþþ, Swa summ icc hafe spelledd, Ȝe¯¯t forrþenn towarrd ifell mann, Inn all þatt niss nan sinne. & ȝiff þiss hallȝhe griþþ iss wel Line 5750 Wiþþinnenn i þin herrte, & ec wiþþutenn towarrd menn, Swa summ icc habbe shæwedd, Þa shallt tu wurrþenn sikerrliȝ An off Drihhtiness chilldre, Line 5755 Swa summ þatt Goddspell kiþeþþ uss Þatt Crist himm sellf uss seȝȝde;· Her hafe icc shæwedd nu till ȝuw Rihht ædiȝnessess seoffne, Þatt wærenn, alls icc seȝȝde ȝuw, Line 5760 Þurrh tale off seoffne tacnedd; Forr tale off seoffne stannt o boc Forr mikell þing to tacnenn; Forr itt uss tacneþþ opennliȝ, Swa summ icc hafe shæwedd, Line 5765 Þa seoffne bedess þatt mann finnt Uppo þe Paterr Nossterr, & seoffne ȝifess þatt mann foþ Off Haliȝ Gastess hellpe, & seoffne seollþess þatt mann her Line 5770 Forr lufe off Drihhtin follȝheþþ· & all wass þurrh þe feorþe staff Off Cristess name tacnedd;

Þatt feorþe staff iss nemmnedd O & itt. . . . . Line 5775 [Coll. 137-144 wanting.] . . . . . An off þa fowwre iss Sannt Maþþew, & he wass ec an posstell. An oþerr Goddspellwrihhte wass Marcuss by name nemmnedd, & he wass Goddspellwrihhte god, Line 5780 Acc he ne wass nan posstell. Þe þridde Goddspellwrihhte wass Lucas by name nemmnedd, & he wass Goddspellwrihhte god, Acc he ne wass nan posstell. Line 5785 Þe ferþe Goddspellwrihhte wass Johan, & he wass posstell. Her hafe I nemmnedd nu till ȝuw Þa fowwre Goddspellwrihhtess, Þatt wærenn uss bitacnedd wel Line 5790 Þurrh tale off fowwerr hunndredd; Forr þeȝȝre lif fullfremedd wass Inn alle gode dedess, All swa þe tale off hunndredd iss Fullfremedd tale nemmnedd. Line 5795 & tise fowwre wærenn ec Þurrh fowwre der bitacnedd, Þatt Godess þeww Ezechyel Sahh þurrh gastlike sihhþe.

Þiss illke Ezechiel wass an Line 5800 Wurrþfull & heh profete Full mikell fresst biforenn þatt Þatt Crist comm her to manne; & he sahh æness fowwre der Þurrh Haliȝ Gast inn heffne Line 5805 Abutenn Drihhtin heffness king, Þær he satt onn hiss sæte; Forr þatt teȝȝ sholldenn tacnenn uss Þa fowwre Goddspellwrihhtess, Þatt wri˘tenn off þe Laferrd Crist Line 5810 Goddspell o fowwre bokess. Þatt an der off þa fowwre der Wass inn an manness like; Forr þatt itt shollde tacnenn uss Maþþew þe Goddspellwrihhte, Line 5815 Þatt wra¯¯t uss onn hiss Goddspellboc Off Cristess mennisscnesse; Off þatt, tatt Crist wass wurrþenn mann Forr all mannkinne nede, Swa þatt he wass soþ Godd, & ec Line 5820 Soþ mann i lif & sawle; & ec off all þatt hallȝhe werrc, Þatt Crist onn erþe wrohhte Inn ure bodiȝ þatt he toc Off Sannte Marȝess kinde. Line 5825 An oþerr der wass seȝhenn þær Inn an leuness like; Forr þatt itt shollde tacnenn uss Marrcumm þe Goddspellwrihhte,

Þatt wra¯¯t uss onn hiss Goddspellboc, Line 5830 Hu Crist rás upp off dæþe Onn uhhtenntid te þridde daȝȝ Fra þatt he swallt o rode. & tatt wass rihht tatt le wass sett Onnȝæn þatt Goddspellwrihhte, Line 5835 Þatt wra¯¯t off hu þe Laferrd ras Þe þridde daȝȝ off dæþe; Forr leness whellp þær þær itt iss Whellpedd, tær liþ itt stille Þre daȝhess alls itt wære dæd, Line 5840 Forr Cristess dæþ to tacnenn; & o þe þridde daȝȝ itt iss Waccnedd off slæp & reȝȝsedd, Þurrh þatt te faderr gaþ þærto & stireþþ itt & waccneþþ, Line 5845 All all swa summ þe Laferrd ras Þe þridde daȝȝ off dæþe All þurrh hiss Hallȝhe Faderr mahht, & þurrh hiss aȝhenn mahhte. Þe þridde der þatt he þær sahh Line 5850 Wass inn an kallfess like; Forr þatt itt shollde tacnenn uss Lucam þe Goddspellwrihhte, Þatt wra¯¯t uss onn hiss Goddspellboc Off Cristess dæþ o rode, Line 5855 Þær he wass offredd lac, forr uss To lesenn u¯¯t off helle. & tatt wass rihht tatt callf wass sett Onnȝæn þatt Goddspellwrihhte,

Þatt wra¯¯t off hu þe Laferrd Crist Line 5860 Wass offredd uppo rode; [col 146] Forr kallf wass, wiss to fulle soþ, An lac amang þa lakess Þatt wærenn offredd Drihhtin Godd Biforenn Cristess come. Line 5865 Þe feorþe deor þatt he þær sahh Wass inn an ærness like, Forr þatt itt shollde tacnenn uss [col 147] Johan þe Goddspellwrihhte, Þatt wra¯¯t uss onn hiss Goddspellboc Line 5870 Off Cristess Goddcunndnesse, Off - hu þe Laferrd Jesu Crist Inn hiss goddcunnde kinde Aȝȝ wass, & iss, & æfre beoþ Hiss Faderr efennmete, Line 5875 Allmahhtiȝ & Allwældennd Godd Þatt alle shaffte wrohhte, Wiþþ Faderr & wiþþ Haliȝ Gast All an i Goddcunndnesse. & tatt wass rihht tatt ærn wass sett Line 5880 Onnȝæn þatt Goddspellwrihhte, Þatt mast wra¯¯t onn hiss Goddspellboc Off Cristess Goddcunndnesse; Forr i þatt tatt he wra¯¯t off swillc He flæh upp inntill heoffne, Line 5885 Þurrh þatt he wra¯¯t her i þiss lif Off Godess depe kinde,

& tær wass he full lic wiþþ ærn Þatt fleȝheþþ upp full heȝhe. Þuss wærenn þurrh þa fowwre deor Line 5890 Þa fowwre menn bitacnedd Þatt wri˘tenn off þe Laferrd Crist Goddspell o fowwre bokess. & tise fowwre gode menn, Wiþþ heore fowwre bokess, Line 5895 Sinndenn gastlike i gastliȝ witt An waȝȝn wiþþ fowwre wheoless, Þatt bereþþ i þiss middellærd Drihhtin fra land to lande; Forr wíde & síde spelledd iss Line 5900 Þurrh heore fowwre bokess Off ure Laferrd Jesu Crist, & hu mann birrþ himm þeowwtenn. & whære o lande summ itt iss Þatt mann off Goddspell spelleþþ, Line 5905 Hu mann birrþ þeowwtenn Jesu Crist & lufenn himm & drædenn, Þær iss þe Laferrd Crist himm sellf, & tiderr iss he waȝȝnedd Uppo þatt hallȝhe waȝȝn þatt gaþ Line 5910 O fowwre Goddspellwheless. Þiss waȝȝn wass þurrh an kingess waȝȝn Inn alde daȝhess tacnedd, Full mikell fresst biforenn þatt Þatt Crist comm her to manne, Line 5915 & he þatt king bi năme wass Amminadab ȝehatenn,

& he þatt illke Amminadab Wass borenn, to bitacnenn Crist, Godess Sune, þurrh hiss waȝȝn Line 5920 & þurrh hiss name baþe. Hiss name wass Amminadab, & upponn Ennglissh spæche Itt tacneþþ uss þatt mann þatt doþ God werrc wiþþ innwarrd herrte, Line 5925 Wiþþ mikell lusst, wiþþ all hiss mahht, Wiþþ all hiss fulle wille. & tatt mann iss Sponntaneuss O Latin spæche nemmnedd, Þatt doþ wiþþ innwarrd herrte god Line 5930 & all wiþþ fulle wille; & swa wass Crist sponntaneuss Inn all hiss hallȝhe dede, Forr all þatt he to manne comm To wurrþenn mann onn erþe, Line 5935 & tatt himm ummbeshorenn wass Hiss shapp o þalde wise, & tatt he rihht full herrsumm wass Till Sannte Marȝe hiss moderr, Þatt he wass fullhtnedd i þe flumm Line 5940 Att Sannt Johan Bapptisste, & tatt he siþþenn affterr þatt Held fasste i wilde wesste, & tatt he þurrh þe laþe gast Wass siþþenn fandedd þriȝȝess, Line 5945 & tatt he dide mikell god Wiþþ larspell & wiþþ dede,

& tatt he siþþenn tăkenn wass All gilltelæs & bundenn & naȝȝledd uppo rodetre, Line 5950 & tatt he swallt o rode, & tatt he ras þe þridde daȝȝ Off dæþess slæp to life, & stah upp inntill heffness ærd; All dide he þatt onn erþe Line 5955 Wiþþ innwarrd herrtess lufe & lusst, Wiþþ all hiss fulle wille; & forrþi wass he full wel þurrh Amminadab bitacnedd, Þatt tacneþþ uss þatt mann þatt doþ Line 5960 God werrc wiþþ innwarrd herrte, Wiþþ all hiss mahht, wiþþ mikell lusst, Wiþþ all hiss fulle wille. & þurrh Amminadabess waȝȝn Wass Cristess Goddspell tacnedd, Line 5965 Þatt iss o fowwre bokess sett Þurrh fowwre Goddspellwrihhtess; & tærfore iss Cristess Goddspell, All Cristess hallȝhe lare, Alls iff itt wære Cristess waȝȝn Line 5970 O fowwre Goddspell wheless. & ure Laferrd Crist himm sellf Inn ure mennisscnesse Wass tacnedd þurrh þa fowwre deor, Þatt we nu spækenn offe. Line 5975 Forr he wass mann forr ure ned To lesenn uss off helle.

[col 148] & he wass tacnedd þurrh þe leo; Forr þatt he ras onn erþe, All alls hiss lefe wille wass, Line 5980 Þe þridde daȝȝ off dæþe. & he wass tacnedd þurrh þe callf; Forr he wass uppo rode All alls hiss lefe wille wass Offredd Drihhtin to lake. Line 5985 & he wass taccnedd þurrh þatt ærn; Forr he stah upp till heoffne O þatt daȝȝ þatt upponn Ennglissh Iss Hallȝhe Þurrsdaȝȝ nemmnedd. Þær wass he tacnedd wel þurrh ærn; Line 5990 Forr ærn maȝȝ heȝhe fleȝhenn. & illc an haliȝ mann þatt rihht Drihhtiness laȝhess haldeþþ Iss tacnedd þurrh þa fowwre deor, Þatt we nu spækenn offe. Line 5995 Forr god mann follȝheþþ witt & skill & wiþþ wissdom himm ledeþþ, & iss swa tacnedd þurrh þatt deor Þatt wass i manness like; Forr mann birrþ follȝhenn rihht tatt witt Line 6000 Þatt Godd himm hafeþþ lenedd, & ȝiff he nohht ne follȝheþþ witt, Acc unnwitt all wiþþ wille Inn all þatt iss onnȝæn Drihhtin, Inn alle kinne sinne, Line 6005

Line 6005 Þa niss he nohht haldenn forr mann Biforenn Godess ehne; Forr niss na tale inn heoffness ærd Bitwenenn Godess hallȝhenn Off ifell mann, þatt ifell iss Line 6010 All wiþþ hiss fulle wille, Butt all swillc tale alls iss off hund, Forr eȝȝþerr iss unnclene. & god mann riseþþ aȝȝ uppwarrd Inn alle gode dedess, Line 6015 & godeþþ aȝȝ, & heȝheþþ aȝȝ Biforenn Godess ehne, & ȝiff he gillteþþ aniȝ gillt Itt iss all ȝæn hiss wille, & nile he nohht tærinne lin, Line 6020 Acc riseþþ upp þurrh shriffte, & beteþþ sone anan þatt gillt Þatt he wass fallenn inne. He riseþþ upp & sahhtleþþ himm Wiþþ Godd þurrh rihht dædbote, Line 6025 & iss swa tacnedd þurrh þatt deor Þatt wass i leoness like, Þatt riseþþ o þe þridde daȝȝ Affterr þatt itt iss wheollpedd. & god mann stanndeþþ aȝȝ onnȝæn Line 6030 Hiss flæshess fule wille, & cwennkeþþ aȝȝ wiþþ all hiss mahht Hiss flæshess fule lusstess, & offreþþ swa biforenn Godd An lac well swiþe dere, Line 6035

Line 6035 Hiss aȝhenn bodiȝ wiþþ hiss gast Sammtale inn alle gode, & iss swa tacnedd þurrh þatt der Þatt wass i kallfess like; Forr kallf wass offredd Godd to lac Line 6040 Biforenn Cristess come, [col 149] Amang þatt Judewisshe þeod Þatt ta wass Godd full cweme. & god man georneþþ aȝȝ occ aȝȝ Affterr hiss lifess ende, Line 6045 & aȝȝ himm langeþþ heþennwarrd & upp till heoffness blisse; Forr all hiss lufe & all hiss lusst Iss naȝȝledd upp inn heoffne, Swa þatt he þwerrt u¯¯t all forrseoþ Line 6050 Þiss weorelldþingess sellþe, & all hiss herrte fleȝheþþ upp & all forrwerrpeþþ eorþe, & iss swa tacnedd þurrh þatt deor Þatt wass inn ærness like; Line 6055 Forr ærn maȝȝ fleȝhenn i þe lifft Full heȝhe towarrd heoffne, & tacneþþ wel þatt gode mann Þatt ȝeorneþþ upp to Criste. Þuss wærenn þurrh þa fowwre deor Line 6060 Þa fowwre menn bitacnedd, Þatt writenn off þe Laferrd Crist Goddspell o fowwre bokess.

& Jesu Crist himm sellf wass ec Þurrh alle fowwre tacnedd, Line 6065 & illc an haliȝ mann þatt rihht Drihhtiness laȝhess haldeþþ Wass tacnedd þurrh þa fowwre deor, Swa summ icc habbe shæwedd. & alle wærenn tacnedd uss Line 6070 Þurrh tale off fowwerr hunndredd, Þatt wærenn þurrh þe fifte staff Off Cristess name tacnedd; Forr all þatt tatt ta fowwre deor Uss haffdenn to bitacnenn, Line 6075 All wass itt rihht fullfremedd þing & þwerrt u¯¯t god wiþþ alle, All swa summ illc an hunndredd iss Full tale, & all fullwaxenn [col 150] Swa þwerrt u¯¯t, tatt itt nohht ne maȝȝ Line 6080 Waxenn ne wurrþenn mare. & whase itt iss þatt mann þatt tiss Fullfremeddnesse follȝheþþ, Þatt uss full wel bitacnedd wass Þurrh tale off fowwerr hunndredd, Line 6085 Þatt uss wass þurrh þe fifte staff Off Cristess name tacnedd, Þatt mann shall ben wurrþi to beon Þurrh Cristess name borrȝenn;·

Þe sexte staff bitacneþþ uss Line 6090 Þe tăle off tweȝȝenn hunndredd,

& tweȝȝenn hunndredd tacnenn uss Þa tweȝȝenn hallȝhe lífess, Þatt Cristess hird i Crisstenndom Wiþþ Cristess hellpe follȝheþþ· Line 6095 & ȝuw birrþ wi˘tenn, þatt tatt an Off þise tweȝȝenn lifess Bilimmpeþþ to þatt hallȝhe swinnc, Þatt follȝheþþ Godess wille, To swinnkenn affterr mete & claþ Line 6100 Wiþþ soþ unnshaþinesse, Swa þatt tin swinnc be clene swinnc & att rihht time swunnkenn, & aȝȝ att hof, & aȝȝ wiþþ skill, Swa þatt itt nohht ne wraþþe, Line 6105 Ne weorde nan lifisshe mann Affterr þatt tu cannst lokenn. Þuss mihht tu swinnkenn haliȝ swinnc & swinnkenn Godd tocweme, & tuss þu mihht te weorelldþing Line 6110 Wiþþ Godess lefe winnenn, & sone summ itt wunnenn iss, Þe¯¯t birrþ wislike nittenn Uppo þe sellfenn, & o þa Þatt littnenn to þin fode, Line 6115 [col 151] Wiþþ mett & mæþ i mete & drinnch, & ec inn ȝure claþess. Þe birrþ þin rihhte swinnkess winn Upponn ȝuw alle nittenn,

& o þin Godd full bliþeliȝ Line 6120 Þe birrþ þin ahhte nittenn. Off all þatt god tatt o þe ȝer Iss ekedd to þin ahhte, Off all þatt god te birrþ þin Godd Þe tende dale brinngenn, Line 6125 & all þe birrþ bitæchenn itt Þe preost o Godess hallfe, Onnȝæn þatt he shall shrifenn þe & huslenn ec, & lærenn, & biddenn forr þe daȝȝ & nihht, Line 6130 & brinngenn þe till eorþe. & tekenn all þe tende lott, Ȝe¯¯t birrþ þe brinngenn mare; Forr þe birrþ don þin hellpe to Aȝȝ affterr þine fére, Line 6135 To findenn all þatt æfre iss ned Abutenn Godess allterr. & te birrþ cnelenn to þin Godd & lutenn himm & lakenn, & te birrþ lufenn wel þin preost Line 6140 & lutenn himm & lefftenn, Ȝe¯¯t forrþenn þohh he nohht ne beo Swa god mann summ himm birrde. & loc þatt tu ne tæle himm nohht Þohh þatt he beo to tælenn; Line 6145 Forr ȝiff þe preost missdoþ, he¯¯t shall Wiþþ Cristess hellpe betenn, & ȝiff þatt he¯¯t ne beteþþ nohht Itt draȝheþþ himm till helle.

& ȝiff þin preost missdoþ, þe birrþ Line 6150 Full innwarrdlike biddenn, Þatt Drihhtin ȝife himm wille & mahht To betenn hise sinness; Forr ȝiff þu biddesst forr þin preost, Þu biddesst forr þe sellfenn, Line 6155 & cwemesst Godd þurrh þatt tatt tu Swa biddesst forr ȝunnc baþe. & te birrþ ec þin rihhte winn Aȝȝ att te nede nittenn Ȝe¯¯t forrþenn uppo fremmde menn, Line 6160 Þatt nedenn to þin hellpe; Forr þe birrþ fedenn hunngriȝ mann & þrisstiȝ gifenn drinnke; & te birrþ claþenn nakedd mann [col 152] & sec mann þe birrþ frofrenn, Line 6165 & himm þatt iss herrberrȝhelæs Þe birrþ herrberrȝhe findenn, & himm þatt i cwarrterrne liþ Forrbundenn & forrþrungenn, Himm birrþ þe fillstnenn wiþþ þin fe Line 6170 To lesenn himm off bandess. & aȝȝ þe birrþ þe sellfenn rihht & laȝhelike ledenn Towarrd illc an lifisshe mann, Þatt ohht wiþþ þe shall dælenn. Line 6175 Þin laferrd birrþ þe buhsumm beon & hold & trigg & trowwe.

Þin macche birrþ þe lufenn wel, Ȝiff þatt ȝho Drihhtin dredeþþ, & tu mihht follȝhenn hire will Line 6180 Inn all þatt niss nan sinne, Inn all þatt ȝho ȝeorneþþ wiþþ skill, To ȝunnkerr baþre gode. & ȝiff þatt iss þatt ȝho iss all Wittlæs, & wac, & wicke, Line 6185 All birrþ þe don þin mahht tærto, To ȝemenn hire & gætenn, Swa þatt ȝho muȝhe borrȝhenn beon Att hire lifess ende; Forr ȝiff þatt ȝho iss gætelæs, Line 6190 & eȝȝelæs & wilde, Ȝho gillteþþ ske¯¯t, & ȝiff þut¯¯ wast, & te niss nohht tæroffe, Þa narrt tu nohht all sinnelæs Off — þatt ȝho liþ i sinne. Line 6195 & ȝiff þin macche iss wis & god, & tu wittlæs & wicke, Þa birrþ þin macche gætenn þe All þatt ȝho maȝȝ fra sinne; Forr eȝȝþerr birrþ þurrh oþerr beon Line 6200 Hollpenn to wurrþenn borrȝhenn, & ȝiff ȝitt baþe follȝhenn rihht & lufenn Godd & drædenn, [col 153] & haldenn ȝunnkerr Cristenndom Wel affterr ȝunnkerr mihhte, Line 6205

Line 6205 Swa þatt ȝitt baþe ledenn ȝunnc Clennlike ȝunnc bitwenenn, Þa follȝhe ȝitt tatt narrwe stih Þatt ledeþþ ȝunnc till heoffne, Ȝiff þatt ȝitt endenn ȝunnkerr lif Line 6210 All affterr Cristess wille, Wiþþ all þe rihhte læfe o Godd & all i gode dedess, Wiþþ lufe towarrd alle menn Wiþþ husell & wiþþ shriffte. Line 6215 & ȝunnc birrþ nimenn mikell gom To þæwenn ȝunnkerr chilldre, & ȝunnc birrþ ȝeorne lærenn hemm To lufenn Godd & drædenn, Ȝiff þatt ȝitt nilenn wraþþenn Godd Line 6220 Þurrh sinnfull ȝemelæste. & ȝunnc birrþ ȝunnkerr leȝhemenn Rihht laȝhelike ledenn, Swa þatt ȝitt nohht att hofelæs Ne nede þeȝȝm to swinnkenn; Line 6225 Forr ȝunnc birrþ witenn swiþe wel, & innwarrdlike trowwenn, Þatt niss bitwenen ȝunnc & hemm Nan shæd i manness kinde, & tatt teȝȝ muȝhenn gode beon Line 6230 Biforenn Godess ehne; & tatt ȝitt muȝhenn wraþþenn Godd Ȝiff ȝitt hemm oferrbedenn. & heore leȝhe birrþ hemm beon Rædiȝ, þann itt iss addledd; Line 6235

Line 6235 Forr þatt iss Godess bodeword, Loc ȝiff þu willt itt follȝhenn, Þatt heore daȝȝwhammlike swinnc Beo daȝȝwhammlike hemm goldenn. & hemm birrþ, ȝiff þatt hemm iss laþ Line 6240 Full hefiȝliȝ to gilltenn, Beon ar & lăte o ȝunnkerr weorrc & ȝeorrnfull aȝȝ þæronne; Forr ȝiff þeȝȝ wirrkenn ȝunnkerr weorrc Forrwurrþennlike & ille, Line 6245 Þa gilltenn þeȝȝ full hefiȝliȝ Ȝæn Godd & ȝæn ȝunnc baþe. Ne birrþ þe shendenn nani mann Ne weordenn þine þannkess, & tohh, ȝiff þatt tu gilltesst ohht Line 6250 Wiþþ aniȝ mann o life, Þe birrþ itt betenn bliþeliȝ, & wurrþenn himm wiþþ bote. & ȝiff þatt iss þatt aniȝ mann Þe shendeþþ oþerr werdeþþ, Line 6255 Þe birrþ himm biddenn don þe rihht & laȝhe þær onnȝæness, & ȝiff he doþ þe laȝhe & rihht, Þa wurrþ he þær þin broþerr, Ȝiff þatt itt iss wiþþ herrte don, Line 6260 Ȝiff eȝȝþerr lufeþþ oþerr. & ȝiff þatt he þurrh orrȝhellmod Forrhoȝheþþ þe to wurrþenn, [col 154] & nile nowwþerr don þe rihht Forr lufe ne forr eȝȝe, Line 6265

Line 6265 Þatt mann iss wiss þe deofless þeoww Þurrh niþ & modiȝnesse; & tu beo meoc, swa summ þe birrþ, Onnȝæn hiss modiȝnesse, & forr þe lufe off þin Drihhtin Line 6270 Forrȝife himm wraþþe & laþþe, & all forrwerrp þu towarrd himm To sekenn affterr wræche; Forr þu mihht cwemenn swa þin Godd & oferrcumenn deofell, Line 6275 Ȝiff þatt tu shæwesst soþ meocleȝȝc Onnȝæness modiȝnesse, & ȝiff þu nillt nohht hatenn himm Þatt hateþþ þe wiþþ herrte. Þuss mihht tu ledenn her þatt lif Line 6280 Rihht wel, wiþþ Godess hellpe, Þatt follȝheþþ all þatt hallȝhe swinnc Þatt iss wiþþ Godess lefe; & itt iss,— alls icc seȝȝde ȝuw, An off þa tweȝȝenn lifess Line 6285 Þatt wærenn þurrh þe sexte staff Off Cristess name tacnedd, Þurrh þatt tatt staff bitacneþþ uss Þe tale off tweȝȝenn hunndredd.

Þatt oþerr lif, þatt tacnedd wass Line 6290 Þurrh tale off tweȝȝenn hunndredd, Iss fundenn binnenn muneclif I þa þatt sinndenn gode.

Þatt lif þatt iss i muneclif Iss shadd fra ȝure swinnkess, Line 6295 & itt iss all an oþerr lif & hehhre lif & bettre; Forr ȝiff þatt itt iss haldenn rihht Itt addleþþ mare mede;· [col 155] Þatt mann þatt ledenn shall þiss lif Line 6300 Þatt we nu mælenn umbe, Himm birrþ beon inn hiss herrte meoc, & soffte, & stille, & milde, & buhsum till hiss alderrmann Þatt hafeþþ himm to gætenn, Line 6305 To follȝhenn all hiss will þwerrt u¯¯t Inn all þatt niss nan sinne; Forr niss nan herrsummnesse sett Þurrh Godd, ne þurrh hiss lefe, To follȝhenn aniȝ manness will Line 6310 Inn aniȝ kinne sinne; Forr birrþ þe nowwþerr sinne don Forr lufe, ne forr eȝȝe. & tæroff comm þe marrtirdom Bitwenenn Godess hallȝhenn; Line 6315 Forr ær þeȝȝ wolldenn þolenn dæþ Wiþþ alle kinne pine, œr þann þeȝȝ wolldenn gilltenn ohht Onnȝæness Godess wille. & himm þatt ledenn shall þiss lif Line 6320 Þatt we nu mælenn ummbe,

Himm birrþ all weorelldshipe flen, & all þwerrt u¯¯t forrwerrpenn; & himm birrþ all hiss flæshess lusst Forr lufe off Crist forrwerrpenn; Line 6325 & tatt iss swiþe strang & harrd To forþenn her onn eorþe, & forrþi witt tu wel þatt itt Iss hehhre lif & bettre To libbenn rihht i muneclif, Line 6330 Swa summ þær iss to libbenn, Þann iss to ledenn ȝure lif Wiþþ weddlac & wiþþ ahhte; Forr himm birrþ beon full clene mann, & all wiþþutenn ahhte, Line 6335 Buttan þatt mann himm findenn shall Unnorne mete & wæde. & tær iss all þatt eorþliȝ þing Þatt minnstremann birrþ aȝhenn Wiþþutenn cnif & shæþe, & camb, Line 6340 & nedle, ȝiff he¯¯t ȝeorneþþ· & all þiss shall mann findenn himm & wel himm birrþ itt ȝemenn; Forr birrþ himm nowwþerr don þæroff, Ne ȝifenn itt, ne sellenn. Line 6345 & himm birrþ æfre stanndenn inn To lofenn Godd & wurrþenn, & aȝȝ himm birrþ beon fressh þærto Bi daȝȝess & bi nihhtess; & tat iss harrd & strang & tor Line 6350 & hefiȝ lif to ledenn,

& forrþi birrþ wel clawwstremann Onnfanngenn mikell mede Att hiss Drihhtin Allwældennd Godd, Forr whamm he mikell swinnkeþþ· Line 6355 [col 156] And all hiss herrte & all [hiss] lusst Birrþ aȝȝ beon towarrd heoffne, & himm birrþ ȝeornenn aȝȝ þatt an, Hiss Drihhtin wel to cwemenn Wiþþ daȝȝsang & wiþþ uhhtennsang, Line 6360 Wiþþ messess & wiþþ beness, & wiþþ to lĕtenn swingenn himm Þe bodig swa to pinenn, Wiþþ fasstinng forr þe lufe off Godd, Wiþþ cneling & wiþþ wecche. Line 6365 & himm birrþ beon ædmod & meoc & god wiþþ hise breþre, & all swa towarrd oþre menn Inn all þatt niss nan sinne; Forr he maȝȝ ske¯¯t to milde beon Line 6370 Wiþþ himm þatt iss unnþæwedd. Þiss iss þatt oþerr lif off þa Þatt wærenn uss bitacnedd, Swa summ icc habbe shæwedd ȝuw, Þurrh tale off tweȝȝenn hunndredd Line 6375 Þatt wærenn þurrh þe sexte staff Off Cristess name tacnedd. & tise lifess wærenn uss Þurrh tweȝȝenn susstress tacnedd,

Well mikell fresst biforenn þatt Line 6380 Þatt Crist comm her to manne, Þa susstress — þatt witt tu full wiss, Werenn Labaness dohhtress. & Laban wass an riche mann I werelldþingess sellþe, Line 6385 & hise tweȝȝenn dohhtress uss Tacnedenn tweȝȝenn lifess, Þa lifess þatt icc habbe ȝuw Summ del nu spelledd offe, Affterr þatt little witt tatt me Line 6390 Min Drihhtin hafeþþ lenedd. Þatt an wass swiþe faȝȝerr wif, & wass Rachæl ȝehatenn [Coll. 157—160, wanting.] . . . . . [col 161] . . . . .ledenn hemm þe weȝȝe rihht Till himm þatt teȝȝ þær sohhtenn. Line 6395 & teȝȝ þa comenn to þe king, & he þeȝȝm droh to rune, & toc hemm þa full dærneliȝ To fraȝȝnenn off þatt steorrne, Whillc daȝȝ itt wass hemm allre firrst Line 6400 To tákenn sett o liffte, & teȝȝ himm seȝȝdenn witerrliȝ Whillc daȝȝ itt wass hemm awwnedd. & he þeȝȝm sennde sone forþ Till Beþþleæm & seȝȝde; Line 6405

Line 6405 Nu, laferrdinngess, fareþþ forþ, & sekeþþ swiþe ȝeorne Þatt newe king þatt borenn iss Her i þiss land to manne, & sone summ ȝe findenn himm, Line 6410 Whær summ he beoþ onn eorþe, Wiþþ ȝure maddmess lakeþþ himm & buȝheþþ himm & luteþþ, & cumeþþ efft onnȝæn till me, & witeþþ me to seggenn Line 6415 Whær icc me muȝhe findenn himm To lakenn himm & lutenn. & teȝȝ þa wenndenn fra þe king Till þeȝȝre rihhte weȝȝe, & teȝȝre steorne wass hemm þa Line 6420 Full rædiȝ upp o liffte, To ledenn hemm þatt weȝȝe rihht Þatt laȝȝ towarrd tatt chesstre Þatt wass ȝehatenn Beþþleæm, Þatt Crist wass borenn inne. Line 6425 & off þatt tatt teȝȝ sæȝhenn efft Þatt steorrne þatt hemm ledde, Þeȝȝ wærenn bliþe sone anan Þurrh swiþe mikell blisse. & teȝȝre steorne ledde hemm rihht Line 6430 Till Beþþleæmess chesstre, Þær ure Laferrd Jesu Crist Wass borenn her to manne; & forrþrihht whanne itt cumenn wass Till Beþþleæmess chesstre, Line 6435

Line 6435 Itt stod all stille upp o þe lifft, Swa summ þe Goddspell kiþeþþ, Rihht tær abufenn þær þe child Wass inne wiþþ hiss moderr Þatt fedde himm wiþþ þatt illke millc Line 6440 Þatt comm off hire pappe, All alls itt wære an oþerr child Þatt þære onn hire streonedd. & tær wass sene þatt ȝho wass Soþlike Godess moderr; Line 6445 Forr naffde ȝho nan millc till himm, Ȝiff þatt ȝho nære hiss moderr; Forr ȝho wass maȝȝdenn þanne, & ær, & æfre þweort u¯¯t clene. & sone swa þatt steorrne stod Line 6450 Þa kingess wel itt sæȝhenn, & ȝedenn þær inntill þatt hus Þatt Jesu Crist wass inne, [col 162] & fundenn þatt teȝȝ haffdenn sohht, & wærenn swiþe bliþe. Line 6455 Þeȝȝ fundenn ure Laferrd Crist & ure laffdiȝ Marȝe, & nohht ne seȝȝþ þe Goddspellboc Þatt Josæp wass þærinne, Þær ure Laferrd Jesu Crist Line 6460 Wass fundenn wiþþ hiss moderr; & tatt wass don þurrh Godd tatt he Ne wass nohht ta þærinne,

Þa þatt unncuþe follc comm inn, To lefenn uppo Criste. Line 6465 Þeȝȝ fundenn ure Laferrd Crist & fellenn dun o cnewwess, To buȝhenn & to lutenn himm Wiþþ hæfedd & wiþþ heorrte. & illc an king oppnede þær Line 6470 Hiss hord off hise maddmess, & illc an ȝaff himm þrinne lac To lakenn himm & wurrþenn. An lac wass gold, te Goddspell seȝȝþ, An oþerr lac wass recless, Line 6475 Þe þridde þatt teȝȝ gæfenn himm Wass an full deore sallfe, & itt iss o þe Goddspellboc Myrra bi name nemmnedd. & her iss litell oþerr nohht Line 6480 I þiss land off þatt sallfe, Acc i þe Kalldeowisshe land Mann maȝȝ itt summwhær findenn. Þatt lic þatt smeredd iss þærwiþþ Biforr þatt mann itt dellfeþþ, Line 6485 Ne maȝȝ itt nohht affterr þatt daȝȝ Lihhtlike wurrþenn eorþe; & itt wass þeȝȝre þridde lac, Swa summ þe Goddspell kiþeþþ· & affterr þatt teȝȝ haffdenn Crist Line 6490 Wiþþ heore maddmess lakedd, Þeȝȝ tokenn nihhtess resste þær I Beþþleæmess chesstre;

& Drihhtin ȝaff hemm sware o nihht Þær þeȝȝ o bedde slepptenn, Line 6495 & radde hemm þatt teȝȝ sholldenn ham Wiþþ oþerr weȝȝe wendenn, & till Herode king onnȝænn He þeȝȝm forrbæd to turrnenn. & wel þeȝȝ wisstenn Godess raþ, Line 6500 & wel þeȝȝ alle itt heldenn, Forr alle samenn forenn ham Wiþþ all an oþerr weȝȝe, & forenn inntill þeȝȝre land Wiþþ fulle læfe o Criste. Line 6505 & all þatt ȝer Herode king Ba¯¯d affterr þeȝȝre come, [col 163] To witenn ȝiff þeȝȝ haffdenn Crist Owwhar onn eorþe fundenn; Acc þeȝȝ ne comenn nohht himm to; Line 6510 & tatt wass Godess wille, Forr þatt he wollde cwellenn Crist, Ȝiff þatt he mihhte himm findenn. Her endeþþ nu þiss Goddspell þuss, & icc ȝuw wile shæwenn, Line 6515 Hu mikell god itt læreþþ ȝuw Off ȝure sawless nede.

Herode king bitacneþþ uss Þe laþe gast off helle,

& he maȝȝ wel bitacnenn himm Line 6520 Whamm he stod inn to follȝhenn; Forr all hiss word, & all hiss werrc, & all hiss laþe trowwþe Wass full off iwhillc hæþenndom, All affterr deofless wille. Line 6525 & ta þreo kingess tacnenn uss Þatt flocc þatt Drihhtin ledeþþ, Þatt flocc þatt follȝheþþ Crisstenndom & uppo Criste lefeþþ, Þatt follȝheþþ heoffness lihht & leom, Line 6530 Þatt iss Goddspelless lare, & Cristess laȝhe, & Crisstenndom, & rihhte læfe o Criste, Þatt ledeþþ hemm þe weȝȝe rihht Till Drihhtin upp inn heoffne, Line 6535 All all swa summ þatt steorrneleom Rihht ledde þa þreo kingess Towarrd tatt illke burrȝhess tun, Þatt Crist wass borenn inne. & þurrh þatt tatt Herode king Line 6540 Wass dreriȝmod & dreofedd Off—þatt te Laferrd Jesu Crist Wass borenn her to manne, Þærþurrh wass uss bitacnedd wel Wiþþ all full openn bisne, Line 6545 Þatt all þe laþe gastess flocc, All helleþeod, wass dreofedd Off—þatt te Laferrd Jesu Crist Wass borenn her to manne,

Forr þatt he wollde lesenn u¯¯t Line 6550 Mannkinn off hellepine. & tatt te Laferrd Jesu Crist Wass borenn her to manne Rihht i þe land off Ȝerrsalæm, & tatt he þær wass fundenn, Line 6555 Þatt tacneþþ uss well mikell þing Off ure sawless nede; Forr witt tu well þatt Ȝerrsalæm Bitacneþþ griþess sihhþe, & ure Laferrd Jesu Crist Line 6560 Wass borenn her to manne, Forr þatt he wollde settenn griþþ Bitwenenn heoffne & eorþe; & whase itt iss þatt lufeþþ griþþ [col 164] & follȝheþþ wiþþ hiss herrte, Line 6565 Þatt mann shall findenn Jesu Crist To beon wiþþ himm i blisse. Þatt ta þreo kingess turrndenn hemm U¯¯t off þe rihhte weȝȝe, & forenn till Herode king Line 6570 To wi˘tenn whatt he wollde, Þatt uss bitacneþþ witerrliȝ Þurrh all full openn bisne, Þatt sume off ure little flocc Þatt lefeþþ uppo Criste Line 6575 Hemm wendenn oþerr stund fra Crist, & fra þe rihhte weȝȝe,

& turrnenn till þe laþe gast Þurrh fĕle depe sinness. & tatt ta kingess sone anan Line 6580 Forrlurenn þeȝȝre steorrne, Affterr þatt teȝȝ hemm turrndenn u¯¯t Off þeȝȝre rihhte weȝȝe, Þatt uss bitacneþþ opennliȝ Þurrh all full witerr bisne, Line 6585 Þatt he þatt turrneþþ himm fra Crist Þurrh hefiȝ hæfedd sinne Forrleoseþþ sawless soþe lihht, Þatt iss Goddspelless lade, & Jesu Cristess hellpe & hald Line 6590 & all hiss hallȝhe millce, & iss all alls he wære blind & orrraþ butenn lade, Aȝȝ whil þatt æfre himm þinnkeþþ god To lin inn hæfedd sinne. Line 6595 & tatt ta kingess turrndenn efft Till þeȝȝre rihhte weȝȝe, Towarrd te Laferrd Jesu Crist, & fra þe king Herode, & sæȝhenn efft forrþrihht anan Line 6600 Þe steorrness brihhte leome To ledenn hemm þe weȝȝe rihht Till Beþþleæmess chesstre, Þatt uss bitacneþþ witerrliȝ, Þatt witt tu wel to soþe, Line 6605 Þatt sume off þa þatt wærenn ær All turrnedd frawarrd Criste,

Hemm turrnenn efft full wel onnȝæn Fra þeȝȝre depe sinness, & turrnenn fra þe laþe gast Line 6610 & turrnenn hemm till Criste, [col 165] Þurrh þatt teȝȝ takenn bliþeliȝ Rihht shriffte off þeȝȝre sinness, & ledenn siþþenn haliȝ lif, & follȝhenn Cristess lare, Line 6615 & follȝhenn heoffness lihht & leom Inn alle gode dedess, & winnenn Cristess hellpe & hald & Cristess millce & are, All all swa summ þa kingess efft Line 6620 I þeȝȝre rihhte weȝȝe Fundenn forrþrihht tatt steorrneleom, Þatt ledde hemm rihht to Criste. & all þatt, tatt Herode king Badd ta þreo kingess sekenn Line 6625 Þatt ȝunge king, & lakenn himm, & buȝhenn himm o cnewwe, & cumenn efft onnȝæn till himm & witenn himm to seggenn, Ȝiff þatt teȝȝ haffdenn fundenn himm, Line 6630 Whære i þe land he wære, Forr þatt he wollde himm cumenn to To lakenn himm & lutenn, All þatt badd he þurrh swikedom & all þurrh ille wiless; Line 6635

Line 6635 Forr ȝiff he mihhte findenn himm Ne wollde he nohht himm lakenn, Acc wollde himm swiþe bliþeliȝ Wiþþ swerdess egge cwellenn. & off þiss laþe swikedom Line 6640 Ne wisstenn nohht ta kingess Þatt comenn off Kalldéaland, To sekenn Crist forr gode; Forr affterr þatt uss Latin boc Þurrh haliȝ lare shæweþþ, Line 6645 Þatt mann iss fox & hinnderrȝæp & full off ille wiless, Þatt haldeþþ wiþþ þe laþe gast & follȝheþþ deofless wille; & swa niss nohht tatt illke mann Line 6650 Þatt follȝheþþ Cristess bisne, Niss he nohht hinnderrȝæp ne pratt To follȝhenn ille wiless, Acc iss shepisshe & bilewhit, All clene off ille þohhtess. Line 6655 Þa kingess þatt swa comenn forþ To lutenn Crist & lakenn, Þeȝȝ gæfenn bisne off Crisstenndom, Þatt uss birrþ alle follȝhenn; Forr uss birrþ ure Laferrd Crist Line 6660 Þatt illke wise lakenn, & uss birrþ þurrh þa þrinne lac Drihhtin gastlike lakenn, & uss birrþ follȝhenn þeȝȝre sloþ To lefenn uppo Criste Line 6665

Line 6665 Rihht swa, summ þeȝȝ þurrh þeȝȝre lac Uss didenn tunnderrstanndenn. Þeȝȝ gæfenn Drihhtin gold forrþi Þatt itt bitacnenn shollde, [col 166] Þatt teȝȝ himm heldenn witerrliȝ Line 6670 Forr King off alle kingess; & tatt wass haȝherrlike don, Forr þatt teȝȝ wel itt wisstenn Þatt mann birrþ lakenn eorþliȝ king Wiþþ gold & ec wiþþ sillferr. Line 6675 & þurrh þatt tatt teȝȝ ȝæfenn himm An oþerr lac off recless, Þærþurrh þeȝȝ didenn uss full wel To seon & tunnderrstanndenn, Þatt teȝȝ himm heldenn forr soþ Godd Line 6680 Inn ure mennisscnesse, & tatt mann birrde buȝhenn himm, & lutenn himm & lakenn; & tatt wass haȝherrlike don, Forr þatt teȝȝ wel itt wisstenn Line 6685 Þatt mann birrþ þeowwtenn Drihhtin Godd Wiþþ recless att hiss allterr. & þurrh þatt tatt teȝȝ ȝæfenn himm Þatt dĕorewurrþe sallfe Þatt mann doþ o þe dæde lic, Line 6690 Þeȝȝ seȝȝdenn uss wiþþ dede, Þatt Godess word wass wurrþenn mann To þolenn dæþ onn eorþe,

Forr uss to lesenn þurrh hiss dæþ U¯¯t off þe deofless walde. Line 6695 Þatt sallfe þatt teȝȝ ȝæfenn himm, Þatt iss Myrra ȝehatenn, Itt iss full bitterr & full beȝȝsc, Þatt witt tu wel to soþe, Forr þatt itt shollde tacnenn uss Line 6700 Þatt dæþess bitterrnesse Þatt Godess Sune, Allmahhtiȝ Godd, Wass wurrþenn mann to dreȝhenn.

Nu birrþ uss alle follȝhenn well Þa Kalldewisshe kingess Line 6705 Wiþþ haliȝ lifess gastliȝ lac, & ec wiþþ ure trowwþe; Forr uss birrþ lefenn wel þatt Crist Iss King off alle kingess, & swa we muȝhenn offrenn himm Line 6710 Gastlike gold to lake; & uss birrþ lefenn þatt he iss Soþ Godd i mennisscnesse, & swa we muȝhenn offrenn himm Gastlike lac off recless; Line 6715 [col 167] & uss birrþ lefenn þatt he wass Soþ mann i lif & sawle, Forr þatt he wollde þolenn dæþ Forr all mannkinne nede,

& swa we muȝhenn offrenn himm Line 6720 Gastliȝ þatt illke sallfe Þatt mann doþ o þe dæde lic, Swa summ ȝe littlær herrdenn. & tu mihht lakenn Jesu Crist, Þatt witt tu wel to soþe, Line 6725 Wiþþ alle þise þrinne lac Þurrh þine gode þæwess. Ȝiff þatt tu follȝhesst witt & skill & soþ wissdomess leome, Þa lakesst tu þe Laferrd Crist Line 6730 Wiþþ gold i þine þæwess; Forr rihht all swa summ hord off gold Mang menn iss horde deresst, Rihht swa iss allre deresst lac Biforenn Godess ehne, Line 6735 Ȝiff þatt we follȝhenn rihht tatt witt Þatt follȝheþþ Godess wille, Þatt hallȝhe witt tatt læreþþ uss To berrȝhenn ure sawle. & ȝiff þu cwemesst tin Drihhtin Line 6740 Wiþþ bedess & wiþþ wecchess, Þa lakesst tu þin Drihhtin swa Alls itt wiþþ recless wære; Forr rihht all swa summ recless smec Iss god & swe¯¯t to dowwnenn, Line 6745 All swa iss haliȝ bedesang Full swe¯¯t biforenn Criste. & ȝiff þatt tu þin flæshess will & hire fule lusstess

Wiþþstanndesst þurrhu¯¯tlike wel Line 6750 & cwennkesst wel & cwellesst, Þa slast tu swa þin aȝhenn flæsh & hire fule wille, & offresst Godd þurrh haliȝ þæw Þatt derewurrþe sallfe Line 6755 Þatt mann doþ o þe dæde lic, Þurrh þatt tu slast & cwennkesst Þin aȝhenn flæshess fule lusst & hire fule wille. Þuss birrþ uss alle follȝhenn wel, Line 6760 Þurrh þæwess & þurrh trowwþe, Þa kingess þatt wiþþ þrinne lac Comenn Drihhtin to lakenn; & tuss birrþ uss þurrh haliȝ lif Drihhtin gastlike lakenn, Line 6765 Swa þatt we motenn cwemenn himm & berrȝhenn ure sawle. Þeȝȝ brohhtenn Drihhtin þrinne lac To don uss tunnderrstanndenn, Þatt ure Godd iss þripell Godd Line 6770 Inn Allmahhtiȝ þrimmnesse, Faderr, & Sune, & Haliȝ Gast, An Godd all untodæledd, [col 168] Þatt æfre wass, & iss, & beoþ Wiþþutenn ord & ende, Line 6775 & all þatt wass, & iss, & beoþ, He shop, & ah, & steoreþþ·

& ȝuw birrþ unnderrstanndenn wel & lefenn wel & trowwenn, Þatt mikell flocc off oþre menn Line 6780 Comm forþ wiþþ þa þreo kingess U¯¯t off þe Kalldewisshe land Till Beþþleæmess chesstre. Acc Goddspellboc ne spekeþþ nohht Off all þatt oþerr genge, Line 6785 Acc opennlike & wel itt uss Off þa þreo kingess telleþþ, Forrþi þatt tær wass þurrh þa þreo Þe Crisstenndom bigunnenn Bitwenenn all hæþene follc Line 6790 Þatt þurrh þreo menn wass streonedd, Affterr þatt tatt all mannkinn wass Þurrh Noþess flod offdrunncnedd; Forr all follc wass þurrh Noþess flodd O Noþess time drunncnedd. Line 6795 & efft þurrh Noþess suness þreo Wass hæþenn þeode streonedd, & all hæþene follc wass þær Þurrh þa þreo kingess awwnedd; Forr þurrh þa þreo þatt comenn forþ Line 6800 Þe Laferrd Crist to lakenn, Þurrh hemm, swa summ icc habbe seȝȝd, Wass Crisstenndom bigunnenn Bitwenenn þatt hæþene þeod Þatt þurrh þreo menn wass streonedd. Line 6805 Þe tweȝȝenn wærenn Sæm & Kam, & Jaf毯th wass þe þridde,

Þatt wærenn Noþess þrinne bærn, Forr Noþ hemm haffde strenedd.

Þa hirdess off Judisskenn menn Line 6810 Þatt sohhtenn Crist wiþþ trowwþe, Þatt nahht tatt he wass borenn her Bitwenenn menn onn eorþe, Þeȝȝ wærenn, þatt witt tu full wel, An waȝhe off Cristess kirrke, Line 6815 Off Cristess flocc, Crisstene flocc, [col 169] Þatt Cristess laȝhess haldeþþ· & tatt flocc off hæþene menn Þatt sohhte Crist wiþþ lakess, Þeȝȝ wærenn, þatt witt tu full wel, Line 6820 Rihht alls an oþerr waȝhe. & Jesu Crist tatt drohh till himm Þatt twinne kinne genge, He wass himm sellf þatt hirnestan Þatt band ta tweȝȝenn waȝhess. Line 6825 & all þatt follc þatt trowweþþ nu & lefeþþ uppo Criste, All comm itt off Judisskenn þeod & off hæþene leode; & all itt wass bigunnenn þær Line 6830 I Beþþleæmess chesstre, Þær þa twa gengess comenn till, To lefenn uppo Criste;

& all itt wass bigunnenn þær Þurrh hirdess, & þurrh kingess; Line 6835 & tatt wass don þurrh Jesu Crist, Forr þatt itt shollde tacnenn Þatt ure Laferrd Jesu Crist Iss baþe King, & Hirde; Forr Crist iss King, þatt steoreþþ uss, Line 6840 & Hirde, þatt uss fedeþþ; & ȝiff þatt tu þurrh Crisstenndom & þurrh þe rihhte læfe Willt follȝhenn ure Laferrd Crist, Þe birrþ beon king, & hirde; Line 6845 Þe birrþ beon king, þatt witt tu wel, To steorenn rihht te sellfenn, & ec to steorenn alle þa Þatt arrn i þine walde, Þatt teȝȝ ne draȝhe nohht hemm onn Line 6850 To follȝhenn ille þæwess; & ec þe birrþ beon hirdemann To fedenn hemm & fosstrenn.

Þatt ta þreo kingess comenn forrþ All wiþþ þe rihhte weȝȝe Line 6855 Anan inntill Judealand, Þatt newe king to sekenn, Þatt wass forr þatt teȝȝ haffdenn herrd Þurrh Balaamess lare Þatt Godess Sune, Jesu Crist, Line 6860 Þær shollde borenn wurrþenn.

Þiss illke Balaam wass an Full namecund prophéte Onn alde daȝhess, mikell fresst Biforenn Cristess come. Line 6865 & tatt Kalldealandess follc Þatt comm forr Crist to lakenn, Itt wass off Balaamess kinn & cuþe well hiss lare, & haffde redd upponn hiss boc, Line 6870 Þatt Godess Sune shollde Beon borenn i Judealand & off Judisskenn moderr, To lesenn mannkinn u¯¯t off dæþ & u¯¯t off deofless walde. Line 6875 & forrþi comenn þeȝȝ himm firrst To sekenn i þatt ende, Forr þatt teȝȝ haffdenn herrd tatt he [col 170] Þær shollde borenn wurrþenn; & tatt teȝȝ i Judealand Line 6880 Forrlurenn þeȝȝre steorrne, Þatt wass forr þatt teȝȝ sohhtenn þær Eorþlike witt & lade, Þurrh þatt tatt teȝȝ bigunnenn þær, Amang Judisskenn leode, Line 6885 To fraȝȝnenn hemm whær þeȝȝre king Wass borenn hemm bitwenenn; Forr whase leȝȝeþþ upponn mann Hiss hope & all hiss hellpe,

Himm birrþ forrlesenn all wiþþ rihht Line 6890 Drihhtiness hald & hellpe. & whase sekeþþ ræd & run & witt att deofless þeowwess, Drihhtiness lare & ræd & run Þatt illke mann forrleoseþþ· Line 6895 Herode wollde bliþeliȝ Þatt ȝunge king offcwellenn, Forr þatt he wollde ȝifenn all Hiss aȝhenn sune hiss riche, & forr he wollde ȝemenn himm Line 6900 Þatt he ne wære wreȝedd Biforr þe Romanisshe king Þatt wass hiss oferrlaferrd; Forr ȝiff he léte waxenn þær Awihht off wiþerrstrenncþe Line 6905 Onnȝæn hiss aȝhenn oferrking, Itt birrde himm wel abiggenn, & forrþi wollde he cwellenn Crist, Ȝiff þatt he mihhte himm findenn, Þatt he ne felle i wraþþe onnȝæn Line 6910 Þe Romanisshe leode. & tatt he toc swa stilleliȝ Þa Kalldewisshe kingess, To fraȝȝnenn hemm all dærneliȝ Off þeȝȝre newe steorrne, Line 6915 Þatt dide he forr he nollde nohht Þatt aniȝ mann itt wisste, Forrþi þatt he wass þa forrdredd Off hiss Judisskenn leode,

Off - þatt teȝȝ þeȝȝre rihhte king, Line 6920 Ȝiff þeȝȝ himm owhar wisstenn, Swa munndenn hidenn, þatt he nohht Ne shollde himm muȝhenn findenn, & forrþi nollde he nohht tatt teȝȝ Ohht herrdenn off þe sterrne, Line 6925 Noff þatt he wollde cwellenn himm, [col 171] Ȝiff þatt he mihhte himm findenn Forr þatt he wass forrdredd tatt teȝȝ Himm sholldenn summwhær hidenn.

Þatt Josæp nass nohht i þatt hus Line 6930 Wiþþ Sannte Marȝe fundenn, Þær þa þreo kingess comenn inn To lefenn uppo Criste, Þatt wass full wel, & tatt bilammp All affterr Godess wille. Line 6935 & itt wass baþe god & ned Till þatt Kalldewe genge, Þatt haffde follghedd aȝȝ till þa Illc hæþenndom & dwilde, & naffde næfre numenn gom Line 6940 Noff Godd, noff Godess lare; Forr ȝiff þa Kalldewisshe menn Haffdenn þatt time fundenn Josæp þærinne wiþþ þe child, & wiþþ þe childess moderr, Line 6945

Line 6945 Þeȝȝ munndenn trowwenn þatt te child Josæpess sune wære, & tatt hiss moderr wære wif, & nohht maȝȝdenn full clene; All þiss þeȝȝ munndenn trowwenn ske¯¯t, Line 6950 Forrþi þatt teȝȝ þatt time Ȝe¯¯t unnderrstodenn littlesswhatt Off all þe rihhte trowwþe, & all forrþi wass swiþe wel Þatt Josæp wass aweȝȝe, Line 6955 Þatt all þatt genge mihhte þær Rihht lefenn uppo Criste. & tatt wass þe þrittende daȝȝ Off Jesu Cristess elde, Þatt he wass onne i Beþþleæm Line 6960 Þurrh þa þreo kingess lakedd. & þinnke ȝuw nan wunnderr off Þatt ta þreo kingess comenn Fra Kalldea till Beþþleæm Uppo þrittene daȝȝess; Line 6965 Forr þatt follc rideþþ onn a der Þatt iss Droméluss nemmnedd, Þatt onn a daȝȝ wiþþ hefiȝ sæm Erneþþ an hunndredd mile; & forrþi mihhtenn þeȝȝ full wel Line 6970 Binnenn þrittene daȝȝess Uppo þatt der, þatt iss swa swifft, Full mikell weȝȝe forþenn. Þatt steorrne, þatt hemm awwnedd wass To ledenn hemm þe weȝȝe, Line 6975

Line 6975 Warrþ all to nohht forrþrihht anan Affterr þatt Crist wass fundenn.

Maþew þe Goddspellwrihhte seȝȝþ Þatt Crist comm her to manne I Beþþleæm Jude, forr swa Line 6980 To don uss tunnderrstanndenn, Þatt tweȝȝenn burrȝhess wærenn þa Þa Crist comm her to manne, An i þe land off Galile I Zabuloness maȝȝþe, Line 6985 An oþerr i Juda nohht ferr Fra Ȝerrsalæmess chesstre, & eȝȝþerr, wiss to fulle soþ, Wass Beþþleæm ȝehatenn. & ec he seȝȝþ þatt Jesu Crist Line 6990 Wass borenn her to manne Upponn Herode kingess daȝȝ, To don uss tunnderrstanndenn Þatt Jesu Crist wass witerrliȝ Þatt illke, off whamm profetess Line 6995 Haffdenn forrlannge cwiddedd ær, Þatt Issraæle þede Aȝȝ sholldenn habbenn allderrmenn & kingess off hemm sellfenn, Aȝȝ till þatt Godess Sune Crist Line 7000 To manne cumenn shollde; Forr þatt wass filledd opennliȝ Þurrh Jesu Cristess come,

Þatt comm upponn Herodess daȝȝ To wurrþenn mann onn erþe; Line 7005 Forr þatt unnfæle Herode king, Þatt Crist wass borenn unnderr, Ne wass nohht off Judisskenn þed Acc off hæþene þede. & þurrh þe king off Romeburrh Line 7010 Himm ȝifenn wass þatt riche, & he wass all hæþene king Amang Judisskenn þede, Þatt time þatt te Laferrd Crist Wass borenn her to manne. Line 7015 Þatt tun wass nemmnedd Beþþleæm Þatt Crist wass borenn i˘ne, & itt wass nemmnedd Effrata Biforenn þatt forrlannge, Forr uss to tacnenn mikell þing Line 7020 Þatt siþþenn shollde wurrþenn; Forr Beþþleæm bitacneþþ uss Þatt hus þatt bræd iss inne, & Effrata bitacneþþ uss Shæwerrne onn Ennglissh spæche. Line 7025 & baþe tacnenn opennliȝ Þa góde menness herrtess, Þatt nittenn eche lifess bræd Till þeȝȝre sawle berrhless, Þe Laferrd Cristess flæsh & blod Line 7030 All affterr Cristess lare, & sen & shæwenn þurrh innsihht & þurrh þe rihhte læfe

Off Godess kinde, off Godess mahht, Off Godess eche wullderr, Line 7035 All þatt tatt erþliȝ mann maȝȝ sen Þurrh clennsedd sawless eȝhe. & gode menness clene lund, & gode menness herrtess, Þeȝȝ sinndenn þatt hallȝhe gessthus Line 7040 Þatt Crist iss borenn inne; Forr Cristess resste & Cristess ro & Cristess swete slæpess Sinndenn, þatt witt tu wel forr soþ, I gode menness herrtess; Line 7045 & gode menness clene lund, & gode menness herrtess, Tihhtenn & turrnenn hæþenn follc & ec Judisskenn lede, Þurrh haliȝ bisne & haliȝ spell, Line 7050 To lefenn uppo Criste, To sekenn Crist, to lutenn Crist, To lakenn Crist o cnewwess, All swa summ Judewisshe led & Kalldewisshe comenn Line 7055 Till Effrata, till Beþþleæm, To lefenn uppo Criste. Þe Kalldewisshe follc comm forþ To sekenn Crist wiþþ lakess, & seȝȝdenn till Judisskenn follc, Line 7060 Swa summ þe Goddspell kiþeþþ, Whær iss þe Judewisshe king Þatt borenn iss nu newenn?

Forr þatt teȝȝ wolldenn don hemm swa To sen & tunnderrstanndenn, Line 7065 Þatt teȝȝ þe laþe Herode king Ne comenn nohht to sekenn, Þatt ta wass winntredd mann & ald, & nass nohht borenn newenn.

Maþþew þe Goddspellwrihhte seȝȝþ Line 7070 Þatt ta Kalldisskenn kingess Þatt comenn forr to sekenn Crist Wærenn Magy ȝehatenn, & Magy sinndenn alle þa Þatt follȝhenn defless crafftess, Line 7075 Driȝmenn, weppmenn & wifmenn ec, Þatt follȝhenn wicche crafftess. Acc þa þatt sohhtenn Jesu Crist Wærenn Magy ȝehatenn, & nærenn þeȝȝ nohht tohh driȝmenn Line 7080 To follȝhenn wicche crafftess, Acc wærenn, þatt witt tu full wel, Uþwi˘tess swiþe wise, Þatt haffdenn dep innsihht & witt Off fĕle kinne þingess, Line 7085 & unnderrstodenn maniȝwhatt Þurrh snoterr gyn bi sterrness, & wærenn off an land tatt wass Pærsa bi name nemmedd. & tær iss i þatt illke land Line 7090 An æ Sabá ȝehatenn,

& all þatt land iss ec Sabá Affterr þatt waterr nemmnedd, & itt iss i Kalldealand œst, tær þe sŭne riseþþ· Line 7095 & ta þatt comenn off þatt land To sekenn Crist wiþþ lakess, Þeȝȝ wisstenn wel þatt Crist wass Godd, Þurrh þatt teȝȝ sæȝhenn heffne Buȝhenn till himm, to þewwtenn himm Line 7100 Wiþþ new & unncuþ sterrne, Þatt forrþrihht shapenn wass þurrh Crist, To tæchenn whær he wære, & forr to tacnenn Crisstenndom & all þe rihhte læfe, Line 7105 Þatt shollde ledenn hæþenn þed Upp inntill heffness blisse, Swa summ þatt sterrne ledde forþ Þatt Kalldewisshe lede Till Effrata, till Beþþleæm Line 7110 Þatt Crist wass borenn inne. New sterrne, & all unncuþ wass wrohht, Forr þatt itt shollde tacnenn Þatt newe Adam þatt cumenn wass All unncuþ her to manne. Line 7115 Kalldisske þed comm forþ & cwaþþ; Whær muȝhe we nu findenn Þiss Judewisshe follkess king Þatt iss nu borenn newenn? & tatt wass seȝȝd alls iff þeȝȝ þuss Line 7120 Wiþþ oþre wordess seȝȝdenn,

Ne telle himm nohht Herode king Forr king off Godess lede, Forr nass he nohht þurrh Godess follc O Godess hallfe crunedd, Line 7125 Ne nohht niss himm kinde to ben King off Judisskenn þede; Acc wi˘te ȝe to fulle soþ, Þatt her iss borenn newenn An child off þiss Judisskenn þed Line 7130 All affterr Godess wille, Þatt shall ben þiss Judisskenn king All þurrh rihht aþell kinde, & forrþi cume we nu forþ To lakenn himm wiþþ maddmess, Line 7135 & forr to lefenn upponn himm & buȝhenn himm o cnewwess, Forr þatt we sen full witerrliȝ Þurrh hefennlike takenn, Þatt he to manne cumenn iss, Line 7140 Soþ Godd off Godd ankennedd.

Maþþew þe Goddspellwrihhte seȝȝþ O þiss Goddspelless lare, Þatt tatt unnfæle Herode king Wass gramm & grill & bollȝhenn Line 7145 Forrþrihht, son summ himm awwnedd wass Off þatt Kalldisskenn genge, Þatt cumenn wass inntill hiss land, An new king forr to sekenn,

To lutenn himm, to lakenn himm, Line 7150 To buȝhenn himm o cnewwess. & wen iss þatt he wass forrdredd & serrhfull inn hiss herrte, Forr þatt he wennde þatt tatt follc Upponn himm cumenn wære Line 7155 Wiþþ strenncþe, forr to niþþrenn himm, To wannsenn himm hiss riche. & wel itt mihhte ben þatt he Wass gramm & grill & bollȝhenn All forr þe náness, forr þatt he Line 7160 Swa wollde don hiss lede To ben all þess te mare offdredd Off himm & off hiss eȝȝe. Forr ȝiff þe riche mann iss braþ, & grimme, & tór to cwemenn, Line 7165 Hiss lede þatt iss unnderr himm Himm dredeþþ þess te mare; & tohh swa þehh ne till þe follc, Ne till þe laferrd nowwþerr Niss þatt nohht þwerrt u¯¯t god inoh Line 7170 Till þeȝȝre sawle berrhless, Þatt he be grimme & aȝhefull, & braþ & tór to cwemenn, Forr he maȝȝ ben swa grimme mann Þatt he beþ laþ hiss lede, Line 7175 & tatt iss eȝȝþerr himm & hemm Unnhalsumm to þe sawle. & forrþi birrþ himm stanndenn in To don wiþþ word & dede,

Þatt hise lede lufenn himm Line 7180 & blettcenn himm wiþþ herrte, Forr þatt iss himm & ec hiss follc God hellpe to þe sawle; & tohh swa þehh iss ned tatt he Dredinng & aȝhe sette Line 7185 On alle þa þatt lufenn toþþ & woh & unnsahhtnesse, To don hemm follȝhenn laȝhe & griþþ All þeȝȝre æbære unnþannkess, Ȝiff þatt teȝȝ þeȝȝre þannkess griþþ Line 7190 Ne kepenn nohht to follȝhenn; Forr miccle bettre iss to þe mann Wiþþ lif & ec wiþþ sawle, To don all hiss unnþannkess god Þan ifell hise þannkess. Line 7195 & ec Herode king wass grill, & gramm, & breme, & bollȝhen, Forr þatt himm wass full laþ þatt Crist Wass cumenn þa to manne; Forr aȝȝ þe laþe gastess þeww Line 7200 Iss gramm, & grill, & bollȝhenn Aȝȝ, whannse he seþ þatt Godess rihht & Godess laȝhe riseþþ·

Herode le¯¯t himm brinngenn to Bisshopess off dep lare, Line 7205 & ȝe¯¯ an oþerr læredd follc Þatt ec wass depe læredd;

& teȝȝre wikenn wass forrþi To spellenn to þe lede Off-hu þeȝȝ mihhtenn cwemenn Godd Line 7210 Þurrh þæwess & þurrh dedess, & þurrh þe rihhte læfe o Godd, Þurrh laȝhess & þurrh lakess; & teȝȝ, þatt witt tu fuliȝwiss, Wærenn Scribe ȝehatenn, Line 7215 Forrþi þatt teȝȝre wikenn wass To writenn laȝhebokess, & ec to spellenn to þe follc Off laȝhess & off lakess. Kalldisskenn follc seȝȝde þatt Crist Line 7220 Wass borenn, wiss to soþe, & seȝȝdenn ec whatt daȝȝ þeȝȝ firrst Þe newe sterrne sæȝhenn, Þurrh whatt teȝȝ wisstenn wel whatt daȝȝ Crist borenn wass onn erþe; Line 7225 Acc whær o lande he borenn wass, Þatt wass hemm all unnawwnedd, & forrþi wass hemm sterrne sett, To ledenn hemm þe weȝȝe Anan inntill þatt illke tun Line 7230 Þatt Crist wass borenn inne. & tatt Judisskenn læredd follc, Bisskopess & larewess, Þatt unnderrstodenn all off Crist Þatt wi˘tess haffdenn cwiddedd, Line 7235 Þeȝȝ seȝȝdenn hu þatt illke land, & hu þatt tun wass nemmnedd,

Þær Messyass soþ Crist, soþ Godd, To manne cumenn sollde; Acc nisstenn þeȝȝ nohht tohh swa þehh Line 7240 Whatt time he cumenn wollde; Acc þatt wisste Kalldisskenn follc, Þatt he wass cumenn þanne, Þatt wisstenn þeȝȝ þurrh þatt hemm wass Awwnedd tatt newe sterrne. Line 7245 & swa þurrh þatt Kalldisskenn follc, & ec þurrh þatt Judisskenn, Well mikell lerrnde Herode king Off Crist, & off hiss come; Forr baþe he lerrnde wel þurrh hemm Line 7250 Whatt daȝȝ, & whære o lande, Þatt ȝunge wennchell borenn wass Off þatt Judisskenn lede, Þatt shollde ben Judisskenn king All wiþþ rihht aþell kinde. Line 7255 & sone siþþenn sennde he forþ Þatt Kalldewisshe genge, To sekenn þatt Judisskenn king I Beþþleæmess chesstre, Forr þatt he wollde cwellenn himm, Line 7260 Ȝiff þatt he mihhte himm findenn. Þatt burrh wass Daviþþ kingess burrh Þatt Crist wass borenn inne; & tatt wass baþe rihht & wel Þatt Crist wass borenn þære, Line 7265 Forr Crist wass off Daviþess kinn, & King off alle kingess.

Kalldisskenn lede seȝȝde þuss Till Issraæle þede; We sæȝhenn æst in ure land Line 7270 Þiss newe kingess sterrne, We sæȝhenn itt full brad & brihht œst, tær þe sunne ríseþþ· & tiss bilimmpeþþ wel till Crist Off þatt he comm to manne; Line 7275 Forr Crist sellf iss þatt sterrnelem Þatt all mannkinn birrþ follȝhenn, & Crist iss ec soþ sunnebæm Þatt all þiss werelld lihhteþþ, Þatt sunnebæm þatt riseþþ aȝȝ Line 7280 I gode menness herrtess, Þurrh þatt he doþ hemm risenn aȝȝ Upp inntill heȝhe mahhtess. & wunnderr mikell shame wass Till Issraæle þede Line 7285 Þatt hæþenn follc, Kalldisskenn follc, Wass warr off Cristess come, & teȝȝ þatt haffdenn lare inoh Off þatt he cumenn shollde, Nærenn nohht warre off þatt, tatt he Line 7290 Wass cumenn þa to manne & alle þa þatt herrdenn itt & wisstenn itt off siþre, Þatt he wass cumenn sikerrliȝ Forr all mannkinne nede, Line 7295 & nohht ne kepptenn þohh onn himm To lefenn ne to trowwenn,

Hemm alle beþ o Domess daȝȝ Binumenn muþ & spæche Þatt wise, þatt næfr an off hemm Line 7300 Ne shall þær muȝhenn mælenn Ȝæn Crist, forr to bitellenn himm Off — þatt he shall till helle, Forr þatt teȝȝ wisstenn wel þatt he Wass cumenn her to manne, Line 7305 & tohh swa þehh þurrh hete & niþ Himm all þwerrt u¯¯t forrwurrpenn.

Herode king le¯¯t sekenn Crist, & seȝȝde, þatt he wollde Lefenn onn himm & lutenn himm, Line 7310 & lakenn himm wiþþ maddmess, & þohhte þohh to cwellenn himm, Ȝiff þatt he mihhte himm findenn; & forrþi nass he rihht nohht wurrþ To findenn Crist tatt time, Line 7315 Acc he shall findenn Crist inoh O Domess daȝȝess time, Þa Crist shall himm wiþþ all rihht dom Till hellepine demenn. & he bitacneþþ alle þa, Line 7320 Þatt witt tu wel to soþe, Þatt lætenn þatt teȝȝ lufenn Crist & hise laȝhess haldenn, & wilenn þatt menn haldenn hemm Forr gode menn & clene, Line 7325

Line 7325 & sindenn þohh biforenn Godd Unnclene & all unncweme, I dærne unnclene þohht & þæw, I dærne unnclene dede. Þeȝȝ lætenn þatt teȝȝ sekenn Crist Line 7330 Biforenn menness ehne, Acc þeȝȝ ne findenn himm rihht nohht Till þeȝȝre sawle berrhless; Forr Crist forrwerrpeþþ falls & flærd, & iwhillc unnclænnesse. Line 7335 Þe sterrne comm rihht till þatt hus Þatt Crist wass borenn inne, & flæh itt ta na forrþerr mar Acc heng þæroferr stille. & tatt wass don alls iff itt tuss Line 7340 Wiþþ openn spæche seȝȝde, Her i þiss hus iss Crist, soþ Godd, Þatt cumenn iss to manne, Þatt me nu newenn shop þuss brihht, Forr þatt I shollde ledenn Line 7345 Þiss Kalldewisshe follc till himm, & tæchenn hemm þe weȝȝe. Þa kingess fellenn dun, itt seȝȝþ, To lutenn Crist & lakenn, & tær þeȝȝ gæfenn swa þurrh þatt Line 7350 Off soþ mecnesse bisne; Forr niss nan mann þatt lutenn maȝȝ Ne lakenn Godd tocweme, Wiþþutenn himm þatt lakeþþ Godd Wiþþ lac off soþ mecnesse. Line 7355

Line 7355 Þurrh þatt te Kalldewisshe follc Oppnedenn þeȝȝre maddmess, Nohht i þe stræte, acc i þatt hus Þatt Crist wass borenn inne, Þærþurrh wass þe bitacnedd wel Line 7360 Hu þe birrþ Drihhtinn lakenn. Ne birrþ þe nohht forr erþliȝ loff, Ne nohht forr menness spæche, U¯¯t i þe stræte oppnenn þin hord, To don þin allmess dede Line 7365 Biforenn follc, þurrh idell gellp, Ne þurrh nan modiȝnesse, Forr swa to winnenn erþliȝ loff Wiþþ allmess þatt tu wirrkesst; Acc þe birrþ dærnelike don, Line 7370 Wiþþ innwarrd herrte & clene, Þin allmess dede onn alle þa Þatt hafenn ned off hellpe, & te birrþ i þin herrtess hus Aȝȝ innwarrdlike ȝernenn, Line 7375 Þatt Godd Allmahhtiȝ cweme be Whattse þu dost to gode, & tatt he ȝelde þe þi læn Inn heffne þurrh hiss are. Þatt hord tatt haldenn wass & hidd, Line 7380 & dærne & all unnawwnedd, A whil þatt ta Kalldisskenn menn Amang unnwiness wærenn, Þatt hord wass to bitacnenn uss, Þatt uss ne birrþ nohht awwnenn Line 7385

Line 7385 Hu mann birrþ lefenn uppo Godd, Ne nohht off Godess lare, Biforenn þatt unnfæle follc Þatt skirrpeþþ þær onnȝæness, Biforenn þa þatt tăkenn all Line 7390 Onn hæþinng þatt we spellenn; Forr ȝiff þeȝȝ herenn ohht off Godd, & skirrpenn þær onnȝæness, Þa beþ hemm ȝarrkedd mare inoh & werrse pine inn helle, Line 7395 Þann iff þeȝȝ haffdenn herrd itt nohht Ne skarnedd tær onnȝæness, & forrþi birrþ þe lokenn þe Þatt tu till hemm ne spelle, Þatt hemm ne falle þurrh þin spell Line 7400 Þe mare wa to dreȝhenn. Heroffe seȝȝþ þe Goddspellboc Þatt Crist himm sellf þuss seȝȝde; Ne birrþ þe nohht nan haliȝ þing Biforenn hundess werrpenn, Line 7405 Ne nohht ne birrþ þe to þe swin Werrpenn marrgrotestaness; Forr þa þatt lætenn hæþeliȝ Off Godess hallȝhe lare, Þeȝȝ sindenn wiss hundess & swin Line 7410 Þurrh þeȝȝre laþe sinness. & þurrh þatt hord tatt oppnedd wass & draȝhenn forþ & awwnedd Þurrh þa þre kingess, i þatt hus Þatt Crist wass borenn inne, Line 7415

Line 7415 Þærþurrh wass uss tacnedd tatt uss Birrþ awwnenn Godess lare Till alle þa þatt lufenn itt, & ȝernenn itt to lernenn, Till alle þa þatt cumenn forþ Line 7420 To wurrþenn Cristess þewwess, Till alle þatt i Godess hus Þurrh soþ mecnesse turrnenn Till fulluhht & till Crisstenndom, & till þe rihhte læfe, Line 7425 Hemm alle uss birrþ i Godess hus Wiþþ soþ mecnesse shæwenn Hu þeȝȝm birrþ lefenn uppo Godd, & hise laȝhess haldenn. Þa þre kingess lakedenn Crist Line 7430 Wiþþ þrinne kinne lakess, Wiþþ recless, & wiþþ gold, & ec Wiþþ myrra, an dere sallfe, Forr þatt teȝȝ wisstenn þatt he wass Soþ Godd i mennisscnesse, Line 7435 & King off alle shaffte, & ec Soþ mann þatt wollde swelltenn. & ec þa kingess comenn þa Till Crist wiþþ swillke lakess, To lihhnenn þatt lærede follc, Line 7440 Þatt þurrh dwallkennde lare Tahhtenn & turrndenn lawedd follc To lefenn wrang o Criste. Þeȝȝ gæfenn Crist recless to lac, Forr þatt teȝȝ wolldenn lihhnenn Line 7445

Line 7445 All þatt unnfæle læredd led, Þatt dide menn to trowwenn Þatt nass nohht rihht to brinngenn lac Ne toffrenn ohht till owwþerr, Till Sune, ne till Haliȝ Gast, Line 7450 Acc till þe Faderr ane. Off all þiss laþe læredd follc Þatt we nu mælenn ummbe Wass maȝȝstredwale, an defless þeww, Þatt Arriuss wass nemmnedd. Line 7455 Þeȝȝ brohhtenn Crist off myrre lac, Forr þatt teȝȝ wolldenn lihhnenn All þatt unnfæle læredd led, Þatt dide menn to trowwenn Þatt Jesu Crist nass næfre dæd Line 7460 In ure mennisscnesse. Off all þiss laþe læredd follc Þatt we. . . . . . . . . .de. . . . . . . . . . Þa þreo kingess i peȝȝre þohht Line 7465 O Drihhtin haffdenn bonedd, Þatt he þeȝȝm ȝæfe raþ þatt nahht [col 172] Þurrh Haliȝ Gastess rune, Ȝiff þatt teȝȝ sholldenn oþerr nohht Efft wendenn till Herode. Line 7470 & Godess Gast anndswere hem ȝaff Him sellf & nohht þurh enngell,

Þatt teȝȝ ne sholldenn nohht onȝæn Efft wendenn till Herode, Acc farenn ham till here land Line 7475 All wiþþ summ oþerr weȝȝe. All þiss hem seȝȝde Godess Gast O bedde þer þeȝȝ slepptenn, Forr þatt he wollde þurrh þatt slep Well mikell þing bitacnenn. Line 7480 Itt tacneþþ uss þatt alle þa Sinndenn Drihhtin full cweme, Þatt slæpenn fra þe weorrldess lusst & wakenn aȝȝ wiþþ Criste. & tatt ta kingess forenn ham Line 7485 All wiþþ an oþerr weȝȝe, Þatt uss bitacneþþ mikell þing, Þatt uss iss ned to follȝhenn. Uss alle birrþ till ure land Wiþþ oþerr weȝȝe wendenn; Line 7490 Ure allre land iss Paradis, Forr þeþenn u¯¯t we comenn. Adam & Éve wærenn don I Paradisess riche, To libbenn a wiþþutenn dæþ, Line 7495 & aȝȝ occ aȝȝ i blisse, Ȝiff þatt þeȝȝ wolldenn Godess word & Godess wille follȝhenn. Acc þeȝȝ forrlurenn Paradys Þurrh þeȝȝre baþre gillte, Line 7500 Þurrh þatt teȝȝ Godess bodeword Forrletenn & forrȝemmdenn.

Þeȝȝ ba forrlurenn Paradis Þurrh laþ unnherrsummnesse; & uss birrþ cumenn efft onnȝæn Line 7505 Þurrh luffsumm herrsummnesse; Forr uss birrþ beon fullherrsumm follc To follȝhenn Godess wille, & swa we muȝhenn cumenn efft Onnȝæn wiþþ oþerr weȝȝe. Line 7510 Þeȝȝ ba forrlurenn Paradys Þurrh sinnfull grediȝnesse; & uss birrþ weorelldþingess lusst Forrbuȝhenn & forrwerrpenn, & uss birrþ follȝhenn mett & mæþ Line 7515 I claþess & i fode, Forr swa to cumenn efft onnȝæn Till Paradisess riche Wiþþ all an oþerr kinness lif, Þatt iss, wiþþ oþerr weȝȝe. Line 7520 Þeȝȝ ba forrlurenn Paradys Þurrh hefiȝ modinesse; & uss birrþ follȝhenn soþ meocleȝȝc Wiþþ bodiȝ & wiþþ herrte. Uss birrþ lætenn unnorneliȝ Line 7525 & litell off uss sellfenn, & lætenn wel off oþre menn, & lutenn hemm & lefftenn; & swa we muȝhenn cumenn efft Onnȝæn wiþþ oþerr weȝȝe Line 7530 Till ure land i Paradys, Þurrh soþ meocnessess lade.

