The Ormulum / with the notes and glossary of R.M. White ; edited by Robert Holt.

SECUNDUM LUCAM VII.

Exiit edictum.

An Romanisshe Kaserrking Line 3270 Wass Augusstuss ȝehatenn, & he wass wurrþenn Kaserrking Off all mannkinn onn eorþe, & he gann þennkenn off himm sellf, & off hiss miccle riche. Line 3275 & he bigann to þennkenn þa, Swa sum þe Goddspell kiþeþþ, Off þatt he wollde witenn wel Hu mikell fehh himm come, Ȝiff himm off all hiss kinedom Line 3280 [col 84] Illc mann an peninng ȝæfe. & he badd settenn upp o writt All mannkinn, forr to lokenn Hu mikell fehh he mihhte swa Off all þe weorelld sammnenn, Line 3285

Line 3285 Þurrh þatt himm shollde off illc an mann An peninng wurrþenn reccnedd. & ta wass sett tatt iwhillc mann, Whær summ he wære o lande, Ham shollde wendenn to þatt tun Line 3290 Þatt he wass borenn inne, & tatt he shollde þær forr himm Hiss hæfeddpeninng reccnenn, Swa þatt he ȝæn þe Kaserrking Ne felle nohht i wíte. Line 3295 & i þatt illke time wass Josæp wiþþ Sannte Marȝe I Galilew, & i þatt tun Þatt Nazaræþ wass nemmnedd. & ta þeȝȝ baþe forenn ham Line 3300 Till þeȝȝre baþre kinde; Inntill þe land off Ȝerrsalæm Þeȝȝ forenn samenn baþe, & comenn inntill Beþþleæm Till þeȝȝre baþre birde, Line 3305 Þær wass hemm baþe birde to, Forr þatt teȝȝ baþe wærenn Off Daviþþ kinȝess kinness menn, Swa summ þe Goddspell kiþeþþ· & Daviþþ kinȝess birde wass Line 3310 I Beþleæmess chesstre; & hemm wass baþe birde þær Þurrh Daviþþ kinȝess birde; Forr þatt teȝȝ baþe wærenn off Daviþess kin & sibbe. Line 3315

Line 3315 & Sannte Marȝess time wass Þatt ȝho þa shollde childenn, & tær ȝho barr Allmahhtiȝ Godd Þatt all þiss weorelld wrohhte, & wand himm sone i winndeclu¯¯t, Line 3320 & leȝȝde himm inn an cribbe; Forrþi þatt ȝho ne wisste whær Ȝho mihhte himm don i bure. & tohh þatt Godd wass borenn þær Swa dærnelike onn eorþe, Line 3325 & wundenn þær swa wreccheliȝ Wiþþ clutess inn an cribbe, Ne wollde he nohht forrholenn ben Þohhwheþþre i þeȝȝre clutess, Acc wollde shæwenn whatt he wass Line 3330 Þurrh heofennlike takenn. Forr sone anan affterr þatt he Wass borenn þær to manne, Þær onnfasst i þatt illke land [col 85] Wass seȝhenn mikell takenn. Line 3335 An enngell comm off heoffness ærd, Inn aness weress hewe, Till hirdess þær þær þeȝȝ þatt nihht Biwokenn þeȝȝre faldess, Þatt enngell comm & stod hemm bi Line 3340 Wiþþ heoffness lihht & leome. & forrþrihht summ þeȝȝ sæȝhenn himm Þeȝȝ wurrdenn swiþe offdredde;

& Godess enngell hemm bigann To frofrenn & to beldenn, Line 3345 & seȝȝde hemm þuss o Godess hallf Wiþþ swiþe milde spæche; Ne beo ȝe nohht forrdredde off me, Acc beo ȝe swiþe bliþe, Forr icc amm sennd off heoffness ærd Line 3350 To kiþenn Godess wille, To kiþenn ȝuw þatt all follc iss Nu cumenn mikell blisse, Forr ȝuw iss borenn nu to daȝȝ Hælennde off ȝure sinness, Line 3355 An wennchell þatt iss Jesu Crist, Þatt wi˘te ȝe to soþe. & her onnfasst he borenn iss I Daviþþ kingess chesstre, Þatt iss ȝehatenn Beþþleæm, Line 3360 I þiss Judisskenn birde. & her icc wile shæwenn ȝuw Summ þing to witerr tákenn; Ȝe shulenn findenn ænne child I winndeclutess wundenn, Line 3365 & itt iss inn a cribbe leȝȝd, & tær ȝet¯¯ muȝhenn findenn. & sone anan se þiss wass seȝȝd Þurrh an off Godess enngless, A mikell here off enngleþeod Line 3370 Wass cumenn u¯¯t off heoffne, & all þatt hirdeflocc hemm sahh & herrde whatt teȝȝ sungenn.

Þeȝȝ alle sungenn ænne sang Drihhtin to lofe & wurrþe, Line 3375 & tuss þeȝȝ sungenn alle imæn, Swa summ þe Goddspell kiþeþþ, Si Drihhtin upp inn heoffness ærd Wurrþminnt & loff & wullderr, & upponn eorþe griþþ & friþþ, Line 3380 Þurrh Godess mildheorrtnesse, Till iwhillc mann þatt habbenn shall God heorrte & aȝȝ god wille. & sone anan se þiss wass þær Þurrh Godess enngless awwnedd, Line 3385 Þeȝȝ wenndenn fra þa wăkemenn All u¯¯t off þeȝȝre sihhþe. Þa hirdess tokenn sone þuss To spekenn hemm bitwenenn; Ga we nu till þatt illke tun Line 3390 Þatt Beþþleæm iss nemmnedd, & loke we þatt illke word Þatt iss nu wrohht onn eorþe, Þatt Drihhtin Godd uss hafeþþ wrohht & awwnedd þurrh hiss are. Line 3395 & sone anan þeȝȝ ȝedenn forþ Till Beþþleæmess chesstre, & fundenn Sannte Marȝe þær & Josæp hire macche, & ec þeȝȝ fundenn þær þe child Line 3400 Þær itt wass leȝȝd i cribbe. [col 86]

& ta þeȝȝ unnderrstodenn wel Þatt word tatt Godess enngless Hemm haffdenn awwnedd off þatt child, Þatt teȝȝ þær haffdenn fundenn; Line 3405 & ta þeȝȝ wenndenn hemm onnȝæn Wiþþ rihhte læfe o Criste, & tokenn innwarrdlike Godd To lofenn & to þannkenn All þatt teȝȝ haffdenn herrd off himm, Line 3410 & seȝhenn þurrh hiss are. & sone anan þeȝȝ kiddenn forþ Amang Judisskenn þeode All þatt teȝȝ haffdenn herrd off Crist, & seȝhenn wel wiþþ eȝhne; Line 3415 & iwhillc mann þatt herrde itt ohht Forrwunndredd wass þæroffe. & ure laffdiȝ Marȝe toc All þatt ȝho sahh & herrde, & all ȝhot¯¯ held inn hire þohht, Line 3420 Swa summ þe Goddspell kiþeþþ, & leȝȝde itt all tosamenn aȝȝ I swiþe þohhtfull heorrte, All þatt ȝho sahh & herrde off Crist, Whas moderr ȝho wass wurrþenn. Line 3425

Annd o þatt illke nahht tatt Crist Wass borenn her to manne, Wass he ȝe¯¯t, alls hiss wille wass, Awwnedd onn oþerr wise.

He sette a steorrne upp o þe lifft Line 3430 Full brad, & brihht, & shene, Onn æst hallf off þiss middellærd, Swa summ þe Goddspell kiþeþþ, Amang þatt follc þatt cann innsihht Off maniȝ þing þurrh steorrness, Line 3435 Amang þe Calldeowisshe þeod Þatt cann innsihht o steorrness. & tatt þeod wass hæþene þeod Þatt Crist ȝaff þa swillc takenn; Forrþi þatt he þeȝȝm wollde þa Line 3440 To rihhte læfe wendenn. & son se þeȝȝ þatt steorrneleom Þær sæȝhenn upp o liffte, Þreo kingess off þatt illke land Full wel itt unnderrstodenn, Line 3445 & wisstenn witerrliȝ þærþurrh Þatt swillc new king wass awwnedd, Þatt wass soþ Godd & soþ mann ec, An had off twinne kinde. All þiss þeȝȝ unnderrstodenn wel Line 3450 Forr þatt itt Godd hemm úþe, [col 87] & cómenn samenn alle þreo, & settenn hemm bitwenenn, Þatt illc an shollde þrinne lac Habbenn wiþþ him o lade, Line 3455 & tatt teȝȝ sholldenn farenn forþ To leȝȝtenn & to sekenn

Þatt newe king, þatt borenn wass Amang Judisskenn þeode. & sone anan þeȝȝ forenn forþ Line 3460 Illc an wiþþ þrinne lakess, Forr þatt ta lakess sholldenn uss Well mikell god bitacnenn. & teȝȝre steorrne wass wiþþ hemm To ledenn hemm þe weȝȝe, Line 3465 Forr aȝȝ itt fl毯t upp i þe lifft Biforenn hemm a litell, To tæchenn hemm þatt weȝȝe rihht Þatt ledde hemm towarrd Criste. Acc fra þatt Kalldewisshe land, Line 3470 Þatt teȝȝ þa comenn offe, Wass mikell weȝȝe till þatt land Þatt Crist wass borenn inne; & forrþi wass hemm ned to don God þraȝhe to þatt weȝȝe, Line 3475 Forr rihht onn hiss þrittende daȝȝ Þeȝȝ comenn till þatt chesstre, Þær ure Laferrd Jesu Crist Wass borenn her to manne; Þuss wass þe Laferrd Jesu Crist Line 3480 Awwnedd o twinne wise Forrþrihht anan, i þatt tatt he Wass borenn her to manne, Forr þatt menn sholldenn cnawenn himm & lofenn himm & wurrþenn, Line 3485 & cumenn till þe Crisstenndom & till þe rihhte læfe,

& winnenn swa to cumenn upp Till heofennrichess blisse. Her endenn twa Goddspelless þuss, Line 3490 & uss birrþ hemm þurrhsekenn, To lokenn whatt teȝȝ lærenn uss Off ure sawle nede.

Forrþrihht anan se time comm, Þatt ure Drihhtin wollde Line 3495 Ben borenn i þiss middellærd Forr all mannkinne nede, He chæs himm sone kinness menn All swillke summ he wollde, & whær he wollde borenn ben Line 3500 He chæs all att hiss wille. &, alls hiss lefe wille wass, Hiss moderr Sannte Marȝe Comm rihht inntill þatt illke tun & till þatt illke bottle, Line 3505 Þatt he wollde inne borenn ben & awwnedd her onn eorþe. [col 88] & forrþi þatt maȝȝþhadess lif Iss heȝhesst allre life, Forrþi chæs ure Laferrd Crist Line 3510 An maȝȝdenn himm to moderr, Forr þatt he lufeþþ alle þa Þatt soþ clænnesse follȝhenn.

& forr þatt he wass borenn her Sahhtnesse & griþþ to settenn Line 3515 Bitwenenn Drihhtin, heoffness king, & mannkinn her onn eorþe, Forrþi chæs he to wurrþenn mann O þatt Keȝȝseress time, Þatt held wiþþ mikell griþþ & friþþ Line 3520 Hiss kinedom onn eorþe. & forr þatt he wass wurrþenn mann To ȝifenn menn onn eorþe Hiss aȝhenn hallȝhe flæsh & blod, Soþ bræd to þeȝȝre sawle, Line 3525 Forrþi chæs he þatt illke tun To wurrþenn borenn inne, Þatt wass ȝehatenn Beþþleæm, Forrþi þatt itt bitacneþþ Þatt hus þatt bræd iss inne don, Line 3530 & tatt iss Cristess kirrke; Forr Cristess flæsh & Cristess blod Iss hallȝhedd inn hiss kirrke, Forr þær to wurrþenn lifess bræd Till alle Cristess þeowwess. Line 3535 & all all swa se þa wass sett Þurrh þatt Kaseress hæse, Þatt illc mann shollde cumenn ham Inntill hiss aȝhenn birde, Forr þær to reccnenn till þe king Line 3540 An peninng forr himm sellfenn, & tatt mann shollde hiss name þær Att hame o wri˘te settenn,

All all swa biddeþþ ure king, Þe Laferrd Crist off heffne, Line 3545 Þatt illc mann shule cumenn ham Inntill hiss aȝhenn birde, Þatt iss inntill rihht Crisstenndom, & inntill rihhte læfe, Inntill þatt soþfasstnessess ham Line 3550 Þatt mann wass shapenn inne, & reccnenn himm þatt peninng þær Þatt tacneþþ rihhtwisnesse; & he shall wrítenn alle þa Þatt cwemmdenn himm o life Line 3555 Onn eche lifess bokess writt, To brukenn heoffness blisse. & ec þurrh þatt tatt Josæp comm Wiþþ ure laffdiȝ Marȝe Till Beþþleæm, Daviþess burrh, Line 3560 [col 89] Forr sillferr þær to reccnenn Forr Marȝe, & forr himm sellfenn ec, Affterr þe kingess hæse, Þurrh þatt we muȝhenn sen full wel, Þatt Jesuss nohht ne wollde Line 3565 Ben borenn nowwhar i þe land, Bu¯¯tt inn hiss aȝhenn birde; Forr ure laffdiȝ Marȝe wass Þatt illke kingess meȝhe, Forr ȝho wass off Daviþess kinn Line 3570 Þatt Drihhtin wass full dere.

& hire sune wass himm lic O fĕle kinne wise; Forr Crist wass strang wiþþ hannd inoh To werrpenn dun þe deofell, Line 3575 & Crist wass æfre swillc to sen & á beoþ butenn ende, Þatt gode ȝeorrndenn himm to sen, & æfre shulenn ȝeorrnenn. & tiss iss þatt uss opennliȝ Line 3580 Daviþess name tacneþþ; Forr itt uss tacneþþ strang wiþþ hannd & luffsumm onn to lokenn, & Crist iss baþe — strang wiþþ hannd, & luffsumm onn to lokenn. Line 3585 & Crist iss all se Daviþþ wass Shephirde, & king, & kemmpe, Forr Crist iss allre kinge King, & alle shaffte Laferrd. & Daviþþ king sloh Golia¯¯t, Line 3590 Hæþene follkess kemmpe, & Crist band uss þe laþe gast, All hellewaress strenncþe. & Daviþþ, whanne he ȝung mann wass, Þa wass he shepess hirde, Line 3595 & Crist iss hirde off hise shep, Off hise dere þeowwess. & Crist wass hirde god inoh Þatt ȝaff hiss aȝhenn sawle, To lesenn hise shep þærwiþþ Line 3600 U¯¯t off þe deofless walde.

Þa gode menn þatt lufenn Crist, & hise laȝhess haldenn, Þeȝȝ alle sinndenn Cristess shep, Forr þatt teȝȝ sinndenn alle Line 3605 Æddmode & meoke & milde menn, All affterr shepess kinde.

& tatt te Laferrd Jesu Crist Wass borenn her to manne, Þatt time þatt hiss moderr wass Line 3610 I þeowwdom unnderr laferrd, Þatt dide he forr to shæwenn swa Unnseȝȝenndliȝ meocnesse, To tæchenn þurrh himm sellfenn swa, & þurrh hiss hallȝhe bisne, Line 3615 Þatt ȝuw birrþ berenn bliþeliȝ Þeowwdom off ȝure laferrd; & ec forr þatt he wollde swa Þurrh hiss þeowwdom u¯¯tlesenn Off deofless þeowwdom alle þa, Line 3620 Þatt wel himm sholldenn follȝhenn. & tatt te laffdiȝ Marȝe warrþ [col 90] I Nazaræþ wiþþ childe, & tatt ȝho comm off Galileow Till Beþþleæmess chesstre, Line 3625 Þatt time þatt ȝho Jesu Crist To manne shollde childenn,

Þatt iss nu filledd illke daȝȝ Þurrh Jesu Cristess þeowwess. Forr Nazaræþ onn Ennglissh iss Line 3630 Alls iff þu nemmne blosstme, & Galileow bitacneþþ wheol, Swa summ soþ boc uss kiþeþþ, & Beþþleæm tacneþþ þatt hus Þatt lifess bræd iss inne, Line 3635 & Godess þeowwess blomenn aȝȝ Inn alle gode þæwess, Her i þiss middellærdess lif Þatt þurrh þe wheol iss tacnedd. Forr all þiss middellærdess þing Line 3640 Aȝȝ turrneþþ her & wharrfeþþ Nu upp, nu dun, swa summ þe wheol, & nohht ne stannt itt stille. & Cristess þeowwess aȝȝ occ aȝȝ Forrhoȝhenn & forrwerrpenn Line 3645 All weorelldshipess fule lusst, & alle fule þæwess, & cumenn u¯¯t off Galileow Gastlike o swillke wise, & cumenn inntill Beþþleæm, Line 3650 Þatt tacneþþ Cristess kirrke, Þatt Cristess flæsh & Cristess blod Þe sawle bræd iss inne. & Jesu Crist iss borenn þær Swa summ itt wære off moderr, Line 3655 Þurrh þatt tatt hise þeowwess þær Wiþþ spell off Godess lare

Don læwedd follc to sen summ del, & don hemm tunnderrstanndenn, Þatt Crist iss Godd, & Crist iss mann, Line 3660 An had off twinne kinde.

Forrþrihht anan se Jesu Crist Wass borenn off hiss moderr, Ȝho wand himm sone i winndeclu¯¯t, & leȝȝde himm inn an cribbe. Line 3665 Acc uss birrþ wi˘tenn þatt he warrþ, All wiþþ hiss aȝhenn wille, Unnorne & wrecche & usell child Inn ure mennisscnesse, Forr þatt he wollde inn heoffness ærd Line 3670 Uss alle makenn riche. & he þatt all þiss middellærd Onn alle wise shrideþþ, He wollde wundenn ben forr uss [col 91] I wrecche winndeclutess, Line 3675 Forr þatt he wollde shridenn uss Wiþþ heofennlike wæde. & he þatt all þiss weorelld shop & alle shaffte stereþþ, He le¯¯t himm baþe bindenn her Line 3680 Wiþþ bandess fe¯¯t & hande, Forr þatt he wollde unnbindenn uss Off hellepiness bandess.

& heoffne & lifft & land & sæ Wiþþ Goddcunndnesse filleþþ Line 3685 Þatt illke child, tatt tær wass leȝȝd Inn an full naru cribbe, Forr þatt he wollde ȝifenn uss All heoffness rume riche. & he þatt fedeþþ enngleþeod Line 3690 & alle cwike shaffte, He laȝȝ all, alls hiss wille wass, Biforenn asse i cribbe, Swa summ he wære ȝifenn himm To wurrþenn himm to fode, Line 3695 Forr þatt he wollde brinngenn uss Upp inntill heoffness blisse, & ȝifenn uss himm sellfenn þær Wiþþ enngless eche fode. Þuss Godess Sune, Allmahhtiȝ Godd, Line 3700 Wass wrecche mann onn eorþe, Forr swa to brinngenn mannkinn onn To ȝeornenn affterr litell, Forr þatt he lufeþþ alle þa Þatt hise laȝhess haldenn, Line 3705 & lufenn, forr þe lufe off himm, To libbenn her onn eorþe Full wrecchelike inn uselldom Off metess & off claþess. & tatt te Laferrd Jesu Crist Line 3710 Wass leȝȝd inn asse cribbe, Þatt tacneþþ uss, þatt he comm her To wurrþenn mann onn eorþe

Wiþþ mannkinn þatt wass stunnt, & dill, & skilllæs swa summ asse. Line 3715 & asse — þohh itt litell be, Itt hafeþþ mikell afell To berenn upp well mikell sæm, Ȝiff mann itt doþ þæronne. & swa wass neh all follc þatt daȝȝ Line 3720 Þatt Crist comm her to manne, Neh all itt wass þa strang inoh To þeowwtenn laþe gastess, To berenn upp þatt laþe sæm, To don alle þeȝȝre wille. Line 3725 & þurrh þatt Godd wass wurrþenn mann Forr ure miccle nede, Þurrh þatt wass he, þatt witt tu wel, All wiþþ hiss lefe wille Niþþredd & wannsedd wunnderrliȝ, Line 3730 [col 92] & laȝhedd inn himm sellfenn, Forr o þatt hallf þatt he wass mann, Mann mihhte himm fon & pinenn Wiþþ ha¯¯t & kald, wiþþ nesshe & harrd, Wiþþ pine off þrisst & hunngerr, Line 3735 & cwellenn himm mann mihhte wel Inn ure mennisscnesse. & Godd wass wurrþenn swa forr uss Ȝe¯¯t lasse þann an enngell; Forr mann ne maȝȝ nohht enngell seon Line 3740 Ne tăkenn himm ne bindenn,

Ne pinenn himm, ne cwellenn himm, Forr he ne deȝeþþ næfre. Acc Drihhtin Godd warrþ her forr þe Ȝe¯¯t lasse þann hiss enngell, Line 3745 & lahȝhre inoh, forrþi þatt he Þe wollde ȝifenn bisne, Þatt te birrþ aȝȝ þe sellfenn her Þurrh soþ meocnesse laȝhenn, & lætenn swiþe unnorneliȝ Line 3750 & litell off þe sellfenn.

Þatt hirdess wokenn o þatt nahht Þatt Crist wass borenn onne, Þatt wass swa summ hiss wille wass, Forr þatt itt shollde tacnenn Line 3755 Þatt he forrþi wass wurrþenn mann, Forr þatt he wollde sammnenn An flocc off menn till Crisstenndom, & till þe rihhte læfe, Þatt sholldenn wurrþenn hise shep Line 3760 Þurrh heore unnshaþiȝnesse, & sholldenn habbenn oferr hemm Bisscopess, preostess, dæcness; Forr þatt teȝȝ sholldenn hirdess ben To ȝemenn hemm & gætenn, Line 3765 & ec forr þatt he wollde ben Himm sellf u¯¯tnumenn hirde, Swa þatt he wollde hiss aȝhenn lif Forr hise shep forrlætenn.

Þatt Godess enngell comm o nihht, Line 3770 Swa summ þe Goddspell kiþeþþ, To spekenn wiþþ þa wakemenn Þatt wokenn heore faldess, & tatt he comm þatt nihht till hemm Wiþþ heoffness lihht & leome, Line 3775 & tatt teȝȝ wærenn forr þatt lihht, & forr þatt enngless sihhþe, Forrdredde swiþe fasste anan, Swa summ þe Goddspell kiþeþþ, & ec þatt Godess enngell toc Line 3780 To frofrenn hemm wiþþ worde, [col 93] All þatt wass don þurrh Jesu Crist Forr mikell þing to tacnenn. Itt tacneþþ uss þatt ure Godd Well offte senndeþþ enngless Line 3785 Inntill þiss middellærd, tatt iss All full off þeossterrnesse, Þatt iss off all þatt ifell iss Inn alle kinne sinne. Itt tacneþþ þatt he senndeþþ hemm Line 3790 Inntill þiss þeossterrnesse, To frofrenn þa þatt wakenn wel Onnȝæness laþe gastess, & stanndenn inn to shildenn hemm Fra deofless swikedomess. Line 3795 & all þatt flocc þatt hemm iss se¯¯t To ȝemenn & to gætenn,

To frofrenn swillke senndeþþ Godd Enngless & hallȝhe sawless, & aȝȝ þeȝȝ cumenn dun till þa Line 3800 Wiþþ heoffness lihht & leome, Þatt iss wiþþ witt & god innsihht Inn alle kinne þinge, Forr Drihhtin ȝifeþþ her hiss þeoww God witt, & mahht, & wille, Line 3805 To stanndenn ȝæn þe laþe gast & ȝæn all þatt he læreþþ· Acc aȝȝ þeȝȝ sinndenn þohh swa þehh Well swiþe sare offdredde Off domess daȝess starrke dom, Line 3810 & off þe Demess irre, All all swa summ þa wăkemenn Well swiþe offdredde wærenn Off heoffness brihhte lihht & leom, & off þatt enngless sihhþe; Line 3815 Acc hihht & hope o Drihhtin Godd & onn hiss mildheorrtnesse, Þatt frofreþþ hemm & beoldeþþ hemm To follȝhenn Godess lare, To fandenn, ȝiff þeȝȝ muȝhenn swa Line 3820 Þe Demess are winnenn. & tatt wass uss bitacnedd wel Þurrh þatt tatt Godess enngell Toc sone anan wiþþ milde word Þa wăkemenn to frofrenn, Line 3825 Forr þatt he wisste wel þatt teȝȝ Off himm forrdredde wærenn;

Forr Godess enngell frofreþþ mann, Ȝiff þatt he seoþ himm færedd; Forr Godess enngell iss full meoc, Line 3830 & soffte, & milde, & bliþe, & deofell iss all full off niþ, & full off grammcunndnesse, & full off hĕte towarrd mann, & full off modiȝnesse, Line 3835 & ȝiff he seoþ þe mann forrdredd, He wile himm skerrenn mare, & ræfenn himm hiss rihhte witt, & shetenn inn hiss heorrte. [col 94] Acc whas itt iss þatt wæpnedd iss Line 3840 Wiþþ fulle trowwþe o Criste, Þohh þatt he grissliȝ deofell seo, Niss he rihht nohht forrfæredd. Þatt enngell seȝȝde þatt he wass Þa cumenn forr to kiþenn, Line 3845 O Godess hallfe, þær till hemm An swiþe mikell blisse, Þatt shollde ben till all þe follc; Þatt seȝȝde he forr þatt tanne Wass cumenn i þiss middellærd Line 3850 Full mikell blisse & sellþe, Till alle þa þatt sholldenn wel O Godess Sune lefenn, O Jesu Crist tatt borenn wass Þatt illke nahht to manne. Line 3855

Line 3855 He seȝȝde þatt te Laferrd Crist Wass borenn her to manne Nohht o þe nahht, acc o þe daȝȝ, Forr mikell þing to tacnenn; Forr daȝȝess lihht bitacneþþ uss Line 3860 All eche lifess blisse, & nahht bitacneþþ all þatt wa Þatt iss inn hellepine. & Crist wass borenn i þiss lif To lesenn uss off helle, Line 3865 Forr þatt he wollde ȝifenn uss Wiþþ enngless eche blisse. & tatt wass uss bitacnedd ec Þurrh þatt, tatt Godess enngell Wass awwnedd till þa wăkemenn Line 3870 Wiþþ heoffness lihht & leome; Forr Godess Sune Jesu Crist Wass wurrþenn mann onn eorþe, To ȝifenn heoffness lihht & leom Þatt follc þatt shollde himm follȝhenn. Line 3875

Þatt Godd Allmahhtiȝ wurrþenn wass Ȝung child inn ure kinde, & wrecche child off wrecche kinn, Þatt doþ uss tunnderrstanndenn Þatt uss birrþ mikell lufenn Crist, Line 3880 & lofenn himm & wurrþenn, Off þatt he wollde himm sellfenn swa Forr ure lufe laȝhenn,

& off þatt he warrþ wrecche mann Forr uss to makenn riche, Line 3885 Wiþþ enngless upp inn heoffness ærd, Wiþþutenn ende i blisse. Annd þurrh þatt, tatt tær awwnedd wass An here off Godess enngless, Þatt time þatt te Laferrd Crist Line 3890 Wass borenn her to manne, Þurrh þatt wass uss don þær full wel To sen & tunnderrstanndenn, Þatt enngless stanndenn aȝȝ occ aȝȝ To lofenn Godd & wurrþenn. Line 3895 [col 95] & þurrh þatt illke wass uss ec Don full wel tunnderrstanndenn, Þatt uss birrþ lofenn Drihhtin aȝȝ Wiþþ innwarrd heorrtess tunge, & þannkenn himm þatt miccle god Line 3900 Þatt he doþ uss onn eorþe. & þurrh þatt illke wass uss ec Don full wel tunnderrstanndenn, Þatt Crist, all enngleþeode king, Wass borenn her to manne, Line 3905 Alls iff he ȝæn þe laþe gast Wiþþ hĕre wollde fihhtenn, To winnenn Adam & hiss kinn U¯¯t off þe deofless walde, & settenn enngless oferr hemm Line 3910 To ȝemenn hemm & gætenn,

& forr to shildenn hemm onnȝæn Þe deofless laþe wiless. Annd Godess enngless wærenn þa Well swiþe glade wurrþenn Line 3915 Off þatt, tatt Godd wass wurrþenn mann, Forr þatt teȝȝ wisstenn alle, Þatt teȝȝre genge shollde ben Wiþþ gode sawless ekedd, & wurrþedd ec, & all forrþi Line 3920 Þeȝȝ wærenn swiþe bliþe, & all forrþi þeȝȝ sungenn þa Þiss sang wiþþ mikell blisse, Si Drihhtin upp inn heoffness ærd Wurrþshipe, & loff, & wullderr, Line 3925 & upponn eorþe griþþ & friþþ, Þurrh Godess mildheorrtnesse, Till iwhillc mann þatt habbenn shall God heorrte & aȝȝ god wille. Þiss sungenn þeȝȝ, forrþi þatt teȝȝ Line 3930 Full wel þær unnderrstodenn, Þatt teȝȝre genge shollde ben Þurrh hallȝhe sawless ekedd, Þurrh whatt biforenn Drihhtin Godd, Ȝiff þatt itt waxenn mihhte, Line 3935 Wurrþshipe & wullderr shollde ben, Swa summ itt waxenn wære, & ec forr þatt teȝȝ wisstenn wel Þatt Godd comm her to manne, Forr þatt he wollde griþþ & friþþ Line 3940 & soþ sahhtnesse settenn

Bitwenenn Drihhtin, heoffness king, & mannkinn her onn eorþe, Þatt mannkinn shollde muȝhenn wel Upp cumenn inntill heoffne, Line 3945 Þatt heoffness here mihhte swa Þurrh hallȝhe sawless waxenn, Þurrh whatt biforenn Drihhtin Godd Wurrþshipe waxenn shollde, Ȝiff þatt himm mihhte waxenn ohht Line 3950 & wurrþenn bettre & mare. Þatt griþþ wass sett till alle þa, Swa summ þe Goddspell kiþeþþ, [col 96] Þatt sholldenn wurrþenn gode menn, & habbenn aȝȝ god wille Line 3955 Till þa þatt sholldenn unnderrfon Wiþþ blisse Cristess come, & nohht till þa þatt sholldenn himm Forrhoȝhenn & forrwerrpenn; Forr niss nohht Godess griþþ wiþþ þa Line 3960 Þatt wiþþrenn Godd onnȝæness, Acc hellewawenn iss till þa All affterr þeȝȝre wrihhte. & her mann unnderrstanndenn maȝȝ, Whillc mann iss Drihhtin cweme, Line 3965 Þatt illke mann iss Drihhtin lef Þatt hafeþþ gode wille; Forr whase itt iss þatt illke mann Þatt hafeþþ aȝȝ god wille,

Þatt illke mann ne sinnȝheþþ nohht, Line 3970 Ne gillteþþ hise þannkess, Ne towarrd Godd, ne towarrd mann, Ȝiff þatt he maȝȝ himm lokenn. & ȝiff iss þatt he missdoþ Onn aniȝ kinne wise, Line 3975 Itt reoweþþ himm, & sone anan He stannt itt inn to betenn.

Þatt Godess enngell comm o nahht Wiþþ heoffness lihht onn eorþe, Þatt tacneþþ þatt tiss middellærd Line 3980 Wass full off þeossterrnesse, Þurrh illkess kinness hæþenndom Inn iwhillc unnclænnesse, Þatt time þatt te Laferrd Crist Wass borenn her to manne, Line 3985 To ȝifenn heoffness lihht & leom Þatt follc þatt shollde himm cwemenn. & tatt tatt enngell nohht ne comm Till kingess ne till eorless, Ne till þatt laþe riche flocc Line 3990 Þatt follȝheþþ modiȝnesse, Þatt doþ uss tunnderrstanndenn wel Þatt Drihhtin Godd forrwerrpeþþ All modiȝleȝȝc, & grediȝleȝȝc, & irre, & gluterrnesse, Line 3995 & all þatt follȝheþþ horedom & swikedom onn eorþe,

Þatt mann maȝȝ findenn allre mast I þa þatt sinndenn riche. Þatt Godess enngell awwnedd wass Line 4000 In aness weress hewe, Þatt wass forrþi þatt enngell maȝȝ, Wiþþ hiss Drihhtiness wille, Himm awwnenn alls he wære a mann I manness limess alle, Line 4005 I bodiȝ þatt he doþ himm inn Off heofennlike kinde. & Godd wiþþ enngless ȝife uss á To brukenn heffness blisse.

Am[æn.]

[Coll. 97-104 wanting.] . . . . . [col 105] & forrþi wass itt upponn himm Line 4010 Þurrh Drihhtin firrst bigunnenn, Forr þatt itt shollde ben onn himm Till himm full witerr tákenn, Þatt he wass Drihhtin swiþe lef Þurrh trowwþess rihhtwisnesse. Line 4015 & itt wass ec þurrh Drihhtin sett To wurrþenn himm to tákenn, Þatt Drihhtin haffde ȝifenn himm Swillc blettcinng & swillc sellþe, Þatt he wiþþ all hiss rihhte streon, Line 4020 Þatt shollde hiss trowwþe follȝhenn, A butenn ende shollde ben Wiþþ Godd inn heoffness blisse.

& itt wass sett þurrh Godd onn himm, Forr þatt itt shollde himm tacnenn, Line 4025 Þatt alle þa þatt sholldenn himm Wiþþ trowwþe & dede follȝhenn, Well ȝeorne birrdenn clennsenn hemm I bodiȝ & i sawle, Ȝiff þatt teȝȝ wolldenn habbenn lott Line 4030 Wiþþ himm inn eche blisse. & itt wass sett onn himm þurrh Godd, Forr þatt itt shollde himm tacnenn, Þatt Godess Sune Jesu Crist To manne cumenn shollde, Line 4035 & wurrþenn borenn off hiss kinn Inn ure mennisscnesse, To clennsenn her þurrh Crisstenndom, Þurrh fulluhht, & þurrh læfe, An flocc þatt shollde lufenn himm Line 4040 & hise laȝhess haldenn, Þatt shollde risenn upp off dæþ O domess daȝȝ, þatt wise Þatt tanne shollde itt lesedd ben Fra dæþess ȝocc þurrh Criste, Line 4045 & all þweorrt u¯¯t ben clennsedd ta Off flæshess unntrummnesse, Swa þatt itt shollde ben wiþþ Crist A butenn ende i blisse. & itt wass ec þurrh Drihhtin sett, Line 4050 Þatt witt tu wel to soþe, Forr þatt itt shollde clennsenn hemm Off all Adamess sinne,

All all se fulluhht clennseþþ nu Þa þatt itt unnderrfanngenn. Line 4055 Forr all swa seȝȝde Drihhtin þa Till þatt Judisskenn þeode, All swa summ ure Laferrd Crist Seȝȝde till hise þeowwess, Affterr þatt he wass wurrþenn mann Line 4060 & spacc wiþþ menn onn eorþe. Forr þanne seȝȝde Drihhtin þuss Till þatt Judisskenn þeode; Þatt illke mann, wha summ itt iss, Amang weppmanne genge, Line 4065 Þatt ummbeshorenn onn hiss shapp Ne reckeþþ nohht to wurrþenn, Þatt illke mann, wha summ itt iss, Forrdoþ hiss aȝhenn sawle. & ure Laferrd seȝȝde þuss Line 4070 Till þatt Judisskenn þeode, Affterr þatt he wass cumenn her & wurrþenn mann onn eorþe; [col 106] Wha summ itt iss þatt mann, þatt niss Nohht off to wurrþenn fullhtnedd, Line 4075 Ne maȝȝ þatt mann, wha summ itt iss, Nohht cumenn inntill heoffne. Nu mihht tu sen þatt ta wass sett Amang Judisskenn þeode To wurrþenn ummbeshorenn, swa Line 4080 To clennsenn hemm off sinne,

All swa summ nu iss sett to ben Fullhtnedd, to dillȝhenn sinne. Þeȝȝ ummbeshærenn þeȝȝre shapp, Swa summ icc habbe shæwedd, Line 4085 A litell off þe fell aweȝȝ Biforenn all abutenn, Swa summ itt haffde Drihhtin sett Onn Abrahamess time. & Abraham itt toc onn himm, Line 4090 & ec onn hise chilldre, & ec onn all þatt weppmannkinn Þatt wass inn hise walde; & itt wass haldenn siþþenn aȝȝ Anan till Cristess come, Line 4095 Amang þatt Judewisshe follc Þatt Crist wass borenn offe. & forr þe maȝȝdennchild wass sett Þurrh Drihhtin, þatt mann shollde Offrenn onn allterr hire lac, Line 4100 To clennsenn hire & lesenn Off þatt missdede þatt wass don Þurrh Adam & þurrh Eve; Forr þatt wass sett þurrh Drihhtin þa Amang Judisskenn þeode Line 4105 To clippenn swa þe cnapess shapp, & toffrenn lac forr maȝȝdenn, Forr þatt itt shollde lesenn hemm U¯¯t off Adamess sinne; & all se mikell hallp itt hemm Line 4110 To clennsenn hemm off sinne,

Alls uss doþ o þiss time nu Þe fulluhht unnderr Criste. Acc nohht ne mihht itt oppnenn hemm Þe ȝate off heoffness blisse; Line 4115 Forr Crist nass nohht ȝe¯¯ cumenn þa Ne wurrþenn mann onn eorþe, Þatt shollde itt oppnenn þurrh hiss dæþ Ȝæn alle gode sawless. Forr swa þe firrste manness daȝȝ Line 4120 Anan till Cristess rode Wass Paradisess ȝate sperrd Ȝæn all mannkinn onn eorþe, Acc itt wass efft þurrh Cristess dæþ Oppnedd ȝæn gode sawless, Line 4125 Ȝæn þa þatt tăkenn Crisstenndom [col 107] & endenn wel þærinne. Þatt cnif wass, þatt witt tu full wel, Off stan, & nohht off irenn, Þatt hemm wass to þatt wikenn sett Line 4130 Þurrh Godd Allmahhtiȝ sellfenn, Forr tummbesherenn shapp þærwiþþ Off þeȝȝre cnapechilldre, Forr to bitacnenn uss þærþurrh Swillc þing off ure nede, Line 4135 Þatt uss & all Crisstene þeod Birrþ fillenn all & forþenn. Forr þe birrþ ummbesherenn her Aweȝȝ all fra þin wille

All þatt tatt æfre iss Drihhtin laþ, Line 4140 I þohht, i word, i dede; & te birrþ clippenn itt aweȝȝ Þurrh stan; & tatt bitacneþþ, Þatt te birrþ alle sinness flen Forr soþfasst lufe o Criste. Line 4145 Forr Crist wass tacnedd þurrh þatt stan, Þatt witt tu wel to soþe, Forr Crist iss strang & stĕdefasst & findiȝ & unnfakenn, & æfre he wass, & æfre he beoþ, Line 4150 An allfullfremedd hellpe Till alle þa þatt cwemmdenn himm, & tatt himm shulenn cwemenn.