Þeȝȝ ba forrlurenn Paradys [col 173] Þurrh sinnfull gluterrnesse, & tu þurrh mæþ i mete & drinnch Line 7535 Mihht winnenn efft tatt illke; Forr mikell mihhte itt hellpenn uss To winnenn heoffness blisse, Ȝiff þatt we wolldenn tăkenn aȝȝ Unnorne fode & litell, Line 7540 & ȝiff we wolldenn shunenn aȝȝ To fillenn uss wiþþ esstess; Forr swa we mihhtenn follȝhenn Crist & hise Leorninngcnihhtess, Þatt tokenn aȝȝ wiþþ mikell mæþ Line 7545 & aȝȝ unnorne fode. All þuss we muȝhenn cumenn efft Till Paradysess riche Wiþþ oþerr weȝȝe, ȝiff þatt we All affterr ure mihhte Line 7550 Aȝȝ follȝhenn Godess bodeword & aȝȝ forrbuȝhen sinne, Onnȝæn þatt ta twa firrste menn Ne wolldenn nowwþerr haldenn, Ne follȝhenn Godess bodeword, Line 7555 Ne ȝemenn hemm fra sinne. Þa kingess alle forenn ham, & come þeȝȝ na mare Till þatt unnfæle Herode king; Forr þatt itt shollde tacnenn Line 7560

Line 7560 Þatt whase wile borrȝenn beon & brukenn eche blisse, Himm birrþ all þwerrt u¯¯t wurrþenn shadd Fra deofell & fra sinne. & ure Laferrd Jesu Crist Line 7565 Uss ȝife þurrh hiss are To shædenn uss fra sinne swa, & fra þe deofless wille, Swa þatt we motenn borrȝhenn beon Att ure lifess ende. Line 7570

Amæn;·

SECUNDUM LUCAM XI.

Postquam impleti sunt dies purificationis Marie.

Forrþrihht se tíme comm þærto Þatt ure laffdiȝ Marȝe, Affterr Judisskenn laȝhess boc, Þe minnstre shollde sekenn, Menn tokenn hire dere child Line 7575 & bærenn himm to kirrke, & leddenn hire forþ wiþþ himm, Swa summ þe boc hemm tahhte. Þeȝȝ comenn inntill Ȝerrsalæm & inntill Godess minnstre, Line 7580 Forr þatt teȝȝ sholldenn offrenn þær Þe child o Godess allterr,

Wiþþ all swillc lac alls hemm wass sett Þurrh Drihhtin þær to brinngenn. Þatt lac þatt tær wass brohht wiþþ himm Line 7585 Wass tweȝȝenn cullfre briddess, Swa summ þe Goddspellwrihhte seȝȝþ, Oþþr itt wass tweȝȝenn turrtless. & tær wass cumenn o þatt daȝȝ An haliȝ mann to minnstre, Line 7590 & he wass hátenn Symeon, Swa summ þe Goddspell kiþeþþ, & he wass full off Haliȝ Gast Þatt dide himm tunnderrstanndenn Þatt tatt wass Godess Sune & Godd, Line 7595 Þatt tær wass brohht to kirrke. & he wass an Judisskenn mann Full haliȝ i þatt time, & haffde ȝeornedd inn hiss þohht Aȝȝ affterr Cristess come, Line 7600 & haffde ȝeornedd aȝȝ þatt he [col 174] Swa lannge mosste libbenn, Þatt he wiþþ ehhne mihhte seon Þe Laferrd Crist onn eorþe. & Drihhtin haffde ȝatedd himm Line 7605 Þatt bone þatt he ȝeorrnde, & haffde himm seȝȝd þurrh Haliȝ Gast, Þatt nohht ne shollde he swelltenn Biforenn þatt he shollde seon Crist, Godess Sune, onn eorþe. Line 7610

Line 7610 & he wass brohht þurrh Haliȝ Gast Þatt daȝȝ till Godess temmple. & son se Cristess kinness menn Þær brohhtenn Crist to kirrke, Þatt hallȝhe were Symeon Line 7615 Himm toc bitwenenn arrmess, & seȝȝde towarrd Drihhtin þuss, Swa summ þe Goddspell kiþeþþ; L毯t nu Drihhtin, l毯t nu þin þeoww U¯¯t off þiss weorelld wendenn Line 7620 Wiþþ griþþ, swa summ þu me bihe¯¯t, L毯t me nu newenn swelltenn; Forr her I seo full witerrliȝ Þin Hælennd Crist onn eorþe, Þatt þurrh þin are ȝarrkedd iss Line 7625 Biforenn alle þeode, Till hæþenn þeode lihht & leom Off eche rihhtwisnesse, & till þiss Judewisshe follc Wurrþshipe & eche wullderr. Line 7630

Josæp, swa summ þe Goddspell seȝȝþ, & Marȝe Cristess moderr Wundredenn baþe off all þatt hemm Wass cwiddedd tære off Criste.

& Symeon þatt hallȝhe mann Line 7635 Ȝaff hemm blettsinnȝe baþe, & seȝȝde to þe laffdiȝ þuss, Swa summ þe Goddspell kiþeþþ, Þiss child iss borenn her to þann Þatt fĕle shulenn fallenn, Line 7640 & fĕle shulenn risenn upp I þiss Judisskenn þeode. & tiss child iss to merrke sett Bitwenenn menn onn eorþe, & maniȝ mann þiss merrke shall Line 7645 Wiþþstanndenn & wiþþseggenn. & te shall þurrh þiss childess swerd Þurrhwundedd beon þin sawle, [col 175] Þurrh whamm shall maniȝ dærne þohht Beon oppnedd all & awwnedd. Line 7650

& ec þær comm an widdwe forþ Þatt wass Drihhtin full cweme, & ȝho wass full off Haliȝ Gast To spekenn þær off Criste, & ȝho spacc þære off Crist till þa Line 7655 Þatt ȝeorrndenn Cristess come, & seȝȝde hemm whatt tatt wennchell wass, & whatt he shollde forþenn. Þatt widdwe wass an haliȝ wif, & ȝho wass hatenn Anne, Line 7660

Line 7660 & ȝho wass clene maȝȝdennmann Þatt daȝȝ þatt ȝho toc macche; & siþþenn wass ȝho sefenn ȝer God wif wiþþ hire macche. & tanne comm hiss endedaȝȝ Line 7665 & ȝho bilæf o life. & affter þatt tatt he wass dæd Ne toc ȝho wiþþ nan oþerr, Acc ledde siþþenn widdwe lif Inn alle gode þæwess. Line 7670 & ȝho wass, þatt witt tu full wel, Aȝȝ siþþenn att te temmple, To þeowwtenn Godd wiþþ bedesang, Wiþþ fasstinng & wiþþ wecche. & ȝho wass sextiȝ winnterr ald Line 7675 & fowwre & twenntiȝ þanne; & hire faderr Fanuæl Wass off Asæress maȝȝþe, & Asær wass, þatt witt tu wel, An off þe Patriarrkess. Line 7680 & ȝho spacc off þatt little child Þatt tær wass brohht to kirrke, Off þatt he wass Allmahhtiȝ Godd, & mann i lif & sawle. & affterr þatt te Laferrd Crist Line 7685 Wass offredd tær wiþþ lakess, & affterr þatt teȝȝ haffdenn don All þatt te boc hemm tahhte, Þeȝȝ wenndenn ham wiþþ heore child, & feddenn himm wiþþ blisse, Line 7690

Line 7690 All alls hiss lefe wille wass Þatt menn himm sholldenn fosstrenn. & teȝȝre child, te Laferrd Crist, Wel wex, & wel wass frofredd; & he wass full off Godess witt, Line 7695 & full off Godess wille;· Her endenn twa Goddspelless þuss, & uss birrþ hemm þurrhsekenn, To lokenn whatt teȝȝ lærenn uss Off ure sawle nede. Line 7700

Rihht o þatt daȝȝ þatt Crist wass off Fowwerrtiȝ daȝhess elde, Rihht o þatt daȝȝ þeȝȝ brohhtenn himm Wiþþ lac till Godess allterr; & tatt daȝȝ mang Ennglisshe menn Line 7705 Iss Kanndellmesse nemmnedd. & tatt te Laferrd Jesu Crist Þa wollde, þatt hiss moderr Swa shollde to þe kirrke gan, & Godess laȝhe fillenn, Line 7710 Swa summ ȝho shollde clennsedd beon, Ȝho þatt wass þwerrt u¯¯t clene, Ȝho þatt wass clene maȝȝdenn þa & siþþenn butenn ende, Þatt dide he, forr he wollde swa Line 7715 Þurrh himm & þurrh hiss moderr Uss alle samenn brinngenn onn To follȝhenn þeȝȝre bisne,

[col 176] To follȝhenn Godess laȝhess wel Aȝȝ affterr ure mihhte; Line 7720 Forr þatt iss ure Crisstenndom Þatt shall uss alle berrȝhenn, Ȝiff þatt we Cristess laȝhess rihht Wiþþ innwarrd herrte follȝhenn. Þatt lac þatt offredd wass wiþþ Crist Line 7725 Wass tweȝȝenn cullfre briddess, Swa summ þe Goddspell telleþþ uss, Oþþr itt wass tweȝȝenn turrtless, Þatt wass þatt lac þatt ta wass sett, Amang Judisskenn þeode, Line 7730 Þurrh Drihhtin sellfenn to þatt wif Þatt usell wass & wædle. To riche wif Godd haffde sett An lamb & ec an cullfre, & ȝiff ȝho naffde cullfre nan Line 7735 Þa toc ȝho lamb & turrtle. & aȝȝ ȝho brohhte twinne lac, Forr þatt itt shollde tacnenn Þatt her iss twinne lufe sett Bitwenenn menn onn eorþe; Line 7740 Forr uss birrþ lufenn Godd & mann, Swa summ þe Goddspell tæcheþþ, Forr swa to winnenn resste & ro & eche lifess blisse. Þe lamb bitacneþþ uss þatt uss Line 7745 Birrþ ure Drihhtin cnawenn,

& lufenn himm, & follȝhenn himm, & herrcnenn hise spelless, & iwhillc an birrþ milde beon & follhsumm towarrd oþerr. Line 7750 & swa we muȝhenn alle imæn Þe lambess bisne follȝhenn; Forr lamb iss soffte & stille deor, & liþe & meoc & milde, & itt cann cnawenn swiþe wel Line 7755 Hiss moderr þær ȝho blæteþþ, Bitwenenn an þusennde shep Þohh þatt teȝȝ blætenn alle. & uss birrþ all swa cnawenn Godd Bitwenenn alle shaffte, Line 7760 & uss birrþ witenn whatt iss Godd, & whatt iss Godess shaffte, & all hu mann birrþ þeowwtenn Godd Himm ane, & nohht hiss shaffte. Þiss birrþ uss unnderrstanndenn all, Line 7765 Þatt ure nan ne þurrfe U¯¯t off þe rihhte weȝȝe gan Wiþþ dede, ne wiþþ trowwþe. Þe laffdiȝ lac wass litell lac Forrþi þatt ȝho wass wædle, Line 7770 Acc itt wass god biforenn Godd, Forr ȝho wass Godd full cweme; & itt bitacneþþ mikell þing, Þatt uss. . . . . Cullfre ne lifeþþ nohht bi flessh, Line 7775 Ne bi nan þing þatt deȝeþþ,

& te birrþ ȝemenn þe full wel Fra dæde werrkess alle, Fra depe sinness þatt tu mahht Wel nemmnenn dæde werrkess; Line 7780 Forr sinness draȝhenn sinnfull mann Till helledæþ onn ende, Butt iff he muȝhe hemm i þ ss lif Birewenn Crist tocweme. . . . . .libbenn, [col 177] & murrcnenn affterr Drihhtin Crist, Line 7785 & follȝhenn swa þe turrtle. & tatt te Laferrd Jesu Crist Wass, alls icc habbe shæwedd, Firrst ummbeshorenn onn hiss shapp, & siþþenn brohht to kirrke, Line 7790 Þatt uss bitacneþþ witerrliȝ Þurrh opennlike bisne, Þatt whase wile cumenn inn Till heofennrichess kirrke, Himm birrþ all ummbeshorenn beon Line 7795 & clennsedd all off sinne; Forr all þatt cumeþþ upp till Godd All itt iss þwerrt u¯¯t clene.

O Moysæsess laȝhe stod, Swa summ itt Drihhtin sette, Line 7800 Þatt all þatt hemm wass borenn firrst Off ahhte þatt wass clene,

Þe firrste callf, þe firrste lamb, Þe firrste kide, & swillke, All þatt wass clene deor, all þatt Line 7805 Þatt mann maȝȝ etenn offe, All shollde beon to Drihhtin Godd Upponn hiss allterr offredd. & all þatt wass unnclene deor, Off horrs, off asse, off swillke, Line 7810 All þatt mann shollde biggen u¯¯t Wiþþ fife wehhte off sillferr. & tatt wass sett þurrh Drihhtin Godd Forr þatt itt shollde tacnenn, Þatt te birrþ seggenn wiþþ þin muþ, Line 7815 & ec wiþþ innwarrd herrte, Þatt all þin clene dede iss don Þurrh Godd & þurrh hiss hellpe; & swa þe birrþ itt offrenn Godd Þurrh þatt te birrþ wel trowwenn, Line 7820 Þatt Drihhtin setteþþ i þin þohht God dede to biginnenn, Swa þatt itt all bigunnenn iss & forþedd þurrh hiss hellpe. & te birrþ biggenn u¯¯t att Godd Line 7825 All þin unnclene dede, & all þe birrþ itt biggenn u¯¯t Wiþþ fife wehhte off sillferr, Þatt iss, þatt te birrþ biggenn u¯¯t All þin missdede & sinne Line 7830 Þurrh rihht dædbote, þatt birrþ beon O fife wise forþedd.

Forr whase wile clennsenn himm & wiþþ hiss Godd himm sahhtlenn, Himm birrþ off all hiss sinne beon Line 7835 Þurrh fiffald pine clennsedd; Forr himm birrþ forr þe lufe off Godd, & forr hiss woh to betenn, O fife wise pinenn her Hiss bodiȝ & hiss sawle; Line 7840 Forr himm birrþ lokenn himm þatt he Ne seo nan þing wiþþ sinne; & tatt iss, butt an wunnderr beo, An lott off hefiȝ shriffte. & himm birrþ lokenn himm þatt he Line 7845 Ne lisste nohht wiþþ ære Till naness kinness idellleȝȝc, [col 178] Þatt haliȝ mann forrwerrpeþþ; & tatt iss wiss an oþerr lott Off god & haliȝ shriffte. Line 7850 & himm birrþ lokenn himm full wel Fra luffsumm æte & wæte, & himm birrþ takenn fode & claþ Unnorne & litell baþe; & tatt iss wiss þe þridde lott Line 7855 Off god & hefiȝ shriffte. & himm birrþ lokenn himm þatt he Ne ȝeorne nohht to dowwnenn Wiþþ sinne naness kinness þing, Þatt hafeþþ swete stinnchess; Line 7860

Line 7860 & tatt iss wiss þe feorþe lott Off god & haliȝ shriffte. & himm birrþ lokenn himm þatt he Ne gillte nohht wiþþ wille, Ne þurrh hiss þohht, ne þurrh hiss word, Line 7865 Ne þurrh hiss bodiȝ dede; & tatt iss wiss þe fifte lott Off god & haliȝ shriffte. Þuss birrþ himm forr þe lufe off Godd, & forr hiss woh to betenn, Line 7870 O fife wise pinenn her Hiss bodiȝ & hiss sawle, & biggenn u¯¯t att Drihhtin swa All hiss unnclene dede Þurrh rihht shriffte, þatt birrþ beon þuss Line 7875 O fife wise forþedd, All all swa summ þe laȝheboc Badd Issraæle þeode Aȝȝ biggenn u¯¯t unnclene deor Wiþþ fife wehhte off sillferr. Line 7880

O Moysæsess laȝhe stod, Swa summ icc habbe shæwedd, Þatt aȝȝ þeȝȝ sholldenn brinngenn lac Wiþþ child till Godess allterr, Wiþþ cnapechild, wiþþ maȝȝdennchild, Line 7885 Wiþþ baþe onn ane wise. Þe lac wass lamb & cullfre bridd, Oþþr itt wass lamb & turrtle;

& ȝiff ȝho wass summ wædle wif Þatt lamb ne mihhte winnenn, Line 7890 Þa brohhte ȝho wiþþ hire child Twa cullfress oþerr turrtless. All þiss wass sett þurrh Drihhtin Godd Forr mikell þing to tacnenn; Forr cnapechild bitacneþþ uss Line 7895 Strang mahht i gode dedess, & maȝȝdennchild bitacneþþ uss Wac mahht i gode dedess, Forr sume follȝhenn i þiss lif All þwerrt u¯¯t gode dedess, Line 7900 & sinndenn þurrh þe cnapechild [col 179] Full opennliȝ bitacnedd; Forr cnapechild iss afledd wel Affterr weppmanne kinde. & sume sinndenn i þiss lif Line 7905 Off miccle lasse mahhte, & follȝhenn affterr þeȝȝre mahht Þohhwheþþre Godess wille, & sinndenn þurrh þe maȝȝdennchild Full opennliȝ bitacnedd; Line 7910 Forr maȝȝdenn child iss all unnstrang Affterr wifmanne kinde. & aȝȝ wass lamb wiþþ eȝȝþerr child O Godess allterr offredd, & lamb iss all unnskaþefull Line 7915 & stille deor & milde,

& whase wile lakenn Godd Wiþþ hise gode dedess, Himm birrþ beon all unnskaþefull, & soffte, & meoc, & milde. Line 7920 & aȝȝ wass cullfre wiþþ þe lamb Onn allterr — oþerr turrtle; Forr iwhillc mann birrþ wepenn her, & sikenn sare & suhhȝhenn, & beon well swiþe sare offdredd, Line 7925 Þatt all hiss gode dede Ne mune himm nohht beon god inoh To berrȝhenn himm fra pine. & wop wass uss bitacnedd wel Þurrh cullfre & turrtle baþe; Line 7930 Forr þeȝȝre sang iss lic wiþþ wop, Þatt wi˘tenn menn inoȝhe. & ȝiff þatt ȝho wass wædle wif Þatt lamb ne mihhte winnenn, Þa wass þe lac wiþþ hire child Line 7935 Off tweȝȝenn cullfre briddess, Swa summ þe Goddspellwrihhte seȝȝþ, Oþþr itt wass tweȝȝenn turrtless. & ȝiff þu Drihhtin nohht ne mihht Ȝe¯¯t lakenn himm tocweme, Line 7940 Swa summ þe wære ned, wiþþ lamb Off soþ unnshaþiȝnesse, Þatt iss, ȝiff þu ne mahht nohht ȝe¯¯t All ȝemenn þe fra sinne, Þa loc þu þatt tu lake Godd Line 7945 Wiþþ tweȝȝenn cullfre briddess,

Þatt iss — wiþþ twinne kinne wop Forþ wiþþ þin gode dede; Loc þatt tu wepe daȝȝwhammliȝ Forr all þin unnclænnesse, Line 7950 & wep forr þatt tu narrt nohht ȝe¯¯t Inn heoffne inn eche blisse. Þuss mihht tu wel wiþþ twinne wop Drihhtin tocweme lakenn, Ȝiff þatt iss þatt tu wepesst rihht Line 7955 O þise twinne wise. & te birrþ habbenn twinne wop [col 180] Ȝe¯¯t onn an oþerr wise, & tu mihht lakenn Godd tærwiþþ Well swiþe wel tocweme, Line 7960 Ȝiff þatt iss þatt tu þwerrt u¯¯t wel Wepesst onn eȝȝþerr wise; Forr þe birrþ beon full sare offdredd Off helless grimme pine, & te birrþ ȝeorne stanndenn inn Line 7965 To betenn þine sinness, Wiþþ serrȝhe & si¯¯t, wiþþ bitter wop, & ec wiþþ hefiȝ shriffte, To sahhtlenn þe wiþþ þin Drihhtin Forr helle to forrbuȝhenn. Line 7970 & affterr þatt tu clennsedd arrt Off alle þine sinness, All affterr þatt te preost te badd Þatt tu þe sholldesst clennsenn,

Þa siþþenn iss þin hope o Godd Line 7975 Þatt tu wiþþ himm arrt sahhtledd; & siþþenn ȝifeþþ he þe mahht To lufenn himm wiþþ herrte, Þurrh þatt tu didesst all þin mahht To betenn þine sinness. Line 7980 & forrþi þatt te þinnkeþþ wiss Þatt tu wiþþ himm arrt sahhtledd, Off nan þing elless niss þe nohht Butt off þatt an þing ane, To stanndenn inn to cwemenn himm Line 7985 Onn alle kinne wise; Noff nan þing narrt tu þa forrdredd Butt off þatt an þing ane, Off þatt tu shule wraþþenn himm O sume kinne wise. Line 7990 Þuss mahht tu wel wiþþ twinne wop Þin Godd tocweme lakenn, Ȝiff þatt iss þatt tu wepesst rihht O þise twinne wise.

Þær ure Laferrd Crist wass brohht Line 7995 To kirrke wiþþ hiss moderr, Þær comenn forrþ to lofenn himm An weppmann & an widdwe, [Coll. 181-204. wanting.] & forr. . . . . [col 205] . . . . .he wollde litell. Line 8000

Line 8000 & forrþi le¯¯t he cwellenn þa Þe miccle & ec þe little, Þatt Crist ne shollde muȝhenn himm O nane wise attwindenn. Þa chilldre þatt he cwellenn le¯¯t Line 8005 Bitacnenn all þatt genge, Þatt fra þatt daȝȝ till þiss fór upp Þurrh marrtirdom till Criste, Þatt genge þatt wass milde & meoc, & ædmod all se chilldre, Line 8010 & all wiþþutenn modiȝleȝȝc, & all wiþþutenn braþþe, & clene off hete & clene off niþ, & clene off grediȝnesse, & off galnesse skir & fre Line 8015 & all off ille wiless, All all swa summ þe ȝunge child Iss clene off swillke sinness. & tatt ta chilldre swulltenn þær Off tweȝȝenn ȝeress elde, Line 8020 Þatt uss bitacneþþ opennliȝ Þatt all þatt hallȝhe genge, Þatt borrȝhenn iss þurrh marrtirdom, Flæh upp wiþþ tweȝȝenn wengess, Þurrh þatt teȝȝ cwemmdenn Jesu Crist Line 8025 Wiþþ spelless & wiþþ dedess. Herode king bitacneþþ uss Þe laþe gast off helle; & he maȝȝ wel bitacnenn himm Whamm he stod inn to follȝhe. Line 8030

Line 8030 Forr all swa summ þe laþe gast Aȝȝ niþþreþþ Godess genge, & cwelleþþ hemm & wannseþþ hemm, Þurrh hise unnfæle þeowwess, All swa þatt laþe Herode king Line 8035 Þurrh hise laþe þeowwess Offcwalde, forr to cwellenn Crist, Þa gilltelæse chilldre. & þurrh þatt tatt Herode king Le¯¯t slæn þa little barrness, Line 8040 Þærþurrh wass uss bitacnedd wel All onn an oþerr wise, Þatt ifell gast maȝȝ oferr þa Þatt follȝhenn barrness þæwess Inn illc unnwitt, inn illc unnitt, Line 8045 Inn ægede & i leȝȝkess. Forr Latin boc uss seȝȝþ full wel Þatt tatt mann iss forrwarrȝedd Þatt iss an hunndredd winnterr ald, & follȝheþþ childess gæress. Line 8050 & off þiss illke seȝȝde þuss Þe posstell Sannte Pawell; Aȝȝ whil þatt I wass litell child Icc held o childess þæwess, & son summ icc wass waxenn mann, Line 8055 Þa flæh I childess cosstess. & uss birrþ alle samenn wel Hiss hallȝhe bisne follȝhenn, & all forrwerrpenn illc unnitt Off ægede & off leȝȝkess, Line 8060

Line 8060 & uss birrþ beon full hoȝhefull Abutenn ure sawless. Herode king maȝȝ swiþe wel Þe laþe gast bitacnenn; Forr all hiss werrc & all hiss will Line 8065 Wass ifell gast full cweme, & onn himm sellfenn wass inoh Hiss aȝhenn sinne sene; Forr wel biforenn þatt he swallt Wass himm þatt wa bigunnenn, Line 8070 Þatt he shall dreȝhenn aȝȝ occ aȝȝ Inn helle wiþþ þe deofell; [col 206] Forr he warrþ seoc, & he bigann To rotenn bufenn eorþe, & tohh he toc wiþþ mete swa Line 8075 Þatt nan ne mihhte himm fillenn, & swa he stannc þatt iwhillc mann Wass himm full laþ to nehhȝhenn; & all himm wærenn fe¯¯t & þeos Tobollenn & toblawenn. Line 8080 Þa læchess þatt himm comenn to & himm ne mihhtenn hælenn He sloh, & seȝȝde þatt teȝȝ himm Ne kepptenn nohht to berrȝhenn. & he toc iwhillc hæfedd mann Line 8085 Off all hiss kineriche, & le¯¯t hemm stekenn inn an hus, & haldenn swiþe fasste,

& badd tatt mann hemm shollde slæn, Son summ he shollde deȝenn. Line 8090 He þohhte þatt mann munnde beon Off hiss dæþ swiþe bliþe, & wisste þatt mann munnde þa Forr hemm full sare wepenn, & wollde swa þatt all þe follc Line 8095 Þatt time shollde wepenn, Þatt mann himm shollde findenn dæd Þohh itt forr himm ne wære; Loc nu ȝiff he wass deofless þeoww & all i deofless walde. Line 8100 & he ȝaff hise cnihhtess þa Fifftiȝ beȝȝsannz to mede; Forr þatt teȝȝ sholldenn att hiss dæþ Þa riche menn offcwellenn. Acc whatt forrþi nass þatt nohht don Line 8105 Affterr hiss laþe wille, Forr nollde nan mann cwellenn hemm Þatt daȝȝ þatt he toc ende. & ȝe¯¯ he dide mare inoh Off deofellshine o life, Line 8110 œr þann he ȝaff hiss fule gast To farenn inntill helle; He wollde himm sellfenn wiþþ an cnif Offcwellenn, ȝiff he mosste; Loc ȝiff he wass inoh bitahht Line 8115 Þe laþe gast off helle. He badd himm brinngenn ænne cnif An appell forr to shrædenn,

& seȝȝde þatt himm lisste þa Wel etenn off an appell; Line 8120 & mann þa brohhte cnif himm to, & he þa toc itt sone, & icchedd himm a litell upp & wollde himm sellfenn mirrþrenn, Acc mann grap þa þatt cnif himm fra Line 8125 To reddenn himm fra dæþe, [col 207] & tokenn alle samenn þa To wepenn & to wanenn, Forr þatt he wiþþ hiss aȝhenn hannd Himm sellfenn wollde cwellenn. Line 8130 & an off hise suness wass Anntipater ȝehatenn; & he wass i cwarrterrne þa Onnfasst te kingess bure, Þær he wass þurrh hiss faderr ær Line 8135 Wiþþ mikell wraþþe worrpenn. & teȝȝre wop & teȝȝre ræm Comm full wel till hiss ære, & he þa forr hiss faderr dæþ Wel wennde þatt teȝȝ wepptenn, Line 8140 & he warrþ swiþe bliþe þa, & toc to lahhȝhenn lhude. & mann þa seȝȝde þatt te king, & he warrþ wraþ & bollghenn, & badd tatt mann himm sollde anan Line 8145 Wiþþ swerdess egge cwellenn;

& tatt wass þanne sone don To forþenn himm hiss wille. & tweȝȝenn haffde he lĕtenn ær Off hise suness cwellenn, Line 8150 œr þann þatt ifell comm himm to Þatt held himm þa swa fasste. Hiss feorrþe sune he ȝaff þe land & sette himm þær to kinge, & he wass, þatt witt tu full wel, Line 8155 Arrchelauss ȝehatenn. & ȝe¯¯ he haffde suness ma, Acc himm he ȝaff þatt crune, To weldenn all hiss kinedom Affterr hiss lifess ende; Line 8160 & affterr þatt ta wass he dæd Inn all hiss miccle sinne. Acc þær wass mikell oferrgarrt & modiȝnesse shæwedd Abutenn þatt stinnckennde lic, Line 8165 Þær itt wass brohht till eorþe; Forr all þe bære wass bileȝȝd Wiþþ bætenn gold & sillferr, & all itt wass eȝȝwhær bisett Wiþþ deorewurrþe staness, Line 8170 & all þatt wæde þatt tær wass Uppo þe bære fundenn, All wass itt off þe bettste pall Þatt aniȝ mann maȝȝ aȝhenn, & all itt wass wundenn wiþþ gold Line 8175 & sett wiþþ deore staness,

& all he wass wurrþlike shridd, Alls iff he wære o life, & onn hiss hæfedd wærenn twa Gildene cruness sette, Line 8180 & himm wass sett inn hiss rihht hannd An dere kineȝerrde; & swa mann barr þatt fule lic Till þær he bedenn haffde. & hise cnihhtess alle imæn Line 8185 Forþ ȝedenn wiþþ þe bære, Wiþþ heore wæpenn alle bun, Swa summ þeȝȝ sholldenn fihhtenn. Þatt oþerr follc all ȝede bun, [col 208] Swa summ itt birrþ, wiþþ like. Line 8190 & ec þær ȝedenn wiþþ þe lic Full wel fif hunndredd þewwess, To strawwenn gode gresess þær, Þatt stunnkenn swiþe swete, Biforenn þatt stinnkennde lic Line 8195 Þær menn itt berenn sholldenn. & tuss þeȝȝ alle brohhtenn himm Wiþþ mikell modiȝnesse Till þær þær he peȝȝm haffde seȝȝd Þatt teȝȝ himm brinngenn sholldenn. Line 8200 Swillc mann wass þatt Herode king Þatt le¯¯t te chilldre cwellenn, Forr þatt he wollde cwellenn Crist Amang hemm, ȝiff he mihhte.

Acc Cristess time nass nohht ȝe¯¯t Line 8205 Þatt he ȝe¯¯ wollde swelltenn, & forrþi sloh Herode king All rihht forr nohht ta chilldre. He sloh þa chilldre gilltelæs, & itt hemm comm to blisse, Line 8210 Þeȝȝ gæfenn heore shorrte lif Forr eche lifess blisse. Off hemm iss writenn o Latin, Þatt teȝȝ inn heoffness blisse A follȝhenn ure Laferrd Crist Line 8215 Whatt gate summ he ganngeþþ; & tatt iss seȝȝd forrþi þatt teȝȝ Himm sinndenn swiþe like, Forr þatt teȝȝ ferrdenn off þiss lif I clene unnwemmeddnesse. Line 8220 & affterr þatt Herode king Wass witenn u¯¯t off life, Wiþþ all swillc ende alls he wass wurrþ Þurrh hise depe sinness, Hiss sune toc forrþrihht anan Line 8225 Þær affterr himm to rixlenn, Þatt Arrchelauss nemmnedd wass, Swa summ ȝe littlær herrdenn. & he wass Drihhtin swiþe laþ & deofell swiþe dere Line 8230 Þurrh hæþenndom, & þurrh hiss lif Þatt all wass full off sinness. & he wass o þe tende ȝer Fra þatt he toc to rixlenn

Biforr þe Romanisshe king Line 8235 Full hefilike wreȝedd, & himm wass þa þe kinedom Forr hise gilltess ræfedd, & he wass flemmd & drifenn u¯¯t All affterr hise wrihhte, Line 8240 Þurrh Rome burrhȝess Kaserrking Þatt Augustuss wass nemmnedd, Þatt flemmde himm u¯¯t forrþi þatt he Wass ifell mann wiþþ alle, & modiȝ mann att oferrdon, Line 8245 & grimme wiþþ þe leode. & he wass drifenn u¯¯t forrþi Off all þe kineriche, & he flæh inntill oþerr land Þatt nemmnedd wass Vienne, Line 8250 & tære he wass unnorneliȝ, & tære he toc hiss ende. & loc nu ȝiff Crisstene king Birrþ beon rihhtwis & milde, & god wiþþ all hiss follc þatt iss Line 8255 Inn all hiss kineriche, Þatt he ne beo biforenn Godd Haldenn & tald forr werrse Þann þatt hæþene Kaserrking, Þatt draf all u¯¯t off lande Line 8260 An mahhtiȝ king & riche king & rihht forr nan þing elless, Butt forr þatt he wass modiȝ mann & grimme wiþþ hiss leode;·

& siþþenn wass þe kinedom Line 8265 [col 209] O fowwre daless dæledd, Þær i þe Judewisshe land Þatt Arrchelauss haffde. & Arrchelawess breþre þreo Þreo daless unnderrfengenn Line 8270 Att Rome burrȝess Kaserrking, Þatt tær wass oferrlaferrd; Þe feorþe dale wass bitahht Pilate Pontiwisshe. Herode king off Galileo Line 8275 Wass Arrchelawess broþerr, & himm þe land off Galileo Wass all bitahht to gætenn. & an Filippe an hæfedd mann Wass Arrchelawess broþerr, Line 8280 & tweȝȝenn landess wærenn himm Bitahhte forr to gætenn, Þatt an land wass Yturea & Trachonys þatt oþerr. & Lysias an hæfedd mann Line 8285 Wass Arrchelawess broþerr, & himm wass sett, tatt witt tu wel, To ȝemenn & to gætenn Þurrh Rome king an land tatt wass Ȝehatenn Abyline. Line 8290 Judealand & Ȝerrsalæm Wass all bitahht Pilate,

Acc he nass nohht ta breþre sibb, Ne nohht off þeȝȝre birde; Forr he wass off Ponntisske land, Line 8295 Off all an oþerr leode. O þise fowwre menness daȝȝ Bigann Johan Bapptisste, I wesste bi þe flumm Jorrdan, To fullhtnenn & to spellenn. Line 8300 O þatt Kaseress daȝȝ þatt wass Tyberiuss ȝehatenn, Onn hiss fiftende ȝer fra þatt Þatt he bigann to rixlenn I Rome riche, toc Johan Line 8305 To fullhtnenn & to spellenn Off Godess Sune, Crist, tatt he Þa shollde cumenn newenn, To leosenn mannkinn þurrh hiss dæþ U¯¯t off þe deofless walde, Line 8310 & turrnenn menn till Crisstenndom & till þe rihhte læfe, & tæchenn hemm & hellpenn hemm To winnenn heoffness blisse, Þurrh soþ & rihht, þurrh witt & skill, Line 8315 Þurrh mett & soþ meocnesse, Þurrh clene þohht & word & weorrc, Þurrh lufe & hope & læfe. & o þa fowwre menness daȝȝ Þatt tokenn all þatt riche, Line 8320 Þatt wass biræfedd Arrchelaw All forr hiss modiȝnesse,

O þeȝȝre daȝȝ wass att te flumm Crist, Godess Sune, fullhtnedd. & hemm wass all þe kinedom Line 8325 O fowwre daless dæledd, Swa summ þe Romanisshe king Itt haffde þanne dæledd, Þatt ta wass Kaserr oferr hemm & oferr fĕle kingess. Line 8330 & off þa fowwre riche menn Þatt tokenn þa to rixlenn, Off hemm wass an Herode king, Swa summ icc habbe shæwedd, & he wass ifell mann inoh, Line 8335 & wel itt wass himm kinde. & o þatt lattre Herodess daȝȝ Wass Crist o rode pinedd, & he wass att tatt illke ræd, Swa summ þe Goddspell kiþeþþ, Line 8340 & tatt himm comm till hefiȝ wa Þurrh Godess rihhtwisnesse. & Godd Allmahhtiȝ ȝife uss swa To follȝhenn Cristess lare, Swa þatt we motenn wurrþi ben Line 8345 To winnenn Cristess are.

Amæn.

SECUNDUM MATHEUM XIIII.

Defuncto autem Herode, ecce angelus Domini apparuit in sompnis Joseph dicens, Surge accipe puerum et matrem ejus, et vade in terram Israel.

Affterr þatt tatt Herode king Wass endedd inn hiss sinne, Drihhtiness enngell comm anan Till Josæp inn Egippte, Line 8350 & tær he comm till himm o nahht & fand himm þanne o slæpe, & tære he spacc anan wiþþ himm & seȝȝde þuss wiþþ worde; Josæp, ris upp & tacc þe child, Line 8355 & tacc þe childess moderr, & farr till Issraæless land Inntill þin aȝhenn birde; Forr alle þa þatt hafenn sohht Þe child, forr himm to cwellenn, Line 8360 Nu sinndenn dæde & farenn u¯¯t Off life i þeȝȝre sinness. & he ras up & toc þe child, & toc þe childess moderr, & fór till Issraæless land Line 8365 Inntill hiss aȝhenn birde. & alls he comm onnȝæn well neh Inntill hiss aȝhenn birde, Mann seȝȝde himm þa þatt Arrchelaw Wass hofenn upp to kinge, Line 8370

Line 8370 To rixlenn i Judealand Affterr hiss faderr ende; & he ne durrste nohht forrþi Inntill þatt ende liþenn. & himm wass seȝȝd o slæpe þa Line 8375 Onn hiss Drihhtiness hallfe, Þatt he þa shollde wiþþ þe child & wiþþ þe childess moderr Inntill þe land off Galileo Flittenn, & tær bilefenn. Line 8380 & he for þiderr sone anan & comm þær till an chesstre Þatt wass ȝehatenn Nazaræþ, & tær bilæf he þanne, To fillenn þatt tatt cwiddedd wass Line 8385 Forrlannge þurrh prophete, Þatt Godess Sune shollde beon Bitwenenn menn onn eorþe Nemmnedd te Nazarisshe mann, Off Nazaræþess chesstre. Line 8390 Her endeþþ nu þiss Goddspell þuss & uss birrþ itt þurrhsekenn, To lokenn whatt itt læreþþ uss Off ure sawle nede.

Rihht o þatt ȝer wass Crist full neh Line 8395 Off ehhte ȝeress elde Þatt he comm off Egippte land Till Nazaræþess chesstre;

Forr sefenn winnterr haffde he beon [col 210] Tosamenn inn Egippte, Line 8400 & he wass, þanne he þiderr for, Neh off an ȝeress elde. Þatt Jesu Crist comm efft onnȝæn Inntill hiss aȝhenn birde, Son summ þatt laþe Herode king Line 8405 & ta þatt wiþþ himm heldenn Inn heore sinness fellenn dun, & forenn inntill helle, Þatt uss bitacneþþ witerrliȝ Þurrh all full openn bisne Line 8410 Þatt Cristess hird, Cristene follc, Shall farenn inntill heoffne & inntill Paradisess ærd, Inntill þeȝȝre aȝhenn birde. Forr affterr þatt te laþe gast Line 8415 & alle þatt himm follȝhenn Þurrh Drihhtin shulenn worrpenn beon Dun inntill hellepine. & tatt shall beon o Domess daȝȝ, Swa shall itt tanne wharrfenn Line 8420 Bitwenenn Cristess hallȝhe þeod & deofless laþe genge. Forr þa shall all þe deofless hird Till helle wiþþ þe deofell, & siþþenn shall all Cristess hird Line 8425 Wiþþ Crist till heoffne wendenn.

Þurrh þatt tatt enngell seȝȝde þuss Till Josæp þær he sleppte, Farr inntill Issraæless land Wiþþ Crist & wiþþ hiss moderr, Line 8430 Þurrh þatt ne mihhte nohht Josæp Inoh wel unnderrstanndenn Inntill whillc ende off all þatt land He badd himm þanne liþenn. & forrþi wollde he farenn þa Line 8435 Wiþþ Crist & wiþþ hiss moderr Inntill þe land off Ȝerrsalæm, & tære he wollde biggenn Att Godess temmple i Ȝerrsalæm, & onnfasst tær abutenn; Line 8440 Forr þatt himm þuhhte mikell rihht, Þatt Godess Sune birrde Beon att te temmple þær þær Godd Wass lofedd aȝȝ & wurrþedd. Acc whatt forrþi ne durrste he nohht Line 8445 Inntill þatt ende wendenn Son summ he wisste off Arrchelaw, Þatt he þær haffde mahhte, [col 211] Þatt he wass hofenn upp to king Inn all hiss faderr riche; Line 8450 Forr þatt he wisste wel inoh Þatt Arrchelauss munnde All all swa mirrþrenn þeȝȝre child, Ȝiff þatt he mihhte himm findenn,

All alls hiss faderr haffde don, Line 8455 Ȝiff þatt het¯¯ haffde fundenn; & he wass orraþ þa summ del Off — whær he mihhte biggenn. & Godess enngell comm himm to & seȝȝde himm þa to wisse Line 8460 Whillc ende off Issraæless land He shollde þanne sekenn, To biggenn þær all stilleliȝ Wiþþ Crist & wiþþ hiss moderr. Þatt wass þe land off Galileo Line 8465 Þatt himm wass bedenn sekenn, Forrþi þatt Arrchelaw þe king Þær munnde cumenn seldenn; Forr Ȝerrsalæm wass hæfedd burrh Off Issraæless riche, Line 8470 & tær wass þeȝȝre king aȝȝ mast, & seldenn owwhær elless; & Galilew wass feorr þær fra U¯¯t inn an oþerr ende, & forrþi mihhte þær þe child Line 8475 Full dærnelike biggenn, Swa þatt himm Arrchelaw þe king Ne munnde þær nohht sekenn. Þatt chesstre þatt te Laferrd Crist Comm till, forr þær to biggenn, Line 8480 Bitacneþþ uss þatt little flocc Off þatt Judisskenn þeode, Þatt little flocc þatt toc wiþþ Crist & wiþþ þe rihhte læfe,

& wiþþ þe rihhte Crisstenndom, Line 8485 Þurrh Cristess Leorninngcnihhtess, Affterr þatt daȝȝ þatt Crist himm sellf Wass stiȝhenn upp till heoffne. Þe Laferrd haffde litell rum Inn all þatt miccle riche Line 8490 Ȝe¯¯t tanne, & forrþi mihhte itt wel Þatt little flocc bitacnenn Þatt toc to lefenn uppo Crist Þurrh Cristess posstless lare, Affterr þatt tatt te Laferrd Crist Line 8495 Wass stiȝhenn upp till heoffne. Þatt Josæp barr þe Laferrd Crist Wiþþ Sannte Marȝe hiss moderr, Firrst u¯¯t off Issraæless land Inntill hæþene Egippte, Line 8500 & tatt he barr himm efft onnȝæn Inntill hiss aȝhenn birde, Inntill Judisskenn þeode land U¯¯t off hæþene Egippte, Þatt wass don þurrh þe Laferrd Crist Line 8505 Forr mikell þing to tacnenn. Josæþ himm sellf bitacneþþ her [col 212] Þe Laferrd Cristess posstless, Þatt bærenn ure Laferrd Crist Wiþþ spelless & wiþþ werrkess Line 8510 Fra land to land, fra tun to tun, Fra wic to wic i tune.

& allre firrst teȝȝ bærenn himm U¯¯t off hiss aȝhenn birde, U¯¯t off Judisskenn þeode land, Line 8515 Þatt witt tu wel to soþe, Inntill hæþene follkess land Affterr Josæpess bisne. Forr affterr þatt tatt Jesu Crist Wass stiȝhenn upp till heoffne, Line 8520 Þatt laþe Judewisshe follc All masst forrwarrp to lefenn Onn ure Laferrd Jesu Crist, Þurrh heore depe sinness. & forr þatt teȝȝ forrwurrpenn þa Line 8525 To lefenn uppo Criste, Þe posstless forenn sone anan Till hæþenn follc to spellenn, & bærenn swa þe Laferrd Crist U¯¯tt off hiss aȝhenn birde, Line 8530 U¯¯tt off Judisskenn follkess land Inntill hæþene þeode, Þurrh þatt teȝȝ taldenn spell off himm & off hiss Goddcunndnesse. & he shall ȝe¯¯ beon borenn efft Line 8535 Inntill hiss aȝhenn birde; Inntill Judisskenn follkess land Shall Crist ȝe¯¯ wurrþenn flittedd, Þurrh þa þatt shulenn follȝhenn wel Þe sloþ off Cristess posstless. Line 8540 Forr ȝe¯¯ shall Issraæle þeod, Þurrh þatt mann shall hemm spellenn,

Beon turrnedd till þe Crisstenndom, & till þe rihhte læfe. Acc aȝȝ fra þatt te Laferrd Crist Line 8545 Himm sellf hemm toc to spellenn, Aȝȝ siþþenn fareþþ all þatt follc Till helle þatt tær deȝeþþ· & tatt shall lasstenn aȝȝ occ aȝȝ Till þatt mann shall hemm turrnenn Line 8550 Till fulluhht & till Crisstenndom, & till þe rihhte læfe. & tatt shall beon, þatt witt tu wel, Onn Anntecristess time, Þatt mann shall spellenn to þatt follc, Line 8555 & turrnenn hemm to Criste. & Crist beoþ þanne borenn efft [col 213] Inntill hiss aȝhenn birde, Þatt time þatt tatt illke follc Þatt he wass borenn offe Line 8560 Beoþ turrnedd till þe Crisstenndom, & till þe rihhte læfe, Þurrh þatt mann shall hemm spellenn þa Off Cristess Goddcunndnesse. & ta þatt shulenn þanne onnfon Line 8565 To lefenn uppo Criste, Þeȝȝ shulenn habbenn eche lif Wiþþ alle Godess hallȝhenn. & ta þatt shulenn spellenn hemm & turrnenn hemm to Criste, Line 8570

Line 8570 Þa shulenn beon off heore kinn, & off þatt illke þeode, & forrþi shulenn þeȝȝ þe bett Till þeȝȝre lare lisstenn, & turrnenn till þe Crisstenndom, Line 8575 & till þe rihhte læfe. Twa gode menn, þatt wærenn her Biforenn Cristess come & ȝe¯¯ abidenn i þiss lif, Hemm shulenn þanne spellenn, Line 8580 & turrnenn hemm till Cristenndom To lefenn uppo Criste. & off þa twa þatt an shall beon Helyas þe prophete, Þatt oþerr off þa twa shall beon Line 8585 Eȝȝnoc þe patriarrke. Eȝȝnoc wass an full haliȝ mann & Drihhtin swiþe cweme, & Godd himm ledde aweȝȝ fra menn Wiþþ bodiȝ & wiþþ sawle, Line 8590 I fell & flæsh wiþþutenn dæþ, Þatt witt tu wel to soþe, Biforenn þatt tatt all mannkinn Þurrh Noþess flod wass drunncnedd; & he iss i þiss middellærd Line 8595 Whær summ itt iss onn eorþe, Þær Drihhtin Godd himm hafeþþ don To libbenn þære i blisse. Þreo hunndredd winnterr wass he ald & fife & sextiȝ mare, Line 8600

Line 8600 Þatt ȝer þatt he wass takenn u¯¯t Þurrh Drihhtin Godd fra manne; & tære shall he beon þær Godd Himm hafeþþ don i blisse, Anan till þatt tatt Anntecrist Line 8605 Shall borenn beon onn eorþe. & he shall þanne cumenn forþ Wiþþ Helyas hiss fere, To fihhtenn Anntecrist onnȝæn All affterr Godess wille. Line 8610 Helyas wass an haliȝ mann, & an off þa prophetess Þatt cwiddedenn þurrh Haliȝ Gast All þatt tatt wurrþenn shollde. Twa menn he dide þurrh Drihhtin Line 8615 To risenn upp off dæþe, Forr he wass swiþe duhhtiȝ mann & Drihhtin swiþe cweme. & he badd uppo Drihhtin Godd Þatt itt ne shollde reȝȝnenn, Line 8620 & ta wass wel hallf feorþe ȝer Þatt comm na reȝȝn onn eorþe. [col 214] & ta wass i Judisskenn land Þærþurrh full hefiȝ hunngerr, Forr þatt te land wass driȝȝedd all Line 8625 & scorrcnedd þurrh þe druhhþe. & ta comm, i þatt hunngerr, ald Helyas þe prophete

Towarrd an mikell burrȝhess tun Þatt wass Sareppta nemmnedd; Line 8630 & att tatt burrȝhess ȝate himm comm An widewe toȝæness, & he badd tatt ȝho shollde himm þa An litell waterr fecchenn, & seȝȝde þatt he wass forrþrisst, Line 8635 & tatt he wollde drinnkenn. & ȝho þa wollde sone anan Himm fecchenn þatt he ȝeorrnde. & he badd tatt ȝho shollde himm ec An bi˘te brædess brinngenn, Line 8640 & ȝho þa ȝaff himm sware onnȝæn, & seȝȝde þuss wiþþ worde; Þin Laferrd Godd Allmahhtiȝ wa¯¯t, Þatt wel wa¯¯t alle þingess, Þatt nafe icc nohht off metekinn Line 8645 Till me, ne till min wennchell, Wiþþutenn mĕle alls itt beo rihht An hanndfull inn an fe¯¯tless, & littless whatt off elesæw Inn elesæwess fe¯¯tless; Line 8650 & her I gaddre stikkess twa Swa summ þu seost, lef laferd, Forr to min sune & forr to me To ȝarrkenn þatt to fode; & siþþenn shule witt anan Line 8655 Off hunngerr deȝenn baþe. & ta ȝe¯¯ space þuss hire to Helyas þe prophete;

Ga, laffdiȝ, forþ, & dred te nohht, Acc do swa summ þu seȝȝdesst, Line 8660 Acc allre firrst macc þu to me Þæroffe an litell kechell, & siþþenn shallt tu makenn ȝunnc To fode þatt tær lefeþþ· Forr Drihhtin seȝȝþ þatt te shall wel Line 8665 Þin little mele lasstenn, & tatt te shall þin elesæw Lasstenn, þohh itt beo litell, Anan till þatt tatt Drihhtin Godd Shall ȝifenn reȝȝn onn eorþe. Line 8670 [col 215] & all bilammp þatt widdwe þa Swa summ þe wite seȝȝde; Ȝho ȝede & dide þatt he badd, & brohhte himm u¯¯t an kechell, & siþþenn fand ȝho mele inoh Line 8675 & elesæw to fode, Anan till þatt te Laferrd Godd Gaff reȝȝn inoh onn eorþe; Aȝȝ summ ȝho mare & mare toc Aȝȝ wex itt mare & mare. Line 8680 & swa bilammp þatt widdwe þa Þurrh Helyasess bene; Forr he wass haliȝ mann & god, & Drihhtin swiþe cweme, & ȝho wass hi˘re sellf full wiss Line 8685 God widdwe, & Drihhtin cweme,

Þurrh whatt ȝho wass wurrþi to beon Þurrh Godd off hunngerr lesedd. & forrþi þatt tatt hallȝhe mann, Helyas þe prophete, Line 8690 Att Drihhtin mihhte winnenn wel All whattse he wollde ȝeornenn, Efft sone he badd o Drihhtin Godd Þatt itt ta shollde reȝȝnenn, & ta comm reȝȝn inoh anan Line 8695 All affterr þatt he ȝeorrnde. & Drihhtin wollde himm habbenn þa Wiþþutenn dæþ fra manne, Swa þatt he shollde libbenn a Till Anntecristess come; Line 8700 & Drihhtin sennde an karrte himm to Þær þær he wass onn eorþe, An karrte þatt wass all off fir, & horrs off fir itt droȝhenn. & Helyas forrþrihht anan Line 8705 Þær stah innto þatt karrte, & i þatt karrte wass he brohht Till - þær he wunenn shollde, & tære shall he libbenn a Till Anntecristess come, Line 8710 & tanne shall he cumenn forþ Till Issraæle þeode, Wiþþ Eȝȝnoc þatt shall cumenn ec, Swa summ ȝe littlær herrdenn. & baþe shulenn spellenn þa Line 8715 Till þatt Judisskenn þeode,

Þatt teȝȝ her i þiss middellærd Þatt time shulenn findenn, Þeȝȝ shulenn spellenn to þatt follc, Þatt witt tu wel to soþe, Line 8720 Off ure Laferrd Jesu Crist & off hiss Goddcunndnesse, & off - þatt he wiþþutenn gillt Wass naȝȝledd uppo rode, All alls hiss lefe wille wass, Line 8725 Forr all mannkinne nede, To lesenn þurrh hiss hallȝhe dæþ Mannkinn off hellepine. & ta shall þatt Judisskenn follc Þurrh þeȝȝre spell beon turrnedd Line 8730 Till fulluhht & till Crisstenndom, & till þe rihhte læfe. & Crist beoþ þanne borenn efft Inntill hiss aȝhenn birde, Inntill þatt Judewisshe follc Line 8735 Þatt he wass borenn offe, [col 216] Þurrh - þatt teȝȝ shulenn turrnenn hemm Till himm wiþþ fulle læfe, & lufenn himm & forþ wiþþ himm Hiss deore moderr Marȝe. Line 8740 All þuss shall þa beon filledd all Þatt uss wass ær bitacnedd, Þær Josæp barr þe Laferrd Crist U¯¯t off hiss aȝhenn birde,

U¯¯t off Judisskenn follkess land Line 8745 Þatt he wass borenn inne, & barr himm inntill hæþenn land, Inntill hæþene Egippte, & siþþenn barr himm efft onnȝæn Inntill hiss aȝhenn birde, Line 8750 Inntill Judisskenn follkess land, Swa summ icc habbe shæwedd;·

Þatt Jesu Crist wass seofenn ȝer Tosamenn inn Egippte, Þatt uss bitacneþþ mikell þing Line 8755 Þatt uss maȝȝ alle frofrenn. Itt tacneþþ þatt he frofreþþ her, Þurrh Haliȝ Gastess frofre, Þatt hallȝhe flocc þatt turrnedd wass U¯¯t off hæþene þeode Line 8760 Till Crisstenndom, & lufeþþ Crist, & hise laȝhess haldeþþ, & tatt he wile ȝifenn hemm A butenn ende blisse. Þatt Crist sellf frofreþþ here hiss hird Line 8765 Þurrh Haliȝ Gastess frofre, & shall hemm ȝifenn eche lif Att heore lifess ende, Þiss twinne seollþe tacnedd wass Þurrh Jesu Crist himm sellfenn, Line 8770 Þurrh þatt tatt he wass seofenn ȝer Tosamenn inn Egippte.

& her icc wile shæwenn hu All þiss iss tunnderrstanndenn. Þe Laferrd Crist wass seofenn ȝer Line 8775 Bitwenenn hæþenn þeode, Forr þatt he wollde hemm swa þurrh þatt Full opennliȝ bitacnenn, Þatt he þeȝȝm wollde frofrenn her Þurrh Haliȝ Gast onn eorþe, Line 8780 Ȝiff þatt teȝȝ wolldenn follȝhenn himm & hise laȝhess haldenn. Forr Haliȝ Gast iss ful iwiss Þurrh tale off seoffne tacnedd, Forr þatt he ȝifeþþ her hiss þeoww Line 8785 Hiss frofre o seofenn wise. He ȝifeþþ himm innsihht & witt Off heofennlike þingess; [col 217] & innsihht tunnderrstanndenn all Þatt mann maȝȝ unnderrstanndenn; Line 8790 & witt to ȝifenn aȝȝ god ræd Off all þatt Drihhtin likeþþ; & witt & mihht to berenn rihht Illc seollþe & illc unnseollþe. He ȝifeþþ himm innsihht & witt Line 8795 Off illc eorþlike nede, Off whatt iss soþ & whatt iss rihht I weorelldlike þingess; & rihht reowwsunnd off all þatt iss Onn eorþe to bireowwsenn; Line 8800

Line 8800 & witt & mihht to drædenn Godd & hise starrke domess, Forr to forrbuȝhenn þess te bett All þatt tatt Godd forrwerrpeþþ· Nu maȝȝ mann unnderrstanndenn her, Line 8805 Þurrh þise seofenn mahhtess, Wiþþ whillke ȝifess Haliȝ Gast Her frofreþþ Cristess þeowwess; & tatt he wile hemm frofrenn her O þise seofenn wise, Line 8810 Þatt wass hemm wel bitacnedd ær, Swa summ icc habbe shæwedd, Þurrh þatt tatt Crist wass seofenn ȝer Amang hæþene þeode, Þatt siþþenn shollde i Crisstenndom Line 8815 Þurrh Haliȝ Gast beon frofredd. & tatt te Laferrd Jesu Crist Shall ȝifenn hise þeowwess A butenn ende inn heoffness ærd To brukenn eche blisse, Line 8820 Þatt dide he þeȝȝm full witerrliȝ To witenn þurrh himm sellfenn, Þurrh þatt tatt he wass seofenn ȝer Amang hæþene þeode, Amang þatt follc þatt shollde himm ȝe¯¯t Line 8825 Full wel tocweme þewwtenn I Crisstenndom, þurrh haliȝ lif & þurrh þe rihhte læfe. Forr tale off seoffne tacneþþ uss All þatt tatt æfre lassteþþ, Line 8830

Line 8830 Forrþi þatt all þiss weorrldess ald Bi seoffne daȝhess eorneþþ, & forrþi maȝȝ itt tacnenn wel All heofennrichess blisse, Þatt aȝȝ occ aȝȝ shall lasstenn uss, Line 8835 Ȝiff þatt wet¯¯ muȝhenn winnenn. & forrþi wass he seofenn ȝer Amang hæþene þeode, For þatt he wollde hemm swa þurrh þatt Full opennliȝ bitacnenn, Line 8840 Þatt he þeȝȝm wollde ȝifenn lif A butenn ende i blisse, Ȝiff þatt teȝȝ wolldenn follȝhenn himm & hise laȝhess haldenn. & affterr þatt te Laferrd Crist Line 8845 Wass cumenn off Egippte, Inntill þe land off Galileo Till Nazaræþess chesstre, Þær he bilæf wiþþ hise frend, Wiþþ Sannte Marȝe hiss moderr, Line 8850 & wiþþ þatt hallȝhe mann Josæp Þatt himm wass sett to fosstrenn. & tære he wex, & þraf, & wass Full herrsumm till hiss moderr, & till hiss fossterrfaderr ec Line 8855 He wass buhsumm & milde. [col 218] Þurrh þatt tatt cwiddedd wass off Crist Forrlannge þurrh prophete,

Þatt he þe Nazarisshe mann Ȝehatenn shollde wurrþenn, Line 8860 Þurrh þatt wass cwiddedd wel, þatt he Onn eorþe shollde shæwenn Bitwenenn menn forr þeȝȝre god U¯¯tnumenn haliȝnesse. Forr Nazarenuss tacneþþ sannt, Line 8865 & haliȝ mann & clene, & Jesu Crist wass haliȝ Sannt Unnseȝȝenndliȝ wiþþ alle; Forr he wass allre shaffte Godd & mann all clene off sinne, Line 8870 Allhaliȝ mann, all þwerrt u¯¯t god Onn alle kinne wise. & Godd Allmahhtiȝ lefe uss swa To forþenn Cristess wille, & swa to follȝhenn Cristess sloþ Line 8875 Aȝȝ affterr ure mahhte, Swa þatt we motenn alle imæn Beon borrȝhenn þurrh hiss are.

Amæn.

SECUNDUM LUCAM XV.

Cum factus esset I H C annorum xii ascendentibus illis.

Affterr þatt tatt te Laferrd Crist Wass cumenn off Egyppte Line 8880 Inntill þe land off Galileo, Till Nazaræþess chesstre, Þæraffterr seȝȝþ þe Goddspellboc Bilæf he þær well lannge Wiþþ hise frend, tatt haffdenn himm Line 8885 To ȝemenn & to gætenn, Wiþþ Marȝe þatt hiss moderr wass & maȝȝdenn þwerrt u¯¯t clene, & wiþþ Josæp þatt wass himm sett To fedenn & to fosstrenn. Line 8890 & illke Lenntenn forenn þeȝȝ Till Ȝerrsalæmess chesstre Aȝȝ att te Passkemessedaȝȝ, Swa summ þe boc hemm tahhte, To frellsenn þær þatt heȝhe tid Line 8895 O þatt Judisskenn wise, Forr þatt teȝȝ wærenn gode menn, & Godess laȝhess heldenn. Annd siþþenn, o þatt ȝer þatt Crist Wass off twellf winnterr elde, Line 8900 Þeȝȝ comenn inntill Ȝerrsalæm Att teȝȝre Passkemesse,

& heldenn þær þatt hallȝhe tid O þatt Judisskenn wise. & Jesu Crist wass þær wiþþ hemm, Line 8905 Swa summ þe Goddspell kiþeþþ· Annd affterr þatt te tid wass gan Þeȝȝ wenndenn fra þe temmple, & ferrdenn towarrd Nazaræþ [col 219] An daȝȝess gang till efenn, Line 8910 & wenndenn þatt te Laferrd Crist Wiþþ hemm þatt gate come, & he wass þa bihinndenn hemm Bilefedd att te temmple; & tatt ne wisste nohht hiss kinn Line 8915 Acc wennde þatt he come, & ȝedenn heore weȝȝe forþ Till þatt itt comm till efenn, & ta þeȝȝ misstenn þeȝȝre child, & itt hemm offerrþuhhte, Line 8920 & ȝedenn till, & sohhtenn himm Bitwenenn sibbe & cuþe, & teȝȝ ne fundenn nohht off himm, Forr he wass att te temmple. & teȝȝ þa wenndenn efft onnȝæn Line 8925 Þatt dere child to sekenn, & comenn efft till Ȝerrsalæm, To sekenn himm þær binnenn. & teȝȝ himm o þe þridde daȝȝ Þær fundenn i þe temmple, Line 8930

Line 8930 Bitwenenn þatt Judisskenn flocc Þatt læredd wass o boke; & tære he satt to fraȝȝnenn hemm Off þeȝȝre bokess lare, & alle þatt himm herrdenn þær, Line 8935 Hemm þuhhte mikell wunnderr Off þatt he wass full ȝæp & wis To swarenn & to fraȝȝnenn. & Sannte Marȝe comm till himm & seȝȝde himm þuss wiþþ worde, Line 8940 Whi didesst tu, lef sune, þuss Wiþþ uss, forr uss to swennkenn? Witt hafenn sohht te widewhar Icc & ti faderr baþe Wiþþ serrhfull herrte & sariȝ mod, Line 8945 Whi didesst tu þiss dede? & tanne seȝȝde Jesu Crist Till baþe þuss wiþþ worde, Whatt wass ȝuw swa to sekenn me, Whatt wass ȝuw swa to serrȝhenn? Line 8950 Ne wisste ȝe nohht tatt me birrþ Min faderr wille forþenn? Ne þatt me birrþ beon hoȝhefull Abutenn hise þingess? & teȝȝ ne mihhtenn nohht tatt word Line 8955 Ȝe¯¯t ta wel unnderrstanndenn; & he þa ȝede forþ wiþþ hemm & dide hemm heore wille, & comm wiþþ hemm till Nazaræþ, Swa summ þe Goddspell kiþeþþ, Line 8960

Line 8960 & till hemm baþe he lutte & bæh Þurrh soþfasst herrsummnesse, & wass wiþþ hemm till þatt he wass Off þrittiȝ winnterr elde. & ure laffdiȝ Marȝe toc Line 8965 All þatt ȝho sahh & herrde Off hire sune Jesu Crist, & off hiss Goddcunndnesse, & all ȝhot¯¯ held inn hire þohht, Swa summ þe Goddspell kiþeþþ, Line 8970 & leȝȝde itt all tosamenn aȝȝ Inn hire þohhtess arrke. & hire sune wex & þraf I wissdom & inn elde, & he wass Godd & gode menn Line 8975 Well swiþe lef & dere; & tatt wass rihht, forr he wass Godd, & god onn alle wise. Her endeþþ nu þiss Goddspell þuss & uss birrþ itt þurrhsekenn, Line 8980 To lokenn whatt itt læreþþ uss Off ure sawle nede.

[col 220] Þatt Jesu Cristess kinness menn Aȝȝ forenn to þe temmple Att heore Passkemessedaȝȝ, Line 8985 Þatt hallȝhe tid to freollsenn,

Þatt wass till uss god bisne inoh, Loc ȝiff wet¯¯ wilenn follȝhenn, To sekenn kirrke bliþeliȝ, To biddenn uss to Criste, Line 8990 Onn iwhillc haliȝ messedaȝȝ Þatt uss birrþ alle freollsenn, Forr þanne birrþ uss Godess hus Att allre læste sekenn, Forr, ȝiff we mihhtenn, illke daȝȝ Line 8995 Uss birrde itt georne sekenn, To þingenn uss wiþþ ure Godd Þurrh bedess & þurrh lakess. & tatt te Laferrd Jesu Crist Wass fundenn i þe temmple, Line 9000 Bitwenenn þatt Judisskenn flocc Þatt læredd wass o boke, Þær þær he satt to fraȝȝnenn hemm Off heore bokess lare, Þatt wass ȝuw bisne god inoh, Line 9005 Loc ȝiff ȝet¯¯ wilenn follȝhenn, Þatt ȝuw birrþ georne stanndenn inn To fraȝȝnenn ȝure preostess, Off all hu ȝuw birrþ ledenn ȝuw & lefenn uppo Criste, Line 9010 Hu ȝuw birrþ follȝhenn Cristess sloþ, & Cristess laȝhess haldenn, & stanndenn ȝæn þe laþe gast, & winnenn Cristess are. Forr ȝuw birrþ uppo kirrkeflor Line 9015 Beon fundenn offte & lannge,

To lisstenn whatt te preost ȝuw seȝȝþ Off ȝure sawle nede. & tatt te Laferrd Jesu Crist Bilæf himm i þe temmple Line 9020 Bihinndenn hise kinness menn, & le¯¯t hemm all hemm ane Gan þeȝȝre weȝȝe, all swa summ he Rihht nohht off hemm ne rohhte, Þatt dide he forr to shæwenn hemm Line 9025 & uss & alle þeode, Þatt all þatt æfre shapenn wass Inn alle kinne shaffte Birrþ effnedd beon onnȝæness Crist [Coll. 221-224. wanting.] . . . . . [col 225] . . . . .derr weddedd, Line 9030 & Cristess faderr rihht inoh Þatt wass himm sett to fosstrenn, Þohh þatt he streonedd nohht ne wass Þurrh himm, ne þurrh nan oþerr. & ȝe¯¯ forr all an oþerr whatt Line 9035 Seȝȝde þe laffdiȝ Marȝe, Þatt Josæp Cristess faderr wass, Ȝhot¯¯ seȝȝde wiss to soþe, Forrþi þatt ȝho ne wollde nohht Kiþenn off Crist ne shæwenn Line 9040 Nan þing, whatt gate he borenn wass Off Haliȝ Gast to manne;

Acc all swa summ ȝho wisste wel Þatt all þe lede wennde, Annd all swa summ ȝho wisste wel Line 9045 Þatt laþe gastess wenndenn, Þatt hire sune Jesu Crist Josæpess sune wære, All swa ȝho spacc rihht alls iff he Josæpess sune wære; Line 9050 Forr þatt ȝho nollde nohht off Crist Þurrh hi˘re sellfenn shæwenn, Butt all swillc summ þe laþe gast & ec þe follc wel wennde, Swillc durrste ȝho shæwenn off Crist; Line 9055 & all forrþi ȝho seȝȝde, Lef sune, icc & tin faderr þe Sohht hafenn mikell baþe; Forr þatt ȝho wollde lætenn wel Himm sellfenn off himm sellfenn Line 9060 All shæwenn whatt he wass, & hu He cumenn wass to manne & tatt te Laferrd Jesu Crist Wass herrsumm till hemm baþe, & æddmod aȝȝ, & bliþe, & fus Line 9065 To follȝhenn heore wille, Þatt dide he forr he wollde swa Uss alle ȝifenn bisne, To cwemenn ure faderr wel & ure moderr baþe, Line 9070 To lutenn hemm, to lefftenn hemm, To serrfenn hemm well ȝerrne,

To findenn hemm þatt hemm iss ned Aȝȝ affterr ure mahhte; Forr ȝiff þatt tu forrwerrpesst her Line 9075 Þin faderr & tin moderr, Þu best forrworrpenn att te dom, Butt iff þut¯¯ muȝhe betenn. Off þatt tatt Sannte Marȝe toc All þatt ȝho sahh & herrde Line 9080 Off hire sune Jesu Crist & off hiss Goddcunndnesse, & leȝȝde itt all tosamenn aȝȝ, To þennkenn þær abutenn, Forr þatt ȝho wisste mare off himm Line 9085 Þann aniȝ mann o life, Off þatt icc habbe shæwedd her Biforenn o þiss lare, Þær þær þe Goddspellwrihhte seȝȝþ Onn hiss Goddspelless lare Line 9090 Þatt hirdess fundenn Jesu Crist I Beþþleæmess chesstre, Uppo þatt illke nahht tatt he Wass borenn her to manne; Forr þære uss seȝȝþ þe Goddspellboc, Line 9095 & wel uss birrþ itt trowwenn, Þatt ure laffdiȝ Marȝe toc All þatt ȝho sahh & herrde Off hire sune Jesu Crist, & off þa miccle tacness Line 9100 Þatt comenn i þiss middellærd, Son summ he comm to manne;

& tatt ȝho leȝȝde itt samenn all To þennkenn aȝȝ þær ummbe, Hu ȝho wiþþ childe wurrþenn wass Line 9105 Wiþþutenn iwhillc macche, & hu ȝho barr þatt illke child Wiþþutenn iwhillc pine, Swa þatt ȝho moderr wurrþenn wass, & wass þohh maȝȝdenn clene; Line 9110 & tatt te Laferrd Jesu Crist Wel wex & þraf onn elde, Þatt wass o þatt hallf þatt he wass Soþ mann i Goddcunndnesse; & tatt tatt he wass swiþe wis, Line 9115 & Godd & menn full cweme, Þatt wass forrþi þatt he wass Godd & god onn alle wise. & Godd Allmahhtiȝ gife uss rihht To follȝhenn Cristess lare, Line 9120 Swa þatt we motenn alle imæn Beon borrȝhenn þurrh hiss are.

Amæn;·

SECUNDUM LUCAM XVI.

Anno quintodecimo imperii Tyberii Cesaris.

[col 226] Nu cumeþþ me to tellenn forþ Off Sannt Johan Bapptisste, & tær rihht tær I le¯¯t off himm Line 9125 Þær wile I nu biginnenn, To tellenn & to spellenn ȝuw Off himm & off hiss lare. Þiss illke were Sannt Johan Wass haliȝ mann wiþþ alle, Line 9130 Forr son summ he wass waxenn swa Þurrh hise freondess fode, Þatt he þa mihhte himm sellf wel beon Hiss aȝhenn hellpe & hirde, & tatt he cuþe himm ane beon, Line 9135 & lokenn till himm sellfenn, Forrþrihht anan he flæh aweȝȝ Fra faderr & fra moderr, & flæh himm inntill wessteland Þær itt wass all unnbiggedd, Line 9140 & shadde himm all þwerrt u¯¯t fra menn; Forr þatt he wollde himm ȝemenn, Swa þatt he þurrh an idell word Ne shollde himm nohht forrgilltenn.

& tære he ledde himm ane hiss lif Line 9145 Fra þatt he wass full litell Till þatt he waxenn wass, & neh Off þrittiȝ winnterr elde. & siþþenn toc he þær þe follc To spellenn & to fullhtnenn, Line 9150 Forr þatt he wollde ȝarrkenn hemm Onnȝæness Cristess come. & here icc wile off hiss fulluhht & off hiss lare spellenn, & off þatt he wass sennd þurrh Godd Line 9155 Biforenn Cristess come, Rihht allse bidell birrþ beon sennd, To ȝarrkenn & to greȝȝþenn Onnȝæn hiss Laferrd þær þær he [col 227] Shall cumenn ske¯¯t to túne;· Line 9160

Þe Goddspell seȝȝþ þatt Sannt Johan Bigann off Crist to spellenn U¯¯t i þe wesste bi þe flumm, O þatt Kaseress tíme Þatt wass i Rome Kaserrking, Line 9165 Tiberiuss ȝehatenn. & o þatt ȝer þatt Sannt Johan Bigann off Crist to spellenn, O þatt ȝer wass þatt illke King Onn hiss fiftende winnterr, Line 9170

Line 9170 Fra þatt tatt he wass sett to beon Kasere i Rome riche. & ta wass Romess ki˘nedom Full wid & sid onn eorþe, & itt wass hæfedd kinedom Line 9175 Abufenn oþre unnfæwe. & Ȝerrsalæmess kinedom Wass i þatt illke time Todæledd, þatt witt tu full wel, O fowwre feorþenn daless. Line 9180 & tweȝȝenn preostess wærenn þa I Ȝerrsalæmess chesstre, Þatt wærenn oferr Godess follc Bisskopess i þatt time; Þatt an wass nemmnedd Kayphas, Line 9185 & Anna wass þatt oþerr, Þatt wærenn oferr Godess follc I Ȝerrsalæm, þatt time Þatt Cristess bidell, Sannt Johan, Bigann off Crist to spellenn. Line 9190 & he bigann to spellenn þa Wiþþ fulluhht off dædbote, Off þatt fulluhht tatt shollde beon Forrȝifenesse off sinness, Affterr þatt itt iss writenn þuss Line 9195 Onn Ysayȝess lare; Þe rowwst iss herrd off ænne mann Þatt epeþþ þuss i wesste Till illkess kinness follc, gaþ till, & ȝarrkeþþ Godess weȝȝe, Line 9200

Line 9200 Gaþ till, & rihhteþþ swiþe wel Drihhtiness narrwe stiȝhess; Nu ske¯¯t shall illc an dăle beon All heȝhedd upp & filledd, & illc an lawe & illc an hill Line 9205 Shall niþþredd beon & laȝhedd; & all þatt ohht iss wrang & crumb Shall effnedd beon & rihhtedd. & whærse iss all unnsmeþe ge¯¯t Þurrh bannkess & þurrh græfess, Line 9210 & sharrp, & ruhh, & gatelæs Þurrh þorrness & þurrh breress, Þær shulenn beon ridinngess nu, & effne & smeþe weȝȝess. [col 228] & all mannkinn shall seon full ske¯¯t Line 9215 Crist, Godess Sune, onn eorþe, Hælennde, & hellpe, & god upphald Till þa þatt he shall chesenn. Þuss toc Johan, Cristess derrlinng, To spellenn i þe wesste, Line 9220 Forr he wass haliȝ mann & god, & Drihhtin swiþe cweme. Hiss claþ wass off ollfenntess hær, Hiss mĕte wass gresshoppe, & itt wass huniȝ off þe feld, Line 9225 Giff þatt he mihhte itt findenn; Hiss drinnch wass waterr aȝȝ occ aȝȝ Swillc allse he fand i wesste;

Hiss girrdell wass off shepess skinn Abutenn hise lendess. Line 9230 & forr þatt he wass þwerrt u¯¯t god Onn alle kinne wise, Menn wenndenn þatt he wære Crist Þatt tanne cumenn wære; Forr Crist wass i þatt tíme ȝe¯¯t Line 9235 All unncuþ & all dærne Wiþþ Sannte Marȝe & wiþþ Josæp, I Nazaræþess chesstre. & Sannt Johan i wessteland Wass wurrþenn cuþ þatt tíme, Line 9240 & menn himm sohhtenn fasste to, Forr himm to seon & herenn, All u¯¯t off Ȝerrsalæmess land, Swa summ þe Goddspell kiþeþþ, & ec u¯¯t off Judealand, Line 9245 & off þa tuness alle Þatt wærenn bi þe flumm Jorrdan, & eȝȝwhær þær abutenn. & he toc þær to spellenn hemm, Swa summ icc habbe shæwedd, Line 9250 & fele tokenn shriffte att himm [col 229] Off alle þeȝȝre sinness. & he toc þa to fullhtnenn þa Þatt tokenn wiþþ hiss lare I flumm Jorrdan, forr itt wass þær Line 9255 Himm onnfasst i þe wesste.

& he sahh cumenn þær till himm Þær till þe flumm unnfæwe, & off Farisewisshe menn & off Saducewisshe, Line 9260 To wurrþenn fullhtnedd att hiss hannd, & forr to tăkenn shriffte; & he toc þa to spellenn hemm, & seȝȝde þuss wiþþ worde; Ȝe neddrestreon, wha tahhte ȝuw Line 9265 To fleon & to forrbuȝhenn Þatt irre þatt to cumenn iss, & Godess wraþþe & wræche? Gaþ alle, & takeþþ upponn ȝuw Rihht shriffte off ȝure sinness, Line 9270 & lokeþþ wel þatt ȝure nan Ne segge þuss wiþþ worde; We sinndenn Habrahamess streon & Habrahamess chilldre. Icc segge ȝuw to fulle soþ Line 9275 Þatt Drihhtin hafeþþ mihhte To reȝȝsenn, ȝiff himm þinnkeþþ god, Rihht hére off þise staness Rihht aþell streon off Habraham, Rihht Habrahamess chilldre. Line 9280 Forr nŭȝȝu iss bulaxe sett Rihht to þe treowwess rote, & illc an treo þatt i þiss lif Ne bĕreþþ nohht god wasstme Shall bi þe grund beon hæwenn upp Line 9285 & i þe fir beon worrpenn.

Þe follc þatt herrde himm spellenn þær Spacc þa till himm, & seȝȝde; Whatt shule we nu forrþwarrd don? & he ȝaff sware, & seȝȝde; Line 9290 Whasumm itt iss þatt illke mann Þatt hafeþþ tweȝȝenn kirrtless, Gife he þatt an summ oþerr mann Þatt iss wiþþutenn kirrtell. & puplicaness comenn þær, Line 9295 Att himm to wurrþenn fullhtnedd, & seȝȝdenn þuss till Sannt Johan, Þær þær he stod to spellenn; Lef maȝȝstre, seȝȝ uss nu þin raþ & seȝȝ uss nu þin lare, Line 9300 Whatt we nu forrþwarrd shulenn don To betenn ure sinness. & Sannt Johan hemm seȝȝde þuss; Nohht elless ne nohht mare Þann þatt tatt ȝuw iss sett to don Line 9305 Ne do ȝe; þiss icc lære. & ec þær comenn to þe flumm Þe Kaserrkingess cnihhtess, To leornenn lare att Sannt Johan Off þeȝȝre sawle nede, Line 9310 & tuss þeȝȝ seȝȝdenn þær till himm; Seȝȝ uss all swa, lef laferrd, Whatt uss iss nu forrþwarrd to don, To berrȝhenn ure sawless. & Sannt Johan hemm seȝȝde þuss; Line 9315 Ȝiff þatt ȝe wel ȝuw lokenn

[col 230] Fra clake & sake, & fra þatt toþþ Þatt follȝheþþ ȝiferrnesse, Þatt hóleþþ o þe laȝhe leod, & rippeþþ hemm & ræfeþþ, Line 9320 & ȝiff ȝe tellenn forr inoh Þatt tatt te King ȝuw findeþþ, Þa muȝhe ȝe wiþþ clene lif Wel hellpenn ȝure sawless. Þuss fundenn alle att Sannt Johan Line 9325 God lare off heore nede; & tatt nass wunnderr þwerrt u¯¯t nan Þatt he wass wis o lare, Forr he wass full off Haliȝ Gast œr þan he borenn wære. Line 9330 Her endeþþ nu þiss Goddspell þuss, & uss birrþ itt þurrhsekenn, To lokenn whatt itt læreþþ uss Off ure sawle nede.