Þeȝȝ ummbeshærenn Cristess shapp, Swa summ þe boc hemm tahhte, Line 4155 Rihht o þatt daȝȝ þatt he wass her Off ehhte daȝhess elde, Forr to bitacnenn oþerr whatt Þatt uss iss ned to trowwenn, Swa þatt itt muȝhe gengenn uss Line 4160 To berrȝhenn ure sawle. Ȝiff þu þe sellf wel nimesst gom, Þu sest & unnderrstanndesst, Þatt all þiss middellærdess lif Bi seoffne daȝhess eorneþþ Line 4165 Þe sexe daȝhess sette Godd Hiss follc to þeȝȝre werrkess,

Þe sefennde, þe lattste daȝȝ, He sette þeȝȝm to resste; & itt iss nemmnedd Sabbatumm Line 4170 Amang Judisskenn lede; & itt iss aȝȝ heh messedaȝȝ Att hĕre wukess ende. & ȝiff þu turrnesst Sabbatumm Inntill Ennglisshe spæche, Line 4175 Itt seȝȝþ þatt itt iss Resstedaȝȝ Off all þewwlike dede, To don uss tunnderrstanndenn wel, Þatt uss birrþ wel uss ȝemenn O messedaȝȝ & illke daȝȝ Line 4180 All fra þewwlike dede, Þatt iss, fra sinnfull word & werrc, Fra sinnfull þohht & wille, Ȝiff þatt we wilenn cwemenn Godd, & addlenn heffness blisse. Line 4185 Þe seffnde daȝȝ iss Resstedaȝȝ, Swa summ icc hafe shæwedd, Affterr þatt tatt te wuke gaþ Amang Judisskenn lede, & tacneþþ all þatt resste & ro Line 4190 Þatt hallȝhe sawless brukenn Inn oþerr werelld, i þiss fresst, Whil þatt tiss werelld lassteþþ· Nu seost tu wel þatt all þiss lif Bi seoffne daȝhess eorneþþ· Line 4195 Þehhtennde daȝȝ beoþ Domess daȝȝ, Þann all mannkinn shall risenn

Off dæþe, & cumenn to þe dom, & tăkenn þeȝȝre mede; & whase þanne wurrþiȝ beoþ Line 4200 To takenn eche blisse, He beoþ all ummbeshorenn þa Swa þwerrt u¯¯t wel wiþþ alle, & clennsedd all þwerrt u¯¯t swa wel [col 108] Off iwhillc unnclænnesse, Line 4205 Þatt næfre ma ne shall he ben O nane wise filedd, Acc á wiþþutenn ende he shall Wiþþ enngless ben i blisse. & ȝure preostess þeowwtenn nu Line 4210 Biforenn Godess allterr, Off illc an mikell messedaȝȝ Aȝȝ ehhte daȝhess fulle, To tacnenn swa þatt hallȝhe tid, Þatt Cristess follc shall brukenn Line 4215 Wiþþ enngless affterr Domess daȝȝ A butenn ende i blisse. & all swa summ þeȝȝ settenn þa Þe name o þeȝȝre chilldre, Þatt daȝȝ þatt teȝȝ þe cnapechild Line 4220 Hiss shapp himm ummbeshærenn, & tatt daȝȝ, þatt forr maȝȝdennchild Wass offredd lac onn allterr, All swa þin child hiss name onnfoþ Þatt daȝȝ þatt itt iss fullhhtnedd. Line 4225

Line 4225 Þeȝȝ ummbeshærenn Cristess shapp All alls himm sellf itt wollde, & he wass o þatt illke daȝȝ Off ehhte daȝhess elde; & tatt daȝȝ iss New Ȝeress daȝȝ Line 4230 Mang Enngleþeode nemmnedd. & tatt te Laferrd Jesu Crist, Þatt all wass clene off sinne, Toc onn hiss aȝhenn bodiȝ swa Þatt alde follkess hellpe, Line 4235 Þatt hemm wass sett þurrh Drihhtin þa To clennsenn hemm off sinne, Þatt dide he forr he wollde swa Uss alle ȝifenn bisne, Þatt uss birrþ, affterr ure mahht, Line 4240 Aȝȝ stanndenn inn to follȝhenn All þatt uss hafeþþ Drihhtin sett Till ure sawless hellpe. & tatt teȝȝ ummbeshærenn swa Þe shapp off cnapechilldre, Line 4245 Þatt wass hemm swa þurrh Drihhtin sett, Forr þatt itt shollde tacnenn, Þatt uss birrþ clippenn all aweȝȝ Þe flæshess fule wille, Þatt allre werrst & allre mast Line 4250 Werdeþþ þe wrecche sawle, Þurrh all þatt fĕle kinne gillt Þatt i þa limess rixsleþþ, I weppmenn & i wifmenn ec, Inn ȝunge, & ec inn alde. Line 4255

Line 4255 Þeȝȝ ummbeshærenn Cristess shapp Wiþþ stan forr cnifess egge, & he wass o þatt illke daȝȝ Jesus bi name nemmnedd, All affterr þatt itt cwiddedd wass Line 4260 Þurrh Gabriæl hehenngell, [col 109] Biforenn þatt he cumenn wass I Sannte Marȝess wambe. & wel þatt enngell seȝȝde whi He shollde swa ben nemmnedd; Line 4265 He seȝȝde þatt he shollde ben Jesus bi name nemmnedd, Forr þatt he shollde hiss aȝhenn follc Hælenn off sinness wunde; Forr Jesuss o Grickisshe mal Line 4270 Onn Ennglissh iss Hælennde. & Crist iss nemmnedd swiþe rihht Hælennde onn Ennglissh spæche; Forr he comm her to læchenn uss Off all þatt dæþess wunde, Line 4275 Þatt Adam haffde ȝifenn uss Þurrh hiss unnherrsummnesse. Forr þærto comm þe Laferrd Crist To wurrþenn mann onn eorþe, Forr þatt he wollde lesenn menn Line 4280 U¯¯t off þe deofless walde, Þurrh þatt he wollde þolenn dæþ Wiþþutenn hise wrihhte,

& turrnenn menn till Crisstenndom & till þe rihhte læfe, Line 4285 & fullhtnenn hemm, & clennsenn hemm Off all Adamess sinne, Þatt haffde ben till all mannkinn Full grimme dæþess wunde; Forr þurrh Adamess gilltess dinnt Line 4290 Wass all mannkinn þurrhwundedd, & fallenn inn till eche dæþ Inn helle wiþþ þe deofell. & Crist comm dun to wurrþenn mann, Forr þatt he wollde uss hælenn Line 4295 Off all þatt wunde þatt uss ȝaff Adam þurrh hiss missdede, & forrþi maȝȝ þe Laferrd Crist Wel nemmnedd ben Hælennde; Forr mannkinn hæledd wass þurrh himm Line 4300 Off sinness grimme wunde.

& tiss name off þe Laferrd Crist, Þatt ȝe nemmnenn Hælennde, Iss writenn o Grickisshe boc Rihht wiþþ bocstafess sexe; Line 4305 & itt iss nemmnedd IESOϒS Affterr Grickisshe spæche; & iwhillc an bocstaff þatt iss Uppo þiss name fundenn Tacneþþ an tăle rihht full wel, Line 4310 Swa summ icc shall nu shæwenn.

Þe firrste staff iss nemmnedd I & tacneþþ tăle off tene; Þatt oþerr staff iss nemmnedd E & tacneþþ tăle off ehhte; Line 4315 Þe þridde staff iss nemmnedd S & tacneþþ tweȝȝenn hunndredd; Þe feorþe staff iss nemmnedd O & seofenntiȝ bitacneþþ; Þe fifte staff iss nemmnedd ϒ Line 4320 & tacneþþ fowwerr hunndredd; Þe sexte staff iss nemmnedd S [col 110] & tacneþþ tweȝȝenn hunndredd. & ȝiff þu þise taless kannst Inntill an tale sammnenn, Line 4325 Þu findesst wiss wiþþutenn wen Rihht ehhte siþe an hunndredd, & tærtill ehhte siþess an, & ehhte siþess tene. & all þiss þrinne taless hæp Line 4330 Iss hæpedd aȝȝ wiþþ ehhte; Forr þær iss, alls icc seȝȝde nu, Rihht ehhte siþe an hunndredd, & tærtill ehhte siþess an, & ehhte siþess tene; Line 4335 Her iss þreo siþess opennliȝ Þe tale off ehhte nemmnedd. & tale off ehhte tacneþþ uss All þatt orrmete blisse,

Þatt mannkinn unnderrfeng þurrh þatt Line 4340 Þatt Crist ras upp off dæþe, Þatt ras rihht o þehhtennde daȝȝ Affterr þe wukess ende, Swa summ icc habbe shæwedd her Biforenn o þiss lare. Line 4345 Forr þatt daȝȝ wass þehhtennde daȝȝ Þatt Crist ras onne off dæþe, Affterr þatt tatt te wuke gaþ Amang Judisskenn þeode; Forr Saterrdaȝȝ wass haliȝ daȝȝ Line 4350 O þatt Judisskenn wise, & aȝȝ wass þeȝȝre wuke gan All u¯¯t tatt daȝȝ att efenn. & forrþi wass þehhtennde daȝȝ Þatt daȝȝ þatt comm þæraffterr; Line 4355 Forr seffne daȝhess brinngenn aȝȝ Þe wuke till hiss ende, & tatt daȝȝ iss þehhtennde daȝȝ Þatt cumeþþ affterr seoffne; & swa comm ure Sunenndaȝȝ Line 4360 Affterr þatt wukess ende; & tatt daȝȝ iss þehhtennde daȝȝ Þatt Crist ras onne off dæþe, & ȝaff uss her þurrh Crisstenndom To risenn upp off sinness, Line 4365 Swa þatt we muȝhenn risenn upp O Domess daȝȝ off dæþe, To brukenn upp inn heoffness ærd Wiþþ enngless eche blisse.

& wel iss Cristess name sett Line 4370 All i þe tale off ehhte; Forr he ras o þehhtennde daȝȝ, To reȝȝsenn uss off sinne. & wel wass þurrh þe firrste staff Þe tale off tene tacnedd, Line 4375 [col 111] Forr firrst uss birrþ wel fillenn her Þa tene bodewordess, Þatt Drihhtin sette till hiss follc Þurrh Moysæsess hande, & siþþenn shall þe Laferrd Crist Line 4380 Uss ȝifenn ure mede, All affterr þatt we fillenn wel Þa téne bodewordess.

& her icc wile shæwenn ȝuw Þa bodewordess alle, Line 4385 Affterr þatt little witt tatt me Min Drihhtin hafeþþ lenedd. Þe firrste bodeword wass sett Þurrh Godd forr þine nede, Þatt tu þweorrt u¯¯t all hæþenndom Line 4390 & hæþenn godd forrwerrpe, & lefe onn an Allmahhtiȝ Godd & hise laȝhess halde; Forr þu ne mihht nohht borrȝhenn ben, Ne winnenn eche blisse, Line 4395

Line 4395 Butt iff þu þwerrt u¯¯t hæþenndom & hæþenn godd forrwerrpe, & lefe onn an Allmahhtiȝ Godd & hise laȝhess halde. Þatt oþerr bodeword wass sett Line 4400 Þurrh Godd forr þine nede, Þatt tu ne take nohht wiþþ skarn, Wiþþ hæþinng, ne wiþþ idell, Þe name off ure Laferrd Crist Þatt forr þe swallt o rode; Line 4405 Forr þu ne mihht nohht borrȝhenn ben Ne winnenn eche blisse, Ȝiff þatt tu nohht ne kepesst her Noff Crist, noff Cristess moderr. Þe þridde bodeword wass sett Line 4410 Þurrh Godd forr þine nede, Þatt tu stannde inn þe messedaȝȝ To freollsenn wel & hallȝhenn, Swa þatt illc an unnclene lusst & illc an ifell wille Line 4415 Beo tredenn dun þurrh lufe off Godd, & cwennkedd i þin herrte, Swa þatt tin herrte beo þatt bedd Þatt Godd himm ressteþþ inne; Forr þu ne mihht nan messedaȝȝ Line 4420 Drihhtin tocweme freollsenn, Ȝiff þatt iss þatt tin herrte iss þeoww Off aniȝ ifell wille. Þe feorþe bodeword wass sett Þurrh Godd forr þine nede, Line 4425

Line 4425 Þatt tu beo milde & meoc onnȝæn Þin faderr & tin moderr, & rædiȝ mann to don hemm god Aȝȝ affterr þine fére; Forr þu ne mihht nohht borrȝhenn ben Line 4430 Ne winnenn eche blisse, Butt iff þu beo full god wiþþ hemm To lif & ec to sawle;· Þe fifte bodeword wass sett Þurrh Godd forr þine nede, Line 4435 [col 112] Þatt tu ne file nohht ti lif Þurrh ful forrleȝerrnesse; Forr whase liþ inn horedom He slaþ hiss aȝhenn sawle, Butt iff he muȝhe betenn itt Line 4440 Onn aniȝ kinne wise;· Þe sexte bodeword wass sett Þurrh Godd forr þine nede, Þatt tu ne sla nan oþerr mann Wiþþ hande ne wiþþ herrte, Line 4445 Ȝiff þatt he nile cwellenn þe Forr Crisstenndom to cwennkenn. Whi seȝȝde icc nu þatt tu nan mann Ne cwelle wiþþ þin herrte? Maȝȝ aniȝ mann slan oþerr mann Line 4450 & cwellenn himm wiþþ herrte? Ȝa full wel seȝȝþ þatt Latin boc Þatt þwerrt u¯¯t nohht ne leȝheþþ;

Forr ȝiff þu beresst hete & niþ Ȝæn aniȝ lif & sawle, Line 4455 Swa þatt tu wolldesst bliþeliȝ Sen ifell ende off baþe, Himm haffst tu slaȝenn witerrliȝ Wiþþ herrte & nohht wiþþ hande; & tu ne mihht nohht borrȝhenn ben Line 4460 Ne winnenn eche blisse, Butt iff þu muȝhe off hete & niþ All clennsenn wel þin herrte. Þe sefennde wass sett þurrh Godd & all forr þine nede, Line 4465 Þatt tu þe loke wel þatt tu Ne stĕle nohht ne ræfe; Forr ȝiff þu skaþesst aniȝ mann Þu skaþesst firrst te sellfenn, & ȝiff þu ræfesst me min þing Line 4470 Þu ræfesst Godd tin sawle; & tu ne mihht nohht borrȝhenn ben Ne winnenn eche blisse, Butt iff þu cweme Drihhtin wel Wiþþ þin unnshaþiȝnesse. Line 4475 Þehhtennde bodeword wass sett Þurrh Godd forr þine nede, Þatt tu þe loke wel fra mán Inn aþess & i wittness, Þatt tu ne swere nan manaþ Line 4480 Forr lufe ne forr eȝȝe, Ne þatt tu nohht ne cume forrþ Wiþþ woh to berenn wittness;

[col 113] Forr þu ne mihht nohht borrȝhenn ben Ne winnenn eche blisse, Line 4485 Butt iff þu wel wiþþ soþ & rihht Þin Drihhtin muȝhe cwemenn Þe niȝhennde wass sett þurrh Godd Acc all forr þine nede, Þatt tu nan oþerr manness wif Line 4490 Ne ȝeorne nohht to nehȝhenn Wiþþ unnclænnessess fule lusst, To filenn swa ȝunnc baþe; Forr baþe gilltenn grimmeliȝ, Ȝiff itt ȝunnc baþe likeþþ, Line 4495 & baþe shædenn swa fra Godd, & cwellenn ȝunnkerr sawless, Butt iff ȝitt muȝhenn betenn itt Onn aniȝ kinne wise; Acc witt tu þatt itt niss nohht lihht Line 4500 To betenn hefiȝ sinne, & forrþi birrþ þe shunenn aȝȝ To fallenn ohht tærinne. Acc whase maȝȝ forrwerrpenn itt, & blinnenn itt to follȝhenn, Line 4505 & innwarrdliȝ bireowenn itt Þatt itt wass æfre forþedd, & gannȝenn unnderr preostess dom To betenn itt wiþþ shriffte, & stanndenn inn to winnenn wel Line 4510 Hiss bodiȝ forr hiss sinne,

Forr þatt he wile clennsenn himm Off all hiss unnclennesse, Þatt mann þurrh Godess hellpe maȝȝ Wel betenn all hiss sinne, Line 4515 & cwemenn Godd wiþþ haliȝ lif, & winnenn wel hiss are. Þe tende bodeword wass sett Þurrh Godd forr þine nede, Þatt tu nan oþerr manness þing Line 4520 Ne ȝeorne nohht to winnenn; Forr grediȝnesse iss hefiȝ lasst Biforenn Godess eȝhne, & itt forrbindeþþ all þweorrt u¯¯t & blendeþþ manness heorrte, Line 4525 Þatt itt ne maȝȝ nohht habbenn mihht To follȝhenn Godess wille. Nu habbe icc here shæwedd ȝuw Þa tene bodewordess, Þatt wærenn þurrh þe firrste staff Line 4530 Off Cristess name tacnedd, & ȝiff þu Cristess bodeword Affterr þin mahhte fillesst, Þa shallt tu ben o Domess daȝȝ Þurrh Cristess name borrȝhenn. Line 4535

& wel wass þurrh þatt oþerr staff Þe tăle off ehhte tacnedd; Forr tekenn þatt tatt ehhte maȝȝ Full opennlike tacnenn

Þatt illke dere Sunenndaȝȝ, Line 4540 [col 114] Þatt Crist ras onne off dæþe, Swa summ icc habbe shæwedd her O þiss Goddspelless lare, Þær tekenn maȝȝ itt tacnenn wel, & tacneþþ wiss to soþe Line 4545 Þa mahhtess þatt te Laferrd Crist Uss sette forr to follȝhenn, & ȝaff uss bisne himm sellf þærto, To fillenn hemm & follȝhenn. & whase wile tellenn hemm Line 4550 Bi tale he findeþþ ehhte, & forrþi sinndenn þeȝȝ full wel Þurrh tale off ehhte tacnedd. & tise mahhtess alle imæn Arrn hæfedd mahhtess ehhte, Line 4555 & sinndenn wæpenn god & strang Ȝæn hæfedd sinness ehhte, Ȝæn gluterrnessess laþe lasst, & ȝæn galnessess hæte, & ȝæn ȝittsunng & grediȝleȝȝc, Line 4560 Ȝæn grimmeleȝȝc & braþþe, Ȝæn unnlusst & forrswundennleȝȝc, Ȝæn erþliȝ kare & serrȝhe, Ȝæn rosinng, & ȝæn idell æellp, Ȝæn modiȝnessess wæpenn. Line 4565 & aȝȝ iss sett an hæfedd mahht Onnȝæn an hæfedd sinne,

& aȝȝ maȝȝ wel an hæfedd mahht Cwennkenn an hæfedd sinne, Inn iwhillc mann þatt follȝheþþ rihht Line 4570 Þe mahhte, Crist tocweme. & whas itt iss þatt follȝheþþ wel & filleþþ þise mahhtess, Þatt illke mann shall borrȝhenn ben Þurrh Cristess name onn ennde; Line 4575 Forr Cristess name þurrh an staff Bitacneþþ tale off ehhte, Forrþi þatt Crist shall berrȝhenn þa Þatt follȝhenn þise mahhtess. & her icc wile shæwenn ȝuw Line 4580 Bi tale þise mahhtess, Forr þatt ȝe shulenn þess te bett All fillenn hemm & follȝhenn. An hæfedd mahhte iss mett & mæþ Inn all þatt te birrþ follȝhenn, Line 4585 I word, i werrc, i mĕte, i drinnch, & ec i þine claþess, I lusst to winnenn eorþliȝ þing, I swinnkess, & i resstess. Þiss mahhte tredeþþ unnderrfo¯¯t Line 4590 & cwennkeþþ gluterrnesse, & all þatt iss att oferrdon Itt drifeþþ fra þin herrte, Ȝiff þatt iss þatt tu lufesst itt, & follȝhesst itt & fillesst. Line 4595 Clænnessess mahht iss witerrliȝ An oþerr hæfedd mahhte;