Þatt Sannt Johan swa swiþe ȝung Line 9335 Bigann Drihhtin to þeowwtenn, Þatt wass god bisne ful iwiss Till ure ȝunge genge, Þatt hemm birrþ affterr heore mahht Biginnenn Godd to cwemenn, Line 9340 Son summ þeȝȝ wi˘tenn hu mann maȝȝ Drihhtiness wille wirrkenn.

Me mineþþ þatt te Goddspell seȝȝþ, Þatt Sannt Johan Bapptisste Wass sennd to manne þurrh Drihhtin Line 9345 Biforenn Cristess come, To ȝarrkenn follc onnȝæness Crist Wiþþ fulluhht & wiþþ lare. & tatt wass ned tatt he wass sennd To spellenn & to fullhtnenn, Line 9350 Ær þann þe Laferrd Jesu Crist Bigann owwþerr to donne. Forr ȝiff he come himm sellf þær forþ, Færlike forr to spellenn Off all hiss Goddcunndnessess mahht Line 9355 & off hiss deope lare, Ne munnde nohht tatt illke follc Þatt Crist comm till onn eorþe, Þatt haffdenn ledd aȝȝ þeȝȝre lif Affterr þe flæshess wille, Line 9360 Ne munndenn þeȝȝ nohht habbenn mihht, Ne witt, ne forrþenn wille [col 231] To turrnenn hemm all till hiss hannd, To follȝhenn all hiss lare, & to forrwerrpenn all þatt lif Line 9365 & all þatt laȝhess lade Þatt he wass sett þurrh Drihhtin sellf To ledenn & to follȝhenn. & all forrþi comm Sannt Johan Biforenn Cristess come, Line 9370

Line 9370 To spellenn to þe follc summwhatt Off Cristess Goddcunndnesse, & off hiss heofennlike mahht, & off hiss depe lare, & forr to shæwenn hemm þatt Crist Line 9375 Þa shollde cumenn newenn, & forr to shæwenn hemm whillc ned Itt wære þatt he come, To lesenn mannkinn þurrh hiss dæþ U¯¯t off þe deofless walde. Line 9380 All swillc & swillc comm Sannt Johan To shæwenn & to kiþenn Biforenn þatt Judisskenn þeod Þatt he wass borenn offe, Forr swa to meokenn þeȝȝre lund Line 9385 & teȝȝre modess wille To takenn wiþþ þe Laferrd Crist, & wiþþ hiss deope lare, Þatt time þatt he come forþ Himm sellf forr hemm to lærenn, Line 9390 To turrnenn hemm till Crisstenndom & till þe rihhte læfe. Ȝiff þatt tin eȝhe iss all unnhal Wiþþinnenn o þe séne, Itt shuneþþ, þatt tu wast te sellf, Line 9395 Þe sunness brihhte leome; & ȝiff þatt tu mihht hælenn itt Wiþþ aniȝ kinness sallfe, Þa maȝȝ itt siþþenn þolenn wel Þe sunness brihhte leome. Line 9400

Line 9400 All swa wass off þatt illke follc Þatt Crist comm till onn eorþe, Þatt haffdenn ledd aȝȝ þeȝȝre lif Affterr þe flæshess wille, Ne munndenn þeȝȝ nohht habbenn witt, Line 9405 Ne mahht, ne forrþenn wille, To tăkenn wiþþ þe Laferrd Crist, Ne wiþþ hiss depe lare, Ȝiff þatt he come himm sellf till hemm Færlike forr to kiþenn Line 9410 All whatt he wollde, ær þann itt ohht Þurrh oþre wære shæwedd. Rihht all forrþi comm Sannt Johan Firrst wiþþ hiss little lare & little bisne till þe follc, Line 9415 Forr þatt he wollde hemm strengenn, Swa þatt teȝȝ mihhtenn habbenn mahht [col 232] All þess te bettre siþþenn To berenn Cristess miccle spell & Cristess miccle bisne, Line 9420 Þatt time þatt he come himm sellf Bitwenenn hemm to spellenn. Rihht swa comm þanne Sannt Johan Firrst wiþþ hiss little lare Alls iff he brohhte læchedom Line 9425 & herrtess eȝhesallfe, To sallfenn & to clennsenn firrst Þe follkess herrtess eȝhe,

Swa þatt teȝȝ mihhtenn seon þe bett Þe sunness brihhte leome, Line 9430 Off Cristess heofennlike mahht, Off Cristess Goddcunndnesse, Off Cristess laress brihhte leom, Off Cristess hallȝhe bisne. & forr þatt Sannt Johan wass sennd, Line 9435 Swa summ icc habbe shæwedd, To spellenn off þe Laferrd Crist Þatt shollde cumenn newenn, To chesenn off Judisskenn follc & off hæþene þeode Line 9440 An follc to tăkenn Crisstenndom, To lefenn uppo Criste, Forrþi wass writenn witerrliȝ & seȝȝd þurrh Goddspellwrihhte, Wha wass þatt time Kaserrking Line 9445 I Romess ki˘neriche, & whillke wærenn allderrmenn Amang Judisskenn þeode, Þatt time þatt Johan bigann To spellenn & to fullhtnenn. Line 9450 & forrþi þatt hæþene þeod Þa shollde wurrþenn newenn Sammnedd togeddre i Crisstenndom, To lefenn uppo Criste, To wurrþenn Cristess kinedom Line 9455 An follc off alle þeode, Forrþi wass an hæþene king & an hæþene riche,

Þatt time þatt Johan bigann To spellenn & to fullhtnenn. Line 9460 & forrþi þatt Judisskenn follc Þa shollde beon toskeȝȝredd, Þurrh Jesu Cristess rihhte dom Forr heore depe sinne, Forrþi þatt teȝȝ þurrh hĕte & niþ Line 9465 Himm sholldenn all forrwerrpenn, Forrþi wass þeȝȝre kinedom [col 233] Todæledd & tobrittnedd Þurrh Rome richess Kaserrking O fowwre feorþenn daless, Line 9470 Þatt time þatt Johann bigann To spellenn & to fullhtnenn. & forrþi þatt te Laferrd Crist Iss King off alle kingess, & Preost off alle preostess ec, Line 9475 To berrȝhenn hise þeowwess, Forrþi wass writenn witerrliȝ & seȝȝd þurrh Goddspellwrihhte, Ȝa whillke wærenn kingess þa, Ȝa whillke wærenn preostess, Line 9480 Þatt time þatt Johan bigann To spellenn & to fullhtnenn. Anna wass Bisskop o þatt ȝer Amang Judisskenn þeode Þatt Sannt Johan Bapptisste toc Line 9485 To spellenn & to fullhtnenn;

& Kayfass wass o þatt ȝer Þatt Crist wass don o rode; & þreo bitwenenn þise twa Þatt illke wikenn haffdenn; Line 9490 Wiþþinnenn þreo ȝer wærenn þreo Bitwenenn þise tweȝȝenn; & Crist wass o þa fowwre ȝer Unnderr Bisshopess fowwre Bitwenenn þatt Judisskenn follc Line 9495 Þatt he wass borenn offe, To spellenn & to lærenn hemm Off heore sawle nede, & wrohhte wunndre miccle ma Þann icc ȝuw maȝȝ nu tellenn, Line 9500 Fra þatt daȝȝ þatt he fullhtnedd wass Till þatt he stah o rode. & ta wass Kayfasess ȝer Þe fifte ȝer bigunnenn, Þatt time þatt te Laferrd Crist Line 9505 Wass naȝȝledd uppo rode. Þatt tatt te Goddspellwrihhte seȝȝþ, Þatt Sannt Johan Bapptisste Bigann to spellenn to þe follc Wiþþ fulluhht off dædbote, Line 9510 Off þatt fulluhht þatt shollde beon Forrȝifenesse off sinness, Þatt wass alls iff he seȝȝde þuss Wiþþ opennlike spæche, He toc to spellenn to þe follc Line 9515 Off Jesu Cristess come,

Þatt shollde hemm gifenn hiss fulluhht, To clennsenn hemm off sinness; & badd he ȝeorne clennsenn hemm Wiþþ shriffte off rihht dædbote, Line 9520 To greȝȝþenn & to ȝarrkenn hemm Ȝæn Cristess hallȝhe come. & tohh þatt he ne mihhte nohht Hemm ȝifenn þurrh himm sellfenn Fulluhht tatt mihhte clennsenn hemm, Line 9525 & lesenn hemm off sinness, [col 234] Þohh kidde he þeȝȝm full wel þatt Crist Hemm shollde newenn clennsenn Þurrh fulluhht & þurrh Haliȝ Gast Off alle þeȝȝre sinness. Line 9530 & forr þatt Sannt Johan wass sennd Biforenn Crist to greȝȝþenn, All allse bidell birrþ beon sennd To greȝȝþenn ȝæn hiss laferrd, Forrþi toc he biforenn Crist Line 9535 To spellenn & to fullhtnenn. & siþþenn comm þe Laferrd Crist Himm sellf to wurrþenn fullhtnedd, & to biginnenn þatt fulluhht Þurrh hise Leorninngcnihhtess, Line 9540 Þatt shollde clennsenn all þe mann I bodiȝ & i sawle Off alle sinness, ȝiff þatt he Rihht laȝhelike itt toke;

& ec to spellenn to þatt follc Line 9545 Þatt he wass borenn offe, To turrnenn hemm till Crisstenndom & till þe rihhte læfe. & siþþenn comm itt ge¯¯t tærto, Þatt witt tu wel to soþe, Line 9550 Þatt Sannt Johan Bapptisste for Biforenn Crist till helle, Forrþi þatt he wass sennd þurrh Godd Biforenn Crist to ȝarrkenn, All allse bidell birrþ beon sennd Line 9555 To ȝarrkenn ȝæn hiss laferrd. & ec forrþi wass seȝȝd off himm Forrlannge þurrh prophete, Þurrh Ysayȝe Godess þeoww, Swa summ þe Goddspell kiþeþþ; Line 9560 Þe rowwst iss herrd off ænne mann Þatt epeþþ i þe wesste. Forr all swa summ þe reord gaþ aȝȝ Biforenn i þi spæche, & siþþenn follȝheþþ aȝȝ þe word Line 9565 Swa summ þe reord itt ledeþþ, Rihht all allswa comm Sannt Johan Biforenn Crist to manne, Rihht allse he wære rowwst & reord, & Crist te word tæraffterr. Line 9570 & tatt bilimmpeþþ wel þatt Crist Iss þurrh þe word bitacnedd, Forr Crist iss Godd & Godess word, & Godess Sune i kinde;·

[col 235] & rihht wass þatt Johan bigann Line 9575 I wessteland to spellenn, Forr þatt itt shollde tacnenn us, Þatt he wass sennd to spellenn Till Issraæle þeod tatt wass All wesste & all forrworrpenn Line 9580 Neh all togeddre att Drihhtin Godd, Forr heore deope sinness. & tatt he badd hemm alle gan & ȝarrkenn Godess weȝȝe, Þatt wass alls iff he seȝȝde þuss Line 9585 Wiþþ opennlike spæche; Forrwerrpeþþ all þatt ifell iss & alle kinne sinness, & turrneþþ ȝuw till haliȝ lif Wiþþ alle gode dedess, Line 9590 & ȝarrkeþþ Godess weȝȝe swa Þatt he ȝuw muȝhe nehhȝhenn. & tatt he badd hemm alle gan & rihhtenn Godess stiȝhess, Þatt wass alls iff he bæde hemm gan Line 9595 & clennsenn heore þohhtess, Forr clene þohht iss Godess bedd, & tære he wile himm resstenn. & tatt tatt Cristess þeww Johan Þær seȝȝde to þe leode, Line 9600 Nu ske¯¯t shall illc an dale beon All heȝhedd upp & filledd,

& illc an lawe & illc an hill Shall niþþredd beon & laȝhedd, Þatt wass alls iff he seȝȝde þuss Line 9605 Wiþþ all full openn spæche; Nu ske¯¯t shall Godess Sune Crist Himm awwnenn her onn eorþe, Forr her to niþþrenn alle þa Þatt modiȝnesse follȝhenn, Line 9610 & forr to reȝȝsenn alle þa Þatt follȝhenn soþ meocnesse, Forr Drihhtin hăteþþ modiȝ mann, & lufeþþ alle meoke. & tiss mann unnderrstanndenn maȝȝ Line 9615 Ȝe¯¯t onn an oþerr wise, Þatt Issraæle þeod allmasst [col 236] Þa shollde beon forrworrpenn, Forr þatt teȝȝ sholldenn Crist forrseon Þurrh þeȝȝre modiȝnesse, Line 9620 Þatt follc, þatt haffde beon till þa Heh follc & rannc onn eorþe; Forr Drihhtin haffde chosenn hemm & heȝhedd hemm & wurrþedd Þurrh þatt tatt he þeȝȝm haffde sett Line 9625 Bisscopess, preostess, dæcness, & laȝheboc, & lare inoh Off all þatt hemm wass þurrfe, & wærenn hofenn upp þurrh þatt Abufenn alle þeode, Line 9630

Line 9630 All all swa summ þe lawe iss heh Abufenn oþerr eorþe. & forrþi wærenn þeȝȝ full rihht Bitacnedd þurrh þe lawe, Þatt shollde ske¯¯t beon worrpenn dun Line 9635 & laȝhedd all & niþþredd. Forr all þe Judewisshe follc Well ner wass all forrworrpenn Affter þatt tatt te Laferrd Crist Wass cumenn her to manne, Line 9640 Forrþi þatt teȝȝ forrwurrpenn himm & Sannte Marȝe hiss moderr. & tatt te dăle shollde beon All heȝhedd upp & filledd, Þatt wass seȝȝd off hæþene þeod Line 9645 Þatt shollde þa beon heȝhedd, & turrnedd till þe Crisstenndom & till þe rihhte læfe, & filledd þurrh þe Laferrd Crist Off Haliȝ Gastess frofre. Line 9650 & þatt tatt Cristess þeww Johan Þær seȝȝde till þe leode, & all þatt ohht iss wrang & crumb Shall effnedd beon & rihhtedd, Þatt seȝȝde he witerrliȝ forrþi Line 9655 Þatt ta wass cumenn time, Þatt woh & sinne shollde beon Till rihhtwisnesse wharrfedd, Þurrh fulluhht & þurrh Crisstenndom, & þurrh þe rihhte læfe. Line 9660

Line 9660 & tatt he seȝȝde to þe leod Þær þær he stod to spellenn, & whærse iss ruhh & harrd & sharrp Þurrh þorrness & þurrh breress, Þær shall nu newenn greȝȝþedd beon Line 9665 Full smeþe & soffte weȝȝe. [Coll. 237-244. wanting.] . . . . . [col 245] Wass wiþerrwarrd onnȝæness Godd & all droh towarrd helle; Forr þeȝȝre trowwþe iss Drihhtin laþ, Forr þatt teȝȝ alle trowwenn Line 9670 Þatt manness sawle deȝeþþ þær Whær swa þe bodiȝ deȝeþþ; & tatt iss mikell hæþenndom To lefenn & to trowwenn, Forr sawle iss swa summ enngell iss Line 9675 Wiþþ ord, & butenn ende, & sawle iss Drihhtinlic i þatt, Þatt witt tu wel to soþe, I þatt, tatt ȝho ne deȝeþþ nohht, Forr Godd ne deȝeþþ næfre. Line 9680 & teȝȝre trowwþe iss Drihhtin laþ, Forr nilenn þeȝȝ nohht trowwenn Þatt mannkinn to þe miccle dom Shall risenn upp off dæþe. Acc forrþi þatt te laþe gast Line 9685 Hemm hafeþþ all forrblendedd,

Þeȝȝ seggenn alls itt wære soþ, Forrþi þatt teȝȝ itt trowwenn, Þatt affterr þatt te mann iss dæd Ne shall he næfre libbenn; Line 9690 & tatt iss mikell hæþenndom To lefenn & to trowwenn, Forr all mannkinn o Domess daȝȝ Shall risenn upp off dæþe, To tăkenn all swillc læn att Godd Line 9695 Alls illc an hafeþþ addledd; Forr he þatt hafeþþ addledd god Shall takenn heoffness blisse, & he shall takenn hellewa Þatt ifell hafeþþ addledd. Line 9700 & teȝȝre lif iss Drihhtin laþ, Forr þatt itt iss unnclene. Þeȝȝ ledenn hemm swa dærneliȝ Biforenn menness ehne, Þatt mann hemm hallt forr gode menn, Line 9705 Forr rihhtwise & clene, & sinndenn þohh biforenn Godd Unngode & unnrihhtwise, Forrþi þatt teȝȝ, forr idell ȝellp & all forr menness spæche, Line 9710 Shæwenn biforenn oþre menn Clænnesse & rihhtwisnesse, & sinndenn þohh swa þehh i þohht, & ec i dærne dedess, Biforenn Drihhtin fule menn Line 9715 Þurrh fĕle kinness sinness.

& teȝȝre năme þohh swa þehh Bitacneþþ rihhtwisnesse, Forr Saduceow bitacneþþ uss Rihhtwis onn Ennglissh spæche, Line 9720 Forrþi þatt wherrfedd follc hemm hallt [col 246] Forr gode & forr rihhtwise, & sinndenn þohh biforenn Godd Unnclene & all unncweme. & forrþi toc Johan wiþþ hemm Line 9725 Full bitterrliȝ to mælenn, To shæwenn hemm þatt heore lif Wass Drihhtin full unncweme. & ȝe¯¯ wass oþerrwhatt forrwhi Þeȝȝ wærenn Drihhtin laþe. Line 9730 All þatt prophetess haffdenn seȝȝd Off þatt tatt cumenn shollde, All þatt forrwurrpenn þeȝȝ þweorrt u¯¯t All alls itt unnitt wære; & tatt wass mikell hæþenndom Line 9735 Till hemm & hefiȝ dwilde, Þatt teȝȝ forrwurrpenn all þwerrt u¯¯t To lefenn & to trowwenn All þatt tatt Godess aȝhenn Gast, Þurrh hiss profetess tunge, Line 9740 Till all follc haffde cwiddedd wel Off all þatt cumenn shollde, All þatt tatt god & halsumm wass Till all mannkinne nede.

Forr þær þær þeȝȝ forrwurrpenn all Line 9745 Þatt hallȝhe wi˘tess seȝȝdenn, Þær þeȝȝ forrwurrpenn Godess Gast, & fellenn inn hiss wraþþe. Forr swillc & swillc wass Drihhtin laþ Saducewisshe leode, Line 9750 & forrþi toc hemm Sannt Johan Deorrflike to bigripenn.

& ec Farisewisshe menn Bigrap he þuss wiþþ worde; Ȝe neddress streon, wha tahhte ȝuw Line 9755 To fleon & to forrbuȝhenn Þatt irre þatt to cumenn iss, & Godess wraþþe & wræche? An kinness neddre, witt tu wel, Iss Vipera ȝehatenn, Line 9760 Þatt slæþ hiss aȝhenn faderr aȝȝ Þurrh þeȝȝre baþre kinde; & off þatt illke neddress streon, & off þatt neddress kinde, Spacc Godess þeoww Johan till þatt Line 9765 Pharisewisshe genge, & till Saducewisshe menn & till Judisskenn leode, & seȝȝde hemm opennliȝ þatt teȝȝ I þeȝȝre sinness wærenn Line 9770 [col 247] Þatt illke kinness neddress streon, & off þatt illke kinde,

Þurrh þatt teȝȝ haffdenn ræfedd lif Þa þatt hemm haffdenn streonedd. Profetess all wiþþutenn gillt Line 9775 Þeȝȝ haffdenn brohht off life, Well fele off þa þatt haffdenn hemm I faderr stoke streonedd, & wærenn swa þatt neddre lic I þeȝȝre depe sinne, Line 9780 Þatt slæþ hiss aȝhenn faderr aȝȝ Hiss kinde forr to follȝhenn. & þurrh þatt tatt teȝȝ wærenn ec All fulle off grammcundnesse, & ec all fulle off attriȝ lund, Line 9785 & fulle off bitterr spæche, & fulle off hete, & fulle off niþ, & fulle off modiȝnesse, Þærþurrh þeȝȝ wærenn, witt tu wel, Þe neddre swiþe like. Line 9790 & tatt tatt Cristess þeww Johan Þær seȝȝde till þatt leode, Ȝe neddre streon, wha tahhte ȝuw To fleon Drihhtiness irre? Þatt wass alls iff he seȝȝde hemm þuss Line 9795 Wiþþ all full openn spæche, Ne sinndenn ȝe nohht tahhte ȝe¯¯t Hu mannkinn maȝȝ forrbuȝhenn Drihhtiness irre o Domess daȝȝ, Þær he shall all follc demenn? Line 9800 & forrþi þatt he sahh þatt teȝȝ Ne wærenn ȝe¯¯ nohht tahhte,

He tahhte hemm hu þeȝȝ mihhtenn fleon Drihhtiness irre & seȝȝde; Gaþ till & takeþþ uppo ȝuw Line 9805 Rihht shriffte off ȝure sinness, & clennseþþ ȝuw onnȝæn þe dom To fleon Drihhtiness irre. Forr whase itt iss þatt maȝȝ & cann & wile himm ȝeorne clennsenn, Line 9810 & clennseþþ himm wiþþ all hiss mahht, He fleoþ Drihhtiness irre. & forr þatt tatt Judisskenn follc Wass modiȝ follc wiþþ alle, & allre mast off þatt itt wass Line 9815 Off Abrahamess chilldre & all off Abrahamess streon, Ne wolldenn þeȝȝ nohht cnawenn Ne ȝatenn þatt teȝȝ wærenn ohht Sinnfulle onn aniȝ wise, Line 9820 & swa þeȝȝ létenn wel off þatt Þatt Abraham hemm streonde, Alls iff þatt mihhte berrȝhenn hemm Wiþþutenn gode dedess. [col 248] & tatt wass mikell wherrfeddleȝȝc Line 9825 Þatt dide hemm swa to wenenn; Forr mihhtenn þeȝȝ nohht borrȝhenn beon Ne winnenn eche blisse, Þurrh þatt teȝȝ Abrahamess kinn Off hise chilldre wærenn, Line 9830

Line 9830 Butt iff þeȝȝ mihhtenn winnenn itt Þurrh þeȝȝre gode dedess. & all forrþi forrbæd Johan, Þatt teȝȝ ne sholldenn ȝellpenn Þurrh modiȝnesse off þeȝȝre kinn Line 9835 Ne seggenn þuss wiþþ worde, We sinndenn Abrahamess kinn, & Abrahamess chilldre. Forr þatt he wollde don hemm swa To seon & tunnderrstanndenn, Line 9840 Þatt ȝiff þeȝȝ wolldenn habbenn lott Wiþþ Abraham inn heoffne, Þa birrde hemm takenn ædmodliȝ Deop shriffte off þeȝȝre sinness, & ledenn siþþenn haliȝ lif, Line 9845 & winnenn Godess are, & winnenn lott wiþþ Abraham Off eche blisse inn heoffne.

& tatt tatt Cristess þeww Johan Þær seȝȝde to þatt leode, Line 9850 Þatt Drihhtin haffde mahht inoh To reȝȝsenn off þa staness Rihht aþell streon till Abraham, Rihht Abrahamess chilldre, Þatt seȝȝde he forr to don hemm swa Line 9855 To seon & tunnderrstanndenn, Þatt Abrahamess hallȝhe streon Iss gastliȝ tunnderrstanndenn,

Off þa þatt follȝhenn Abraham & Abrahamess trowwþe, Line 9860 & Abrahamess hallȝhe lif & Abrahamess þæwess. Þatt flocc iss Abrahamess streon & Abrahamess chilldre, Þatt follȝheþþ Abrahamess sloþ Line 9865 Inn alle kinne gode. Þa staness þatt he spacc þæroff, Þeȝȝ wærenn rihhte staness Þatt stodenn þær onnfasst te flumm Þær he stod ta to spellenn. Line 9870 & mann maȝȝ unnderrstanndenn wel, Þatt witt tu wel to soþe, Þatt he spacc off hæþene menn Þær þær he spacc off staness, Off summ hæþene flocc þatt stod Line 9875 Þær bi þe flumm wiþþ oþre. [col 249] Forr hæþenndom & hæþenn lif & hæþenn follkess herrte Iss harrd & starrc all allse stan, Unnmeoc & all unnmilde, Line 9880 & arelæs, & grimme, & grill, & butenn rihht rewwsunnge, & driȝȝe, & all wiþþutenn dæw Off Haliȝ Gastess frofre, & stunnt & stidiȝ, dill & slaw Line 9885 To sekenn sawless seollþe,

& dumb, & dæf, & blind off Godd To cnawenn & to cwemenn, & wass forrþi full opennliȝ Bitacnedd þurrh þa staness Line 9890 Þatt Cristess bidell Sannt Johan Spacc offe, þær he seȝȝde, Þatt Drihhtin haffde mahht inoh To reȝȝsenn off þa staness Rihht aþell streon till Abraham, Line 9895 Rihht Abrahamess chilldre. Forr þa wass cumenn to, þatt Crist Þa shollde cumenn newenn, Þatt shollde turrnenn hæþenn follc Þurrh hise Leorningcnihhtess Line 9900 Till fulluhht & till Crisstenndom, & till þe rihhte læfe, To follȝhenn Abrahamess Godd, & Abrahamess trowwþe, & Abrahamess hallȝhe lif, Line 9905 & Abrahamess þæwess, To wurrþenn Abrahamess streon Off himm gastlike streonedd, To winnenn aȝȝ occ aȝȝ to beon Wiþþ Abraham i blisse. Line 9910 & forr þatt Drihhtin wel maȝȝ don All þatt himm sellfenn likeþþ; He mihhte makenn cwike menn Þær off þa same staness, Þatt stodenn þær bi Sannt Johan Line 9915 Þær he spacc to þe leode,

Þæroffe he mihhte makenn menn, Ȝiff þatt he makenn wollde, & ȝifenn hemm god lif anan & witt, & wille, & mahhte Line 9920 To follȝhenn Abrahamess sloþ Inn alle gode þinge, To wurrþenn Abrahamess streon Off himm gastlike streonedd. Acc bettre maȝȝ mann turrnenn itt Line 9925 Till hæþenn manness heorrte, Þatt all iss harrd swa summ þe stan Þurrh hete & niþ & irre, Þatt Godd maȝȝ, son se himm þinnkeþþ god, All makenn nesshe & soffte, Line 9930 & mec & milde & allmessfull Afterr hiss aȝhenn wille.

& tatt tatt Cristess þeww Johan Þær seȝȝde to þe leode, Þatt nuȝȝu wass bulaxe sett Line 9935 Rihht to þe treowwess rote, Þatt seȝȝde he forr he nollde nohht Þatt aniȝ shollde dwellenn Ne draȝhenn nohht fra daȝȝ to daȝȝ To betenn heore sinness, Line 9940 Forrþi þatt teȝȝ ne wisstenn nohht Off þeȝȝre lifess ende. All follc iss tacnedd þurrh þatt treo Þatt Sannt Johan spacc offe;

& ure Laferrd Jesu Crist Line 9945 [col 250] Iss tacnedd þurrh þatt axe. Hiss mennisscnesse tacnedd iss Þurrh þatt bulaxess hellfe, Forr þurrh þatt he wass wurrþenn mann Þærþurrh mann mihhte himm haldenn, Line 9950 & tærþurrh menn himm tokenn her & henngdenn himm o rode. & Cristess Goddcunndnessess mahht Þatt biteþþ þurrh rihht wræche, Itt iss bitacnedd, witt tu wel, Line 9955 Þurrh þatt bulaxess irenn. & all follc, alls icc habbe seȝȝd, Iss þurrh þe treo bitacnedd. & Jesu Crist iss nuȝȝu sett Att all mannkinness ende, Line 9960 Forr nuȝȝu wa¯¯t he well all hu He shall all mannkinn demenn. & illc an treo þatt i þiss lif Ne bereþþ nan god wasstme, Shall bi þe grund beon hæwenn upp, Line 9965 & i þe fir beon worrpenn. Forr illc an mann þatt i þiss lif Ne doþ nan allmess dede, Beoþ demmd þurrh Crist o Domess daȝȝ Inn helle fir to bærnenn. Line 9970 Þe treo bitacneþþ all mannkinn, Swa summ icc habbe shæwedd;

& forr þatt itt iss mikell treo Itt hafeþþ fele boȝhess. Acc sume geȝȝnenn to þe fir Line 9975 Forr þatt teȝȝ sinndenn driȝȝe; & swillc iss all Judisskenn follc & all hæþene þeode, Forrþi þatt teȝȝ ne kepenn nohht, Noff Crist, noff Cristess moderr, Line 9980 Þeȝȝ alle shulenn demmde beon Inn hellefir to bærnenn. & sume boȝhess off þatt treo Þatt we nu mælenn ummbe Swa sinndenn grene þatt teȝȝ þohh Line 9985 Ne berenn næfre wasstme; & swillke sinndenn alle þa Þatt wirrkenn gode werrkess Nohht forr þe lufe off Drihhtin Godd, Acc all forr menness spæche, Line 9990 & all þwerrt u¯¯t forr idell ȝellp Forr eorþliȝ loff to winnenn, & sinndenn þohh i þeȝȝre þohht, & ec i dærne sinness, Biforenn Drihhtin fule menn Line 9995 Þurrh fele kinness sinness. [col 251] Mann haldeþþ hemm forr gode menn Forr þeȝȝre gode láte, Forr þatt teȝȝ aȝȝ biforenn menn Full dafftelike hemm ledenn, Line 10000

Line 10000 Swa summ þeȝȝ wærenn o þe treo All cwike & grene boȝhess, Acc whatt forrþi þeȝȝ sinndenn aȝȝ All þwerrt u¯¯t butenn wasstme, Forr þeȝȝ ne shulenn unnderrfon Line 10005 Nan mede inn heoffness blisse, Off þatt teȝȝ didenn her summ god Biforenn menness ehne, All forr þe lufe off eorþliȝ loff, & nohht forr lufe off Criste. Line 10010 & hemm beoþ ȝarrkedd hellewa, Ȝiff þeȝȝ hemm nohht ne clennsenn, Forr þatt teȝȝ sinndenn dærneliȝ All fulle off depe sinness. & sume boȝhess off þatt treo Line 10015 Þatt we nu mælenn ummbe Uss berenn wasstme, acc itt iss all Full beȝȝsc & full off atterr; & swillke sinndenn alle þa Þatt spellenn wrang & leȝhenn, Line 10020 Swa þatt teȝȝ brinngenn mikell follc U¯¯t off þe rihhte weȝȝe, & all to trowwenn wrang o Godd Þurrh þeȝȝre fallse lare. & teȝȝre wasstme iss þeȝȝre spell Line 10025 Acc itt iss full off atterr, Forr itt iss full off falls & flærd & full off hefiȝ dwilde, Þurrh whatt teȝȝ don þe læwedd follc O Drihhtin wrang to trowwenn, Line 10030

Line 10030 & wrang to ledenn þeȝȝre lif, & Drihhtin wrang to þeowwtenn. & hemm iss ȝarrkedd hellewa Forr þeȝȝre beȝȝske wasstme, Bu¯¯t iff þeȝȝ muȝhenn bettre don Line 10035 & betenn þeȝȝre sinness. Ȝe¯¯t sinndenn o þatt miccle treo Þe feorþe kinness boȝhess, Þatt berenn wasstme swe¯¯t & god & halsumm ȝæn unnhæle; Line 10040 & swillke sinndenn alle þa Þatt þeowwtenn Godd tocweme Wiþþ clene þohht, wiþþ clene word, Wiþþ clene trowwþe & dede. & hemm iss ȝarrkedd heoffness læn Line 10045 Forr þeȝȝre gode wasstme, Ȝiff þatt teȝȝ nohht ne blinnenn off To follȝhenn Godess wille. & illc an treo þatt i þiss lif Ne bereþþ nohht god wasstme Line 10050 Shall bi þe grund beon hæwenn upp & i þe fir beon worrpenn. Her uss bitacnenn þrinne treos Þa þrinne kinne boȝhess Þatt nohht ne berenn i þiss lif Line 10055 [col 252] Swillc wasstme summ hemm birrde, Swa summ icc habbe shæwedd her Þatt wise þatt I cuþe,

Affterr þatt little witt tatt me Min Drihhtin hafeþþ lenedd. Line 10060 & mann maȝȝ unnderrstanndenn þiss Ȝe¯¯t onn an oþerr wise, Þatt axe shollde þa beon sett Rihht att te treowwess rote, & ec þatt illc an ifell treo Line 10065 Þatt ifell wasstme bære, Þa shollde wurrþenn hæwenn upp & i þe fir beon worrpenn. Þa Sannt Johan bigann þe follc To spellenn i þe wesste; Line 10070 Forr þa wass cumenn to, þatt Crist Þa shollde cumenn newenn, & þurrh himm sellfenn hæwenn upp Wiþþ bitell wræchess axe, & werrpenn inntill hellefir Line 10075 To bærnenn butenn ende, All þatt flocc off Judisskenn follc Þatt shollde himm all forrwerrpenn & all forrseon to berenn her God wasstme & gode dedess, Line 10080 Þurrh fulluhht & þurrh Crisstenndom & þurrh þe rihhte læfe. & tatt he shollde itt hæwenn upp Rihht att te treowwess rote, Þatt iss to seggenn opennliȝ, Line 10085 Rihht att tatt follkess ende; Forr þa wass cumenn time to, Þatt Godd ne shollde kepenn

Na mare to beon þeowwtedd swa O þatt Judisskenn wise, Line 10090 And shollde settenn ende o þatt Judisskenn preostess wikenn, & shollde settenn oþerr preost To þeowwtenn oþerr wise, Wiþþ fulluhht & wiþþ Crisstenndom Line 10095 & wiþþ þe rihhte læfe, & wiþþ hiss aȝhenn flæsh & blod & wiþþ unnwemmeddnesse. & forr þatt Sannt Johan wass full Off Haliȝ Gastess mahhte, Line 10100 Hiss spell toc mikell stĕde i þa Þatt herrdenn whatt he seȝȝde, & tokenn sone anan to beon Forrdredde off þeȝȝre sinness, & tokenn þa to fraȝȝnenn himm Line 10105 Off whatt hemm wass to donne. & he þeȝȝm seȝȝde sone anan, Swa summ he full wel cuþe, Whatt hemm wass swiþe god to don & halsumm to þe sawle, Line 10110 He seȝȝde hemm þuss; whatt mann se itt iss [col 253] Þatt hafeþþ tweȝȝenn kirrtless, Ȝife he þatt an þatt illke mann Þatt iss wiþþutenn kirrtell. Her droh Johan Bapptisste wel Line 10115 Þe leode wiþþ hiss lare

Till kariteþess hallȝhe mahht To wirrkenn allmess werrkess, Forr þatt he wisste swiþe wel Þatt kariteþess mahhte Line 10120 Iss mikell all unnseȝȝȝenndliȝ & mast off alle mahhtess, Forr allmess dedess hafenn mahht To sleckenn þine sinness, All swa summ waterr hafeþþ mahht Line 10125 To sleckenn fir & cwennkenn. & þurrh þatt tatt he ȝifenn badd Þatt an off tweȝȝenn kirrtless, Þurrh þatt he dide þe full wel To seon & tunnderrstanndenn, Line 10130 Þatt te birrþ hellpenn iwhillc mann Þatt ned iss to þin hellpe Wiþþ all þatt tu mihht spelenn wel & libbenn þær wiþþutenn, Off all þatt weorelldþing þatt te Line 10135 Þin Drihhtin hafeþþ lenedd. & off þiss kirrtell mahht tu ȝe¯¯t Deoplikerr unnderrstanndenn, Þatt te birrþ forr þe lufe off Godd Wiþþ usell wrecche dælenn Line 10140 Þatt illke þing þatt tu full wel Ne mihht te sellf nohht þarrnenn, All swa summ þu ne mihht nohht wel Beon all wiþþutenn kirrtell, Forrþi þatt itt iss neh þe lich Line 10145 & haldeþþ warrm þe mare.

& Publicaness comenn forrþ & tokenn himm to fraȝȝnenn, Whatt teȝȝ þa forrþwarrd sholldenn don To betenn þeȝȝre sinness. Line 10150 & he forrbæd hemm alle imæn To follȝhenn grediȝnesse; He þeȝȝm forrbæd to takenn ohht Forrþbi þatt tatt hemm birrde, Forrþbi þe kingess rihhte fe Line 10155 Þatt hemm wass sett to sammnenn, & badd hemm lĕtenn iwhillc mann Wel brukenn all hiss aȝhenn, & follȝhenn laȝhelike & rihht Þatt wikenn þatt teȝȝ haffdenn, Line 10160 & hellpenn aȝȝ þe wáke leod Att alle kinne nede, & cunnenn swa to cwemenn Godd To winnenn Godess are. [col 254] We findenn upponn Latin boc Line 10165 Off þise Puplicaness, Whatt lif þeȝȝ leddenn i þe follc, & whatt wass heore wikenn. Þeȝȝ haffdenn wikenn off þe king To sammnenn hise ȝeldess, Line 10170 Þurrh whamm þeȝȝ durrstenn beȝȝtenn menn Forr æþelike gillte, To winnenn ahhte to þe king, To beon himm holde & trowwe,

& wunnenn mikell to þe king, Line 10175 & mare till hemm sellfenn Þurrh grediȝnesse, & all þurrh woh, & all þurrh hefiȝ sinne. & ȝiff mann brohhte hemm aniȝ fe Inntill þe kingess mále, Line 10180 Ne wolldenn þeȝȝ nohht takenn itt Butt iff mann ȝæfe i mare; & tatt wass wiss full hefiȝ woh & sinnfull grediȝnesse; & forrþi badd hemm Sannt Johan Line 10185 Forrbuȝhenn grediȝnesse, & sammnenn laȝhelike & rihht Þe kingess rihhte mále. & her mann unnderrstanndenn maȝȝ, Ȝiff mann itt ummbeþennkeþþ, Line 10190 Þatt Sannt Johaness spell wass full Off hefennlike mahhte, Þatt mihhte turrnenn swillke menn To sekenn sawlebote.

& ec þær comenn to þe flumm Line 10195 Þe Kaserrkingess cnihhtess Till Sannt Johan, to fraȝȝnenn himm Off þeȝȝre sawle nede. & Sannt Johann hemm seȝȝde þuss; Ȝiff þatt ȝe wel ȝuw lokenn Line 10200 Fra clake & sake & fra þatt toþþ Þatt follȝheþþ grediȝnesse,

Þatt holeþþ o þe laȝhefollc, & rippeþþ hemm & ræfeþþ; [col 255] & ȝiff ȝe tellenn forr inoh Line 10205 Þatt tatt te king ȝuw findeþþ, Þa muȝhe ȝe þurrh clene lif Wel hellpenn ȝure sawless. Her he forrbæd te cnihhtess ec To follȝhenn grediȝnesse, Line 10210 To sekenn sakess o þe follc, To rippenn hemm & ræfenn. Forr grediȝnesse iss hæfedd plihht, & follȝheþþ helless bisne, Forr hellepitt niss næfre full, Line 10215 Ne grediȝnesse nowwþerr. Forr whase itt iss þatt grediȝ iss To winnenn erþlic ahhte, Aȝȝ alls he mare & mare gett Aȝȝ lisste himm affterr mare; Line 10220 & nohht ne maȝȝ he wurrþenn full To winnenn eorþlic ahhte, Na mar þann helle maȝȝ beon full To swollȝhenn menness sawless. Þe cnihhtess wærenn wæpnedd follc, Line 10225 To fihhtenn forr þe leode, To werenn hemm wiþþ wiþerrþeod Þatt wollde hemm oferrganngenn, & ȝiff þeȝȝ haffdenn lefe till All affterr þeȝȝre wille Line 10230

Line 10230 To takenn off þe laȝheleod Þatt tatt teȝȝ sholldenn nittenn, Þeȝȝ munndenn fon att oferrdon Þurrh sinnfull grediȝnesse. & forrþi fand hemm þeȝȝre king Line 10235 All þatt teȝȝ sholldenn nittenn, Þatt teȝȝ ne sholldenn nohht te follc Þurrh grediȝnesse rippenn; & forrþi badd hemm Sannt Johan Forrbuȝhenn grediȝnesse, Line 10240 & letenn iwhillc oþerr man Wel brukenn all hiss aȝhenn; Þuss fundenn alle att Sannt Johan God lare off þeȝȝre nede. & tatt nass wunnderr þwerrt u¯¯t nan Line 10245 Þatt he wass wis o lare, Forr he wass full off Haliȝ Gast œr þann he borenn wære, Swa summ þe Goddspellwrihhte seȝȝþ, Þatt þwerrt u¯¯t nohht ne leȝheþþ;· Line 10250 [col 256] & Godd Allmahhtiȝ lefe uss swa To fillenn & to follȝhenn Þe lare off Sannt Johaness spell & all hiss hallȝhe bisne, Swa þatt we motenn borrȝhenn beon Line 10255 Att ure lifess ende.

Amæn;·

SECUNDUM JOHANNEM XVIII.

Miserunt Judei ab Jersolimis Sacerdotes & Levitas ad Johannem.

Forrþi þatt Sannt Johaness word Sprang wide & side o lande, Forr þatt he wass u¯¯tnumenn mann I laress & i dedess, Line 10260 & forr þatt he bigann himm sellf, Þær þær he wass i wesste, To fullhtnenn baldeliȝ þe follc Þatt nass næfrær bigunnenn; Hiss word sprang inntill Ȝerrsalæm Line 10265 & inntill all þatt ende, & all þatt follc toc niþ wiþþ himm Þatt læredd wass o boke, Off þatt he toc swa baldeliȝ To spellenn & to fullhtnenn, Line 10270

Line 10270 Alls iff he wære Drihhtin Crist Þatt tanne cumenn wære. & teȝȝ þa tokenn sanderrmenn Off preostess & off dæcness & senndenn u¯¯t off Ȝerrsalæm Line 10275 Till himm inntill þe wesste, Forr þatt teȝȝ sholldenn fraȝȝnenn himm, & asskenn whatt he wære. & swa þeȝȝ didenn, & he þeȝȝm Ȝaff sware onnȝæn, & seȝȝde; Line 10280 Namm I nohht Godess Sune, Crist, Þatt cumenn amm to manne. & teȝȝ onnȝæn till himm; arrt tu Helyas efft o life? & he till hemm; naȝȝ, namm I nohht Line 10285 Helyas efft o life. & ȝe¯¯ teȝȝ seȝȝdenn þuss till himm; Seȝȝ uss, arrt tu profete? & he þa seȝȝde þuss till hemm; Naȝȝ, namm I nohht profete. Line 10290 . . . . . & tatt teȝȝ seȝȝdenn to Johan; Seȝȝ uss, arrt tu profete, Þatt seȝȝdenn þeȝȝ, alls iff þeȝȝ þuss Wiþþ openn spæche seȝȝdenn; Seȝȝ us ȝiff þatt iss þatt tu arrt Line 10295 Helysew þe profete, Þatt upp off dæþe risenn arrt To wirrkenn miccle tacness?

Hemm þuhhte þatt he mihhte ben Helysew þe profete. Line 10300 [Col. 257—260 wanting.] . . . . . [col 261] . . . . .word off þatt mann þennkeþþ· Þe Goddspellwrihhte Sannt Johan Onn hiss Goddspelless lare Uss kiþeþþ off þa sanderrmenn, Whatt kinness menn þeȝȝ wærenn. Line 10305 He seȝȝþ uss þatt teȝȝ wærenn off Farisewisshe leode, Forr þatt he wille don uss wel To seon & tunnderrstanndenn, Þatt nohht ne comm þatt laþe flocc Line 10310 Till Sannt Johan forr gode, Acc forrþi þatt teȝȝ haffdenn niþ Wiþþ himm & wiþþ hiss lare, & wolldenn unnderrtakenn himm Off summwhatt, ȝiff þeȝȝ mihhtenn; Line 10315 Acc himm wass lihht to lokenn himm Fra þeȝȝre laþe wiless. & teȝȝ þa seȝȝdenn till Johan; Whi fullhtnesst tu þiss leode, Ȝiff þatt iss þatt tu narrt nohht Crist, Line 10320 Ne Helyas, ne profete? & Sannt Johan þa seȝȝde þuss; Icc fullhtne i waterr ane. Þeȝȝ wisstenn wel þatt Jesu Crist, To manne cumenn shollde, Line 10325

Line 10325 & tatt he shollde fullhtnenn menn Þurrh hise Leorningcnihhtess, & forrþi wenndenn þeȝȝ full wel Off Sannt Johan Bapptisste, Þatt he wisslike wære Crist, Line 10330 Forr þatt he stod to fullhtnenn. & ec þeȝȝ wisstenn full wel off Helyas þe profete, & ec full wel off Helyseow, Þatt eȝȝþerr inn hiss time Line 10335 Þurrh Drihhtin ȝede upp o þe flumm Alls itt onn eorþe wære, & all comm oferr driȝȝefo¯¯t All alls itt waterr nære. & ec þeȝȝ wisstenn witerrliȝ Line 10340 Þurrh þeȝȝre bokess lare Þatt fulluhht wass, ȝa þurrh þe flumm, Ȝa þurrh hemm baþe tacnedd; & forrþi wenndenn þeȝȝ full wel, Þatt owwþerr off þa tweȝȝenn Line 10345 Off dæþe wære risenn upp To spellenn & to fullhtnenn. & Sannt Johan hemm dide wel To seon & tunnderrstanndenn, Þatt he nass næfr an off þa þreo, Line 10350 [col 262] Forr nollde he nawihht leȝhenn. Þatt Sannt Johan hemm seȝȝde þuss, Icc fullhtne i waterr ane,

Þatt wass alls iff he seȝȝde þuss Wiþþ all full openn spæche, Line 10355 I fullhtne menn biforenn to Nohht bu¯¯tt i waterr ane, Forr min fulluhht ne maȝȝ hemm nohht Clennsenn off þeȝȝre sinness, Acc wel itt maȝȝ hemm brinngenn onn Line 10360 To rihhtenn þeȝȝre dede, To ȝarrkenn hemm onnȝæness Crist Þatt nu shall cumenn newenn, To fullhtnenn hemm þurrh Haliȝ Gast To clennsenn hemm off sinness. Line 10365 & tatt tatt Cristess þeww Johan Þær seȝȝde to þatt genge, To þa Judisskenn sanderrmenn, Þatt tær wass hemm bitwenenn An swillc, whamm þeȝȝ ne cnewenn nohht, Line 10370 Þatt shollde himm newenn awwnenn, To fullhtnenn follc þurrh Haliȝ Gast To clennsenn hemm off sinness, Þatt seȝȝde he wiss off Jesu Crist Þatt stod tær hemm bitwenenn; Line 10375 Forr he comm offte till Johan œr þann he fullhtnedd wære, & Sannt Johan cnew himm full wel, & tatt iss wel to trowwenn; Forr wel biforr þatt Sannt Johan Line 10380 Wass borenn off hiss moderr, Cnew he full wel þe Laferrd Crist I Sannte Marȝess wambe.

[col 263] & tatt tatt Cristess þeww Johan Þær seȝȝde to þe leode, Line 10385 Þatt he ne wass nohht god inoh Cristess shoþwang tunnbindenn; Þatt wass alls iff he seȝȝde þuss Wiþþ opennlike spæche, Namm I nohht wurrþi þatt I beo Line 10390 Haldenn forr Crist onn eorþe, Ne nohht ne draȝhe icc upponn me To beon bridgume nemmnedd Off Cristess brid, off Cristess hird, Off all þatt hallȝhe genge Line 10395 Þatt rihht shall lefenn uppo Crist & hise laȝhess haldenn. Ne draȝhe I þatt nohht upponn me Þatt icc þeȝȝm muȝhe lesenn Off hellepine, & ȝifenn hemm Line 10400 To winnenn heoffness blisse; Forr þatt ne maȝȝ nan shaffte don Wiþþutenn Goddcunndnesse. O þálde laȝheboc wass sett, All þurrh Drihhtiness wille, Line 10405 Þatt, ȝiff þatt tu ne kepptesst nohht To tăkenn ne to weddenn Þatt wifmann þatt te rihht bilammp To tăkenn & to weddenn, Þa shollde an oþerr cumenn forþ Line 10410 Off all þatt illke maȝȝþe,

& shollde unnbindenn þin shoþwang, Swa summ þe boc himm tahhte, & shollde tăkenn þa till himm Þatt wifmann all wiþþ lefe. Line 10415 & forrþi seȝȝde Sannt Johan, Swa summ ȝe littlær herrdenn, Þatt he ne wass nohht god inoh Cristess shoþwang tunnbindenn, Forrþi þatt he ne mihhte nohht, Line 10420 Swa summ icc hafe shæwedd, Bridgume beon off Cristess brid, To lesenn hire off helle. & tiss mann unnderrstanndenn maȝȝ Ȝe¯¯t onn an oþerr wise, Line 10425 Þatt Johan nass nohht god inoh Cristess shoþwang tunnbindenn, Forrþi þatt he ne mihhte nohht All þwerrt u¯¯t unnderrstanndenn, Hu Godess word & Godess witt Line 10430 & Godess aȝhenn kinde [col 264] Toc inn an clene maȝȝdennmann Dæþshildiȝnessess kinde, Swa þatt he warrþ soþ mann, acc all Þwerrt u¯¯t wiþþutenn sinne. Line 10435 & tiss dæþshildiȝ mann þatt Crist Toc i þe laffdiȝ Marȝe Wass uss full wel, ȝa þurrh þe sho, Ȝa þurrh þe þwang bitacnedd;

& tatt forrþi þatt eȝȝþerr iss Line 10440 Þe fell off dæde deoress. & tatt tatt Cristess þeww Johan Þær seȝȝde to þe leode, Þatt ure Laferrd Jesu Crist Þe leode shollde fullhtnenn Line 10445 Þurrh Haliȝ Gast & ec þurrh fir, To clennsenn hemm off sinness, Þatt seȝȝde he forr to don uss wel To seon & tunnderrstanndenn, Þatt tatt iss all þurrh Haliȝ Gast Line 10450 Þatt fulluhht clennseþþ sinness. & Haliȝ Gast iss haliȝ fir, Þatt bærneþþ i þatt herrte Þatt iss þurrh ȝife off Haliȝ Gast Wiþþ soþfast lufe filledd. Line 10455 Þiss fir maȝȝ ec bitacnenn uss Þatt piness annxumnesse Þatt hallȝhe weress þolenn her All gilltelæs onn eorþe, Þatt clennseþþ hemm all þwerrt u¯¯t wel Line 10460 Off alle þeȝȝre sinness, Forrþi þatt teȝȝ forr lufe off Godd Gladdlike þolenn pine. & ȝe¯¯ we muȝhenn, þurrh þatt fir Þatt Sannt Johan Bapptisste Line 10465 Spacc offe to þa sanderrmenn, All full wel unnderrstanndenn Þatt fir þatt iss inn oþerr lif To clennsenn menness sawless.

Forr hére uss clennseþþ Haliȝ Gast Line 10470 Þurrh fulluhht & þurrh trowwþe, [col 265] & tær þatt fir, ȝiff þatt we rihht Her endenn unnderr shriffte; & baþe comm uss Jesu Crist To clennsenn here & tære, Line 10475 Forr þatt he wollde ȝifenn uss To brukenn eche blisse. & tatt tatt Cristess þeww Johan Þær seȝȝde to þe leode, Þatt ure Laferrd Jesu Crist Line 10480 Þatt time þatt he come Himm shollde brinngenn inn hiss hannd Hiss winndell forr to winndwenn, & forr to clennsenn himm hiss corn, & fra þe chaff to shædenn, Line 10485 & sammnenn all þe clene corn & don itt inn hiss berrne, & werrpenn all þe chaff anan, Inntill þe fír to bærnenn, Inntill þatt fír þatt bærnenn shall Line 10490 A butenn ende unncwennkedd; Þatt seȝȝde he forr to don uss wel To seon & tunnderrstanndenn, Þatt Jesu Crist o Domess daȝȝ Shall shædenn & todælenn Line 10495 Þurrh heofennlike skill & shæd All follc o tweȝȝenn daless,

& brinngenn all þatt hallȝhe flocc Þatt wel himm hafeþþ cwemedd Upp inntill heoffne, & ȝifenn hemm Line 10500 A butenn ende blisse, & werrpenn all þatt laþe flocc Þatt deoffless hafeþþ follȝhedd Inntill þe fír off hellepitt, All affterr þeȝȝre wrihhte, Line 10505 To beon wiþþutenn ende þær, To bærnenn & to wallenn, Wiþþ deofless dun inn hellegrund Forr þeȝȝre fule si˘ness. & tiss mann unnderrstanndenn maȝȝ Line 10510 Ȝe¯¯t onn an oþerr wise, Þatt ure Laferrd Jesu Crist Winndweþþ hiss corn & clennseþþ, & shædeþþ aȝȝ þe chaff þær fra Whil þatt tiss weorelld lassteþþ, Line 10515 I þa þatt hafenn name off Crist & uppo Criste lefenn, & offte i þa þatt lifenn her, & offte i þa þatt swelltenn. I þa þatt lifenn winndweþþ Crist Line 10520 & clennseþþ hére hiss whæte, Aȝȝ whannse preostess mannsenn her & shædenn þa fra Criste Þatt opennlike onnȝæness Crist All þeȝȝre þannkess wiþþrenn. Line 10525 I þa þatt swelltenn winndweþþ Crist & clennseþþ hére hiss whæte,

Aȝȝ whane itt cumeþþ to, þatt he Till hellepine demeþþ Þatt mann þatt unnderr Crisstenndom, Line 10530 & unnderr læfe o Criste, Wel cwemmde deofell wiþþ hiss lif & wiþþ hiss lifess ende, Þatt aȝȝ wass lihht all allse chaff, To follȝhenn alle sinness. Line 10535 & ta þatt ure Laferrd Crist Þurrh preost, & þurrh himm sellfenn, Þuss shædeþþ fra þatt hallȝhe flocc Þatt hise laȝhess haldeþþ, Þeȝȝ alle sinndenn þurrh þe chaff Line 10540 Full opennliȝ bitacnedd; Forr all allswa summ corn & chaff Uppspringenn off an rote, All swa þatt flocc off crisstnedd follc Þatt þurrh þe chaff iss tacnedd Line 10545 Iss crisstnedd all þurrh an fulluhht, & þurrh an læfe o Criste, Wiþþ þa þatt follȝhenn Jesu Crist & hise laȝhess haldenn. Þe winndell iss i Cristess hannd, Line 10550 Þatt iss i Cristess walde, Forr himm iss all þe Dom bitahht To demenn cwike & dæde; Þe Faderr, & te Frofre Gast Himm hafenn sett to demenn, Line 10555 & he shall demenn att te Dom All mannkinn cwike & dæde,

Þurrh hiss goddcunnde skill & shæd Þatt hiss winndell bitacneþþ· [col 266] Þe fir off helle iss endeless, Line 10560 & aȝȝ occ aȝȝ unncwennkedd, Swa þatt itt muȝhe lasstenn a, To bærnenn & to pinenn A butenn ende all wiþþ rihht dom All deofle follc onn hæfedd, Line 10565 & forþ wiþþ hemm ec all þatt flocc, Wiþþ bodiȝ & wiþþ sawle, Þatt cwemmde deofell i þiss lif Wiþþ lif & ec wiþþ ende; Forr rihht iss þatt hemm lasste wa Line 10570 Aȝȝ whil þatt itt maȝȝ lasstenn, Onnȝæn þatt tatt teȝȝ ifell lif Aȝȝ leddenn whil þeȝȝ mihhtenn.

Þe Goddspellwrihhte Sannt Johan O þiss Goddspell uss kiþeþþ, Line 10575 Þatt ta Judisskenn sanderrmenn Till Cristess bidell comenn U¯¯t ferr inntill an tun þatt wass Beþania ȝehatenn; & tatt wass o ȝonnd hallf þe flumm Line 10580 Þær he wass þa to fullhtnenn; & witt tu wel þatt tatt wass don Forr mikell þing to tacnenn.

Twa tuness wærenn i þatt land, Þatt witt tu wel to soþe, Line 10585 & eȝȝþerr off þa tweȝȝenn wass Beþania ȝehatenn. Þatt an wass o ȝonnd hallf þe flumm & o þiss hallf þatt oþerr, & þurrh þe name off eȝȝþerr tun Line 10590 Iss herrsummnesse tacnedd. & þurrh þe flumm iss opennliȝ Cristess fulluhht bitacnedd, Forrþi þatt Crist wass fullhtnedd tær Þurrh Sannt Johan Baptisste. Line 10595 & alle þa þatt heldenn rihht Till Drihhtin herrsummnesse Biforenn þatt te Laferrd Crist Wass fullhtnedd here onn eorþe, Þeȝȝ alle samenn wærenn uss, Line 10600 Þatt seȝȝþ þe boc, bitacnedd Þurrh þatt Beþania þatt wass Biȝonndenn flumm i wesste. & alle þa þatt haldenn rihht Till Drihhtin herrsummnesse Line 10605 Nu siþþenn þatt te Laferrd Crist Wass fullhtnedd her onn eorþe, Þeȝȝ alle samenn sinndenn uss I Crisstenndom bitacnedd Þurrh þatt Beþania þatt wass Line 10610 O þiss hallf neh þe temmple. O ȝonnd hallf flod wass Sannt Johan Bapptisste forr to fullhtnenn,

Acc hiss fulluhht ne mihhte nohht Clennsenn þe follc off sinness; Line 10615 & tærþurrh wass bitacnedd wel Þatt all follc wass unnclennsedd Off þatt missdede þatt wass don Þurrh Adam & þurrh Eve, Anan till þatt te Laferrd Crist Line 10620 Wass naȝȝledd upp o rode, To leosenn mannkinn þurrh hiss dæþ U¯¯t off þe deofless walde. & i þatt oþerr tun þatt wass Beþania ȝehatenn, Line 10625 & wass bi þiss hallf flumm Jorrdan Neh Ȝerrsalæmess chesstre, I þatt Beþania ras upp An mann þurrh Crist off dæþe Þatt wass ȝehatenn Lazaruss; Line 10630 Forr þatt itt shollde tacnenn, Þatt fulluhht unnderr Crisstenndom & þurrh þe rihhte læfe Nu reȝȝseþþ menn off sawless dæþ, & clennseþþ hemm off sinne, Line 10635 To þeowwtenn ure Laferrd Crist Þurrh soþfasst herrsummnesse, Forr swa to winnenn hellpe att himm, To cumenn þurrh hiss are [col 267] Till Ȝerrsalæm inn heoffness ærd, Line 10640 Till eche griþess sihhþe. & Godd Allmahhtiȝ ȝife uss witt, & lusst, & mahht, & wille,

To þeowwtenn ure Laferrd Crist Wiþþ soþfasst herrsummnesse, Line 10645 Swa þatt we motenn heoffness griþþ A - butenn ende brukenn.

Amæn.

SECUNDUM MATHEUM XIX.

Venit IHC a Galilea in Jordanem ad Johannem ut baptizaretur.

Unnderr þa daȝhess, alls uss seȝȝþ Maþeow þe Goddspellwrihhte, Comm Jesu Crist off Galileo Line 10650 Fra Nazaræþess chesstre Till flumm Jorrdan, till Sannt Johan Þær he stod follc to fullhtnenn, & Crist ta wollde fullhtnedd beon Att Sannt Johaness hande; Line 10655 & Sannt Johan droh himm o bacch & nollde he Crist nohht fullhtnenn, & seȝȝde; naȝȝ, lef Laferrd, naȝȝ, Ne darr i þe nohht fullhtnenn; Me birrþ beon fullhtnedd att tin hannd, Line 10660 Þin blettsinng tunnderrganngenn, & tu, min Laferrd, cumesst her Att me to wurrþenn fullhtnedd?

& ure Laferrd Jesu Crist Ȝaff himm anndswere & seȝȝde; Line 10665 L毯t nu, Johan, forr þuss birrþ uss Illc rihhtwisnesse fillenn; & tanne le¯¯t himm Sannt Johan Don all hiss lefe wille; & Jesu Crist wass fullhtnedd tær Line 10670 Att Sannt Johaness hande. & forrþrihht alls he fullhtnedd wass He stah uppo þe strande, & heoffness wærenn oppnedd ta Till Sannt Johaness ehne, Line 10675 & he sahh þære Godess Gast, Inn aness cullfress like, Off heoffne cumenn upponn Crist & upponn himm bilefenn; & tær wass herrd an steffne anan Line 10680 Off heoffne þuss wiþþ worde; Þiss iss min Sune, & me full lef & cweme onn alle wise. Her endeþþ nu þiss Goddspell þuss & uss birrþ itt þurrhsekenn, Line 10685 To lokenn whatt itt læreþþ uss Off ure sawle nede.

Þe Laferrd Crist comm till þe flumm, Till Sannt Johan Bapptisste, Forr þatt he wollde fullhtnedd beon, Line 10690 Forr maniȝwhatt to tacnenn,

Forr naffde he naness ki˘ness ned Himm sellf to wurrþenn fullhtnedd, Acc forrþi þatt he wollde swa Uss shæwenn soþ meocnesse, Line 10695 & fillenn rihhtwisnesse swa Þurrh soþ meocnessess bisne; Forr Latin boc uss seȝȝþ þatt soþ Meocnesse iss þrinne kinness. An kinness iss þatt tu beo meoc Line 10700 & herrsumm till þin elldre, & tatt tu wiþþ þin efenninng Þe metelike lede, Swa þatt tu þe ne draȝhe nohht Abufenn himm wiþþ woȝhe. Line 10705 & ȝiff þatt iss þatt tu þe willt Þurrh rihhtwisnesse berrȝhenn, Þa birrþ þe þiss meocnessess sloþ Att tallre læste follȝhenn; Forr þu ne mahht nohht rihhtwis beon Line 10710 Wiþþutenn þiss meocnesse, Ne þu ne mahht nohht borrȝhenn beon [col 268] Wiþþutenn rihhtwisnesse. Ȝe¯¯t iss an oþerr oferr þiss Meocnesse miccle mare, Line 10715 Þatt tu beo meoc to laȝhenn þe Unnderr þin efennméte, & tatt tu þe ne draȝhe nohht Abufenn þine lahȝhre.

& tiss meocnesse iss oferrmett Line 10720 Swa þatt itt oferrfloweþþ, & itt iss mare þann inoh, Ȝiff icc itt durrste seggenn. Ȝe¯¯t iss meocnesse off mare mahht, Ȝe¯¯t maȝȝ ȝho mare forþenn, Line 10725 & ȝho doþ Cristess hallȝhe þeoww To laȝhenn himm ȝe¯¯ mare; Forr ȝho doþ þe to settenn þe Bineþenn þine lahȝhre, To lutenn hemm, to lefftenn hemm, Line 10730 To þeowwtenn hemm tocweme. Þiss iss þe þridde ki˘ne mahht Þatt soþ meocnesse shæweþþ, Þiss iss þe þridde, & itt iss mast & heȝhesst off hemm alle; Line 10735 Forr niss nan mann þatt æfre maȝȝ Meocnesse mare shæwenn Þann he doþ, whase laȝheþþ himm Bineþenn hise lahȝhre, & luteþþ hemm, & leffteþþ hemm, Line 10740 & þeowwteþþ hemm tocweme, Nohht forr þe lufe off eorþliȝ loff Acc forr þe lufe off Criste. & ȝiff icc fillenn maȝȝ þiss mahht Þatt mast iss off hemm alle, Line 10745 Þa maȝȝ icc fillenn þoþre twa, Forr baþe sinndenn lahȝhre, Alls iff icc fede twenntiȝ menn, Icc fede téne & fife.

& ȝiff þatt icc þiss þridde mahht Line 10750 Full fremeddlike fille, Þa fille icc, þatt witt tu full wel, All rihhtwisnessess mahhte. & forrþi seȝȝde Jesu Crist Till Sannt Johan Bapptisste, Line 10755 Þatt he þær shollde fillenn swa All rihhtwisnessess mahhte, Þurrh þatt he shollde fullhtnedd beon Att himm þatt wass hiss shaffte, Þurrh þatt he shollde lahȝhenn himm Line 10760 Unnderr hiss þeowwess hande He þatt wass alle shaffte Godd, Þatt alle shaffte wrohhte. & Crist comm u¯¯t off Nazaræþ, Forr þatt he wollde tacnenn, Line 10765 Þatt iwhillc mann þatt unnderr Crist Iss laȝhelike fullhtnedd Birrþ tăkenn unnderr Crisstenndom To broddenn & to blomenn, To berenn, forr to berrȝhenn himm, Line 10770 God wasstme & gode dedess; Forr Nazaræþ bitacneþþ uss Onn Ennglissh brodd & blome. & Crist comm u¯¯t off Galileo, Forr þatt he wollde tacnenn, Line 10775 Þatt iwhillc mann þatt unnderr Crist Iss laȝhelike fullhtnedd Iss flittedd u¯¯t þurrh Haliȝ Gast Off alle ki˘ne si˘ness;

Forr Galileo bitacneþþ uss Line 10780 Flitttinng onn Ennglissh spæche. & Crist comm inntill flumm Jorrdan Forr þatt he wollde tacnenn, Þatt iwhillc mann þatt unnderr Crist Iss laȝhelike fullhtnedd Line 10785 Birrþ stiȝhenn dun fra þeþennforþ Off modiȝnessess lawe, & laȝhenn himm ȝæn iwhillc mann, To shæwenn soþ meocnesse. [col 269] Forr whase itt iss þatt stiȝheþþ dun Line 10790 Þiss gate off modiȝnesse, He filleþþ inn himm sellfenn þatt Þatt þurrh Jorrdan iss tacnedd. Forr þurrh Jorrdan, þatt witt tu wel, Iss dunstiȝhinng bitacnedd. Line 10795 & Crist wass fullhtnedd att Johan, Forr þatt he wollde shæwenn Þatt Sannt Johaness fullhtninng wass Halsumm & god to fanngenn; Forr itt wass ȝarrkinng ȝæn fulluhht Line 10800 Þatt Crist sellf shollde settenn. & Crist wass fullhtnedd i þe flumm, Forr þatt he wollde uss hallȝhenn Þe waterr þurrh hiss hallȝhe lic Þurrh þatt itt comm þærinne. Line 10805 & Crist wass fullhtnedd att te flumm, Forr þatt he wollde shæwenn,

Þatt Godess þeoww birrþ follȝhenn all & fillenn wiþþ hiss bisne All þatt he tæcheþþ oþre menn Line 10810 To follȝhenn & to fillenn. & Crist wass fullhtnedd att te flumm, Forr þatt he wollde shæwenn Þatt he wass mann o moderrhallf Forr all mannkinne nede, Line 10815 & wollde fillenn all himm sellf Þatt Godess þeoww birrþ fillenn. & Crist wass fullhtnedd att te flumm Forr þatt he wollde shæwenn, Þatt iwhillc mann þatt unnderr Crist Line 10820 Iss laȝhelike fullhtnedd Onnfoþ þurrh Drihhtin Haliȝ Gast To frofrenn himm & wissenn, Forr þær comm Haliȝ Gast o Crist Anan summ he wass fullhtnedd. Line 10825 & Crist wass fullhtnedd att te flumm Forr þatt he wollde shæwenn, Þatt heoffness gate iss oppnedd me Þatt daȝȝ þatt icc amm fullhtnedd, Forr heoffne wass oppnedd anan Line 10830 Ȝæn Crist tær he wass fullhtnedd. & Crist wass fullhtnedd att te flumm Forr þatt he wollde shæwenn, Þatt iwhillc mann þatt unnderr Crist Iss laȝhelike fullhtnedd Line 10835 Birrþ wurrþenn milde, & soffte, & meoc, & æddmod allse cullfre,

Forr þær comm Haliȝ Gast o Crist Inn aness cullfress like. & Crist wass fullhtnedd att te flumm Line 10840 Forr þatt he wollde shæwenn, Þatt iwhillc mann þatt unnderr Crist Iss laȝhelike fullhtnedd Onnfoþ, þurrh ȝife off Haliȝ Gast, To cnawenn þatt Þrimmnesse Line 10845 Þatt an Allmahhtiȝ Drihhtin iss, Þatt all þiss weorelld wrohhte. Forr sone anan se Jesu Crist I flumm Jorrdan wass fullhtnedd, Þær wass þe Faderr heorrd anan Line 10850 Off heoffne þurrh an steffne; & Haliȝ Gast comm þære o Crist Inn aness cullfress like; & Crist wass Godess Sune & Godd, An had off þatt Þrimmnesse, Line 10855 Þatt Godess þeoww birrþ cnawenn rihht & lufenn rihht & þeowwtenn. & Crist wass fullhtnedd att te flumm Forr þatt he wollde shæwenn, Þurrh þatt he stah upp off þe flod Line 10860 Forrþrihht alls he wass fullhtnedd, Þatt iwhillc mann þatt unnderr Crist [col 270] Iss laȝhelike fullhtnedd Birrþ stiȝhenn upp off flæshess flod, Upp off hiss flæshess lusstess, Line 10865

Line 10865 & godenn aȝȝ fra daȝȝ to daȝȝ Inn alle gode dedess, & þrifenn aȝȝ & waxenn aȝȝ Inn alle gode þinge, Swa þatt he muȝhe bett & bett Line 10870 & mare & mare cwemenn Allmahhtiȝ Drihhtin wiþþ hiss lif, & wiþþ hiss ende baþe, Swa þatt he muȝhe wurrþi beon To brukenn eche blisse. Line 10875 & Crist wass fullhtnedd þanne he wass Off þrittiȝ winnterr elde, Forr þatt he wollde shæwenn swa All mannkinn þurrh hiss bisne, Þatt whase shall i Crisstenndom Line 10880 Beon hofenn upp & hadedd Till bisscopp orr till unnderrpreost, Forr Godess follc to gætenn, Þatt himm birrþ beon fullwaxenn mann, & shadd fra childess ȝæress; Line 10885 Forr nollde nohht te Laferrd Crist Biginnenn forr to spellenn, Ne forr to shæwenn ohht mang menn Off hiss goddcunnde mahhte, Till þatt he wass fullwaxenn mann Line 10890 Off þrittiȝ winnterr elde. Þatt Sannt Johan drohh himm o bacch, Forr þatt he nohht ne durrste Fullhtnenn þe Laferrd Jesu Crist, Þatt wass rihht soþ meocnesse, Line 10895

Line 10895 & tatt he toc þatt wikenn þohh Þa siþþenn, whanne he wisste Þatt ure Laferrd wollde swa Illc rihhtwisnesse fillenn, Þatt wass, witt tu to fulle soþ, Line 10900 Fullfremedd herrsummnesse. & tatt comm wel, forr nowwþerr mahht Off þise tweȝȝenn mahhtess Niss god inoh, ȝiff þatt itt iss All shadd u¯¯t fra þatt oþerr; Line 10905 Forr herrsummnesse iss all unnstrang Wiþþutenn soþ meocnesse, & illc meocnesse iss ellennlæs Wiþþutenn herrsummnesse. Crist seȝȝde þatt he shollde þær Line 10910 Illc rihhtwisnesse fillenn, Þurrh þatt he shollde fullhtnedd beon Att Sannt Johaness hande, To ȝifenn þurrh himm sellfenn swa Off soþ meocnesse bisne; Line 10915 Forr niss nan rihhtwisnesse full Wiþþutenn soþ meocnesse. & ec forrþi þatt whase onnfoþ Fulluhht wiþþ soþ meocnesse, I Cristess hus, att Cristess þeoww, Line 10920 To follȝhenn Cristess lare, He doþ himm i þe rihhte stih Off iwhillc rihhtwisnesse; Forr att te funnt biginneþþ all Þatt hallȝhe rihhtwisnesse, Line 10925

Line 10925 Þatt Cristess hirrd, Crisstene follc Birrþ follȝhenn here & fillenn.

Allmahhtiȝ Gast comm uppo Crist Inn aness cullfress like, Forr þatt he shollde seȝhenn beon Line 10930 O sume kinne wise; Forr gast iss all unnseȝhennlic Ȝæn eorþlic eȝhess sihhþe. & nohht ne birrþ ȝuw lefenn þohh Ne trowwenn þatt tatt cullfre Line 10935 [col 271] Wass Haliȝ Gast Allmahhtiȝ Gast, Ne nan off þise cullfress Þatt sinndenn i þiss middellærd An lott off manne fode; Acc itt wass shawenn þa þurrh Godd Line 10940 Forr þatt itt shollde tacnenn, Þatt Haliȝ Gast iss milde & meoc To frofrenn hise þeowwess, & ec þatt ure Laferrd Crist Iss meoc, & milde, & bliþe, Line 10945 & ec þatt Cristess þeoww birrþ beon Ædmod, & meoc, & milde, & follȝhenn aȝȝ þurrh haliȝ lif Þa gode bisness alle Þatt he, - ȝiff þatt he nimeþþ gom, Line 10950 Maȝȝ findenn i þe cullfre,

Swa summ icc habbe shæwedd her Biforenn o þiss lare, Þær ure Laferrd Jesu Crist Wass offredd upponn allterr, Line 10955 I Godess temmple wiþþ þatt lac Þatt wass off tweȝȝenn cullfress. & affterr þatt tatt cullfre wass Wel seȝhenn uppo Criste, Þæraffterr warrþ itt efft to nohht, Line 10960 Þatt witt tu wel to soþe. Þatt steffne þatt off heoffne comm, Itt wass þe Faderr steffne, Þatt off hiss Sune spacc þatt word Forr all þe follkess nede; Line 10965 Forr þatt teȝȝ sholldenn takenn wel Wiþþ Crist & wiþþ hiss lare, Þurrh þatt teȝȝ herrdenn þatt he wass Soþ Godess Sune off heoffne. & whatt wass þatt te Faderr sellf Line 10970 Þær off hiss Sune seȝȝde? Þiss iss min Sune, & me full lef & cweme onn alle wise. & tatt wass seȝȝd alls iff he þuss Wiþþ openn spæche seȝȝde, Line 10975 All þatt min Sune forrþenn shall Onn eorþe iss me full cweme, Onnȝæn þatt Adam wass me laþ & all hiss si˘ne unncweme. & whase wile cwemenn me Line 10980 To wi˘nenn eche blisse,

Loke he þatt he min Sune wel Onn alle wise cweme; Forr all witt baþe sinndenn an I Goddcunndnessess kinde Line 10985 Forþ wiþþ þatt Hallȝhe Frofre Gast, Þatt cumeþþ off unnc baþe, We sinndenn an Allmahhtiȝ Godd, & sinndenn þohh þreo hadess, Faderr & Sune & Haliȝ Gast, Line 10990 Illc an effninng wiþþ oþerr, Þreo hadess, an Allmahhtiȝ Godd, Þatt alle shaffte wrohhte. & tiss mann þatt iss fullhtnedd her Line 10995 Þurrh þiss Baptisstess hande Iss an Allmahhtiȝ Godd wiþþ me & wiþþ min Gast i kinde, & iss bitahht all follc þurrh me, & þurrh himm sellfenn baþe, Line 11000 & þurrh þatt Hallȝhe Frofre Gast Þatt till unnc ba bilimmpeþþ, Þurrh uss iss he bitahht all follc & þurrh ure allre wille, To lesenn mannkinn þurrh hiss dæþ U¯¯t off þe deofless walde, Line 11005 To turrnenn leode, þurrh hiss spell & þurrh hiss hallȝhe bisne, [col 272] Till fulluhht & till Crisstenndom, & till þe rihhte læfe.

& whase wile borrȝhenn beon Line 11010 To brukenn eche blisse, He loke þatt he follȝhe wel Þiss illke manness lare; Forr niss nan mann þatt æfre maȝȝ Beon borrȝhenn att hiss ende, Line 11015 Butt iff he muȝhe wi˘nenn her Þiss illke manness are, Þatt iss min Sune, Allmahhtiȝ Godd & mann off twinne kinde, Soþ mann, all þweorrt u¯¯t sinnelæs Line 11020 Off bodiȝ & off sawle. All þiss mann unnderrstanndenn maȝȝ Þurrh þatt te Faderr seȝȝde, Þiss iss min Sune, & me full lef & cweme onn alle wise, Line 11025 & whase wile borrȝhenn beon, He lisste till hiss lare. & itt wass seȝȝd alls iff he þuss Ȝe¯¯t oþerr wise seȝȝde; Þiss iss an oþerr neow Adam Line 11030 & all wiþþutenn si˘ne Þatt leosenn shall þe forrme Adam U¯¯t off þe deofless walde, & sahhtlenn himm & hiss offspring Wiþþ me þurrh herrsummnesse, Line 11035 Þurrh þatt he me shall herrsumm beon To þolenn dæþ o rode. Þe Faderr spacc towarrd te follc, Forr þatt he wollde shæwenn

Þatt tatt wass forr þe follkess ned, Line 11040 & nohht forr hise nede, Þatt Godess Sune Allmahhtiȝ Godd Wass wurrþenn mann onn eorþe.