Ȝiff þu clænnesse follȝhesst rihht Wiþþ bodiȝ & wiþþ herrte, Þu follȝhesst ta, þatt witt tu wel, Line 4600 An haliȝ hæfedd mahhte; Forr þurrh þiss mahht shall maȝȝdennmann Hehlike wurrþenn borrȝhenn, & weddedd wĕre & weddedd wif & widdwe shall itt berrȝhenn; Line 4605 Forr maggdennhad & widdwesshad, Ȝiff þatt itt iss rihht clene Inn all þatt to þe bodiȝ liþ, & ec i þeȝȝre wille, & meoc, & daffte, & sedefull Line 4610 I þæwess & i lusstess, Itt beoþ hehlike witerrliȝ Þurrh soþ clænnesse borrȝhenn. & ȝiff þatt weddedd were & wif Hemm laȝhelike ledenn Line 4615 Bitwenenn hemm forr lufe off Godd, Þa follȝhenn þeȝȝ clænnesse, [col 115] & itt shall muȝhenn berrȝhenn hemm Att heore lifess ende. Þuss birrþ all Jesu Cristess hird, Line 4620 Þatt iss o þreo todæledd, Þuss birrþ itt follȝhenn soþ clænleȝȝc Ȝiff þatt itt shall ben borrȝhenn; Forr maȝȝdennhad & widdwesshad & weddlac birrþ ben clene, Line 4625

Line 4625 & þurrh clænnesse cwemenn Godd, Illc an onn hire wise; Forr all þatt follȝheþþ unnclænleȝȝc All iss Drihhtin unncweme. Her speke icc off unnclene menn Line 4630 & off unnclene gastess; & horedom iss Drihhtin laþ, & deofell swiþe cweme, Forr deofell iss unnclene gast, & lufeþþ unnclænnesse. Line 4635 Þiss mahhte tredeþþ unnderrfo¯¯t Galnessess laþe strenncþe, & all þe lusst off horedom Itt drifeþþ fra þin herrte, Ȝiff þatt iss þatt tu lufesst itt Line 4640 & follȝhesst itt wiþþ dede. Þe þridde mahht iss hæfedd mahht Þatt tu þweorrt u¯¯t forrwerrpe To ȝeornenn affterr weorelldþing, To winnenn itt wiþþ sinne. Line 4645 Wiþþ þiss mahht mahht tu witerrliȝ Wel follȝhenn Cristess posstless, Ȝiff þu forrwerrpesst grediȝleȝȝc, & follȝhesst Cristess wille; Forr þeȝȝ forrwurrpenn all þweorrt u¯¯t Line 4650 To winnenn ohht wiþþ sinne, & stodenn inn to follȝhenn Crist All att hiss lefe wille. Ȝiff þatt tu ȝeornesst weorelldþing To winnenn ohht wiþþ sinne, Line 4655

Line 4655 Þa ȝeornesst tu þatt weorelldþing Onnȝæn Drihhtiness wille, & mare iss þe þæroff þatt þing Þann off Drihhtiness wille, & bett tu lætesst off þatt þing Line 4660 Þann off Drihhtiness wille, & mare lufesst tu þatt þing Þann ohht off Godess wille, Ȝiff þe iss lef to winnenn itt Onnȝæn Drihhtiness wille. Line 4665 Loc nu þe sellf hu ferr þu gast U¯¯t off þe rihhte weȝȝe, Ȝiff þatt tu lufesst weorelldþing To winnenn ohht wiþþ sinne; Forr ȝiff þu winnesst weorelldþing Line 4670 Onnȝæn Drihhtiness wille, Þa turrnesst tu þe frawarrd Godd, & towarrd eorþlic ahhte, & swa forrwerrpesst tu þin Godd, [col 116] & haldesst wiþþ þatt ahhte. Line 4675 Loc nu ȝiff þatt tu narrt rihht wod & all wittess bidæledd, Þatt willt forrlesenn þin Drihhtin & all þe blisse off heoffne, Forr þatt tu muȝhe winnenn her Line 4680 Wiþþ sinne summwhatt littless; Þohh þatt tu mihhtess winnenn her All middellærdess riche,

Ne birrde þe nohht ȝeornenn itt Onnȝæn Drihhtiness wille. Line 4685 Loc nu whatt witt itt iss i þe, To winnenn summwhatt littless Onnȝæness Godess wille swa Þatt tu þær Godd forrlesesst. Tacc þe nu till þiss hallȝhe mahht Line 4690 Wiþþ Jesu Cristess posstless, All þwerrt u¯¯t to forrwerrpenn her To winnenn ohht wiþþ sinne, & beo þu ȝeornfull nihht & daȝȝ To follȝhenn Godess wille. Line 4695 Þiss mahhte tredeþþ unnderrfo¯¯t Ȝittsunng & grediȝnesse, & makeþþ þe full kisstiȝ mann Off whattse Godd te leneþþ, Ȝiff þatt iss þatt tu lufesst itt Line 4700 & follȝhesst itt wiþþ dede. Þe feorþe mahht iss hæfedd mahht & haliȝ mahht wiþþ alle, Þatt tu beo þwerrt u¯¯t milde, & meoc, & soffte, & stille, & liþe, Line 4705 & þwerrt u¯¯t clene off grimmcunndleȝȝc & þwerrt u¯¯t clene off braþþe. Þiss iss an swiþe mikell mahht & Drihhtin swiþe cweme, & ȝiff þatt iss þatt tu þiss mahht Line 4710 Mihht habbenn rihht & follȝhenn, Þa witt tu wel þatt Haliȝ Gast Himm ressteþþ i þin herrte,

& tohh þe birrþ ben harrd wiþþ skill Onnȝæness alle sinness, Line 4715 Forr þu mihht ske¯¯t to nesshe ben Ȝæn þa þatt Drihhtin wraþþenn. Þiss mahhte tredeþþ unnderrfo¯¯t All grimmeleȝȝc & braþþe, & hete & niþ & awwerrmod Line 4720 Itt drifeþþ fra þin herrte, Ȝiff þatt iss þatt tu lufesst itt [col 117] & follȝesst itt wiþþ dede; Forr whase iss þwerrt u¯¯t milde, & meoc, & soffte, & stille, & liþe, Line 4725 All he forrwerrpeþþ grimmeleȝȝc, & hete, & niþ, & braþþe. Þe fifte mahht iss hæfedd mahht & haliȝ mahht to follȝhenn, Þatt tu beo swinncfull att tin mahht Line 4730 Inn alle gode dedess, Aȝȝ att rihht time, & aȝȝ wiþþ skill, Swa þatt itt Godd beo cweme; Forr clene dede & clene swinnc Iss Drihhtin swiþe cweme, Line 4735 & himm iss idellnesse laþ & all forrswundennesse; Forr idellleȝȝc iss hæfedd plihht & wiþþreþþ wiþþ þin sawle, & forrþi birrþ þe ben swinncfull Line 4740 Inn alle gode dedess

Aȝȝ att rihht time, & aȝȝ att hof, Forr þatt iss Drihhtin cweme. Þiss mahhte tredeþþ unnderrfo¯¯t All þwerrt u¯¯t idellnesse, Line 4745 & unnlusst & forrswundennleȝȝc Itt drifeþþ fra þin herrte, Ȝiff þatt iss þatt tu lufesst itt & follȝhesst itt wiþþ dede. Þe sexte mahht iss hæfedd mahht Line 4750 & Drihhtin swiþe cweme, Þatt tu rihht nohht dreriȝ ne beo Forr nan eorþlike unnseollþe, Acc take bliþeliȝ þærwiþþ, & þannke itt Godd wiþþ herrte, Line 4755 & follȝhe swa þe gode Job Þatt wass an king onn eorþe, & all wiþþutenn gillt forrlæs Onn an daȝȝ all hiss ahhte, & ȝe¯¯ tær tekenn mare inoh Line 4760 Þatt mare wass to menenn; Tenn menn, an allfullwaxenn flocc Off suness & off dohhtress, Forrlæs þe gode Job þatt daȝȝ, Ȝe¯¯t tekenn all hiss ahhte. Line 4765 & ȝe¯¯ bilammp himm oþerr wa Þatt mare mihhte himm eȝȝlenn, Ȝiff þatt he nære wæpnedd wel Þurrh þild onnȝæn unnseollþe. He warrþ all, alls uss seȝȝþ soþ boc, Line 4770 Full hefiȝlike secnedd,

Swa swiþe þatt hiss bodiȝ toc To rotenn bufenn eorþe All samenn, brest, & wambe, & þes, & cnes, & fe¯¯t, & shannkess, Line 4775 & lende, & lesske, & shulldre, & bacc, & side, & halls, & hæfedd. All þiss wass utenn wiþþ unnhal Þurrh swiþe unnride unnhæle, & all he toc forrþrihht anan Line 4780 To ro¯¯tenn & to stinnkenn, & war & wirrsenn toc anan U¯¯t off hiss lic to flowenn. Her wass unnseollþe unnride inoh Till an mann forr to dreȝhenn; Line 4785 & ȝiff þatt he þurrh soþfasst þild Wæpnedd full wel ne wære, He munnde ben full dreriȝ mann, & serrhfull inn hiss herrte Off þatt, tatt himm wass all hiss þing Line 4790 Biræfedd butenn gillte, & off, þatt he forrlæs hiss streon Onn an daȝȝ all bidene, Tenn menn, swa summ icc seȝȝde nu, Off suness & off dohhtress, Line 4795 Þatt wærenn samenn inn an hus, [col 118] & etenn þære & drunnkenn, & tær fell dun þatt hus þurrh wind, & oferrfell hemm alle,

& ec off, þatt he wass himm sellf Line 4800 Full hefiȝlike secnedd Onn all hiss bodiȝ her & tær Þurrh an full atell adle, He munnde ben full dreriȝ mann & serrhfull inn hiss herrte, Line 4805 Ȝiff þatt he nære wæpnedd wel Þurrh soþfasst þildess wæpenn. Acc he wass wæpnedd wel þurrh Godd Onnȝæness illc unnseollþe, Þurrh whatt he spacc wislike & wel Line 4810 Inn all hiss miccle unnsellþe, Ne seȝȝde he nohht; unnseliȝ mann Amm icc onn eorþe wurrþenn, Forr whatt iss Drihhtin me þuss wraþ, Forr whatt amm í forrworrpenn? Line 4815 Ne seȝȝde he nohht off þiss forr himm To wanenn ne to menenn, Acc seȝȝde; Drihhtin ȝaff me þiss All wiþþ hiss lefe wille, & Drihhtin takeþþ itt fra me Line 4820 All wiþþ hiss lefe wille, & all þiss iss bilummpenn me, Swa summ itt Drihhtin likeþþ, & þannkedd wurrþe min Drihhtin All þatt tatt he me senndeþþ, Line 4825 & blettsedd wurrþe hiss name nu & æfre á butenn ende; Ȝiff þatt we tăkenn bliþeliȝ Att Godd all þatt iss sellþe,

Þa birrþ uss tăkenn bliþeliȝ Line 4830 Att himm whattse iss unnsellþe. Þuss spacc Drihhtiness kemmpe Job Inn all hiss miccle unnsellþe; & te birrþ takenn bisne att himm To þannkenn Godd wiþþ herrte, Line 4835 [col 119] All þatt he setteþþ uppo þe Off sellþe & off unnsellþe, Swa þatt tu dreoriȝ nohht ne beo Off nan eorþlike unnseollþe, Acc tăke bliþeliȝ þærwiþþ, Line 4840 & þannke itt Godd wiþþ heorrte, Forr þiss is swiþe mikell mahht, & Drihhtin swiþe cweme; & beo þu sikerr þatt he shall Þe ȝifenn eche blisse, Line 4845 Onnȝæn all þatt wanndraþ & wa Þatt te bilimmpeþþ here, Ȝiff þatt tu forr þe lufe off himm Itt bliþelike dreȝhesst. Þiss mahhte tredeþþ unnderrfo¯¯t, Line 4850 & drifeþþ fra þin herrte, All flæshliȝ care & serrȝhe & si¯¯t Off illc eorþlike unnseollþe, Ȝiff þatt iss þatt tu lufesst itt & shæwesst itt wiþþ bisne. Line 4855 Þe seoffnde mahht iss hæfedd mahht & haliȝ mahht wiþþ alle,

Þatt tu well swiþe unnorneliȝ Aȝȝ off þe sellfenn læ¯te, & halde þe forr hinnderrlinng, Line 4860 & forr well swiþe unnwresste, & forr þatt mann þatt litell maȝȝ & litell cann to gode. Þiss illke mahht iss hæfedd mahht & halsumm forr to follȝhenn. Line 4865 & ure Laferrd Crist himm sellf Uss ȝaff heroffe bisne, Þær þær he seȝȝde himm sellf whilumm Þurrh hiss prophetess tunge; Icc amm an wurrm, & nohht nan mann, Line 4870 Uppbrixle menn bitwenenn; Icc amm þatt þing þatt nohht ne dæh, Þatt eȝȝwhær iss forrworrpenn, & whærse icc amm bitwenenn menn Icc hutedd amm & þutedd, Line 4875 & all onn hæþing & o skarn Off me gaþ eȝȝwhær spæche. Þuss spacc þe Laferrd Jesu Crist Þurrh hiss prophetess tunge, Off þatt tatt he forrworrpenn wass Line 4880 Amang Judiskenn þeode; Forr Godess Sune Allmahhtiȝ Godd, Þatt all þe weorelld wrohhte, Warrþ an unnorne & wrecche mann, Forr þe to ȝifenn bisne, Line 4885 Þatt tu well swiþe unnorneliȝ Aȝȝ off þe sellfenn læte,

& halde þe forr hinnderrling, & forr well swiþe unnwresste, & forr þatt mann þatt litell maȝȝ Line 4890 & litell cann to gode, & forr þatt mann þatt all wiþþ rihht Birrþ hutedd ben & þutedd. [col 120] Þiss illke mahht, tatt witt tu wel, Iss haliȝ mahht to follȝhenn; Line 4895 Forr swa þu lætesst lasse off þe, Swa læteþþ Drihhtin mare, & swa þu tellesst werre off þe, Swa telleþþ Drihhtin bettre. Þiss mahhte tredeþþ unnderrfo¯¯t Line 4900 & cwennkeþþ i þin herrte All rosinng & all idell ȝellp, Forr þatt iss hæfedd sinne, To ȝellpenn off þin duhhtiȝleȝȝc & off þin gode dede, Line 4905 To rosenn off þin haȝherrleȝȝc, & leȝhenn off þe sellfenn. & ȝiff þu tellesst all þin mahht & all þin witt unnwresste, All idell ȝellp & idell ros Line 4910 Þu cwennkesst i þe sellfenn. & ȝiff þatt iss þatt tu mihht tuss All idell ȝellp forrwerrpenn, Þa follȝhesst tu þærþurrh þatt stih Þatt Cristess þeoww birrþ follȝhenn; Line 4915

Line 4915 Forr Cristess þeoww birrþ fillenn wel All þatt te Goddspell beodeþþ, & whanne he¯¯t hafeþþ filledd all Þuss birrþ himm þanne seggenn; Icc amm an allforrwurrþenn þeoww Line 4920 & all unnitt & idel, Þatt tatt icc he¯¯t Drihhtin wiþþ word Ne fille icc nohht wiþþ dede. Þuss birrþ himm all forrwerrpenn her To ȝellpenn off himm sellfenn, Line 4925 Ȝiff þatt he wile cwemenn Godd, & winnenn eche blisse. Þehhtennde mahht iss allre mast Off alle þise mahhtess, & tatt forrþi forr þatt itt iss Line 4930 Moderr off alle þóþre, Þatt tu forr soþfasst lufe o Godd Soþfasst meocnesse follȝhe. Þiss mahhte iss, alls icc seȝȝde nu, Moderr off alle þóþre; Line 4935 Forr alle mahhtess springenn u¯¯t Off soþ meocnessess rote; Forr niss nan mahht, tatt ohht iss wurrþ, All shadd fra soþ meocnesse; Forr aȝȝ birrþ soþ meocnesse ben Line 4940 Wiþþ iwhillc mahht onn hellpe, Ȝiff þatt itt shall þe gengenn ohht [col 121] To winnenn eche blisse.

Þiss illke mahht iss þwerrt u¯¯t god To berrȝhenn þe þin sawle, Line 4945 Ȝiff þatt tu¯¯t follȝhesst þweorrt u¯¯t wel Wiþþ bodiȝ & wiþþ herrte. Þiss hallȝhe mahhte maȝȝ þe don, Ȝiff þatt tu rihht itt follȝhesst, Lefliȝ to þeowwtenn oþre menn, Line 4950 To lutenn þine lahȝhre. Þiss hallȝhe mahhte doþ þe wel, Ȝiff þatt tu wel itt follȝhesst, To wurrþenn eȝȝwhær alle menn, Ȝe¯¯t forrþenn þine lahȝhre. Line 4955 Þiss hæfedd mahhte doþ þe wel, Ȝiff itt iss i þin herrte, To shunenn dĕrewurrþe shrud & dĕrewurrþe mæless. Þiss hallȝhe mahhte doþ þe mann, Line 4960 Ȝiff itt iss inn hiss herrte, All to forrȝifenn oþre menn Wiþþ word & ec wiþþ herrte All þatt teȝȝ hafenn skaþedd himm, & shamedd himm & shendedd. Line 4965 & ure Laferrd Crist himm sellf, Swa summ þe Goddspell kiþeþþ, Till hise posstless seȝȝde þuss Off soþ meocnessess mahhte; Lerneþþ att me þatt icc amm wiss Line 4970 Rihht milde & meoc wiþþ herrte, & swa ȝe muȝhenn resste & ro Till ȝure sawless findenn;

Forr niss nan mahht tatt bettre maȝȝ Þe winnenn eche blisse Line 4975 Þann allre mahhte róte maȝȝ, & allre mahhte moderr. Þiss mahhte tredeþþ unnderrfo¯¯t All modiȝnessess strenncþe, Ȝiff þatt iss þatt tu lufesst itt Line 4980 & follȝhesst itt wiþþ herrte. Nu habbe icc here shæwedd ȝuw Rihht ehhte off hæfed mahhtess, Þatt wærenn all forr ure ned Þurrh þatt bocstaff bitacnedd, Line 4985 Þatt uppo Cristess name stannt Rihht allre nesst te firrste. & ȝiff ȝe follȝhenn þwerrt u¯¯t wel Þe sloþ off þise mahhtess, Þa shule ȝe ben witerrliȝ Line 4990 Þurrh Cristess name borrȝhenn.