Annd ȝuw birrþ witenn witerrliȝ, Þatt Jesu Crist wass fullhtnedd Line 11045 Rihht o þatt daȝȝ uppo þe ȝer Þatt twellfte daȝȝ iss nemmnedd; Acc he wass þa, þatt witt tu wel, Off þrittiȝ winnterr elde Þatt time þatt he fullhtnedd wass, Line 11050 Forr uss to ȝifenn bisne. & forrþrihht o þatt oþerr ȝer Affterr þatt he wass fullhtnedd, Rihht o þatt daȝȝ uppo þe ȝer Þatt twellfte daȝȝ iss nemmnedd, Line 11055 He turrnde waterr inntill win Þurrh hiss goddcunnde mahhte, I Cana Galileowess tun Att an bridaless sæte. I clepe itt her þe twellfte daȝȝ Line 11060 Affterr þatt ȝe itt nemmnenn; Forr itt iss þe þrittennde daȝȝ Fra Ȝoldaȝȝ, nohht te twellfte. Ȝiff þatt mann takeþþ þatt Ȝoldaȝȝ Fra daȝȝ to daȝȝ to tellenn, Line 11065 Þa beoþ þatt te þrittennde daȝȝ Þatt ȝe þe twellfte nemmnenn;

Swa summ ȝe nemmnenn ȝure ȝer Twellf moneþþ, & tohhwheþþre Ȝe muȝhenn uppo ȝure ȝer Line 11070 Þrittene moneþþ findenn. Loc nu ȝiff twellfte daȝȝ iss wurrþ To beon wurrþlike freollsedd; Itt iss wel wurrþ la fuliwiss To beon wurrþlike freollsedd; Line 11075 Forr o þatt daȝȝ wass Jesu Crist Midd þrinne lakess lakedd, & o þatt daȝȝ he fullhtnedd wass Þurrh Sannt Johan Baptisste, & o þatt daȝȝ he wrohhte win Line 11080 Off waterr þurrh hiss mahhte, Þurrh þatt he wass Allmahhtiȝ Godd Þatt alle shaffte wrohhte. [col 273] & whi le¯¯t ure Laferrd Crist Bilimmpenn þa þreo þingess Line 11085 Aȝȝ onn an daȝȝ uppo þe ȝer? Forr þatt he wollde shæwenn Whatt gate he wollde greȝȝþenn uss To winnenn eche blisse. Þatt newe sterrne þatt he ȝaff Line 11090 Þa Kalldewisshe kingess, Forr þatt itt shollde ledenn hemm Till himm þe rihhte weȝȝe, Þatt newe steorrne ȝaff he þeȝȝm, Forr þatt itt shollde tacnenn Line 11095 Þe rihhte læfess brihhte leom Þatt ledeþþ upp till heoffne

Þatt follc, þatt follȝheþþ Crisstenndom, & Cristess laȝhess haldeþþ· & forrþi le¯¯t te Laferrd Crist Line 11100 Bilimmpenn þa þreo þingess Aȝȝ o þe ȝer uppo þatt daȝȝ Þatt twellfte daȝȝ iss nemmnedd; Forr þatt he wollde shæwenn swa Himm sellf þurrh þa þreo þingess, Line 11105 Þatt ta þatt turrnenn hemm till Crist, To wurrþenn hise þeowwess, Þeȝȝ unnderrfon att Crist anan Þe rihhte læfess steorrne, To ledenn hemm till Cristess hus, Line 11110 Till Cristess hallȝhe genge, Forr tunnderrfanngenn Crisstenndom & fulluhht unnderr Criste, & forr to leornenn Godess boc Gastlike tunnderrstanndenn, Line 11115 & forr to drinnkenn gastliȝ witt U¯¯t off stafflike fe¯¯tless, Swa summ itt wære winess drinnch Þatt wære off waterr wharrfedd, Þatt drinnch þatt turrneþþ þeȝȝre þohht Line 11120 Þurrh haliȝ drunnkennesse All fra þe weorrldess lufe & lusst, & fra þe flæshess wille, To follȝhenn aȝȝ anwherrfeddleȝȝc To winnenn Cristess áre. Line 11125 & Crist wass fullhtnedd att te flumm, Forr þatt he wollde shæwenn,

Þatt ta þatt sinndenn laȝheliȝ O Cristess name fullhtnedd Onnfon swillc are & lufe & mahht Line 11130 Att Drihhtin Godd off heoffne, Þatt he forrþrihht her i þiss lif Hemm nemmneþþ hise chilldre, Þa chilldre, þatt himm sinndenn her Full lefe, & dere, & cweme. Line 11135 Forr son se Crist wass fullhtnedd tær Att Sannt Johaness hande Hiss Faderr u¯¯t off heoffness ærd Spacc till þe follc, & seȝȝde, Þiss iss min Sune, & me full lef Line 11140 & cweme onn alle wise. Þatt seȝȝde he forr to shæwenn swa Þatt ta þatt sinndenn fullhtnedd Himm sinndenn cweme, onnȝæn þatt teȝȝ Himm wærenn ær unncweme Line 11145 Unnderr þe laþe gastess hand, Þurrh hæþenndom & dwilde. & Crist wass fullhtnedd att te flumm, Forr þatt he wollde shæwenn Þatt ta þatt sinndenn unnderr Crist Line 11150 Rihht laȝhelike fullhtnedd Birrþ stanndenn inn to cwemenn Crist [col 274] Wiþþ bedess & wiþþ wecchess; Forr Crist, son summ he fullhtnedd wass & stiȝhenn upp o strande, Line 11155

Line 11155 Forrþrihht anan he turrnde himm till To biddenn hise beness Upp till hiss Faderr heoffness king, Forr all þatt follc onn eorþe Þatt shollde tăkenn Crisstenndom, Line 11160 & hise laȝhess haldenn. Forr affterr þatt, itt kiþeþþ uss Lucas þe Goddspellwrihhte, Þe Laferrd Crist forrþrihht anan, Affterr þatt he wass fullhtnedd, Line 11165 Badd hise beness forr hiss follc, & nohht forr hise nede; Forr he wass Godess Sune & Godd, & all wiþþutenn sinne. & Crist wass fullhtnedd tanne he wass Line 11170 Off þrittiȝ winnterr elde, Forr þatt he wollde shæwenn swa Þatt whase shall beon fullhtnedd I Cristess hus þurrh Cristess þeoww, He foþ to wurrþenn fullhtnedd Line 11175 O Godess name, þatt iss an Unnseȝȝenndliȝ Þrimmnesse, Faderr, & Sune, & Haliȝ Gast, An Godd all unntobrittnedd, Swa þatt himm birrþ fra þeþennforþ Line 11180 Wiþþ mikell ȝeorrnfullnesse Aȝȝ stanndenn inn affterr hiss mahht Wiþþ hiss Drihhtiness hellpe, To follȝhenn Godess laȝheboc Gastlike inn hise dedess, Line 11185

Line 11185 Þatt boc þatt all bilokenn iss I tene bodewordess, To tacnenn þiss wass Jesu Crist Off þrittiȝ winnterr elde O þatt ȝer þatt he fullhtnedd wass Line 11190 Att Sannt Johan Bapptisste. Forr tale off þrittiȝ filleþþ rihht Þe tale off þriȝȝess tene; Þe þriȝȝes tacneþþ Drihhtin Godd Inn hiss hallȝhe Þrimmnesse, Line 11195 Þe tale off tene tacneþþ uss Þa tene bodewordess, Þatt illc mann follȝhenn birrþ þatt iss O Cristess name fullhtnedd. Maþþeow þe Goddspellwrihhte wra¯¯t Line 11200 Onn hiss Goddspelless lare Off þatt te Laferrd Crist iss King Þatt all þe weorelld steoreþþ, & ȝemeþþ fra þe laþe gast & berrȝheþþ hise þeowwess, Line 11205 Þatt hallȝhe flocc þatt lufeþþ himm & hise laȝhess haldeþþ· & forrþi recneþþ he þe kinn Off Cristess mennisscnesse [col 275] Þurrh weress fulle fowwerrtiȝ Line 11210 Annd an wiþþ Crist himm sellfenn, & swa þatt Jechonias iss An mann & twiȝess rimedd,

Affterr þatt sume wise menn O lare itt unnderrstanndenn. Line 11215 & he biginneþþ Cristess kinn To reccnenn & to rimenn Att Abraham, & reccneþþ aȝȝ Dunnwarrd fra mann to manne, Till þatt he cumeþþ till Josæp Line 11220 Þatt wass wiþþ Sannte Marȝe Weddedd, to fosstrenn hire child & hire sellfenn baþe; Acc ȝho wass æfre clene off himm, & æfre maȝȝdenn clene. Line 11225 & þurrh þatt tatt uss reccneþþ swa Maþeow þe Goddspellwrihhte Dunnwarrd te Laferrd Cristess kinn, Þærþurrh iss uss bitacnedd, Þatt Crist comm u¯¯t off heoffne dun, Line 11230 To wurrþenn mann onn eorþe, To lesenn mannkinn þurrh hiss dæþ U¯¯t off þe deofless walde, & forr to chesenn himm an follc Off all mannkinn onn eorþe, Line 11235 Þatt shollde beon hiss aȝhenn hird & himm all þweorrt út cweme, Þurrh fulluhht & þurrh Crisstenndom & þurrh þe rihhte læfe, & þurrh þatt tatt teȝȝ sholldenn himm Line 11240 Þweorrt u¯¯t tocweme þeowwtenn Her i þiss middellærdess lif, & he þeȝȝm shollde frofrenn,

& wissenn hemm, & ȝemenn hemm Fra deofless & fra sinness Line 11245 Her i þiss middellærdess lif, Þatt full wel iss bitacnedd Þurrh tale & rime off fowwerrtiȝ, Off fowwerr siþe tene. Forr all þiss middell ærdess ald Line 11250 Eorneþþ aȝȝ forþ wiþþ ȝeress, & illc an ȝer himm sellf iss all O fowwre daless dæledd, O sumerr, & onn herrfessttid, O winnterr, & o lenntenn. Line 11255 & all þiss middellærd iss ec O fowwre daless dæledd, Onn œst, o Wesst, o Suþ, o Norrþ, Þiss wast tu wel to soþe. & ȝiff þu takesst onn att an Line 11260 & tellesst forþ till fowwre, Þa riseþþ upp þin tale anan Inntill þe tale off tene; Forr ȝiff þu sammnesst twa till an, Þu findesst þreo togeddre, Line 11265 & ȝiff þu sammnesst þreo till þreo, Þa findesst tu þær sexe, [col 276] & ȝiff þu dost fowwre þerrto Þa findesst tu þær tene, Forr sexe & fowwre fillenn all Line 11270 Þe fulle tale off tene.

& tuss iss all þiss middellærd Þurrh fowwerrtiȝ bitacnedd, Þurrh þatt te tale off fowwerrtiȝ Iss fowwerr siþe tene, Line 11275 & þurrh þatt fowwre waxenn upp Inntill þe tale off tene, & þurrh þatt tatt tiss middellærd Iss dæledd all o fowwre. & Crist comm dun off heoffness ærd Line 11280 To wurrþenn mann onn eorþe, To lesenn all þiss middellærd U¯¯t off þe deofless walde, & forr to ȝemenn i þiss lif Þatt follc þatt shollde himm cwemenn, Line 11285 & tatt he wollde uss don þatt god Þatt wurrþe himm þannkedd æfre. & ȝiff þatt aniȝ læredd mann Shall sannenn her onnȝæness, & seggenn wissliȝ þatt Maþþeow, Line 11290 Þe Goddspellwrihhte, reccneþþ & rimeþþ Jesu Cristess kinn Inn ure mennisscnesse Þurrh weress fulle fowwerrtiȝ & tweȝȝenn ȝe¯¯ tær tekenn, Line 11295 Swa þatt tu shule tweȝȝenn menn Wiþþ anfald name tellenn, Swa þatt te faderr wurrþe firrst Jechonyas ȝehatenn, & allse hiss sune efft affterr himm Line 11300 Beo Jechoniass nemmnedd,

Þa maȝȝ þurrh fowwerrtiȝ & twa Þatt illke beon bitacnedd, Þatt ure Laferrd Jesu Crist Her ȝemeþþ hise þeowwess, Line 11305 Her, þær þeȝȝ swinnkenn i þiss lif To winnenn eche resste. Forr seofenn siþe sexe gan, Ȝiff þatt tu willt hemm sammnenn Upp inntill fowwerrtiȝ & twa, Line 11310 Þiss wast tu wel to soþe. Þe sexe fallenn till þiss lif Þær Cristess leode swinnkeþþ, Forr ȝure wuke gifeþþ ȝuw Aȝȝ sexe werrkedaȝȝess, Line 11315 Butt iff þatt aniȝ messedaȝȝ [Coll. 277-280 wanting.] . . . . . [col 281] . . . . .upp till heoffness ærd, To brukenn eche blisse.

Amæn;·

SECUNDUM MATHEUM XX.

Ductus est IHC in desertum a spiritu ut temptaretur a diabolo.

Forrþrihht se Jesuss fullhtnedd wass, He wennde himm inntill wesste. Line 11320 Þe Goddspell seȝȝþ þatt he wass ledd Þurrh Gast inntill þe wesste, Annd tatt forr þatt he shollde þær Beon fandedd þurrh þe deofell. & Crist bilæf i wessteland, Line 11325 Forr þatt he wollde fasstenn, & he toc þa to fasstenn þær Þær he wass i þe wesste. & all wiþþutenn mete & drinnch Heold Crist hiss fasste þære Line 11330 Fowwerrtiȝ daȝhess aȝȝ onnan Bi daȝhess, & bi nahhtess. & whanne hiss fasste forþedd wass Þa lisste himm affterr fode; & forrþrihht comm þe laþe gast, Line 11335 Forr þatt he wollde himm fandenn, & le¯¯t himm staness seon anan, & seȝȝde þuss wiþþ worde; Ȝiff þatt tu Godess Sune arrt wiss, Macc bræd off þise staness. Line 11340 & ure Laferrd Jesu Crist Ȝaff sware onnȝæn & seȝȝde;

Boc seȝȝþ þatt nohht ne maȝȝ þe mann Bi bræd all ane libbenn, Acc bi þatt word tatt cumeþþ u¯¯t Line 11345 Off Godess muþess lare. & tanne toc þe deofell himm Inntill þatt hallȝhe chesstre Þatt iss ȝehatenn Ȝerrsalæm, & brohhte himm o þe temmple, Line 11350 & sette himm heȝhe uppo þe rhof Wiþþutenn att te waȝhe. & tære he seȝȝde þuss till Crist, Swa summ þe Goddspell kiþeþþ; Ȝiff þatt tu Godess Sune arrt wiss Line 11355 Cumm skaþelæs till eorþe, Do þe nu þurrh þe sellfenn dun & þurrh þin Goddcunndnesse, Ȝiff þatt tu Godess Sune arrt wiss Þatt cumenn arrt to manne; Line 11360 Forr writenn iss o boc, þatt he Wel hafeþþ seȝȝd & cwiddedd Forrlannge till hiss enngleþeod Off þe, þatt arrt himm dere, Off — þatt teȝȝ shulenn ȝemenn þe Line 11365 Att alle þine nede, & tatt teȝȝ shulenn tăkenn þe Bitwenenn hemm wiþþ hande, Swa þatt tu nohht ne shallt tin fot Uppo þe staness hirrtenn. Line 11370 & ure Laferrd Jesu Crist Ȝaff sware onnȝæn & seȝȝde;

Boc seȝȝþ; þe birrþ wel ȝemenn þe Þatt tu þin Godd ne fande. & ȝe¯¯ te deofell wollde þær Line 11375 Þe þridde siþe fandenn Þe lefe Laferrd Jesu Crist, & brohhte himm onn an lawe Þatt wass well swiþe stæp & heh, Swa summ þe Goddspell kiþeþþ, Line 11380 & le¯¯t himm seon þe middellærd & alle kinedomess, & seȝȝde; all þiss icc ȝife þe, [col 282] Ȝiff þu to me willt cnelenn, Ȝiff þu willt lefenn upponn me, Line 11385 & buȝhenn to min lare. & ure Laferrd Jesu Crist Ȝaff sware onnȝæn, & seȝȝde; Ga, wiþerr gast, o bacch fra me, Forr writenn stannt o boke; Line 11390 Þe birrþ biforr þin Laferrd Godd Cneolenn meoclike & lutenn, & þeowwtenn wel wiþþ all þin mahht Allwældennd Drihhtin ane. & sone anan affterr þatt word Line 11395 Himm wennde aweȝȝ þe deofell, & enngless comenn sone anan & tokenn Crist to þeowwtenn. Her endeþþ nu þiss Goddspell þuss, & uss birrþ itt þurrhsekenn, Line 11400

Line 11400 To lokenn whatt itt læreþþ uss Off ure sawless nede.

Þatt ure Laferrd Jesu Crist, Forrþrihht summ he wass fullhtnedd, Wass ledd u¯¯t inntill wessteland Line 11405 Þurrh Gast, forr þatt he shollde Beon fandedd þurrh þe laþe gast Þær þær he wollde fasstenn, All þatt wass don þurrh Jesu Crist, Forr mikell þing to tacnenn; Line 11410 Acc ȝuw birrþ witenn witerrliȝ & sikerrlike trowwenn, Þatt he wass ledd þurrh Haliȝ Gast & þurrh hiss aȝhenn wille U¯¯t inntill wilde & wessteland, Line 11415 To beon þurrh deofell fandedd; Forr þatt he wollde shæwenn swa All mannkinn þurrh hiss bisne Hu Cristess hird — Crisstene follc Birrþ fihhtenn ȝæn þe deofell, Line 11420 To winnenn síȝe & oferrhannd Off himm þurrh Cristess hellpe. Crist for u¯¯t inntill wessteland Forrþrihht summ he wass fullhtnedd, To tacnenn swa þatt Cristess þeoww, Line 11425 Forrþrihht summ he beoþ fullhtnedd, Birrþ weorelldshipess seollþe flen, & flæshess lusst forrwerrpenn,

All swa summ wessteland iss all Forrworrpenn & forrlætenn. Line 11430 Crist comm u¯¯t inntill wessteland, Forr þatt he wollde fasstenn, To shæwenn swa þatt Cristess þeoww, [col 283] Affterr þatt he beoþ fullhtnedd, Birrþ stanndenn inn to þeowwtenn Crist Line 11435 Wiþþ fasstinng & wiþþ beness, Wiþþ wecchess, & wiþþ mett & mæþ I claþess & i fode. & Crist comm inntill wessteland To beon þurrh deofell fandedd, Line 11440 To shæwenn swa þatt Cristess þeoww, Affterr þatt he beoþ fullhtnedd, Shall hafenn rihht inoh to don To stanndenn ȝæn þe deofell, Ȝiff he shall muȝhenn ȝemenn himm Line 11445 Fra deofless dærne wiless; Forr affterr þatt te mann iss shadd All þweorrt u¯¯t fra þe deofell Þurrh fulluhht, & þurrh Cristenndom, & þurrh þe rihhte læfe, Line 11450 Þæraffterr iss þe laþe gast Ȝerrnfull wiþþ all hiss mahhte, To winnenn efft tatt illke mann Þurrh hise laþe wiless, Þurrh þatt he shall himm brinngenn onn Line 11455 To don summ hæfedd sinne,

All hise þannkess, all unnnedd, All att hiss flæshess wille. & tærþurrh iss þatt crisstnedd follc Iss swiþe full off swillke Line 11460 Þatt follȝhenn efft te laþe gast, Þurrh þatt teȝȝ deope sinness Unnderr þe name off Crisstenndom All þeȝȝre þannkess follȝhenn; Þatt cumeþþ all la fuliȝwiss Line 11465 Off — þatt te deofell næfre Ne blinneþþ off to skrennkenn þa Þatt haffdenn himm forrworrpenn, & forr þatt we ne stanndenn nohht Swa summ uss birrde stanndenn Line 11470 Onnȝæness himm wiþþ haliȝ lif, Ne wiþþ þe rihhte læfe. Uss birrde all eorþliȝ þing forrseon To winnenn itt þurrh sinne, & aȝȝ uss birrde beon forrlisst Line 11475 Affterr þe blisse off heoffne, & æfre fihhtenn ȝæn þe flæsh & ȝæn þe flæshess lusstess. Þa mihhte we þe laþe gast Wiþþstanndenn & wiþþseggenn, Line 11480 & winnenn síȝe & oferrhannd Off himm wiþþ Cristess hellpe. Crist comm u¯¯t inntill wessteland, Forr þatt he wollde fasstenn Fowwerrtiȝ daȝhess all onn an Line 11485 Wiþþutenn iwhillc fode,

Forr þatt te tale off fowwerrtiȝ Full wel bitacnenn shollde Þatt all þiss middellærd, tatt iss O fowwre daless dæledd, Line 11490 Onn œst, o Wesst, o Suþ, o Norrþ, [col 284] Birrþ lefenn uppo Criste, & lufenn Crist, & drædenn Crist, & follȝhenn Cristess lare Þatt all þwerrt u¯¯t bilokenn iss Line 11495 I tene bodewordess, Swa þatt te manness bodiȝ beo Buhsumm forþ wiþþ þe sawle, To cwemenn wel Allmahhtiȝ Godd Onn alle kinne wise. Line 11500 Forr manness bodiȝ feȝedd iss Off fowwre kinne shaffte, Off heoffness fir, & off þe lifft, Off waterr, & off eorþe. & sawle iss shapenn all off nohht, Line 11505 & hafeþþ þrinne mahhtess; Forr sawle onnfoþ att Drihhtin Godd Innsihht & minndiȝnesse, & wille iss hire þridde mahht Þurrh whatt menn immess ȝeornenn, Line 11510 Forr sume ȝeornenn eorþliȝ þing, & sume itt all forrwerrpenn, & ȝeornenn heofennlike þing To winnenn & to brukenn.

& ure Godd, Allmahhtiȝ Godd, Line 11515 Iss an Godd & þreo hadess, Faderr, & Sune, & Haliȝ Gast, An Godd all unntodæledd. Her uss bitacnenn fowwre & þreo Þe bodiȝ & te sawle. Line 11520 & Godd iss her tacnedd þurrh þreo, Forr Godd iss i þreo hadess. & ȝiff þu feȝesst þreo wiþþ þreo, Þa findesst tu þær sexe, & ȝiff þu fowwre dost tærto, Line 11525 Þa findesst tu þær tene, & fowwre & þreo wiþþ oþre þreo Full opennliȝ bitacnenn Þe bodiȝ, & te sawle, & Godd, & tene bodewordess, Line 11530 Forrþi þatt manness bodiȝ birrþ Forrþ wiþþ þe manness sawle Rihht lufenn Godd, rihht drædenn Godd, Rihht follȝhenn Godess lare Þatt all þweorrt u¯¯t bilokenn iss Line 11535 I tene bodewordess. Þatt ure Laferrd Jesu Crist Himm droh fra mete i wesste, Þatt tíme þatt himm ȝe¯¯ wass ned To metess & to drinnchess, Line 11540 Þatt wass alls iff he seȝȝde þuss Till all mannkinn onn eorþe; Whatt mann se wile cwemenn me, To winnenn eche blisse,

Þatt illke mann birrþ draȝhenn himm Line 11545 Fra gluterrnessess esstess, & tăkenn forr þe lufe off me [col 285] Unnorne fode & litell. & tatt he siþþenn e¯¯t & drannc Wiþþ hise Leorningcnihhtess, Line 11550 Affterr þatt he wass dæd forr uss & risenn upp off dæþe, Þatt tíme þatt himm nass nan ned To metess, ne to drinnchess, Þatt wass alls iff he seȝȝde þuss Line 11555 Till hise deore þeowwess; Icc shall beon aȝȝ occ aȝȝ wiþþ ȝuw Whil þatt tiss weorelld lassteþþ, To fedenn ȝuw, to frofrenn ȝuw, To wissenn ȝuw, to gætenn Line 11560 Þurrh Haliȝ Gastess hellpe & hald Onnȝæness laþe gastess. & I shall tăkenn ȝuw till me Att ȝure lifess ende, & ȝifenn ȝuw inn heoffness ærd Line 11565 Þe fode off eche blisse. Þatt Jesu Crist forrhunngredd wass, Swa summ þe Goddspell kiþeþþ, Affterr þatt all hiss fasste wass Forþedd & brohht till ende, Line 11570 Þatt hunngerr wass þatt hallȝhe lusst Þatt wass i Crisstess herrte,

Þatt mannkinn shollde lesedd beon U¯¯t off þe deoffless walde, & turrnedd till þe Crisstenndom, Line 11575 & till þe rihhte læfe, To winnenn lott þurrh haliȝ lif Off heofennrichess blisse. & he wass ec forrhunngredd ta, Forr þatt he wollde shæwenn Line 11580 Þatt he wass mann o moderr hallf Þatt haffde ned to fode. & he wass ec forrhunngredd ta, Forr þatt te deofell shollde Wel wenenn þatt he wære mann, Line 11585 Swa þatt he Godd ne wære. & forrþi toc þe laþe gast To fandenn Crist i wesste, Forr þatt he warrþ orrtrowwe off Crist Þurrh niþfull modiȝnesse, Line 11590 Forr þatt he sahh himm usell wihht Inn ure mennisscnesse, Forr whatt he le¯¯t full hæþeliȝ To lefenn & to trowwenn, Þatt swillc an shollde muȝhenn beon Line 11595 Shippennd off alle shaffte; & forrþi wollde he fandenn himm, To cunnenn ȝiff he mihhte Onn aniȝ wise wurrþenn wis To witenn whatt he wære. Line 11600 & he comm þa biforenn Crist Inn aness weress heowe,

& le¯¯t himm staness seon anan, & seȝȝde þuss wiþþ worde; Ȝiff þatt tu Godess Sune arrt wiss, Line 11605 Macc bræd off þise staness. [col 286] Þurrh þatt te laþe gast badd Crist Þær makenn bræd off staness, Ȝiff þatt he wære witerrliȝ Crist Godess Sune, off heoffne, Line 11610 Þærþurrh he wollde wurrþenn wis Off Crist — whatt wihht he wære. Forr ȝiff he wrohhte bræd off stan, Þa munnde he seon þatt mahhte, & munnde trowwenn wel þatt he Line 11615 Crist Godess Sune wære. & ȝiff he wollde makenn bræd, & makenn itt ne mihhte, Þa wære he þurrh þe lusst off bræd I gluterrnesse fallenn, Line 11620 & wære þa bikahht & lahht Þurrh fanding off þe deofell Þatt illke wise þatt Adam Wass lahht þurrh gluterrnesse. & ȝiff þe Laferrd haffde þær Line 11625 Þatt wise makedd lafess Þatt himm þurrh deofell beodenn wass, Þa wære he þær bikæchedd. Þe deofell badd himm makenn bræd, Forr þatt he wass forrhunngredd, Line 11630

Line 11630 Swa þatt he shollde þurrh þe bræd Fallenn i gluterrnesse. & ȝiff þe Laferrd haffde wrohht Himm fode onnȝæn hiss hunngerr, Þa wære he þurrh þe deofless croc Line 11635 I gluterrnesse fallenn, & nohht ne wære he þanne Godd, Forr Godd ne gillteþþ næfre. All swa summ Adam allre firrst Biswikenn wass þurrh æte, Line 11640 All swa bigann þe deofell firrst To fandenn Crist þurrh æte. & forrþi wass þe Laferrd tær To fasstenn — forr to shæwenn Þatt tu ne mahht nohht cwennkenn rihht Line 11645 Nan oþerr hæfedd sinne, Ȝiff þu ne mahht nohht habbenn mahht To cwennkenn gluterrnesse. & forrþi birrþ uss allre firrst Offtredenn gluterrnesse, Line 11650 Swa þatt we muȝhenn habbenn mahht To cwennkenn oþre sinness; Forr gluterrnesse waccneþþ all [col 287] Galnessess laþe strenncþe, & all þe flæshess kaggerrleȝȝc Line 11655 & alle fule lusstess Biginnenn þære & springenn u¯¯t Off gluterrnessess rote,

& forrþi birrþ mann allre firrst Offtredenn gluterrnesse, Line 11660 Swa þatt mann muȝhe þess te bett Offtredenn oþre sinness; Forr son se gluterrnesse iss dæd, Sone iss þe bodiȝ bridledd, & siþþenn iss itt lasse swinnc Line 11665 To cwennkenn oþre sinness. & tatt te Laferrd Jesu Crist Ȝaff sware onnȝæn & seȝȝde, Boc seȝȝþ þatt nohht ne maȝȝ þe mann Bi bræd all ane libbenn, Line 11670 Acc bi þatt word tatt cumeþþ u¯¯t Off Godess muþess lare, Þatt wass alls iff he seȝȝde þuss Wiþþ all full openn spæche; Þin egginng iss off flæshess lusst, Line 11675 & nohht off sawless fode, Þurrh whatt icc unnderrstanndenn maȝȝ Þatt tu me willt biswikenn. Nu, laferrdinngess, nimeþþ gom Off þiss þatt here iss trahhtnedd. Line 11680 Þe deofell spacc off eorþliȝ bræd Off eorþliȝ lifess fode, Forr deofell eggeþþ aȝȝ þe mann To follȝhenn gluterrnesse. & ure Laferrd Jesu Crist Line 11685 Spacc off þe sawless fode; & ȝuw birrþ witenn witerrliȝ Þatt ȝure sawles fode

Iss i þe lare off haliȝ boc Þatt ȝuw iss sett to follȝhenn, Line 11690 & ȝure sawless fode iss ec, Ȝiff þatt ȝe Drihhtin cwemenn, I Cristess flæsh & inn hiss blod Þatt ȝure preostess hallȝhenn; Þeȝȝ hallȝhenn Cristess flæsh off bræd, Line 11695 & Cristess blod teȝȝ hallȝhenn Off win, þurrh Cristess aȝhenn word Þatt hafeþþ mahhte & strenncþe To turrnenn baþe bræd & win All u¯¯t off þeȝȝre kinde, Line 11700 & inntill Cristess flæsh & blod, Inntill þe sawless fode, Off alle þa þatt lufenn Crist & hise laȝhess haldenn. & whase itt iss þatt nohht niss off Line 11705 To takenn wiþþ þiss fode Swa summ himm takenn birrþ þærwiþþ, Wiþþ clene lif & læfe, [col 288] Þatt mann iss þwerrt u¯¯t shadd fra Crist, & dæd inn all hiss sawle. Line 11710 & whase itt iss þatt nohht niss off To tăkenn wiþþ þatt lare Þatt cumeþþ u¯¯t off Godess muþ, Þatt Godess þeowwess spellenn Þatt sinndenn nemmnedd Godess muþ, Line 11715 Forr þatt teȝȝ Godess lare

O Godess hallfe, i Godess hus Till Godess leode spellenn, Nu — whase itt iss þatt nohht niss off To tăkenn wiþþ þatt lare, Line 11720 Þatt mann iss all swa shadd fra Godd, & dæd inn all hiss sawle. Forr ȝuw birrþ herrcnenn Godess word & haldenn itt & follȝhenn, & ȝarrkenn ȝuw & clennsenn ȝuw Line 11725 Well ȝeorne onn alle wise, Swa þatt ȝe Cristess flæsh & blod Swa motenn unnderrfanngenn, Þatt itt ȝuw muȝhe berrȝhenn her Þe lif & ec þe sawle. Line 11730 & forrþi þatt te Laferrd Crist Swillc sware ȝaff þe deofell, Þatt he ne wisste nohht te bett Ne nohht te mare off Criste, Þe deofell brohhte himm, alls uss seȝȝþ Line 11735 Maþþew þe Goddspellwrihhte, Inntill þe burrh off Ȝerrsalæm, & brohhte himm o þe temmple, & sette himm heȝhe uppo þe rof Wiþþutenn bi þe waȝhe, Line 11740 Forr þatt he wollde himm fandenn þær, To wi˘tenn whatt he wære. Acc ȝuw birrþ wi˘tenn, alls uss seȝȝþ Lucas þe Goddspellwrihhte, Þatt ure Laferrd Jesu Crist Line 11745 Wass brohht uppo þe lawe

Þær i þe wesste þær he wass Himm ane & haffde fasstedd, œr þann he þurrh þe laþe gast Wass brohht uppo þe temmple. Line 11750 Forr affterr þatt te laþe gast Himm haffde twiȝȝess fandedd [col 289] Þære i þe wesste þær he wass Himm ane & haffde fasstedd, Þæraffterr comm þe Laferrd Crist Line 11755 Till Ȝerrsalæmess chesstre, & tær wass efft te laþe gast Rædiȝ forr himm to fandenn, & brohhte himm o þe temmple þær, Swa summ þe Goddspell kiþeþþ, Line 11760 To cunnenn ȝiff he mihhte þær Ohht wi˘tenn whatt he wære. Acc affterr þatt, uss Goddspell wra¯¯t Maþþew þe Goddspellwrihhte, Þe Laferrd Crist wass allre lattst Line 11765 Uppo þe lawe fandedd; & tatt forrþi forr þatt Maþþew Onn hiss Goddspelless lare Uss writeþþ, þatt te Laferrd Crist Wass fandedd þurrh þe deofell Line 11770 Þatt illke wise þatt Adam I Paradys wass fandedd, & brohht to grund & unnderrfo¯¯t & i þe deofless walde.

Forr allre firrst wass Adam þær Line 11775 Þurrh gluterrnesse wundedd, & affterr þatt þurrh idell ȝellp Þatt iss þurrh modiȝnesse, & allre lattst he wundedd wass Þurrh grediȝnessess wæpenn. Line 11780 & all þatt illke wise wass Crist Godess Sune fandedd, Affterr þatt tatt itt writeþþ uss Maþþew þe Goddspellwrihhte. Forr allre firrst he fandedd wass Line 11785 Þurrh fodess gluterrnesse, Þurrh þatt te laþe gast himm badd Off staness makenn lafess. & siþþenn affterr þatt he wass Þurrh modiȝnesse fandedd, Line 11790 Þurrh þatt te laþe gast himm badd Dun læpenn off þe temmple. Forr ȝiff þatt Crist itt haffde don Hiss mahhte forr to shæwenn, He¯¯t haffde don þurrh idell ȝellp Line 11795 & all þurrh modiȝnesse. & allre lattst wass Jesu Crist Þurrh grediȝnesse fandedd, Þurrh þatt te laþe gast himm bæ¯d All weorelldrichess ahhte, Line 11800 Forr þatt he shollde lutenn himm & buȝhenn till hiss wille. Acc ure Laferrd Crist ne wass Þurrh nan fandinge wundedd,

Forrþi þatt he forrsoc to don Line 11805 Þe laþe gastess wille. Ne þinnke ȝuw nan wunnderr off Þatt deofell haffde mahhte To brinngenn ure Laferrd Crist Uppo þatt heȝhe temmple; Line 11810 Ȝiff Crist itt nollde þolenn himm Ne dide he nohht tatt dede. & here icc unnderrstanndenn maȝȝ, [col 290] Ȝiff icc itt ummbeþennke, Þatt I me sellf all ah itt wald Line 11815 Þatt deofell maȝȝ me scrennkenn, Þurrh þatt I do min lusst tærto, To don summ hefiȝ sinne Þatt he me maȝȝ wel eggenn to, & nohht ne maȝȝ me nedenn. Line 11820 Þatt ure Laferrd Jesu Crist Swa þolede þe deofell To brinngenn himm heȝhe upp o lofft, Þatt dide he forr to shæwenn Þatt uss birrþ takenn wel þærwiþþ, Line 11825 Ȝiff aniȝ mann uss læreþþ, To stiȝhenn upp till haliȝ lif & upp till heȝhe mahhtess; Forr uss birrþ sone þannkenn himm Hiss wissinng & hiss lare, Line 11830 & uss birrþ sone þess te bett & tess te mare uss godenn,

& icchenn uppwarrd aȝȝ summ del Inn alle gode dedess, Forr swa to cwemenn bett & bett Line 11835 Drihhtin & mare & mare. & tatt te Laferrd nollde nohht Þe deofless wille forþenn Off þatt he badd himm læpenn dun, Þatt dide he forr to shæwenn Line 11840 Þatt uss ne birrþ nohht takenn wiþþ, Ȝiff aniȝ mann uss eggeþþ, To don ohht orr to spekenn ohht Off ifell & off sinne, To werrsenn & to niþþrenn uss Line 11845 Biforenn Godess ehne. & witt tu þatt te laþe gast Aȝȝ eggeþþ hise þeowwess, To draȝhenn hemm aȝȝ upp o lofft Þurrh niþ & modiȝnesse, Line 11850 To ȝeornenn affterr laferrddom & affterr modiȝ wikenn, To beon abufenn oþre menn I stalless & i sætess, Forr þatt he wile werrpenn hemm Line 11855 Dun inntill depe sinness, To fallenn inntill hellepitt & inntill hellepine. Forr he doþ hise þeowwess aȝȝ To climbenn upp full heȝhe, Line 11860 Forr þatt he wile scrennkenn hemm, Full hefiȝ fall to fallenn.

& Crist doþ hise þeowwess aȝȝ To meokenn hemm & laȝhenn, Forr þatt he wile hemm hefenn upp Line 11865 Inn heofennrichess blisse, Swa þatt teȝȝ shulenn wurrþenn þær Wiþþ enngless efennrike. Þiss Goddspell seȝȝþ þatt Crist wass ledd Inntill þatt hallȝhe chesstre Line 11870 Þatt wass ȝehatenn Ȝerrsalæm, To don uss tunnderrstanndenn, Þatt itt wass Godess hallȝhe burrh, [col 291] Forr þær wass Godess temmple, & tær wass Godd hehlike & wel Line 11875 Wurrþedd onn eorþe & þeowwtedd, & forrþi wass itt nemmnedd ta Drihhtiness hallȝhe chesstre. & tatt te deofell brohhte Crist Uppo þatt hallȝhe temmple, Line 11880 Þatt doþ uss tunnderrstanndenn wel Þatt deofell hafeþþ mahhte To cumenn inntill Godess hus & inntill hallȝhedd kirrke, & forrþi birrþ þe wæpnedd beon Line 11885 Ȝæn himm eȝȝwhær onn eorþe, To shildenn þe wiþþ all hiss laþ Þurrh soþfasst hope & trowwþe. & þurrh þatt tatt te laþe gast Till ure Laferrd seȝȝde, Line 11890

Line 11890 Do þe nu þurrh þe sellfenn dun, Þærþurrh icc unnderrstannde, Þatt aȝȝ þe deofell eggeþþ menn Dunnwarrd & towarrd eorþe, & towarrd eorþliȝ þingess lusst, Line 11895 & towarrd alle sinness. & þurrh þatt tatt he seȝȝde þuss Till Crist uppo þe temmple, Do þe nu þurrh þe sellfenn dun & þurrh þin Goddcunndnesse, Line 11900 Ȝiff þatt tu Godess Sune arrt wiss Þatt cumenn arrt to manne, Þærþurrh mann unnderrstanndenn maȝȝ, Þatt himm wass waȝȝ & ange Off þatt he nohht ne wisste off Crist, Line 11905 Noff hiss goddcunnde kinde. & þurrh þatt tatt he drohh þær forþ Þe bokess lare & seȝȝde, Forr writenn iss o boc, þatt he Wel hafeþþ seȝȝd & cwiddedd Line 11910 Forrlannge till hiss enngleþeod Off þe þatt arrt himm deore, Off þatt teȝȝ shulenn ȝemenn þe Att alle þine nede, & tatt teȝȝ shulenn takenn þe Line 11915 Bitwenenn hemm wiþþ hande, Swa þatt tu nohht ne shallt tin fo¯¯t Uppo þe staness hirrtenn, Þærþurrh mann unnderrstanndenn maȝȝ Þatt all hiss þohht iss æfre Line 11920

Line 11920 Annd all hiss lusst to brinngenn menn U¯¯t off þe rihhte weȝȝe, To don hemm tunnderrstanndenn wrang Þe bokess hallȝhe lare. Forr þær he toc biforenn Crist Line 11925 All wrang þe bokess lare, Forr þatt wass seȝȝd off Cristess þeoww Þurrh Daviþ þe proféte, Þatt he droh forþ all alls itt off Crist sellfenn writenn wære. Line 11930 Forr Drihhtin hafeþþ seȝȝd & sett Onn enngleþeod tatt wikenn, To ȝemenn & to frofrenn her Þe Laferrd Cristess þeowwess, Swa þatt teȝȝ shulenn risenn wel, Line 11935 Ȝiff þatt iss þatt teȝȝ fallenn Onn aniȝ wise inn aniȝ woh Þurrh flæshess unntrummnesse. [col 292] & nollde nohht te laþe gast Þær draȝhenn forþ, ne mælenn Line 11940 Off þatt tæraffterr sone iss seȝȝd & writenn off himm sellfenn; Forr þær iss sett an oþerr ferrs Þatt spekeþþ off þe deofell, Þatt Godess þeowwess gan onn himm Line 11945 & tredenn himm wiþþ fote, Þurrh þatt teȝȝ stanndenn stallwurrþliȝ Ȝæn all þe deofless wille

I þeȝȝre þohht, i þeȝȝre word, I þeȝȝre bodiȝ dede, Line 11950 Wiþþ Cristess hellpe, & wiþþ þatt lif Þatt Crist iss lef & cweme; Acc nollde nohht te laþe gast Þatt draȝhenn forþ ne shæwenn, Forr þatt wass, alls he wisste itt wel, Line 11955 Hiss aȝhenn shame & shande. Þe deofell brohhte Jesu Crist Wiþþutenn o þe temmple Upponn an sæte uppo þe rof, All alls he shollde spellenn, Line 11960 Forr þær wass greȝȝþedd sæ¯te o lofft Till þa þatt sholldenn spellenn. & forrþi þatt te laþe gast Þær haffde don well offte Þatt flocc off Issraæle þeod, Line 11965 Þatt læredd wass o boke, To fallenn unnderr idell ȝellp & unnderr modiȝnesse, Off þatt teȝȝ cuþenn tellenn spell Off deop & dærne lare, Line 11970 Þærfore he brohhte Jesu Crist Uppo þatt illke sæte, Forr þatt he wollde don himm þær Inn idell ȝellp to fallenn, Þurrh þatt he shollde cumenn dun Line 11975 Þurrh hiss goddcunnde mahhte, Swa þatt he nohht ne shollde hiss fo¯¯t Uppo þe staness hirrtenn.

Þatt ure Laferrd Jesu Crist Ȝaff sware onnȝæn, & seȝȝde, Line 11980 Boc seȝȝþ, þe birrþ wel ȝemenn þe Þatt tu þin Godd ne fande, Þatt maȝȝ uss alle samenn beon God lare off ure nede, Forr þe ne birrþ nohht fandenn Godd, Line 11985 Ȝiff he þe wile ohht gengenn Off nan þing þatt tu mahht te sellf Onn aniȝ wise raþenn, Acc þatt tu þurrh þe sellfenn nohht, [col 293] Ne þurrh nan manness hellpe, Line 11990 Ne mahht nohht habbenn eorþliȝ witt To brinngenn itt till ende, Þatt birrþ þe leggenn upponn Godd, Acc nohht forr himm to fandenn, Acc forr to sekenn are att himm Line 11995 & hellpe att swillke nede, To forþenn þatt þurrh Godd tatt tu Þurrh mann ne mahht nohht forþenn. & mann maȝȝ unnderrstanndenn þiss Anndswere o twinne wise, Line 12000 Alls iff þe Laferrd seȝȝde þær All till þe deofell ane, Þatt himm ne birrde nohht hiss Godd, Ne nohht hiss Laferrd fandenn, Alls iff he seȝȝde þuss till himm, Line 12005 Ne birrþ þe me nohht fandenn,

Forr icc amm Godess Sune Crist Þin Shippennd & tin Laferrd, Forr I þe shop off nohht, & tu Arrt all i mine walde, Line 12010 & nohht ne birrþ þe fandenn me Þurrh þine laþe wiless. & mann maȝȝ unnderrstanndenn itt Ȝe¯¯t onn an oþerr wise, Alls iff þe Laferrd ȝæfe þuss Line 12015 Anndswere onnȝæn þe deofell; Ne wile I nohht, tu laþe gast, Don affterr þatt tu læresst, Ne wile I nohht fandenn min Godd Þatt amm hiss mann, hiss shaffte, Line 12020 Forr all mannkinn forrbodenn iss To fandenn Godess mahhte. & wel þe Laferrd mihhte þuss Anndswerenn off himm sellfenn, Forr þurrh þatt he wass wurrþenn mann Line 12025 Off ure laffdiȝ Marȝe, Þærþurrh wass alle shaffte Godd Hiss Godd, & ec hiss Laferrd, & nollde he nohht fandenn hiss Godd, Forr ȝiff he wollde læpenn Line 12030 Dun off þe temmple he munnde þær Tobrisenn all himm sellfenn, Butt iff þatt Godd himm hullpe þær, & helde himm þær to life, & nollde he nohht swa fandenn Godd Line 12035 To don þe deofless wille;

& efft, ȝiff þatt he lupe dun All skaþelæs till eorþe Þurrh þatt he wass Allmahhtiȝ Godd, Þatt wære modiȝnesse Line 12040 & idell ȝellp to shæwenn swa Hiss Goddcunndnessess mahhte Onn idell, & wiþþutenn ned, Alls iff he wollde leȝȝkenn, & tanne wære he witerrliȝ Line 12045 Biswikenn þurrh þe deofell, & nohht ne wære he þanne Godd Acc sinnfull mann & wrecche; Acc þatt nass nohht, forr he wass Godd, [col 294] & all wiþþutenn sinne. Line 12050

& siþþenn toc þe deofell himm, & brohhte himm onn a lawe Þatt wass well swiþe stæp & heh, Forr himm ȝe¯¯ tær to fandenn. Þatt hill þatt wass swa wunnderr heh Line 12055 Bitacneþþ modiȝnesse, Þatt warrp þe deofell all wiþþ rihht U¯¯t off þe blisse off heoffne Inntill þe grund off hellepitt, To dreȝhenn hellepine. Line 12060 & tatt wass oferrheh & all Unnfæle modiȝnesse, Þatt Godess shaffte wollde beon Effninng wiþþ Godd inn heoffne.

& ȝiff þe deofell mihhte itt don, Line 12065 He wollde ȝeorne brinngenn All all swillc modiȝnesse o Crist, Acc naffde he nohht tatt mahhte. & tatt te deofell brohhte Crist Uppo þatt heȝhe lawe, Line 12070 To shæwenn himm þiss middell ærd & alle kinedomess, To cunnenn ȝiff he mihhte himm swa Þurrh grediȝnesse skrennkenn, Þatt tacneþþ wel þatt alle þa Line 12075 Þatt follȝhenn grediȝnesse Hemm draȝhenn aȝȝ occ aȝȝ uppwarrd, Þurrh þeȝȝre modiȝnesse Off þatt hemm weorelldahhtess spedd Aȝȝ waxeþþ mare & mare. Line 12080 Þeȝȝ lætenn þatt hemm birrþ beon wel Abufenn oþre leode, Forr þatt teȝȝ hafenn mikell fe & sinndenn riche off ahhte. Ne þinnke ȝuw nan wunnderr off Line 12085 Þatt deofell haffde mahhte To brinngenn ure Laferrd Crist Uppo þatt heȝhe lawe. Ȝiff Crist itt nollde þolenn himm, Naffde he þærto nan mahhte, Line 12090 Acc Crist itt wollde þolenn himm, & forrþi wass itt forþedd. & wel he mihhte þolenn himm To brinngenn himm o lawe,

He þatt comm dun off heoffness ærd Line 12095 To wurrþenn mann onn eorþe, Forr þatt he wollde þolenn himm To naȝȝlenn himm o rode, Þurrh þatt Judisskenn laþe flocc Þatt læredd wass o boke. Line 12100 Þatt tatt te deofell brohhte Crist Uppo þatt heȝhe lawe, To seon off all þiss middellærd Þe kinedomess alle, Þatt birrþ uss lokenn hu mann birrþ Line 12105 Onnfon & unnderrstanndenn. Icc wa¯¯t wel þatt te laþe gast Ne mihhte nan þing shæwenn, Þatt Crist ne sahh himm sellf inoh Wiþþ Goddcunndnessess eȝhe; Line 12110 & tohh swa þehh ne mihhte he nohht [col 295] Þurrh flæshlic eȝhess sihhþe Seon þære off all þe middellærd Þe kinedomess alle; & all forrþi ne mihhte nohht Line 12115 Þe laþe gast himm shæwenn Off all þiss wide middellærd Þe kinedomess alle; Acc þatt tatt Crist tær mihhte seon Wiþþ eorþliȝ flæshess eȝhe, Line 12120 Þatt mihhte wel þe laþe gast Himm awwnenn þære & shæwenn.

He mihhte þære shæwenn Crist Þa fowwre daless alle Þatt œst, & Wesst, & Suþ, & Norrþ Line 12125 Þiss middellærd bilukenn, & swa þurrh þatt he mihhte Crist Þær o þatt lawe shæwenn Off all þiss wide middellærd Þe kinedomess alle; Line 12130 Forr niss nan eorþliȝ kinedom Here upponn eorþeriche, Þatt owwhar elless muȝhe beon Butt i þa fowwre daless. Þe deofell le¯¯tt te Laferrd seon Line 12135 Þiss middellærdess riche, Forr þatt he wollde cunnenn swa To brinngenn inn hiss herrte Erþlike þingess lufe & lusst, Swa þatt he shollde ȝeornenn Line 12140 To wurrþenn riche off eorþliȝ þing, & tatt he shollde þennkenn Hu god itt wære to þe lif To wurrþenn riche onn eorþe, To follȝhenn all þe flærhess lusst Line 12145 Onn alle kinne wise, To beon abufenn alle menn Upphofenn heȝhe & wurrþedd, To beon all follke king in all Þiss middellærdess riche. Line 12150 Þiss wollde he brinngenn Crist i þohht To willnenn & to geornenn,

Acc þatt wass all forr nohht tatt he Swa wollde Crist biswikenn, Forr Cristess þohht wass sperrd swa wel Line 12155 Wiþþinnenn & wiþþutenn, Þatt naness kinness sinnfull lusst Ne mihhte itt næfre unnsperrenn, Forr sinne naffde næfre mahht To cumenn þær wiþþinnenn, Line 12160 Forr Crist wass wiss Allmahhtiȝ Godd, & Godd ne gillteþþ næfre. Lucas þe Goddspellwrihhte seȝȝþ Onn hiss Goddspelless lare, Þatt deofell le¯¯t te Laferrd seon Line 12165 Whattlike inn an hanndwhile Off all þiss wide middellærd Þe kinedomess alle. Þatt seȝȝþ he forr to tacnenn uss Þurrh Cristess swiffte sihhþe Line 12170 Eorþlike shorrte lif & ec [col 296] Eorþlike shorrte sellþe. & tatt te deofell seȝȝde þær Till Crist uppo þe lawe, Þatt he þær mihhte ȝifenn himm Line 12175 All midellærdess riche, Þatt wass chuffinng, & falls, & flærd, & tære læh þe deofell. Forr all þe Laferrd Godess hird, Þatt heold wiþþ Godd onn eorþe Line 12180

Line 12180 Þurrh trigg & trowwe læfe o Godd & þurrh unnshaþiȝnesse, Fra þatt mannkinn wass shapenn firrst To follȝhenn Godess wille, Þatt hallȝhe flocc wass aȝȝ shadd u¯¯t Line 12185 All fra þe deofless genge; & itt wass i þiss middellærd, & forrþi læh þe deofell, Forr nass hiss mahhte nohht o þa To ȝifenn, ne to sellenn. Line 12190 & all þatt ahhte off eorþliȝ þing Þatt Godess þeowwess haffdenn & hafenn i þiss middell ærd Iss all skir fra þe deofell, Butt iff þatt itt bilimmpe swa Line 12195 Þatt Godd himm ȝife lefe To forþenn all hiss fule lusst Off Godess follkess ahhte, Swa summ he ȝaff himm lefe & mahht To takenn Jopess ahhte, Line 12200 All iss itt elless skir & freo U¯¯t off þe deofless walde, Þatt eorþliȝ þing þatt Drihhtin sellf Her leneþþ hise þeowwess; & tatt iss i þiss middellærd, Line 12205 & forrþi læh þe deofell Þatt seȝȝde till þe Laferrd Crist, Þær he wass o þe lawe, Þatt he þær mihhte ȝifenn himm All middellærdess riche. Line 12210

Line 12210 Þær læh þe deofell witerrliȝ, Forr naffþ he rihht nan mahhte Nowwþerr, noff Cristess hallȝhe þeod, Noff Cristess þeodess ahhte, Bu¯¯tt iff þatt Crist himm ȝife mahht Line 12215 To swennchenn Cristess þeowwess; & ȝiff Crist ȝifeþþ himm þatt mahht [Coll. 297-300 wanting.] . . . . . [col 301] Oþþr itt iss, þatt witt tu full wel, Þiss lifess modiȝnesse. Þe flæshess fule lufe & lusst Line 12220 Her tacneþþ gluterrnesse, Forr all þe flæshess fule lusst Waccneþþ þurrh gluterrnesse. & ehne laþe lufe & lusst Her tacneþþ grediȝnesse, Line 12225 Forr all þatt æfre iss i þin fe, Þatt liþ inn hord all stille, Swa þatt tu nohht ne notesst itt Att naness kinness nede, All þatt tu sammness i þin hord Line 12230 Þurrh sinnfull grediȝnesse, & doþ itt te nan oþerr god Bu¯¯tan þatt tatt tu gowesst Þæronne þa þu gast tærto, Forr þatt te lisste itt shæwenn. Line 12235 & witt tu þatt tu¯¯t hafesst all Sett i þe deofless walde,

Ȝiff þatt tu nillt nohht wannsenn itt Forr naness manness nede, & addlesst þurrh þin hord att Godd Line 12240 To dreȝhenn hellepine, Þurrh þatt tu¯¯t hafesst sammnedd swa & hidd fra manne nede. Acc ȝiff þu wære rædiȝ till To nittenn itt att nede Line 12245 Onn alle þa þatt haffdenn ned & þarrfe to þin hellpe, Þa mihhtesst tu swa þurrh þin hord Þe winnenn heoffness blisse. & lifess modiȝnesse iss all Line 12250 Off eorþliȝ þingess seollþe, Off laferrddom, off ahhtess sped, Off hæle, off faȝȝerrnesse, Off strenncþe, off eorþliȝ witt & skill, Off eorþliȝ crafftess seollþe. Line 12255 & forrþi seȝȝde swiþe soþ Lucas þe Goddspellwrihhte, Þatt deofell wennde aweȝȝ fra Crist Son summ he filledd haffde All þatt fandinnge towarrd Crist Line 12260 Þatt æfre cuþe he findenn, Forr all þe deofless fandinng iss O þise þrinne wise, Þurrh gluterrnessess laþe lasst, & ec þurrh grediȝnesse, Line 12265 & þurrh þatt laþe modiȝleȝȝc Þatt comm all off himm sellfenn.

& aȝȝ he fandeþþ Cristess hird O þise þrinne wise, Forr ȝiff þatt he þe nohht ne maȝȝ Line 12270 Þurrh gluterrnesse swennchenn, Þurrh þatt tu lufesst mett & mæþ I claþess & i fode, & i þin herrtess lufe & lusst To winnenn eorþlic ahhte, Line 12275 He cunneþþ þa to fandenn þe O grediȝnessess hallfe, He cunneþþ þa to lærenn þe To nittenn swiþe litell, & grediȝliȝ to sammnenn all Line 12280 & hordenn þatt tu winnesst, & læ¯tenn þatt tu cwemesst Godd U¯¯tnumennliȝ wiþþ alle, Þurrh þatt tatt tu forrwerrpesst all [col 302] To follȝhenn gluterrnesse. Line 12285 & ȝiff he brinngeþþ i þin lusst Hiss wille swa to follȝhenn, Þanne arrt tu swa bikahht þurrh himm Þohh þatt tu swa ne wene; Forr allse unncweme iss Godd tatt tu Line 12290 Þurrh grediȝnesse gillte, Alls himm iss, ȝiff þu gilltesst her Ȝæn himm þurrh gluterrnesse. & ȝiff þatt tu þe ȝemesst wel Þurrh þin Drihhtiness hellpe Line 12295

Line 12295 Fra gluterrnessess laþe lasst & ec fra grediȝnesse, Þa cunneþþ he to swennchenn þe Þurrh sinnfull modiȝnesse, He fandeþþ þa to lacchenn þe Line 12300 Þurrh trapp off modiȝnesse, Off þatt tatt tu þe ȝemesst wel Þurrh þin Drihhtiness hellpe Fra gluterrnessess laþe lasst & ec fra grediȝnesse. Line 12305 Þuss fandeþþ deofell Godess follc O þise þrinne wise, Þuss cunneþþ he to wundenn uss Þurrh þise þrinne wæpenn, & tuss he wile winnenn uss Line 12310 Till himm wiþþ swillke wæpenn, All alls he wann Eve & Adam I Paradisess riche; & all swa wollde winnenn Crist Þurrh þise þrinne wæpenn, Line 12315 All alls he wann Eve & Adam, Ȝiff þatt he mihhte spedenn. & her icc wile shæwenn ȝuw Whatt gate he wann hemm baþe, Whatt gate he wann Eve & Adam Line 12320 Þurrh þise þrinne wæpenn, & ec hu Crist himm oferrcomm Wiþþ all þatt illke wæpenn. Þurrh gluterrnesse wass Adam I Paradys þurrhwundedd, Line 12325

Line 12325 Þær he þatt appell toc & e¯¯t Þatt Godd forrbodenn haffde. Þurrh gluterrnesse himm oferrcomm Þe laþe gast inn æte, Þurrh þatt he dide himm etenn þær Line 12330 Þat Godd forrbodenn haffde. Þurrh grediȝnesse wass Adam I Paradys þurrhwundedd, I þatt tatt he wass þær forrlisst To winnenn awihht mare Line 12335 Innsihht, & witt, & shæd, & skill Þann himm hiss Drihhtin uþe. I witt & skill himm oferrcomm Deofell þurrh grediȝnesse, [col 303] Þurrh þatt he þære brohhte himm onn Line 12340 To ȝeornenn affterr mare Innsihht, & witt, & shæd, & skill Þann himm hiss Drihhtin uþe, Forr þuss he seȝȝde till Adam; Ett off þiss treowwess wasstme, Line 12345 & tu shallt habbenn witt & skill Inn alle kinne þinge Wel mare & bettre þann itt iss Þe sett þurrh Godess wille. & þurrh þatt Adam toc & e¯¯t Line 12350 Swa summ þe deofell ȝerrnde, Forr þatt he wollde winnenn witt Onnȝæn Drihhtiness wille,

Þærþurrh himm oferrcomm þe fend Wiþþ grediȝnessess wæpenn. Line 12355 Þurrh modiȝnesse wass Adam I Paradys þurrhwundedd, I þatt he toc wel wiþþ þatt word Þatt himm þe deofell seȝȝde, Þær þær þe deofell seȝȝde þuss Line 12360 Till himm & till hiss macche; Ȝiff þatt ȝitt etenn off þatt tre Þatt Drihhtin ȝunnc forrbedeþþ, Ȝitt shulenn ben forrþrihht anan Wiþþ enngless efennméte. Line 12365 & forrþi þatt teȝȝ ȝeorrndenn þa Þurrh sinnfull modiȝnesse To winnenn þurrh þe laþe gast Wurrþminnt ȝæn Godess wille, Þeȝȝ didenn þatt te defell badd, Line 12370 & fellenn inn hiss walde. Forr þurrh þatt tatt teȝȝ wolldenn ba Ȝæn Godd wurrshipe winnenn, Þærþurrh hemm oferrcomm þe fend Wiþþ modiȝnessess wæpenn. Line 12375 Þuss oferrcomm þe laþe gast Adam & Eve baþe, Þurrh gluterrnessess laþe lasst, & ec þurrh grediȝnesse, & þurrh þatt laþe modiȝleȝȝc Line 12380 Þatt all comm off himm sellfenn. Forr þurrh þatt þatt teȝȝ tokenn wel Wiþþ hiss unnfæle lare,

& didenn gladdliȝ þatt he badd Onnȝæn Drihhtiness wille, Line 12385 Þærþurrh hemm oferrcomm þe fend & brohhte hemm unnderr sinne, Swa þatt teȝȝ wiþþ all þeȝȝre offspring Wiþþ himm till helle sholldenn. Nu wennde wel þe laþe gast Line 12390 Þatt Jesu Crist ne wære Nohht elless bu¯¯tt all swillc an mann Alls Adam haffde strenedd, & tatt he wære streonedd her Þurrh faderr unnderr sinne Line 12395 Þatt wise þatt all mannkinn iss Inn hise walde streonedd. Acc itt nass nohht, tatt witt tu wel, Swa summ þe deofell wennde, Nass nohht te Laferrd Jesu Crist Line 12400 I deofless walde streonedd. Forr Godess Sune, Allmahhtiȝ Godd, [col 304] Crist toc i Sannte Marȝe, Swa summ hiss lefe wille wass, Þatt wise manness kinde Line 12405 Þatt he þær toc Adamess flæsh & nohht Adamess sinne. & forrþi nass nohht Jesu Crist Unnderr þe deofless walde, Forr þatt he nass nohht borenn her Line 12410 Unnderr Adamess sinne.

& all þiss wass þe laþe gast Off Crist unncuþ ȝe¯¯ tanne. Forr nisste he nohht tatt Crist wass mann All clene off alle sinness, Line 12415 & tohh sahh he þe Laferrd Crist Don miccle mare dede Þann aniȝ mann maȝȝ forþenn her Þurrh eorþliȝ kindess mahhte. He sahh Crist u¯¯t i wessteland Line 12420 Fowwerrtiȝ daȝhess fasstenn, Swa þatt he þwerrt u¯¯t nohht ne ba¯¯t Off mete inn all þatt fasste, & tatt ne maȝȝ nan eorþliȝ mann Þurrh eorþliȝ kinde forþenn. Line 12425 & affterr þatt te Laferrd Crist All haffde hiss fasste forþedd, Þa wisste wel þe laþe gast Þatt Crist wass þa forrhunngredd; Acc nisste he nohht tatt Crist wass þa Line 12430 Forrhunngredd affterr sawless, Acc wennde þatt he wære þa Forrhunngredd affterr fode. & he warrþ all forrwunndredd ta Off Cristess dærne kinde. Line 12435 He sahh himm fasstenn mare inoh Þann aniȝ mann maȝȝ fasstenn, & þohhte þatt he wære Godd Þatt doþ all þatt himm þinnkeþþ· & son se hiss fasste forþedd wass Line 12440 He sahh himm ben forrhunngredd,

& þohhte þatt he nære Godd, Acc mann i sinne strenedd. & forrþi wass þe laþe gast Orraþ off Cristess kinde, Line 12445 Forr þatt he sahh himm fasstenn þær Swa summ he mann ne wære, & sahh himm ben forrhunngredd tær Swa summ he Godd ne wære; & nisste nohht te laþe gast Line 12450 Þatt Jesu Crist wass baþe, Soþ Godd i mennisscnesse, & ec Soþ mann i Goddcunndnesse, & himm wass swiþe wa forrþi, & þohhte þatt he wollde Line 12455 Þa fandenn Crist wiþþ deofless crafft, To witenn whatt he wære. & Crist ta le¯¯t himm fandenn himm, [col 305] Swa summ ȝe littlær herrdenn, Þurrh whatt he toc to wenenn þa Line 12460 Þatt Crist wass Godd onn eorþe, Þurrh þatt he sahh þatt Crist wiþþstod Ȝæn all hiss laþe wille, Swa þatt he nohht off all hiss ræd Ne mihhte himm don to follȝhenn. Line 12465 & tærþurrh ure Laferrd Crist All oferrcomm þe deofell, Þurrh þatt he þweorrt u¯¯t all forrsoc To don ohht off hiss wille.

& all allswa maȝȝ Cristess þeoww Line 12470 Wel oferrcumenn deofell, Ȝiff þatt he þwerrt u¯¯t all forrseoþ To don ohht off hiss wille. Þe deofell comm to fandenn Crist, Swa summ ȝe littlær herrdenn, Line 12475 To cunnenn to biswikenn himm All o þatt illke wise Þatt he biswac þa firrste twa Þatt Drihhtin shop off eorþe. Acc Jesu Crist himm oferrcomm Line 12480 All o þatt illke wise, Þurrh þatt he stod onnȝæness himm, & all forrwarrp hiss lare. Þe deofell comm to wundenn Crist Þurrh gluterrnessess wæpenn, Line 12485 I þatt he wollde himm brinngenn onn To makenn bræd off staness; & þurrh þatt tatt te Laferrd Crist Wiþþstod onnȝæn hiss wille, Swa þatt he nollde makenn bræd, Line 12490 Swa summ he badd — off staness, Þærþurrh þe Laferrd oferrcomm & oferrtradd te deofell, Rihht swa summ he þe forrme mann œr oferrcumenn haffde. Line 12495 Þe deofell comm to wundenn Crist Þurrh grediȝnessess wæpenn, I þatt he wollde himm brinngenn onn To ȝeornenn affterr ahhte;

& þurrh þatt tatt te Laferrd Crist Line 12500 Wiþþstod onnȝæn hiss wille, Swa þatt he nollde don hiss ræd, Ne ȝeornenn affterr ahhte, Þærþurrh þe Laferrd oferrcomm & oferrtradd te deofell, Line 12505 Rihht swa summ he þe forrme mann œr oferrcumenn haffde. Þe deofell comm to wundenn Crist Þurrh modiȝnessess wæpenn, I þatt he badd himm shæwenn himm Line 12510 Hiss Goddcunndnessess mahhte, Þurrh þatt he shollde læpenn dun Wiþþutenn off þe temmple Onn idell & wiþþutenn ned, & alls he wollde leȝȝkenn. Line 12515 & þurrh þatt tatt te Laferrd Crist Wiþþstod onnȝæn hiss wille, Swa þatt he nollde don hiss ræd, Ne læpenn dun onn idell, Þærþurrh þe Laferrd oferrcomm Line 12520 & oferrtradd te deofell, Rihht swa summ he þe firrste mann œr oferrcumenn haffde. & affterr þatt te Laferrd Crist All oferrcumenn haffde Line 12525 Þe laþe gast wiþþ skill, & nohht Wiþþ nan unnride strenncþe, Þe deofell wennde aweȝȝ anan Forrshamedd off himm sellfenn,

Off þatt he wass all strenncþelæs Line 12530 Onnȝæn þatt newe kemmpe, & þohhte þatt itt wass soþ Godd [col 306] Þatt cumenn wass to manne, Þatt mihhte stanndenn æþeliȝ Ȝæn himm & ȝæn hiss lare. Line 12535 Þatt Godess enngless nærenn nohht Abutenn ure Laferrd In all þatt time þatt he wass Inn orresst ȝæn þe deofell, Þatt wass, all alls hiss wille wass, Line 12540 Forr þatt he wollde shæwenn, Þatt himm nass rihht nan ned till hemm To fihhtenn ȝæn þe deofell, Forr þatt he mihhte himm sellf inoh Wiþþutenn enngless hellpe Line 12545 All þwerrt u¯¯t oferrcumenn himm, To brinngenn himm to grunde, & bindenn himm, & lesenn u¯¯t Mannkinn off hise bandess. & tatt teȝȝ comenn siþþenn forþ Line 12550 To þeowtenn Crist & lutenn, Þatt wass, all alls hiss wille wass, Forr þatt he wollde shæwenn, Þatt he wass enngleþeode Godd & enngleþeode Laferrd, Line 12555 Þatt haffde shapenn hemm off nohht, To brukenn eche blisse,

Þatt Godd þatt all þiss weorelld shop, & all þiss weorelld stereþþ, Þatt Godd þat all follc drædenn birrþ, Line 12560 & lufenn himm & þeowwtenn. & Godd Allmahhtiȝ ȝife uss swa To þeowwtenn Crist tocweme, Swa þatt we motenn wurrþi ben To winnenn eche blisse. Line 12565

SECUNDUM JOHANNEM XXI.

Altera die vidit Johannes Ihm venientem ad se, & ait, Ecce agnus Dei.

Affterr þatt Jesuss fandedd wass Þurrh defell i þe wesste, Þæraffterr comm he sone anan Till Sannt Johan Bapptisste, & Sannt Johan Bapptisste sahh Line 12570 Þe Laferrd Crist himm nehȝhenn, & seȝȝde to þe leode þuss, Swa summ þe Goddspell kiþeþþ; Loc, here cumeþþ Godess Lamb, Þatt shall forr menn ben offredd; Line 12575 Loc, here iss he þatt clennsenn shall Þiss middellærd off sinne. Þiss iss þatt illke, off whamm I spacc Ȝe¯¯t niss nohht lannge siþþenn,

Þær þær I seȝȝde þatt an mann Line 12580 Affterr me cumenn shollde, Þatt shollde wurrþenn oferr me Wurrþfull & heh i mahhte. & icc ne cneow himm nohht ȝe¯¯ ta; Acc forrþi þatt he shollde Line 12585 Beon awwnedd Issraæle þeod, Forrþi comm I to fullhtnenn I waterr himm onnȝæn þatt ȝuw Þurrh Haliȝ Gast shall fullhtnenn. [col 307] & here I bere himm wittness nu Line 12590 Till all mannkinn onn eorþe, Þatt I me sellf sahh Godess Gast, Þær þær þiss mann wass fullhtnedd, Off heoffne cumenn upponn himm Inn aness cullfress like, Line 12595 & tatt itt upponn himm bilæf, Þatt sahh I wel to soþe. & I ne cneow nohht ȝe¯¯ tiss mann Þatt daȝȝ þatt he wass fullhtnedd; Acc he þatt haffde sennd me forþ Line 12600 I waterr forr to fullhtnenn, He tahhte me summ del off himm, & seȝȝde þuss wiþþ worde; Whamm se þu seost tatt Godess Gast Inn aness cullfress heowe Line 12605 Off heoffne cumeþþ upponn himm & upponn himm bilefeþþ,

He fullhtneþþ all þatt fullhtnedd iss, & clennsedd all off sinne. & I sahh cumenn Godess Gast Line 12610 Inn aness cullfress like, & I sahh uppo whamm he comm & upponn himm bilefenn, I sahh þatt illke gode Gast, & I barr to þe leode Line 12615 Wittness off himm, þatt he wass wiss Crist Godess Sune, off heoffne. Her endeþþ nu þiss Goddspell þuss & uss birrþ itt þurrhsekenn, To lokenn whatt itt tæcheþþ uss Line 12620 Off ure sawle nede;· Þatt Sannt Johan Bapptisste cneow Crist Godess Lamb i wesste, Affterr þatt ure Laferrd Crist Wass fandedd þurrh þe deofell, Line 12625 Þatt comm þurrh Godd, tatt witt tu wel, Forr þatt itt shollde tacnenn, Þatt Cristess follc i Crisstenndom Wel cunnenn shollde & cnawenn Þatt hallȝhe Lamb, þatt haffde hemm bohht Line 12630 U¯¯t off þe deofless walde, Affterr þatt he þurrh deofell wass Wiþþ rode pine fandedd. Forr all all swa summ Sannt Johan Þa seȝȝde to þe leode; Line 12635 Loc here iss he þatt clennsenn shall Þiss middellærd off sinne,

All all swa seȝȝþ nu Cristess hird Wiþþ lufe & ec wiþþ trowwþe; Uss birrþ well ȝerne stanndenn inn, Line 12640 Whil þatt tiss lif uss lassteþþ, To þeowwtenn ure Laferrd Crist Þatt bohhte uss u¯¯t off helle, Þurrh þatt he till hiss Faderr wass Offredd forr uss o rode, Line 12645 All alls he wære an lamb to ben Offredd Drihhtin to lake. & tatt wass mikell skill þatt Crist Wass Godess Lamb ȝehatenn; Forr Crist uss ȝifeþþ millkess drinnch Line 12650 Off hiss Goddspelless lare; & Crist uss ȝifeþþ wulle & claþ Off heȝhe & hallȝhe mahhtess, To shridenn uss þærwiþþ onnȝæn Þe frosst off fakenn trowwþe; Line 12655 & Crist uss ȝifeþþ here hiss flæsh & ec hiss blod to fode, Forr uss to ȝifenn strenncþe [&] mahht [col 308] To stanndenn ȝæn þe deofell, All swa summ we þurrh shepess lamb Line 12660 Onnfanngenn þa þreo þingess. Forr shepess lamb uss ȝifeþþ millc, & flæsh & blod, & wulle, Forr þurrh þe lamb uss cumeþþ millc U¯¯t off þe lambess moder, Line 12665

Line 12665 & wulle uss ȝifeþþ lamb till claþ, & flæsh & blod till fode. Þatt Sannt Johan Bapptisste sahh Þe Laferrd Crist himm nehhȝhenn, Þatt sihhþe tunnderrstanndenn iss Line 12670 O twinne kinne wise. Forr he sahh, þatt witt tu full wel, Þe Laferrd Crist himm nehȝhenn, Þurrh witt off hiss herrtess innsihht, & þurrh hiss bodiȝ sihhþe. Line 12675 He sahh þe Laferrd nehȝhenn himm Þurrh þatt he mare & mare & bett & bett aȝȝ unnderrstod Þe Laferrd Cristess kinde, Þatt he wass Godess Sune & Godd, Line 12680 & swillc an mann onn eorþe Þatt mihhte lesenn all mannkinn U¯¯t off Adamess si˘ne, Þurrh þatt he shollde þolenn dæþ All gilltelæs o rode, Line 12685 & turrnenn follc þurrh hiss larspell & þurrh hiss hallȝhe bisne Till fulluhht & till Crisstenndom & till þe rihhte læfe. Forrwhi wass þatt tatt Sannt Johan Line 12690 Amang þe leode seȝȝde Off Crist, tatt he ne cneow himm nohht Biforr þatt he wass fullhtnedd, œr þann þe Laferrd fullhtnedd wass œr wass he wunedd offte Line 12695

Line 12695 To cumenn till þe flumm till himm, & Sannt Johan Bapptisste Itt wisste wel, & cneow himm wel, & seȝȝde to þe leode; Her stannt swillc an bitwenenn ȝuw Line 12700 Þatt ȝure nan ne cnaweþþ, Till whamm icc namm nohht god inoh Hiss shoþwang forr tunnbindenn, & he shall newenn cumenn forþ, & he shall newenn fullhtnenn, Line 12705 Þurrh Haliȝ Gast & haliȝ fir To clennsenn ȝuw off sinness. Þiss seȝȝde he till þe follc off Crist Biforr þatt Crist wass fullhtnedd, & herþurrh maȝȝ mann sen full wel Line 12710 Þatt he cneow Crist tatt time. Acc uss birrþ wi˘tenn þatt he cneow Þe Laferrd i þatt time Off summ whatt ohht, off summ whatt nohht, Biforr þatt he wass fullhtnedd. Line 12715 He cneow þatt tíme Crist off þatt, Þatt he wass Godd off heoffne, & mann onn eorþe o moderrhallf, Acc all wiþþutenn sinne. [. . . . .]

[col 309] SECUNDUM JOHANNEM XXII.

Altera autem die stabat Johannes & ex discipulis ejus duo.

Þæraffterr onn an oþerr daȝȝ Line 12720 Stod Sannt Johan Bapptisste, & tweȝȝenn stodenn þær wiþþ himm Off hise Leorninngcnihhtess. & he sahh ure Laferrd gan, & seȝȝde þuss wiþþ worde; Line 12725 Loc here, þiss iss Godess Lamb. & ta twa Leorninngcnihhtess Herrdenn þatt word & ȝedenn forþ Affterrwarrd ure Laferrd. & Crist himm turrnde towarrd hemm Line 12730 & sahh hemm baþe & seȝȝde; Whatt seke ȝitt? & teȝȝ himm þa Þuss ȝæfenn sware onnȝæness; Lef maȝȝstre, whære biggesst tu? & ure Laferrd seȝȝde Line 12735 Þuss till hemm baþe; cumeþþ nu & lokeþþ whære I bigge. & teȝȝ þa ȝedenn forþ wiþþ himm Till — þær he wass att inne, & wærenn all þatt daȝȝ wiþþ himm, Line 12740 Swa summ þe Goddspell kiþeþþ·

Þatt tíme þatt ta tweȝȝenn menn Till ure Laferrd comenn Wass rihht swa summ itt off þatt daȝȝ Þe tende tíme wære. Line 12745 Symoness broþerr, Sannt Anndrew, He wass an off þa tweȝȝenn Þatt comenn till þe Laferrd Crist Þær he bi gate ȝede. & Sannt Anndrew fand allre firrst Line 12750 Symon hiss aȝhenn broþerr, & cwaþþ till himm; we fundenn nu Messyamm, þatt bitacneþþ Soþ Crist, soþ Godess Sune Godd, Þatt cumenn iss to manne, Line 12755 & toc & ledde himm sone forþ Anan till ure Laferrd. & Crist warrp eȝhe upponn Symon, & seȝȝde himm þiss wiþþ worde; Þu nemmnedd arrt Symon, & tu Line 12760 Þurrh Johanna wass strenedd; Nu shallt tu ben nemmnedd Cefás, Þatt ȝuw bitacneþþ Peterr. & siþþenn o þatt oþerr daȝȝ Toc Jesu Crist to flittenn Line 12765 Inntill þe land off Galile, & he fand ta Filippe, & seȝȝde þuss till himm; follh me, & he nass nohht tær ȝæness. & tiss Filippe, & Sannt Symon, Line 12770 & Sannt Anndrew hiss broþerr,

Þeȝȝ wærenn off an tun þatt wass Beþþsayda ȝehatenn. & siþþenn fand Filippe an mann Natanaæl ȝehatenn, Line 12775 & seȝȝde þuss till himm; Jesum Þatt mannkinn affterr ȝerneþþ, Josæpess sune, off Nazaræþ, Himm hafe we nu fundenn, Off whamm uss dide Moysæs Line 12780 & ec hallȝhe profetess Uss didenn tunnderrstanndenn wel, Off þatt he cumenn shollde. & sone himm ȝaff Natanaæl [col 310] Anndswere þuss onnȝæness; Line 12785 Off Nazaræþ maȝȝ summ god ben; & ta seȝȝde Filippe Shorrtlike till Natanaæl; Cumm nu þe sellf, & loke. & he þa ȝede forþ wiþþ himm Line 12790 All forr to sen þe Laferrd. & Crist sahh þatt he comm, & cwaþþ Till þa þatt neh himm wærenn; Loc, here nehȝheþþ towarrd me, Forr me to sen & herenn, Line 12795 An soþ Issraelisshe mann, Þatt niss na fakenn inne. & ta ȝaff þuss Natanaæl Anndswere till þe Laferrd;

Þurrh whatt iss þatt tu cnawwesst me? Line 12800 & ure Laferrd seȝȝde; Biforenn þatt Filippe toc To clepenn þe to spæche, Þær þu wass unnderr an fictre, Þær sahh I þe forrlannge. Line 12805 & tanne spacc Natanaæl, & seȝȝde till þe Laferrd; A, Maȝȝstre, icc wa¯¯t tatt tu full wiss Arrt Godess Sune, off heoffne, & Issraæle þede king Line 12810 Þatt cumenn arrt to manne. & Crist ȝaff till Natanaæl Anndswere onnȝæn & seȝȝde; Forr þatt I seȝȝde nu till þe, Natanaæl, to soþe Line 12815 Þatt I þe sahh unnderr fictre Þu lefesst rihht & trowwesst, & ȝe¯¯ tu shallt wel mare sen Þurrh whatt tu shallt me cnawenn, Icc segge ȝuw to fulle soþ, Line 12820 & wel ȝuw birrþ itt trowwenn, Þatt heoffness shulenn oppnedd ben Biforenn ȝure sihhþe, Swa þatt ȝe shulenn sen full wel & offte Godess enngless Line 12825 Uppwarrd & dunnwarrd baþe upponn Þe manness Sune stiȝhenn. Her endeþþ nu þiss Goddspell þuss & uss birrþ itt þurhsekenn,

To lokenn whatt itt læreþþ uss Line 12830 Off ure sawle nede.