Þe þridde staff bitacneþþ uss Þe tale off tweȝȝenn hunndredd, & tale off tweȝȝenn hunndredd maȝȝ Þatt fulle lufe tacnenn Line 4995 Þatt birrþ ben, alls uss seȝȝþ soþ boc, Twifald, ȝiff itt shall hellpenn; Forr þe birrþ lufenn Godd & mann, Ȝiff þu willt wurrþenn borrȝhenn, Acc nohht onn ane wise þohh, Line 5000 Swa summ þe boc uss kiþeþþ;

Forr þe birrþ lufenn Drihhtin Godd [col 122] & lofenn himm & wurrþenn Wiþþ all þin witt, wiþþ all þin lusst, Wiþþ all þin bodiȝ mahhte, Line 5005 Wiþþ all þin gast, wiþþ all þin þohht, & mare þan þe sellfenn; Swa þatt tu nohht ne stannde onnȝæn Þin Godd o nane wise, Ne þurrh þin witt, ne þurrh þin lusst, Line 5010 Ne þurrh þin bodiȝ dede, Ne þurrh þin gast, tatt tu þin Godd Ne wraþþe þurrh þin wille, Ne þurrh þin þohht, tatt tu þin Godd Þurrh ifell þohht ne wraþþe. Line 5015 Þuss birrþ þe lufenn þin Drihhtin & mare þan þe sellfenn; & tatt iss swiþe mikell rihht, Forr Godd iss god wiþþ alle, & tu þe sellf narrt rihht nohht wurrþ Line 5020 Wiþþutenn Godess hellpe, & arrt an þing þatt nohht ne dæh, Ȝiff þatt tu Godd forrleosesst; & forrþi birrþ þe lufenn Godd Ȝe¯¯t mare þan þe sellfenn; Line 5025 Forr all þin hellpe & all þin hald Iss uppo Godess áre, Þatt maȝȝ þe, ȝiff himm þinnkeþþ god, Dun inntill helle werrpenn,

&, ȝiff himm þinnkeþþ god, he maȝȝ Line 5030 Þe ȝifenn heoffness blisse. & te birrþ lufenn iwhillc mann Þatt lifeþþ her onn eorþe, Þatt wise þatt tu lufesst te, Þatt iss, to wurrþenn borrȝhenn; Line 5035 Judisskenn mann & hæþenn mann Þuss birrþ þe lufenn baþe, Þatt eȝȝþerr turrne himm towarrd Crist Swa þatt he wurrþe borrȝhenn. Þuss birrþ þe lufenn ec þatt mann Line 5040 Þatt hateþþ þe wiþþ herrte, Þatt wreȝeþþ þe, þatt shendeþþ þe, Þatt ræfeþþ þe þin ahhte. Þuss birrþ þe lufenn alle þa, Ȝiff þatt tu willt te berrȝhenn, Line 5045 Þatt illc an bete hiss sinne swa, [col 123] Þatt illc an wurrþe borrȝhenn; Forr þu ne mihht nohht borrȝhenn ben To brukenn eche blisse, Ȝiff þatt tu currsesst aniȝ mann, Line 5050 & hatesst himm wiþþ herrte, Swa þatt tu wolldesst bliþeliȝ Off himm sen ifell ende; Forr mann iss Godess handewerrc, & an full aþell kinde, Line 5055 & Godess onnlicnesse, & all Full god inn all hiss kinde;

& forrþi birrþ þe lufenn mann Þe bodiȝ & te sawle, Forr þatt iss Godess handewerrc, Line 5060 & god & aþell kinde; Acc þe birrþ hatenn upponn me All þatt tatt æfre iss sinne, All þweorrt u¯¯t all swa summ þe birrþ Itt hătenn o þe sellfenn. Line 5065 & forrþi darr mann hătenn wel All þatt tatt æfre iss sinne, Forrþi þatt sinness laþe lasst Niss nan off Godess shafftess, Acc iss þatt dæþess laþe sed Line 5070 Þatt deofless æfre sawenn Inn ure flæshess lusst, & ec Inn ure sawless wille. & all þatt æfre iss god inn me Off kinde & ec off dede, Line 5075 All birrþ þe lufenn itt inn me, All swa summ i þe sellfenn; Forr þe birrþ lufenn all þe god, & hătenn all þe sinne, Þwerrt u¯¯t inn iwhillc oþerr mann, Line 5080 All swa summ i þe sellfenn; & te birrþ ec, þatt witt tu wel, I gode dedess hellpenn & firrþrenn iwhillc oþerr mann, All all swa summ þe sellfenn. Line 5085 Nu birrþ þe nimenn mikell gom Off þiss þatt I þe shæwe,

Off — þatt icc segge þatt te birrþ All all swa lufenn oþre, & hătenn oþre, & hellpenn hemm, Line 5090 All all swa summ þe sellfenn. Ne segge icc þe nohht tatt te birrþ All all se mikell hellpe, & all se mikell lufe, & ec All all se mikell ȝemsle, Line 5095 Þwerrt u¯¯t onn iwhillc oþerr mann Alls o þe sellfenn leggenn; Forr Drihhtin þe ne biddeþþ nohht [col 124] All all se mikell hellpe Don upponn oþre alls uppo þe; Line 5100 Acc o þatt illke wise Wiþþ oþre he bideþþ þe don wel Þatt tu dosst wiþþ þe sellfenn; Forr þe birrþ lufenn oþre menn & lufenn ec þe sellfenn, Line 5105 Acc mare þe þann oþre menn Þu lufenn mihht wiþþ lefe, & god te birrþ don oþre menn & god don ec þe sellfenn, Acc mare þe þann oþre menn Line 5110 Þu mihht don god wiþþ lefe. & te birrþ ȝeornenn daȝȝ & nihht Þatt all follc wurrþe borrȝhenn, & tohh þe birrþ ȝe¯¯ allre mast Þin aȝhenn berrhless ȝernenn. Line 5115

Line 5115 Þuss mihht tu lufenn alle menn All all swa summ þe sellfenn, & hellpenn forrþenn alle menn All all swa summ þe sellfenn, & lufenn þohh & hellpenn þohh Line 5120 Aȝȝ allre mast te sellfenn. Þuss birrþ þe lufenn Godd & mann, Swa summ icc habbe shæwedd, & forr þatt te þiss lufe birrþ O tweȝȝenn hallfe fillenn, Line 5125 Forrþi wass itt bitacnedd wel Þurrh tale off tweȝȝenn hunndredd. & forr þatt eȝȝþerr hunndredd iss Full tale all þwerrt u¯¯t filledd, & swa fullþri˘fenn þatt itt nohht Line 5130 Ne maȝȝ na mare waxxenn, Forrþi wass eȝȝþerr tale sett Full opennliȝ to tacnenn, Þatt te birrþ eȝȝþerr lufess mahht Fullfremeddlike fillenn Line 5135 Swa wel, þatt eȝȝþerr filledd be All þwerrt u¯¯t wel wiþþ alle. & te birrþ lokenn þe þatt tu Ne do nan ifell dede Forr lufe off nan lifisshe mann, Line 5140 Forr Godd itt te forrbedeþþ To gilltenn ohht onnȝæness himm, Forr aniȝ mann to cwemenn; Forr ȝiff þu dosst þatt ifell iss, & opennlike gilltesst Line 5145

Line 5145 [col 125] Forr lufe off aniȝ oþerr mann, Þær hatesst tu ȝunnc baþe, Þurrh þatt tu dosst ȝunnc baþe þær To gilltenn Godd onnȝæness.

Nu mihht tu seggenn her to me Line 5150 Þiss word, ȝiff þatt te þinnkeþþ, Whi birrþ me lufenn Godd & mann, Whi birrþ me lufenn baþe? Inoh iss me to lufenn Godd, Þærþurrh maȝȝ icc ben borrȝhenn. Line 5155 Off þiss wile icc annswerenn þe Þatt tatt icc unnderrstannde, Affterr þatt little witt tatt me Min Drihhtin hafeþþ lenedd. Ȝiff þatt tu mihhtesst lufenn Godd Line 5160 Swa þatt itt wære himm cweme Wiþþutenn lufe off iwhillc mann, Þa mihhtesst tu ben borrȝhenn Wiþþutenn lufe off iwhillc mann Þurrh lufe off Drihhtin áne; Line 5165 Forr ȝiff þatt tu mihht cwemenn Godd, Þa mihht tu wurrþenn borrȝhenn. Acc þe birrþ wi˘tenn witerrliȝ Þatt Godd niss nowwþerr cweme, Ne þatt tu mikell lufesst himm, Line 5170 Ne þatt tu ȝeorne himm þeowwtesst,

Ȝiff þu ne lufesst alle menn All all swa summ þe sellfenn. & Crist ne lufesst tu nohht all Inn all hiss twinne kinde, Line 5175 Ȝiff þatt tu nohht ne lufesst mann, An lot off Cristess kinde; Forr Crist iss Godd, & Crist iss mann, An had off twinne kinne. & ȝiff þu lufesst Drihhtin ohht, Line 5180 O menn þe birrþ itt shæwenn; Forr þe birrþ forr þe lufe off Godd Wel lufenn menn & hellpenn; Forr þu ne mahht nohht lufenn Godd & hătenn menn & werdenn. Line 5185 & Cristess posstell, Sannt Johan, Uss wra¯¯t off þiss & seȝȝde, Ȝiff þu seȝȝst tatt tu lufesst Godd & hătesst menn & werdesst, Þu leȝhesst, & biswikesst swa Line 5190 Þin aȝhen wrecche sawle; Forr þu ne mahht nohht lufenn Godd & hătenn menn & werdenn. Helyas wass an haliȝ mann & an wurrþfull prophete Line 5195 Onn alde daȝhess, mikell fresst Biforenn Cristess come. & wiþþ himm wass an oþerr mann, [col 126] Hiss mann forr himm to þeowwtenn,

& he wass hatenn Helyseow, Line 5200 & he wass Godd full cweme, & ta comm time to þatt Godd Hemm wollde onn erþe shædenn, & takenn all wiþþutenn dæþ Helyamm þe prophete, Line 5205 & brinngenn himm all u¯¯t fra menn Till — þær he shollde libbenn Wiþþ resste & ro, wiþþutenn swinnc, Till Anntecristess come. & Helyseow hiss mann wass warr Line 5210 Þatt teȝȝ þa sholldenn shædenn, & he þa toc to clepenn onn Helyamm þe prophete, & cwaþþ; lef faderr, ȝeld me nu Forr all min swinnc rihht mede, Line 5215 Forr þatt icc hafe follȝhedd te Do me summ god onn ende. & ta ȝaff himm anndswere þuss Helyas þe prophete, Whatt willt tu þatt icc ȝife þe Line 5220 Forr all þin swinnc to mede? & Helyseow þa seȝȝde þuss; Lef faderr, icc þe bone, Ȝiff me nu þatt twifalde gast Þatt i þin herrte himm ressteþþ, Line 5225 Þatt itt beo nu forrþwarrd inn me All all swa wel wiþþ alle, All alls itt hafeþþ ben i þe Þurrh þin Drihhtiness hellpe.

Whatt god wass þatt twifalde gast Line 5230 Þatt Helyseow þær ȝeorrnde? Soþ lufe þatt birrþ ben twifald, Swa summ icc habbe shæwedd; Forr þe birrþ lufenn Godd & mann Ȝiff þatt tu willt ben borrȝhenn. Line 5235 He badd hiss maȝȝstre fillstnenn himm Towarrd Drihhtin wiþþ bone, Þatt Drihhtinn ȝæfe himm wille & mahht Soþ lufe rihht to follȝhenn; All alls het¯¯ haffde ȝifenn ær Line 5240 Hiss maȝȝstre, þiss he ȝeorrnde, & he wass wis, forr he sahh wel, & wisste wel to soþe, Þatt all Drihhtiness bodeword & all Goddspelless lare Line 5245 Iss filledd þurrhu¯¯tlike wel, Ȝiff þatt soþ lufe iss filledd; Forr lufe off Godd & lufe off mann, Ȝiff þatt tu rihht itt haldesst, Itt doþ þe don i word, i werrc, Line 5250 All þatt tu mahht to gode, [col 127] & itt te doþ affterr þin mahht All ifell to forrbuȝhenn; & tær iss all þatt te birrþ don, & all þe bode iss filledd, Line 5255 Ȝiff þatt tu lufesst Godd & mann, & forr þe lufe off baþe

Dost all to gode þatt tu mihht, & ifell all forrwerrpesst. & her þu mihht nu sen full wel Line 5260 Þatt lufe iss all i dedess; Forr maȝȝ na lufe berrȝhenn þe Wiþþutenn gode dedess; Forr ȝiff þu lufesst Godd, tet¯¯ birrþ Wiþþ gode dedess shæwenn, Line 5265 & ȝiff þu lufesst mann, þet¯¯ birrþ Wiþþ gode dedess shæwenn, Þa mihht tu Godd & gode menn Cwemenn, & wurrþenn borrȝhenn. & ure Laferrd seȝȝde þuss Line 5270 Till hise Leorningcnihhtess; Þatt iss min bodeword, tatt ȝe Ȝuw lufenn swa bitwenenn Rihht alls icc hafe lufedd ȝuw. Her maȝȝ mann unnderrstanndenn Line 5275 Whillc gate me birrþ lufenn þe, & illc mann lufenn oþerr; Þatt illke wise badd he þeȝȝm Hemm lufenn hemm bitwenenn, Þatt illke wise þatt he þeȝȝm Line 5280 Hiss lufe shæwedd haffde. Nu birrþ me shæwenn, ȝiff I kann, O whillkess kinness wise Þe Laferrd Cristess lufe wass Onn hise posstless sene, Line 5285 & tanne shallt tu muȝhenn sen O whillkess kinness wise

Þa sellf birrþ lufenn oþre menn, To follȝhenn Cristess bisne. Crist ȝaff hiss aȝhenn lefe lif Line 5290 To þolenn dæþ o rode Forr hise posstless, & forr þe, & forr all follke nede, Forr swa to lesenn all mannkinn U¯¯t off þe deofless walde. Line 5295 & te birrþ follȝhenn Cristess sloþ, & te birrþ wi˘lenn swelltenn Forr Cristess þeowwess, ȝiff mann hemm All saccless wi˘le cwellenn, Forr swa to cwennkenn Crisstenndom, Line 5300 & Cristess laȝhess dillȝhenn. Ȝiff þatt mann wi˘le Crisstenndom & Cristess name dillȝhenn, Þa birrþ þe stanndenn þær onnȝæn, & werenn Cristess þeowwess, Line 5305 & Cristess name, & Crisstenndom, Whil þatt tin lif þe lassteþþ, & forr þe soþe lufe off Crist & ec off Cristess þeowwess [col 128] Þe birrþ, ȝiff þatt te falleþþ swa, Line 5310 Full bliþelike swelltenn; & ta þu follȝhesst opennliȝ Þe Laferrd Cristess bisne, Þatt forr mannkinne lufe swallt Full bliþelike o rode; Line 5315

Line 5315 & ec þu follȝhesst opennliȝ Þe Laferrd Cristess posstless, Þatt forr þe soþe lufe off Crist & ec off Cristess þeowwess, & forr to reȝȝsenn Crisstenndom, Line 5320 Full bliþelike swulltenn. & te birrþ wi˘tenn sikerrliȝ, Forr Goddspellboc itt kiþeþþ, Þatt whase, forr þe lufe off Crist & ec off Cristess þeowwess, Line 5325 Gaþ forþ to swelltenn bliþeliȝ Forr Crisstenndom to reȝȝsenn, Þe maste lufe he shæweþþ þær Þatt aniȝ mann maȝȝ shæwenn; & forrþi ȝedenn bliþeliȝ Line 5330 Þurrh marrtirdom to swelltenn Off Godess þeowwess miccle ma Þann aniȝ mann maȝȝ tellenn. Þiss twafald lufe off Godd & mann, Þatt uss birrþ alle shæwenn, Line 5335 I word, i werrc, uss awwnedd wass Wel þurrh þa tweȝȝenn hunndredd, Þatt wærenn þurrh þe þridde staff Off Cristess name tacnedd. & ȝiff þu mahht te lufe off Godd Line 5340 & ec off mann rihht fillenn, Þa shallt tu þurrh þe name off Crist Ben borrȝhenn att tin ende.

& wel wass þurrh þe feorþe staff Off Cristess name tacnedd Line 5345 Þe fulle tale off seofenntiȝ, Off seofenn siþe tene; Forr tale off seoffne stannt o boc Forr mikell þing to tacnenn; Forr tale off seoffne tacneþþ uss Line 5350 Þatt seofennkinne bene, Þatt o þe Paterr Nossterr stannt Þatt Crist himm sellf uss sette; Forr all þe Paterr Nossterr iss Wiþþ seoffne boness endedd, Line 5355 & wiþþ þa boness bidde we Þe Laferrd Cristess hellpe Off all þatt æfre ned uss iss To lif & ec to sawle. & ec þe tale off seoffne maȝȝ Line 5360 Þa seoffne ȝifess tacnenn Þatt Godess Gast uss ȝifeþþ her, Ȝiff þatt we rihht himm cwemenn; Forr all þatt æfre ned uss iss [col 129] All Godess Gast uss tiþeþþ Line 5365 Þurrh seoffne ȝifess, ȝiff þatt we Wiþþ haliȝ lif himm cwemenn. & ec þe tale off seoffne maȝȝ Þa seoffne seollþess tacnenn, Þatt ure Laferrd Crist himm sellf Line 5370 Spacc offe to þe leode,

Summ si˘þe þær he talde hemm spell Off heofennrichess blisse. He sette himm æness onn an munnt, Swa summ þe Goddspell kiþeþþ, Line 5375 & mikell follc wass þær wiþþ himm, Forr himm to sen & herenn, & forr to tăkenn hæle att himm Off iwhillc unntrummnesse. & tær he talde hemm alle spell Line 5380 Off ædiȝnessess seoffne, Þatt hallȝhe weress follȝhenn her, Drihhtin þærþurrh to cwemenn. Nu mihht tu sen þatt mikell þing Þurrh tale off seoffne iss tacnedd; Line 5385 Forr itt bitacneþþ opennliȝ, Swa summ icc hafe shæwedd, Rihht seffne bedess þatt mann finnt Uppo þe Paterr Nossterr, & seoffne ȝifess þatt man foþ Line 5390 Off Haliȝ Gastess hellpe, & ȝe¯¯ itt tacneþþ, tekenn þatt, Rihht ædiȝnessess seoffne, Þatt hallȝhe weress follȝhenn her, Forr Drihhtin swa to cwemenn Line 5395 Þe firrste bĕde þatt mann bitt Uppo þe Paterr Nossterr Þatt iss, þatt Godess name beo Rihht lofedd her & wurrþedd; Forr whase Godess name maȝȝ Line 5400 Rihht lofenn her & wurrþenn,

He winneþþ swa þatt he shall ben Þurrh Godess name borrȝhenn. Þatt oþerr bĕde þatt mann bitt Uppo þe Paterr Nossterr Line 5405 Þatt iss, þatt Godess ki˘nedom Ske¯¯t mote wurrþenn awwnedd, All all swillc i þiss middellærd Alls itt iss upp inn heoffne. Þiss illke bĕde filledd beoþ Line 5410 Att Domess daȝȝess ende; Forr þa shall Godess kinedom All all swillc beon onn eorþe, Alls itt iss upp inn heoffness ærd To daȝȝ wiþþ Godess enngless. Line 5415 & tiss uss wære swiþe god Þatt itt uss cumenn wære, Ȝiff þatt iss þatt we cwemenn Godd Wiþþ þohht, & word, & dede. Þe þridde bede þatt mann bitt Line 5420 Uppo þe Paterr Nossterr [col 130] Þatt iss, þatt Godess wille beo All filledd her onn eorþe, All all swa summ itt filledd iss Inn heoffne i Godess enngless; Line 5425 Forr whase maȝȝ wiþþ word & weorrc Her fillenn Godess wille, He winneþþ her þatt he shall ben Þurrh Godess wille borrȝhenn.