Johan þe Goddspellwrihhte seȝȝþ O þiss Goddspelless lare Þatt Sannt Johan Bapptisste stod, To don uss tunnderrstanndenn, Line 12835 Þatt he stod wel inn haliȝ lif I miccle & heȝhe mahhtess, & tatt he nohht ne fell, ne laȝȝ I nane depe sinness. & ec he dide uss wel þurrh þatt Line 12840 To sen & tunnderrstanndenn, Þatt ta wass cumenn tíme to Þatt menn þa sholldenn blinnenn, & stanndenn stille, & stinntenn þa To þewwtenn Godd tatt wise Line 12845 Þatt he wass þewwtedd unnderr æ Þurrh Issraæle þede, Forr þatt þewwdom to þewwtenn Godd O þatt Judisskenn wise Iss tacnedd uss o þiss Goddspell Line 12850 Þurrh Sannt Johan Bapptisste Þatt stod, forrþi þatt tatt þewwdom [col 311] Þa shollde newenn stinntenn. & tatt he þær þe Laferrd Crist Sahh ganngenn & nohht stanndenn, Line 12855

Line 12855 Þatt wass forr to bitacnenn uss, Þatt ure Laferrd shollde Þa newenn gan fra land to land Þurrh hise Leorninngcnihhtess, Þurrh þatt teȝȝ sholldenn all þurrh gan Line 12860 Þiss middellærd to spellenn Off himm, & off hiss hallȝhe mahht, & off hiss Goddcunndnesse, To turrnenn follc till Crisstenndom & till þe rihhte læfe. Line 12865 Þa twa þatt stodenn bi Johan Off hise Lerninngcnihhtess, Þeȝȝ tacnenn uss þurrh þeȝȝre stall Þatt baþe wærenn gode, Þatt baþe stodenn wel onnȝæn Line 12870 Þe laþe gastess wille, Þatt nowwþerr þeȝȝre nohht ne laȝȝ I nane depe sinness, & ec þatt eȝȝþerr þeȝȝre wass Off soþfasst lufe filledd, Line 12875 Forrþi þatt soþfasst lufess mahht, Ȝiff þatt itt shall beon haldenn, Att tallre læste mo¯¯t itt ben Bitwenenn twa menn fundenn, Forr niss þatt forr nan lufe tald Line 12880 Þatt mann iss hold himm sellfenn. Þatt Johan seȝȝde þuss off Crist Till hise Leorninngcnihhtess, Loc, here iss Godess Lamb, þatt wass Alls iff he þuss hemm seȝȝde; Line 12885

Line 12885 Ne þarrf ȝuw nohht nu follȝhenn me, Her iss whamm ȝuw birrþ follȝhenn, Whamm all mannkinn birrþ lefenn onn, & follȝhenn all hiss wille. Her iss þatt illke Lamb þatt shall Line 12890 Ben offredd uppo rode, To ben hiss Hallȝhe Faderr lac Rihht god inoh & cweme, To lesenn all follc þurrh hiss dæþ U¯¯t off þe deofless walde. Line 12895 & tatt te Goddspellwrihhte seȝȝþ Þatt ta twa Lerninngcnihhtess Herrdenn whatt teȝȝre maȝȝstre spacc Off Crist þær þær he seȝȝde, Loc here iss Godess Hallȝhe Lamb, Line 12900 Þatt wass alls iff he seȝȝde, Þeȝȝ unnderrstodenn þurrh hiss word Þatt tatt wass Godd off heoffne, Þatt wass onn erþe wurrþenn mann Forr all mannkinne nede. Line 12905 & tatt teȝȝ ȝedenn sone forþ Affterrwarrd ure Laferrd, & letenn stanndenn Sannt Johan Bapptisste þeȝȝre maȝȝstre, Þatt wass alls iff þeȝȝ seȝȝdenn þuss Line 12910 Þurrh all full openn spæche, All Issraæle þeod & uss & Johan ure maȝȝstre & all mannkinn iss mikell ned Þiss illke Lamb to follȝhen, Line 12915

Line 12915 Forr þiss Lamb iss þatt rihhte stih Þatt ledeþþ upp till heffne; & tiss Lamb iss þatt eche lif Þatt heffneware brukeþþ; & tiss iss soþfasstnessess hord Line 12920 Þatt all mannkinn birrþ sekenn. Þeȝȝ comenn forr to fraȝȝnenn Crist Off whære he wass att inne, Forr þatt teȝȝ wolldenn cumenn efft & efft, & offte, & lome Line 12925 Till himm, whærsumm he wære att inn, Forr himm to sen & herenn, Forr þatt teȝȝ wisstenn witerrliȝ Þatt nohht ne munnde itt geȝȝnenn, To þewwtenn Godd fra þeþennforþ Line 12930 O þatt Judisskenn wise. Þatt Crist himm turrnde towarrd hemm To fraȝȝnenn whatt teȝȝ sohhtenn; Þatt wass forr þatt he wollde don [col 312] All mannkinn tunnderrstanndenn, Line 12935 Þatt Godd iss rædiȝ tunnderrfon Þatt follc þatt rihht himm follȝheþþ· & ure Laferrd le¯¯t hemm sen Hiss onndl毯t, forr to tacnenn Þatt he wass wurrþenn mann, forrþi Line 12940 Þatt menn himm sholldenn cnawenn, & lufenn himm & þewwtenn himm, To berrȝhenn þeȝȝre sawless,

& tatt he wollde unnhilenn all Þatt dærne diȝhellnesse Line 12945 Þatt writenn wass þurrh Moysæn Off himm & þurrh profetess, To don hiss follc þurrh Haliȝ Gast To sen & tunnderrstanndenn Gastlike all þatt tatt writenn wass Line 12950 Off himm & off hiss come, & tatt he wollde settenn upp Goddspelless brihhte sunne O mannkinn, þatt wass all bisett Wiþþ si˘ness þessterrnesse, Line 12955 Swa þatt menn sholldenn muȝhenn sen Þurrh Goddspellbokess lare, All hu þeȝȝ mihhtenn follȝhenn rihht Þatt stih þatt shollde hemm ledenn All rihht upp inntill heffness ærd, Line 12960 Þær aȝȝ occ aȝȝ iss blisse. & sone anan þe Laferrd toc To fraȝȝnenn whatt teȝȝ sohhtenn, Forr þatt he wollde beldenn hemm To spekenn þeȝȝre nede. Line 12965 He seȝȝde þuss, whatt seke ȝitt, & nollde he nawihht seȝȝenn, Whamm seke ȝitt, forrþi þatt he Swa wollde uss ȝifenn bisne, Þatt uss ne birrþ uss sellfenn nohht Line 12970 Þurrh modiȝnesse shæwenn, Forr ȝiff þe Laferrd haffde þeȝȝm Þær fraȝȝnedd whamm þeȝȝ sohhtenn,

Þatt wære alls he þær haffde þeȝȝm Þurrh modiȝnesse fraȝȝnedd Line 12975 Ȝiff hemm wass ned to sekenn himm, Forr himm to sen & herenn. & tatt teȝȝ clepedenn forrþrihht Þe Laferrd teȝȝre maȝȝstre, Þatt doþ uss opennliȝ to sen Line 12980 Þatt wel þeȝȝ unnderrstodenn Þatt he wass maȝȝstre off all mannkinn, To wissenn & to lærenn. Þeȝȝ tokenn þær to fraȝȝnenn Crist Off whære he wass att hame, Line 12985 & tatt wass seȝȝd all swa summ þeȝȝ Himm wolldenn þære fraȝȝnenn, Wiþþ whatt teȝȝ mihhtenn cwemenn himm Swa þwerrt u¯¯t wel wiþþ alle, Þatt he þurrh Haliȝ Gast inn hemm Line 12990 Himm wollde takenn resste. & tatt wass ec seȝȝd tær þurrh hemm, Swa summ þeȝȝ wolldenn fraȝȝnenn, [col 313] I whillke menn hiss resste wass, Forr hemm þeȝȝ wolldenn follȝhenn, Line 12995 Swa þatt teȝȝ mihhtenn ben wiþþ hemm Hiss Goddcunndnessess resste. & ec wass þatt swa seȝȝd summ þeȝȝ Himm wolldenn þære fraȝȝnenn, O whillke wise he wass all an Line 13000 I kinde & ec i mahhte,

& an soþ Godd wiþþ Haliȝ Gast & wiþþ hiss Faderr baþe, Forr þatt teȝȝ wolldenn þære att himm Þe rihhte trowwþe lernenn. Line 13005 & forrþi ȝaff þe Laferrd Crist Rihht sware till hemm baþe, Forr þuss he seȝȝde, cumeþþ nu & lokeþþ whære I bigge; Forr þatt wass seȝȝd alls iff he þuss Line 13010 Wiþþ oþre wordess seȝȝde; Niss itt nohht æþ to seggenn ȝunnc Shorrtliȝ wiþþ fæwe wordess, All hu ȝunnc birrþ rihhtwise ben I þohht, i word, i dede, Line 13015 & follȝhenn rihht all Crisstenndom & all þe rihhte læfe, Swa þatt ȝitt ben wurrþi þatt icc Me resste inn ȝunnkerr herrte; Ne nohht niss lihht to seggenn ȝunnc Line 13020 Shorrtliȝ wiþþ fæwe wordess, Whær mann maȝȝ findenn alle þa Þatt þewwtenn me tocweme, Swa þatt me þinnkeþþ god inn hemm To biggenn & to resstenn; Line 13025 Ne nohht niss æþ to shæwenn ȝunnc Shorrtliȝ wiþþ fæwe wordess, O whillke wise icc amm all an I kinde & ec i mahhte, & an soþ Godd wiþþ Haliȝ Gast Line 13030 & wiþþ min Faderr baþe,

All þiss to shæwenn niss nohht lihht Shorrtliȝ wiþþ fæwe wordess. Acc cumeþþ baþe forþ wiþþ me & lokeþþ whære I bigge; Line 13035 Þatt iss to seggenn opennliȝ Þatt mann itt unnderrstannde, Nu birrþ ȝunnc cumenn forþ wiþþ me, Þatt iss, forþ wiþþ min hellpe, Till fulluhht & till Crisstenndom Line 13040 & till þe rihhte læfe; & ta ȝitt shulenn siþþenn sen Hu ȝitt me muȝhenn cwemenn Swa þwerrt u¯¯t wel, þatt icc me shall Inn ȝunnkerr herrte resstenn; Line 13045 & ta ȝitt muȝhenn siþþenn sen Þurrh Haliȝ Gastess lare, Whær mann maȝȝ findenn alle þa [col 314] Þatt þewwtenn me tocweme, Swa þatt me þinnkeþþ god inn hemm Line 13050 To biggenn & to resstenn; & ta ȝitt muȝhenn siþþenn sen Summwhatt & unnderrstanndenn, Affterr þatt eorþliȝ manness witt Maȝȝ Godess kinde cnawenn, Line 13055 O whillke wise icc amm all an I kinde & ec i mahhte, Allmahhtiȝ Godd wiþþ Haliȝ Gast & wiþþ min Faderr baþe.

I Crisstenndom iss æþ to sen Line 13060 Hu mann maȝȝ Drihhtin cwemenn, Ȝiff þatt mann wile nimenn gom Whatt stannt o Godess lare; Forr boc uss biddeþþ aȝȝ don god & ifell aȝȝ forrbuȝhenn, Line 13065 & baþe forr þe lufe off Godd, & nohht forr eorþliȝ mede. & ec iss lihht i Crisstenndom To sen & tunnderrstanndenn, Whær mann maȝȝ findenn alle þa Line 13070 Þatt þewwtenn Godd tocweme; I Crisstenndom mann findenn maȝȝ Hemm alle, & nowwhar elless, Forr niss nan oþerr kinness lif Þatt addleþþ eche blisse. Line 13075 & ec mann maȝȝ i Crisstenndom Aȝȝ summwhatt unnderrstanndenn, O whillke wise Crist iss an I kinde & ec i mahhte, Allwældennd Godd wiþþ Haliȝ Gast Line 13080 & wiþþ hiss Faderr baþe. Þiss maȝȝ mann unnderr Crisstenndom Aȝȝ summwhatt unnderrstanndenn, Affterr þatt eorþliȝ manness witt Maȝȝ cnawenn Godess kinde. Line 13085 & teȝȝ þa ȝedenn forþ wiþþ Crist & didenn alls he seȝȝde, To lokenn whære he wass att inn & whære he wass att hame.

& tatt bitacneþþ, þatt teȝȝ ba Line 13090 Þurrh Cristess hallȝhe lare Hemm turrndenn till þe Crisstenndom & till þe rihhte læfe. & þurrh þa tweȝȝenn menn uss wass Bitacnedd all þatt genge Line 13095 Þatt turrnedd wass till Crisstenndom, [col 315] Off twinne kinne lede, Þatt iss off hæþenndomess follc & off Judisskenn þede, To wurrþenn unnderr Crisstenndom Line 13100 Off twinne lufe filledd, To lufenn Godd inn heffne, & ec To lufenn mann onn erþe. & tiss Crisstene follc þatt wass Þurrh þa twa menn bitacnedd Line 13105 Nu findeþþ unnderr Crisstenndom Whær þeȝȝre Laferrd biggeþþ· Forr Cristess hird i Crisstenndom Seþ wel & unnderrstanndeþþ Hu ȝho maȝȝ cwemenn Jesu Crist, Line 13110 To winnenn eche blisse. & Cristess hird i Crisstenndom Seþ wel & unnderrstanndeþþ, Whær man maȝȝ findenn alle þa Þatt þewwtenn Crist tocweme. Line 13115 Ȝho wa¯¯t þatt u¯¯twiþþ Crisstenndom Niss nohht tatt Crist maȝȝ cwemenn.

& Cristess hirrd i Crisstenndom Aȝȝ summwhatt unnderrstanndeþþ, O whillke wise Crist iss an Line 13120 I kinde & ec i mahhte, Allwældennd Godd wiþþ Haliȝ Gast & wiþþ hiss Faderr baþe. Þiss unnderrstanndeþþ Cristess hird Summwhatt o sume wise, Line 13125 Affterr þatt eorþliȝ manness witt Maȝȝ cnawenn Godess kinde. & tatt teȝȝ wærenn all þatt daȝȝ Till efenn wiþþ þe Laferrd, Þatt tacneþþ wel, þatt Cristess hird Line 13130 Shall lasstenn here onn erþe, I Crisstenndomess lihht & leom Unnderr Goddspelless sunne, & haldenn rihht wiþþ Drihhtin aȝȝ Whil þatt tiss werelld lassteþþ, Line 13135 & unnderrfon o Domess daȝȝ Wel hire swinnkess mede. & affterr þatt te Goddspell seȝȝþ, Þatt time þatt teȝȝ comenn Till Crist wass alls itt off þatt daȝȝ Line 13140 Þe tende time wære, & tatt bilammp full wel till hemm, & ec till alle þóþre Þatt comenn off Judisskenn follc To lefenn uppo Criste. Line 13145 Forr all þatt laȝheboc wass sett Off tene bodewordess,

Þatt Drihhtin ȝaff Judisskenn þed O þeȝȝre daȝȝ to follȝhenn. & alle, þatt tatt laȝheboc Line 13150 Forrlétenn & forrwurrpenn, To follȝhenn & to fillenn itt O þatt Judisskenn wise, Þatt time þatt te Laferrd Crist Wass cumenn her to manne, Line 13155 & comenn till þe Crisstenndom & till þe rihhte læfe, Þeȝȝ alle turrndenn hemm till Crist, To lernenn Cristess lare, Swillc time alls iff itt off summ daȝȝ Line 13160 Þe tende time wære, Þurrh þatt teȝȝ nolldenn nohht tatt boc [col 316] Flæshliȝ na lenngre follȝhenn, Þatt boc þatt all bilokenn wass I tene bodewordess, Line 13165 & comenn till þe Crisstenndom, To lernenn hu þeȝȝ sholldenn Gastlike itt unnderrstanndenn rihht & þewwtenn Crist tocweme, Þurrh þatt teȝȝ þeȝȝre laȝheboc Line 13170 Gastlike sholldenn follȝhenn. & all þatt flocc, þatt turrnedd wass Off Issraæle þede Till Crisstenndom, affterr þatt Crist Wass cumenn her to manne, Line 13175

Line 13175 Þatt flocc comm i þiss werrldess ald Till Crisstenndom swillc time, Alls iff itt off þiss werrldess daȝȝ Þe tende time wære, & alls itt off þiss werrldess daȝȝ Line 13180 Rihht onnfasst efenn wære, Forrþi þatt ure wukedaȝȝ Bi twellfe timess erneþþ, & iss neh efenn sons itt gaþ Inntill þe tende time. Line 13185 & Sannte Pawell seȝȝþ uss wel, Þatt Crist comm her to manne Þatt time þatt tiss werrldess daȝȝ Wass cumenn neh till efenn, Forrþi þatt all þiss werelld wass Line 13190 Neh cumenn þa till ende, Þann ure Laferrd Jesu Crist Wass borenn her to manne. & tise tweȝȝenn gode menn Þatt we nu mælenn ummbe, Line 13195 Þatt comenn till þe Laferrd Crist Forr himm to sen & herenn, Þeȝȝ wærenn þallre firrste menn Þatt sohhtenn Crist onn erþe, [col 317] To lefenn upponn himm, & ec Line 13200 To buȝhenn till hiss lare. & an off hemm wass Sannt Anndrew, & he wass Petress broþerr.

& tohh þatt Sannte Peterr wass œr borenn her to manne, Line 13205 Þohhwheþþre comm he lattre till To lefenn uppo Criste, Forr þatt he shollde don þe swa To sen & tunnderrstanndenn, Þatt tu mihht habbenn lefe att Godd Line 13210 Þohh þu be ȝung onn elde, To gan biforenn alde menn Inn alle gode þæwess, To þewwtenn Drihhtin mare & bett Þann he þatt iss þin elldre. Line 13215 Whatt tacneþþ uss, þatt Sannt Anndrew, Son summ he fand hiss broþerr, Ne dwalde nohht to kiþenn himm Þatt god tatt himm wass awwnedd, Þatt he þe Laferrd Jesu Crist Line 13220 Þa newenn haffde fundenn, & tatt he toc Peterr anan & ledde himm to þe Laferrd? Þatt tacneþþ, þatt te birrþ þatt god Þatt tu cannst oþre tæchenn, Line 13225 & flittenn oþre towarrd Godd Wiþþ lare & ec wiþþ bisne, All swa se Sannt Anndrew stod inn To brinngenn Sannte Peterr To ben hiss broþerr unnderr Crist Line 13230 I Crisstenndom þurrh trowwþe, Swa þatt teȝȝ mihhtenn breþre ben Þurrh rihhte læfe o Criste,

Swa summ þeȝȝ wærenn breþre ba Þurrh faderr & þurrh moderr. Line 13235 Forr sone anan se Sannt Anndrew Comm till hiss broþerr Peterr, He seȝȝde himm þatt teȝȝ haffdenn þa Messyamm newenn fundenn. Messyass uss bitacneþþ Crist, Line 13240 Þatt witt tu wel to soþe, & Crist bitacneþþ uss þatt mann Þatt smeredd iss & sallfedd, Nohht þurrh nan eorþliȝ smere, acc all Þurrh Haliȝ Gastess sallfe, Line 13245 I þatt tatt he þurrh Haliȝ Gast Iss filledd all annd frofredd. & tæroff iss þatt Cristess hird Crisstene follc iss nemmnedd, Forr þatt teȝȝ unnderr Crisstenndom, Line 13250 Att alle þatt hemm crisstnenn, Onnfon þurrh hallȝhedd ele att Crist Hiss Hallȝhe Gastess frofre, Ȝa þurrh fulluhht, ȝa þurrh hanndgang Att hadedd manness hande, Line 13255 Þatt illke time þatt menn hemm O Cristess name crisstneþþ· & þurrh þatt word tatt Sannt Anndrew Till Sannte Peterr seȝȝde, Þatt teȝȝ þe Laferrd Jesu Crist Line 13260 Þa newenn haffdenn fundenn, Þærþurrh we muȝhenn sen þatt teȝȝ Himm haffdenn sohht forrlannge,

Acc nohht i dăle, ne uppo dun, [col 318] Acc all i clene lusstess, Line 13265 Þurrh þatt teȝȝ haffdenn ben forrlisst Aȝȝ affterr Cristess come. Þatt Peterr dide bliþeliȝ Þatt Sannt Anndrew himm tahhte, Þatt lahȝhre wass bitwenenn menn Line 13270 & ȝunngre mann onn elde, Þatt he ne le¯¯t nohht hæþeliȝ Hiss ȝunngre forr to follȝhenn, Þatt cuþe ledenn himm till Crist, Forr himm to sen & herenn, Line 13275 Þatt doþ uss alle witerrliȝ To sen & tunnderrstanndenn, Þatt uss birrþ follȝhenn bliþeliȝ Þatt ure ȝunngre uss læreþþ, Ȝiff þatt iss þatt hiss lare iss god Line 13280 & halsumm forr to follȝhenn. Forr niss nan mann þatt uss birrþ att Forrhoȝhenn god to lernenn. Þatt Crist warrp eȝhe upponn Symon, Þatt doþ uss tunnderrstanndenn, Line 13285 Þatt Crist sahh all hiss herrtess grund, Þatt itt wass god & clene, & forrþi wass he wurrþ þatt Crist Hiss name himm shollde wharrfenn, Forr þatt itt shollde tacnenn himm, Line 13290 Þatt he þa shollde newenn

Ben sett to fisskenn affterr menn, & affterr menness sawless, To wurrþenn turrnedd swa þurrh Crist Fra þatt erþlike wikenn, Line 13295 Þatt iss to farenn uppo sæ, To fisskenn affterr fisskess. Þatt Crist himm seȝȝde þatt he wass Symon bi name nemmnedd, Þatt seȝȝde he forr to tacnenn uss Line 13300 Þatt Symon wass himm cweme; Forr Symon tacneþþ uss þatt mann Þatt follȝheþþ herrsummnesse, Forrþi þatt Symon haffde ben Herrsumm till Godd off heffne, Line 13305 To þewwtenn & to lakenn himm O þatt Judisskenn wise. & tatt tatt Crist seȝȝde þatt he Þurrh Johanna wass strenedd, Þatt seȝȝde he forr to shæwenn uss Line 13310 Þatt Symon wass himm cweme; Forr Johanna tacneþþ þatt mann Þatt follȝheþþ Godess wille, Forrþi þatt Symon haffde ben œdmod, & mec, & milde Line 13315 Wiþþ alle men þurrh witt & skill To follȝhenn Godess wille. & tatt te Laferrd Jesu Crist Himm seȝȝde att tallre lattste, Nu shallt tu nemmnedd ben Cefás Line 13320 [col 319] Þatt ȝuw bitacneþþ Peterr,

Þatt seȝȝde he forr to tacnenn uss, Þatt Symon shollde wurrþenn Hæfedd & hirde off Cristess hird, Off all Crisstene lede, Line 13325 All harrd, & strang, & stedefasst, & findiȝ, & unnfakenn, To stanndenn ȝæn þe laþe gast, To werenn hise lammbre. Forr þatt tatt Drihhtin seȝȝde þær Line 13330 Till Symon þuss wiþþ worde, Nu shallt tu nemmnedd ben Cefas, Þatt wass alls iff he seȝȝde, Nu shallt tu wurrþenn nemmnedd stan To don þe tunnderrstanndenn, Line 13335 Þatt te nu forrþwarrd birrþ ben hard Forr me to þolenn pine, & god to werenn mine shep Þatt I þe shall bitæchenn, & starrc onnȝæn þe laþe gast Line 13340 & ȝæn hiss laþe genge, To ȝemenn all Crisstene follc Þatt I þe shall bitæchenn. Forr Cefas uss bitacneþþ stan & Peterr all þatt illke, Line 13345 & forrþi wass þatt name himm sett Swa summ icc habbe shæwedd, Forr þatt he shollde wurrþenn harrd To þolenn alle wawenn, All forr þe soþe lufe off Godd Line 13350 & forr þe rihhte læfe.

& stan iss ec þe Laferrd Crist, Þatt witt tu wel to soþe; Forr Crist iss strang & stedefasst, & findiȝ & unnfakenn Line 13355 Till alle þa þatt follȝhenn himm, & hise laȝhess haldenn; & Crist iss ec þatt hirnestan Þatt bindeþþ tweȝȝenn waȝhess, Þatt iss alls iff I seȝȝde þuss, Line 13360 Þatt bindeþþ tweȝȝenn þede. Forr all þe Laferrd Cristess hird Comm u¯¯t off tweȝȝenn þede, Þatt iss, — u¯¯t off Judisskenn þed & off hæþene þede. Line 13365 & ure Laferrd Crist himm sellf Sammneþþ þa tweȝȝenn lede, To timmbrenn himm an haliȝ hus, Crisstene follc off baþe, To biggenn & to resstenn himm Line 13370 I þeȝȝre unnshaþiȝnesse. & Crist iss stan to ben grunndwall Off all hiss hallȝhe temmple, Forr all þe Laferrd Cristess hus Iss timmbredd onn himm sellfenn, Line 13375 Forr all Crisstene follkess hald Iss lang o Cristess hellpe, Forr all þatt æfre iss haldenn upp Iss haldenn upp þurrh Criste, & all þatt wannteþþ Cristess hald Line 13380 All sinnkeþþ inntill helle.

Þuss iss þe Laferrd Crist grunndwall Off all hiss hallȝhe temmple, Off all þatt hallȝhe flocc þatt himm Wel cwemeþþ here onn erþe, Line 13385 Þurrh þatt he wiþþ hiss hellpe & hald All haldeþþ þatt iss haldenn. & þurrh þatt tatt te Laferrd toc Þatt oþerr daȝȝ to flittenn Inntill þe land off Galile, Line 13390 [col 320] & fand Filippe, & seȝȝde Till himm forþrihht anan, follh me, Þærþurrh iss uss bitacnedd, Hu mikell god uss comm off þatt, Þatt Crist comm her to manne; Line 13395 For Galile bitacneþþ uss Flittinng onn Ennglissh spæche, & þurrh Filippe onn Ennglissh iss Lihhtfattess muþ bitacnedd. & þurrh þatt oþerr daȝȝ þatt Crist Line 13400 Bigann to flittenn onne, Þatt hallȝhe tid bitacnedd iss Þatt uss comm her to manne, Þurrh þatt te Laferrd Crist wass dæd & ras her upp off dæþe. Line 13405

Nu ȝiff we wilenn sammnenn all & gaddrenn þiss togeddre,

We muȝhenn sen whatt itt bihallt, & whatt itt wile uss tacnenn; Forr all wass þiss þatt wise don Line 13410 Þurrh Crist, alls iff he seȝȝde Till all mannkinn, affterr þatt he Wass risenn upp off dæþe, Ȝe sen þatt icc amm flittedd nu Fra dæþ to lif onn erþe; Line 13415 & ȝuw iss baþe god & ned To follȝhenn wel min bisne, To flittenn o þiss oþerr daȝȝ O Crisstenndomess time, Unnderr þatt brihhte sunness lihht Line 13420 Þatt iss Goddspelless lare, Affterr þatt forrme daȝȝ þatt wass I Paradisess blisse, Biforenn þatt te firrste mann, Þurrh hiss unnherrsummnesse, Line 13425 Fell þære i sinness þessterr nahht Fra daȝȝ off rihhtwisnesse. Ȝuw iss nu baþe god & ned To follȝhenn wel min bisne, To flittenn o þiss oþerr daȝȝ Line 13430 Fra deofless & fra sinness Till me þatt amm soþ Godd, & ec Till alle gode dedess, Swa þatt I muȝhe findenn ȝuw All alls I fand Filippe, Line 13435 All rædiȝ follc to follȝhenn me Þurrh þohht, & word, & dede,

Swa þatt I sette ȝuw to ben Amang hæþene lede Lihhtfattess muþ, to spellenn hemm Line 13440 Off hefennrichess blisse, To kinndlenn hemm soþ lufess fir Inn hannd, & ec inn herrte. Þuss ȝaff uss ure Laferrd Crist Halsumm & haliȝ bisne, Line 13445 Ȝa þurrh hiss word, ȝa þurrh hiss werrc, Whil þatt he wass onn erþe. & uss birrþ æfre stanndenn inn To follȝhenn wel hiss bisne All þwerrt u¯¯t forr þe lufe off himm, Line 13450 & forr þe mede off heffne. [col 321] Þatt tiss Filippe, & ec Symon, & ec Anndrew hiss broþerr, Þatt teȝȝ þre wærenn off an tun Beþþsayda ȝehatenn, Line 13455 Þatt tacneþþ, þatt teȝȝ alle þre An wikenn sholldenn habbenn, Þurrh þatt teȝȝ sholldenn posstless ben To spellenn alle lede, & hunntenn affterr sawless swa Line 13460 Wiþþ haliȝ lare & bisne, To turrnenn hemm till Crisstenndom All fra þe defless walde; All þiss wass þurrh Beþþsayda Full opennliȝ bitacnedd, Line 13465

Line 13465 Forr itt bitacneþþ hunntess hus, Forr þatt teȝȝ sholldenn hunntenn, Acc nohht wtþþ hundess affterr der, Acc affterr menn wiþþ spelless, & Forrþi þatt Sannt Anndrew wass Line 13470 Rihht god & haȝherr hunnte, Ne dwalde he nohht, son summ he fand Hiss broþerr Sannte Peterr, To lacchenn himm wiþþ spelless nett To brinngenn himm to Criste. Line 13475 & ec forr þatt Filippe wass Rihht god & haȝherr hunnte, Son summ he sahh Natanaæl Forrþrihht he toc to spellenn, To lacchenn himm wiþþ spelless nett, Line 13480 To turrnenn himm till Criste, & tohh nass nowwþerr þeȝȝre ȝe¯¯t Þatt time makedd posstell, Þatt time þatt teȝȝ tokenn swa To slætenn affterr sawless. Line 13485 Forr affterr þatt te Goddspell seȝȝþ Filippe toc to spellenn Natanaæl, & cwaþþ; Jesumm Mannkinne sawle sallfe, Josæpess sune, off Nazaræþ, Line 13490 Himm hafe we nu fundenn; Off whamm wass ær þurrh Moysæn & þurrh profetess cwiddedd, Off — þatt he shollde wurrþenn mann Forr all mannkinne nede. Line 13495

Line 13495 Þiss seȝȝde till Natanaæl Filippe off Cristess come. & her wass wiss Filippe sleh & ȝæp & haȝherr hunnte; & wel bilammp þatt tun till himm Line 13500 Þatt hunntess hus wass nemmnedd, Forr rihht he toc Natanaæl Wiþþ hise ȝæpe wordess, Rihht alls an hunnte takeþþ der Wiþþ hise ȝæpe racchess. Line 13505 Forr þuss he seȝȝde þær till himm; Jesumm icc hafe fundenn, Forr þatt he wollde don himm swa To sen & tunderrstanndenn, Þatt tatt wass Godess Sune Crist Line 13510 Þatt he þa fundenn haffde, Off whamm Hehenngell Gabriæl Þuss haffde seȝȝd till Marȝe; Þi sune þatt tu childenn shallt Shall ben Jesus ȝehatenn. Line 13515 [col 322] & ȝe¯¯ he seȝȝde himm ec þatt he Þa newenn haffde fundenn Josæpess sune, off Nazaræþ, To don himm tunnderrstanndenn, Þatt tatt wass Godess Sune wiss Line 13520 Þatt he þa fundenn haffde, Off whamm profetess haffdenn seȝȝd Forrlannge ær þann he come,

Þatt he þe Nazarisshe mann Her shollde ben ȝehatenn, Line 13525 & tatt he shollde wurrþenn her Inn ure mennisscnesse Daviþess kingess kinnessmann O moderr hallf onn erþe. & tatt wass filledd all i Crist Line 13530 & inn hiss moderr Marȝe; Forr ȝho wass off Daviþess kinn Heh borenn her to manne; & all þatt illke wass Josæp Þatt wass wiþþ hire weddedd, Line 13535 Ec he wass off Daviþess kinn Neh sibb wiþþ Sannte Marȝe. & forrþi wass þe Laferrd Crist Josæpess sune nemmnedd; Forr Crist wass off Josæpess kinn, Line 13540 Neh sibb þurrh Marȝe hiss moderr. & ȝe¯¯ Filippe seȝȝde till Natanaæl to soþe, Þatt he þa fundenn haffde wiss Þatt illke mann onn erþe, Line 13545 Off whamm wass ær þurrh Moysæn & þurrh profetess cwiddedd; Forr þatt he wollde don himm swa To sen & tunnderrstanndenn Þatt tatt wass Godess Sune wiss Line 13550 Þatt he þa fundenn haffde, Off whamm profetess haffdenn seȝȝd Full wel i þeȝȝre time,

Off þatt he shollde wurrþenn mann To lesenn menn off helle. Line 13555 All puss wisliȝ Filippe toc Natanaæl wiþþ wordess, Þatt nede he shollde trowwenn wel & lefenn þatt he seȝȝde, Þatt he þa newenn haffde wiss Line 13560 Crist Godess Sune fundenn. & forrþi þatt Natanaæl Wass swiþe depe læredd Onn all þatt hallȝhe boc, þatt wass Þurrh Drihhtin sett onn erþe, Line 13565 Þurrh Moysæsess hande writt, & þurrh profetess alle, Off ure Laferrd Jesu Crist & off hiss hallȝhe come, He ȝaff wislike sware onnȝæn Line 13570 Filippe þuss wiþþ worde; Off Nazaræþ maȝȝ summ god ben; Þiss sware he ȝaff Filippe. & tiss wass seȝȝd alls iff he þuss Wiþþ oþre wordess seȝȝde; Line 13575 Off Nazaræþ till all mannkinn Maȝȝ cumenn mikell sellþe; & tatt te Laferrd Jesu Crist Iss cumenn off þatt chesstre, [col 323] Þatt trowwe icc þurrhu¯¯tlike wel, Line 13580 Þatt witt tu þe, Filippe.

& till þiss sware falleþþ wel Þatt tatt Filippe seȝȝde Efft sone till Natanaæl; Cumm nu þe sellf & loke. Line 13585 Forr þatt wass seȝȝd alls iff he þuss Wiþþ oþre wordess seȝȝde, Cumm nu wiþþ me to sen þin Godd Wiþþ erþliȝ bodiȝsihhþe, Whamm þu þurrh Drihhtin sest nuȝȝu Line 13590 Wiþþ innsihht off þin herrte. & sone anan Natanaæl Forþ wiþþ Filippe ȝede Till ure Laferrd Jesu Crist, Forr himm to sen & herenn; Line 13595 Forr þatt he wollde don uss swa To sen & tunnderrstanndenn, Þatt uss birrþ takenn wel þærwiþþ, Ȝiff aniȝ mann uss spelleþþ Off aniȝ þing þatt turrneþþ uss Line 13600 Till ure sawle nede. & Crist sahh þatt he comm, & cwaþþ Till þa þatt neh himm wærenn. Loc, here nehȝheþþ towarrd me, Forr me to sen & herenn, Line 13605 An soþ Issraelisshe mann Þatt niss nan fakenn inne Crist le¯¯t wel off Natanaæl & cwaþþ, loc, here uss nehȝheþþ An soþ Issraelisshe mann; Line 13610 Þatt wass alls iff he seȝȝde,

An duhhtiȝ Judewisshe mann Iss þiss þatt here uss nehȝheþþ; Forr þurrh þatt lare þatt he cann He seþ & unnderrstanndeþþ, Line 13615 Hu mann birrþ lefenn upponn Godd & lufenn himm & þewwtenn, & affterr þatt he seþ, he doþ, & gaþ þe rihhte weȝȝe. Forr Issraæl tacneþþ þatt mann, Line 13620 Þatt witt tu wel to soþe, Þatt seþ wiþþ herrtess eȝhe Godd & cnaweþþ Godess kinde, & lufeþþ Godd & follȝheþþ Godd & þewwteþþ þess te bettre; Line 13625 & swillc wass þiss Natanaæl, Þatt we nu mælenn ummbe. & Judew tacneþþ uss þatt mann, Þatt witt tu wel to soþe, Þatt innwarrdliȝ biforenn Godd Line 13630 Birewwseþþ inn hiss herrte, & opennliȝ biforenn mann Anndȝæteþþ hiss missdede, Ȝiff þatt iss þatt he gillteþþ ohht Onn aniȝ kinne wise, Line 13635 & stanndeþþ inn to betenn itt Wiþþ all hiss fulle mahhte. & swillc wass þiss Natanaæl Þatt we nu mælenn ummbe, & forrþi seȝȝde Jesu Crist Line 13640 Off himm, loc, here uss nehȝheþþ

An soþ Issraelisshe mann Þatt niss nan fakenn inne. Forr þatt wass seȝȝd alls iff he þuss Wiþþ oþre wordess seȝȝde, Line 13645 Þiss illke mann þatt cumeþþ her Iss god, & Godd full cweme, Forrþi þatt he ne wile nohht Forrhelenn hise sinness, Acc daȝȝwhammliȝ biforenn prest Line 13650 Anndȝæteþþ hiss missdede, Ȝiff þatt iss þatt he gillteþþ ohht Onn aniȝ kinne wise, & stanndeþþ inn to betenn itt Wiþþ all hiss fulle mahhte. Line 13655 & nile he rihht nohht follȝhenn þa Þatt hidenn here sinness, & læ¯tenn alls itt swa ne be Biforenn menness ehne, & wilenn þatt menn haldenn hemm Line 13660 [col 324] Forr gode menn & clene, & forr þa menn þatt þewwtenn Godd All þwerrt u¯¯t wel tocweme. Acc Godd, tatt alle þinge seþ, He seþ what lif þeȝȝ ledenn, Line 13665 & he forrwerrpeþþ all þatt flocc Forr þeȝȝre depe sinness; Forr þatt teȝȝ tælenn oþre menn & lofenn aȝȝ hemm sellfenn,

& haldenn hemm forr gode menn Line 13670 & oþre menn forr wake, & follȝhenn swa þe laþe gast Þurrh þeȝȝre modiȝnesse, Þatt wollde ben effninng wiþþ Godd Abufenn alle shaffte, Line 13675 Þurrh whatt he fell off heffne dun Inntill niþ hellepine, & warrþ till atell defell þær Off shene & smikerr enngell. & alle þa þatt draȝhenn hemm Line 13680 Aȝȝ upp, & niþþrenn oþre, & hæþenn upponn oþre menn Þurrh here modiȝnesse, Þeȝȝ follȝhenn rihht te laþe gast & forþenn all hiss wille, Line 13685 & shulenn unnderrfon wiþþ himm Orrmete pine inn helle, Ȝiff þatt teȝȝ nohht ne mekenn hemm To betenn þeȝȝre sinness. & forrþi þatt Natanaæl Line 13690 Wass warr þatt ure Laferrd Spacc swa till oþre menn off himm, Alls iff he wel himm cnewe, He seȝȝde þuss till Crist; whæroff Iss þiss þatt tu me cnawesst? Line 13695 & ure Laferrd ȝaff himm þuss Anndswere onnȝæn & seȝȝde; Biforenn þatt Filippe toc To clepenn þe to sþæche,

Þær þu wass unnderr an fictre Line 13700 Þær sahh I þe forrlannge. Natanaæl to fraȝȝnenn toc Þe Laferrd Crist whæroffe Þatt wass þatt he cnew himm swa wel, Forr þatt he wollde winnenn Line 13705 Off Cristess muþ summ openn soþ Off hiss goddcunnde mahhte. & Crist toc himm forrþrihht anan To shæwenn þatt he sohhte, Þatt he cnew wel Natanaæl Line 13710 œr þann he strenedd wære, Þær Adam þallre firrste mann Ȝæn Drihhtin fell i sinne; Forr þatt tatt Jesu Crist sahh himm Þær he fictre wass unnderr, Line 13715 Nass þatt nan swiþe mikell þing Till Cristess Goddcunndnesse, Þatt alle shafftess all þurrhseþ [col 325] & alle dærne þohhtess. Acc þatt tatt itt bitacneþþ uss Line 13720 Iss dep & dærne lare. Natanaæl, þatt seȝhenn wass Unnderr fictre þurrh Criste, Bitacneþþ uss þatt alde follc Off Godess hallȝhe lede, Line 13725 Þatt wass biforenn Abraham Unnderr Adamess sinne,

All all swa summ Natanaæl Unnderr fictre wass fundenn. & full wel maȝȝ Adamess gillt Line 13730 Þurrh fictre ben bitacnedd; Forr affterr þatt ta forrme menn Adam & Eve hiss macche Forrwrohhte wærenn ȝæness Godd I Paradysess riche, Line 13735 Þeȝȝ baþe hemm hiddenn sone anan Unnderr fictrewwess læfess. & all all swa summ Jesu Crist Sahh þurrh hiss Goddcunndnesse Natanaæl þær þær he wass Line 13740 Unnderr fictrewwess boȝhess, All swa sahh he þatt alde follc Wel þurrh hiss Goddcunndnesse Þær þær itt all forrworrpenn laȝȝ Unnderr Adamess sinne. Line 13745 & forrþi þatt Natanaæl Sahh wel þatt ure Laferrd Wass rihht soþ Godd, þurrh þatt he þær Himm seȝȝde swillke þingess Þatt he ne munnde himm seggenn nohht Line 13750 Ȝiff þatt he Godd ne wære, He ȝaff þe Laferrd sware anan & seȝȝde þuss wiþþ worde; A, maȝȝstre, icc wa¯¯t tatt tu full wiss Arrt Godess Sune, off heffne, Line 13755 & Issraæle þede king Þatt cumenn arrt to manne.

Þiss sware ȝaff Natanaæl To don uss tunnderrstanndenn, Þatt wel bilammp till himm to ben Line 13760 Natanaæl ȝehatenn; Forr þurrh þatt name, witt tu wel, Iss Godess ȝife tacnedd. & tatt wass þurrh þe ȝife off Godd, Þatt he swa mihhte trowwenn Line 13765 Swa swiþe raþe, & ec swa wel O Crist & off hiss come, Þatt he wass Godess Sune, & King Off Issraæle þede. & her mann unnderrstanndenn maȝȝ, Line 13770 Ȝiff mann itt ummbeþennkeþþ, Hu þatt Judisskenn laþe follc, Þatt henngde Crist o rode, Wass þurrh þe laþe gastess mahht Forrbundenn & forrblendedd, Line 13775 Þatt sahh & herrde daȝȝwhammliȝ Hallf ferþe ȝer þe Laferrd Aȝȝ spellenn god, & aȝȝ don god Onn alle kinne wise, [col 326] & tohh swa þehh ne keppte himm nohht Line 13780 To lufenn ne to trowwenn, Acc sloȝhenn himm þurrh hete & niþ All gilltelæs o rode. & tiss Natanaæl forrþrihht Toc upponn Crist to lefenn, Line 13785

Line 13785 Forrþrihht i stede son summ he Sahh Crist & herrde himm mælenn. & tatt wass þurrh þe ȝife off Godd Þatt he toc wiþþ þe Laferrd Swa raþe, & ske¯¯t, & ec swa wel; Line 13790 & tærþurrh wass wel sene Þatt wel bilammp till himm to ben Natanaæl ȝehatenn; Forr þurrh þatt name, witt tu wel, Iss Godess ȝife tacnedd. Line 13795 & tatt wass þurrh þe gife off Godd Þatt he toc wiþþ þe Laferrd Swa raþe, & ske¯¯t, & ec swa wel Wiþþ all þe rihhte trowwþe; Forr niss nan mann þatt turrneþþ rihht Line 13800 Till Crist wiþþ fulle trowwþe, Butt iff þe Faderr heffness king Himm draȝhe þurrh hiss are. & forr þatt Crist wass cwemedd þurrh Natanaæless trowwþe, Line 13805 He ȝaff anan anndswere onnȝæn Natanaæl & seȝȝde; Forr þatt I seȝȝde nu till þe, Natanaæl, to soþe Þatt I þe sahh unnderr fictre, Line 13810 Þu cnawesst rihht & trowwesst, & ȝe¯¯ tu shallt wel mare sen Þurrh whatt tu shallt me cnawenn. Icc segge ȝuw to fulle soþ, & wel ȝuw birrþ itt trowwenn, Line 13815

Line 13815 Þatt heffness shulenn oppnedd ben Biforenn ȝure sihhþe, Swa þatt ȝe shulenn sen full wel & offte Godess enngless Uppwarrd & dunnwarrd baþe upponn Line 13820 [col 327] Þe manness Sune stiȝhenn. Þiss ha¯¯t tatt wass Natanaæl Bihatenn & Filippe Wass filledd affterr þatt tatt Crist Wass risenn upp off dæþe; Line 13825 Forr þurrh þe Laferrd Cristess dæþ Wass heffness ȝate all oppnedd Ȝæn alle þa þatt lufenn Crist, & hise laȝhess haldenn. & mann maȝȝ unnderrstanndenn þiss Line 13830 Ȝe¯¯t onn an oþerr wise, Þatt heffness sholldenn oppnedd ben Biforenn follkess sihhþe; Forr heffness her bitacnenn uss Þe Laferrd Cristess posstless, Line 13835 Þatt ȝæfenn uss þurrh þeȝȝre spell, & ec þurrh þeȝȝre bisne, Soþ lihht her i þiss middellærd, To sen & tunnderrstanndenn All hu mann birrþ þatt weȝȝe gan Line 13840 Þatt ledeþþ upp till heffne, All swa summ heffne uss ȝifeþþ lihht Þurrh sunne & mone & sterrness.

& ec þe posstless ȝæfenn uss Þurrh lare & ec þurrh bisne Line 13845 Soþ rewwsinng off all ure woh, Off sakess & off sinness, To wattrenn & to dæwwenn swa Þurrh beȝȝske & sallte tæress Þatt herrte, þatt wiþþinnenn uss Line 13850 Iss hefiȝliȝ forrclungenn Þurrh fakenn trowwþe towarrd Godd & towarrd mann onn eorþe. & forr þatt itt bidæledd iss Off all soþ lufess hæte, Line 13855 All iss itt uss bifrorenn swa Þurrh hĕte & niþ & irre, Þatt all itt liþ uss wasstmelæs Off alle gode dedess. Acc Crisstess posstless ȝæfenn uss Line 13860 Þurrh lare & ec þurrh bisne Soþ rewwsinng off all ure woh, Swa summ icc habbe shæwedd, All swa summ erþe wattredd iss Þurrh reȝȝn & dæw off heffne. Line 13865 Þuss sinndenn Cristess posstless wel Þurrh heffness her bitacnedd, & teȝȝre muþ þurrh Haliȝ Gast Wass oppnedd, uss to spellenn, Affterr þatt ure Laferrd Crist Line 13870 Wass stiȝhenn upp till heffne. & Cristess posstless sinndenn ec Þurrh Godess enngless tacnedd,

& forþ wiþþ hemm ec alle þa Þatt spellenn uss off Criste. Line 13875 Forr whase brinngeþþ word, tatt mann Iss enngell inn hiss wikenn, & ta þatt brinngenn word off Crist, Þa sinndenn Cristess enngless, Þatt sinndenn þa þatt spellenn uss Line 13880 Off Crist & off hiss lare. & siþþenn þatt te Laferrd Crist Wass stiȝhenn upp till heffne, Nu siþþenn seþ Crisstene follc [col 328] Wel offte Godess enngless Line 13885 Uppwarrd & dunnwarrd baþe upponn Þe manness Sune stiȝhenn. Þe manness Sune iss Jesu Crist Þurrh Sannte Marȝe hiss moderr, Forr mann iss were, & mann iss wif, Line 13890 & mann iss maȝȝdenn nemmnedd. & enngless sinndenn alle þa Þatt spellenn uss off Criste. & ȝiff þeȝȝ spellenn uss off Crist & off hiss Goddcunndnesse, Line 13895 Þa stiȝhenn þeȝȝ uppwarrd o Crist Upponn hiss heȝhe kinde. & ȝiff þeȝȝ spellenn uss off Crist & off hiss mennisscnesse, Þa stiȝhenn þeȝȝ dunnwarrd o Crist Line 13900 Dun onn hiss laȝhe kinde.

& miccle bettre iss þiss till uss To sen & tunnderrstanndenn Off ure Laferrd Jesu Crist, & off hiss twinne kinde, Line 13905 Þann þatt wass till Natanaæl Þatt ure Laferrd seȝȝde, Þatt he sahh himm þær þær he wass Unnderr fictre forrlannge Biforenn þatt Filippe toc Line 13910 To clepenn himm to spæche. Forr þatt tatt Godd sahh all mannkinn Unnderr Adamess sinne, œr þann he toc to turrnenn follc Till himm þurrh hise posstless, Line 13915 Þatt munnde don uss litell god, Ȝiff þatt he þurrh hiss are Ne come forr to lesenn uss [col 329] U¯¯t off þatt illke sinne, & forr to turrnenn uss till himm Line 13920 Þurrh hise Lerninngcnihhtess; All swa summ till Natanaæl Full litell gaȝhenn wære, Þatt Crist himm haffde seȝhenn þær Þær he fictre wass unnderr, Line 13925 Ȝiff þatt he nære siþþenn brohht Till Criste þurrh Filippe. & forrþi þatt Natanaæl Wass swiþe wis off lare,

Ne chæs himm nohht te Laferrd Crist Line 13930 Till nan off hise posstless; Forr nollde he chesenn nan off þa Þatt cuþenn mikell lare. & wel he wisste himm sellf forr whatt He nollde swillke chesenn, Line 13935 & hise þewwess wisstenn itt, & settenn itt o boke; & forrþi maȝȝ icc nu till ȝuw Summwhatt tæroffe shæwenn. Ȝiff Cristess þosstless wærenn þa Line 13940 Þatt cuþenn mikell lare, Ne munnde nan mann ben off hemm, Noff þeȝȝre spell forrwunndredd, Ne nohht ne munnde þa þe follc Till þeȝȝre lare buȝhenn. Line 13945 & tanne wære uss gaȝhennlæs Þatt Crist wass dæd o rode, & all forr nohht uss haffde Crist U¯¯tlesedd fra þe defell, Ȝiff þatt we nolldenn mekenn uss Line 13950 To follȝhenn Cristess lare. & forrþi chæs þe Laferrd Crist Læwede menn to posstless, & ȝaff hemm witt þurrh Haliȝ Gast Deplike off Godd to spellenn, Line 13955 & ȝaff hemm mahht þurrh Haliȝ Gast To wirrkenn miccle tacness, Þatt mannkinn shollde þess te bett Till þeȝȝre lare buȝhenn,

Till fulluhht, & till Crisstenndom, Line 13960 & till þe rihhte læfe, To winnenn her þurrh haliȝ lif To brukenn eche blisse. Whi wollde Godess Sune Crist, Soþ Godd, himm sellfenn laȝhenn, Line 13965 & niþþrenn himm to nemmnenn himm Þe manness Sune onn erþe? Forr þatt he wollde don uss swa To sen & tunnderrstanndenn, Þatt uss birrþ alle laȝhenn uss Line 13970 & niþþrenn uss onn erþe, Forr swa to winnenn uss att himm Þurrh himm to wurrþenn heȝhenn; & ec forr þatt he wollde uss don To sen & tunnderrstanndenn, Line 13975 Þatt uss birrþ aȝȝ occ aȝȝ onnan Hiss gode dede himm þannkenn, Off þatt he wass an usell mann Forr ure nede wurrþenn, He þatt iss alle shaffte Godd, Line 13980 Þatt alle shaffte wrohhte. & þurrh þatt tatt Natanaæl Till Crist wiþþ trowwþe seȝȝde, Þatt he wass Godess Sune wiss Þatt cumenn wass to manne, Line 13985 Þærþurrh bigatt he þær att Crist Þurrh himm to wurrþenn borrȝhenn, Forrþi þatt he wass haliȝ mann I þohht, i word, i dede.

& ȝiff þatt tu þatt wise mahht Line 13990 [col 330] Onn ure Laferrd lefenn, & lufenn himm, & cwemenn himm Wiþþ þohht, & word, & dede, Þa shallt tu ben wurrþi þurrh himm All swa to wurrþenn borrȝhenn. Line 13995 & Godd Allmahhtiȝ ȝife uss swa To cwemenn Crist o life, Þatt heffness ȝate uss oppnedd be Att ure lifess ende.

Amæn;·

SECUNDUM JOHANNEM XXIII.

Nuptie quidem facte sunt in Chana Galilee.

Uppo þe þridde daȝȝ bilammp, Line 14000 Swa summ þe Goddspell kiþeþþ, Þatt i þe land off Galile Wass an bridale ȝarrkedd, & itt wass ȝarrkedd in an tun Þatt wass Caná ȝehatenn. Line 14005 & Cristess moderr Marȝe wass Att tatt bridaless sæte, & Crist wass clepedd till þatt hus Wiþþ hise Lerninngcnihhtess.

& teȝȝre win wass drunnkenn swa Line 14010 Þatt tær nass þa na mare; & Crisstess moderr comm till Crist & seȝȝde himm þuss wiþþ worde; Þiss win iss drunnkenn to þe grund, & niss her nu na mare. Line 14015 & ure Laferrd Jesu Crist Þuss seȝȝde till hiss moderr; Whatt falleþþ þiss till me wiþþ þe, Wifmann, þiss þatt tu mælesst? Abid, abid, wifmann, abid, Line 14020 Ne comm nohht ȝe¯¯ min time. & Sannte Marȝe ȝede anan, & seȝȝde to þe birrless; Doþ þatt tatt he shall biddenn ȝuw, Ne be ȝe nohht tærȝæness. Line 14025 Þeȝȝ haffdenn sexe fe¯¯tless þær Att tatt bridaless sæte, Þatt wærenn, summ þe Goddspell seȝȝþ, Sexe stanene fe¯¯tless, Swillke summ þatt Judisskenn follc Line 14030 Wass wunedd i þatt time To wasshenn offe þeȝȝre lic, To clennsenn hemm þatt wise; & twafald oþerr þrefald mett Þa fe¯¯tless alle tokenn. Line 14035 & Crist badd tatt teȝȝ sholldenn gan & fillenn þeȝȝre fe¯¯tless Wiþþ waterr; & teȝȝ ȝedenn till, & didenn þatt he seȝȝde,

& filledenn upp till þe brerd Line 14040 Wiþþ waterr þeȝȝre fe¯¯tless. & Crist ta seȝȝde þuss till hemm, Gaþ till wiþþ ȝure cuppess, & ladeþþ upp & bereþþ itt Till þallderrmann onn hæfedd. Line 14045 [col 331] & teȝȝ þa didenn þatt he badd, & bærenn þa to drinnkenn Þatt hæfedd mann þatt heȝhesst wass Att tatt bridale settledd. & he toc sone & drannc þatt win Line 14050 Þatt wass off waterr wurrþenn, & nisste he nohht whæroffe itt wass; Acc wel þe birrless wisstenn, Þatt haffdenn rihht ta lădenn upp Þe waterr off þa fe¯¯tless. Line 14055 & he badd clepenn þa till himm, Son summ he drunnkenn haffde, Þatt mann þatt tær bridgume wass Att tatt bridaless sæte. & son se þatt bridgume comm, Line 14060 Þatt allderrmann himm seȝȝde; Illc mann firrst brinngeþþ forþ god win, & siþþenn he biginneþþ To brinngenn forþ summ werrse win, Son summ þe follc iss drunnkenn; Line 14065 & tu þe gode win till nu Aȝȝ hafesst hidd & haldenn.

Þiss tákenn wrohhte Jesu Crist Þe firrste off hise tacness, I Galile rihht i þatt tun Line 14070 Þatt wass Cana ȝehatenn; & tuss he toc to shæwenn þær Hiss Goddcunndnessess mahhte, & hise Lerninngcnihhtess þær Tókenn onn himm to lefenn, Line 14075 Þurrh þatt teȝȝ sæȝhenn þære inn himm Allmahhtiȝ Godess mahhte. Her endeþþ nu þiss Goddspell þuss, & uss birrþ itt þurrhsekenn, To lokenn whatt itt læreþþ uss Line 14080 Off ure sawle nede.

Crist comm till þatt bridale himm sellf Wiþþ hise Lerninngcnihhtess; Acc he ne comm nohht to þatt hus, Ne nan off hise feress, Line 14085 Forr þatt he wollde sittenn þær, To drinnkenn þære o bennche; Acc ure Laferrd Crist comm þær To shæwenn þær hiss mahhte, Forr þatt teȝȝ sholldenn þess te bett Line 14090 Hemm turrnenn till hiss lare, & trowwenn þatt he wass soþ Godd Þatt cumenn wass to manne, & turrnenn till þe Crisstenndom & till þe rihhte læfe, Line 14095

Line 14095 To winnenn hemm þurrh haliȝ lif To brukenn eche blisse. & ure Laferrd Crist comm þær Forr þatt he wollde shæwenn, Þurrh þatt he wollde cumenn þær, Line 14100 Þatt weddlac iss himm cweme, & tatt ȝe muȝhenn i weddlac, Ȝiff þatt ȝe rihht itt haldenn, Þurrh gode dedess cwemenn Godd, & addlenn eche blisse. Line 14105 & ure Laferrd Crist comm þær, Forr þatt he wollde shæwenn All mannkinn þurrh hiss firrste mahht Forr whatt he comm to manne. He turrnde waterr inntill win Line 14110 Att tatt bridaless sæte, Forr all mannkinn to shæwenn swa Forr whatt he comm onn erþe. Þe waterr tacneþþ uss mannkinn Þatt erneþþ till hiss ende, Line 14115 Swa summ þe waterr erneþþ forþ, Ȝiff þatt itt nohht ne letteþþ· & Haliȝ Gastess lare iss uss Þurrh winess drinnch bitacnedd; Forr rihht all swa se winess drinnch Line 14120 Þe wharrfeþþ all þin herrte, [col 332] & all þin þohht, & all þin lusst, Ȝiff þatt tut¯¯ lannge drinnkesst,

Rihht all swa wharrfeþþ Haliȝ Gast Þe gode manness herrte Line 14125 All fra þiss werrldess lufe & lusst Þurrh swillc an drunnkennesse, Þatt all he fleþ & all forrseþ Þe werrldess grediȝnesse, & follȝheþþ aȝȝ anwherrfeddleȝȝc Line 14130 To winnenn heffness blisse. & all forrþi comm Jesu Crist To wurrþenn mann onn erþe, Forr þatt he wollde þurrh hiss spell, & þurrh hiss hallȝhe bisne, Line 14135 & þurrh þe ȝife off Haliȝ Gast Uss wharrfenn all fra sinne, & fra þe werrldess lufe & lusst, & fra þatt grediȝnesse Þatt doþ þe mann to wedenn rihht Line 14140 To winnenn erþlic ahhte, & all onnȝæn hiss Crisstenndom, & all þurrh hefiȝ sinne. Forrþi comm Crist to wurrþenn mann, Forr þatt he wollde uss wharrfenn Line 14145 Fra swillc unnfæle lufe & lusst To winnenn fe wiþþ sinne, & forr to turrnenn ure lusst All towarrd heffness blisse, To ȝernenn aȝȝ þæraffterr her Line 14150 To winnenn itt to brukenn. & ure Laferrd Crist comm ec Till þatt bridaless sæte,

Forr þatt he wollde tacnenn swa Þatt he wass cumenn þanne Line 14155 Off heffne inntill þiss middellærd, All rihht alls iff he wollde Bridale settenn, forr þatt he An brid himm wollde chesenn Off all mannkinn, an haliȝ follc Line 14160 Þatt shollde hiss wille follȝhenn, Þatt shollde ben himm þwerrt u¯¯t lef & þwerrt u¯¯t dere & cweme, All all swa summ þe gode mann Iss cweme hiss gode macche. Line 14165

& Cristess moderr Marȝe wass Att tatt bridaless sæte, Forr hire clene wambe wass Till þatt bridgume bure Þatt he comm offe inntill þiss lif, Line 14170 An brid himm forr to chesenn. & Crist comm o þe þridde daȝȝ Till þatt bridaless sæte, Forr þatt he wollde shæwenn swa Þatt he comm her to manne Line 14175 Rihht i þe þridde lott off all [col 333] Þiss werelld, tatt iss dæledd & brittnedd inntill daless þre, Þatt witt tu wel to soþe.

Forr all biforenn Moysæn Line 14180 Wass all þe firrste dale; & unnderr Moysæsess æ Wass all þatt oderr dale; & unnderr Crist i Crisstenndom Iss all þe þridde dale. Line 14185 & all þiss þridde dale wass Þurrh þatt bridale tacnedd Þatt o þe þridde daȝȝ wass sett, Swa summ þe Goddspell kiþeþþ· & ure Laferrd Crist comm ec Line 14190 Till þatt bridaless sæte Þatt wass i Cana Galile, To don uss tunnderrstanndenn, Þatt all hiss aȝhenn hallȝhe brid Inn all þiss þridde time Line 14195 Wiþþ wallha¯¯t herrtess lufe & lusst Himm shollde lefliȝ þewwtenn, & ferrsenn aȝȝ all hire lif Frawarrd te defless wille & towarrd hire Laferrd Crist, Line 14200 To follȝhenn all hiss lare Wiþþ clene þohht, wiþþ clene word, Wiþþ clene læfe & dede. Forr ȝiff þu Cana Galile Till Ennglissh spæche turrnesst, Line 14205 Þa tacneþþ itt ha¯¯t herrtess lusst, To ferrsenn & to flittenn Fra woh till rihht, fra læs till soþ, Fra sinne till dædbote.

& ure Laferrd clepedd wass Line 14210 Till þatt bridaless sæte, Þurrh þatt tatt fĕle gode menn Affterr hiss come ȝerrndenn, Biforenn þatt he borenn wass Off ure laffdiȝ Marȝe. Line 14215 & tatt te Laferrd Crist comm þær Wiþþ hise Lerninngcnihhtess, Þatt dide he forr to shæwenn uss Þatt he þurrh hise posstless Her wollde settenn Crisstenndom, Line 14220 Alls itt bridale wære, & chesenn himm an brid þurrh hemm, An follc off alle þede, Þatt shollde himm unnderr Crisstenndom Onn alle wise cwemenn. Line 14225 & þurrh þatt teȝȝre win wass gan, Swa þatt tær nass na mare, Þatt time þatt te Laferrd comm Till þatt bridaless sæte, Þærþurrh wass uss bitacnedd wel Line 14230 Þatt gastliȝ witt wass cwennkedd Off Moysæsess laȝheboc, & off profetess lare, Þurrh þatt Farisewwisshe follc Þatt læredd wass o boke, Line 14235 Þurrh þatt teȝȝ didenn all þe follc Flæshlike tunnderrstanndenn All þeȝȝre laȝhe, & ec all þatt Profetess haffdenn cwiddedd,

Forr swa to turrnenn all þe boc Line 14240 Till þeȝȝre grediȝnesse, Swa þatt teȝȝ mihhtenn spedenn wel To winnenn erþlic ahhte. & swa wass all þe gastliȝ witt Off Godess lare cwennkedd Line 14245 Þatt time þatt te Laferrd Crist Wass cumenn her to manne, Till þiss bridale off Crisstenndom Þatt he comm her to settenn, All swa summ þeȝȝre win wass gan Line 14250 Att tatt bridaless sæte, [col 334] Þatt tíme þatt Crist comm þærto Wiþþ hise Lerninngcnihhtess. & þurrh þatt tatt te Laferrd Crist Att tatt bridaless sæte Line 14255 Hemm turrnde waterr inntill win Þurrh hiss goddcunnde mahhte, Þærþurrh wass uss bitacnedd ta Þatt Crist wass cumenn þanne, To don mannkinn þatt hallȝhe boc Line 14260 Gastlike tunnderrstanndenn, Þatt ær forrlannge writenn pass Off himm & off hiss come. Forr all biforenn þatt Crist wass Her borenn uss to manne Line 14265 All wass he dærne, & hidd, & all Bilokenn & bilappedd

Inn all þatt boc, þatt Moysæs & tatt profetess wrohhtenn. & tær wass i þe waterr win Line 14270 Bilokenn & bilappedd, Forrþi þatt gastliȝ witt wass þa Inn all þe lare cwennkedd, Þurrh þatt te boc wass turrnedd all Inntill flæshlike lare Line 14275 Þurrh þatt Farisewwisshe follc Þatt læredd wass o boke. & affterr þatt te Laferrd Crist Wass cumenn her to manne, He ȝaff hiss follc þurrh Haliȝ Gast Line 14280 Gastlike tunnderrstanndenn Þe boc, whatt ȝate itt writenn wass Off himm & off hiss come. & swa wass waterr inntill win Þurrh Cristess come turrnedd, Line 14285 Þurrh þatt te bokess flæshliȝ witt Till gastliȝ witt wass wharrfedd.

Þa bokess þatt te Laferrd Crist Ȝaff gastliȝ tunnderrstanndenn, Þeȝȝ wærenn Moysæsess boc, Line 14290 & Sallmsang, & Profetess, Þatt wærenn aȝȝ till Cristess daȝȝ Swa summ þeȝȝ waterr wærenn, Off wikke smacc þurrh flæsliȝ witt Unnderr stafflike lare. Line 14295

Line 14295 & þurrh þatt ure Laferrd Crist Ȝaff hise Lerninngcnihhtess Gastlike witt þurrh Haliȝ Gast I þa þre kinne bokess, Þær wass god win off waterr wrohht Line 14300 To Cristess Lerninngcnihhtess, Þatt shollde don hemm all forrsen Þurrh gastliȝ drunnkennesse All middellærdess sellþe & sel, & alle flæshess lusstess, Line 14305 & ȝernenn aȝȝ occ aȝȝ onnan To winnenn eche blisse. Þatt Sannte Marȝe seȝȝde þær Att tatt bridaless sæte Till hire Sune Jesu Crist, Line 14310 Þatt tær nass win na mare, Þatt doþ uss, lefe breþre, wel Gastlike tunnderrstanndenn, Þatt Godess mildherrtnesse ræw Off mannkinn whanne he sennde Line 14315 [col 335] Hiss Sune inntill þiss middellærd, To wurrþenn mann onn erþe, To settenn gastliȝ wittess drinnch O mannkinn þurrh hiss are, Þatt ta wass all wiþþutenn win Line 14320 Off Haliȝ Gastess frofre, Forr þatt itt þurrh þe defell wass Bididdredd & forrblendedd,

Swa þatt itt nohht ne cnew soþ Godd, Ne nohht off himm ne rohhte. Line 14325 & forr þatt Drihhtin ræw off mann Þatt swa wass þa forrblendedd, He sennde hiss aȝhenn Sune dun, To wurrþenn mann onn erþe, To ȝifenn mannkinn gastliȝ lihht Line 14330 & gastliȝ wittess leme, & gastliȝ laress winess drinnch & gastliȝ drunnkennesse, To follȝhenn aȝȝ anwherrfeddleȝȝc To winnenn heffness blisse. Line 14335 Þatt ure Laferrd Jesu Crist Þær seȝȝde till hiss moderr; Whatt falleþþ þiss till me wiþþ þe, Wifmann, þiss þatt tu mælesst? Þatt he spacc till hiss moderr þær Line 14340 Þuss unncuþliȝ wiþþ worde, Þær þær ȝho ȝerne wollde himm don To shæwenn hise mahhtess, To makenn win biforr þatt follc Þurrh hiss goddcunnde kinde, Line 14345 Þatt dide he forr to shæwenn swa Hiss dere moderr Marȝe Þatt nohht ne mihhte he makenn win To forþenn hire wille, Þurrh mennisscnesse þatt he toc Line 14350 Inn hire clene wambe. & tatt wass seȝȝd alls iff he þuss Wiþþ oþre wordess seȝȝde,

Lef moderr, ȝiff icc make win Att tiss bridaless sæte, Line 14355 Þu wast wel þatt ne mŭne itt nohht Ben makedd þurrh þatt kinde, Þatt icc her i þiss middellærd Toc i þin hallȝhe wambe; Acc itt beþ makedd þurrh þatt mahht, Line 14360 Þatt icc off heffne brohhte, & þurrh þatt kinde, þatt me ȝaff Min Faderr upp inn heffne; & all forrþi ne falleþþ itt Rihht nohht till þe, lef moderr, Line 14365 Ȝiff þatt iss þatt I make win Þurrh min goddcunnde kinde. & tatt te Laferrd Jesu Crist Þær seȝȝde till hiss moderr, Abid, abid, wifman, abid, Line 14370 Ne comm nohht ȝe¯¯ min tíme, Þatt seȝȝde he till hiss moderr þær, Forr þatt he wollde shæwenn Þatt he wass cumenn her forr uss All gilltelæs to swelltenn. Line 14375 He seȝȝde till hiss moderr þiss, Ne comm nohht ȝe¯¯ tatt tíme Whanne I shall shæwenn opennliȝ Forrwhi þu wass min moderr, Whanne I shall drinnkenn dæþess drinnch Line 14380 Forr all mannkinn o rode, Þa shall I shæwenn þatt icc amm Soþ mann i mennisscnesse

Þatt icc her unnderrfeng off þe, Þurrh þatt tu wass min moderr. Line 14385

Þatt lede þatt tær satt & drannc Att tatt bridaless sæte, Biforenn þatt te Laferrd Crist [col 336] Comm þær wiþþ hise feress, Þatt lede tacneþþ all þatt follc Line 14390 Þatt haffde off Drihhtin lare, Biforenn þatt te Laferrd Crist Wass borenn her to manne, Þatt lede þatt þurrh Moysæn & þurrh hallȝhe profetess Line 14395 Onnfengenn haliȝ lare inoh, Ȝiff þeȝȝ itt unnderrstodenn, Acc hemm wass wannt gastlic innsihht I þeȝȝre gode lare, All swa summ win wass wannt tatt follc Line 14400 Att tatt bridaless sæte. & ta þatt drunnkenn off þatt win Þatt Crist off waterr wrohhte, Þeȝȝ tacnenn Cristess hallȝhe brid Þatt here iss ȝe¯¯ onn erþe, Line 14405 Þatt drinnkeþþ gastliȝ wittess win Off haliȝ bokess lare, To follȝhenn aȝȝ andrunnkennleȝȝc To winnenn Godess are.

Whatt haffdenn uss to tacnenn þær Line 14410 Þa sexe waterrfe¯¯tless, Þatt stodenn wiþþ þatt waterr þær Þatt inntill win wass turrnedd? Þeȝȝ wærenn forr to tacnenn uss Þiss werrldess sexe daless, Line 14415 Þatt wærenn full off witeȝhunng Alls itt off waterr wære, Aȝȝ whil þatt menn þurrh flæshliȝ witt Stafflike itt unnderrstodenn. Acc siþþenn þatt te Laferrd Crist Line 14420 Ȝaff Haliȝ Gast onn erþe, All unnderrstod þurrh gastliȝ witt Hiss hird tatt ær wass cwiddedd; & swa wass waterr inntill win Turrnedd þurrh Cristess come. Line 14425

Þiss middellærdess ald iss all O sexe daless dæledd. Fra þatt tatt Adam shapenn wass Anan till Noþess time, All þatt fresst off þiss werrldess ald Line 14430 Wass all þe forrme time. & all þiss firrste timess fresst Wass opennliȝ bitacnedd I Cana Galile þurrh an Off þa stanene fe¯¯tless. Line 14435 & all þiss firrste time wass Þurrh hallȝhe witess filledd

Off staffliȝ witeȝhunngess drinnch Þurrh writess & þurrh werrkess, Rihht swa summ all þatt timess fresst Line 14440 Off waterr filledd wære. & itt wass turrnedd inntill win Þurrh Jesu Cristess come, Þurrh þatt he¯¯t ȝaff hiss hallȝhe follc [col 337] Gastlike tunnderrstanndenn. Line 14445 & her iss o þiss boc off þatt Stafflike witeȝhunnge Þatt all þatt forrme time wass Þurrh wi˘tess filledd offe, Swa summ þe firrste fe¯¯tless wass Line 14450 Brerdfull off waterr filledd; & her I se summ del off þatt Stafflike witeȝunnge, & icc itt wile shæwenn ȝuw All forr ure allre nede. Line 14455

Caym Adamess sune toc Niþ ȝæn Abæl hiss broþerr, Off þatt he sahh þatt he wass god & rihhtwis mann & clene, Forr defless þewwess hafenn aȝȝ Line 14460 Strang niþ ȝæn Cristess þewwess, & Cristess þewwess biddenn Crist Þatt he þeȝȝm þurrh hiss are

& þurrh hiss millce ȝife mahht To betenn þeȝȝre sinne. Line 14465 & Caym toc þurrh hete & niþ Abæl hiss aȝhenn broþerr, & ledde himm u¯¯t uppo þe feld & sloh himm butenn gillte. & ȝiff þu bisne tăkenn willt Line 14470 Off þise tweȝȝenn breþre, To follȝhenn Godess þeww Abæl & hiss unnshaþinesse, & to forrwerrpenn hete & niþ & all Caymess bisne, Line 14475 Þa takesst tu, þatt witt tu wel, U¯¯t off þe forrme time Stafflike drinnch, ȝa to þin lif, Ȝa to þin sawle baþe, Þatt mikell maȝȝ þe geȝȝnenn her Line 14480 To winnenn heffness blisse, Alls iff þu drunnke waterrdrinnch U¯¯t off þe firrste fe¯¯tless Þatt maȝȝ þe slekkenn wel þin þirrst, Ȝiff þatt iss þatt te þirrsteþþ· Line 14485 & ȝiff þu þiss þurrh Haliȝ Gast Deplikerr unnderrstanndesst, Þatt Abel, þatt all gilltelæs Wass slaȝenn þurrh hiss broþerr, Bitacneþþ ure Laferrd Crist Line 14490 Þatt naȝȝledd wass o rode Þurrh þatt Judisskenn hæfedd follc Þatt he wass borenn offe,

& wass himm onn hiss moderr hallf Sibb alls itt wære hiss broþerr, Line 14495 Þa takesst tu gastlike witt Off staffliȝ witeȝhunnge, & drinnkesst ta þatt win þatt iss U¯¯t off þe waterr wharrfedd, Þatt win þatt turrnenn maȝȝ þin þohht Line 14500 Þurrh gastliȝ drunnkennesse All fra þe werrldess lufe & lusst & fra þe flæshess wille, To follȝhenn aȝȝ anwherrfeddleȝȝc To winnenn heffness blisse. Line 14505

Fra Noþess flod till Abraham Wass all þatt oþerr time Off all þiss werrldess ald tatt iss O sexe daless dæledd, & all þiss oþerr timess fresst Line 14510 Wass uss all swa bitacnedd [col 338] I Cana Galile þurrh an Off þa stanene fe¯¯tless. & all þiss oþerr time wass Þurrh hallȝhe witess filledd Line 14515 Off staffliȝ witeȝhunngess drinnch Þurrh writess & þurrh werrkess, Rihht swa summ all þatt timess fresst Off waterr filledd wære;

& itt wass turrnedd inntill win Line 14520 Þurrh Jesu Cristess come, Purrh þatt het¯¯ ȝaff hiss hallȝhe follc Gastlike tunnderrstanndenn. & here iss o þiss boc off þatt Stafflike witeȝhunnge, Line 14525 Þatt all þatt oþerr time wass Þurrh witess filledd offe, Swa summ þatt oþerr fe¯¯tless wass Brerdfull off waterr filledd. & her I se summ del off þatt Line 14530 Stafflike witeȝhunnge, & icc itt wile shæwenn ȝuw All forr ure allre nede. Noe & hise suness þre & teȝȝre fowwre wifess Line 14535 Wærenn rihhtwise & gode menn Biforenn Godess ehne, & all mannkinn wiþþutenn hemm Wass full off alle sinness, & all forrrahht ȝæn Godd, & wurrþ Line 14540 To wurrþenn all forrdillȝhedd. & Drihhtin badd Noe gan till & wirrkenn himm an arrke, Þatt he wiþþ hise suness þre & teȝȝre fowwre wifess Line 14545 Þærinne mihhtenn berrȝhenn hemm Fra drunncninng uppo flode. & Noe dide þatt himm badd Drihhtin, & wrohhte an arrke,

& ȝede himm sellf þa þiderr inn, Line 14550 Swa summ himm Drihhtin tahhte. & hise suness alle þre & teȝȝre fowwre wifess Þeȝȝ alle samenn ȝedenn inn Wiþþ himm inntill þatt arrke, Line 14555 & tokenn þiderr inn wiþþ hemm, Swa summ hemm Drihhtin tahhte, Off alle kinne cwike der Off clene & off unnclene, Þatt erþliȝ shaffte mihhte ben Line 14560 Þurrh hemm efftsone stoffnedd. & itt bigann to reȝȝnenn þa All affterr Godess wille Fowwerrtiȝ daȝhess all onnan, Ne blann itt nohht to reȝȝnenn; Line 14565 & ta wass waterr wid & sid All oferr erþe flowedd, [col 339] & wude, & feld, & dale, & dun, All wass i waterr sunnkenn, & all mannkinn wass drunncnedd ta Line 14570 & alle cwike shaffte, Wiþþutenn þa þatt Drihhtin barrh Wiþþ Noþ i Noþess arrke, & ec wiþþutenn all þatt maȝȝ I waterr ben & libbenn. Line 14575 & ȝiff þatt tu willt nimenn gom Off þiss, whillc gate itt ȝede,

Hu Drihhtin barrh þa fowwre menn & teȝȝre fowwre wifess Þatt wærenn gode & clene menn, Line 14580 & Drihhtin lefe & cweme, & le¯¯t forrfarenn all mannkinn Þatt all wass full off sinne & all forrgarrt ȝæn Godd, & all Wel wurrþ to wurrþenn cwennkenn; Line 14585 & ȝiff þu takesst bisne att ta Þatt wærenn Drihhtin cweme, To follȝhenn Noþess hallȝhe sloþ Off all hiss rihhtwisnesse, & to forrwerrpenn all þe sloþ, Line 14590 & all þe laþe bisne Off alle þa þatt waterr swallh Forr þeȝȝre depe sinness, Þa takesst tu, þatt witt tu wel, U¯¯t off þatt oþerr time Line 14595 Stafflike drinnch god till þe lif & till þe sawle baþe, Þatt mikell maȝȝ þe gengenn her To winnenn Cristess are, Alls iff þu drunnke waterrdrinnch Line 14600 U¯¯t off þatt oþerr fe¯¯tless Þatt maȝȝ þe slekkenn wel þin þirrst, Ȝiff þatt iss þatt te þirrsteþþ· & ȝiff þu þiss þurrh Haliȝ Gast Deplikerr unnderrstanndesst Line 14605 Þatt Noþess arrke iss Cristess hus & Cristess hallȝhe kirrke,

Þatt nu to daȝȝ iss full off menn, Off clene & off unnclene, Þær haliȝ waterr att te funnt Line 14610 Offdrunncneþþ alle sinness, & berrȝheþþ Cristess clene follc Þurrh rodetrewwess takenn, All swa summ Noþess clene flocc Þurrh trewwess bord wass borrȝhenn, Line 14615 Þa takesst tu gastlike witt Off staffliȝ witeȝhunnge, & drinnkesst ta þatt win þatt iss U¯¯t off þe waterr wharrfedd, Þatt win þatt turrnenn maȝȝ þin þohht Line 14620 Þurrh gastliȝ drunnkennesse All fra þe werrldess lufe & lusst & fra þe flæshess wille, To follȝhenn aȝȝ anwherrfeddleȝȝc To winnenn heffness blisse. Line 14625

& fra þe time off Abraham Till Moysæsess time All þatt fresst wass, þatt witt tu wel, Þe þridde lottess time Off all þiss werrldess ald tatt iss Line 14630 O sexe daless brittnedd. & all þiss þridde timess fresst Wass uss all swa bitacnedd I Cana Galile þurrh an Off þa stanene fetless Line 14635

Line 14635 & all þiss þridde time wass Þurrh hallȝhe witess filledd Off staffliȝ witeȝhunngess drinnch Þurrh writess & þurrh werrkess, Rihht swa summ all þatt timess fresst Line 14640 Off waterr filledd wære. & itt wass turrnedd inntill win Þurrh Jesu Cristess come, Þurrh þatt het¯¯ ȝaff hiss hallȝhe follc [col 340] Gastlike tunnderrstanndenn. Line 14645 & here iss o þiss boc off þatt Stafflike witeȝhunnge Þatt all þatt þridde time wass Þurrh witess filledd offe, Swa summ þatt þridde fetless wass Line 14650 Brerdfull off waterr filledd. & here I se summ del off þatt Stafflike witeȝhunnge, & icc itt wile shæwenn ȝuw All forr ure allre nede. Line 14655 Off Abraham wra¯¯t Moysæs Þatt he wass Drihhtin cweme, & haffde an sune þatt himm wass U¯¯tnumennlike dere, & he wass hatenn Ysaac, Line 14660 Þatt witt tu wel to soþe. & i þatt time þatt itt wass Ȝe¯¯t swiþe ȝung onn elde

Godd seȝȝde þuss till Abraham; Tacc Ysaac þin wennchell, Line 14665 & sniþ itt, alls itt wære an shep, & leȝȝ itt upponn allterr, & brenn itt all till asskess þær & offre itt me to lake. & Abraham wass forrþrihht bun Line 14670 To don Drihhtiness wille, & toc hiss sune sone anan & band itt fe¯¯t & hande, & leȝȝde itt upponn allterr swa, & droh hiss swerd off shæþe, Line 14675 & hoff þe swerd upp wiþþ hiss hannd To smitenn itt to dæde, Forr þatt he wollde ben till Godd Herrsumm onn alle wise. & Godd sahh þatt he wollde slæn Line 14680 Þe child wiþþ swerdess egge, & seȝȝde þuss till Habraham, Þatt witt tu wel to soþe, Hald, Abraham, hald upp þin hand, Ne sla þu nohht tin wennchell; Line 14685 Nu wa¯¯t I þatt tu drædesst Godd & lufesst Godd wiþþ herrte; Tacc þær an shep bafftenn þin bacc, & offre itt forr þe wennchell. & Abraham þa snaþ þatt shep, Line 14690 & le¯¯t hiss sune libbenn, Forr þatt he wollde ben till Godd Herrsumm onn alle wise.

& ȝiff þu nimesst mikell gom Till Abrahamess dede, Line 14695 & ȝiff þu takesst bisne att himm, To follȝhenn herrsummnesse, [col 341] To wurrþenn herrsumm till Drihhtin, To þewwtenn himm tocweme, To lakenn himm wiþþ þatt tatt himm Line 14700 Iss lefesst off þin ahhte, To wurrþenn herrsumm to þin prest & till þin tuness laferrd, Till alle þa þatt hafenn þe To ȝemenn & to sterenn, Line 14705 To ben herrsumm till alle þa Inn alle gode þinge, Forr niss nan herrsummnesse sett To forþenn ifell dede, Ȝiff þatt tu follȝhesst tuss þe sloþ Line 14710 Off Abrahamess bisne, Þa takesst tu, þatt witt tu wel, U¯¯t off þe þridde time Stafflike drinnch god to þin lif & to þin sawle baþe, Line 14715 Þatt maȝȝ þe mikell gengenn her To winnenn Cristess are, Alls iff þu drunnke waterrdrinnch U¯¯t off þe þridde fe¯¯tless Þatt maȝȝ þe slekkenn wel þin þirrst, Line 14720 Ȝiff þatt iss þatt te þirrsteþþ·

& ȝiff þu þiss þurrh Haliȝ Gast Deplikerr unnderrstanndesst, Þatt Abraham onn hæfedd iss Þe Faderr upp off heffne, Line 14725 & tatt hiss wennchell Ysaac Iss Cristess Goddcunndnesse, & tatt hiss shep þatt offredd wass Iss Cristess mennisscnesse, Þatt offredd wass forr all mannkinn Line 14730 To þolenn dæþ o rode, Swa þatt hiss Goddcunndnesse wass All cwicc & all unnpinedd, All swa summ Ysaac attbrasst Unnwundedd & unnwemmedd, Line 14735 Þa takesst tu gastlike witt Off staffliȝ witeȝhunnge, & drinnkesst ta þatt win þatt iss U¯¯t off þe waterr wharrfedd, Þatt win þatt turrnenn maȝȝ þin þohht Line 14740 Þurrh gastliȝ drunnkennesse All fra þe werrldess lufe & lusst & fra þe flæshess wille, To follȝhenn aȝȝ anwherrfeddleȝȝc To winnenn heffness blisse. Line 14745

Fra Moysæn till Daviþ king Wass all þe ferþe time Off all þiss werrldess ald tatt iss O sexe daless brittnedd.

& all þiss ferþe timess fresst Line 14750 Wass uss all swa bitacnedd I Cana Galile þurrh an Off þa stanene fe¯¯tless. & all þiss ferþe time wass Þurrh hallȝhe witess filledd Line 14755 Off staffliȝ witeȝhunngess drinnch Þurrh writess & þurrh werrkess, Rihht swa summ all þatt timess fresst Off waterr filledd wære, & itt wass turrnedd inntill win Line 14760 Þurrh Jesu Cristess come, Þurrh þatt het¯¯ ȝaff hiss hallȝhe follc Gastlike tunnderrstanndenn. & her iss o þiss boc off þatt Stafflike witeȝhunnge, Line 14765 Þatt all þatt ferþe time wass Þurrh wi˘tess filledd offe, Swa summ þe ferþe fetless wass Brerdfull off waterr filledd. & her I se summ del off þatt Line 14770 Stafflike witeȝhunnge, [col 342] & icc itt wile shæwenn ȝuw All forr ure allre nede. Drihhtin bitahhte Moysæn An wikenn, þatt he shollde Line 14775 U¯¯tledenn off Egippte land Hiss follc þatt wass þærinne,

Forr þatt he wollde lesenn hemm U¯¯t off pewwdomess bandess, Þatt Faraon, Egippte king, Line 14780 Hemm haffde worrpenn inne. & Moysæs ræw off þatt follc Þatt swa wass haldenn harrde, Forr þatt itt wass hiss aȝhenn kinn Þatt he wass borenn offe. Line 14785 & onn an nahht he toc þatt follc All samenn, alde & ȝunge, & were & wif, & cherl & child, & ledde hemm u¯¯t off lande, Forr þatt he wollde hemm brinngenn u¯¯t Line 14790 Off Faraoness hæse. & Faraon wiþþ all hiss ferd Comm affterrwarrd wiþþ wraþþe, & wollde cwellenn Moysæn & alle þatt he ledde. Line 14795 & sæ wass þær biforenn hemm Swa þatt teȝȝ flen ne mihhtenn; & Drihhtin þær toclæf þe sæ Alls iff itt waterr nære, & sett itt upp onn eȝȝþerr hallf Line 14800 All allse tweȝȝenn walless, & tær bitwenenn wass þe sand All harrd to ganngenn onne. & Godess follc strac inn anan Uppo þe driȝȝe sandess, Line 14805 To flen fra Faraon þe king Þatt wollde hemm alle cwellenn.

& he comm neh att teȝȝre bacc Wiþþ all hiss laþe genge, & strac inn affterr Godess follc Line 14810 Forr þatt he wollde hemm cwellenn. & alls he comm swa forrþerrliȝ Þatt all hiss follc wass inne, Þa læc þe waterr oferr hemm All affterr Godess wille, Line 14815 Swa þatt te king wiþþ all hiss ferd Wass drunncnedd unnderr flodess, & Godess follc all hal & sund Comm wel þurrh Godd to lande. & ȝiff þu nimesst mikell gom Line 14820 Till Moysæsess dede, & ȝiff þu nimesst bisne att himm To gengenn att te nede Whammse þu sest tatt wanntsumm iss & wiþþ wanndraþ biþrungenn, Line 14825 & ȝiff þu takesst bisne att himm To follȝhenn Godess wille, To wurrþenn herrsumm till þin Godd Inn harrd, i nesshe, & æfre, Þa takesst tu, þatt witt tu wel, Line 14830 U¯¯t off þe ferþe time Stafflike drinnch god till þin lif & till þin sawle baþe, Þatt mikell maȝȝ þe gengenn her To winnenn Cristess are, Line 14835 Alls iff þu drunnke waterrdrinnch U¯¯t off þe ferþe fe¯¯tless,

Þatt maȝȝ þe slekkenn wel þin þirrst Ȝiff þatt iss þatt te þirrsteþþ· [col 343] & ȝiff þu þiss þurrh Haliȝ Gast Line 14840 Deplikerr unnderrstanndesst, Þatt Moysæs iss Jesu Crist Þatt ledde þurrh himm sellfenn Mannkinn u¯¯t off Egippte land, Off sinness þessterrnesse, Line 14845 U¯¯t off Faraoness þewwdom, U¯¯t off þe defless walde, & þurrh þe waterr off þe funnt Þær alle sinness drunncnenn Þe defless ferd, tatt tacnedd wass Line 14850 Þurrh Faraoness genge, Þatt wass offdrunncnedd i þe sæ Forr here depe sinness, & tatt te Laferrd Jesu Crist Oppnede þurrh hiss come Line 14855 Off all þe Judewisshe boc Þe depe diȝhellnesse, & dide itt hise þewwess all To sen & tunnderrstanndenn All all swa summ þe sæ wass þær Line 14860 Dun till þe grund toworrpenn, Swa þatt teȝȝ o þe driȝȝe grund Wel sæȝhenn openn weȝȝe, Þa takesst tu gastlike witt Off staffliȝ witeȝhunnge, Line 14865

Line 14865 & drinnkesst ta þatt win þatt iss U¯¯t off þe waterr wharrfedd, Þatt win þatt turrnenn maȝȝ þin þohht Þurrh gastliȝ drunnkennesse All fra þe werrldess lufe & lusst Line 14870 & fra þe flæshess wille, To follȝhenn aȝȝ anwherrfeddleȝȝc To winnenn heffness blisse.

Fra Daviþ king till Jesu Crist Wass all þe fifte time Line 14875 Off all þiss werrldess ald tatt iss O sexe daless dæledd. & all þiss fifte timess fresst Wass uss all swa bitacnedd I Cana Galile þurrh an Line 14880 Off þa stanene fetless. & all þiss fifte time wass Þurrh hallȝhe witess filledd Off staffliȝ witeȝhunngess drinnch Þurrh wri˘tess & þurrh werrkess, Line 14885 Rihht swa summ all þatt timess fresst Off waterr filledd wære, & itt wass turrnedd inntill win Þurrh Jesu Cristess come, Þurrh þatt het¯¯ ȝaff hiss hallȝhe follc Line 14890 Gastlike tunnderrstanndenn. & her iss o þiss boc off þatt Stafflike witeȝhunnge

Þatt all þatt fifte time wass Þurrh witess filledd offe, Line 14895 Swa summ þatt fifte fe¯¯tless wass Brerdfull off waterr filledd. & her I se summ del off þatt Stafflike witeȝhunnȝe, & icc itt wile shæwenn ȝuw Line 14900 All forr ure allre nede. Saúl wass hofenn upp to king Amang Judisskenn lede, & he warrþ swiþe modiȝ mann & ifell mann i dede. Line 14905 & Drihhtin Godd himm all forrwarrp Forr hise depe sinness, & toc þe kinedom off himm & off hiss sune baþe, & ȝaff itt an off hise menn Line 14910 Þatt wass Daviþ ȝehatenn. [col 344] Forr Daviþ wass full haliȝ mann & soffte, & mec, & milde; & he wass hofenn upp to king Off all Judisskenn þede, Line 14915 Forr Drihhtin heȝheþþ alle þa Þatt soþ mecnesse follȝhenn. & ȝiff þu nimesst mikell gom Off þise tweȝȝenn kingess, & takesst bisne att Daviþ king Line 14920 To follȝhenn soþ mecnesse,

& all forrwerrpesst Saul king & all hiss modiȝnesse, Þa takesst tu, þatt witt tu wel, U¯¯t off þe fifte time Line 14925 Stafflike drinnch, god to þin lif & to þin sawle baþe, Þatt mikell maȝȝ þe gengen her To winnenn Cristess are, Alls iff þu drunnke waterrdrinnch Line 14930 U¯¯t off þe fifte fe¯¯tless, Þatt maȝȝ þe slekkenn wel þin þirrst, Ȝiff þatt iss þatt te þirrsteþþ· & ȝiff þu þiss þurrh Haliȝ Gast Deplikerr unnderrstanndesst, Line 14935 Þatt Satanas þe laþe gast Iss þurrh Saul bitacnedd, Patt worrpenn wass off heffness ærd Dun inntill hellepine, Forr þatt he wollde ben wiþþ Godd Line 14940 Effninng þurrh modiȝnesse, & tatt te Laferrd Jesu Crist Iss þurrh Daviþ bitacnedd, Þatt ȝaff þe bisne himm sellfenn off Unnseȝȝenndliȝ mecnesse, Line 14945 Þurrh þatt tatt he warrþ mann forr þe, To þolenn dæþ o rode, He - þatt wass king off heffness ærd & king off erþe riche, Off all þe werelld King & Godd Line 14950 Þatt alle shaffte wrohhte,

& tatt te defell all forrlæs Hiss kinedom onn erþe Þær ure Laferrd Jesu Crist Wass hofenn upp o rode, Line 14955 To lesenn mannkinn þurrh hiss dæþ U¯¯t off þe defless walde, & tatt te Laferrd Jesu Crist Toc kinedom onn erþe Þær þær he chæs off all mannkinn Line 14960 An follc þatt shollde himm follȝhenn, Þatt shollde ben hiss kinedom To follȝhenn all hiss wille, Þa takesst tu gastlike witt Off staffliȝ witeȝhunnge, Line 14965 & drinnkesst ta þatt win þatt iss U¯¯t off þe waterr wharrfedd, [col 345] Þatt win þatt turrnenn maȝȝ þi þohht Þurrh gastliȝ drunnkennesse All fra þe werlldess lufe & lusst Line 14970 & fra þe flæshess wille, To follȝhenn aȝȝ anwherrfeddleȝȝc To winnenn heffness blisse.

Fra Jesu Crist till Domess daȝȝ Iss all þe sexte time Line 14975 Off all þiss werrldess ald tatt iss O sexe daless brittnedd.

& all þiss sexte timess fresst Wass uss all swa bitacnedd I Cana Galile þurrh an Line 14980 Off þa stanene fe¯¯tless. & all þiss sexte time wass All swa þurrh witess filledd Off staffliȝ witeȝhunngess drinnch Þurrh writess & þurrh werrkess, Line 14985 Rihht swa summ all þatt timess fresst Off waterr filledd wære, & itt wass turrnedd inntill win Þurrh Jesu Cristess come, Þurrh þatt he¯¯t ȝaff hiss hallȝhe follc Line 14990 Gastlike tunnderrstanndenn. & her iss o þiss boc off þatt Stafflike witeȝhunnge Þatt all þatt sexte time wass Þurrh wi˘tess filledd offe, Line 14995 Swa summ þatt sexte fe¯¯tless wass Brerdfull off waterr filledd. & her I se summ del off þatt Stafflike witeȝhunnge, & icc itt wile shæwenn ȝuw Line 15000 All forr ure allre nede. Þe Laferrd Jesu Crist tatt wass All clene off alle sinness, He toc upponn hiss hallȝhe flæsh, Forr uss to ȝifenn bisne, Line 15005 Þatt clennsinng þatt Godd haffde sett Onnȝæn Adamess sinne;

Forr he le¯¯t hise kinness menn Hiss shapp himm ummbeclippenn, Rihht o þatt daȝȝ þatt he wass her Line 15010 Off ehhte daȝhess elde, Alls iff he wære an sinnfull mann Þatt wære himm ned to clennsenn. & ȝiff þu takesst mikell gom To follȝhenn Cristess bisne, Line 15015 To follȝhenn & to fillenn her Gladdliȝ wiþþ all þin mahhte All þatt tatt Drihhtin hafeþþ sett Cristene mann to follȝhenn, Þa takesst tu, þatt witt tu wel, Line 15020 U¯¯t off þe sexte time Stafflike drinnch god to þin lif & to þin sawle baþe, Þatt maȝȝ þe mikell gengenn her To winnenn Cristess are, Line 15025 Alls iff þu drunnke waterrdrinnch U¯¯t off þe sexte fe¯¯tless, Þatt maȝȝ þe slekkenn wel þin þirrst, Ȝiff þatt iss þatt te þirrsteþþ· & ȝiff þu þiss þurrh Haliȝ Gast Line 15030 Deplikerr unnderrstanndesst, Þatt Cristess hird o Domess daȝȝ [col 346] Shall ummbeshorenn wurrþenn Þurrh Cristess are & þurrh ærist Swa þwerrt [u¯¯t] wel wiþþ alle, Line 15035

Line 15035 & clennsedd all þwerrt u¯¯t swa wel Off iwhillc unnclænnesse, Þatt næfre ma ne shall itt ben O nane wise filedd Fra þeþennforþ, fra Domess daȝȝ, Line 15040 Fra þatt itt wurrþeþþ clennsedd & ummbeshorenn þurrh Drihhtin I bodiȝ & i sawle, Uppo þe lattste daȝȝ þatt uss Þehhtennde daȝȝ bitacneþþ, Line 15045 Forr all þiss middellærdess ald Bi seffne daȝhess erneþþ, Þehhtennde daȝȝ iss Domess daȝȝ Þa Cristess hird shall wurrþenn Þurrh Cristess are & þurrh ærist Line 15050 Off alle sinness clennsedd, Ȝiff þatt tu þurrh gastlike witt Sest tiss & unnderrstanndesst, Þa takesst tu gastlike witt Off staffliȝ witeȝhunnge, Line 15055 & drinnkesst ta þatt win þatt iss U¯¯t off þe waterr wharrfedd, Þatt win þatt turrnenn maȝȝ þi þohht Þurrh gastliȝ drunnkennesse All fra þe werrldess lufe & lusst Line 15060 & fra þe flæshess wille, To follȝhenn aȝȝ anwherrfeddleȝȝc To winnenn heffness blisse. Þa fe¯¯tless wærenn alle off stan Forr þatt teȝȝ sholldenn tacnenn, Line 15065

Line 15065 Þatt illc an time filledd wass Off haliȝ witeȝhunnge Off ure Laferrd Jesu Crist & off hiss hallȝhe come. Forr Jesu Crist iss wiss þurrh stan Line 15070 O fele bokess tacnedd, Forr Crist iss strang, & stedefasst, & findiȝ, & unnfakenn, Till alle þa þatt lufenn himm & hise laȝhess haldenn. Line 15075 Þa fe¯¯tless tokenn, seȝȝþ Goddspell, Twinne mett, oþerr þrinne, Forr þatt teȝȝ sholldenn tacnenn uss Þærþurrh — þatt illc an time Off haliȝ witeȝhunnge wass Line 15080 All filledd þurrh profetess, Þatt off þe Faderr heffness king & off hiss Sune spækenn, & tokenn þærwiþþ twinne mett I þeȝȝre witeȝhunnge. Line 15085 & eȝȝwhær þær þeȝȝ writenn uss I þeȝȝre wi˘teȝhunnge Ohht off þe Faderr heffness king, & off hiss Sune baþe, & off þatt Hallȝhe Frofre Gast Line 15090 [col 347] Þatt cumeþþ off hemm beȝȝenn, Þær tokenn þeȝȝ wiþþ þrinne mett I þeȝȝre witeȝhunnge.

& eȝȝwhær þær þeȝȝ spækenn ohht Off þatt te Laferrd shollde Line 15095 Himm chesenn an Crisstene follc Off twinne kinne þede, Þatt iss off Judewisshe þed & off hæþene lede, Þær tokenn þeȝȝ wiþþ twinne mett Line 15100 I þeȝȝre witeȝhunnge. & eȝȝwhær þær þeȝȝ spækenn ohht Off þatt te Laferrd shollde Forrwerrpenn all Judisskenn follc Full neh forr þeȝȝre sinne, Line 15105 & takenn wiþþ hæþene led Þurrh hise Lerninngcnihhtess, Wiþþ þatt hæþene þed tatt wass All strenedd her to manne Þurrh Sæm, & Kam, & þurrh Jafæþ, Line 15110 Þatt Noþess suness wærenn, Þær tokenn þeȝȝ wiþþ þrinne mett I þeȝȝre witeȝhunnge. Þa sexe fetless, alls uss seȝȝþ Þe Goddspellwrihhte, wærenn Line 15115 Swillke summ þatt Judisskenn follc Wass wunedd i þatt time To wasshenn offe þeȝȝre lic, To clennsenn hemm þatt wise. Boc seȝȝþ þatt tatt Judisskenn follc Line 15120 Wass wunedd i þatt time To wasshenn offte þeȝȝre lic Wiþþ waterr all wiþþutenn,

To clennsenn þeȝȝre bodiȝ swa Off all þe bodiȝ sinne. Line 15125 Acc þatt wass all, þatt witt tu wel, Unnnitt & idell dede, Forr þohh þeȝȝ wesshenn þeȝȝre lic Wiþþ waterr all wiþþutenn, Ne mihhtenn þeȝȝ nohht clennsenn swa Line 15130 Þe flæsh off hire sinne. Forr whase wile clennsenn ohht Hiss flæsh off aniȝ sinne, Himm birrþ himm clennsenn [witt tu wel] Wiþþ shriffte & wiþþ dædbote, Line 15135 & innwarrdliȝ biwepenn itt Off þatt itt ohht wass filedd, & blinnenn itt fra þeþennforþ To filenn hise þannkess. & witt tu wel þatt nollde nohht Line 15140 Þe Goddspellwrihhte mælenn, Off þatt te Judewisshe follc Hemm wesshenn swa wiþþutenn Off swillke fe¯¯tless, ȝiff þatt he Ne wisste whatt itt shollde Line 15145 Bitacnenn eȝȝþerr hemm & uss To sen & tunnderrstanndenn. Itt tacneþþ till Judisskenn follc, Þatt all þatt witeȝhunnge Þatt hallȝhe witess wri˘tenn hemm Line 15150 Inn alle þeȝȝre timess Wass hemm bitahht þurrh Godd, forr hemm To clennsenn & to bæwenn

Off all þatt teȝȝ missdidenn þa Wiþþ bodiȝ & wiþþ sawle. Line 15155 [col 348] & uss itt tacneþþ, þatt uss maȝȝ Full wel inn ure time All Godess lare off eȝȝþerr boc, Off þalde & off þe newe, Clennsenn off all þatt ifell iss, Line 15160 Ȝiff þatt wet¯¯ wilenn follȝhenn, & innwarrdlike & illke daȝȝ Anndȝætenn ure sinness, & lofenn Godd, & wurrþenn Godd, & lufenn Godd & þewwtenn. Line 15165 Forr baþe tacneþþ uss Judew Þatt word onn Ennglissh spæche, Þatt uss birrþ lofenn Godd, & rihht Anndȝætenn ure sinness.

Crist badd ta birrless ganngenn till, Line 15170 & fillenn here fe¯¯tless Off waterr, forr he wollde uss don To sen & tunnderrstanndenn, Þatt all þatt witeȝhunnge wass Þurrh himm onn erþe cwiddedd Line 15175 Þatt witess haffdenn writenn ær Off himm & off hiss come. & nollde nohht te Laferrd Crist Att tatt bridaless sæte

Hemm wirrkenn win inoh off nohht, Line 15180 Þatt wære himm lihht to forþenn, Acc wollde off waterr wirrkenn win, Forr þatt he wollde tacnenn, Þatt he ne wass nohht wurrþenn mann Bitwenenn menn onn erþe Line 15185 Forr to forrwerrpenn aniȝ lott Off Moysæsess lare, Noff all þatt witeȝhunngeboc Þatt witess haffdenn cwiddedd, Acc forrþi þatt he wollde itt all Line 15190 Don hise Lerninngcnihhtess Þurrh Haliȝ Gastess hallȝhe witt Gastlike tunnderrstanndenn, & siþþenn all to fillenn itt Gastlike þurrh hiss hellpe. Line 15195 & tatt fulluhht, þatt Sannt Johan Bapptisste ȝaff þe lede I waterr ane, maȝȝ full wel Ben þurrh þatt waterr tacnedd, Þatt warrþ i Cana Galile Line 15200 Till win þurrh Cristess mahhte, Forr þatt fulluhht wass turrnedd all Þurrh Jesu Cristess come All fra þe waterr inntill win, Inntill þrowwinnge & pine Line 15205 Þatt wel maȝȝ tacnedd ben þurrh win, Þatt witt tu wel to soþe, Forr pine iss sur & biteþþ wiþþ & cwennkeþþ erþliȝ kinde,

Ȝiff þatt te pine iss lang & strang, Line 15210 & swillc iss winess kinde, Ȝiff þatt iss þatt mann drinnkeþþ itt [col 349] Att oferrdon, itt cwennkeþþ· All þuss wass Johaness fulluhht Wel þurrh þatt waterr tacnedd Line 15215 Þatt warrþ i Cana Galile Till win þurrh Cristess mahhte. Forr þatt birrþ follȝhenn sone anan, Son summ þe mann iss fullhtnedd, Þatt he be bun forrþrihht anan Line 15220 To þolenn dæþess pine, All forr þe lufe off Jesu Crist & forr þe rihhte læfe. & all forrþi wass dæþess drinnch Allræresst brohht & birrledd Line 15225 Till þatt Johan off alle þa Þatt turrndenn hemm till Criste, Till fulluhht & till Crisstenndom & till þe rihhte læfe. & tatt bridaless hus wass all Line 15230 Wiþþ þrinne bennkess bennkedd; Forr þær wass an bennkinnge lah & itt wass ferr fra waȝhe, & oþerr wass abufenn þatt & summ del ner þe waȝhe, Line 15235 & þridde wass abufenn þatt & itt wass bi þe waȝhe.

& þurrh þa þre bennkinngess iss All Cristess hird bitacnedd, Þatt iss i Crisstenndom alls itt Line 15240 Inn an bridale wære. & itt iss dæledd all o þre, O þrinne kinne lede, & niss nan off þa þrinne þed Wiþþ oþerr efennmete, Line 15245 Forr an iss heh, & oþerr lah, & þridde iss allre laȝhesst. Þe maste lott tatt heȝhesst iss Iss þatt lærede genge, Þatt iss ȝuw sett abufenn ȝuw Line 15250 To ȝemenn & to lærenn, To spellenn ȝuw off Crisstenndom, To shrifenn ȝuw & huslenn, To birrȝenn ȝuw i kirrkegærd, To biddenn forr þe sawle. Line 15255 Þiss lott off all Crisstene follc Iss heȝhesst unnderr Criste, Forr itt iss sett her att te ster To sterenn baþe þoþre. Þatt oþerr lott iss all þatt follc Line 15260 Þatt lifeþþ i clænnesse, I maȝȝþhad & i widdwesshad I minnstress & i tuness. Þiss lott iss heh biforenn Godd, Forr þatt itt here onn erþe Line 15265 Stannt inn to follȝhenn enngleþed Þurrh soþ clænnessess bisne.

Þatt forrme, þatt iss att te ster To ȝemenn baþe þoþre, Þatt lott iss heȝhesst, forr þatt itt Line 15270 Her follȝheþþ soþ clænnesse, & iss þær tekenn att te ster To ȝemenn baþe þoþre. Þe þridde lott iss all þatt follc Þatt wiþþ weddlac iss bundenn; Line 15275 Þiss follc iss laȝhesst, & tiss lott Addleþþ þe læste mede, Forr þatt teȝȝ h fenn allre masst Off þeȝȝre flæshess wille, & tohh swa þehh, ȝiff þeȝȝ weddlac Line 15280 Rihht laȝhelike follȝhenn, Þeȝȝ addlenn unnderr Crisstenndom To brukenn eche blisse.

[col 350] Þatt allderrmann, þatt heȝhesst wass Att tatt bridale settledd, Line 15285 Wass sett forr to bitacnenn uss Þe Laferrd Cristess posstless, Þatt wærenn heȝhesst unnderr Crist I þiss bridaless sæte, Inn ure Crisstenndom, þatt wass Line 15290 Þurrh þatt bridale tacnedd. & hemm wass brohht i Crisstenndom Gastlike witt onn hæfedd,

All all swa summ þatt win wass brohht Þatt allderrmann allræresst. Line 15295

& Cristess posstless nisstenn nohht Allræresst tatt teȝȝ mihhtenn Eȝȝwhær o witeȝhunnge writt Gastlike lare findenn, All all swa summ þatt allderrmann Line 15300 Att tatt bridaless sæte Ne wisste nohht off whatt tatt win Wass wrohht tatt mann himm brohhte, Þatt wass swa swiþe god tatt he Forrwunndredd wass þæroffe; Line 15305 Forr gastliȝ witt iss swiþe god & halsumm to þe sawle. Acc hallȝhe wi˘tess wisstenn wel & wel þeȝȝ unnderrstodenn, Þatt teȝȝre witeȝhunnȝe wass Line 15310 Gastlike tunnderrstanndenn. & tatt wass uss bitacnedd wel, Þurrh þatt te birrless wisstenn All hu þatt ȝode winess drinnch Wass u¯¯t off waterr wharrfedd. Line 15315 Crist badd hemm berenn firrst tatt win Till þallderrmann to drinnkenn, & Crist ȝaff þatt þurrh Haliȝ Gast, Þatt hise Lerninngcnihhtess Onnfengenn gastliȝ wittess drinnch Line 15320 Eȝȝwhær o witeȝhunnge.

Þatt allderrmann drannc off þatt win Þatt wass off waterr wharrfedd, & itt himm þuhhte swiþe god, & toc to clepenn sone Line 15325 Uppo þatt oþerr hæfedd mann Þatt wass bridgume, & seȝȝde; Illc mann firrst brinngeþþ forþ god win, & siþþenn he biginneþþ To brinngenn forþ summ werrse win, Line 15330 Son summ þe follc iss drunnkenn. Þatt allderrmann bitacneþþ uss Þe Laferrd Cristess posstless, & ure Laferrd Crist wass uss [col 351] Þurrh þatt bridgume tacnedd; Line 15335 & Cristess hird, Crisstene follc Iss Cristess brid onn erþe. & Cristess posstless off þatt teȝȝ Gastlike lare fundenn Eȝȝwhær onn haliȝ bokess writt Line 15340 Full bliþe & glade wærenn, & stodenn inn to þannkenn Crist Wiþþ muþ & ec wiþþ herrte, Þatt he þeȝȝm ȝaff þurrh Haliȝ Gast Gastlike tunnderrstanndenn Line 15345 Off haliȝ witeȝhunngess writt Þe depe diȝhellnesse, & seȝȝdenn þuss till þeȝȝre Crist I þeȝȝre clene þohhtess;

Illc mann firrst brinngeþþ forþ god win, Line 15350 & siþþenn he biginneþþ To brinngenn forþ summ werrse win, Son summ þe follc iss drunnkenn. & tiss wass seȝȝd alls iff þeȝȝ þuss Wiþþ oþre wordess seȝȝdenn, Line 15355 Þe defell & te defless þeww Þeȝȝ ȝifenn menn to drinnkenn, Acc nohht tatt wise þatt tu dost, Allmahhtiȝ Godd off heffne. Þeȝȝ ȝifenn firrst te gode win; Line 15360 Forr þeȝȝre firrste lare Iss haliȝ lare, & soþ, & rihht, & halsumm forr to lernenn, Forr swa to draȝhenn follc upponn To follȝhenn þeȝȝre lare. Line 15365 & siþþenn don þeȝȝ falls & flærd Amang þe gode lare, & all biswikenn swa þe follc Þurrh þeȝȝre laþe wiless, Þurrh þatt teȝȝ don hemm falls & flærd Line 15370 To lefenn & to follȝhenn Amang þe rihhte lare off Godd & off þe rihhte læfe. & affterr þatt teȝȝ hafenn all Wharrfedd te wrecche lede Line 15375 Þurrh þeȝȝre laress attredd win Inntill swillc drunnkennesse, Þatt teȝȝ ne cunnenn nan innsihht Noff Godd, noff Godess lare,

Þæraffterr ȝifenn þeȝȝ þe follc Line 15380 Ȝe¯¯t werrse win to drinnkenn, Forr siþþenn iss all þeȝȝre spell Shir atter & shir galle Till alle þa þatt herrcnenn itt & follȝhenn itt & fillenn. Line 15385 Forr all itt iss þwerrt u¯¯t ȝæn Godd & ȝæn Goddspelless lare; & all itt iss rihht dæþess drinnc & defless drunnkennesse; & all itt maȝȝ þe wrecche follc Line 15390 Forrblendenn & bididdrenn, To shædenn hemm fra Godess hird & fra þe blisse off heffne, To draȝhenn hemm till hellegrund To dreȝhenn hellepine. Line 15395 Þuss birrleþþ defell & hiss þeww Aȝȝ werrse & werrse drinnchess, & att te lattste drunncnenn þeȝȝ Þa wrecchess, þatt hemm trowwenn, [col 352] Inn hefiȝ sinness depe wel, Line 15400 & draȝhenn hemm till helle.

& tu, lef Laferrd Jesu Crist, Ne shennkesst nohht tatt wise, Ne birrlesst tu nowwþerr þin hird Ne swa, ne swillke drinnchess, Line 15405

Line 15405 Forr þu þeȝȝm birrlesst lifess drinnch Þurrh lare & ec þurrh bisne. Þin forrme win iss swiþe god, Þin lattre win iss bettre; Forr all itt wharrfeþþ þe þin hird Line 15410 Þurrh gastliȝ drunnkennesse Fra werelldshipess lufe & lusst & fra þe flæshess wille, To follȝhenn aȝȝ anwherrfeddleȝȝc To winnenn heffness blisse. Line 15415 Her iss þe defell & hiss þeww, Forr eȝȝþerr follȝheþþ oþerr, To birrlenn firrst te swete win & siþþenn bitterr galle, Her iss here eȝȝþerr nemmnedd mann Line 15420 & nohht forr nane gode, Acc forr þeȝȝ baþe tæchenn menn To follȝhenn flæshess lusstess; Forr mann iss flæsh þær þær he doþ Þe flæshess fule wille, Line 15425 & mann iss gast þær þær he doþ Þe sawless clene wille. & off þiss illke seȝȝde þuss Daviþþ þe Sallmewrihhte Till defless þewwess, þatt he sahh Line 15430 Þe flæshess wille follȝhenn; Ȝe shulenn deȝenn all se menn; Forr þiss iss tunnderrstanndenn Alls iff he seȝȝde þuss till hemm Wiþþ all full openn spæche; Line 15435

Line 15435 Ȝe shulenn deȝenn ifel dæþ To dreȝhen helle pine, Forr þatt ȝe follȝhenn i þiss lif All ȝure flæshess wille. Þuss mæleþþ Cristess hird wiþþ Crist Line 15440 I þeȝȝre clene þohhtess, To þannkenn himm i clene þohht Hiss æddmodnessess hellpe, Þatt he þeȝȝm hafeþþ filledd all Wiþþ lifess drinnch onn erþe, Line 15445 Þurrh haliȝ bokess gastliȝ witt Þatt he þeȝȝm hafeþþ oppnedd.

& tatt te Goddspellwrihhte seȝȝþ, Þatt ure Laferrd wrohhte Þatt win i Cana Galile Line 15450 Þe firrste off hise tacness, Þatt seȝȝþ he forrþi þatt itt wass Þe firrste off Cristess tacness, Off þa þatt he bitwenenn menn I mennisscnesse wrohhte. Line 15455 [col 353] Forr nass itt nohht te firrste mahht Off þa þatt ure Laferrd Wiþþ Faderr & wiþþ Haliȝ Gast I Goddcunndnesse wrohhte. Forr Godd shop all þe werrld off nohht, Line 15460 An wunnderrlike takenn,

& all þatt i þe werelld iss Off alle kinne shaffte All shop Drihhtin, þatt witt tu wel, Þurrh wunnderrlike takenn. Line 15465 & tatt he wirrkeþþ illke ȝer Swa fele kinne wasstmess Off gresess, & off tres, & ec Off alle cwike shafftess, Þatt doþ uss illke ȝer to sen Line 15470 Drihhtiness miccle tacness. Acc forrþi þatt mann illke ȝer Hemm seþ onn ane wise, Forrþi mann læteþþ litell off To wunndrenn ohht tæronne. Line 15475 & forrþi toc þe Laferrd Crist To shæwen newe tacness Whil þatt he wass bitwenenn menn Inn ure mennisscnesse, Forr þatt mann shollde himm wunndrenn onn, & follȝhenn himm þe bettre, Line 15481 To winnenn lott inn heffness ærd Off eche lifess blisse. & hise Lerninngcnihhtess þær Att tatt bridaless sæte Line 15485 Tokenn to lefenn uppo Crist & onn hiss Goddcunndnesse, Tokenn to trowwenn þatt he wass Allmahhtiȝ Godd off heffne, Þurrh þatt tatt teȝȝ himm sæȝhenn þær Line 15490 Þatt miccle takenn wirrkenn,

I þatt he þær biforenn hemm God win off waterr wrohhte. Þuss wrohhte þær þe Laferrd Crist Mang menn hiss firrste takenn, Line 15495 & affterr þatt he wrohhte ma All att hiss lefe wille.

Þe blinde ȝaff he wel to sen, & hallte wel to ganngenn, & dumbe menn & dæfe he ȝaff Line 15500 To spekenn wel & herenn. & off þe micclelic att himm Well fĕle tokenn hæle; & ta þatt fellenn o broþþfall Þeȝȝ tokenn att himm hæle; Line 15505 & he draf u¯¯t off wode menn Defless, & ȝaff hemm hæle; & þurrh hiss mahht he dide menn To risenn upp off dæþe; He fedde fif þusennde menn Line 15510 Wiþþ fife barrliȝ lafess; & ec he ȝede uppo þe sæ, All alls itt wære onn erþe; He þratte stirne wind o sæ & itt warrþ stille & liþe; Line 15515 An wif, þatt wass þurrh blodess flod Well ner all brohht to dæþe, Þurrh þatt ȝho ran upponn hiss claþ Warrþ hal off hire unnhæle.

All þuss & tuss he dide god Line 15520 [col 354] Amang Judisskenn lede, Amang þatt illke laþe follc Þatt he wass borenn offe. & tohh swa þehh þeȝȝ tokenn himm Wiþþutenn hise gillte, Line 15525 & cwaldenn himm o rodetre Þurrh þeȝȝre depe sinne. & itt comm hefiȝlike onn hemm Þurrh Godess rihhte wræche, Onn alle þa þatt nohht nass off Line 15530 To betenn ohht tatt sinne. & Godd Allmahhtiȝ ȝife uss swa To betenn ure sinness, & swa to lefenn uppo Crist & swa to don hiss wille, Line 15535 Þatt heffness ȝate uss openn be Att ure lifess ende.

Amæn;·

SECUNDUM JOHANNEM XXIIII.

Prope erat Pasca Judeorum & ascendit Ihc Jerosolimam & invenit in templo vendentes oves & boves & columbas.

Affterr þatt tatt te Laferrd Crist Þe waterr haffde wharrfedd Till win i Cana Galile Line 15540 Þurrh hiss goddcunnde mahhte, Þæraffterr, alls uss seȝȝþ Goddspell, Fór he wiþþ hise posstless Inntill an oþerr tun þatt wass Cafarrnaum ȝehatenn. Line 15545 & Sannte Marȝe hiss moderr comm Wiþþ himm inntill þatt chesstre, & hise breþre comenn ec Wiþþ himm & wiþþ hiss moderr. & tær bilæf þe Laferrd ta Line 15550 Wiþþ hemm acc nawihht lannge, Forr þatt Judisskenn Passkedaȝȝ Þa shollde cumenn newenn. & Crist fór þa till Ȝerrsalæm, Swa summ þe Goddspell kiþeþþ, Line 15555 & he fand i þe temmple þær Well fele menn þatt saldenn Þærinne baþe nowwt & shep, & ta þatt saldenn cullfress; & menn att bordess sætenn þær Line 15560 Wiþþ sillferr forr to lenenn.

& Crist himm wrohhte an swepe þær [col 355] All alls itt wære off wiþþess, & draf hemm alle samenn u¯¯t, & nowwt & sowwþess alle; Line 15565 & all he warrp u¯¯t i þe flor Þe bordess & te sillferr. & affterr þatt he seȝȝde þuss Till þa þatt saldenn cullfress; Gaþ till, & bereþþ heþenn u¯¯t Line 15570 Whattlike þise þingess; Ne birrþ ȝuw nohht mi Faderr hus Till chepinngboþe turrnenn. & hise Lerninngcnihhtess þær Þohhtenn & unnderrstodenn, Line 15575 Þatt tær wass filledd þa þurrh himm & inn hiss hallȝhe dede Þatt, tatt te Sallmewrihhte seȝȝþ Upponn hiss hallȝhe sallme; Ha¯¯t lufe towarrd Godess hus Line 15580 Me biteþþ i min herrte. & sume off þa Judisskenn menn, Þatt herrdenn whatt he seȝȝde & sæȝhenn whatt he dide þær, Himm ȝæfenn sware, & seȝȝdenn; Line 15585 Whatt tákenn shæwesst tu till uss Þatt dost tuss þise dedess? & ure Laferrd Jesu Crist Hemm ȝaff anndswere, & seȝȝde;

Unnbindeþþ all þiss temmple, & icc Line 15590 Itt i þre daȝhess reȝȝse. & ta Juþewess ȝæfenn himm Anndswere onnȝæn, & seȝȝdenn; Fowwerrtiȝ winnterr ȝedenn forþ & ȝe¯¯ tær tekenn sexe, Line 15595 œr þann þiss temmple mihhte ben Fullwrohht & all fullforþedd, & tu darrst ȝellpenn þatt tu mihht Itt i þre daȝhess reȝȝsenn? & Jesu Crist ne seȝȝde nohht Line 15600 Þatt word off þeȝȝre temmple, Acc off hiss bodiȝ temmple he spacc, & teȝȝ itt nohht ne wisstenn. & affterr þatt te Laferrd Crist Wass risenn upp off dæþe, Line 15605 Þe posstless þohhtenn off þiss word, & ta þeȝȝ unnderrstodenn, Þatt teȝȝre Laferrd haffde seȝȝd Þatt word all off himm sellfenn, Off þatt he wollde þolenn dæþ Line 15610 Forr all mannkinne nede, & tatt he wollde risenn upp Þe þridde daȝȝ off dæþe. & Crist wass o þe Passkedaȝȝ I Ȝerrsalæmess chesstre, Line 15615 & wrohhte þær biforr þe follc Well fĕle miccle tacness. & fĕle off þa þatt sæȝhenn þær Þa tacness þatt he wrohhte

Bigunnenn sone anan onn himm Line 15620 To lefenn & to trowwenn. Acc Jesu Crist ne le¯¯t himm nohht [col 356] Þohhwheþþre i þeȝȝre walde, Forr þatt he cnew hemm alle wel & alle þeȝȝre þohhtess, Line 15625 & forr þatt himm nass rihht nan ned Þatt aniȝ mann himm shollde Ohht shæwenn off all þatt, tatt wass All dærne i manness herrte; Forr all þatt wass inn iwhillc mann Line 15630 He sahh, & cnew, & cuþe. Her endeþþ nu þiss Goddspell þuss & uss birrþ itt þurrhsekenn, To lokenn whatt itt læreþþ uss Off ure sawle nede. Line 15635

Þatt Jesu Crist stah dun inntill Cafarrnaumess chesstre, & u¯¯t off Cana Galile Wiþþ moderr & wiþþ breþre, & ec wiþþ posstless, þatt wass don Line 15640 Forr mikell þing to tacnenn. Itt tacneþþ, alls uss seȝȝþ soþ boc, & wel itt birrþ uss trowwenn, Þatt Godess Sune off heffne stah Þurrh wunnderrliȝ mecnesse, Line 15645

Line 15645 & þurrh ha¯¯t herrtess lufe & lusst Þatt he till mannkinn haffde, To flittenn menn till heffness ærd U¯¯t off þe defless walde. Forr ȝiff þu Cana Galile Line 15650 Till Ennglissh spæche turrnesst, Þa tacneþþ itt ha¯¯t herrtess lusst To ferrsenn & to flittenn. & þurrh ha¯¯t herrtess lufe & lusst Wass Godess Sune flittedd Line 15655 Inntill þiss middellærdess burrh, To wurrþenn mann onn erþe. [col 357] & he comm till Cafarrnaum Whanne he comm dun till erþe, Forr affterr þatt soþ boc uss seȝȝþ Line 15660 Cafarrnaum bitacneþþ Golike tun, & scone tun & faȝȝerr to bihaldenn, & swillc iss all þiss middellærd Golike, & scone, & faȝȝerr Line 15665 Till alle þa þatt lufenn itt; Forr hemm itt þinnkeþþ scone, Forrþi þatt teȝȝ ne þennkenn nohht Off heffness ærdess blisse, & forrþi þinnkeþþ hemm full god Line 15670 & luffsumm her to libbenn, To follȝhenn þeȝȝre flæshess lusst I maniȝ kinne sinne.

& Crist comm till Cafarrnaum Wiþþ moderr & wiþþ breþre, Line 15675 & ec wiþþ Lerninngcnihhteflocc; & tatt wass forr to tacnenn, Þatt he wass cumenn hiderr dun To takenn here onn erþe Moderr, & oþre kinness menn Line 15680 Upponn hiss moderr hallfe, & posstless forr to follȝhenn himm, & oþre Lerninngcnihhtess. Þe Goddspellwrihhte Sannt Johan Her nemmneþþ Cristess breþre Line 15685 Þatt lott off menn, þatt wass himm sibb I mennisscnessess kinde, Þatt wass till Crist ȝe¯¯ ner bitahht Þan hise posstless wærenn; Forr þatt teȝȝ wærenn off hiss kinn Line 15690 & tærþurrh nerre breþre. & tohh swa þehh þe Laferrd Crist, Þurrh sellcuþ æddmodnesse, Inn oþre stokess nemmneþþ wel Þa posstless hise breþre, Line 15695 Þatt nohht ne wærenn off hiss kinn I mennisscnessess kinde. & he þeȝȝm nemmneþþ swa þurrh hiss Unnseȝȝenndliȝ godnesse; Forr þatt he þeȝȝm i Crisstenndom Line 15700 To breþre chosenn haffde. & alle þa þatt follȝhenn rihht Þe Crisstenndom onn erþe,

Þurrh clene þohht, þurrh clene word, Þurrh clene læfe & dede, Line 15705 Þeȝȝ alle samenn, seȝȝþ soþ boc, Weppmenn & wifmenn baþe Sinndenn till ure Laferrd Crist Full dere breþre & susstress, Forr þatt teȝȝ hafenn forþ wiþþ himm Line 15710 An Faderr upp inn heffne, Þurrh þatt he chæs hemm i þiss lif To wurrþenn hise chilldre, Þurrh fulluhht, & þurrh Crisstenndom, & þurrh þe rihhte læfe, Line 15715 Ȝiff þatt teȝȝ æfre stanndenn inn To follȝhenn all hiss wille. Acc Crist iss Godess Sune, all an Wiþþ Godd i Goddcunndnesse, & wiþþ hiss Faderr efennheh Line 15720 & efennmete i mahhte, & all an kinde Allmahhtiȝ Godd, Þatt alle shaffte wrohhte. & swa ne maȝȝ nan oþerr ben, Ne Jesu Cristess broþerr, Line 15725 Ne Godess Sune all an wiþþ Godd I Goddcunndnessess kinde; Acc þa þatt ȝerne stanndenn inn To follȝhenn Godess wille, Þeȝȝ sinndenn till þe Laferrd Crist Line 15730 Full dere breþre & susstress, & Godess chilldre i þatt tatt teȝȝ Wel follȝhenn Godess wille.

Forr þa þatt follȝhenn Cristess sloþ Þeȝȝ sinndenn Godess chilldre, Line 15735 & ta þatt follȝhenn defless raþ Þeȝȝ sinndenn defless chilldre.

Þatt Crist fór inntill Ȝerrsalæm Þe Passkedaȝȝ to frellsenn, [col 358] Þatt dide he þa la fuliwis Line 15740 Forr uss to ȝifenn bisne, Þatt uss birrþ alle stanndenn inn To frellsenn & to wurrþenn Þa messedaȝȝess, þatt te prest Uss bédeþþ wel to frellsenn. Line 15745 & ec he fór till Ȝerrsalæm, Forr þatt he full wel wisste Þatt tær wass sammnedd mikell follc Þatt heȝhe daȝȝ to frellsenn, & forrþi þatt he wollde þær Line 15750 Hiss Goddcunndnesse shæwenn, Þurrh þatt he wollde wirrkenn þær Summ hefennlike takenn Biforenn all þatt miccle follc Þatt tær wass þanne sammnedd, Line 15755 To turrnenn hemm till Crisstenndom & till þe rihhte læfe. & Crist fór ec till Ȝerrsalæm To don uss tunnderrstanndenn Þatt uss iss swiþe mikell god Line 15760 To swinnkenn ferr till hallȝhenn,

Ȝiff þatt we don itt all þwerrt u¯¯t Forr lufe off Godess hallȝhenn, & forr to swennchenn ure lif To betenn ure sinness, Line 15765 & ȝiff we ledenn haliȝ lif & clene inn all þatt weȝȝe, & siþþenn aȝȝ fra þeþennforþ All þess te bettre uss ȝemenn Fra werelldshipess oferrgarrt, Line 15770 & fra þe depe sinness.

Twa si˘þe fór þe Laferrd Crist Till Ȝerrsalæmess chesstre Onnȝæn þe Passkemessedaȝȝ To shæwenn hise tacness, Line 15775 Ann siþe uppo þe firrste ȝer Þatt he bigann to spellenn, & efft upponn hiss lattste ȝer Whanne he comm þær to tune, To þolenn dæþ o rodetre Line 15780 Forr all mannkinne nede. & u¯¯t off Godess temmple he draf Chappmenn att eȝȝþerr time. Menn saldenn þære nowwt & shep & cullfress i þe temmple, Line 15785 & illkess kinness oþerr þing Þatt menn þær sholldenn offrenn; & tatt wass þurrh þe prestess don Þurrh þeȝȝre grediȝnesse,

Forr þatt menn sholldenn cumenn forþ Line 15790 & offrenn þess te mare, Þurrh þatt menn sholldenn findenn itt All rædiȝ þær to biggenn. & menn wiþþ sillferr sætenn þær To lenenn itt te lede, Line 15795 Þatt sillferr wære rædiȝ þær Till þa þatt wolldenn offrenn, & ec till þa þatt wolldenn ohht Biggenn till þeȝȝre lakess; & þurrh þe prestess wære þeȝȝ Line 15800 Sette to lenenn sillferr. Þatt Crist himm wrohhte an swepe þær All alls itt wære off wiþþess, & draf hemm alle samenn u¯¯t & nowwt & sowwþess alle, Line 15805 & tatt he warrp u¯¯t i þe flor Þe bordess & te sillferr, [col 359] Þatt dide he forr to don hemm swa To sen & tunnderrstanndenn Whatt læn þeȝȝ sholldenn unnderrfon Line 15810 Att Godd forr swillke dedess. Þe Laferrd wrohhte an swepe þær All alls itt wære off wiþþess, To tacnenn þatt hemm ȝarrkedd wass Stranng pine i defless wiþþess, Line 15815 Forr þatt teȝȝ turrndenn Godess hus Inntill huccsteress boþe.

Þeȝȝ wrohhtenn rap þurrh sinnfull lif To draȝhenn hemm till helle, Þurrh þatt teȝȝ bundenn woh till woh Line 15820 & sinness uppo sinness; & tatt wass hemm bitacnedd wel Þurrh Jesu Cristess wiþþess. & ȝiff þær wass swa mikell gillt To biggenn & to sellenn Line 15825 Þa þingess, þatt menn sholldenn þær Offrenn Drihhtin to lake, Inoh þær wære mare gillt To follȝhenn gluterrnesse, & drunnkennesse, & horedom, Line 15830 Þatt sinndenn fulre sinness. & ȝiff þatt Crist swa wraþeliȝ Draf menn & menness ahhte U¯¯t off þatt temmple þatt wass wrohht Off trewwess & off staness, Line 15835 Inoh he wraþþeþþ himm wiþþ menn, Ȝiff þatt he depe sinness & all þatt ifell iss & woh Findeþþ i menness herrtess, Þatt sholldenn ben hiss aȝhenn hus Line 15840 To resstenn himm þærinne. Crisstene follc iss Cristess hus & Cristess hallȝhe temmple, & ȝiff þatt iss þatt Cristess follc Hemm flitteþþ frawarrd sinness, Line 15845 & towarrd alle gode þæw & alle gode dedess,

Þa frellsenn þeȝȝ, þatt witt tu wel, Gastlike Passkemesse, Forr Passke, — ȝiff þu turrnenn willt Line 15850 Þatt word till Ennglissh spæche, Þa tacneþþ itt tatt uss birrþ aȝȝ Uss flittenn towarrd Criste. & hiderr cumeþþ Crist himm sellf Inntill Crisstene lede, Line 15855 Þurrh þatt he nimeþþ mikell gom Whatt gate illc an himm ledeþþ, All alls he comm till Ȝerrsalæm Þe Passkedaȝȝ to frellsenn. & here he drifeþþ alle þa Line 15860 U¯¯t off hiss hallȝhe lede Þatt ledenn hemm ȝæn Goddspellboc, Ȝæn Cristess laȝhe i sinne, All alls he draf inn Ȝerrsalæm U¯¯t off hiss Faderr temmple Line 15865 Þatt follc þatt he þærinne sahh Unnlaȝhelike himm ledenn; Crist drifeþþ hemm u¯¯t off hiss hird, Þurrh þatt tatt teȝȝre sinness Hemm shædenn all fra Cristess hird Line 15870 & draȝhenn hemm till helle, Butt iff þeȝȝ muȝhenn turrnenn hemm To betenn þeȝȝre gilltess. Þa nowwt tatt Jesu Crist draf u¯¯t Off Godess hallȝhe temmple Line 15875 Tacnedenn uss þatt læredd follc Þatt læreþþ wel & spelleþþ,

Acc all forr lufe off erþliȝ loff & all forr erþliȝ mede, & rihht nohht forr þe lufe off Godd, Line 15880 Noff hefennlike mede, & swillke drifeþþ Jesu Crist [col 360] U¯¯t off hiss hallȝhe temmple, Þatt iss, — u¯¯t off þatt hallȝhe flocc Þatt hise laȝhess haldeþþ, Line 15885 Forrþi þatt teȝȝ ne spellenn nohht Forr hefennlike mede, Acc all forr lufe off idell ȝellp & all forr menness spæche; Hemm drifeþþ Crist u¯¯t off hiss hird, Line 15890 Þurrh þatt tatt teȝȝre sinnes Hemm shædenn all fra Cristess hird, & draȝhenn hemm till helle, Butt iff þeȝȝ muȝhenn turrnenn hemm To betenn þeȝȝre gilltess. Line 15895 & ȝiff þu fraȝȝnesst whi þe nowwt Uss haffdenn to bitacnenn Þatt læredd follc þatt spelleþþ uss Off Godess hallȝhe lare, Her iss anndswere þær onnȝæn, Line 15900 Þatt witt tu wel to soþe; Þatt all swa summ þe nowwt i ploh Þe turrnenn erþe & tawwenn, Swa þatt itt muȝhe tăkenn wel Wiþþ sed to berenn wasstme, Line 15905

Line 15905 All swa birrþ læredd mann þurrh spell Þe mekenn all þin herrte, & turrnenn itt & tawwenn itt, & nesshenn itt & godenn, Swa þatt itt bere þess te bett Line 15910 God wasstme i gode dedess. Þa shep þatt Jesu Crist draf u¯¯t Off Godess hallȝhe temmple Tacnedenn uss þatt follc þatt her Unnshaþinesse follȝheþþ, Line 15915 & ledeþþ her full haliȝ lif Affterr þatt tatt menn wenenn; Acc itt niss nohht biforenn Godd Licwurrþiȝ lif, ne cweme. Forr all þatt tatt teȝȝ haliliȝ Line 15920 & dafftiȝlike hemm ledenn, All don þeȝȝ þatt forr erþliȝ loff & forr erþlike mede, & rihht nohht forr þe lufe off Godd, Noff hefennlike mede. Line 15925 & swillke drifeþþ Jesu Crist U¯¯t off hiss hallȝhe temmple, Þatt iss, — u¯¯t off þatt hallȝhe flocc Þatt hise laȝhess haldeþþ, Forrþi þatt teȝȝ ne don na god Line 15930 Forr hefennlike mede, Acc all forr lufe off idell ȝellp & all forr menness spæche; Hemm drifeþþ Crist u¯¯t off hiss hird Þurrh þatt tatt teȝȝre sinness Line 15935

Line 15935 Hemm shædenn all fra Cristess hird & draȝhenn hemm till helle, Bu¯¯tt iff þeȝȝ muȝhenn turrnenn hemm To betenn þeȝȝre gilltess. & ȝiff þu fraȝȝnesst whi þe shep Line 15940 Uss haffdenn to bitacnenn Þatt follc þatt here i Crisstenndom [col 361] Unnshaþiȝnesse follȝheþþ, Her iss anndswere þær onnȝæn, Þatt witt tu wel to soþe, Line 15945 Þatt shep iss all unnshaþiȝ der, & stille, & mec, & milde, & tacneþþ þa forrþi þatt her Unnshaþiȝnesse follȝhenn, & Haliȝ Gast comm uppo Crist Line 15950 Inn aness cullfress hewe, Þær he wass fullhtnedd att te flumm Þurrh Sannt Johan Bapptisste; & forrþi maȝȝ wel Haliȝ Gast Þurrh cullfre ben bitacnedd, Line 15955 Forr Haliȝ Gast comm uppo Crist Inn aness cullfress like, & ure Laferrd Jesu Crist Draf u¯¯t off Godess temmple Þa menn þatt saldenn cullfress þær, Line 15960 & ec þa þatt hemm bohhtenn. & all swa doþ he ȝe¯¯ to daȝȝ, All þwerrt u¯¯t he forrwerrpeþþ

Þa menn þatt sellenn Haliȝ Gast, & ec þa þatt itt biggenn. Line 15965 Whatt mann sitt iss þatt takeþþ her Forr hadinng aniȝ mede, He selleþþ Haliȝ Gast forr fe & biggeþþ hellepine. & wha sitt iss þatt ȝifeþþ her Line 15970 Forr hadinng aniȝ mede, He biggeþþ Haliȝ Gast wiþþ fe, & biggeþþ hellepine. & swillke drifeþþ Jesu Crist U¯¯t off hiss hallȝhe temmple, Line 15975 Þatt iss, — u¯¯t off þatt hallȝhe flocc Þatt hise laȝhess haldeþþ, Forr þatt teȝȝ Haliȝ Gastess mahht Effnenn wiþþ erþlic ahhte, Þatt mahhte þatt te Laferrd Crist Line 15980 Ȝaff hise Lerninngcnihhtess, & all forrbæd itt all mannkinn To biggenn & to sellenn.

Þiss illke mahht off Haliȝ Gast, Þatt Crist ȝaff hise þosstless, Line 15985 Iss witt & wissdom dep inoh, To spekenn & to spellenn Off all þatt tatt iss god & ned, Wiþþ alle þede spæchess. & all þiss illke ȝæfenn forþ Line 15990 Þe Laferrd Cristess posstless,

Þurrh hanndgang upponn alle þa Þatt fulluhht unnderrfengenn Att hemm unnderr þe Laferrd Crist, Wiþþ all þe rihhte læfe. Line 15995 & alle þatt tiss hallȝhe mahht Her biggenn oþerr sellenn, Hemm alle drifeþþ Jesu Crist U¯¯t off hiss hallȝhe temmple, Þatt iss, — u¯¯t off þatt hallȝhe flocc Line 16000 Þatt hise laȝhess haldeþþ; & Crist hemm drifeþþ off hiss hird, Þurrh þatt tatt teȝȝre sinness Hemm shædenn all fra Cristess follc, & draȝhenn hemm till helle, Line 16005 Bu¯¯tt iff þeȝȝ muȝhenn turrnenn hemm To betenn þeȝȝre gilltess. Þa menn þatt wiþþ þe prestess fe Þær sætenn, forr to lenenn Þa menn þatt sholldenn offrenn itt, Line 16010 Draf Crist u¯¯t off þe temmple, Forr þatt teȝȝ alle wærenn þær, Forr þatt teȝȝ sholldenn tacnenn An follc þatt iss i Crisstenndom, Þatt Drihhtin all forrwerrpeþþ, Line 16015 Þatt iss, þatt follc þatt opennliȝ Her follȝheþþ grediȝnesse, Þatt all iss turrnedd to þatt an, To winnenn affterr ahhte Onn alle wise þatt he maȝȝ, Line 16020 & bliþeliȝ wiþþ sinne,

& all forrlæteþþ Godd tærþurrh & all hiss wrecche sawle. & swillke drifeþþ Jesu Crist U¯¯t off hiss hallȝhe temmple, Line 16025 [col 362] Þatt iss, u¯¯t off þatt hallȝhe flocc Þatt hise laȝhess haldeþþ; Forrþi þatt grediȝnesse iss an Full hefiȝ hæfedd sinne, & Crist forrwerrpeþþ alle þa Line 16030 Þatt grediȝnesse follȝhenn, Swa þatt hemm þinnkeþþ lef & god To winnenn fe wiþþ sinne. & Crist hemm drifeþþ off hiss hird, Þurrh þatt tatt teȝȝre sinness Line 16035 Hemm shædenn all fra Cristess hird, & draȝhenn hemm till helle, Bu¯¯t iff þeȝȝ muȝhenn turrnenn hemm To betenn þeȝȝre gilltess. Þurrh þatt he warrp u¯¯t i þe flor Line 16040 Þe sillferr & te bordess, Þærþurrh wass uss bitacnedd wel & don wel tunnderrstanndenn Þatt, ȝiff þe mann iss Drihhtin laþ Forr hise depe sinness, Line 16045 Drihhtin forrwerrpeþþ ec hiss fe & hise lakess alle. & tiss wass don uss well to sen Þurrh Peterr, Cristess posstell, Þatt seȝȝde till an defless þeww Line 16050 Symon Driȝmann ȝehatenn,

Forr þatt he þurrh þe laþe gast Dríȝcrafftess haffde lernedd, & wollde biggenn wiþþ hiss fe Att Peterr, Crisstess posstell, Line 16055 God witt & mahht to spekenn wel Wiþþ alle þede spæchess, & seȝȝde till þe posstell þuss Þurrh currsedd grediȝnesse; Sell me, Peterr, forr erþliȝ fe Line 16060 Off Haliȝ Gast swillc mahhte, Þurrh whatt icc muȝhe spekenn wel Wiþþ alle þede spæchess, & I þe ȝife forr þiss mahht Fe mikell & unnlitell. Line 16065 & Sannte Peterr ȝaff himm þuss Anndswere onnȝæn & seȝȝde; Þin ahhte be þe laþe gast Bitahht forþ wiþþ þe sellfenn. Loc her, forrþi þatt he wass Godd Line 16070 Anndsæte & all unncweme, Forrþi forrwarrp þe posstell all Hiss fe forþ wiþþ himm sellfenn, & all bitahhte itt forþ wiþþ himm Inntill þe defless walde. Line 16075 & forrþi warrp Crist i þe flor Þe sillferr & te bordess Off þa chappmenn, þatt he forrwarrp [col 363] Forr þeȝȝre depe sinness.

& mann maȝȝ unnderrstanndenn þiss Line 16080 Ȝe¯¯t onn an oþerr wise, Þatt Crist warrp all u¯¯t i þe flor Þe sillferr & te bordess; Forr þatt wass don þurrh Jesu Crist To don uss tunnderrstanndenn, Line 16085 Patt erþliȝ þing o Domess daȝȝ Beþ all þwerrt u¯¯t forrworrpenn Þatt time, þatt all erþliȝ lif Beþ cumenn all till ende. & þurrh þatt tatt he seȝȝde þuss Line 16090 Till þa þatt saldenn cullfress; Gaþ till, & bereþþ heþenn u¯¯t Whattlike þise þingess, Ne birrþ ȝuw nohht mi Faderr hus Till chepinngboþe turrnenn, Line 16095 Þærþurrh he dide uss opennliȝ To sen & tunnderrstanndenn, Þatt ta þatt sellenn Haliȝ Gast, & ec þa þatt itt biggenn, Att fullhtninng, oþerr att hanndgang, Line 16100 Oþþr att hadinng, forr mede, Hemm addlenn swa þe maste wa Þatt aniȝ mann maȝȝ addlenn, To dreȝhenn wiþþ þe laþe gast Á butenn ende inn helle. Line 16105 & uss birrþ unnderrstanndenn þohh, Þatt Jesu Crist itt seȝȝde Till alle þa þatt he þær draf U¯¯t off hiss Faderr temmple,

Till alle þa þatt wærenn þær Line 16110 To winnenn erþlic ahhte, & nohht forr Godd i Godess hus To lofenn, ne to þewwtenn. & her þe Laferrd Jesu Crist All opennlike seȝȝde Line 16115 Þatt Godd off heffne hiss Faderr wass, & wel uss birrþ itt lefenn, Forr þær he seȝȝde to þe follc, Swa summ ȝe littlær herrdenn, Ne birrþ ȝuw nohht mi Faderr hus Line 16120 Till chepinngboþe turrnenn. Þurrh þatt he nemmneþþ Godess hus Hiss Faderr hus onn erþe, Þærþurrh he kiþeþþ wel þatt Godd Hiss Faderr iss inn heffne. Line 16125 & hise Lerninngcnihhtess þær Þohhtenn & unnderrstodenn, Þatt tær wass filledd ta þurrh Crist, & inn hiss hallȝhe dede, Þatt tatt te Sallmewrihhte seȝȝþ Line 16130 Daviþþ upponn a sallme; Ha¯¯t lufe towarrd Godess hus Me freteþþ att min herrte Ha¯¯t lufess fir, þatt witt tu wel, Iss kinndledd i þatt herrte, Line 16135 Þatt nohht niss off to nimenn gom Off naness manness eȝȝe, Acc stanndeþþ upp biforenn follc, Biforenn riche & kene,

To niþþrenn woh wiþþ all hiss mahht, Line 16140 & soþ & rihht to reȝȝsenn, & tatt all forr to cwemenn Godd & defell to wiþþstanndenn. & ȝiff þatt he ne maȝȝ nohht all Hiss gode wille forþenn, Line 16145 Himm þinnkeþþ þatt hiss herrte shall Tobresstenn neh att hanndess. & all swillc fir wass ha¯¯t inoh I Jesu Cristess herrte, Þær he ne namm þwerrt u¯¯t na gom Line 16150 Off all þe follkess eȝȝe, Acc dirrstiȝlike draf all u¯¯t Þatt follc off Godess temmple, Þatt tær wass inne unnlaȝheliȝ & sinnfullike sammnedd. Line 16155 [col 364] & tatt wass wunnderrliȝ sellcuþ, & wunnderrliȝ forrtákenn, Þatt all þatt follc wass swa forrdredd Off Crist & off hiss ȝerrde, Þatt teȝȝ ne durrstenn stanndenn nohht Line 16160 Onnȝæn himm forr hiss eȝȝe. & Crist wass þær all unncuþ ȝe¯¯t, & unnwurrþ, & unnorne, Swa þatt nan mann ne þurrfte off himm, Ne nimenn gom, ne rekkenn. Line 16165 Acc uss birrþ witenn witerrliȝ & sikerrlike trowwenn,

Þatt Cristess Goddcunndnessess lem Shan upponn all þatt lede Off hiss onndle¯¯tt, þurrh whatt teȝȝ himm Line 16170 Ne durrstenn nohht wiþþstanndenn. & tatt wass, þatt witt tu full wel, An off þa miccle tacness Þatt Godess Sune Jesu Crist I mennisscnesse wrohhte, Line 16175 Þatt he swa swiþe mikell follc Draf all u¯¯t off þe temmple, All att hiss wille wiþþ an wand, Alls itt summ wunnderr wære; & tatt swa mikell follc himm flæh Line 16180 Forr þatt he toc an ȝerrde, Swa þatt teȝȝ alle þrenngdenn u¯¯t Off all þatt miccle temmple, All alls itt wære all oferr hemm O loȝhe & all tofelle. Line 16185 Acc þatt wass Crist full æþ to don Þurrh hiss goddcunnde mahhte, Þatt all þatt æfre himm þinnkeþþ god Aȝȝ doþ all att hiss wille.

& sume off þa Judisskenn menn Line 16190 Þatt herrdenn whatt he seȝȝde, & sæȝhenn whatt he dide þær Himm ȝæfenn sware & seȝȝdenn; Whatt takenn shæwesst tu till uss Þatt dost tuss þise dedess, Line 16195

Line 16195 Þatt tuss derrflike drifesst all Þiss follc u¯¯t off þiss minnstre, & hemm & ec all þeȝȝre fe Towerrpesst & toskeȝȝresst, Alls iff þeȝȝ wærenn þine menn Line 16200 & tine þewwess alle, & teȝȝ ne cnawenn nohht off þe, Ne nohht off all þin birde? Summ takenn birrþ þe shæwenn uss To don uss tunnderrstanndenn, Line 16205 Þatt uss birrþ alle dredenn þe & buȝhenn to þin wille. & ure Laferrd Jesu Crist Hemm ȝaff anndswere, & seȝȝde; Unnbindeþþ all þiss temmple, & icc Line 16210 Itt i þre daȝhess reȝȝse. Þeȝȝ sohhtenn, summ ȝet¯¯ herrdenn nu, [col 365] Att Jesu Crist summ tákenn Forr whatt he draf swa dirrstiȝliȝ Þatt follc u¯¯t off þe temmple, Line 16215 Þatt prestess ȝæfenn lefe þær To biggenn & to sellenn. & he þeȝȝm ȝaff annswere onnȝæn & seȝȝde þuss wiþþ worde; Unnbindeþþ all þiss temmple, & icc Line 16220 Itt i þre daȝhess reȝȝse. & tatt wass seȝȝd alls iff he þuss Wiþþ oþre wordess seȝȝde;

I draf hemm u¯¯t, forr þatt I swa Þiss temmple wollde clennsenn, Line 16225 Þiss temmple þatt forrþi wass wrohht, Forr þatt itt shollde tacnenn Min bodiȝ, þatt iss all þwerrt u¯¯t Off alle sinness clene. & rihht iss þatt I clennse þuss Line 16230 Þiss hus off ȝure unnþæwess All þurrh mi Goddcunndnessess mahht, All swa summ I shall reȝȝsenn Off dæþe þurrh þatt illke mahht Þatt hus þatt itt bitacneþþ, Line 16235 To clennsenn itt þurrh min ærist Off all dæþshildiȝnesse, Þatt iss mi bodiȝ þatt shall ben Unnbundenn uppo rode Þær itt shall shædenn fra mi gast, Line 16240 All wiþþ min aȝhenn wille. & I me sellf shall reȝȝsenn itt Þe þridde daȝȝ off dæþe, Þurrh þatt Þrimmnessess hallȝhe mahht Þatt all þiss werelld wrohhte. Line 16245 & ta Juþewess ȝæfenn himm Anndswere onnȝæn, & seȝȝdenn; Fowwerrtiȝ winnterr ȝedenn forþ & ȝe¯¯ tær tekenn sexe, œr þann þiss temmple mihhte ben Line 16250 Fullwrohht & all fullforþedd, & tu darrst ȝellpenn þatt tu mahht Itt i þre daȝhess reȝȝsenn

Ȝiff þatt wet¯¯ werrpenn dun, inoh Þu leȝhesst o þe sellfenn. Line 16255 Flæshlike follc, i flæshliȝ lif Flæshlike all unnderrstodenn Þe Laferrd Cristess word, tatt wass Gastlike tunnderrstanndenn. Þeȝȝ wenndenn þatt he spæke þær Line 16260 Till hemm off þeȝȝre temmple, Þatt tær wass wrohht þurrh menness werrc Off staness & off trewwess. & Jesu Crist ne seȝȝde nohht Þatt word off þeȝȝre temmple, Line 16265 Acc off hiss bodiȝ temmple he spacc, & teȝȝ itt nohht ne wisstenn, Þatt shollde o rode þolenn dæþ Forr all mannkinne nede, & risenn upp all hal & sund Line 16270 Þe þridde daȝȝ off dæþe.

Þatt forrme temmple, þatt wass wrohht O Salomoness time, Þatt temmple wass i sexe ȝer All timmbredd & fullforþedd, Line 16275 & tatt wass all þurrh hæþenn follc Toworrpenn & toskeȝȝredd; & siþþenn wass itt timmbredd efft [col 366] Acc nohht i swa shorrt while,

Forr hefiȝ & forr sware unngriþþ Line 16280 Þatt hæþenn follc þær wrohhte. & swa þeȝȝ stodenn oþerr stund To wirrkenn o þe temmple, Þatt draȝhenn swerd wass inn an hannd, & lim & stan inn oþerr. Line 16285 & forrþi wass þær lannge to œr þann itt wass all forþedd, Forr itt wass all till ende brohht Unnæþe & all wiþþ ange, Wiþþinnenn ȝeress fowwerrtiȝ Line 16290 & ȝe¯¯t wiþþinnenn sexe. & tale off sexe & fowwerrtiȝ Bilimmpeþþ wel wiþþ alle Till Cristess hallȝhe bodiȝlich, Swa summ soþ boc uss kiþeþþ· Line 16295 Forr, swa summ Latin boc uss seȝȝþ, Þe child i moderr wambe Iss shapenn all att fowwerrtiȝ & sexe daȝhess ende; & i þatt fresst wass Cristess lich Line 16300 I Sannte Marȝe wambe Fullike shapenn all þwerrt u¯¯t Inn hise limess alle. & Cristess bodiȝ wass forrþi Þurrh Godess hus bitacnedd, Line 16305 Forr Cristess lich wass haliȝ hus Till Cristess hallȝhe sawle, Þatt lich þatt þwerrt u¯¯t shapenn wass Inn hise limess alle,

I moderr wambe att fowwerrtiȝ Line 16310 & sexe daȝhess ende; All swa summ Godess temmple wass All timmbredd & fullforþedd Wiþþinnenn ȝeress fowwerrtiȝ & ȝe¯¯ wiþþinnenn sexe. Line 16315 & forr þatt Cristess bodiȝ comm Þurrh Sannte Marȝe hiss moderr Off Adam, acc all þwerrt u¯¯t fre Off all Adamess sinne, Forrþi wass Cristess bodiȝ ec Line 16320 Þurrh Godess temmple tacnedd Þatt wass i sexe ȝeress all & fowwerrtiȝ fulltimmbredd; All all swa summ þu findenn mahht, [col 367] Ȝiff þatt tu willt itt sekenn, Line 16325 Þe tale off sexe & fowwerrtiȝ Þurrh Adam all bitacnedd.

Nu, Laferrdinngess, þiss iss seȝȝd, & tiss iss tunnderrstanndenn, Alls iff þe Laferrd seȝȝde þuss Line 16330 Till hemm þær att te temmple; Mi bodiȝ maȝȝ ben rihht full wel Þurrh ȝure temmple tacnedd, Forr ȝure temmple timmbredd wass, & all fullbrohht till ende, Line 16335

Line 16335 Wiþþinnenn ȝeress fowwerrtiȝ & ȝe¯¯t wiþþinnenn sexe. & tale off sexe & fowwerrtiȝ Iss þurrh Adam bitacnedd, Off whamm I toc mi bodiȝlich Line 16340 Acc all wiþþutenn sinne. Nu wile I, breþre, shæwenn ȝuw Hu mann birrþ unnderrstanndenn Þe tale off sexe & fowwerrtiȝ Þurrh Adam all bitacnedd. Line 16345 Adamess name Adam iss all Wiþþ fowwre stafess spelldredd. Þe firrste staff bitacneþþ an, Þatt oþerr tacneþþ fowwre, Þe þridde staff bitacneþþ an, Line 16350 & fowwerrtiȝ þe ferþe. & ȝiff þu takesst twiȝȝess an & ekesst itt till fowwre, Þu finndesst, butt a wunnderr be, Þe fulle tale off sexe; Line 16355 & tacc þu fra þe ferþe staff Þe fowwerrtiȝ togeddre, & tacc þu þe þe fowwerrtiȝ, & sett hemm bi þe sexe, & tacc þe sexe & fowwerrtiȝ, Line 16360 Off fowwre stafess sammnedd, & þurrh þa fowwre stafess iss Adamess name spelldredd. & tacc þe sexe & fowwerrtiȝ All þuss þurrh Adam tacnedd, Line 16365

Line 16365 & tacc þe Crist, & tacc Adam All an i bodiȝ kinde, & tacc hemm baþe samenn forþ, & sett hemm bi þe temmple Þurrh tale off sexe & fowwerrtiȝ Line 16370 Þatt falleþþ till hemm alle. Forr Jesu Cristess bodiȝ wass Inn wiþþ hiss moderr wambe All shapenn rihht att fowwerrtiȝ & sexe daȝhess ende; Line 16375 & Godess temmple timmbredd wass, & all fullbrohht till ende, Wiþþinnenn ȝeress fowwerrtiȝ & ȝe¯¯t wiþþinnenn sexe; & tale off sexe & fowwerrtiȝ Line 16380 Wass þurrh Adam bitacnedd, Swa summ icc habbe shæwedd her, Loc ȝiff þu¯¯t unnderrstanndesst. & forr þatt Drihhtin wisste wel Þatt Adam shollde gilltenn, Line 16385 & shollde wurrþenn worrpenn u¯¯t Off Paradysess riche Inntill þiss middellærd, tatt iss O fowwre daless dæledd, Forrþi namm Godd, tatt witt tu wel, Line 16390 Þe firrste stafess alle U¯¯t off þa namess þatt he fand Uppo þa fowwre daless, [col 368] & sette uppo þe firrste mann Hiss name off alle fowwre; Line 16395

Line 16395 Forr þatt hiss stren all shollde ben Todrifenn & toskeȝȝredd, Inn all þiss middellærd tatt iss O fowwre daless dæledd. œstdale off all þiss werelld iss Line 16400 Anatole ȝehatenn, & off þatt name toc Drihhtin An staff Allfa ȝehatenn, To timmbrenn till þe firrste mann Hiss name off stafess fowwre. Line 16405 Wesstdale off all þiss werelld iss Dysiss bi name nemmnedd, & off þatt name toc Drihhtin An staff Dellta ȝehatenn, To timmbrenn till þe firrste mann Line 16410 Hiss name off stafess fowwre. Norrþdale off all þiss werelld iss Arrctoss bi name nemmnedd, & off þatt name toc Drihhtin An staff Allfa ȝehatenn, Line 16415 To timmbrenn till þe firrste mann Hiss name off stafess fowwre. Suþdale off all þiss werelld iss Mysimmbrión ȝehatenn, & off þatt name toc Drihhtin, Line 16420 Þatt witt tu wel to soþe, An staff þatt iss ȝehatenn MY Affterr Gricclandess spæche, To timmbrenn till þe firrste mann Hiss name off stafess fowwre. Line 16425

Line 16425 Her hafe I nu biforenn ȝuw Þa fowwre stafess nemmnedd Þatt Drihhtin þurrh himm sellfenn toc, Swa summ icc habbe shæwedd, U¯¯t off þa namess þatt he fand Line 16430 Uppo þa fowwre daless, Þatt lukenn all þiss middellærd Wiþþinnenn þeȝȝre wengess. Þe firrste staff iss nemmnedd A [col 369] Onn ure Latin spæche; Line 16435 Þatt oþerr staff iss nemmnedd DE; Þe þridde iss A ȝehatenn; Þe ferþe staff iss nemmnedd EMM Onn ure Latin spæche. & ȝiff þatt tu cannst spelldrenn hemm, Line 16440 Adám þu findesst spelldredd, Þe name off þallre firrste mann Þatt shapenn wass off erþe, Þatt name þatt himm ȝifenn wass Þurrh Drihhtin, forr to tacnenn, Line 16445 Þatt all hiss offspring shollde ben Todrifenn & toskeȝȝredd Inn all þiss middellærd tatt iss O fowwre daless dæledd. & forr þatt all Adamess stren Line 16450 Todrifenn wass & skeȝȝredd Inntill þiss wide middellærd & inntill alle landess,

& eȝȝwhær unnderr hæþenndom & eȝȝwhær unnderr sinness, Line 16455 & i þe laþe gastess hannd & all inn hise walde, Forrþi comm Crist to wurrþenn mann Off Adam & off Eve, Forr þatt he wollde Adamess kinn Line 16460 U¯¯tlesenn fra þe defell, & gaddrenn himm an haliȝ follc Off alle kinne lede, & turrnenn hemm till Crisstenndom & till þe rihhte læfe, Line 16465 To winnenn þurrh hiss hellpe & hald To brukenn heffness blisse. Þe Goddspellwrihhte Sannt Johan Her seȝȝþ þatt Cristess posstless, Affterr þatt Crist wass risenn upp Line 16470 Þe þridde daȝȝ off dæþe, Wel unnderrstodenn þa þatt word Þatt Crist himm sellf her seȝȝde, Þatt he þe temmple mihhte wel Binnenn þre daȝhess reȝȝsenn, Line 16475 Ȝiff þatt te Judewisske follc Itt haffden all unnbundenn. Þiss hallȝhe Goddspellwrihhte seȝȝþ Þatt Cristess hallȝhe posstless, Affterr þatt Crist wass risenn upp Line 16480 Þe þridde daȝȝ off dæþe, Wel unnderrstodenn þa þatt word, Þatt Crist itt off himm sellfenn

All haffde seȝȝd, off þatt he dæþ Forr mannkinn þolenn wollde, Line 16485 & off þatt he þe þridde daȝȝ Off dæþe wollde risenn. Forr, affterr þatt te Laferrd Crist Wass risenn upp off dæþe, Þe posstless tokenn innwarrdliȝ Line 16490 To lefenn & to trowwenn All þatt, tatt cwiddedd wass off Crist & off hiss dæþ o rode, Þurrh þatt itt ȝaff hemm Haliȝ Gast To sen & tunnderrstanndenn. Line 16495

& Crist wass o þe Passkedaȝȝ I Ȝerrsalæmess chesstre, & wrohhte þær biforr þe follc Wel fĕle miccle tacness, Forr þatt he wollde turrnenn hemm Line 16500 Inntill þe rihhte weȝȝe, Till fulluhht & till Crisstenndom, & till þe rihhte læfe. & fĕle off þa þatt sæȝhenn þær Þa tacness þatt he wrohhte Line 16505 Bigunnenn sone anan onn himm To lefenn & to trowwenn, Acc nohht wiþþ innwarrd herrte ȝe¯¯t, Ne nohht wiþþ fulle trowwþe, Acc u¯¯tterrlike, & swa þatt teȝȝ Line 16510 Himm mihhtenn wel forrwerrpenn,

Ȝiff þatt teȝȝ sæȝhenn ohht onn himm To friȝȝenn & to tælenn. & Jesu Crist wel unnderrstod All þeȝȝre wicke trowwþe, Line 16515 & droh himm frawarrd hemm forrþi, & le¯¯t lihhtliȝ þæroffe, All swa summ itt wass litell wurrþ Till þeȝȝre sawle nede. Forr Godd himm shæweþþ towarrd te Line 16520 Aȝȝ o þatt illke wise, Þatt tu þe shæwesst towarrd himm I þohht, i word, i dede. Ȝiff þu wiþþ herrte lufesst Godd, Godd lufeþþ þe wiþþ herrte; Line 16525 & ȝiff þu litell lufesst Godd, Þa lufeþþ þe Godd litell; & ȝiff þu litell dost forr Godd, Godd ah þe litell mede. & nollde nohht te Laferrd Crist Line 16530 Himm don i þeȝȝre walde, [col 370] Ne lætenn kiþþeliȝ wiþþ hemm Forr þeȝȝre wake trowwþe, Forr þatt he cnew hemm alle wel, & alle þeȝȝre þohhtess, Line 16535 & forr þatt himm nass rihht na ned Þatt aniȝ mann himm shollde Ohht awwnenn off all þatt, tatt wass All dærne i manness herrte;

Forr all þatt wass inn iwhillc mann Line 16540 He sahh, & cnew, & cuþe. Þiss hallȝhe Goddspellwrihhte seȝȝþ O þiss Goddspelless lare, Þatt Jesu Crist ne wollde nohht Himm don i þeȝȝre walde, Line 16545 & nohht forrþi þatt Crist wass ohht Forrdredd off þeȝȝre strenncþe, He þatt wass allre shaffte Godd Þatt all þe werelld weldeþþ, Acc forr þatt teȝȝre trowwþe wass Line 16550 Swa — þatt itt shollde tacnenn Þatt follkess Crisstenndom, þatt iss Primmseȝȝdenn & nohht fullhtnedd. Forr þurrh þatt Crist ne wollde nohht Himm don i þeȝȝre walde, Line 16555 Þærþurrh wass tacnedd hemm & uss & all Crisstene lede, Þatt tu ne mahht nohht husledd ben Wiþþ Godess wille & lefe Þohh þatt tu be primmseȝȝnedd rihht, Line 16560 Ȝiff þatt tu narrt nohht fullhtnedd. & swa summ Crist ne wollde nohht Himm don i þeȝȝre walde, All swa ne wile he nohht himm don Ȝe¯¯t i þatt manness walde, Line 16565 Þatt iss primmseȝȝnedd & nohht ȝe¯¯t Upponn hiss name fullhtnedd. Ne doþ himm nohht te Laferrd Crist Ȝe¯¯t i þatt manness walde,

Forr he ne mo¯¯t nohht Cristess flæsh Line 16570 Ne Cristess blod onnfanngenn, Bu¯¯t iff þatt he be laȝheliȝ O Cristess name fullhtnedd. Off swillke þatt hemm turrndenn swa Hallflinngess to þe Laferrd, Line 16575 Off swillke wærenn alle þa Þatt himm lihhtliȝ forrwurrpenn Þær þær he seȝȝde þuss till hemm; Ne maȝȝ nan mann ben borrȝhenn Þatt off mi flæsh, & off mi blod Line 16580 Ner eteþþ ne, ne drinnkeþþ;· [col 371] Forr sone anan summ þeȝȝ þatt word Herrdenn off Cristess tunge, Þeȝȝ seȝȝdenn þuss bitwenenn hemm, Harrd iss þiss word to fillenn, Line 16585 Niss nan mann þatt maȝȝ follȝhenn himm Ne don affterr hiss lare. & ta þeȝȝ wenndenn hemm aweȝȝ Fra Crist well fele off swillke, & all forrsokenn forr þatt word Line 16590 Hiss lare, & himm to follȝhenn, Forr þatt teȝȝ nærenn nohht off þa Þatt shollden winnenn heffne. Þe Goddspellwrihhte Sannt Johan Her seȝȝþ þatt ure Laferrd Line 16595 All wisste whatt wass i þe mann, & doþ uss tunnderrstanndenn,

Þatt Crist wass wiss Allmahhtiȝ Godd Þatt alle þinge wisste, & wa¯¯t all whatt iss i þe mann Line 16600 & i þe manness herrte, Bett tann þe mann himm sellf watt whatt Iss inn hiss aȝhenn herrte. & Godd Allmahhtiȝ gife uss swa To clennsenn uss o life, Line 16605 Þatt Crist ne finde nohht inn uss Off all þatt he forrbedeþþ·

Amæn;·

SECUNDUM JOHANNEM XXV.