Þe feorþe bede þatt mann bitt Line 5430 Uppo þe Paterr Nossterr Þatt iss, þatt Drihhtin nu to daȝȝ Uss ȝife þurrh hiss are Ure allre daȝȝwhammlike bræd; Þiss bræd iss Godess hellpe, Line 5435 & itt iss fode to þe lif, & fode to þe sawle, & Godd itt ȝifeþþ alle þa Þatt hise laȝhess haldenn. Þe fifte bede þatt mann bitt Line 5440 Uppo þe Paterr Nossterr Þatt iss, þatt ure Drihhtin uss Forrȝife þurrh hiss are All þatt we gilltenn himm onnȝæn, I þohht, i word, i dede, Line 5445 Þatt het¯¯ forrȝife uss all rihht swa, Summ we forrȝifenn oþre All þatt teȝȝ gilltenn uss onnȝæn Onn aniȝ kinne wise. Loc nu þatt tu forrȝife wel Line 5450 All follc all wraþþe & laþþe, Ȝiff þu willt habbenn off þin gillt Att Godd forrȝifenesse. Þe sexte bĕde þatt mann bitt Uppo þe Paterr Nossterr Line 5455 Þatt iss, þatt Godd ne þole nohht Ne þafe laþe gastess To winnenn oferrhannd off uss Þurrh heore laþe wiless;

Forr whase winneþþ oferrhannd Line 5460 & siȝe off laþe gastess, He shall ben crunedd þurrh Drihhtin Inn eche lifess blisse. Þe seoffnde bede þatt mann bitt Uppo þe Paterr Nossterr Line 5465 Þatt iss, þatt ure Drihhtin Godd Uss lese þurrh hiss are U¯¯t off all þatt tatt ifell iss [col 131] Wiþþ lif & ec wiþþ sawle; Forr mann ne maȝȝ nohht unnderrfon Line 5470 Þatt god þatt iss inn heoffne, Butt iff þatt he be clennsedd all Off ifell & off sinne. Her habbe icc shæwedd nu till ȝuw Þa seoffne bedess alle Line 5475 Þatt wærenn, alls icc hafe seȝȝd, Þurrh tale off seoffne tacnedd.

& her icc wile sone anan Þa seoffne ȝifess shæwenn, Þatt Haliȝ Gast uss ȝifeþþ her, Line 5480 Ȝiff þatt we rihht himm þeowwtenn. Þe firrste ȝife iss witt & skill Inn heofennlike þingess, Þurrh whatt mann unnderrstanndenn maȝȝ, Hu mann birrþ æfre ȝeornenn Line 5485

Line 5485 Affterr þatt þing þatt lassteþþ á, & all iss full off blisse. Þiss ȝife ȝifeþþ Haliȝ Gast Þa menn þatt wel himm cwemenn; Forr aȝȝ hemm langeþþ heþennwarrd, Line 5490 & upp till heoffness blisse; Forr þatt teȝȝ unnderrstanndenn wel Hu wicke itt iss onn eorþe, Wiþþ þatt itt iss inn heoffness ærd Biforenn Godess sihhþe. Line 5495 An oþerr ȝife Godess Gast Her ȝifeþþ hise þeowwess Þatt iss, þatt he þeȝȝm ȝifeþþ her All full wel tunnderrstanndenn Off all þe boc i Godess hus Line 5500 Þe deope diȝhellnesse, Swa þatt teȝȝ muȝhenn shæwenn ȝuw All whatt itt seȝȝþ & meneþþ, & all hu mann birrþ follȝhenn itt Forr Drihhtin rihht to þeowwtenn, Line 5505 Swa þatt ȝe muȝhenn alle imæn Þatt rihhte weȝȝe follȝhenn, Þatt ledeþþ þa till heoffness ærd Þatt Godess laȝhess haldenn. Þe þridde ȝife Godess Gast Line 5510 Her ȝifeþþ hise þeowwess, He gifeþþ hemm himm sellfenn her Swa forrþerrlike onn eorþe, Swa þatt teȝȝ cunnenn ráþenn rihht Hemm sellfenn & ec oþre, Line 5515

Line 5515 [col 132] Off all þatt æfre iss owwþerr ned To lif & ec to sawle. Þe feorþe ȝife off Haliȝ Gast Iss strenncþe ȝæn þe deofell; Strenncþe to fihhtenn stallwurrliȝ Line 5520 Onnȝæn þe flæshess lusstess; Strenncþe þatt ȝifeþþ lufe & lusst Þe bodiȝ forr to pinenn Wiþþ swinnc, wiþþ hunngerr, & wiþþ þrisst, Wiþþ chele i wicke claþess, Line 5525 Wiþþ cnelinng, & wiþþ bedesang, Wiþþ swinginng, & wiþþ wecche; Strenncþe to þolenn rihht wiþþ skill Illc seollþe & illc unnseollþe, & aȝȝ to þannkenn innwarrdliȝ Line 5530 Drihhtin all þatt he senndeþþ; Þiss strenncþe ȝifeþþ Haliȝ Gast Þa menn þatt wel himm cwemenn. Þe fifte ȝife iss shæd & skill I weorelldlike þingess, Line 5535 Þurrh whatt mann unnderrstanndeþþ wel & seoþ wiþþ heorrtess eȝhe All whatt iss rihht, & whatt iss wo Biforenn Godess eȝhne, & whatt bilimmpeþþ to þe lif, Line 5540 & whatt gaþ to þe sawle; & all hu mann birrþ weorelldþing Nittenn & tohh forrwerrpenn;

& hu þe birrþ ȝæn ifell mann & ec ȝæn god mann baþe Line 5545 Swa ledenn þe wiþþ skill, þatt tu Ne gillte nohht ȝæn owwþerr, Acc þatt hemm baþe beo þe bett Off þatt teȝȝ neh þe biggenn; & hu þe birrþ uppo þin frend Line 5550 Swa lufenn lif & sawle, Þatt te birrþ hatenn þohh onn himm All whattse iss woh & sinne; & hu þe birrþ uppo þin fend All hatenn woh & sinne, Line 5555 Swa þatt te lufenn birrþ onn himm Þohhwheþþre lif & sawle. Swillc shæd & skill i weorelldþing All hu mann shall himm ledenn, Her setteþþ Haliȝ Gast o þa Line 5560 Þatt lufenn himm & cwemenn. Þe sexte ȝife off Haliȝ Gast Iss an rihht god reowwsunnge Þatt Godess þeoww, whasumm itt iss, [col 133] Her bereþþ inn hiss heorrte. Line 5565 Himm reoweþþ off hiss aȝhenn woh & off hiss aȝhenn sinne, & ec off oþerr manness woh, Off oþerr manness sinne. Himm reoweþþ þatt he nafeþþ nohht Line 5570 All haldenn, alls himm birrde,

Þe Crisstenndom wiþþ word & weorrc, & wiþþ þe rihhte læfe, All affterr þatt he Godd bihe¯¯t Þatt daȝȝ þatt he wass fullhtnedd. Line 5575 Himm reoweþþ þatt he dwelleþþ her Swa swiþe lange onn eorþe Þatt all iss full off hete & niþ, & full off alle sinness. Himm reoweþþ þatt he nafeþþ nohht Line 5580 Off Paradisess riche Þatt himm wass ȝarrkedd þurrh Drihhtin, To brukenn á wiþþ blisse. Himm reoweþþ þatt he nohht ne maȝȝ Himm ȝemenn all fra sinne, Line 5585 Þohh þatt he nohht ne kepeþþ her To gilltenn hise þannkess. Himm reoweþþ þatt he nohht ne maȝȝ Swillc haliȝ bisne shæwenn, Alls himm hiss herrte bereþþ to, Line 5590 Ȝiff þatt het¯¯ mihhte forþenn. Himm reoweþþ ec off alle þa Þatt follȝhenn deofless lare, Off þatt hemm þwerrt u¯¯t nohht niss off To betenn here sinness. Line 5595 Swillc reowwsunng ȝifeþþ Haliȝ Gast Þa menn þatt rihht himm cwemenn. Þe seoffnde ȝife Godess Gast Her ȝifeþþ Godess þeowwess Þatt iss, to drædenn Drihhtin rihht Line 5600 I þohht, i word, i dede.

Þiss drædunng iss þatt rodetreo Þatt Crist himm sellf spacc offe, & seȝȝde to þe leode þuss, Swa summ þe Goddspell kiþeþþ, Line 5605 Þatt mann þatt wile follȝhenn me & winnenn eche blisse, He tăke hiss rode, & bere itt rihht, & follȝhe swa min bisne. & rihht drædunng off Godd maȝȝ wel Line 5610 Þurrh rodetreo ben tacnedd; Forr rihht drædunng off Godd te doþ All bindenn swa þin herrte, & all þin bodiȝ, swa þatt tu Ne darrst nohht Drihhtin wraþþenn, Line 5615 Ne þurrh þin þohht, ne þurrh þin word, Ne þurrh þin bodiȝ dede; & swa þu follȝhesst Cristess sloþ Þurrh rihht drædunng all bundenn, Alls iff þu wære bundenn all Line 5620 O rodetreo wiþþ bandess; Þiss drædunng ȝifeþþ Haliȝ Gast Þa menn þatt rihht himm þeowwtenn;· Her hafe icc shæwedd nu till ȝuw [col 134] Þa seoffne ȝifess alle, Line 5625 Þatt hallȝhe weress unnderrfon Þurrh Haliȝ Gastess frofre.

& her icc wile wiþþ & wiþþ Þa seoffne seollþess shæwenn Þatt wærenn, alls icc hafe seȝȝd, Line 5630 Þurrh tale off seoffne tacnedd. & her icc wile reccnenn hemm All o þatt illke wise, All alls hemm sette o Goddspellboc Maþeow þe Goddspellwrihhte. Line 5635 Þe firrste seollþe iss þatt tu beo, All wiþþ þin aȝhenn wille, All wrecche & wædle & usell mann, Forr lufe off eche blisse. Þiss seollþe shall þe winnenn her Line 5640 Heh kinedom inn heoffne, Swa summ þe Goddspellwrihhte seȝȝþ, Þatt þweorrt u¯¯t nohht ne leȝheþþ· Þatt oþerr seollþe iss þatt tu beo œdmod, & soffte, & milde, Line 5645 All forr þe soþe lufe off Godd, All wiþþ þin aȝhenn wille. Þiss seollþe all heoffness ærdess land Þe winnenn shall & ahnenn, Swa summ þe Goddspellwrihhte seȝȝþ, Line 5650 Ȝiff þatt tu wel itt follȝhesst. Þe þridde seollþe doþ þe mann Wepenn wiþþ skill & wanenn Nohht forr nan li˘re off weorelldþing, Ne forr eorþlike unnseollþe, Line 5655 Acc forr hiss aȝhenn sinne, & ec Forr oþerr manness sinne;

Forr Godess þeoww her wepeþþ á Forr oþre, & forr himm sellfenn. He wepeþþ her forr alle þa Line 5660 Þatt wepenn her wiþþ sinne, He wepeþþ ec forr alle þa Þatt lahȝhenn her wiþþ sinne. Nu mihht tu fraȝȝnenn whillc iss þatt Þatt wepeþþ her wiþþ sinne, Line 5665 Whatt mann se itt iss þatt wepeþþ her Forr li˘re off eorþlike ahhte. & tu mihht fraȝȝnenn whillc iss þatt Þatt lahȝheþþ her wiþþ sinne, [col 135] Þatt mann þatt lateþþ modiliȝ Line 5670 Forr hiss eorþlike seollþe. Nu wepeþþ Godess þeoww forr þa Þatt wepenn her wiþþ sinne, & he shall att hiss endedaȝȝ Þurrh Drihhtin wurrþenn frofredd Line 5675 Off all hiss wop & all hiss wa, Swa summ þe Goddspell kiþeþþ· Þe feorþe seollþe iss þatt tu beo Forrþrisst & ec forrhunngredd, Nohht affterr mete, naffterr drinnch, Line 5680 Acc affterr rihhtwisnesse. Þiss hunngerr & tiss þrisst iss á I Cristess þewwess herrte; Forr aȝȝ occ aȝȝ he stanndeþþ inn To reȝȝsenn rihhtwisnesse, Line 5685

Line 5685 & aȝȝ to tredenn unnderrfo¯¯t All whattse iss woh & sinne; & all hiss hunngerr & hiss þrisst Shall ben þurrh Drihhtin sleckedd; Forr he shall att hiss endedaȝȝ Line 5690 Þurrh hiss Drihhtiness fode All filledd ben off iwhillc god, Swa summ þe Goddspell kiþeþþ;· Þe fifte seollþe nemmnedd iss Forrȝifenesse & are, Line 5695 & Cristess þeowwess herrte iss all Full off þiss hallȝhe seollþe, Aȝȝ to forrȝifenn innwarrdliȝ, Wiþþ soþfasst millce & are, All þatt mann gillteþþ himm onnȝæn Line 5700 Onn alle kinne wise. & Drihhtin att hiss endedaȝȝ, Swa summ þe Goddspell kiþeþþ, Shall arenn himm & millcenn himm, & brinngenn himm till heoffne;· Line 5705 Þe sexte seollþess ædiȝleȝȝc Iss clene & lutterr herrte, Þatt all þin herrte beo þwerrt u¯¯t Att tin wittshipe clene, Þatt tu ne wi˘te nan wiþþ þe Line 5710 Ne lasse gillt, ne mare. Swillc herrte niss forrblendedd nohht Þurrh ahhtess grediȝnesse, Ne þurrh nan oþerr flæshess lusst, Ne þurrh nan modinesse, Line 5715

Line 5715 & forrþi maȝȝ itt sen to gan Wiþþ all þatt rihhte weȝȝe Þatt ledeþþ menn till heoffness ærd, To sen Drihhtin wiþþ ehne; [col 136] & whase itt iss þatt hafeþþ her Line 5720 Swillc herrte all þwerrt u¯¯t clene, He shall wiþþ blisse seon Drihhtin, Swa summ þe Goddspell kiþeþþ· Þe seoffnde seollþess ædiȝleȝȝc Iss griþþ i manness herrte, Line 5725 Swa þatt illc an unnclene lusst & illc an ifell wille Beo trededd dun þurrh lufe off Godd, & cwennkedd inn hiss herrte, Swa þatt hiss bodiȝ wiþþ hiss gast Line 5730 Sammtale & sahhte wurrþe, Swa þatt teȝȝ baþe ȝeornenn an & follȝhenn an wiþþ wille, Inn all þatt þohht & word & werrc Þatt all iss Drihhtin cweme. Line 5735 & ec þiss seollþe doþ þe mann Aȝȝ soþ sahhtnesse follȝhenn Wiþþ god mann & wiþþ ifell mann, Inn all þatt niss nan sinne; Forr himm ne birrþ nohht beon all an Line 5740 Wiþþ naniȝ mann i sinne; Forr he ne maȝȝ nohht sinnelæs Beon bliþe off aniȝ sinne,

Acc himm birrþ þræpenn aȝȝ wiþþ skill Onnȝæness alle sinness, Line 5745 & shæwenn þohh sahhtnesse & griþþ, Swa summ icc hafe spelledd, Ȝe¯¯t forrþenn towarrd ifell mann, Inn all þatt niss nan sinne. & ȝiff þiss hallȝhe griþþ iss wel Line 5750 Wiþþinnenn i þin herrte, & ec wiþþutenn towarrd menn, Swa summ icc habbe shæwedd, Þa shallt tu wurrþenn sikerrliȝ An off Drihhtiness chilldre, Line 5755 Swa summ þatt Goddspell kiþeþþ uss Þatt Crist himm sellf uss seȝȝde;· Her hafe icc shæwedd nu till ȝuw Rihht ædiȝnessess seoffne, Þatt wærenn, alls icc seȝȝde ȝuw, Line 5760 Þurrh tale off seoffne tacnedd; Forr tale off seoffne stannt o boc Forr mikell þing to tacnenn; Forr itt uss tacneþþ opennliȝ, Swa summ icc hafe shæwedd, Line 5765 Þa seoffne bedess þatt mann finnt Uppo þe Paterr Nossterr, & seoffne ȝifess þatt mann foþ Off Haliȝ Gastess hellpe, & seoffne seollþess þatt mann her Line 5770 Forr lufe off Drihhtin follȝheþþ· & all wass þurrh þe feorþe staff Off Cristess name tacnedd;

Þatt feorþe staff iss nemmnedd O & itt. . . . . Line 5775 [Coll. 137-144 wanting.] . . . . . An off þa fowwre iss Sannt Maþþew, & he wass ec an posstell. An oþerr Goddspellwrihhte wass Marcuss by name nemmnedd, & he wass Goddspellwrihhte god, Line 5780 Acc he ne wass nan posstell. Þe þridde Goddspellwrihhte wass Lucas by name nemmnedd, & he wass Goddspellwrihhte god, Acc he ne wass nan posstell. Line 5785 Þe ferþe Goddspellwrihhte wass Johan, & he wass posstell. Her hafe I nemmnedd nu till ȝuw Þa fowwre Goddspellwrihhtess, Þatt wærenn uss bitacnedd wel Line 5790 Þurrh tale off fowwerr hunndredd; Forr þeȝȝre lif fullfremedd wass Inn alle gode dedess, All swa þe tale off hunndredd iss Fullfremedd tale nemmnedd. Line 5795 & tise fowwre wærenn ec Þurrh fowwre der bitacnedd, Þatt Godess þeww Ezechyel Sahh þurrh gastlike sihhþe.