Erat homo ex Phariseis Nichodemus nomine princeps Judeorum.

An mann amang Judisskenn þed Wass Nicodem ȝehatenn, Off þatt Farisewisshe follc Line 16610 Þatt læredd wass o boke, An allderrmann, an hæfedd mann Inn Issraæle þede, To lærenn & to spellenn hemm, To wissenn & to ȝemenn. Line 16615 & he comm onn an nahht till Crist, Forr þatt he wollde lernenn

All stilleliȝ summwhatt att himm Off hiss goddcunnde lare. & tuss he toc forrþrihht anan Line 16620 To mælenn wiþþ þe Laferrd; Maȝȝstre, - we witenn sikerrliȝ Þatt tu þurrh Godess wille & all o Godess hallfe arrt sennd Larfaderr her to manne; Line 16625 Forr niss nan mann þatt wirrkenn maȝȝ Þa tacness þatt tu wirrkesst, Butt iff þatt Drihhtin be wiþþ himm All opennlike onn erþe. & ure Laferrd Jesu Crist Line 16630 Himm ȝaff anndswere & seȝȝde; To fulle soþ I segge þe, Þatt niss nan mann onn erþe Þatt muȝhe Godess riche sen Butt he be borenn twiȝess. Line 16635 & Nicodem ȝaff sone þuss Anndswere till þe Laferrd; Hu maȝȝ ald mann ben borenn efft Onn elde off moderr wambe? Maȝȝ aniȝ ald mann cumenn efft Line 16640 Inntill hiss moderr wambe, To wurrþenn borenn to þiss lif Efftsoness off hiss moderr? & ure Laferrd Jesu Crist Himm ȝaff annswere & seȝȝde; Line 16645 To fulle soþ I segge þe, Loc ȝiff þu willt itt trowwenn,

Þatt niss nan mann þatt cumenn maȝȝ Upp inntill Godess riche, Butt iff he be rihht laȝheliȝ Line 16650 Efft borenn her onn erþe, Off waterr & off Haliȝ Gast Wiþþ all þe rihhte læfe. All þatt tatt borenn iss off flæsh Iss flæsh & flæshess kinde, Line 16655 & all þatt borenn iss off Gast Iss gast & gastess kinde. Ne þinnke þe na wunnderr nu Off — þatt I þe nu seȝȝde, Þatt ȝuw iss alle mikell ned Line 16660 To wurrþenn borenn twiȝess; Gast ȝifeþþ herrte, & wille, & mahht, Þær þær himm sellfenn likeþþ, & tu mahht herenn gastess rerd Wiþþ erþliȝ flæshess ære, Line 16665 Acc þu ne mahht nohht witenn her Þohhwheþþre o flæshliȝ wise, Fra wheþennwarrd gast cumeþþ forþ Ne whiderrwarrd he wendeþþ· [col 372] & o þatt wise iss illc an mann Line 16670 Weppmann & wimmann baþe, Þatt borenn iss off Haliȝ Gast, Loc ȝiff þu¯¯t unnderrstanndesst. & Nicodem ȝaff sone þuss Anndswere till þe Laferrd; Line 16675

Line 16675 Hu shall mann unnderrstanndenn þiss, Whatt gate maȝȝ þiss wurrþenn? & ure Laferrd Jesu Crist Himm ȝaff anndswere, & seȝȝde; Whatt gate arrt tu forr maȝȝstre tald Line 16680 Inn Issraæle þede, Ȝiff þatt tu nohht ne cannst off þiss Þatt icc her habbe shæwedd? To fulle soþ I segge þe, We spellenn þatt we cunnenn, Line 16685 & tatt we sæȝhenn opennliȝ Þærto we wittness sinndenn, & tohh swa þehh niss ȝuw nohht off To tăkenn ne to trowwenn Þatt wittness, þatt we berenn forþ Line 16690 Off þatt we wissliȝ sæȝhenn. Ȝiff þatt I spacc off erþliȝ þing, & ȝe¯¯t rihht nohht ne trowwenn, Hu shule ȝe me trowwenn wel, Ȝiff þatt iss þatt I mæle Line 16695 Till ȝuw off hefennlike þing, Þatt all iss dep & dærne? & niss nan mann þatt stiȝheþþ upp Inntill þe burrh off heffne, Wiþþutenn himm þatt stah forr menn Line 16700 Off heffne dun till erþe, Þe manness Sune fuliwiss Þatt wuneþþ upp inn heffne. & all all swa se Moysæs Hof upp þe neddre i wesste, Line 16705

Line 16705 All swa bihofeþþ fuliwiss Þe manness Sune onn erþe, To wurrþenn hofenn upp mang menn Forr all mannkinne nede, Þatt wha se trowwenn shall onn himm Line 16710 Wel muȝhe wurrþenn borrȝenn. Swa lufede þe Laferrd Godd Þe werelld, tatt he sennde Hiss aȝhenn Sune, Allmahhtiȝ Godd, To wurrþenn mann onn erþe, Line 16715 To lesenn mannkinn þurrh hiss dæþ U¯¯t off þe defless walde, Þatt wha se trowwenn shall onn himm Wel muȝhe wurrþenn borrȝhenn; For Drihhtin Godd ne sennde nohht Line 16720 Hiss Sune forr to demenn Þiss werelld, acc to lesenn itt [col 373] U¯¯t off þe defless walde. & wha se lefeþþ upponn himm, Þatt mann iss all unndemedd; Line 16725 & wha se onn himm ne trowweþþ nohht, Þatt mann iss nuȝȝu demedd, Forrþi þatt he ne trowweþþ nohht, Swa summ himm birrde trowwenn, Uppo þatt name, þatt iss sett Line 16730 O Godess Sune onn erþe, Onn himm, — þatt iss off Drihhtin Godd Ankennedd Sune strenedd.

Þatt iss þe dom, þatt lihht & lem Iss cumenn upponn erþe, Line 16735 & menn ne lufenn nohht te lihht Acc lufenn þessterrnesse, Forrþi þatt teȝȝre dede iss all Unngod & all unnclene. Forr wha si¯¯tt iss þatt ifell doþ, Line 16740 He shuneþþ lihht & leme, & fleþ to cumenn to þe lihht, Þatt he ne wurrþe tæledd Þurrh þa þatt sen hiss fule lasst & hiss unnclene dede. Line 16745 & wha se follȝheþþ soþ & rihht Inn alle gode dedess, He cumeþþ gladdliȝ to þe lihht To shæwenn þatt hiss dede Iss all i Godd, & all þurrh Godd Line 16750 & þurrh hiss hellpe forþedd. Her endenn twa Goddspelless þuss, & uss birrþ hemm þurrhsekenn, To lokenn whatt teȝȝ lærenn uss Off ure sawle nede. Line 16755

Þiss Nicodem þatt onn anahht Wass cumenn till þe Laferrd, Att himm to lernenn stilleliȝ Summwhatt off haliȝ lare, He wass off þa þatt turrndenn hemm Line 16760 To lefenn uppo Criste

Son summ þeȝȝ haffdenn herrd hiss spell & seȝhenn hise tacness, Þær i þe burrh off Ȝerrsalæm Att teȝȝre Passkemesse, Line 16765 Off þa þatt tokenn hemm till Crist Hallflinngess, nohht wiþþ alle, Acc swa þatt wel þeȝȝ mihhtenn himm Efftsoness all forrwerrpenn, Ȝiff þatt teȝȝ munndenn upponn himm Line 16770 Ohht findenn forr to tælenn; Off swillke wass þiss Nicodem Þatt comm till ure Laferrd O þessterr nahht, forr þatt wass don, Forr þatt itt shollde tacnenn, Line 16775 Þatt he nass nohht ȝe¯¯t tanne full Off all þe rihhte trowwþe, Noff Godess laress brihhte lem, Noff rihhtwisnessess sunne; Forr whatt he nass nohht derrf inoh Line 16780 All opennliȝ to sekenn Þe Laferrd Crist biforr þe follc, To lofenn himm & wurrþenn. Forr þurrh þatt tatt he seȝȝde þuss Allræresst till þe Laferrd, Line 16785 Maȝȝstre, we wi˘tenn sikerrliȝ Þatt tu þurrh Godess wille & all o Godess hallfe arrt sennd Larfaderr her to manne, Þærþurrh he dide uss opennliȝ Line 16790 To sen & tunnderrstanndenn,

Þatt he ne wisste nohht ȝe¯¯t ta Þatt Crist wass Godd off heffne, Acc wennde þatt he wære an mann All full off Godess hellpe, Line 16795 & full off hefennlike mahht To wirrkenn miccle tacness, & full off hefennlike witt To lærenn alle þede, [col 374] Alls iff he wære cumenn forþ Line 16800 Summ haliȝ patriarrke All full off hefennlike mahht, Oþþr án off þa profetess, Þatt haffdenn witt þurrh Haliȝ Gast Off all þatt cumenn shollde, Line 16805 & mahht, & hellpe, & hald off Godd To wirrkenn miccle tacness, & swa to lefenn uppo Crist Wass rihht unnorne læfe, Alls off þatt mann þatt wass ȝe¯¯t blind Line 16810 Off hefennlike leme, Forrþi þatt he ne wass nohht ȝe¯¯t O Cristess name fullhtnedd, & forrþi nisste he nohht ȝe¯¯t ta Þatt Crist wass baþe onn erþe Line 16815 Soþ Godd off heffne, & ec soþ mann I bodiȝ & i sawle, Acc all þwerrt u¯¯t off sinne fre, Forr Godd ne maȝȝ nohht gilltenn.

Þiss Nicodem wass, alls uss seȝȝþ Line 16820 Johan þe Goddspellwrihhte, Off þatt Farisewisshe follc Þatt læredd wass o boke. Off þa Farisewisshe menn Þatt we nu mælenn ummbe, Line 16825 We findenn uppo Latin boc Þatt teȝȝ wisslike wærenn An lott off þatt Judisskenn follc Þatt læredd wass o boke. Acc þeȝȝ þurrh modiȝnesse, & ec Line 16830 Þurrh sinnfull grediȝnesse, Droȝhenn wel mikell Godess follc U¯¯t off þe rihhte weȝȝe. Forr all þeȝȝ droȝhenn þeȝȝre spell Towarrd erþliȝ biȝæte, Line 16835 & Godess laȝhe & Godess rihht & hiss hallȝhe settnesse Þeȝȝ didenn mikell fallenn dun Þurrh þeȝȝre grediȝnesse, & hofenn þurrh hemm sellfenn upp Line 16840 All affterr þeȝȝre wille Settnessess, hu mann birrde Godd & Godess laȝhe follȝhenn, & ȝedenn þuss onnȝæn Drihhtin Þurrh þeȝȝre modiȝnesse. Line 16845 & þurrh þatt tatt teȝȝ droȝhenn aȝȝ Affterr erþliȝ biȝæte, & leddenn ec well sinnfull lif O fĕle kinne wise,

& droȝhenn mikell Godess follc Line 16850 U¯¯t off þe rihhte weȝȝe, Þurrh þatt teȝȝ settenn i þe follc Settnessess bi þeȝȝm sellfenn. & tohh wass all þatt illke follc Farisewisshe nemmnedd, Line 16855 Forr þatt tatt follc aȝȝ drohh himm upp Abufenn all þe lede, Forr all þatt follc le¯¯t tatt he wass Unnlic all oþerr lede, & skiledd u¯¯t all fra þe follc Line 16860 Þurrh haliȝ lif & lare. Forr Farisew bitacneþþ uss Shædinng onn Ennglissh spæche, & forrþi wass þatt name hemm sett, Forr þatt teȝȝ wærenn shadde, Line 16865 Swa summ hemm þuhhte, fra þe follc Þurrh haliȝ lif & lare. & off þatt follc wass Nicodem, Swa summ þe Goddspell kiþeþþ, Acc he wass cumenn þa till Crist Line 16870 To betenn hise sinness, Þurrh þatt he lernenn wollde att Crist Þe lare off rihhtwisnesse, & off þe rihhte Crisstenndom, [col 375] & off þe rihhte læfe. Line 16875 & þurrh þatt tatt he wisste wel, Swa summ himm sellf itt seȝȝde,

Þatt Crist wass cumenn all þurrh Godd Larfaderr her to manne, Þærþurrh wass séne, þatt he þa Line 16880 Summwhatt bigunnenn haffde To lefenn o þe Laferrd Crist Þatt wise þatt himm birrde. Forr þatt wass soþ þatt Crist wass sennd Þurrh Drihhtin Godd off heffne, Line 16885 To wurrþenn mann o moderr hallf Forr all mannkinne nede; & Crist wass wiss Larfaderr god & Maȝȝstre off all maȝȝstress. Þær seȝȝde Nicodem full soþ Line 16890 Off Crist & off hiss come. Þiss Nicodem bitacnenn maȝȝ, Þatt witt tu wel to soþe, Þatt lede þatt primmseȝȝnedd iss & iss ȝe¯¯t all unnfullhtnedd, Line 16895 & iss all, alls itt wære, ȝe¯¯t I nahhtess þessterrnesse, Whil þatt itt nunnderrstanndeþþ nohht All þwerrt u¯¯t wel wiþþ alle Þe depe lare off Godess boc Line 16900 Wiþþ all þe rihhte læfe. & forr þatt he trowwede wel, Swa summ himm sellf itt seȝȝde, Þatt Crist wass cumenn all þurrh Godd & all o Godess hallfe, Line 16905 & comm þohhwheþþre o nahht till Crist Stilliȝ wiþþ himm to mælenn,

Forrþi bitacneþþ he þatt follc Þatt lefeþþ wel o Criste, & ledeþþ þohh flæshlike lif Line 16910 I þæwwess & i dedess, & nohht ne darr ȝe¯¯t stiȝhenn upp To follȝhenn heȝhe mahhtess I gastliȝ lifess brihhte daȝȝ, Forr hiss flæshess unnstrenncþe, Line 16915 Acc follȝheþþ flæshliȝ lifess nahht I þæwess & i dedess, & mæleþþ wiþþ þe Laferrd Crist & herrcneþþ whatt he mæleþþ, Þurrh þatt teȝȝ lefenn rihht o Crist Line 16920 & herrcnenn Cristess lare. Acc þatt niss nohht inoh till hemm To berrȝhenn lif & sawle, Þatt teȝȝ hemm turrnenn towarrd Crist Wiþþ all þe rihhte læfe, Line 16925 Ȝiff þatt teȝȝ ledenn sinnfull lif Wiþþ all þe flæshess wille. Forr þohh þu trowwe rihht o Crist, Ne mahht tu nohht ben borrȝhenn, Ȝiff þatt tu nohht ne nimesst gom Line 16930 To wirrkenn allmess dedess. Forr whase lefeþþ rihht o Crist & follȝheþþ alle sinness, He follȝheþþ wel þe defless sloþ, Þatt witt tu wel to soþe; Line 16935 Forr defell trowweþþ wel & wa¯¯t Þatt Crist iss Godd off heffne,

& tohh ne doþ he næfre god Þatt himm to frame turrneþþ, Forr defless wille & defless lusst Line 16940 Iss ifell all & æfre.

Þe nahht maȝȝ ec bitacnenn uss All þatt stafflike lare Off Moysæsess laȝheboc, & off hallȝhe Profetess, Line 16945 & off Sallmsang, þatt Nicodem Wass depe læredd onne, Þatt lare þatt wass all bisett Wiþþ nahhtess þessterrnesse Till þa, þatt ta ne sæȝhenn nan Line 16950 Gastlike witt tæronne. Forr illc unnwitt maȝȝ tacnedd ben Þurrh nahhtess þessterrnesse, Forr unnwis mann iss blunnt, & blind Off herrtess eȝhe sihhþe. Line 16955 & ec forrþi þatt Nicodem Onn Ennglissh spæche tacneþþ Þatt lede þatt iss siȝȝefasst, He wass forr to bitacnenn Þatt lott off Issraæle þed Line 16960 Þatt turrnedd wass till Criste Þurrh fulluhht & þurrh Crisstenndom, & þurrh þe rihhte læfe, & all forrwarrp & oferrcomm Þurrh oferrhannd & siȝe Line 16965

Line 16965 [col 376] All werelldshipess lufe & lusst & all erþlike sellþe. & mann maȝȝ trowwenn þatt he comm O nahht till ure Laferrd, Forrþi þatt he ne mihhte nohht Line 16970 O daȝȝ forr shame lernenn, He þatt wass haldenn þære & tald Forr Maȝȝstre amang þe lede. & mann maȝȝ trowwenn ec þatt he Comm o þe nahht till Criste, Line 16975 Forrþi þatt he ne durrste nohht Þatt aniȝ mann itt wisste, Þatt he wiþþ Crist i sunnderrrun Himm awihht haffde kiþþedd. Forr ȝiff þa mihhtenn witenn itt Line 16980 Þatt haffdenn niþ wiþþ Criste, Þeȝȝ munndenn drifenn himm anan All u¯¯t off þeȝȝre mæne, & haldenn himm forr hæþenn mann Þatt Godd forrsakenn haffde. Line 16985 & forrþi þatt tiss Nicodem, Þatt we nu mælenn ummbe, Himm haffde tăkenn mikell gom Off Cristess miccle tacness, & wisste þatt te Laferrd Crist Line 16990 Wass all o Godess hallfe, Forrþi comm he till Crist anan Wiþþ mikell lusst to lernenn,

To fraȝȝnenn himm off Crisstenndom & off þe rihhte læfe. Line 16995 & forrþi þatt te Laferrd sahh Þatt he wass fus to lernenn, Forrþi wass he rihht rædiȝ till To wissenn himm & lærenn, & tahhte himm mikell lare anan Line 17000 Off all swillc alls he ȝerrnde; Off — þatt he wass himm sellf soþ Godd, & Godess Sune ankennedd; & off þatt, tatt nan mann ne maȝȝ Ben borrȝhenn att hiss ende, Line 17005 Butt iff he twiȝȝess borenn be, Firrst off hiss kinn, & siþþenn Att hallȝhedd funnt off Haliȝ Gast Wiþþ all þe rihhte læfe; & off — þatt all þatt borenn iss Line 17010 Off flæsh iss flæshess kinde; & off — þatt all þatt borenn iss Off Gast iss gastess kinde; Off — hu þe mann iss wharrfedd her Fra flæsh till gastliȝ kinde, Line 17015 Þurrh þatt he takeþþ Crisstenndom Wiþþ fulluhht & wiþþ trowwþe; & off, þatt he wass sennd þurrh Godd To kiþenn Godess wille; & off, þatt menn ne tokenn nohht Line 17020 Wiþþ himm, ne wiþþ hiss lare; & off — þatt nan ne stiȝheþþ upp Off all mannkinn till heffne

Wiþþutenn himm áne þatt stah Off heffne dun till erþe; Line 17025 & off þatt, tatt te manness stren Forr manne nede shollde Ben hofenn upp o rodetre Wiþþutenn hise gillte, All rihht all swa se Moysæs Line 17030 Hof upp þe neddre i wesste; & ec off — þatt Allmahhtiȝ Godd Swa lufede wiþþ herrte Þiss werelld, tatt he sennde dun Hiss aȝhenn Sune ankennedd, Line 17035 To wurrþenn mann to lesenn u¯¯t Þe werelld fra þe defell; & off — þatt Godess Sune nass Nohht hiderr sennd to manne, To demenn her Adamess stren Line 17040 Off hæþenndom & dwilde, Acc forr to lesenn all mannkinn U¯¯t off þe defless walde; & ec off þatt, tatt illc an mann Iss all þwerrt u¯¯t unndemedd, Line 17045 Whatt mann sitt iss þatt wel & rihht O Godess Sune lefeþþ; & ec off þatt, tatt illc an mann [col 377] Iss nuȝȝu þwerrt u¯¯t demedd, Whatt mann sitt iss þatt nile nohht Line 17050 O Godess Sune lefenn;

& off þatt, tatt iss all þe dom, Þatt lihht comm upponn erþe, & menn ne lufenn nohht te lihht Acc lufenn þessterrnesse, Line 17055 Forrþi þatt teȝȝre werrc iss all Unngod & all unnclene; & off, þatt he þatt ifell doþ Aȝȝ hateþþ lihht & leme; & off, þatt he þatt doþ summ god Line 17060 Aȝȝ cumeþþ to þe leme, Forr þatt he wile þatt mann se & wi˘te þatt hiss dede Iss all i Godd, & all þurrh Godd, & þurrh hiss hellpe forþedd. Line 17065 Off swillc & swillc wass Nicodem Wel wurrþ to wurrþenn læredd, Forr þatt he comm wiþþ mikell lusst Summ god att Crist to lernenn. & forr þatt Crist ne wollde nohht Line 17070 Þatt Nicodem ne wisste, Þatt he ne shollde muȝhenn nohht Ben borrȝhenn, þohh he mihhte Lefenn & trowwenn rihht o Crist Þurrh Cristess miccle tacness, Line 17075 Butt iff he wære att haliȝ funnt Efft borenn her onn erþe, Off waterr & off Haliȝ Gast, Unnderr þe rihhte læfe, Forrþi toc Crist forrþrihht anan Line 17080 Unnbedenn & unnbonedd

Allræresst towarrd Nicodem To mælenn & to spellenn, Off þatt himm allremasst wass ned I Crisstenndom to cunnenn, Line 17085 Off þatt, tatt he ne mihhte nohht Ben borrȝhenn att hiss ende, Bu¯¯t iff he wære laȝheliȝ O Godess name fullhtnedd. & tatt te Laferrd seȝȝde þuss Line 17090 Till Nicodem wiþþ worde; To fulle soþ I segge þe, Þatt niss nan mann onn erþe Þatt muȝhe Godess riche sen Butt he be borenn twiȝess; Line 17095 Þatt wass alls iff he seȝȝde þuss Till himm wiþþ oþre wordess, Þatt mann þatt niss nohht borenn ȝe¯¯t Gastlike off gastliȝ moderr, & all þurrh Godd off Haliȝ Gast Line 17100 Inn hallȝhedd waterr fullhtnedd, Ne maȝȝ he nohht rihht cnawenn me Swa summ icc amm to cnawenn, Þatt amm Allmahhtiȝ Godd, & ec Soþ sihhþe off soþfasstnesse, Line 17105 Þatt amm þatt kinedom, þatt Godd Hehfaderr rixleþþ inne, Þatt tu ȝe¯¯t nunnderrstanndesst nohht, Forr þatt tu narrt nohht fullhtnedd, Ne læredd nohht off Crisstenndom, Line 17110 Noff all þe rihhte læfe.

& tatt tatt Nicodem ȝaff þuss Anndswere till þe Laferrd, Hu maȝȝ ald mann ben borenn her [col 378] Efftsoness off hiss moderr, Line 17115 Þatt doþ uss tunnderrstanndenn wel Þatt he wass ȝe¯¯t unnlæredd Off þatt, tatt Jesu Cristess þeww Birrþ borenn ben efftsoness Off Haliȝ Gast, þurrh haliȝ funnt Line 17120 O Godess name fullhtnedd. & allswa summ þe mann ne maȝȝ Nohht wurrþenn borenn twiȝess Off moderr & off faderr stren, To cumenn her to manne, Line 17125 Allswa ne birrþ nohht Cristess þeww O Cristess name wurrþenn Twa siþess borenn att te funnt, Ne wurrþenn twiȝess fullhtnedd, To cumenn upp till heffness ærd, Line 17130 Upp inntill eche blisse, Þohh þatt he be þurrh defless þeww O Godess name fullhtnedd. & tatt tatt Godess þeww maȝȝ wel Þurrh defless þeww ben fullhtnedd, Line 17135 Þatt wass bitacnedd opennliȝ Þurrh Abrahamess bisne. Forr all allswa summ Abraham Strenede chilldre off baþe, Off aþell wif, & off ammbohht, Line 17140 Allswa Drihhtin off heffne

Himm streneþþ chilldre off Haliȝ Gast Inn hallȝhedd funnt onn erþe, Þurrh baþe, þurrh hiss aȝhenn hird, & þurrh þe defless þewwess. Line 17145

& tatt te Laferrd seȝȝde þær Till Nicodem wiþþ worde, Þatt nass na man i middellærd Þatt æfre cumenn mihhte Upp inntill Godess kinedom, Line 17150 Upp inntill Godess riche, Butt iff he wære borenn efft Wiþþ all þe rihhte læfe Off Haliȝ Gast, inn hallȝhedd funnt O Godess name fullhtnedd, Line 17155 Þatt wass, alls iff he seȝȝde þuss Till himm wiþþ oþre wordess, Ne maȝȝ na mann her wurrþi ben Þurrh hise gode dedess To cumenn fra þe laþe gast Line 17160 All rihht inntill me sellfenn, Inntill þatt hallȝhe flocc þatt icc Off all mannkinn shall turrnenn Till fulluhht & till Crisstenndom, & till þe rihhte læfe, Line 17165 Swa þatt itt shall min bodiȝ ben [col 379] To follȝhenn all mi wille,

Swa þatt I shall me sellf aȝȝ ben Uppo þatt bodiȝ hæfedd, To ȝemenn & to frofrenn hemm, Line 17170 To fedenn & to berrȝhenn, Swa þatt we shulenn alle ben Þatt hallȝhe kineriche, Þatt Heffness King min Faderr shall Hehlike rixlenn inne, Line 17175 Butt iff he laȝhelike be Uppo mi name fullhtnedd. Her mahht tu sen þatt all iss an To sen Drihhtiness riche, & to ben wurrþ to cumenn upp Line 17180 Inntill Drihhtiness riche. & baþe fallenn inntill Crist, Forr Crist iss Godess riche Inn all þatt follc þatt follȝheþþ himm, & inn himm sellfenn baþe. Line 17185 Forr Crist iss wiþþ hiss hallȝhe follc All án inn alle gode, & wiþþ hiss follc iss Crist himm sellf Þatt hallȝhe kineriche, Þatt Cristess Faderr, Heffness King, Line 17190 Hehlike rixleþþ inne.

Þatt waterr þatt iss att te funnt Blettcedd wiþþ Godess wordess, & ec wiþþ hallȝhedd elesæw Þatt prestess don þærinne, Line 17195

Line 17195 Þatt clennseþþ all þe bodiȝ þær Off alle kinne sinness; & Godess lare off Crisstenndom & off þe rihhte læfe, Þatt clennseþþ all þe manness gast Line 17200 & all þe manness sawle, Þurrh þatt he takeþþ innwarrdliȝ Wiþþ all þe rihhte læfe, & all forrwerrpeþþ hæþenndom & all þe defless lare. Line 17205 & te birrþ wi˘tenn þohh swa þehh & sikerrlike trowwenn, Þatt baþe clennseþþ haliȝ funnt, Þe bodiȝ & te sawle, Off all þatt eȝȝþerr filedd wass Line 17210 Þurrh aniȝ kinne sinne. Acc ȝiff þatt he þatt fullhtnedd iss Her li˘feþþ forþ onn erþe, Þa birrþ himm all rihht læchenn himm Hiss þohht, hiss word, hiss dede, Line 17215 All affterr Godess lare, & ec Þurrh all þe rihhte læfe, Ȝiff þatt he wile borrȝhenn ben Þurrh þatt tatt he wass fullhtnedd. & forrþi seȝȝþ þe boc full soþ, Line 17220 Þatt Godess hallȝhe lare & all þe rihhte læfe o Godd Clennseþþ þe manness sawle. Forr all þatt aniȝ mann iss god & cwemeþþ Godd onn erþe, Line 17225

Line 17225 All cumeþþ off þatt, - tatt hiss gast Iss clennsedd & rihht læchedd Þurrh larspell & þurrh haliȝ funnt, & þurrh þe rihhte læfe, & þurrh þatt he forrwerrpeþþ all Line 17230 Hiss flæshess fule wille, & takeþþ till wiþþ all hiss mahht Gastlike lif to follȝhenn, All affterr Godess bodeword & affterr Godess lare, Line 17235 Þatt clennseþþ all þe sawless lusst & all þe sawless wille, To ledenn á þe bodiȝ rihht All affterr Godess lare. & tær iss þa þatt illke mann Line 17240 Unnseȝhennlike wharrfedd Fra flæsh till gast, þurrh þatt tatt he Forrsakeþþ inn hiss herrte To ledenn himm fra þeþennforþ Affterr þe flæshess wille, Line 17245 & takeþþ till wiþþ bliþe mod Gastlike lif to ledenn. Forr whase ledeþþ flæshliȝ lif, Þatt mann iss flæsh onn erþe, & whase ledeþþ gastliȝ lif, Line 17250 Þatt mann iss gast onn heffne & off þiss seȝȝde Jesu Crist O þiss Goddspelless lare, Þatt all þatt borenn iss off flæsh Iss flæsh & flæshess kinde, Line 17255

Line 17255 & all þatt borenn iss off Gast Iss gast & gastess kinde. Forr summ mann follȝheþþ all hiss flæsh & all þe flæshess wille, & summ mann follȝheþþ all hiss gast Line 17260 & all þe sawless wille. & tatt te Laferrd seȝȝde þuss Till Nicodem wiþþ worde, Ne þinnke þe nan wunnderr nu Off þatt I þe nu seȝȝde, Line 17265 Þatt ȝuw iss alle mikell ned To wurrþenn borenn twiȝess; Þatt seȝȝde he forr he wisste wel, Þatt Nicodem ȝe¯¯t tanne Ne wisste nohht, tatt aniȝ mann Line 17270 Gastlike mihhte wurrþenn Efft borenn her off Haliȝ Gast, O Godess name fullhtnedd. & forrþi toc he sone anan To shæwenn himm whatt wise Line 17275 Flæshlike mann maȝȝ wurrþenn gast Þurrh Haliȝ Gastess bisne, & seȝȝde þuss till Nicodem, Swa summ þiss Goddspell kiþeþþ, Gast ȝifeþþ witt & wille & mahht Line 17280 Whatt mann se himm sellf god þinnkeþþ To spellenn haliȝlike, & ec To wirrkenn hallȝhe tacness. & tu mahht herenn gastess rerd Þær Godess þewwess spellenn; Line 17285

Line 17285 & eȝȝwhær þær mann rædeþþ þe Off haliȝ wi˘teȝhunnge, Þær heresst tu þatt Gastess rerd Þatt spacc þurrh manness tunge, Acc þu ne mahht nohht wi˘tenn þohh Line 17290 [col 380] Ne sen wiþþ flæshlic eȝhe Fra wheþennwarrd, ne whanne he comm Inntill þe wi˘tess herrte, Ne whanne he fareþþ u¯¯t off himm Ne whiderrwarrd he wendeþþ· Line 17295 Forr gast iss all unnseȝhennlic Biforenn flæshlic eȝhe, & o þatt wise iss illc an mann Þatt her iss borenn twiȝess, Þatt borenn iss off Haliȝ Gast, Line 17300 Þurrh fulluhht & þurrh læfe. Allswa ne mahht tu rihht nohht sen Þurrh flæshess eȝhe sihhþe, O whillke wise he wharrfedd iss Wiþþinnenn inn hiss herrte Line 17305 Fra flæsh till gast, þurrh þatt tatt he Forrsakeþþ & forrwerrpeþþ To ledenn himm fra þeþennforþ Affterr þe flæshess wille, & takeþþ till wiþþ bliþe mod Line 17310 Gastlike lif to ledenn, & ec þurrh þatt he takeþþ wel Wiþþ all þe rihhte læfe,

& all forrwerrpeþþ hæþenndom & all þe defless lare. Line 17315 Ne nohht ne mahht tu sen onn himm Þurrh flæshess eȝhe sihhþe Þurrh whatt himm comm swa seliliȝ To findenn Godess are, To cumenn till þe Crisstenndom Line 17320 & till þe rihhte læfe. Ne nohht ne mahht tu sen onn himm Whatt gate he shall ben borrȝhenn, To cumenn upp till heffness ærd To brukenn eche blisse. Line 17325 & forr þatt Nicodem wass ȝe¯¯t Unnborenn i þatt time Off Haliȝ Gast, & all ȝe¯¯t ta Off gastliȝ lare unnlæredd, Swa þatt he nohht ne cuþe ȝe¯¯t Line 17330 [col 381] Gastlike lare findenn Inn all þatt alde laȝheboc Þatt he wass læredd onne, Forrþi wass himm full arrfeþþ ȝe¯¯t To sen whatt gate he mihhte Line 17335 Ben borenn efft off Haliȝ Gast Þurrh fulluhht & þurrh trowwþe, & toc forrþi to fraȝȝnenn Crist Off þatt, whatt gate he mihhte Ben borenn efft off Haliȝ Gast, Line 17340 To sen Drihhtiness riche.

Off Haliȝ Gast iss Crist[ess] þew[w] Efft borenn unnderr trowwþe, F[orr] þatt he comm till Crisstenndom Þurr[h Ha]liȝ Gastess are, Line 17345 & tatt iss þurrh þe [ȝife] off Godd, Forr Haliȝ Gast iss baþe [Al]lmahhtiȝ Godd, & ȝife off Godd, Þatt witt tu wel to soþe; & all þurrh [Godess] ȝife itt wass, Line 17350 & all þurrh Go[dess wille], Þatt aniȝ mann iss lesedd [her] [U¯¯t] off þe defless walde, & tu[rrnedd inntill] Crisstenndom & till [þe rihhte læfe.] Line 17355 & þurrh. . . . . he till. . . . . . . . . .tatt mann maȝȝ wurrþenn her Onn erþe borenn twiȝȝess . . . . . Line 17360 [col 382] . . . . .gate itt wa[ss] . . . . .like tun. . . . . . . . . .amm co. . . . . . . . . .ne. . . . .s. . . . . [col 383] [& tatt te La]ferrd seȝȝde þuss Line 17365 [Till Nicodem wiþþ] worde, & niss [nan mann þatt stiȝheþþ upp] Inntill þe burrh [off heffne, Wiþþutenn himm] þatt stahh forr [menn Off heffne dun till er]þe Line 17370 Þe man[ness Sune]. . . . .

. . . . .[aȝȝ] occ aȝȝ inn. . . . . . . . . .seȝȝde þuss . . . . .maȝȝ nan. . . . . . . . . .ȝhenn inn Line 17375 . . . . .borenn. . . . . Þurrh. . . . .om &. . . . . . . . . .rþi. . . . . . . . . .ern. . . . .la-. . . . . Line 17380 [col 384] . . . . .ben wurrþ To stiȝhenn upp till heffne, Bu¯¯t iff he wære lesedd u¯¯t Þurrh Cristess dæþ off helle. Forr swillc & swillc spacc Jesu Crist Line 17385 Till Nicodem & seȝȝde, Þatt all all swa se Moysæs Hof upp þe neddre i wesste, All allswa shollde upphofenn ben Þe manness Sune onn erþe. Line 17390 Her droh þe Laferrd Jesu Crist Þurrh þise fæwe wordess Þatt heȝhe maȝȝstre Nicodem Inntill gastlike lare, Forr þatt he wollde don [himm] swa Line 17395 Gastlike tunn[derrstann]denn Þe Laf[errd]. . . . .laȝhe . . . . . . . . . .profe-. . . . . . . . . . [col 383] . . . . .hemm harrde, Line 17400

Line 17400 & badd he shollde ledenn hemm Wiþþ all þatt tatt teȝȝ haffdenn Inntill þe land off Ȝerrsalæm, To biggenn þær i lande. & Moysæs all dide swa Line 17405 Summ Drihhtin bedenn haffde, & alls he comm wiþþ all þe follc Inntill a wilde wesste, Þa wass þatt laþe wesste all full Off aness kinness neddress, Line 17410 Þatt wærenn alle samenn þær Off swillc firene kinde, Þatt whase stungenn wass þurrh hemm He swallt þurrh firess wunde. & Drihhtinn spacc wiþþ Moysæn Line 17415 Þær i þatt laþe wesste, & badd he shollde melltenn brass & ȝetenn himm a neddre, & berenn itt upp onn a tre Biforenn hise lede, Line 17420 Þatt whase stungenn wære off hemm Þurrh þa firene neddress, He shollde sone lokenn upp O þatt brasene neddre, & þurrh þatt he sæȝhe þæronn Line 17425 He shollde takenn bote, & shollde wurrþenn hæledd swa Off þatt firene wunde. & Moysæs all dide þa Swa summ himm Drihhtin tahhte, Line 17430

Line 17430 & aȝȝ þan aniȝ wundedd wass Þurrh þa firene neddress, He warrp hiss eȝhe sone anan O þatt brasene neddre, & son se het¯¯ sahh, he warrþ all hal Line 17435 Off all þe neddress wunde. All þiss wass don þurrh Moysæn Swa summ himm Drihhtin tahhte; & itt bitacneþþ mikell þing Þatt uss iss ned to cunnenn. Line 17440

Þa neddress þatt stungenn þe menn Þeȝȝ tacnenn alle sinness, Þatt stingenn & þurrhwundenn all Þatt bodiȝ, & tatt sawle Þatt lufeþþ aȝȝ & ȝerneþþ aȝȝ Line 17445 To follȝhenn fule þæwess, & wiþþ bærnennde lufe & lusst Doþ all hiss flæshess wille. & þurrh þatt neddre uppo þe tre Iss Cristess dæþ bitacnedd, Line 17450 Þatt naȝȝledd wass o rodetre Forr all mannkinne nede. & Cristess dæþ maȝȝ swiþe wel Þurrh neddre ben bitacnedd; Forr dæþ comm upponn all mannkinn Line 17455 Þurrh neddre & þurrh þe defell; & whase takeþþ Crisstenndom O Cristess name fullhtnedd,

& follȝheþþ ȝerne Cristess sloþ Wiþþ all hiss fulle mahhte, Line 17460 & lokeþþ upp o Cristess dæþ Wiþþ fulle trowwþe o Criste, He beþ hæledd þurrh Cristess dæþ Off alle sinness wundess, Ȝiff þatt he maȝȝ endenn hiss lif Line 17465 Inn alle gode dedess. & forrþi seȝȝde Jesu Crist Till Nicodem wiþþ worde, Þatt whase trowwenn shall onn himm Wel muȝhe wurrþenn borrȝhenn. Line 17470 & tatt wass seȝȝd alls iff he þuss Wiþþ oþre wordess seȝȝde, To þann shall manness Sune ben Forr menn o rode naȝȝledd, Þatt whase trowwenn shall onn himm Line 17475 Wel muȝhe wurrþenn borrȝhenn. & her spacc ure Laferrd Crist Off hise twinne kindess, Off þatt he wass Allmahhtiȝ Godd, & mann off lif & sawle, Line 17480 Swa þatt he mihhte þolenn dæþ & risenn upp off dæþe, & stiȝhenn upp till heffness ærd Þurrh hiss goddcunnde mahhte, Wiþþ alle þa þatt sholldenn ben Line 17485 Hiss bodiȝ her onn erþe, [col 384] Þurrh þatt teȝȝ sholldenn follȝhenn himm & forþenn all hiss wille.

& Godd Allmahhtiȝ gife uss her To forþenn Cristess wille, Line 17490 Swa þatt we motenn follȝhenn himm Upp inntill heffness blisse.

Amæn;·

SECUNDUM JOHANNEM XXVI.

Sic Deus dilexit mundum, et filium suum unigenitum daret.

Þurrh þatt te Laferrd seȝȝde þuss Till Nicodem wiþþ worde, Swa lufede þe Laferrd Godd Line 17495 Þe werelld, tatt he sennde Hiss aȝhenn Sune Allmahhtiȝ Godd To wurrþenn mann onn erþe, To lesenn mannkinn þurrh hiss dæþ U¯¯t off þe deffless walde, Line 17500 Þatt whase trowwenn shall onn himm Wel muȝhe wurrþenn borrȝhenn, Þærþurrh he dide Nicodem To sen & tunnderrstanndenn, Þatt he wass Godd himm sellf, off Godd, Line 17505 & Godess Sune ankennedd, & wurrþenn mann o moderr hallf Þurrh soþfasst herrsummnesse,

Þurrh — þatt hiss Faderr haffde himm sennd & gifenn himm to manne, Line 17510 To þolenn dæþ o rodetre Forr all mannkinne nede, All þurrh þatt lufe & þurrh þatt lusst Þatt teȝȝ till mannkinn haffdenn Forþ wiþþ þatt Hallȝhe Frofre Gast, Line 17515 Þatt cumeþþ off hemm baþe, All þurrh þatt lufe & þurrh þatt lusst Þatt teȝȝ till mannkinn haffdenn, To lesenn menn off defless band & u¯¯t off helle pine, Line 17520 Þatt whase trowwenn shollde o Crist Wel shollde wurrþenn borrȝhenn. Whi seȝȝde Crist till Nicodem, Þatt Drihhtin Godd off héffne Swa lufede þiss middellærd, Line 17525 Þiss werelld, tatt he sennde Hiss aȝhenn Sune Allmahhtiȝ Godd, To þolenn dæþ o rode, Alls iff he shollde lesenn u¯¯t Þe middellærd off helle? Line 17530 Þurrh whatt wass heffness whel forrgarrt To dreȝhenn helle pine? & lifft, & land, & waterrflod, Hu wærenn þeȝȝ forrwrohhte To dreȝhenn wa wiþþ mikell rihht Line 17535 Inn helle wiþþ þe defell? Off þise fowwre shaffte iss all Þiss middell werelld timmbredd,

Off heffness whel, & off þe lifft, Off waterr, & off erþe; Line 17540 & i þa fowwre shafftess niss Nowwþerr, — ne lif ne sawle, Þatt mihhte gilltenn aniȝ gillt & addlenn helle pine.

Nu birrþ uss wi˘tenn þatt uss iss Line 17545 Her þurrh þe werelld tacnedd [col 385] Summ shaffte, þatt wass all forrwrohht To dreȝhenn helle pine. Þe werelld iss uss here sett To tacnenn mannkinn ane. Line 17550 & forr þatt manness bodiȝ iss Off all þe werelld feȝedd, Off heffness fir, & off þe lifft, Off waterr, & off erþe; & forr þatt manness sawle iss her Line 17555 Wel þurrh þe werelld tacnedd, Forr baþe fallenn inntill an Affterr Grickisshe spæche, Forr werelld iss nemmnedd Cossmós, Swa summ þe Grickess kiþenn, Line 17560 Forr þatt itt iss wurrþlike shridd Wiþþ sunne & mone & sterrness, Onn heffness whel all ummbetrin, Þurrh Godd tatt swillc itt wrohhte;

& ec itt iss wurrþlike shridd, Line 17565 Þatt wasst tu wel to soþe, O lifft, o land, o waterrflod, Wiþþ fele kinne shaffte, & sawle iss ec wurrþlike shridd Þurrh Godd inn hire kinde, Line 17570 Wiþþ unndæþshildiȝnesse, & ec Wiþþ witt, & wille, & minde, & forrþi nemmneþþ Drihhtin Godd Þe sawle hiss onnlicnesse, Forr þatt teȝȝ baþe, sawle & Godd Line 17575 Sinndenn wiþþutenn ende, & hafenn minde, & wille, & witt, Acc nohht onn ane wise, Forr Godd itt hafeþþ aȝȝ inn himm, & æfre & æfre itt haffde, Line 17580 & sawle onnfoþ att Godess hand All hire duhhtiȝnesse, Þær þær he shapeþþ sawle off nohht, All alls himm sellfenn likeþþ; & forrþi shall þe werelld her Line 17585 Bitacnenn mannkinn ane, Forr baþe fallenn inntill an, Swa summ icc habbe shæwedd. Forr eȝȝþerr iss wurrþlike shridd Acc nohht onn ane wise, Line 17590 & tohh iss þeȝȝre baþre shrud Þurrh Cossmós wel bitacnedd. & forrþi mahht tu nemmnenn mann Affterr Grikkishe spæche

Mycrocossmós, þatt nemmnedd iss Line 17595 Affterr Ennglisshe spæche Þe little werelld, all forrþi Forr þatt te manness sawle Iss shridd þurrh Godd wurrþlike & wel Wiþþ god & wurrþfull kinde, Line 17600 All all swa summ þiss werelld iss Wel shridd wiþþ scone shafftess. & ec þe werelld tacnenn maȝȝ Mannkinn all þess te bettre Þatt manness bodiȝ feȝedd iss Line 17605 & wrohht off fowwre shafftess, Off heffness fir, & off þe lifft, Off waterr, & off erþe. & forrþi shall þe werelld her Bitacnenn mannkinn ane Line 17610 Þatt Godess word wass sennd þurrh Godd To lesenn u¯¯t off helle. & off þe manness Sune, & ec Off Godess Sune, off baþe Her seȝȝde Crist till Nicodem Line 17615 All an i þise wordess, Þatt whase trowwenn shall onn himm Wel muȝhe wurrþenn borrȝhenn. & tatt wass seȝȝd alls iff he þuss Wiþþ openn spæche seȝȝde, Line 17620 To þann comm icc off heffne dun To wurrþenn mann onn erþe, Þatt whase trowwenn shall onn me, & mine laȝhess haldenn,

Wel muȝhe ben wurrþi wiþþ me Line 17625 To brukenn eche blisse. Þiss seȝȝde Crist till Nicodem To don himm tunnderrstanndenn, Þatt he wass baþe Godd & mann, [col 386] An had, tatt shollde lesenn Line 17630 Mannkinn off helle, & ȝifenn menn To winnenn heffness blisse.

& tatt te Laferrd seȝȝde þær Till Nicodem wiþþ worde, Þatt Drihhtin Godd ne sennde nohht Line 17635 Hiss Sune forr to demenn Þiss werelld, acc to lesenn itt U¯¯t off þe defless walde, Þatt seȝȝde he forr to don himm swa To sen & tunnderrstanndenn, Line 17640 Þatt he wass sennd to wurrþenn mann To lesenn menn off helle, Þurrh lufe off himm sellfenn, & ec Þurrh off hiss Faderr baþe, & off þatt Hallȝhe Frofre Gast Line 17645 Þatt cumeþþ off hemm baþe, Þurrh þatt he nass nohht cumenn þa To demenn alle þede, Acc forr to berrȝhenn æddmodliȝ Þe werelld þurrh hiss are. Line 17650

Line 17650 & tatt he þær till Nicodem Ȝe¯¯t spacc þuss off himm sellfenn, & whase lefeþþ upponn himm Þatt mann iss all unndemedd, Þatt wass alls iff he seȝȝde þuss Line 17655 Till himm wiþþ openn spæche, Þatt mann þatt trowwenn shall onn me & mine laȝhess haldenn, Þatt illke mann ne beþ nohht demmd To dreȝhenn helle pine. Line 17660 & tatt he þær till Nicodem Ȝe¯¯t spacc þuss off himm sellfenn, & whase nile nohht onn himm Wiþþ fulle trowwþe lefenn, Þatt mann iss nuȝȝu demmd þurrh Godd Line 17665 To dreȝhenn helle pine, Þatt wass alls iff he seȝȝde þuss Till himm wiþþ openn spæche, Þatt mann þatt nohht ne shall onn me Wiþþ fulle trowwþe lefenn, Line 17670 Acc shall þurrh modiȝnesse & niþ Forrwerrpenn all min lare, Þatt mann iss nuȝȝu demmd þurrh me, To dreȝhenn helle pine, Forr, þurrh þatt tatt icc amm soþ Godd, Line 17675 I maȝȝ full æþe cnawenn All whillke shulenn cwemenn me & addlenn heffness blisse, & whillke shulenn me forrsen & addlenn helle pine, Line 17680

Line 17680 Off all þatt follc þatt fra þiss daȝȝ Till Domess daȝȝ shall wurrþenn, Forr all þatt follc þatt æfre wass & all þatt ȝe¯¯t shall wurrþenn, All iss itt nuȝȝu demmd, & sett Line 17685 O boc, & tald, & rimedd, Þurrh Godd, & all he seþ nuȝȝu Whatt illc an mann shall findenn, Whatt mede illc an shall unnderrfon Att Godd forr hise dedess. Line 17690 Forr Drihhtin hu þe dom shall gan All wa¯¯t & æfre wisste, Forr Godess eȝhe & Godess witt All seþ, all wat, all cnaweþþ, Ȝa þatt tatt wass, ȝa þatt tatt iss, Line 17695 Ȝa þatt tatt ȝe¯¯t shall wurrþenn; [col 387] & ȝiff þu borrȝhenn best, tatt beþ All þurrh Drihhtiness are, & þurrh þatt tu þæraffterr swannc Wel wiþþ Drihhtiness hellpe. Line 17700 & ȝiff þu borrȝhenn nohht ne best, Þatt beþ all þurrh þi sinne, & þurrh rihht dom þu best ta demmd To dreȝhenn helle pine, All affterr þatt tin addlinng iss Line 17705 Na lasse, ne na mare. & tatt he þær till Nicodem Ȝe¯¯t spacc þuss off himm sellfenn,

& he, þatt nohht ne shall onn himm Trowwenn, iss nuȝȝu demedd, Line 17710 Forrþi þatt he ne trowweþþ nohht, Swa summ himm birrde trowwenn, Uppo þatt name þatt iss sett O Godess Sune onn erþe, Onn himm þatt iss off Drihhtin Godd Line 17715 Ankennedd Sune strenedd, Þatt wass alls iff he seȝȝde þuss Till himm wiþþ openn spæche, Whatt mann se shall forrwerrpenn all To lefenn & to trowwenn, Line 17720 Þatt icc amm þurrh mi Faderr sennd & sett Hælennde onn erþe, & whase shall, þurrh hete & niþ & þurrh hiss modiȝnesse, Mi name þwerrt u¯¯t all forrsen Line 17725 Þatt nemmnedd iss Hælennde, Þatt name þatt shall hælenn all Þatt æfre shall ben hæledd, Þatt name þatt shall berrȝhenn all Þatt æfre shall ben borrȝhenn Line 17730 Þurrh me, þatt amm off Drihhtin Godd Ankennedd Sune strenedd, Þatt amm swa strenedd, tatt icc amm All an i Goddcunndnesse Wiþþ Faderr & wiþþ Haliȝ Gast Line 17735 Wiþþutenn ord & ende, Þatt cumenn amm to chesenn me Well fĕle breþre onn erþe,

Þatt shulenn ȝerne stanndenn inn To don mi Faderr wille, Line 17740 Swa þatt he shall hemm alle imæn Haldenn forr hise chilldre, & ȝifenn hemm to ben wiþþ me Arrfname off heffness riche, Þatt amm ankennedd Sune off himm Line 17745 All an wiþþ himm i kinde, Whatt mann se shall forrwerrpenn þiss To lefenn & to trowwenn, Þatt mann iss nuȝȝu demmd & sett To dreȝhenn helle pine, Line 17750 Bu¯¯t iff he muȝhe cumenn forþ, œr þann he ȝife hiss ende, To lefenn þatt icc amm soþ Godd & soþ Hælennde onn erþe. & tatt he þær till Nicodem Line 17755 Ȝe¯¯t spacc þuss off himm sellfenn, Þatt iss þe dom, þatt lihht & lem Iss cumenn upponn erþe, & menn ne lufenn nohht te lihht Acc lufenn þessterrnesse, Line 17760 Forrþi þatt teȝȝre dede iss all Unngod & all unnclene, Þatt wass alls iff he seȝȝde þuss [col 388] Till himm wiþþ oþre wordess, All þatt tatt aniȝ mann shall ben Line 17765 Demmd inntill helle pine,

All þatt shall ben, forr þatt he shall Forrhoȝhenn & forrwerrpenn To cumenn till þe Crisstenndom & till þe rihhte læfe, Line 17770 To cnawenn & to follȝhenn me & upponn me to lefenn, Þatt amm soþ lihht off soþ & rihht, & off þe rihhte læfe. & forrþi shulen alle þa Line 17775 Þatt sinndenn menn ȝehatenn, Forr þatt teȝȝ follȝhenn þeȝȝre flæsh Inn alle fule lusstess, & all forrwerrpenn & forrsen To don þe sawless wille, Line 17780 & hatenn all þatt Godd iss lef & lufenn alle unnþæwess, & lin i depe sinness aȝȝ O fele kinne wise, Þatt sinndenn opennlike inoh Line 17785 Þurrh þessterrnesse tacnedd, Forrþi þatt sinness draȝhenn aȝȝ Till helless þessterrnesse, & frawarrd heffness lihht & lem Þa sawless þatt hemm follȝhenn, Line 17790 All swa summ he þatt ifell doþ Aȝȝ fleþ fra daȝȝess leme, Forr himm iss laþ þatt mann himm se Inn hise fule dedess, Forrþi shall all þatt laþe flocc Line 17795 Ben demmd till helle pine,

Forrþi þatt teȝȝre lif iss all Bisett wiþþ þessterrnesse, Inn all þatt ifell þatt mann doþ Þurrh hæþenndom & dwilde. Line 17800

Biforenn þatt te Laferrd Crist Wass cumenn her to manne, Wass all þiss middell werelld full Off sinness þessterrnesse, Forrþi þatt Crist, þe werrldess lihht, Line 17805 Nass nohht ȝe¯¯t cumenn þanne Forr to bigripenn all mannkinn Off hæþenndom & dwilde, & forr to shæwenn whatt wass god & whatt wass ifell dede, Line 17810 & hu mann mihhte cwemenn Godd & addlenn heffness blisse, & stanndenn ȝæn þe laþe gast, & all forrbuȝhenn helle. & affterr þatt te Laferrd Crist Line 17815 Wass cumenn her to manne, Þæraffterr wass þiss middellærd Off heffness leme filledd, Þurrh þatt te Laferrd Crist himm sellf [col 389] & hise Lerninngcnihhtess Line 17820 All whatt wass rihht, & whatt wass woh, Till alle þede kiddenn,

& hu mann mihhte cwemenn Godd & addlenn heffness blisse. & fele þede modiliȝ Line 17825 Wiþþstodenn, & wiþþseȝȝdenn, & all forrwurrpenn heffness lihht & hefennlike lare, Forrþi þatt hemm wass lef to ben I þeȝȝre þessterrnesse, Line 17830 To follȝhenn þeȝȝre flæshess lust Inn alle kinne sinne, & forr þatt hemm wass laþ þatt lihht Þatt hemm bigrap off sinne. & sume þede tokenn wel Line 17835 Wiþþ hefennlike lare, & turrndenn till þe Crisstenndom & till þe rihhte læfe, Þatt iss þatt soþe lihht & lem Þatt ledeþþ menn till heffne, Line 17840 & tokenn till full innwarrdliȝ Þurrh shriffte & þurrh dædbote To wreȝhenn all here aȝhenn woh, To wrekenn onn hemm sellfenn, Þatt teȝȝ swa lannge inn hæþenndom Line 17845 Soþ Drihhtin haffdenn wraþþedd, Annd swa þeȝȝ comenn till þe lihht, Till all þe rihhte læfe Off ure Laferrd Jesu Crist, Þatt Soþfasstnesse iss nemmnedd, Line 17850 Forr all þatt æfre iss soþ & rihht & god & Drihhtin cweme,

& berrhless till hiss handewerrc, All - comm off Cristess are. & swa þeȝȝ comenn till þe lihht, Line 17855 To shæwenn & to kiþenn Þatt teȝȝre dede ȝede rihht, All affterr Cristess bisne, Forr alle samenn didenn an Crist sellf & teȝȝ hemm sellfenn, Line 17860 Crist hemm bigrap off þeȝȝre woh Þurrh rihhtwisnessess lare, & teȝȝ bigri˘penn þeȝȝre woh Þurrh shriffte & þurrh dædbote, Swa þatt teȝȝ alle didenn an Line 17865 Crist sellf & teȝȝ hemm sellfenn. & swa þurrh þatt wass sene inoh Þatt teȝȝre gode dede Wass all i Godd, & all þurrh Godd, & þurrh hiss hellpe forþedd, Line 17870 & swa wass filledd ta þurrh hemm I þeȝȝre gode dede Þatt tatt te Laferrd seȝȝde þuss Till Nicodem wiþþ worde; & whase follȝheþþ soþ & rihht Line 17875 Inn alle gode dedess, He cumeþþ gladdliȝ to þe lihht, To shæwenn þatt hiss dede Iss all i Godd, & all þurrh Godd, & þurrh hiss hellpe forþedd. Line 17880 & Godd Allmahhtiȝ gife uss her, To cwemenn Crist o life

Wiþþ clene þohht, wiþþ clene word, Wiþþ clene þæw & dede, Swa þatt we motenn wurrþi ben Line 17885 To winnenn Cristess are.

Amæn;·

[col 390] Affterr þe Pasche messedaȝȝ, For sone anan þe Laverrd Inntill þe land off Galile Line 17890 Wiþþ hise Lerninngcnihhtess, & whær o lande summ he comm He wrohhte miccle tacness, & talde spell amang þe follc Off þeȝȝre sawle nede, Line 17895 & off þatt miccle sellþe & sel, Þatt enngleþed inn heffne Wiþþ Godd, all þurrh þe ȝife off Godd, A butenn ende brukenn. & all hiss lare & all hiss lif Line 17900 & all hiss hallȝhe dede Droh till þatt an, to turrnenn follc Inntill þe rihhte weȝȝe, Till fulluhht, & till Crisstenndom, & till þe rihhte læfe. Line 17905

SECUNDUM JOHANNEM XXVII.

Postea venit Ihc in Judeam terram & discipuli ejus, & illic morabatur, & baptizabat.

Annd siþþenn comm þe Laferrd Crist, Swa summ þe Goddspell kiþeþþ, Inntill Judealand himm sellf Wiþþ hise Lerninngcnihhtess, & tær bilæf he þa wiþþ hemm Line 17910 & toc þa þær to fullhtnenn, Nohht þurrh himm sellfenn, acc þurrh hemm All affterr þatt he tahhte. & Sannt Johan Bapptisste wass Þatt tíme, forr to fullhtnenn, Line 17915 Nohht ferr þær inn an endeland Þatt wass Ennón ȝehatenn; & he wass neh an casstelltun Þatt wass Salím ȝehatenn, [col 391] Þær wass he þa forrþi þatt tær Line 17920 Well fele wattress wærenn, & swillke þatt he mihhte wel Fullhtnenn þe follc þærinne. & tiderr comm þe follc till himm, Att himm to wurrþenn fullhtnedd, Line 17925 Forr nass nohht Sannt Johan ȝe¯¯t ta Inntill cwarrterrne worrpenn.

& ta bilammp, þatt witt tu wel, Þatt hise Lerninngcnihhtess Tokenn to sannenn fasste onnȝæn Line 17930 Þe Judewisshe lede Off Johaness fulluhht, & off Þatt fulluhht tatt te Laferrd Bigunnenn haffde amang þe follc Þurrh hise Lerninngcnihhtess, Line 17935 & comenn sone till Johan Bapptisste þeȝȝre maȝȝstre, & seȝȝdenn sone þuss till himm, Swa summ þe Goddspell kiþeþþ; Maȝȝstre, þatt mann þatt wass wiþþ þe Line 17940 Biȝonndenn flumm i wesste, Whamm þu bar wittness to þe follc, He fullhtneþþ nu bilife, & alle turrnenn nu till himm, Hiss fulluhht tunnderrganngenn. Line 17945 & Sannt Johan Bapptisste hemm ȝaff Annswere onnȝæn & seȝȝde; Ne maȝȝ nan mann onnfon nan þing, Þatt segge icc ȝuw to soþe, Bu¯¯t iff þatt itt himm ȝifenn be Line 17950 Þurrh Drihhtin upp off heffne. & ȝe ȝuw sellfenn berenn me God wittness þatt I seȝȝde Till ȝuw, þatt I ne wass nohht Crist, Acc þatt I wass to manne Line 17955 Þurrh Drihhtin sennd biforenn Crist, To ȝarrkenn hise weȝȝess.

Bridgume iss he þatt hafeþþ brid, & swa mann birrþ himm haldenn, & whase iss þatt bridgumess frend, Line 17960 He stannt wiþþ himm, & herrcneþþ Wel ȝerrne hiss word, & forr hiss word He blisseþþ inn hiss herrte; Þiss blisse iss min la fuliwiss, & itt iss nuȝȝu filledd. Line 17965 Ned iss, & itt bihofeþþ wel Þatt he nu forrþwarrd waxe, & ec iss ned & god off me Þatt I nu forrþwarrd wannse. Forr he þatt fra bibufenn comm Line 17970 Iss ane abufenn alle; He þatt off erþe cumenn iss He spekeþþ here off erþe; & he þatt comm off heffness ærd, Iss ane abufenn alle, Line 17975 & bereþþ wittness opennliȝ Off - þatt he sahh & herrde, & niss nan mann þatt kepeþþ ohht Hiss wittness tunnderrfanngenn; & wha sitt iss þatt takeþþ wiþþ Line 17980 Hiss wittness tunnderrfanngenn, He setteþþ merrke off þatt he wiss Iss Godd soþfasst i spæche.

SECUNDUM JOHANNEM XXVIII.

Quem enim misit Deus verba Dei loquitur, non enim ad mensuram dat Deus Spiritum.

He þatt wass hiderr sennd þurrh Godd He spekeþþ Godess wordess, Line 17985 Forr Godd ne ȝifeþþ nohht wiþþ mett Hiss Gastess Hallȝhe Frofre. Þe Faderr lufeþþ þwerrt u¯¯t wel Hiss Sune onn alle wise, & hafeþþ ȝifenn himm inn hannd Line 17990 To weldenn alle þingess. & whase itt iss þatt lefeþþ wel Uppo þe Sune onn erþe, Þatt illke mann hafeþþ nuȝȝu Hiss læn inn heffness blisse. Line 17995 & whase itt iss þatt nile nohht Uppo þe Sune trowwenn, Þatt illke mann ne shall nohht sen Þe lif off heffness blisse, Acc Godess irre iss upponn himm, Line 18000 & Godess rihhte wræche. Her endenn twa Goddspelless þuss & uss birrþ hemm þurrhsekenn, [col 392] To lokenn whatt teȝȝ lærenn uss Off ure sawle nede. Line 18005

Line 18005 Firrst birrþ uss lokenn whatt bihallt & whatt itt wile uss tacnenn, Þatt Crist for u¯¯t off Ȝerrsalæm Wiþþ hise Lerninngcnihhtess Inntill þe land off Galile, Line 18010 To shæwenn hise tacness, & tatt he for off Galile Inntill Judea siþþenn, To fullhtnenn i þatt land te follc Þurrh hise Lerninngcnihhtess; Line 18015 Þiss birrþ uss lokenn allre firrst, Whatt itt uss wile tacnenn Off hellpe & hald till ure lif, & ec till ure sawle. Soþ lare seȝȝþ þatt Ȝerrsalæm Line 18020 Bitacneþþ griþess sihhþe; & ec itt seȝȝþ þatt Galile Bitacneþþ uss flittinnge. & þurrh Judea tacnedd iss Loffsang Drihhtin to wurrþenn; Line 18025 & ec Judea tacneþþ uss Missdedess anndȝætinnge. & all þatt her bitacnedd iss Bilimmpeþþ wel wiþþ alle Till ure Laferrd Crist, tatt comm Line 18030 To wurrþenn mann onn erþe, Forr þatt he wollde turrnenn menn Inntill þe rihhte læfe, Inntill þatt sellþe þatt iss wiss Soþ griþess eche sihhþe, Line 18035

Line 18035 Swa þatt teȝȝ, þurrh hiss hellpe & hald Unnderr þe rihhte læfe, Wel sholldenn muȝhenn flittenn hemm & ferrsenn fra þe defell, & fra þe werrldess lufe & lusst, Line 18040 & fra þe flæshess wille, To clennsenn & to bæwenn hemm Off alle þeȝȝre sinness, Þurrh shriffte & þurrh dædbotess baþþ & ec þurrh beȝȝske tæress, Line 18045 Swa þatt teȝȝ sholldenn muȝhenn wel Unnderr þe rihhte læfe Wiþþ clene þohht & word & werrc Rihht lofenn Godd & wurrþenn. Þiss comm þe Laferrd Jesu Crist Line 18050 To forþenn her onn erþe, Þurrh spelless & þurrh haliȝ lif & ec þurrh hallȝhe tacness, & tatt þurrh himm sellfenn, & ec Þurrh hise Lerninngcnihhtess. Line 18055 & tiss wass all bitacnedd uss Þurrh þatt, tatt ure Laferrd For u¯¯t off Ȝerrsalæmess land Wiþþ hise Lerninngcnihhtess Inntill þe land off Galile, Line 18060 To shæwenn hise tacness, & tatt he for off Galile Inntill Judea siþþenn,

[col 393] To fullhtnenn i þatt land te follc Þurrh hise Lerninngcnihhtess. Line 18065 Forr all þe Laferrd Cristess lif & all hiss hallȝhe lare, & all hiss weȝȝe, & all hiss werrc, & all hiss hallȝhe bisne, & all þatt he fra land to land Line 18070 & ec fra tun to tune Fór oþerr stund bitwenenn menn Inn ure mennisscnesse, All wass itt haliȝ bisne & god & hefennlike takenn Line 18075 Off all þatt uss wass ned to don To berrȝhenn ure sawless.

Þatt Sannt Johan wass in Ennón To fullhtnenn þær þe lede, Forrþi þatt i þatt endeland Line 18080 Well fĕle wattress wærenn, & swillke - þatt he mihhte wel Fullhtnenn þe follc þærinne, Þatt wass inoh geȝȝnlike don & all wiþþ Godess wille; Line 18085 Forr Latin boc seȝȝþ þatt Ennon Bitacneþþ waterrkinde, & waterrflod bitacneþþ follc, & follc he stod to fullhtnenn.

& wel maȝȝ manness kinde ben Line 18090 Þurrh waterrflod bitacnedd; Forr all all swa se waterrstræm Aȝȝ fleteþþ forþ & erneþþ Towarrd te sæ wiþþ mikell sped, Ȝiff þatt itt nohht ne letteþþ, Line 18095 All swa rihht erneþþ all mannkinn Inn hiss dæþshildinesse Fra ȝer to ȝer, fra daȝȝ to daȝȝ, Inntill hiss lifess ende. & ec þurrh þatt, tatt Sannt Johan Line 18100 Bapptisste wass to fullhtnenn Onnfasst tatt illke kasstelltun Þatt wass Salím ȝehatenn, Þær an mann haffde biggedd ær, Mellchisedæc ȝehatenn, Line 18105 Þatt haffde ben þær Godess prest & king þær off þatt chesstre, Þærþurrh uss dide Sannt Johan To sen & tunnderrstanndenn, Þatt ure Laferrd Jesu Crist Line 18110 Wass cumenn þa to manne, To timmbrenn himm þurrh hiss fulluhht An casstell ȝæn þe defell, An Crisstnedd follc þatt shollde wel Þurrh rihht god trowwþess wæpenn, Line 18115 Wel stanndenn ȝæn þe laþe gast, Þurrh himm þatt shollde baþe Ben þeȝȝre prest & teȝȝre king, To gengenn hemm wiþþ beness,

Biforenn Heffness King, & ec Line 18120 Wiþþ Goddcunndnessess wæpenn. Forr ure Laferrd Jesu Crist Iss Prest off alle prestess, Hiss follc to þingenn wel inoh Towarrd Drihhtin off Heffne Line 18125 Þatt all iss an wiþþ himm, & ec Wiþþ Haliȝ Gast i kinde. & ure Laferrd Jesu Crist Iss King off alle kingess, To fihhtenn forr hiss hallȝhe follc Line 18130 O rode ȝæn þe defell, & mahhtiȝ king & strang inoh Inn hiss goddcunnde kinde, To tredenn all unnderr hiss fót Þe laþe gastess strenncþe. Line 18135 All all swillc hellpe & all se god Comm þurrh Johan Bapptisste Till all þatt follc þatt unnderrfeng Hiss fulluhht & hiss lare, Biforenn þatt te Laferrd toc Line 18140 To fullhtnenn & to spellenn, Alls iss to daȝȝ till himm þatt iss Primmseȝȝnedd & nohht fullhtnedd, [col 394] To lernenn all hiss Crisstenndom & all hiss rihhte læfe. Line 18145 Forr all all swa se Sannt Johan Bapptisste comm to lærenn

Þe follc to rihhtenn here lif Þurrh shriffte & þurrh dædbote, & all swa summ he þeȝȝm bigrap Line 18150 Off alle þeȝȝre sinness, & all swa summ he kidde þeȝȝm Off Godess Suness come, To fullhtnenn hemm þurrh Haliȝ Gast To clennsenn hemm off sinness, Line 18155 & all swa summ he droh þe follc To lufenn & to cnawenn Þatt rihhtwisnessess lihht, tatt Crist Þa shollde brinngenn newenn, All swa birrþ Cristess prest to daȝȝ Line 18160 Þatt mann þatt he primmseȝȝneþþ Wel tæchenn all hiss Crisstenndom, & all hiss rihhte trowwþe, & wel himm shæwenn þatt he wass Her borenn unnderr sinne, Line 18165 & shæwenn himm þatt he shall ben U¯¯tlesedd fra þe defell Þurrh fulluhht, ȝiff he¯¯t wile fon, & þurrh þe rihhte læfe, & tatt he þurrh fulluhht shall ben Line 18170 Off alle sinness clennsedd, & tæchenn himm þe Laferrd Crist To lufenn & to cnawenn, & rihht to dredenn Godess dom Wiþþ hope off Godess are, Line 18175 & teþennforrþ to þewwtenn Crist, To lofenn, & to wurrþenn,

& rihht to follȝhenn Cristess sloþ I chĕle, i þrisst, inn hunngerr, Inn herrsummnesse, i soþ, i rihht, Line 18180 I lufe, i soþ mecnesse, Forr swa to winnenn eche lif Inn heffness ærd wiþþ enngless. & tatt tiss Goddspellwrihhte seȝȝþ O þiss Goddspelless lare, Line 18185 Þatt Sannt Johan nass nohht ȝe¯¯t ta Inntill quarrterrne worrpenn, Þatt seȝȝþ he forr to don uss swa Gastlike tunnderrstanndenn, Þatt ȝe¯¯t ta stod stafflike witt Line 18190 Amang Judisskenn þede Off Moysæsess laȝheboc & off hallȝhe profetess, [col 395] Þatt come þatt te Laferrd Crist Comm forþ, & toc to fullhtnenn; Line 18195 Forr þatt nass nohht onnȝæness Crist Þatt tálde laȝhe stode, Till þatt te newe wære se¯¯t Þurrh Cristess hallȝhe come.

Þiss Goddspell seȝȝþ off Sannt Johan, Line 18200 Þatt hise Lerninngcnihhtess Tokenn to sannenn fasste onnȝæn Þe Judewisshe lede

Off Johaness fulluhht, & off Þatt fulluhht tatt te Laferrd Line 18205 Bigunnenn haffde amang þe follc Þurrh hise Lerninngcnihhtess. & her uss unnderrstanndenn birrþ, Þatt teȝȝ to sannenn tokenn Ȝæn þa þatt létenn wel off Crist Line 18210 & off hiss hallȝhe lare, Onnȝæn þatt flocc þatt fullhtnedd wass Þurrh Cristess Lerninngcnihhtess, Ȝæn hemm bigunnenn all þurrh niþ Johaness Lerninngcnihhtess Line 18215 To sannenn fasste off Crist, & ec Off Johan þeȝȝre maȝȝstre. Forr þatt teȝȝ wolldenn bliþeliȝ Harrdnenn, ȝiff þatt teȝȝ mihhtenn, Þatt teȝȝre Bapptisstess fulluhht Line 18220 Wass bettre, & hehre, & derre Þann þatt tatt wass bigunnenn þa Þurrh Crist færlike & newenn. Þeȝȝ létenn þatt mann birrde bett Till þeȝȝre maȝȝstre sekenn Line 18225 Forr hiss fulluhht & forr hiss spell, Þann till Crist sellf forr owwþerr, Forrþi þatt teȝȝre maȝȝstre wass Þe firrste mann þatt æfre Bigann to fullhtnenn aniȝ follc Line 18230 Forr aniȝ sawle bote. & forr þatt Crist ær haffde ben Fullhtnedd att teȝȝre maȝȝstre,

& teȝȝre maȝȝstre nohht att Crist, & ec forr þatt teȝȝ wisstenn, Line 18235 Þatt teȝȝre maȝȝstre borenn wass Off faderr & off moderr Þurrh Godess wille & þurrh hiss mahht, & nohht þurrh þeȝȝre kinde, & ec forr þatt teȝȝ wisstenn wel, Line 18240 Þatt Johan þeȝȝre maȝȝstre Wass filledd off soþ Godess Gast Ȝe¯¯t in hiss moderr wambe, Forrþi þeȝȝ letenn mare inoh Off Johan þeȝȝre maȝȝstre, Line 18245 Þann off þe Laferrd Crist, whamm þeȝȝ Ȝe¯¯t ta rihht nohht ne cnewenn. Forr nisstenn þeȝȝ nohht witerrliȝ Ȝe¯¯t ta to fulle soþe Þatt Crist wass Godess Sune, & Godd Line 18250 Þatt cumenn wass to manne. & forrþi þatt teȝȝ wærenn off Farisewisshe þede, Þatt wass wel swiþe niþfull þed & fulle off modiȝnesse, Line 18255 Forrþi þeȝȝ wolldenn niþþrenn Crist & laȝhenn himm þe mare, & comenn sone till Johan Bapptisste þeȝȝre maȝȝstre, To wreȝenn Crist off þatt he droh Line 18260 Onn himm þe follc to fullhtnenn, Þurrh modiȝnesse & all wiþþ woh Affterr þatt tatt hemm þuhhte.

& tuss teȝȝ seȝȝdenn sone anan Till Johan þeȝȝre maȝȝstre; Line 18265 Maȝȝstre — þatt mann þatt wass wiþþ þe Biȝonndenn flumm i wesste, Whamm þu barr wittness to þe follc, He tăkeþþ nu to fullhtnenn, & draȝheþþ all þe follc till himm, Line 18270 Hu þinnkeþþ þe þæroffe? & tiss wass seȝȝd alls iff þeȝȝ þuss Wiþþ oþre wordess seȝȝdenn, He þatt wass fullhtnedd att tin hannd [col 396] He takeþþ nu to fullhtnenn, Line 18275 & draȝheþþ upponn himm þatt þing Þatt himm nohht ne bilimmpeþþ, & ræfeþþ þe þin allderrdom & te¯¯t maȝȝ ille likenn. He draȝheþþ all þe follc till himm Line 18280 Þurrh fulluhht & þurrh lare, & all he draȝheþþ hemm fra þe, Lef maȝȝstre, & fra þin lare, & hefiȝlike he shameþþ þe & shendeþþ & unnwurrþeþþ; Line 18285 & tiss maȝȝ þe full innwarrdliȝ Misslikenn, alls uss þinnkeþþ· & forr þatt teȝȝre maȝȝstre wass Off hete & niþ all clene, & filledd off soþ Godess Gast, Line 18290 & Godd all þwerrt u¯¯t cweme,

& ec forr þatt he wisste wel Þatt Crist wass Godd off heffne, He ȝaff hemm sware, & seȝȝde þuss Forr þeȝȝre niþ to cwennkenn; Line 18295 Ne maȝȝ nan mann onnfon nan þing, Þatt segge icc ȝuw to soþe, Bu¯¯t iff þatt itt be ȝifenn himm Þurrh Drihhtin Godd off heffne. & tatt wass seȝȝd alls iff he þuss Line 18300 Wiþþ oþre wordess seȝȝde, Forrþi þatt I wass borenn her Off faderr & off moderr, Þatt time þatt teȝȝ wærenn ba Off swiþe mikell elde, Line 18305 Þa þeȝȝre time wass all gan To tiddrenn & to tæmenn, Forrþi ȝe wenenn, þatt I be Off heffne sennd to manne All oþerr þann erþlike mann Line 18310 I Goddcunndnessess kinde. Acc þatt niss nohht; ȝe wenenn wrang Off me; beþ warre & wise, Namm I nohht Godd, acc icc amm mann, Off bodiȝ & off sawle, Line 18315 & nohht na mare þann a mann Dæþshildiȝ unnderr sinne. Acc ure Laferrd Crist iss mann, Acc all wiþþutenn sinne, & Crist iss Godess Sune, & Godd Line 18320 Þatt alle shaffte wrohhte.