Þiss illke Ezechiel wass an Line 5800 Wurrþfull & heh profete Full mikell fresst biforenn þatt Þatt Crist comm her to manne; & he sahh æness fowwre der Þurrh Haliȝ Gast inn heffne Line 5805 Abutenn Drihhtin heffness king, Þær he satt onn hiss sæte; Forr þatt teȝȝ sholldenn tacnenn uss Þa fowwre Goddspellwrihhtess, Þatt wri˘tenn off þe Laferrd Crist Line 5810 Goddspell o fowwre bokess. Þatt an der off þa fowwre der Wass inn an manness like; Forr þatt itt shollde tacnenn uss Maþþew þe Goddspellwrihhte, Line 5815 Þatt wra¯¯t uss onn hiss Goddspellboc Off Cristess mennisscnesse; Off þatt, tatt Crist wass wurrþenn mann Forr all mannkinne nede, Swa þatt he wass soþ Godd, & ec Line 5820 Soþ mann i lif & sawle; & ec off all þatt hallȝhe werrc, Þatt Crist onn erþe wrohhte Inn ure bodiȝ þatt he toc Off Sannte Marȝess kinde. Line 5825 An oþerr der wass seȝhenn þær Inn an leuness like; Forr þatt itt shollde tacnenn uss Marrcumm þe Goddspellwrihhte,

Þatt wra¯¯t uss onn hiss Goddspellboc, Line 5830 Hu Crist rás upp off dæþe Onn uhhtenntid te þridde daȝȝ Fra þatt he swallt o rode. & tatt wass rihht tatt le wass sett Onnȝæn þatt Goddspellwrihhte, Line 5835 Þatt wra¯¯t off hu þe Laferrd ras Þe þridde daȝȝ off dæþe; Forr leness whellp þær þær itt iss Whellpedd, tær liþ itt stille Þre daȝhess alls itt wære dæd, Line 5840 Forr Cristess dæþ to tacnenn; & o þe þridde daȝȝ itt iss Waccnedd off slæp & reȝȝsedd, Þurrh þatt te faderr gaþ þærto & stireþþ itt & waccneþþ, Line 5845 All all swa summ þe Laferrd ras Þe þridde daȝȝ off dæþe All þurrh hiss Hallȝhe Faderr mahht, & þurrh hiss aȝhenn mahhte. Þe þridde der þatt he þær sahh Line 5850 Wass inn an kallfess like; Forr þatt itt shollde tacnenn uss Lucam þe Goddspellwrihhte, Þatt wra¯¯t uss onn hiss Goddspellboc Off Cristess dæþ o rode, Line 5855 Þær he wass offredd lac, forr uss To lesenn u¯¯t off helle. & tatt wass rihht tatt callf wass sett Onnȝæn þatt Goddspellwrihhte,

Þatt wra¯¯t off hu þe Laferrd Crist Line 5860 Wass offredd uppo rode; [col 146] Forr kallf wass, wiss to fulle soþ, An lac amang þa lakess Þatt wærenn offredd Drihhtin Godd Biforenn Cristess come. Line 5865 Þe feorþe deor þatt he þær sahh Wass inn an ærness like, Forr þatt itt shollde tacnenn uss [col 147] Johan þe Goddspellwrihhte, Þatt wra¯¯t uss onn hiss Goddspellboc Line 5870 Off Cristess Goddcunndnesse, Off - hu þe Laferrd Jesu Crist Inn hiss goddcunnde kinde Aȝȝ wass, & iss, & æfre beoþ Hiss Faderr efennmete, Line 5875 Allmahhtiȝ & Allwældennd Godd Þatt alle shaffte wrohhte, Wiþþ Faderr & wiþþ Haliȝ Gast All an i Goddcunndnesse. & tatt wass rihht tatt ærn wass sett Line 5880 Onnȝæn þatt Goddspellwrihhte, Þatt mast wra¯¯t onn hiss Goddspellboc Off Cristess Goddcunndnesse; Forr i þatt tatt he wra¯¯t off swillc He flæh upp inntill heoffne, Line 5885 Þurrh þatt he wra¯¯t her i þiss lif Off Godess depe kinde,

& tær wass he full lic wiþþ ærn Þatt fleȝheþþ upp full heȝhe. Þuss wærenn þurrh þa fowwre deor Line 5890 Þa fowwre menn bitacnedd Þatt wri˘tenn off þe Laferrd Crist Goddspell o fowwre bokess. & tise fowwre gode menn, Wiþþ heore fowwre bokess, Line 5895 Sinndenn gastlike i gastliȝ witt An waȝȝn wiþþ fowwre wheoless, Þatt bereþþ i þiss middellærd Drihhtin fra land to lande; Forr wíde & síde spelledd iss Line 5900 Þurrh heore fowwre bokess Off ure Laferrd Jesu Crist, & hu mann birrþ himm þeowwtenn. & whære o lande summ itt iss Þatt mann off Goddspell spelleþþ, Line 5905 Hu mann birrþ þeowwtenn Jesu Crist & lufenn himm & drædenn, Þær iss þe Laferrd Crist himm sellf, & tiderr iss he waȝȝnedd Uppo þatt hallȝhe waȝȝn þatt gaþ Line 5910 O fowwre Goddspellwheless. Þiss waȝȝn wass þurrh an kingess waȝȝn Inn alde daȝhess tacnedd, Full mikell fresst biforenn þatt Þatt Crist comm her to manne, Line 5915 & he þatt king bi năme wass Amminadab ȝehatenn,

& he þatt illke Amminadab Wass borenn, to bitacnenn Crist, Godess Sune, þurrh hiss waȝȝn Line 5920 & þurrh hiss name baþe. Hiss name wass Amminadab, & upponn Ennglissh spæche Itt tacneþþ uss þatt mann þatt doþ God werrc wiþþ innwarrd herrte, Line 5925 Wiþþ mikell lusst, wiþþ all hiss mahht, Wiþþ all hiss fulle wille. & tatt mann iss Sponntaneuss O Latin spæche nemmnedd, Þatt doþ wiþþ innwarrd herrte god Line 5930 & all wiþþ fulle wille; & swa wass Crist sponntaneuss Inn all hiss hallȝhe dede, Forr all þatt he to manne comm To wurrþenn mann onn erþe, Line 5935 & tatt himm ummbeshorenn wass Hiss shapp o þalde wise, & tatt he rihht full herrsumm wass Till Sannte Marȝe hiss moderr, Þatt he wass fullhtnedd i þe flumm Line 5940 Att Sannt Johan Bapptisste, & tatt he siþþenn affterr þatt Held fasste i wilde wesste, & tatt he þurrh þe laþe gast Wass siþþenn fandedd þriȝȝess, Line 5945 & tatt he dide mikell god Wiþþ larspell & wiþþ dede,

& tatt he siþþenn tăkenn wass All gilltelæs & bundenn & naȝȝledd uppo rodetre, Line 5950 & tatt he swallt o rode, & tatt he ras þe þridde daȝȝ Off dæþess slæp to life, & stah upp inntill heffness ærd; All dide he þatt onn erþe Line 5955 Wiþþ innwarrd herrtess lufe & lusst, Wiþþ all hiss fulle wille; & forrþi wass he full wel þurrh Amminadab bitacnedd, Þatt tacneþþ uss þatt mann þatt doþ Line 5960 God werrc wiþþ innwarrd herrte, Wiþþ all hiss mahht, wiþþ mikell lusst, Wiþþ all hiss fulle wille. & þurrh Amminadabess waȝȝn Wass Cristess Goddspell tacnedd, Line 5965 Þatt iss o fowwre bokess sett Þurrh fowwre Goddspellwrihhtess; & tærfore iss Cristess Goddspell, All Cristess hallȝhe lare, Alls iff itt wære Cristess waȝȝn Line 5970 O fowwre Goddspell wheless. & ure Laferrd Crist himm sellf Inn ure mennisscnesse Wass tacnedd þurrh þa fowwre deor, Þatt we nu spækenn offe. Line 5975 Forr he wass mann forr ure ned To lesenn uss off helle.

[col 148] & he wass tacnedd þurrh þe leo; Forr þatt he ras onn erþe, All alls hiss lefe wille wass, Line 5980 Þe þridde daȝȝ off dæþe. & he wass tacnedd þurrh þe callf; Forr he wass uppo rode All alls hiss lefe wille wass Offredd Drihhtin to lake. Line 5985 & he wass taccnedd þurrh þatt ærn; Forr he stah upp till heoffne O þatt daȝȝ þatt upponn Ennglissh Iss Hallȝhe Þurrsdaȝȝ nemmnedd. Þær wass he tacnedd wel þurrh ærn; Line 5990 Forr ærn maȝȝ heȝhe fleȝhenn. & illc an haliȝ mann þatt rihht Drihhtiness laȝhess haldeþþ Iss tacnedd þurrh þa fowwre deor, Þatt we nu spækenn offe. Line 5995 Forr god mann follȝheþþ witt & skill & wiþþ wissdom himm ledeþþ, & iss swa tacnedd þurrh þatt deor Þatt wass i manness like; Forr mann birrþ follȝhenn rihht tatt witt Line 6000 Þatt Godd himm hafeþþ lenedd, & ȝiff he nohht ne follȝheþþ witt, Acc unnwitt all wiþþ wille Inn all þatt iss onnȝæn Drihhtin, Inn alle kinne sinne, Line 6005

Line 6005 Þa niss he nohht haldenn forr mann Biforenn Godess ehne; Forr niss na tale inn heoffness ærd Bitwenenn Godess hallȝhenn Off ifell mann, þatt ifell iss Line 6010 All wiþþ hiss fulle wille, Butt all swillc tale alls iss off hund, Forr eȝȝþerr iss unnclene. & god mann riseþþ aȝȝ uppwarrd Inn alle gode dedess, Line 6015 & godeþþ aȝȝ, & heȝheþþ aȝȝ Biforenn Godess ehne, & ȝiff he gillteþþ aniȝ gillt Itt iss all ȝæn hiss wille, & nile he nohht tærinne lin, Line 6020 Acc riseþþ upp þurrh shriffte, & beteþþ sone anan þatt gillt Þatt he wass fallenn inne. He riseþþ upp & sahhtleþþ himm Wiþþ Godd þurrh rihht dædbote, Line 6025 & iss swa tacnedd þurrh þatt deor Þatt wass i leoness like, Þatt riseþþ o þe þridde daȝȝ Affterr þatt itt iss wheollpedd. & god mann stanndeþþ aȝȝ onnȝæn Line 6030 Hiss flæshess fule wille, & cwennkeþþ aȝȝ wiþþ all hiss mahht Hiss flæshess fule lusstess, & offreþþ swa biforenn Godd An lac well swiþe dere, Line 6035

Line 6035 Hiss aȝhenn bodiȝ wiþþ hiss gast Sammtale inn alle gode, & iss swa tacnedd þurrh þatt der Þatt wass i kallfess like; Forr kallf wass offredd Godd to lac Line 6040 Biforenn Cristess come, [col 149] Amang þatt Judewisshe þeod Þatt ta wass Godd full cweme. & god man georneþþ aȝȝ occ aȝȝ Affterr hiss lifess ende, Line 6045 & aȝȝ himm langeþþ heþennwarrd & upp till heoffness blisse; Forr all hiss lufe & all hiss lusst Iss naȝȝledd upp inn heoffne, Swa þatt he þwerrt u¯¯t all forrseoþ Line 6050 Þiss weorelldþingess sellþe, & all hiss herrte fleȝheþþ upp & all forrwerrpeþþ eorþe, & iss swa tacnedd þurrh þatt deor Þatt wass inn ærness like; Line 6055 Forr ærn maȝȝ fleȝhenn i þe lifft Full heȝhe towarrd heoffne, & tacneþþ wel þatt gode mann Þatt ȝeorneþþ upp to Criste. Þuss wærenn þurrh þa fowwre deor Line 6060 Þa fowwre menn bitacnedd, Þatt writenn off þe Laferrd Crist Goddspell o fowwre bokess.

& Jesu Crist himm sellf wass ec Þurrh alle fowwre tacnedd, Line 6065 & illc an haliȝ mann þatt rihht Drihhtiness laȝhess haldeþþ Wass tacnedd þurrh þa fowwre deor, Swa summ icc habbe shæwedd. & alle wærenn tacnedd uss Line 6070 Þurrh tale off fowwerr hunndredd, Þatt wærenn þurrh þe fifte staff Off Cristess name tacnedd; Forr all þatt tatt ta fowwre deor Uss haffdenn to bitacnenn, Line 6075 All wass itt rihht fullfremedd þing & þwerrt u¯¯t god wiþþ alle, All swa summ illc an hunndredd iss Full tale, & all fullwaxenn [col 150] Swa þwerrt u¯¯t, tatt itt nohht ne maȝȝ Line 6080 Waxenn ne wurrþenn mare. & whase itt iss þatt mann þatt tiss Fullfremeddnesse follȝheþþ, Þatt uss full wel bitacnedd wass Þurrh tale off fowwerr hunndredd, Line 6085 Þatt uss wass þurrh þe fifte staff Off Cristess name tacnedd, Þatt mann shall ben wurrþi to beon Þurrh Cristess name borrȝenn;·

Þe sexte staff bitacneþþ uss Line 6090 Þe tăle off tweȝȝenn hunndredd,

& tweȝȝenn hunndredd tacnenn uss Þa tweȝȝenn hallȝhe lífess, Þatt Cristess hird i Crisstenndom Wiþþ Cristess hellpe follȝheþþ· Line 6095 & ȝuw birrþ wi˘tenn, þatt tatt an Off þise tweȝȝenn lifess Bilimmpeþþ to þatt hallȝhe swinnc, Þatt follȝheþþ Godess wille, To swinnkenn affterr mete & claþ Line 6100 Wiþþ soþ unnshaþinesse, Swa þatt tin swinnc be clene swinnc & att rihht time swunnkenn, & aȝȝ att hof, & aȝȝ wiþþ skill, Swa þatt itt nohht ne wraþþe, Line 6105 Ne weorde nan lifisshe mann Affterr þatt tu cannst lokenn. Þuss mihht tu swinnkenn haliȝ swinnc & swinnkenn Godd tocweme, & tuss þu mihht te weorelldþing Line 6110 Wiþþ Godess lefe winnenn, & sone summ itt wunnenn iss, Þe¯¯t birrþ wislike nittenn Uppo þe sellfenn, & o þa Þatt littnenn to þin fode, Line 6115 [col 151] Wiþþ mett & mæþ i mete & drinnch, & ec inn ȝure claþess. Þe birrþ þin rihhte swinnkess winn Upponn ȝuw alle nittenn,

& o þin Godd full bliþeliȝ Line 6120 Þe birrþ þin ahhte nittenn. Off all þatt god tatt o þe ȝer Iss ekedd to þin ahhte, Off all þatt god te birrþ þin Godd Þe tende dale brinngenn, Line 6125 & all þe birrþ bitæchenn itt Þe preost o Godess hallfe, Onnȝæn þatt he shall shrifenn þe & huslenn ec, & lærenn, & biddenn forr þe daȝȝ & nihht, Line 6130 & brinngenn þe till eorþe. & tekenn all þe tende lott, Ȝe¯¯t birrþ þe brinngenn mare; Forr þe birrþ don þin hellpe to Aȝȝ affterr þine fére, Line 6135 To findenn all þatt æfre iss ned Abutenn Godess allterr. & te birrþ cnelenn to þin Godd & lutenn himm & lakenn, & te birrþ lufenn wel þin preost Line 6140 & lutenn himm & lefftenn, Ȝe¯¯t forrþenn þohh he nohht ne beo Swa god mann summ himm birrde. & loc þatt tu ne tæle himm nohht Þohh þatt he beo to tælenn; Line 6145 Forr ȝiff þe preost missdoþ, he¯¯t shall Wiþþ Cristess hellpe betenn, & ȝiff þatt he¯¯t ne beteþþ nohht Itt draȝheþþ himm till helle.

& ȝiff þin preost missdoþ, þe birrþ Line 6150 Full innwarrdlike biddenn, Þatt Drihhtin ȝife himm wille & mahht To betenn hise sinness; Forr ȝiff þu biddesst forr þin preost, Þu biddesst forr þe sellfenn, Line 6155 & cwemesst Godd þurrh þatt tatt tu Swa biddesst forr ȝunnc baþe. & te birrþ ec þin rihhte winn Aȝȝ att te nede nittenn Ȝe¯¯t forrþenn uppo fremmde menn, Line 6160 Þatt nedenn to þin hellpe; Forr þe birrþ fedenn hunngriȝ mann & þrisstiȝ gifenn drinnke; & te birrþ claþenn nakedd mann [col 152] & sec mann þe birrþ frofrenn, Line 6165 & himm þatt iss herrberrȝhelæs Þe birrþ herrberrȝhe findenn, & himm þatt i cwarrterrne liþ Forrbundenn & forrþrungenn, Himm birrþ þe fillstnenn wiþþ þin fe Line 6170 To lesenn himm off bandess. & aȝȝ þe birrþ þe sellfenn rihht & laȝhelike ledenn Towarrd illc an lifisshe mann, Þatt ohht wiþþ þe shall dælenn. Line 6175 Þin laferrd birrþ þe buhsumm beon & hold & trigg & trowwe.

Þin macche birrþ þe lufenn wel, Ȝiff þatt ȝho Drihhtin dredeþþ, & tu mihht follȝhenn hire will Line 6180 Inn all þatt niss nan sinne, Inn all þatt ȝho ȝeorneþþ wiþþ skill, To ȝunnkerr baþre gode. & ȝiff þatt iss þatt ȝho iss all Wittlæs, & wac, & wicke, Line 6185 All birrþ þe don þin mahht tærto, To ȝemenn hire & gætenn, Swa þatt ȝho muȝhe borrȝhenn beon Att hire lifess ende; Forr ȝiff þatt ȝho iss gætelæs, Line 6190 & eȝȝelæs & wilde, Ȝho gillteþþ ske¯¯t, & ȝiff þut¯¯ wast, & te niss nohht tæroffe, Þa narrt tu nohht all sinnelæs Off — þatt ȝho liþ i sinne. Line 6195 & ȝiff þin macche iss wis & god, & tu wittlæs & wicke, Þa birrþ þin macche gætenn þe All þatt ȝho maȝȝ fra sinne; Forr eȝȝþerr birrþ þurrh oþerr beon Line 6200 Hollpenn to wurrþenn borrȝhenn, & ȝiff ȝitt baþe follȝhenn rihht & lufenn Godd & drædenn, [col 153] & haldenn ȝunnkerr Cristenndom Wel affterr ȝunnkerr mihhte, Line 6205

Line 6205 Swa þatt ȝitt baþe ledenn ȝunnc Clennlike ȝunnc bitwenenn, Þa follȝhe ȝitt tatt narrwe stih Þatt ledeþþ ȝunnc till heoffne, Ȝiff þatt ȝitt endenn ȝunnkerr lif Line 6210 All affterr Cristess wille, Wiþþ all þe rihhte læfe o Godd & all i gode dedess, Wiþþ lufe towarrd alle menn Wiþþ husell & wiþþ shriffte. Line 6215 & ȝunnc birrþ nimenn mikell gom To þæwenn ȝunnkerr chilldre, & ȝunnc birrþ ȝeorne lærenn hemm To lufenn Godd & drædenn, Ȝiff þatt ȝitt nilenn wraþþenn Godd Line 6220 Þurrh sinnfull ȝemelæste. & ȝunnc birrþ ȝunnkerr leȝhemenn Rihht laȝhelike ledenn, Swa þatt ȝitt nohht att hofelæs Ne nede þeȝȝm to swinnkenn; Line 6225 Forr ȝunnc birrþ witenn swiþe wel, & innwarrdlike trowwenn, Þatt niss bitwenen ȝunnc & hemm Nan shæd i manness kinde, & tatt teȝȝ muȝhenn gode beon Line 6230 Biforenn Godess ehne; & tatt ȝitt muȝhenn wraþþenn Godd Ȝiff ȝitt hemm oferrbedenn. & heore leȝhe birrþ hemm beon Rædiȝ, þann itt iss addledd; Line 6235

Line 6235 Forr þatt iss Godess bodeword, Loc ȝiff þu willt itt follȝhenn, Þatt heore daȝȝwhammlike swinnc Beo daȝȝwhammlike hemm goldenn. & hemm birrþ, ȝiff þatt hemm iss laþ Line 6240 Full hefiȝliȝ to gilltenn, Beon ar & lăte o ȝunnkerr weorrc & ȝeorrnfull aȝȝ þæronne; Forr ȝiff þeȝȝ wirrkenn ȝunnkerr weorrc Forrwurrþennlike & ille, Line 6245 Þa gilltenn þeȝȝ full hefiȝliȝ Ȝæn Godd & ȝæn ȝunnc baþe. Ne birrþ þe shendenn nani mann Ne weordenn þine þannkess, & tohh, ȝiff þatt tu gilltesst ohht Line 6250 Wiþþ aniȝ mann o life, Þe birrþ itt betenn bliþeliȝ, & wurrþenn himm wiþþ bote. & ȝiff þatt iss þatt aniȝ mann Þe shendeþþ oþerr werdeþþ, Line 6255 Þe birrþ himm biddenn don þe rihht & laȝhe þær onnȝæness, & ȝiff he doþ þe laȝhe & rihht, Þa wurrþ he þær þin broþerr, Ȝiff þatt itt iss wiþþ herrte don, Line 6260 Ȝiff eȝȝþerr lufeþþ oþerr. & ȝiff þatt he þurrh orrȝhellmod Forrhoȝheþþ þe to wurrþenn, [col 154] & nile nowwþerr don þe rihht Forr lufe ne forr eȝȝe, Line 6265

Line 6265 Þatt mann iss wiss þe deofless þeoww Þurrh niþ & modiȝnesse; & tu beo meoc, swa summ þe birrþ, Onnȝæn hiss modiȝnesse, & forr þe lufe off þin Drihhtin Line 6270 Forrȝife himm wraþþe & laþþe, & all forrwerrp þu towarrd himm To sekenn affterr wræche; Forr þu mihht cwemenn swa þin Godd & oferrcumenn deofell, Line 6275 Ȝiff þatt tu shæwesst soþ meocleȝȝc Onnȝæness modiȝnesse, & ȝiff þu nillt nohht hatenn himm Þatt hateþþ þe wiþþ herrte. Þuss mihht tu ledenn her þatt lif Line 6280 Rihht wel, wiþþ Godess hellpe, Þatt follȝheþþ all þatt hallȝhe swinnc Þatt iss wiþþ Godess lefe; & itt iss,— alls icc seȝȝde ȝuw, An off þa tweȝȝenn lifess Line 6285 Þatt wærenn þurrh þe sexte staff Off Cristess name tacnedd, Þurrh þatt tatt staff bitacneþþ uss Þe tale off tweȝȝenn hunndredd.