& icc amm an erþlike mann Inn unntrummnesse strenedd, & nohht ne maȝȝ icc habbenn her Off haliȝ mahht o life, Line 18325 Bu¯¯t iff þatt icc itt unnderrfo Att Cristess æddmodnesse. Forr icc amm i me sellfenn wac & full off unntrummnesse, & þurrh þe ȝife off Crist I maȝȝ Line 18330 Me berrȝhenn lif & sawle. & þurrh Crist amm icc sennd till ȝuw To spellenn & to fullhtnenn, [col 397] To ȝarrkenn ȝuw ȝæn hiss fulluhht & ȝæn hiss hallȝhe lare, Line 18335 & forrþi ræde icc ȝuw full wel & bidde ȝuw & bede, Þatt ȝure nan ne dwelle nohht To turrnenn till hiss lare, & till hiss fulluhht tatt ȝuw maȝȝ Line 18340 Well clennsenn all off sinne. Ȝe wi˘tenn þatt I barr himm wel Wittness biforr þe lede, Þatt he wass Godd & Godess lamb Þatt offredd shollde wurrþenn Line 18345 O rodetre, forr all mannkinn To lesenn u¯¯t off helle. & ec ȝe wi˘tenn wel þatt icc Ȝuw off me sellfenn seȝȝde.

Þatt I namm nohht Crist, Godess word, Line 18350 Þatt cumenn iss to manne, Namm I nohht smeredd þurrh Drihhtin Fullike & all wiþþ alle Wiþþ Haliȝ Gastess fulle mahht & wiþþ hiss fulle kinde, Line 18355 Swa þwerrt u¯¯t all se Jesu Crist Iss smeredd þurrh himm sellfenn, & þurrh hiss Faderr Heffness king Wiþþ Haliȝ Gastess mahhte; Acc þohh swa þehh icc unnderrfeng Line 18360 Att Cristess æddmodnesse, Off hiss full náþe off Haliȝ Gast, Þuss heh wurrþshipe & wikenn, Þatt icc amm sennd biforenn himm Hiss bidell & hiss greȝȝfe, Line 18365 To ȝarrkenn follc onnȝæness himm To tăkenn wiþþ hiss come; Forr whase tăkeþþ wel wiþþ himm He tăkeþþ sawle bote.

& Sannt Johan ȝe¯¯t seȝȝde þuss Line 18370 Till hise Lerninngcnihhtess, Bridgume iss he þatt hafeþþ brid, & swa mann birrþ himm haldenn; & whase iss þatt bridgumess frend, He stannt wiþþ himm & herrcneþþ Line 18375 Wel ȝerrne hiss word, & forr hiss word He blisseþþ inn hiss herrte.

Þiss blisse iss min, lafuliwiss, & itt iss nuȝȝu filledd. Þiss seȝȝde Sannt Johan off Crist, Line 18380 & off himm sellfenn baþe; & tiss wass seȝȝd alls iff he þuss Wiþþ oþre wordess seȝȝde, Nile I nohht drathenn upponn me Þatt me nohht ne bilimmpeþþ, Line 18385 Ne maȝȝ I nohht bridgume ben Off all þatt hallȝhe genge Þatt Cristess hallȝhe brid shall ben, To follȝhenn all hiss wille, Þurrh fulluhht & þurrh Crisstenndom Line 18390 & þurrh þe rihhte læfe. Ne maȝȝ icc hemm nohht lesenn u¯¯t Þurrh dæþ off helle pine, Ne sahhtlenn hemm wiþþ heffness king Þatt haffde hemm all forrworrpenn, Line 18395 Ne clennsenn hemm þurrh Haliȝ Gast Off alle þeȝȝre sinness; Ne nohht ne maȝȝ icc ȝifenn hemm Wiþþutenn Cristess are All to forrbuȝhenn helle wa, Line 18400 & cumenn upp till heffne. Acc þiss maȝȝ Crist & tiss shall Crist All fillenn here & forþenn, Ȝa þurrh hiss Goddcunndnesses mahht, Ȝa þurrh hiss mennisscnesse. Line 18405 Nile I nohht draȝhenn uppo me Þurrh sinnfull modiȝnesse

Þatt mahht tatt Godd ne ȝaff me nohht, Ne me nohht ne bilimmpeþþ, Þatt I ne be þurrh Godess dom Line 18410 Wel wurrþi to forrlesenn All þatt wurrþshipe, & all þatt mahht, & all þatt ædiȝnesse, Þatt Crist sellf hafeþþ ȝifenn me All þurrh hiss æddmodnesse, Line 18415 & nohht þurrh þatt icc wass itt wurrþ, Ne þatt icc haffde itt addledd. Crist iss bridgume, & he shall her Himm chesenn brid onn erþe, Off all mannkinn an haliȝ follc, Line 18420 Þatt shall hiss wille follȝhenn. & whase iss þiss bridgumess frend, & lufeþþ himm wiþþ herrte, & follȝheþþ all hiss bodeword, & forþeþþ all hiss wille, Line 18425 [col 398] Swa — þatt himm þiss bridgume onnfo To lufenn & to nehȝhenn, To shæwenn himm hiss dærne run, Hiss domess diȝhellnesse, Þurrh witt & skill, & þurrh innsihht Line 18430 Off Haliȝ Gastess lare, Þurrh whatt he stanndeþþ wel & rihht I stall off soþ mecnesse, & nohht ne falleþþ hefiȝ fall Off modiȝnessess lawe, Line 18435

Line 18435 Acc stanndeþþ wel, & herrcneþþ all Þatt tiss bridgume himm læreþþ, Wiþþinnenn inn hiss clene gast Þurrh Godess Gastess frofre, Nu,—whase iss þiss bridgumess frend Line 18440 Þuss alls icc habbe shæwedd, & stanndeþþ þuss, & herrcneþþ þuss Whatt tiss bridgume bedeþþ, He blisseþþ wiþþ full bliþe mod Off þiss bridgumess spæche, Line 18445 Off — þatt he shæweþþ þurrh hiss word & ec þurrh hise tacness, Þatt he wisslike himm sellf iss Godd & Godess Sune off heffne, & soþ bridgume off soþfasst brid, Line 18450 Off all þatt hallȝhe genge Þatt haldenn shall hiss bodeword, & follȝhenn all hiss wille. Þiss iss mi blisse fuliwiss & itt iss nuȝȝu filledd, Line 18455 Forr icc amm þiss bridgumess frend All þurrh hiss mildherrtnesse. Þiss iss min blisse þatt I maȝȝ I soþ mecnesse stanndenn, Þatt I ne draȝhe nohht o me Line 18460 Þurrh sinnfull modiȝnesse, To wurrþenn forr bridgume tald Off Cristess brid wiþþ woȝhe. Þiss iss mi blisse þatt I maȝȝ Wiþþ innwarrd herrte buȝhenn Line 18465

Line 18465 Till þiss bridgumess bodeword, & herrcnenn till hiss lare. Þiss iss mi blisse þatt icc amm Þuss wurrþedd her onn erþe, Þurrh þiss bridgume, & nohht þurrh me, Line 18470 Ne þurrh min aȝhenn mahhte, Þatt icc maȝȝ þiss bridgume sen, & tatt icc maȝȝ himm cnawenn, & tatt icc wurrþenn amm hiss þeww, & tatt icc maȝȝ himm cwemenn. Line 18475

& Sannt Johan ȝe¯¯t seȝȝde þuss Till hise Lerninngcnihhtess Off ure Laferrd Jesu Crist, & off hiss Goddcunndnesse, Ned iss, & itt bihofeþþ wel Line 18480 Þatt he nu forrþwarrd waxe, & ec iss ned & god off me, Þatt I nu forrþwarrd wannse. & tiss wass seȝȝd alls iff he þuss Wiþþ oþre wordess seȝȝde, Line 18485 Himm birrþ nu forrþwarrd waxenn swa Þurrh hise miccle tacness, Þatt mann himm halde forr soþ Crist & forr soþ Godd onn erþe, Swa þatt mann lefe onn himm þe bett Line 18490 & lisste till hiss lare. [Coll. 399-406 wanting.] . . . . .

[col 407] . . . . .Drihhtin unnderrstanndenn, Þatt all þatt depe & dærne witt Þatt iss i Godess herrte Iss Godess Sune, & Godess Word, Line 18495 & Godess dærne spæche. & forrþi wass þe Laferrd Crist Off Godess aȝhenn kinde, Forr Crist wass all soþ Godess witt & all hiss dærne spæche, Line 18500 & Godess witt & Godess word Iss all an wiþþ hemm sellfenn. & all þatt dærne witt & word Þatt wass i Godess herrte Toc ure kinde & ure flæsh Line 18505 I Sannte Marȝess wambe, All alls hiss lefe wille wass, & all forr ure nede. & Godess witt & Godess word Wass aȝȝ occ aȝȝ þohhwheþþre Line 18510 I Godess herrte & inn hiss þohht All hal & unntodæledd, All hal i Godess herrte, & all I Sannte Marȝess wambe, All alls hiss lefe wille wass Line 18515 Þatt doþ all þatt himm þinnkeþþ· & forrþi seȝȝde Sannt Johan O þiss Goddspelless lare, Þatt Godess Word wass a wiþþ Godd, Forr a þeȝȝ wærenn baþe, Line 18520

Line 18520 Forr aȝȝ wass Sune & Faderr aȝȝ, & eȝȝþerr aȝȝ wiþþ oþerr, Forr aȝȝ occ aȝȝ wass Godd, & aȝȝ Hiss witt wass inn hiss herrte, & Godess witt iss Godess Word Line 18525 & Godess Sune nemmnedd; & Godess Sune & Godd himm sellf Þeȝȝ wærenn æfre & æfre Forþ wiþþ þatt an Allmahhtiȝ Gast, Þatt cumeþþ off hemm baþe. Line 18530 & Godess word wass a soþ Godd, & tatt iss wel to trowwenn; Forr Godess word iss Godess witt & Godess aȝhenn kinde, & Godess kinde & Godess witt Line 18535 Iss soþ Godd unntodæledd. Forr Godd himm sellf, & Godess witt, & Godess aȝhenn kinde Sinndenn all an, all an soþ Godd Þatt alle shaffte wrohte. Line 18540 Forr Godd iss Godd, & Godess witt Iss ec soþ Godd, & baþe Þeȝȝ sinndenn an Allmahhtiȝ Godd Þatt alle shaffte wrohhte Forþ wiþþ þatt an Allmahhtiȝ Gast, Line 18545 Þatt cumeþþ off hemm baþe. & forrþi seȝȝde Sannt Johan O þiss Goddspelless lare, Þatt Godess word wass a soþ Godd To don uss tunnderrstanndenn, Line 18550

Line 18550 Þatt all þatt strenedd iss off Godd, Off Godess aȝhenn kinde, All iss itt all þatt illke whatt Þatt Godd iss inn himm sellfenn.

Þiss wass i frummþe wiþþ soþ Godd Line 18555 Biforenn alle shaffte; Þiss Word wass wiþþ þe Faderr aȝȝ; Þe Faderr iss þatt frummþe Þatt Godess Sune, Godess word, Wass wiþþ, wiþþutenn frummþe. Line 18560 Þe Faderr sellf iss frummþe, acc He Niss off nan oþerr frummþe, Forr Godd wass æfre swa þatt He Ne toc nan biginninnge, Acc all þe werelld toc att Himm Line 18565 Biginninng þanne het¯¯ wrohhte. Þe Sune iss frummþe off frummþe, off Godd, Off whamm þe Sune iss strenedd. Þe Sune iss off þe Faderr wiss, Acc þohh all efennmete Line 18570 & efennmahhtiȝ Godd wiþþ himm, & all off efenn elde; Forr eȝȝþerr iss wiþþutenn ord, & æfre all unnbigunnenn Forrþ wiþþ þatt an Allmahhtiȝ Gast, Line 18575 Þatt cumeþþ off hemm baþe. Onnȝæn þatt laþe læredd follc Þatt spækenn wrang off Criste,

Þatt seȝȝdenn þatt te Laferrd Crist Bigann att Sannte Marȝe, Line 18580 & tatt he naffde nohht ben aȝȝ Hiss Faderr efenneche, Acc haffde tăkenn witerrliȝ Biginninng att hiss moderr, All swa summ illc an oþerr child, Line 18585 Þatt strenedd iss to manne, Onnfoþ biginninng þær þær itt Iss þurrh hiss faderr strenedd, [col 408] Onnȝæn þatt laþe læredd follc, Forr þeȝȝre muþ to dittenn, Line 18590 Uss wra¯¯t & seȝȝde sikerr soþ Johan þe Goddspellwrihhte, Þatt Godess Sune Jesu Crist Wass æfre all unnbigunnenn, Wiþþ Faderr & wiþþ Haliȝ Gast Line 18595 Inn eche Goddcunndnesse. Forr Godess Witt & Godess Word Iss Godess Sune nemmnedd, & Godess Sune iss Jesu Crist, Soþ Godd & soþ Hælennde. Line 18600 & Godess witt wass aȝȝ occ aȝȝ Wiþþ Godd i Godess herrte; & swa wass Crist soþ Godess witt Aȝȝ inn hiss Faderr herrte, All wiþþ hiss Faderr efennald Line 18605 Inn eche Godcunndnesse.

Acc he toc flæsh, & he warrþ mann Inn ure laffdiȝ Marȝe, Þatt time þatt hiss wille wass, Neh att tiss werlldess ende. Line 18610 Nu, laferrdinngess, ȝæn þatt follc Þatt all þurrh hefiȝ sinne Seȝȝdenn þatt Godess Sune Crist Bigann att Sannte Marȝe, Ȝæn all þatt laþe follc uss wra¯¯t Line 18615 Johan þe Goddspellwrihhte, & seȝȝde onnȝæn hemm alle þuss, To lihhnenn þeȝȝre spæche; I frummþe wass soþ Godess Word, Forr Godess Sune ankennedd Line 18620 Wass aȝȝ occ aȝȝ wiþþutenn ord, Wiþþutenn biginninnge, Wiþþ Faderr & wiþþ Haliȝ Gast Inn eche Goddcunndnesse.

Onnȝæn þatt laþe læredd follc Line 18625 Þatt spækenn wrang off baþe, Off Cristess Faderr, heffness Godd, & ec off Crist himm sellfenn, Þatt seȝȝdenn þatt Allmahhtiȝ Godd Wass Faderr whanne he wollde, Line 18630 & Sune whanne himm þuhhte god, An had, nohht tweȝȝenn hadess, Onnȝæn þatt laþe læredd follc, Forr þeȝȝre muþ to dittenn,

Uss wra¯¯t & seȝȝde sikerr soþ Line 18635 Johan þe Goddspellwrihhte, Þatt Godess Sune, Godess Word, Wass wiþþ þe Faderr æfre; He seȝȝde ȝæn hemm alle þuss To lihhnenn þeȝȝre spæche, Line 18640 & Godess Word wass a wiþþ Godd An had wiþþ all an oþerr, Forr ure Godd, — Allmahhtiȝ Godd, Iss an Goddcunnd Þrimmnesse, [col 409] Faderr, & Sune, & Haliȝ Gast, Line 18645 Þre hadess, all an kinde. Swa þatt te Sune iss all an had, Þe Faderr all an oþerr, & Haliȝ Gast iss ec an had, & tatt iss all þe þridde. Line 18650 & illc an had iss oþerr fra Toskiledd & todæledd; Forr ser iss Sune, & Faderr ser, & ser iss þeȝȝre baþre Allmahhtiȝ Gast, tatt Frofre Gast Line 18655 Þatt cumeþþ off hemm baþe; & tohh þeȝȝ sinndenn alle þre An Godd all unntodæledd. & aȝȝ occ aȝȝ iss illc an had Wiþþ oþerr all an kinde, Line 18660 & tohh swa þehh iss illc an had Ser fra þe tweȝȝenn oþre.

& forrþi seȝȝde Sannt Johan O þiss Goddspelless lare, Þatt Godess Word wass a wiþþ Godd Line 18665 An had wiþþ all an oþerr, Þohh þatt teȝȝ sinndenn alle þre Þre hadess, anfald kinde, An soþ Godd, an Allmahhtiȝ Godd Þatt alle shaffte wrohhte, Line 18670 & illc an had Allmahhtiȝ Godd, & an Godd sinndenn alle. Onnȝæn þatt laþe læredd follc Þatt spækenn wrang off Criste, Þatt seȝȝdenn þatt te Laferrd Crist Line 18675 Wass aȝȝ all unnbigunnenn, & fra þe Faderr, heffness Godd, All ser & all an oþerr, & seȝȝdenn þatt he nass na Godd, Ne nohht off Godess kinde, Line 18680 Onnȝæn þatt laþe læredd follc, Forr þeȝȝre muþ to dittenn, Uss wra¯¯t & seȝȝde sikerr soþ Johan þe Goddspellwrihhte, Þatt Godess Sune, Godess Word, Line 18685 Soþ Godess aȝhenn kinde Wass aȝȝ soþ Godd, Allmahhtiȝ Godd Þatt alle shaffte wrohhte. He seȝȝde ȝæn hemm alle þuss To lihhnenn þeȝȝre spæche, Line 18690 & Godess Word wass a soþ Godd Wiþþutenn ord & ende.

Þiss word he seȝȝde, & itt wass soþ Alls itt off heffne come; Forr all þatt strenedd iss off Godd, Line 18695 Off Godess aȝhenn kinde, All iss itt all þatt illke whatt Þatt Godd iss inn himm sellfenn. Onnȝæn þatt laþe læredd follc Þatt spækenn wrang off Criste, Line 18700 Þatt seȝȝdenn þatt te Laferrd Crist Forr sumess kinness dedess Wass makedd Godd off erþliȝ mann, & tatt he nass nohht æfre, Onnȝæn þatt laþe læredd follc, Line 18705 Forr þeȝȝre muþ to dittenn, Uss wra¯¯t & seȝȝde sikerr soþ Johan þe Goddspellwrihhte, Þatt Crist wass aȝȝ occ aȝȝ soþ Godd & wiþþ þe Faderr æfre. Line 18710 He seȝȝþ onnȝæn hemm alle þuss, To lihhnenn þeȝȝre spæche, Þiss wass i frummþe wiþþ soþ Godd Biforenn alle shaffte; & tatt wass seȝȝd alls iff he þuss Line 18715 Wiþþ openn spæche seȝȝde, Soþ Godess witt, soþ Godess word, Soþ Godess aȝhenn kinde, Soþ Godess dærne ræd & run, Soþ Godess Sune ankennedd, Line 18720 Wass aȝȝ occ aȝȝ Allmahhtiȝ Godd Wiþþutenn ord & ende,

Wiþþ Faderr, & wiþþ Haliȝ Gast, All an i Goddcunndnesse. Þe Faderr sellf Allmahhtiȝ Godd Line 18725 Iss frummþe off alle shaffte, Þatt frummþe þatt te Sune iss wiþþ An Godd off Godd, an kinde Forþ wiþþ þatt an Allmahhtiȝ Gast Þatt cumeþþ off hemm baþe. Line 18730 Þuss spacc off ure Laferrd Crist Johan þe Goddspellwrihhte Ȝæn þa þatt spækenn wrang off himm, & off hiss Goddcunndnesse; All þuss he spacc onnȝæness hemm Line 18735 To lihhnenn þeȝȝre spæche, & ec forr þatt he wollde uss don To sen & tunnderrstanndenn, Hu mann birrþ lefenn uppo Crist & cnawenn Cristess kinde. Line 18740

& son summ he þuss haffde uss tahht Off Godess Suness kinde, He toc anan to tæchenn uss Off Godess Suness dede. [col 410] Forr þuss he spacc o þiss Goddspell Line 18745 Off Cristess werrc, & seȝȝde, & þurrh þiss Word wass shapenn all Þatt æfre iss aniȝ shaffte,

& nohht nass wrohht wiþþutenn himm Off all þatt iss summ shaffte. Line 18750 Her mahht tu sen þatt si˘ne & woh Nass shapenn nohht þurrh Criste; Forr all þatt ifell iss & woh, & all þatt æfre iss sinne, All iss i Godess shaffte swa Line 18755 Þatt niss itt tohh na shaffte; Forr all þatt æfre Crist sellf shop All iss itt god wiþþ alle; Acc i þe shaffte iss sinne & woh All þurrh þe sellfe shaffte, Line 18760 & nohht þurrh Godd, acc all ȝæn Godd, & all ȝæn Godess wille. Þuss spacc þiss Goddspellwrihhte off Crist, & ec off all hiss dede, Þatt shop all þatt tatt shapenn iss, Line 18765 & god iss all hiss shaffte; Forr all þatt æfre iss sinne & woh All comm þatt off þe defell, & off þatt shafftess wharrfeddleȝȝc Þatt itt iss fundenn inne, Line 18770 & all itt iss onnȝæness Crist & unnderr Cristess wraþþe, & unnderr Cristess rihhte dom, & inn hiss rihhte wræche. & tatt tiss Goddspellwrihhte seȝȝþ, Line 18775 O þiss Goddspelless lare, Off Godess Sune, & off hiss witt, & off all þatt he wrohhte,

Þatt all þatt shaffte þatt wass wrohht Wass lif inn himm þe wrihhte, Line 18780 Þatt wass alls iff he seȝȝde þuss Wiþþ opennlike sþæche, All þatt tatt æfre Crist sellf shop Wass whilwendlike shaffte, Acc Godess word & Godess witt Line 18785 & Godess dærne rune [col 411] Nass nohht tohhwheþþre whilwendlic, Acc aȝȝ onn ane wise; & all þatt shaffte þatt he shop I whilwendlike kinde Line 18790 Wass alls itt wære all eche þing, & aȝȝ onn ane wise, I Godess herrte, i Godess witt Þatt aȝȝ iss all unnwharrfedd, & alle shafftess aȝȝ þurrhseþ Line 18795 & aȝȝ onn ane wise. & forrþi lifenn aȝȝ occ aȝȝ & lasstenn alle þingess I Godess herrte, i Godess witt Þatt lifeþþ æfre & lassteþþ· Line 18800

& here icc wile shæwenn ȝuw Þiss illke þurrh an bisne, Þatt alle shafftess sinndenn lif, & lifenn æfre & æfre

I Godess herrte, i Godess witt Line 18805 Þatt alle shaffte wrohhte. An arrke iss i þin herrte all wrohht, Þatt iss þe crafft off arrke, Þatt iss þatt crafft tatt tæcheþþ þe Off tre to wirrkenn arrke, Line 18810 & þurrh þatt arrke þatt iss aȝȝ All rædiȝ i þin herrte Þu wirrkesst arrkess aȝȝ off tre Þatt eldenn & forrwurrþenn, & tatt arrke þatt i þi witt Line 18815 & i þin herrte stanndeþþ, Itt lassteþþ aȝȝ & lifeþþ aȝȝ Whil þatt ti lif þe lassteþþ· & Godess witt & Godess word Iss aȝȝ onn ane wise, Line 18820 & lifeþþ aȝȝ & lassteþþ aȝȝ I Godess herrte unnwharrfedd. Þatt arrke þatt iss wrohht off tre Affterr þin herrtess arrke, Þatt arrke iss whilwendlike þing Line 18825 & eldeþþ & forrwurrþeþþ· & all þatt soþ Godd þurrh hiss witt & þurrh hiss herrte wrohhte, All iss itt whilwendlike þing Þatt eldeþþ & forrwurrþeþþ; Line 18830 Acc aȝȝ itt lifeþþ þohh swa þehh & lassteþþ aȝȝ unnwharrfedd I Godess herrte, i Godess witt Þatt lifeþþ aȝȝ & lassteþþ·

And Godess word & Godess witt, Line 18835 Þatt alle shaffte wrohhte, Wass, fra þatt mannkinn shapenn wass, Mannkinne lihht & leme; Forr ȝiff menn wolldenn nimenn gom Þeȝȝ mihhtenn unnderrstanndenn, Line 18840 Þatt he wass wiss Allmahhtiȝ Godd Þatt alle shaffte wrohhte, Forr Godess mahht & Godess witt Wass opennlike sene Inn all þe werelld tatt he shop Line 18845 Off nohht all att hiss wille; & tæroff mihhtenn alle menn Onnfon soþ lihht & leme, To cunnenn & to cnawenn Godd Þatt all þe werelld wrohhte. Line 18850 & heffness lihht bishineþþ all Mannkinne þessterrnesse; & þéssterrnesse nohht ne toc Acc all forrwarrp þe leme. Þiss þessterrnesse iss hæþenndom Line 18855 & dwillde inn hæfedd sinness, & hæþenn trowwþe onn hæþenn Godd, & hæþenn lif i þæwess, Þatt draȝheþþ menn till helle wa, Till helless þessterrnesse. Line 18860 & aȝȝ wass i þiss middellærd Full sutell & full sene, Þatt Godess mahht & Godess witt & Godess dærne rune

Wass all þwerrt u¯¯t unnseȝȝenndlic Line 18865 Inn alle kinne shaffte; Acc all mannkinn full neh forrwarrp Þatt lihht tatt shan onn erþe Off Godd & off hiss depe witt Inn alle kinne shaffte. Line 18870 Forr all mannkinn well neh wass all Bididdredd & forrblendedd Þurrh defell & þurrh hæþenndom, & þurrh orrmete sinness, Swa þatt all follc wel neh forrle¯¯t Line 18875 To þennkenn ohht off heffne, To sekenn & to cnawenn Godd, To lufenn Godd & þewwtenn. & tohh swa þehh þohh all follc neh All haffde Godd forrlætenn, Line 18880 Þohh ræw himm off hiss handewerrc, Off - þatt itt for till helle, & toc & sennde an sanderrmann Þatt wass Johan ȝehatenn. [col 412] Johan Bapptisste iss þiss Johan Line 18885 Þatt we nu mælenn ummbe, Johan þatt wass þurrh Drihhtin sennd Þurrh þatt tatt he wass strenedd Off moderr & off faderr stren, Þatt time þatt hemm baþe Line 18890 Wass þeȝȝre kinde gan all u¯¯t To tiddrenn & to tæmenn,

Swa þatt teȝȝ wærenn baþe þa Off swiþe mikell elde, Þatt time þatt hemm Drihhtin ȝaff Line 18895 To strenenn þiss Bapptisste. & forrþi wass he sennd þurrh Godd & all þurrh Godess mahhte, Forrþi þatt he wass strenedd her Off faderr & off moderr, Line 18900 Þurrh Gastess ȝife & þurrh hiss mahht, & nohht þurrh þeȝȝre kinde. Þuss wass Johan Bapptisste sennd Biforenn Cristess come, To wittness off þatt soþe lihht Line 18905 Þatt shollde cumenn newenn. & forr þatt he wass sennd þurrh Godd, Forrþi mihhte he wel mælenn, & berenn wittness i þe follc Off Godess Suness come, Line 18910 Þatt shollde wurrþenn mann to þann Þatt menn himm mihhtenn cnawenn, & hanndlenn himm & habbenn himm Bitwenenn hemm onn erþe, & tatt he mihhte þurrh hiss dæþ Line 18915 U¯¯tlesenn menn off helle, & turrnenn hemm till Crisstenndom & till þe rihhte læfe, & lærenn hemm, & hellpenn hemm To winnenn heffness blisse, Line 18920 Forr swa to lihhnenn alle þa Þatt haffdenn seȝȝd þurrh dwilde,

Þatt all mannkinn wass swa forrdon Þurrh Adam & þurrh Eve, Þatt itt ne mihhte næfre mar Line 18925 Ben lesedd fra þe defell. & forr þiss illke wass Johan Bapptisste sennd to manne, To berenn wittness off þatt lem Þatt shollde cumenn newenn. Line 18930 & nass he nohht himm sellf þatt lem Þatt he wass sennd to spellenn; Acc he barr wittness i þe follc Þatt soþ lihht cumenn shollde, Þatt alle mihhtenn þurrh hiss spell, Line 18935 Ȝiff þeȝȝ hemm sellf ne wolldenn, O Godess Sune, o Godess Word Wiþþ fulle trowwþe lefenn. Þatt lihht wass witerrliȝ soþ lihht Þatt lihhteþþ here onn erþe Line 18940 Illc an lifisshe mann mennissh Þatt cumeþþ her to manne. [col 413] Forr iwhillc mann, þatt lihhtedd iss Þurrh lihht off rihhte læfe, Illc an iss lihhtedd þurrh þatt lihht Line 18945 Þatt Crist to manne brohhte, Þurrh fulluhht & þurrh Crisstenndom, & þurrh þe rihhte læfe. Þatt iss þatt soþe lihht & lem Þatt ledeþþ upp till heffne Line 18950

Line 18950 Þatt follc, þatt lefeþþ uppo Godd, & cnaweþþ Godd & þewwteþþ· & tiss lihht shineþþ ec o þa Þatt all þiss lihht forrwerrpenn, Acc hemm ne cumeþþ rihht na god Line 18955 Off þatt itt onn hemm shineþþ; Itt shineþþ upponn hemm inoh, Þurrh þatt teȝȝ sen & herenn All þatt unnseȝȝenndlike god Þatt comm þurrh Crist to manne, Line 18960 Acc hemm ne cumeþþ rihht na god Off þatt itt onn hemm shineþþ, Acc mikell ifell cumeþþ hemm All þurrh rihht dom þæroffe. Forr swa þeȝȝ mare herenn & sen Line 18965 Off Cristess rihhtwisnesse, Swa shulenn þeȝȝ þurrh Jesu Crist All þurrh rihht dom ben demmde, To dreȝhenn wiþþ þe laþe gast All þess te mare pine, Line 18970 Ȝiff þatt iss þatt hemm nohht niss off To follȝhenn Cristess lare, & ȝiff þatt teȝȝ ne kepenn nohht Noff Crist, noff Cristess moderr. Soþ heffness lihht shineþþ uppo Line 18975 Þe trowwþelæse lede, Acc hemm ne cumeþþ rihht nan god Off þatt itt onn hemm shineþþ, All all swa summ þe sŭnebæm Bishineþþ all þe blinde, Line 18980

Line 18980 & himm ne cumeþþ rihht na god Off þatt itt onn himm shineþþ·

Johan þe Goddspellwrihhte seȝȝþ, Swa summ ȝe littlær herrdenn, Þatt iwhillc an lifisshe mann Line 18985 Þatt cumeþþ her to manne Iss lihhtedd wiþþ soþ heffness lihht I Crisstenndom þurrh trowwþe. Acc he ne seȝȝþ nohht swa, forrþi Þatt all mannkinn iss lihhtedd Line 18990 Þurrh fulluhht & þurrh Crisstenndom, & þurrh þe rihhte læfe. Forr mikell follc & unnȝerim Iss ȝe¯¯t to daȝȝ onn erþe, Judisskenn follc, & hæþenn follc, Line 18995 Þatt þwerrt u¯¯t nohht ne kepeþþ To cumenn till þe Crisstenndom, To lefenn uppo Criste, Acc wuneþþ unnderr hæþenndom I dwildess þessterrnesse. Line 19000 Acc itt iss seȝȝd, & sett þurrh himm O þiss Goddspelless lare, Forrþi þatt illc an mann, þatt iss Þurrh rihhte læfe lihhtedd, Illc an iss lihhtedd þurrh þatt lihht Line 19005 Þatt Crist to manne brohhte. & mann maȝȝ unnderrstanndenn þiss Ȝe¯¯t onn an oþerr wise.

Þe sawle iss here nemmnedd mann & þurrh þe mann bitacnedd, Line 19010 Forr þurrh þatt manness sawle iss lic Wiþþ Godd inn onnlicnesse, Þær þurrh maȝȝ itt ben nemmnedd mann, & wiþþ mannshipe wurrþedd. & itt maȝȝ ec ben nemmnedd mann, Line 19015 Forrþi þatt manness sawle Iss i þe mann þe bettre lott, Forr þatt itt comm off heffne To wurrþenn lif i manness lic Þatt shapenn wass off erþe. Line 19020 & ec forrþi þatt manness lic Þe manness bodiȝ kinde Iss all wiþþutenn o þe mann, & sawle þær wiþþinnenn, Þærfore iss itt rihht nemmnedd mann, Line 19025 Þatt mann þatt heffness leme Bishineþþ unnderr Crisstenndom, & lihhteþþ unnderr læfe. Tacc nu þe sawle forr þatt mann Þatt cumeþþ her to manne, Line 19030 Þatt iss to seggenn opennliȝ, Þatt mann itt unnderrstannde, Þatt sawle iss haldenn rihht forr mann Þatt cumeþþ her to libbenn, Her i þiss Crisstenndomess lif Line 19035 [col 414] Þatt Cristess hird iss inne.

Forr þurrh fulluhht i Crisstenndom & þurrh þe rihhte læfe Iss illc an sawle lihhtedd her Þatt lifeþþ her onn erþe. Line 19040 & illc an sawle þatt niss nohht Þurrh rihhte læfe lihhtedd, Illc an inn hire sinne iss dæd Biforenn Godess ehne. Her i þiss werelld iss an lif Line 19045 Þatt all iss full off sinness, Þatt iss þe lif off alle þa Þatt follȝhenn hére & fillenn All þeȝȝre flæshess fule lusst Inn alle kinne sinne. Line 19050 Þiss lif niss nohht rihht nemmnedd lif Acc dæþ itt maȝȝ ben nemmnedd, Forr þatt itt draȝheþþ aȝȝ dunnwarrd Inntill þe dæþ off helle. Acc unnderr Crisstenndom iss lif Line 19055 Þatt wel maȝȝ lif ben nemmnedd, Forr þatt itt draȝheþþ aȝȝ uppwarrd Inntill þe lif off heffne. & tiss lif unnderr Crisstenndom Totwinneþþ & toshædeþþ Line 19060 All Cristess follc fra defless follc I dedess & i þæwess, Inn etinng & inn drinnkinng ec, I claþinng & i trowwþe, Swa þatt te Laferrd Cristess hird, Line 19065 Whil þatt itt lifeþþ here,

Iss all bifundenn swa summ itt Inn oþerr werelld wære. & ȝuw birrþ witenn þohh swa þehh Þohh Sannt Johan Bapptisste Line 19070 Nass nohht himm sellf þatt soþe lihht, Þatt comm þurrh Crist to manne, Þatt lihht tatt lihhteþþ iwhillc mann Þatt lihhtedd iss onn erþe, Þohhwheþþre, witt tu wel þatt he Line 19075 Wass aness kinness leme. He wass þatt lihht þatt lihhtedd wass Þurrh Cristess soþe leme, He wass tatt lihht tatt ȝaff uss lihht Acc nohht tohh þurrh himm sellfenn; Line 19080 Forr þurrh þatt he wass filledd all Off Haliȝ Gastess lare, Þær þurrh ȝaff himm þe Laferrd Crist To lihhtenn menness herrtess, Þurrh fulluhht & þurrh spell off Crist Line 19085 & ec þurrh haliȝ bisne. Acc Crist himm sellf he wass soþ lihht Þatt shan all þurrh himm sellfenn, Þatt lihhteþþ all þatt lihhtedd iss, To gan þe rihhte weȝȝe. Line 19090

& Godess Word, soþ leme & lihht Wass i þe werelld fundenn, Soþ Godd off Godd, soþ mann off mann, An had off þrinne kinde;

Forr Crist soþ Godd, & ec soþ mann Line 19095 Off bodiȝ & off sawle, Wass, alls hiss lefe wille wass, Her i þiss werelld fundenn, Forr þatt he wollde þurrh hiss dæþ U¯¯tlesenn menn off helle, Line 19100 & turrnenn hemm till Crisstenndom, & till þe rihhte læfe, & tæchenn hemm, & hellpenn hemm To winnenn heffness blisse. & þurrh himm wass þe werelld wrohht Line 19105 Forr he shop alle shaffte, Annd tohh swa þehh ne cnew himm nohht Þe werelld alls itt ahhte, Þatt Judewisshe follc þatt wass Þurrh hete & niþ forrblendedd, Line 19110 & þurrh þatt laþe modiȝleȝȝc Þatt dide hemm Crist forrwerrpenn, Þatt illke follc ne cnew himm nohht [col 415] Swa summ hemm birrde himm cnawenn, Þatt he wass Godess Sune & Godd, Line 19115 Þatt alle shaffte wrohhte, & tatt he wass o moderr hallf Soþ mann all clene off sinne, Forr þatt he wollde þurrh hiss dæþ U¯¯tlesenn menn off helle. Line 19120 Crist comm inntill hiss aȝhenn þing, Inntill hiss aȝhenn birde,

Inntill þiss middellærd tatt wass All shapenn þurrh himm sellfenn; & he comm inntill all mannkinn Line 19125 Þatt ec wass all hiss shaffte, Forr all follc wass hiss handewerrc, & all inn hise walde. & hise menn ne tokenn nohht Wiþþ himm swa summ hemm birrde; Line 19130 Hemm birrde lefenn upponn himm, & lufenn himm & drædenn, & cnawenn himm & þewwtenn himm, & hise laȝhess haldenn, & alle mast forrwurrpenn himm Line 19135 Þurrh hĕre depe sinne, Forr þatt te defell haffde hemm all Bididdredd & forrblendedd, & all forrbundenn & forrdon Þurrh hæþenndom & dwilde; Line 19140 & forrþenn Cristess kinness menn Þatt he wass borenn offe, Hiss Judewisshe follc, þatt wass Himm sibb o moderr hallfe, Þeȝȝ alle mast forrwurrpenn himm Line 19145 To lufenn & to þewwtenn. & forr þatt mannkinn aȝȝ wass swa, Fra þatt mannkinn wass awwnedd, Þatt aȝȝ wass i þiss middellærd Summ lott off gode sawless, Line 19150 Þatt cnewenn Godd, & leddenn hemm Clennlike & rihht onn erþe,

& ec forr þatt te Laferrd Crist, Whanne he comm her to manne, Fand sume off þa þatt tokenn wel Line 19155 Wiþþ himm & wiþþ hiss lare, Þa menn þatt tokenn wel wiþþ himm Hemm alle ȝaff he mahhte, Þurrh himm & þurrh hiss Frofre Gast To wurrþenn Godess chilldre, Line 19160 Þurrh fulluhht & þurrh Crisstenndom, & þurrh þe rihhte læfe; Þa menn ȝaff he þurrh Haliȝ Gast To wurrþenn hise breþre, To ben arrfname forþ wiþþ himm Line 19165 Off heffness kineriche. Þatt sinndenn alle þa þatt rihht O Cristess name trowwenn, Þatt lefenn innwarrdlike wel Þatt Crist iss soþ Hælennde Line 19170 Till alle þa þatt lufenn himm, & hise laȝhess haldenn. Þatt iss þatt flocc þatt borenn iss Off Godd þurrh Godess are, Þurrh fulluhht & þurrh Haliȝ Gast, Line 19175 & þurrh þe rihhte læfe. Þatt iss þatt flocc þatt borenn iss Off Haliȝ Gast wiþþ trowwþe, Off hallȝhedd funnt i Cristess hus O Cristess name fullhtnedd, Line 19180 Þatt hallȝhe flocc þatt borenn iss Off Godd o swillke wise,

& nohht off blod, noff flæshess lusst, Noff weress mæne strenedd. Forr all mannkinn iss borenn her Line 19185 [col 416] Off faderr & off moderr, Þurrh sinnfull flæshess fule lusst Unnderr Adamess sinne, To dreȝhenn wiþþ þe laþe gast á butenn ende pine. Line 19190 & all forrþi ne maȝȝ na mann Ben borrȝhenn att hiss ende Þurrh þatt, tatt he wass borenn her Off faderr & off moderr, Butt iff þatt he be borenn efft, Line 19195 O Cristess name fullhtnedd, To wurrþenn Godess aȝhenn stren & Godess sune onn erþe, Þurrh fulluhht & þurrh haliȝ lif, & þurrh þe rihhte læfe. Line 19200 & Godess Word iss makedd flæsh All forr þatt illke nede, To biggenn her bitwenenn menn Inn ure mennisscnesse, To lesenn mannkinn þurrh hiss dæþ Line 19205 U¯¯t off þe defless walde, To turrnenn menn till Crisstenndom & till þe rihhte læfe, To firrþrenn hemm þurrh haliȝ lif To wurrþenn Godess chilldre. Line 19210

Line 19210 & tatt wass, summ þu mihht wel sen, Unnseȝȝenndlic mecnesse, Þatt Godd Allmahhtiȝ wollde swa Himm niþþrenn here & laȝhenn Forr mannkinn, þatt wass all forrdon Line 19215 Ȝæn himm & all forrwurrþenn. Forr þatt wass wiss sellcuþ mecleȝȝc, & sellcuþ ædmodnesse, Þatt dide Godd to wurrþenn mann, Himm sellfenn swa to niþþrenn, Line 19220 Forr þatt he wollde ȝifenn menn To wurrþenn Godess chilldre, Swa þatt teȝȝ sholldenn heȝhe ben Swa summ þeȝȝ enngless wærenn, Þurrh þatt he shollde makenn hemm Line 19225 Arrfname wiþþ himm sellfenn, Onn heffne, & erþe, & oferr all Off all hiss kineriche. & we þatt lefenn upponn himm, & lufenn himm & cnawenn, Line 19230 We sæȝhenn, alls hiss wille wass, Hiss wurrþshipe & hiss wullderr, Þatt wullderr þatt bilammp all rihht Till soþ Crist, soþ Hælennde, Þatt wass ankennedd Sune off Godd, Line 19235 Unnseȝȝenndlike strenedd.

Þiss seȝȝde off ure Laferrd Crist Johan þe Goddspellwrihhte,

He seȝȝde o þiss Goddspell þatt he & Cristess oþre posstless Line 19240 Sæȝhenn wiþþ erþlic eȝhe, & ec Wiþþ læffull herrtess sihhþe O þeȝȝre Laferrd Jesu Crist [col 417] Hiss Goddcunndnessess kinde. & tatt wass seȝȝd alls iff he þuss Line 19245 Wiþþ openn spæche seȝȝde, We sæȝhenn o þe Laferrd Crist Hiss Goddcunndnesses wullderr, Þær þær he talde spell himm sellf, Þær þær he wrohhte tacness, Line 19250 Þær þær himm wharrfedd wass hiss hew Biforenn hise posstless, Þær þær he ras þe þridde daȝȝ Off dæþess slæp to life, Þær þær he þurrh hiss aȝhenn mahht, Line 19255 All att hiss aȝhenn wille, Stah upp till heffne all opennliȝ Inn ure mennisscnesse, Þær sæȝhe we þatt he wass Godd, & mann all clene off sinne, Line 19260 Þær sæȝhe we þatt he wass Godd & Godess aȝhenn kinde, & Godess Sune & Godess Word, & Godess witt & mahhte, Soþ Godd, ankennedd off soþ Godd, Line 19265 Acc all wiþþutenn moderr,

Soþ mann, wiþþutenn faderr stren, Off clene maȝȝdenn kennedd. & we þatt tokenn wel wiþþ himm Þurrh lufe & ec þurrh trowwþe, Line 19270 We sæȝhenn wel þatt he wass full Off ædmodnesse & are, & ec off soþfasstnessess mahht Inn ure mennisscnesse. Þiss wra¯¯t uss upponn hiss Goddspell Line 19275 Johan þe Goddspellwrihhte, Forr þatt he wollde don uss wel To sen & tunnderrstanndenn, Þatt swa wass Crist soþ Godd tatt he Wass þohh soþ mann off moderr, Line 19280 Þatt Godd wass mann, & mann wass Godd, An had off þrinne kinde, Inn ure Laferrd Jesu Crist Þatt cumenn wass to manne, To ben bitwenenn menn & Godd, Line 19285 To sahhtlenn hemm & sammnenn. Forr þurrh þatt Crist wass mann wiþþ menn, & ȝaff hiss lif o rode, Þær þurrh wass Adam & hiss kinn U¯¯tlesedd fra þe defell. Line 19290 & þurrh þatt Crist wass Godd wiþþ Godd & Godess Sune off heffne, Þær þurrh he wann att Godd tatt he Forrȝaff mannkinn hiss wraþþe. & forrþi wass þe Laferrd Crist Line 19295 All þwerrt u¯¯t full off baþe,

Off millce, off are, off æddmodleȝȝc, & ec off soþfasstnesse. Off are & millce wass he full, Þiss birrþ þe full wel trowwenn, Line 19300 Forr þatt tatt he wass wurrþenn mann, Þatt wass all þurrh hiss are, Forr þatt he wollde uss lesenn u¯¯t Off helle þurrh hiss are. Off soþfasstnesse wass he full, Line 19305 Forrþi þatt he wass baþe Soþ Godd off Godd, soþ mann off mann, & haffde himm sellf wel filledd All þatt tatt cwiddedd haffde ben Off himm & off hiss come. Line 19310 & we þatt tokenn wel wiþþ Crist I lufe & ec i trowwþe, We lodenn alle twinne ladd Off hiss godnessess welle, Hiss are, — þatt he þurrh hiss dæþ Line 19315 Uss redde fra þe defell, & drohh uss till þe Crisstenndom & till þe rihhte læfe. & ȝe¯¯t we lodenn tekenn þatt Off hiss godnessess welle, Line 19320 Hiss are, - þatt he tăkenn shall Uss alle inntill hiss riche, To brukenn resste & ro wiþþ himm á butenn ende i blisse, Ȝiff þatt himm likeþþ ure lif Line 19325 & ure lifess ende.

[col 418] Forr Drihhtin sette laȝheboc Þurrh Moysæn onn erþe, & þurrh þe Laferrd Crist iss sett Soþ are & soþfasstnesse. Line 19330 Þiss ferrs uss seȝȝde & sette o boc Johan þe Goddspellwrihhte; & itt wass seȝȝd alls iff he þuss Wiþþ openn spæche seȝȝde, Att Crist we tokenn all þatt god Line 19335 & all þatt hald & hellpe, & all þatt witt & all þatt mahht & all þatt gode wille, Þatt æfre iss fundenn her inn uss Þurrh whatt we Drihhtin cwemenn. Line 19340 & tatt we lefenn rihht o Godd & lufenn himm & dredenn, & tatt we Drihhtin cnawenn rihht & þewwtenn himm tocweme, All comm uss þatt þurrh Jesu Crist Line 19345 & þurrh hiss lefe come, & nohht þurrh Moysæn, ne nohht Þurrh Sannt Johan Bapptisste. Forr Moysæsess laȝheboc Wass sett, forr þatt itt shollde Line 19350 Shæwenn þe follc all þeȝȝre woh & alle þeȝȝre sinness, Forr þatt teȝȝ sholldenn mekenn hemm To sekenn till þe læche,

Till Godess Sune Jesu Crist Line 19355 Þatt time þatt he come. & ec þe laȝheboc wass sett, Forr þatt itt shollde cwiddenn Þatt Godess Sune Messyas To manne cumenn shollde, Line 19360 To lesenn mannkinn þurrh hiss dæþ U¯¯t off þe defless walde, Forr þatt hemm shollde þess te bett Affterr hiss come langenn, & tăkenn þess te bett wiþþ himm Line 19365 Þatt tíme þatt he come.

[col 419] & Sannt Johan Bapptisste wass Full god & Godd full cweme, & tohh nass himm nohht ȝifenn mahht To clennsenn menn off sinness, Line 19370 Acc himm wass ȝifenn mahht & witt To kiþenn Cristess come, Þatt shollde lesenn þurrh hiss dæþ Mannkinn u¯¯t fra þe defell, & clennsenn menn wiþþ Haliȝ Gast Line 19375 Off alle kinne sinne, Þurrh fulluhht & þurrh Crisstenndom, & þurrh þe rihhte læfe. & forrþi seȝȝde Sannt Johan Bapptisste to þe lede, Line 19380

Line 19380 Þatt he nass nohht Crist, Godess Word, Þatt cumenn wass to manne, Acc sanderrmann biforenn Crist To kiþenn Cristess come. Nan mann ne mihhte næfre sen Line 19385 Allmahhtiȝ Godd onn erþe Wiþþ erþlic eȝhe off erþliȝ flæsh I þiss dæþshildiȝnesse. Ankennedd Sune Jesu Crist Mannkinne sellþe & hæle, Line 19390 Þatt inn hiss Faderr bosemm iss He kidde, he seȝȝde, he talde. Þiss seȝȝde & sette o þiss Goddspell Johan þe Goddspellwrihhte, & uss birrþ lokenn whatt itt seȝȝþ, Line 19395 & whatt itt uss bitacneþþ, Whatt kidde forþ, whatt talde forþ Crist Godess Sune ankennedd, Þatt inn hiss Faderr bosemm iss All an wiþþ himm i kinde. Line 19400 Whatt kidde he forþ, whatt talde he forþ Till hise dere þewwess, Till þa þatt tokenn wel wiþþ himm Þurrh lufe & ec þurrh trowwþe? He talde þeȝȝm, & kidde þeȝȝm Line 19405 Þurrh Haliȝ Gastess rune, & þurrh hiss aȝhenn hallȝhe spell & þurrh þatt teȝȝ himm cnewenn, He talde þeȝȝm hu mann maȝȝ Godd Cnawenn & sen onn erþe, Line 19410

Line 19410 Swa þatt itt maȝȝ ben rihht inoh To berrhless till þe sawle. Forr nass nan mann þatt mihhte sen, Ne cnawenn, nunnderrstanndenn Þatt an Allmahhtiȝ Godd tatt iss Line 19415 Þrimmnesse inn anfald kinde, Butt iff þatt Godess Sune Crist Itt dide himm tunnderrstanndenn, Þurrh Haliȝ Gastess hallȝhe run & þurrh hiss aȝhenn lare, Line 19420 Þatt wise þatt erþlike mann Maȝȝ gastlike unnderrstanndenn & cnawenn Drihhtin Godd & sen Wiþþ clennsedd sawless eȝhe; Forr nass he næfre seȝhenn her Line 19425 Þurrh erþliȝ flæshess eȝhe Þatt wise þatt himm enngless sen Inn hiss goddcunnde kinde. Whatt Abraham, whatt Moysæs, Whatt tiss & tatt profete, Line 19430 Ne sæȝhenn þeȝȝ nohht Drihhtin Godd Inn hiss goddcunnde kinde? Na fuliȝwiss, ne sahh himm nan Wiþþ erþliȝ flæshess eȝhe, Þatt wise þatt himm enngless sen Line 19435 Inn hiss goddcunnde kinde. Hu shall mann unnderrstanndenn þatt Þatt writenn stannt o boke, Þatt hallȝhe weress sæȝhenn Godd Her i þiss lif onn erþe? Line 19440

Line 19440 Þeȝȝ sæȝhenn Godd wiþþ ehne, acc nohht Inn hiss goddcunnde kinde, Acc hallȝhe weress sæȝhenn Godd I shafftess onnlicnesse, All o þatt wise þatt Johan Line 19445 Bapptisste sahh wiþþ ehne Off heffne cumenn Godess Gast Inn aness cullfress like Uppo þe Laferrd Jesu Crist, Þær he stod o þe strande, Line 19450 Þær he wass fullhtnedd i þe flumm Att Sannt Johaness hande. & o þatt wise maȝȝ mann sen Soþ Godd wiþþ erþlic eȝhe, Þatt Godess Gast off heffne comm Line 19455 I firess onnlicnesse Uppo þe Laferrd Cristess hird, An daȝȝ att unnderrn time. I fir þeȝȝ sæȝhenn Godess Gast I shafftess onnlicnesse; Line 19460 Ne mihhte himm nan mann elless sen Wiþþ erþliȝ flæshess eȝhe. Forr Godd & Godess aȝhenn Gast Inn hiss goddcunnde kinde Iss all þwerrt u¯¯t unnseȝhennlic Line 19465 Till erþlic eȝhe sihhþe. Profetess sæȝhenn Drihhtin ec [col 420] Acc all onn oþerr wise.

Þeȝȝ sæȝhenn Godd unnseȝhennliȝ Þurrh sawless gastliȝ sihhþe, Line 19470 & ec i gastliȝ shafftess hew, Nohht inn hiss aȝhenn kinde. & Godd Allmahhtiȝ ȝife uss swa Gastlike tunnderrstanndenn, & swa to cnawenn & to sen Line 19475 Himm sellfenn & hiss kinde, Swa þatt we motenn alle imæn Himm sen inn heffness blisse, Þatt wise þatt himm enngless sen Inn all hiss Goddcunndnesse. Line 19480

Amæn;·

Icc hafe seȝȝd whatt Sannt Johan Þe Goddspellwrihhte seȝȝde Off ure Laferrd Jesu Crist, & off Johan Bapptisste; Off Crist tatt he wass wurrþenn mann Line 19485 To lesenn menn off helle, & off Johan þatt he wass sennd Biforenn Cristess come, To kiþenn i þe follc þatt Crist Þa shollde cumenn newenn. Line 19490 & tær biforenn seȝȝde icc ec, Me mineþþ, off hemm baþe, Off ure Laferrd Jesu Crist, & off Johan Bapptisste; Off þatt te Laferrd Crist bigann, Line 19495 Þurrh hise Lerninngcnihhtess,

To fullhtnenn follc þurrh Haliȝ Gast, To clennsenn hemm off sinness, Rihht i þatt time þatt Johan Bapptisste wass to fullhtnenn, Line 19500 Onnfasst an kasstelltun þatt wass Salím bi name nemmnedd, & tatt wass inn an ende land Þatt wass Ennón ȝehatenn. & ec I seȝȝde þær summ del Line 19505 Off þeȝȝre Lerninngcnihhtess. I seȝȝde þær summ del off — hu Johaness Lerninngcnihhtess Tokenn to sannenn fasste onnȝæn Þe Judewisshe lede, Line 19510 Off Johaness fulluhht, & off Þatt fulluhht tatt te Laferrd Bigunnenn haffde amang þe follc Þurrh hise Lerninngcnihhtess; & hu þeȝȝ comenn till Johan Line 19515 Bapptisste þeȝȝre maȝȝstre, To wreȝenn ure Laferrd Crist Off þatt he toc to fullhtnenn; Forr þatt teȝȝ wolldenn brinngenn niþ I Sannt Johaness herrte Line 19520 Onnȝæn þe Laferrd Crist, acc þeȝȝ Ne mihhtenn nohht itt forþenn. & ec I seȝȝde þær summ del, Hu Sannt Johan Bapptisste Ȝaff sware off ure Laferrd Crist Line 19525 Till hise Lerninngcnihhtess,

To don hemm tunnderrstanndenn wel Þatt Crist wass Godd off heffne, & tatt he nass himm sellf nohht Crist, [col 421] Acc mann i sinne strenedd; Line 19530 Forr þatt he wollde cwennkenn swa Inn hise Lerninngcnihhtess All þeȝȝre wraþþe, & hete, & niþ, Þatt teȝȝ onnȝæn þe Laferrd Haffdenn, þurrh sinne & all wiþþ woh, Line 19535 Off þatt he toc to fullhtnenn; Forr, ȝiff þeȝȝ wolldenn wi˘tenn itt, Þeȝȝ mihhtenn unnderrstanndenn Att teȝȝre maȝȝstress muþ inoh Þatt he wass sennd to fullhtnenn, Line 19540 To wunenn swa þe follc þærto, Forr þatt teȝȝ sholldenn ȝernenn Affterr þe Laferrd Jesu Crist, Þatt shollde hemm lĕtenn fullhtnenn Þurrh Haliȝ Gast inn hallȝhedd funnt, Line 19545 To clennsenn hemm off sinness. & her icc wile tellenn forþ Off whatt bilammp þa siþþenn, Off ure Laferrd Jesu Crist, & off Johan Bapptisste. Line 19550

SECUNDUM JOHANNEM XXX.

Ihc audiens quia murmurabant Pharisei quod baptizaret.

Affterr þatt ure Laferrd Crist Þe follc bigunnenn haffde To fullhtnenn i Judealand Þurrh hise Lerninngcnihhtess, He cnew well, alls itt writeþþ uss Line 19555 Johan þe Goddspellwrihhte, Þatt tatt Farisewisshe follc Strang wraþþe takenn haffde Ȝæn himm, þatt wass att Sannt Johan Bapptisste wurrþenn fullhtnedd, Line 19560 & heldenn, alls hemm þuhhte wel, Wiþþ Sannt Johan Bapptisste. He wisste þatt tatt laþe follc Ȝæn himm wass wurrþenn bollȝhenn, Forr þatt teȝȝ haffdenn herrd off himm, Line 19565 Þatt miccle mare genge Off Lerninngcnihhtess wass att himm Þann att Johan Bapptisste; & ec forr þatt mann haffde hemm seȝȝd Þatt he fullhtnede lede, Line 19570 Forrþi þeȝȝ haffdenn niþ wiþþ himm & sinnfull hete & wraþþe. & Crist sellf ne fullhtnede nohht, Acc hise Lerninngcnihhtess

Fullhtnedenn follc inn haliȝ funnt, Line 19575 To clennsenn hemm off sinne; & forr þatt Crist itt cnew inoh & wisste itt wel wiþþ alle, Þatt tatt Farisewisshe follc Ȝæn himm wass wurrþenn bollȝhenn, Line 19580 He for u¯¯t off Judealand Wiþþ hise Lerninngcnihhtess Inntill þe land off Galile, Forr þeȝȝre niþ to kelenn. Herode King off Galile Line 19585 Wass ifell mann wiþþ alle, Þatt illke laþe Herodess stren Þatt sloh þe little barrness, Forr þatt he wollde cwellenn Crist Amang hemm, ȝiff he mihhte, Line 19590 & forr þatt tiss Herode King Wass ifell mann wiþþ alle, & haffde tăkenn all wiþþ woh Filippess wif hiss broþerr, Johan Bapptisste wisste itt wel Line 19595 & itt himm oferrþuhhte, & he bigrap þe king, itt seȝȝþ, Wiþþ derrf & openn spæche, Off all hiss ille dede, & ec Off — þatt he takenn haffde Line 19600 Hiss aȝhenn broþerr wif himm fra, Ȝæn Godd & all wiþþ sinne. & ta warrþ wraþ Herode King Wiþþ Sannt Johan Bapptisste,

& forrþi le¯¯t he takenn himm Line 19605 To wrekenn hise téne, & he le¯¯t bindenn himm, itt seȝȝþ, & i cwarrterrne werrpenn. & tatt wass forr Herodian Filippess wif hiss broþerr. Line 19610 Herr endeþ nu þiss Goddspel þuss, [& u]ss birþþ itt þurth sekenn, To lokenn watt itt lerneþ uss Off [ure] sawle nede.

[col 422] Nu birrþ uss lokenn whatt bihallt, Line 19615 Þatt ure Laferrd ferrde U¯¯t off Judealand anan Wiþþ hise Lerninngcnihhtess, Forrþrihht anan summ he wass warr Off, þatt te Farisewess Line 19620 Himm haffdenn niþ & wraþþe onnȝæn All þurrh here aȝhenn sinne. & uss birrþ lokenn whatt bihallt, & whatt uss maȝȝ bitacnenn, Þatt Sannt Johan Bapptisste wass Line 19625 Inntill cwarrterrne worrpenn. Þa Farisewwess haffdenn ske¯¯t Off Cristess dedess fraȝȝnedd, Nohht forrþi þatt teȝȝ wolldenn ohht Off all hiss lare follȝhenn, Line 19630

Line 19630 Acc forrþi þatt teȝȝ wolldenn himm Forrfarenn all & cwennkenn. & forrþi flæh hemm Jesu Crist, To don uss tunnderrstanndenn, Þatt Godd forrwerrpeþþ alle þa Line 19635 Þatt wiþþrenn himm onnȝæness, Butt iff þeȝȝ muȝhenn turrnenn hemm To betenn þeȝȝre sinne. & ec þe Laferrd Crist attflæh Forr þe to gifenn bisne, Line 19640 Þatt tu mihht flen & berrȝhenn swa Þin lif wiþþ Godess lefe, & shunenn þa þatt wilenn þe Wiþþutenn gillte cwellenn, Ȝiff þu ne mihht nohht habbenn ȝe¯¯t Line 19645 God lusst, god mahht, god wille, To þolenn marrtirdom forr Crist, & forr þe ri˘hhte læfe. & ec þe Laferrd Crist attflæh To don þe tunnderrstanndenn, Line 19650 Þatt te birrþ flen þe defless hird Wiþþ þohht, wiþþ word, wiþþ dede. Forr þe birþ all forrsen & flen To follȝhenn þeȝȝre sinness; Rihht swa birrþ þe þe defless hird Line 19655 Forrsen & flenn wiþþ herrte, Rihht swa summ he wiþþ bodiȝ flæh Þa laþe Farisewess. & Crist attflæh þe defless hird Wiþþ hise Lerninngcnihhtess, Line 19660

Line 19660 & te birrþ flen þe defless hird Wiþþ alle gode þæwess, & nohht ne birrþ þe ferrsenn þe, Ne flen fra þeȝȝm off tune, Butt iff þeȝȝ nohht ne þolenn þe Line 19665 Wiþþ griþþ þin Godd to þewwtenn. Itt seȝȝþ þatt Crist itt wisste wel & cnew itt wel wiþþ alle, Þær he wass off Judealand Inn all an oþerr ende, Line 19670 Þatt tatt Farisewisshe follc Ȝæn himm wass wurrþenn bollȝhenn. & Crist wass æþ to wi˘tenn þatt Forr Crist wa¯¯t alle þingess, & Crist wa¯¯t all þe manness þohht Line 19675 [col 423] & all þe manness herrte. & forrþi wa[ss þe] Laferrd Crist Full æþ to sen & cnawenn, Þatt tatt Farisewisshe follc Ȝæn himm wass wurrþenn bollȝhenn; Line 19680 & he flæh off þe land forrþi Wiþþ hise Lerninngcnihhtess, Forr þatt he wollde þurrh hiss flihht Uss mikell þing bitacnenn. Forr nass he nohht forrdredd off hemm, Line 19685 Noff here laþe strenncþe, He — þatt wass Godess Sune, & Godd Þatt all þe werelld wrohhte,

Þatt mihhte hemm alle wiþþ an word Inn helle wel bisennkenn. Line 19690 Acc he flæh, alls icc habbe seȝȝd, Forr mikell þing to tacnenn, Þatt uss iss alle samenn god To lernenn & to cunnenn. Þatt tatt Farisewisshe follc Line 19695 Off ure Laferrd seȝȝde, Þatt mare genge comm till himm Þann till Johan Bapptisste, Þatt seȝȝdenn þeȝȝ þurrh hĕte & niþ & þurrh full hefiȝ sinne, Line 19700 Forr þatt hemm þuhhte þatt itt wass Rihht hæþinng & nohht elless, Þatt Crist drohh þurrh hiss modiȝleȝȝc Upponn himm, alls hemm þuhhte, To fullhtnenn follc þatt himm rihht nohht Line 19705 Ne fell, swa summ þeȝȝ létenn. Þuss létenn þeȝȝ off Jesu Crist Þurrh þeȝȝre depe sinne, & ec þurrh þatt te laþe gast Hemm all forrblendedd haffde, Line 19710 Swa þatt teȝȝ nohht ne mihhtenn sen, Ne cnawenn Godd onn erþe. Þeȝȝ seȝȝdenn ec off Jesu Crist, Þatt he fullhtnede lede; & tatt wass seȝȝd all soþ off Crist Line 19715 Acc þeȝȝt rihht nohht ne wisstenn Þatt wass all soþ, forr Jesu Crist Inn Haliȝ Gastess welle

Aȝȝ fullhtneþþ follc, aȝȝ bæweþþ follc Unnseȝhennlike off sinness. Line 19720 & ec þe Laferrd Jesu Crist Fullhtnede himm sellf þatt lede, Þatt fullhtnedd wass inn Haliȝ funnt Þurrh hise Lerninngcnihhtess. Forr þurrh þe ȝife off Jesu Crist, Line 19725 & þurrh hiss namess mahhte, & þurrh hiss aȝhenn Haliȝ Gast Fullhtnedenn þeȝȝ þe lede. & forrþi seȝȝdenn þeȝȝ full soþ Þatt Crist fullhtnede lede, Line 19730 Forr all þatt fullhtnedd iss þurrh Crist All fullhtneþþ Crist to soþe, & all þatt onn hiss name iss don, All doþ he þatt to soþe. & all þatt follc þatt fullhtnedd wass Line 19735 Att Cristess Lerninngcnihhtess, Þeȝȝ alle tokenn Haliȝ Gast, Þatt witt tu wel to soþe, Acc nohht swa forrþerrlike þohh Ne swa fullike nowwþerr, Line 19740 Alls ure Laferrd Cristess hird Ȝaff Haliȝ Gastess mahhte Affterr þatt Crist wass stiȝhenn upp Inn ure mennisscnesse, & haffde hemm sennd off Haliȝ Gast Line 19745 Unnseȝȝenndlike strenncþe. Forr siþþenn ȝæfenn þeȝȝ þe follc All opennlike, & alle

Þurrh haliȝ funnt, & þurrh hanndgang Off Haliȝ Gast swillc mahhte, Line 19750 Þatt alle spækenn sone anan Þe spæche off alle þede. & forrþi þatt teȝȝ naffdenn nohht Off Haliȝ Gast swillc strenncþe, Biforenn þatt te Laferrd Crist Line 19755 Itt haffde hemm sennd off heffne, Forrþi ne ȝæfe þeȝȝ nohht ȝe¯¯t Þatt tatt teȝȝ nohht ne tokenn, Biforenn þatt te Laferrd Crist Wass stiȝhenn upp till heffne. Line 19760

Affterr þatt ure Laferrd Crist Þurrh fulluhht & þurrh lare Þær haffde off Judewisshe follc Himm chosenn ane fæwe, He fór aweȝȝ, & all forrwarrp Line 19765 Þa laþe Farisewess, Þatt nolldenn lefenn upponn himm Ne buȝhenn till hiss lare, Acc wolldenn off all þeȝȝre boc Stafflike lare follȝhenn, Line 19770 Þatt lare þatt ne mihhte nohht Hemm berrȝhenn lif, ne sawle. & Crist fór inntill Galile, Forr þatt he wollde tacnenn, Þatt whase wile borrȝhenn ben Line 19775 [col 424] Himm birrþ hiss herrte [turrnen]n

Till haliȝ bokess gastliȝ witt U¯¯t off stafflike lare. Forr gastliȝ witt off haliȝ boc Iss fode to þe sawle, Line 19780 & itt iss halsumm to þe lif Till himm þatt wel itt follȝheþþ· Þa Farisewess sæȝhenn wel & wel þeȝȝ unnderrstodenn, Þatt teȝȝre laȝhe & teȝȝre lif, Line 19785 Þatt lif þatt teȝȝ þa leddenn, All full nehh munnde cwennkedd ben Þurrh Crist & þurrh hiss lare, & ec þurrh hiss fulluhht þatt wex Full swiþe, summ þeȝȝ herrdenn, Line 19790 Þurrh þatt te follc sohhte þærto Att hise Lerninngcnihhtess. & ec þurrh þatt te follc toc wel Wiþþ Crist aȝȝ mare & mare, Þærþurrh þeȝȝ unnderrstodenn wel, Line 19795 Þatt teȝȝre lare munnde & teȝȝre laȝhe all endedd ben Þurrh Cristess newe lare, Þatt munnde ȝifenn gastliȝ witt Onn haliȝ bokess lare, Line 19800 & tæchenn follc to þewwtenn Godd All onn an oþerr wise. Þiss unnderrstodenn þeȝȝ off Crist & dide hemm mikell ange, & forrþi tokenn þeȝȝ till Crist Line 19805 Full hefiȝ niþ & wraþþe,

Swa þatt teȝȝ wolldenn cwellenn himm Gladdlike, — ȝiff þeȝȝ mihhtenn. & siþþenn, whanne itt comm þærto Þatt ure Laferrd wollde Line 19810 O rode þolenn dæþ, forr uss To lesenn u¯¯t off helle, Þiss laþe follc, unnfæle follc Off þise Farisewess Wass att tatt laþe raþ þatt Crist Line 19815 Wass naȝȝledd uppo rode, Forr þatt teȝȝ haffdenn mikell niþ Ȝæn himm & ȝæn hiss lare.

SECUNDUM LUCAM XXXI.

Herodes misit & tenuit Johannem, & alligavit in carcere propter Herodiadem.

Herode King off Galile Toc Sannt Johan Bapptisste, Line 19820 & band himm wiþþ irrene band & warrp himm i cwarrterrne. & tatt wass forr Herodian Filippess wif hiss broþerr, Þatt fra Filippe ræfedd wass Line 19825 Þurrh hire faderr wraþþe, & gifenn till Herode King All forr Filippess tene.

Þatt laþe wifess faderr wass Aréte King ȝehatenn, Line 19830 & he wass wurrþenn swiþe wraþ Wiþþ hiss aþumm Filippe, [col 425] & toc hiss doh[hterr all] forrþi Forr wraþþe fra Filippe, & ȝaff Herode King þatt wif Line 19835 All forr Filippess tene, Þatt tíme þatt Herode wass Unnwine wiþþ Filippe; Swa þatt he wass himm swiþe wraþ Þohh þatt he wass hiss broþerr, Line 19840 & toc hiss wif himm fra forrþi Full bliþeliȝ forr tene. & hire itt þuhhte swiþe god Þatt ȝho wass wiþþ Herode, Forrþi þatt ȝho wass ifell wif Line 19845 & Drihhtin all unncweme. & Sannt Johan Bapptisste comm Biforr þe King Herode, & seȝȝde himm þuss all opennliȝ, Swa summ þe Goddspell kiþeþþ, Line 19850 Ne birrþ þe nohht tin broþerr wiff Þuss habbenn þe to wife Whil þatt tin broþerr lifeþþ ȝe¯¯t, Þu list inn hæfedd sinne. & wel itt haffde Herodias Line 19855 All herrd & unnderrstanndenn,

Þatt Sannt Johan haffde þe king Bigripenn off hiss sinne. & ȝho warrþ sone gramm & grill Ȝæn Sannt Johan Bapptisste, Line 19860 Forr þatt he wollde hire & te king Todælenn & toshædenn. & ȝho toc wraþþe & hĕte & niþ Till Sannt Johan þæroffe, & þohhte þatt ȝho shollde onn himm Line 19865 Wel wrekenn hire tene, & þohhte þatt ȝho wollde himm slan Ȝiff þatt ȝhot¯¯ mihhte forþenn. Acc ȝhot¯¯ ne mihhte forrþenn nohht Swa raþe summ ȝho wollde, Line 19870 Forr þatt itt ȝede off Sannt Johan All affterr Godess wille, Nohht affterr hire, forr ȝho wass Godd laþ & all unncweme; & forrþi wass ȝho wurrþ att Godd, Line 19875 Þurrh hire depe sinness, To don þatt dede o Sannt Johan Wiþþutenn hise wrihhte, Þatt shollde draȝhenn hire dun To dreȝhenn helle pine, Line 19880 & ȝifenn himm to stiȝhenn upp To brukenn heffness blisse, Þurrh Cristess dom þatt all wass god & rihht onn eȝȝþerr hallfe. Forr all iss Cristess dom rihht dom, Line 19885 Acc itt iss dep & dærne,

& all iss sett i Cristess dom Þatt æfre iss don onn erþe, & Crist shall demenn all þatt beþ O Domess daȝȝ to demenn. Line 19890 & Cristess dom iss all rihht dom & god onn alle wise, Forr Crist iss alle shaffte Godd & god inn all hiss kinde. Acc þohh swa þehh Herodyas, Line 19895 Þatt laþe wif, ne mihhte Nohht forþenn hire modess will Swa răþe summ ȝho wollde, To cwellenn Godess þeww Johan, To wrekenn hire tene. Line 19900 Forr Drihhtin wisste whanne & hu He wollde hiss dere kemmpe Hiss mede ȝeldenn hunndreddfald Forr hise gode dedess. Acc he wass tăkenn þurrh þe king, Line 19905 Swa summ icc habbe shæwedd, & he wass i cwarrterrne don, & bundenn pære & haldenn; & tatt wass all forr hire don, Swa summ þe Goddspell kiþeþþ, Line 19910 Forr ȝho wass lef þe king, & he Ne namm nan gom off sinne, & wollde cwemenn hire swa, & forþenn hire wille. & her mann unnderrstanndenn maȝȝ, Line 19915 Ȝiff mann itt ummbeþennkeþþ,

Þatt tiss Herode King wass an Full ifell mann onn erþe, Þatt haffde mikell wille & lusst To slan Johan Bapptisste, Line 19920 To slan þatt mann, — whamm all follc held Forr haliȝ mann wiþþ alle, & forr soþ Crist þatt þurrh Drihhtin To manne cumenn wære, & tokenn wel wiþþ hiss fulluhht, Line 19925 & wiþþ hiss hallȝhe lare, & wiþþ hiss bisne off haliȝ lif Cnihhtess & publicaness, & Farisewess, modiȝ follc, & læredd follc & læwedd; Line 19930 He wass all þwerrt u¯¯t ifell mann Þatt wass forrlisst to cwellenn Þatt mann, þatt all wass Godd bitahht & full off Godess wille. Þatt gillt himm wære gillt inoh Line 19935 [col 426] To draȝh[enn] inntill helle, Ȝiff he forrwurrpe þwerrt u¯¯t all Johaness hallȝhe lare, Þohh þatt he nohht ne léte himm slan Wiþþutenn hise wrihhte. Line 19940 Þatt kasstell — alls uss seȝþ soþ boc, Wass hatenn Macherónnte Þatt Sannt Johan wass inne don, & i cwarrterrne worrpenn,

Forr þatt he seȝȝde soþ þe king Line 19945 Off hise depe sinness; & nass itt nohht þurrh braþþe seȝȝd, Ne þurrh niþ, ne þurrh wraþþe, Acc itt wass seȝȝd, forrþi þatt he Ne wollde nohht forrbuȝhenn Line 19950 To seggenn soþ biforr þe king, Þohh þatt himm shollde shetenn To þolenn forr hiss soþe word Full grimme dæþess pine. & off þiss ilke birrþ uss wel Line 19955 Johaness bisne follȝhenn, Ne birrþ uss nohht forr eȝȝe off dæþ Flen Godess soþ to seggenn, Forr ȝiff we Godess bodeword & Godess dom forrbuȝhenn, Line 19960 Forr eȝȝe off dæþ, to kiþenn forþ Biforenn kafe & kene, Ne sinndenn we nohht strange inoh To fihhtenn ȝæn þe defell. Herode dredde Sannt Johan, Line 19965 Þatt seȝȝþ þe Goddspellwrihhte, Forr þatt he wisste wel þatt he Wass haliȝ mann & clene, & rihhtwiss mann biforenn Godd & wis off Godess lare. Line 19970 & forr þatt himm wass offte seȝȝd Off Sannt Johaness werrkess, He comm full bliþeliȝ till himm To lisstenn hise spelless,

Þær he wass all wiþþ mikell woh Line 19975 Inn hiss cwarrterrne i bandess. & forr þatt Sannt Johan wass sennd Þurrh Drihhtin her to manne Biforenn Crist, rihht i þatt gast & i þatt illke mahhte Line 19980 Þatt Helyas proféte shall, Inn Anntecristess time, Efft cumenn forþ biforenn Crist Att Cristess lattre come, Forrþi bigrap he dirrstiliȝ Line 19985 & all o Godess hallfe Herode & ec Herodian Off þeȝȝre depe sinness, All o þatt illke wise rihht Þatt Helyas profete Line 19990 Bigripenn haffde dirrstiliȝ, Whanne he wass her wiþþ manne, Acáb þe Ju. . . . . . . . . . . . . . . Line 19995

SECUNDUM JOHANNEM XXXII.

Venit Ihc in civitatem Samarie que dicitur Siccar.

[The rest of the work, with the exception of the following fragments is wanting.]

. . . . .

. . . . . . . . . . . . . . . . . . . . . . . . .bli. . . . . Line 20000 . . . . .þeȝȝ. . . . . . . . . .re sin. . . . . . . . . .de k. . . . . . . . . .dias. . . . .itt. . . . . . . . . .te himm. . . . . Line 20005 . . . . .ȝenn. . . . .an. . . . .t. . . . . . . . . .þi þatt he. . . . . . . . . .off þeȝȝr. . . . . . . . . .sen full wel. . . . .kenn Whi þ. . . . . Line 20010 . . . . .wiþþ Drihhtin h. . . . . . . . . .denn heȝhe wiþþ Drih. . . . . . . . . .lenn pine Gladdlike. . . . . . & all wiþþutenn gill[te] Line 20015 . . . . .Johan Bapptiss[te. . . . . . . . . .terrne w. . . . . . . . . .ferrd cr. . . . .tess. . . . . Big. . . . .lenn. . . . . . . . . .& t. . . . .itt uss Line 20020 . . . . .Moysæse. . . . . Þatt wass an. . . . . . . . . .Cristess com. . . . .

Swa þatt mann s. . . . . Fra þeþenn. . . . . Line 20025 Fra þe þ. . . . . . . . . .ȝhess inn. . . . . . . . . .þe fol. . . . . For. . . . . . . . . .sann. . . . .te. . . . . Line 20030 . . . . .m. . . . . fo. . . . . . . . . .f. . . . . . . . . .i. . . . . . . . . .þatt w l. . . . . Line 20035 . . . . .cc. . . . .n. . . . . . . . . .tt. . . . .err. . . . . . . . . .nn. . . . .i. . . . .ennd. . . . . . . . . .n þatt. . . . .sstnedd. . . . . . . . . .lutenn wel. . . . . Line 20040 [Þe] Faderr upp [off] Heffne I cle[ne] sawle, i clene [ga]st & ec i soþfasstnesse. Forr. . . . .illke sekeþþ. . . . . . . . . . Line 20045 . . . . .wel Þe [Faderr] upp off [Heffne] Þatt. . . . .n mekenn. . . . .ll himm & inn[war]rdlike himm [þew]wtenn. . . . . .forrþi þatt soþ Line 20050 . . . . .iss gast. . . . . . . . . .re iss gi. . . . .e. . . . . Þatt. . . . .hu. . . . .himm. . . . .þ. . . . .

. . . . .a. . . . . W. . . . . Line 20055 Þ. . . . .þatt witt tu wel . . . . .sp. . . . .ghe . . . . .Joh. . . . .fe¯¯t. . . . .te. . . . . .seȝ. . . . .t. . . . .ȝe. . . . .t. . . . . . . . . .þe. . . . .ne. . . . .wh. . . . . Line 20060 . . . . .himm sh. . . . . Swa. . . . .reþþ. . . . . . . . . .tosa. . . . .iss. . . . . . . . . .he. . . . .h. . . . .s. . . . .n. . . . . . . . . .de. . . . .s. . . . . Line 20065 . . . . .len. . . . .mik. . . . . . . . . .an l. . . . .wel. . . . . . . . . .att. . . . . . . . . .