Þatt oþerr lif, þatt tacnedd wass Line 6290 Þurrh tale off tweȝȝenn hunndredd, Iss fundenn binnenn muneclif I þa þatt sinndenn gode.

Þatt lif þatt iss i muneclif Iss shadd fra ȝure swinnkess, Line 6295 & itt iss all an oþerr lif & hehhre lif & bettre; Forr ȝiff þatt itt iss haldenn rihht Itt addleþþ mare mede;· [col 155] Þatt mann þatt ledenn shall þiss lif Line 6300 Þatt we nu mælenn umbe, Himm birrþ beon inn hiss herrte meoc, & soffte, & stille, & milde, & buhsum till hiss alderrmann Þatt hafeþþ himm to gætenn, Line 6305 To follȝhenn all hiss will þwerrt u¯¯t Inn all þatt niss nan sinne; Forr niss nan herrsummnesse sett Þurrh Godd, ne þurrh hiss lefe, To follȝhenn aniȝ manness will Line 6310 Inn aniȝ kinne sinne; Forr birrþ þe nowwþerr sinne don Forr lufe, ne forr eȝȝe. & tæroff comm þe marrtirdom Bitwenenn Godess hallȝhenn; Line 6315 Forr ær þeȝȝ wolldenn þolenn dæþ Wiþþ alle kinne pine, œr þann þeȝȝ wolldenn gilltenn ohht Onnȝæness Godess wille. & himm þatt ledenn shall þiss lif Line 6320 Þatt we nu mælenn ummbe,

Himm birrþ all weorelldshipe flen, & all þwerrt u¯¯t forrwerrpenn; & himm birrþ all hiss flæshess lusst Forr lufe off Crist forrwerrpenn; Line 6325 & tatt iss swiþe strang & harrd To forþenn her onn eorþe, & forrþi witt tu wel þatt itt Iss hehhre lif & bettre To libbenn rihht i muneclif, Line 6330 Swa summ þær iss to libbenn, Þann iss to ledenn ȝure lif Wiþþ weddlac & wiþþ ahhte; Forr himm birrþ beon full clene mann, & all wiþþutenn ahhte, Line 6335 Buttan þatt mann himm findenn shall Unnorne mete & wæde. & tær iss all þatt eorþliȝ þing Þatt minnstremann birrþ aȝhenn Wiþþutenn cnif & shæþe, & camb, Line 6340 & nedle, ȝiff he¯¯t ȝeorneþþ· & all þiss shall mann findenn himm & wel himm birrþ itt ȝemenn; Forr birrþ himm nowwþerr don þæroff, Ne ȝifenn itt, ne sellenn. Line 6345 & himm birrþ æfre stanndenn inn To lofenn Godd & wurrþenn, & aȝȝ himm birrþ beon fressh þærto Bi daȝȝess & bi nihhtess; & tat iss harrd & strang & tor Line 6350 & hefiȝ lif to ledenn,

& forrþi birrþ wel clawwstremann Onnfanngenn mikell mede Att hiss Drihhtin Allwældennd Godd, Forr whamm he mikell swinnkeþþ· Line 6355 [col 156] And all hiss herrte & all [hiss] lusst Birrþ aȝȝ beon towarrd heoffne, & himm birrþ ȝeornenn aȝȝ þatt an, Hiss Drihhtin wel to cwemenn Wiþþ daȝȝsang & wiþþ uhhtennsang, Line 6360 Wiþþ messess & wiþþ beness, & wiþþ to lĕtenn swingenn himm Þe bodig swa to pinenn, Wiþþ fasstinng forr þe lufe off Godd, Wiþþ cneling & wiþþ wecche. Line 6365 & himm birrþ beon ædmod & meoc & god wiþþ hise breþre, & all swa towarrd oþre menn Inn all þatt niss nan sinne; Forr he maȝȝ ske¯¯t to milde beon Line 6370 Wiþþ himm þatt iss unnþæwedd. Þiss iss þatt oþerr lif off þa Þatt wærenn uss bitacnedd, Swa summ icc habbe shæwedd ȝuw, Þurrh tale off tweȝȝenn hunndredd Line 6375 Þatt wærenn þurrh þe sexte staff Off Cristess name tacnedd. & tise lifess wærenn uss Þurrh tweȝȝenn susstress tacnedd,

Well mikell fresst biforenn þatt Line 6380 Þatt Crist comm her to manne, Þa susstress — þatt witt tu full wiss, Werenn Labaness dohhtress. & Laban wass an riche mann I werelldþingess sellþe, Line 6385 & hise tweȝȝenn dohhtress uss Tacnedenn tweȝȝenn lifess, Þa lifess þatt icc habbe ȝuw Summ del nu spelledd offe, Affterr þatt little witt tatt me Line 6390 Min Drihhtin hafeþþ lenedd. Þatt an wass swiþe faȝȝerr wif, & wass Rachæl ȝehatenn [Coll. 157—160, wanting.] . . . . . [col 161] . . . . .ledenn hemm þe weȝȝe rihht Till himm þatt teȝȝ þær sohhtenn. Line 6395 & teȝȝ þa comenn to þe king, & he þeȝȝm droh to rune, & toc hemm þa full dærneliȝ To fraȝȝnenn off þatt steorrne, Whillc daȝȝ itt wass hemm allre firrst Line 6400 To tákenn sett o liffte, & teȝȝ himm seȝȝdenn witerrliȝ Whillc daȝȝ itt wass hemm awwnedd. & he þeȝȝm sennde sone forþ Till Beþþleæm & seȝȝde; Line 6405

Line 6405 Nu, laferrdinngess, fareþþ forþ, & sekeþþ swiþe ȝeorne Þatt newe king þatt borenn iss Her i þiss land to manne, & sone summ ȝe findenn himm, Line 6410 Whær summ he beoþ onn eorþe, Wiþþ ȝure maddmess lakeþþ himm & buȝheþþ himm & luteþþ, & cumeþþ efft onnȝæn till me, & witeþþ me to seggenn Line 6415 Whær icc me muȝhe findenn himm To lakenn himm & lutenn. & teȝȝ þa wenndenn fra þe king Till þeȝȝre rihhte weȝȝe, & teȝȝre steorne wass hemm þa Line 6420 Full rædiȝ upp o liffte, To ledenn hemm þatt weȝȝe rihht Þatt laȝȝ towarrd tatt chesstre Þatt wass ȝehatenn Beþþleæm, Þatt Crist wass borenn inne. Line 6425 & off þatt tatt teȝȝ sæȝhenn efft Þatt steorrne þatt hemm ledde, Þeȝȝ wærenn bliþe sone anan Þurrh swiþe mikell blisse. & teȝȝre steorne ledde hemm rihht Line 6430 Till Beþþleæmess chesstre, Þær ure Laferrd Jesu Crist Wass borenn her to manne; & forrþrihht whanne itt cumenn wass Till Beþþleæmess chesstre, Line 6435

Line 6435 Itt stod all stille upp o þe lifft, Swa summ þe Goddspell kiþeþþ, Rihht tær abufenn þær þe child Wass inne wiþþ hiss moderr Þatt fedde himm wiþþ þatt illke millc Line 6440 Þatt comm off hire pappe, All alls itt wære an oþerr child Þatt þære onn hire streonedd. & tær wass sene þatt ȝho wass Soþlike Godess moderr; Line 6445 Forr naffde ȝho nan millc till himm, Ȝiff þatt ȝho nære hiss moderr; Forr ȝho wass maȝȝdenn þanne, & ær, & æfre þweort u¯¯t clene. & sone swa þatt steorrne stod Line 6450 Þa kingess wel itt sæȝhenn, & ȝedenn þær inntill þatt hus Þatt Jesu Crist wass inne, [col 162] & fundenn þatt teȝȝ haffdenn sohht, & wærenn swiþe bliþe. Line 6455 Þeȝȝ fundenn ure Laferrd Crist & ure laffdiȝ Marȝe, & nohht ne seȝȝþ þe Goddspellboc Þatt Josæp wass þærinne, Þær ure Laferrd Jesu Crist Line 6460 Wass fundenn wiþþ hiss moderr; & tatt wass don þurrh Godd tatt he Ne wass nohht ta þærinne,

Þa þatt unncuþe follc comm inn, To lefenn uppo Criste. Line 6465 Þeȝȝ fundenn ure Laferrd Crist & fellenn dun o cnewwess, To buȝhenn & to lutenn himm Wiþþ hæfedd & wiþþ heorrte. & illc an king oppnede þær Line 6470 Hiss hord off hise maddmess, & illc an ȝaff himm þrinne lac To lakenn himm & wurrþenn. An lac wass gold, te Goddspell seȝȝþ, An oþerr lac wass recless, Line 6475 Þe þridde þatt teȝȝ gæfenn himm Wass an full deore sallfe, & itt iss o þe Goddspellboc Myrra bi name nemmnedd. & her iss litell oþerr nohht Line 6480 I þiss land off þatt sallfe, Acc i þe Kalldeowisshe land Mann maȝȝ itt summwhær findenn. Þatt lic þatt smeredd iss þærwiþþ Biforr þatt mann itt dellfeþþ, Line 6485 Ne maȝȝ itt nohht affterr þatt daȝȝ Lihhtlike wurrþenn eorþe; & itt wass þeȝȝre þridde lac, Swa summ þe Goddspell kiþeþþ· & affterr þatt teȝȝ haffdenn Crist Line 6490 Wiþþ heore maddmess lakedd, Þeȝȝ tokenn nihhtess resste þær I Beþþleæmess chesstre;

& Drihhtin ȝaff hemm sware o nihht Þær þeȝȝ o bedde slepptenn, Line 6495 & radde hemm þatt teȝȝ sholldenn ham Wiþþ oþerr weȝȝe wendenn, & till Herode king onnȝænn He þeȝȝm forrbæd to turrnenn. & wel þeȝȝ wisstenn Godess raþ, Line 6500 & wel þeȝȝ alle itt heldenn, Forr alle samenn forenn ham Wiþþ all an oþerr weȝȝe, & forenn inntill þeȝȝre land Wiþþ fulle læfe o Criste. Line 6505 & all þatt ȝer Herode king Ba¯¯d affterr þeȝȝre come, [col 163] To witenn ȝiff þeȝȝ haffdenn Crist Owwhar onn eorþe fundenn; Acc þeȝȝ ne comenn nohht himm to; Line 6510 & tatt wass Godess wille, Forr þatt he wollde cwellenn Crist, Ȝiff þatt he mihhte himm findenn. Her endeþþ nu þiss Goddspell þuss, & icc ȝuw wile shæwenn, Line 6515 Hu mikell god itt læreþþ ȝuw Off ȝure sawless nede.

Herode king bitacneþþ uss Þe laþe gast off helle,

& he maȝȝ wel bitacnenn himm Line 6520 Whamm he stod inn to follȝhenn; Forr all hiss word, & all hiss werrc, & all hiss laþe trowwþe Wass full off iwhillc hæþenndom, All affterr deofless wille. Line 6525 & ta þreo kingess tacnenn uss Þatt flocc þatt Drihhtin ledeþþ, Þatt flocc þatt follȝheþþ Crisstenndom & uppo Criste lefeþþ, Þatt follȝheþþ heoffness lihht & leom, Line 6530 Þatt iss Goddspelless lare, & Cristess laȝhe, & Crisstenndom, & rihhte læfe o Criste, Þatt ledeþþ hemm þe weȝȝe rihht Till Drihhtin upp inn heoffne, Line 6535 All all swa summ þatt steorrneleom Rihht ledde þa þreo kingess Towarrd tatt illke burrȝhess tun, Þatt Crist wass borenn inne. & þurrh þatt tatt Herode king Line 6540 Wass dreriȝmod & dreofedd Off—þatt te Laferrd Jesu Crist Wass borenn her to manne, Þærþurrh wass uss bitacnedd wel Wiþþ all full openn bisne, Line 6545 Þatt all þe laþe gastess flocc, All helleþeod, wass dreofedd Off—þatt te Laferrd Jesu Crist Wass borenn her to manne,

Forr þatt he wollde lesenn u¯¯t Line 6550 Mannkinn off hellepine. & tatt te Laferrd Jesu Crist Wass borenn her to manne Rihht i þe land off Ȝerrsalæm, & tatt he þær wass fundenn, Line 6555 Þatt tacneþþ uss well mikell þing Off ure sawless nede; Forr witt tu well þatt Ȝerrsalæm Bitacneþþ griþess sihhþe, & ure Laferrd Jesu Crist Line 6560 Wass borenn her to manne, Forr þatt he wollde settenn griþþ Bitwenenn heoffne & eorþe; & whase itt iss þatt lufeþþ griþþ [col 164] & follȝheþþ wiþþ hiss herrte, Line 6565 Þatt mann shall findenn Jesu Crist To beon wiþþ himm i blisse. Þatt ta þreo kingess turrndenn hemm U¯¯t off þe rihhte weȝȝe, & forenn till Herode king Line 6570 To wi˘tenn whatt he wollde, Þatt uss bitacneþþ witerrliȝ Þurrh all full openn bisne, Þatt sume off ure little flocc Þatt lefeþþ uppo Criste Line 6575 Hemm wendenn oþerr stund fra Crist, & fra þe rihhte weȝȝe,

& turrnenn till þe laþe gast Þurrh fĕle depe sinness. & tatt ta kingess sone anan Line 6580 Forrlurenn þeȝȝre steorrne, Affterr þatt teȝȝ hemm turrndenn u¯¯t Off þeȝȝre rihhte weȝȝe, Þatt uss bitacneþþ opennliȝ Þurrh all full witerr bisne, Line 6585 Þatt he þatt turrneþþ himm fra Crist Þurrh hefiȝ hæfedd sinne Forrleoseþþ sawless soþe lihht, Þatt iss Goddspelless lade, & Jesu Cristess hellpe & hald Line 6590 & all hiss hallȝhe millce, & iss all alls he wære blind & orrraþ butenn lade, Aȝȝ whil þatt æfre himm þinnkeþþ god To lin inn hæfedd sinne. Line 6595 & tatt ta kingess turrndenn efft Till þeȝȝre rihhte weȝȝe, Towarrd te Laferrd Jesu Crist, & fra þe king Herode, & sæȝhenn efft forrþrihht anan Line 6600 Þe steorrness brihhte leome To ledenn hemm þe weȝȝe rihht Till Beþþleæmess chesstre, Þatt uss bitacneþþ witerrliȝ, Þatt witt tu wel to soþe, Line 6605 Þatt sume off þa þatt wærenn ær All turrnedd frawarrd Criste,

Hemm turrnenn efft full wel onnȝæn Fra þeȝȝre depe sinness, & turrnenn fra þe laþe gast Line 6610 & turrnenn hemm till Criste, [col 165] Þurrh þatt teȝȝ takenn bliþeliȝ Rihht shriffte off þeȝȝre sinness, & ledenn siþþenn haliȝ lif, & follȝhenn Cristess lare, Line 6615 & follȝhenn heoffness lihht & leom Inn alle gode dedess, & winnenn Cristess hellpe & hald & Cristess millce & are, All all swa summ þa kingess efft Line 6620 I þeȝȝre rihhte weȝȝe Fundenn forrþrihht tatt steorrneleom, Þatt ledde hemm rihht to Criste. & all þatt, tatt Herode king Badd ta þreo kingess sekenn Line 6625 Þatt ȝunge king, & lakenn himm, & buȝhenn himm o cnewwe, & cumenn efft onnȝæn till himm & witenn himm to seggenn, Ȝiff þatt teȝȝ haffdenn fundenn himm, Line 6630 Whære i þe land he wære, Forr þatt he wollde himm cumenn to To lakenn himm & lutenn, All þatt badd he þurrh swikedom & all þurrh ille wiless; Line 6635

Line 6635 Forr ȝiff he mihhte findenn himm Ne wollde he nohht himm lakenn, Acc wollde himm swiþe bliþeliȝ Wiþþ swerdess egge cwellenn. & off þiss laþe swikedom Line 6640 Ne wisstenn nohht ta kingess Þatt comenn off Kalldéaland, To sekenn Crist forr gode; Forr affterr þatt uss Latin boc Þurrh haliȝ lare shæweþþ, Line 6645 Þatt mann iss fox & hinnderrȝæp & full off ille wiless, Þatt haldeþþ wiþþ þe laþe gast & follȝheþþ deofless wille; & swa niss nohht tatt illke mann Line 6650 Þatt follȝheþþ Cristess bisne, Niss he nohht hinnderrȝæp ne pratt To follȝhenn ille wiless, Acc iss shepisshe & bilewhit, All clene off ille þohhtess. Line 6655 Þa kingess þatt swa comenn forþ To lutenn Crist & lakenn, Þeȝȝ gæfenn bisne off Crisstenndom, Þatt uss birrþ alle follȝhenn; Forr uss birrþ ure Laferrd Crist Line 6660 Þatt illke wise lakenn, & uss birrþ þurrh þa þrinne lac Drihhtin gastlike lakenn, & uss birrþ follȝhenn þeȝȝre sloþ To lefenn uppo Criste Line 6665

Line 6665 Rihht swa, summ þeȝȝ þurrh þeȝȝre lac Uss didenn tunnderrstanndenn. Þeȝȝ gæfenn Drihhtin gold forrþi Þatt itt bitacnenn shollde, [col 166] Þatt teȝȝ himm heldenn witerrliȝ Line 6670 Forr King off alle kingess; & tatt wass haȝherrlike don, Forr þatt teȝȝ wel itt wisstenn Þatt mann birrþ lakenn eorþliȝ king Wiþþ gold & ec wiþþ sillferr. Line 6675 & þurrh þatt tatt teȝȝ ȝæfenn himm An oþerr lac off recless, Þærþurrh þeȝȝ didenn uss full wel To seon & tunnderrstanndenn, Þatt teȝȝ himm heldenn forr soþ Godd Line 6680 Inn ure mennisscnesse, & tatt mann birrde buȝhenn himm, & lutenn himm & lakenn; & tatt wass haȝherrlike don, Forr þatt teȝȝ wel itt wisstenn Line 6685 Þatt mann birrþ þeowwtenn Drihhtin Godd Wiþþ recless att hiss allterr. & þurrh þatt tatt teȝȝ ȝæfenn himm Þatt dĕorewurrþe sallfe Þatt mann doþ o þe dæde lic, Line 6690 Þeȝȝ seȝȝdenn uss wiþþ dede, Þatt Godess word wass wurrþenn mann To þolenn dæþ onn eorþe,

Forr uss to lesenn þurrh hiss dæþ U¯¯t off þe deofless walde. Line 6695 Þatt sallfe þatt teȝȝ ȝæfenn himm, Þatt iss Myrra ȝehatenn, Itt iss full bitterr & full beȝȝsc, Þatt witt tu wel to soþe, Forr þatt itt shollde tacnenn uss Line 6700 Þatt dæþess bitterrnesse Þatt Godess Sune, Allmahhtiȝ Godd, Wass wurrþenn mann to dreȝhenn.

Nu birrþ uss alle follȝhenn well Þa Kalldewisshe kingess Line 6705 Wiþþ haliȝ lifess gastliȝ lac, & ec wiþþ ure trowwþe; Forr uss birrþ lefenn wel þatt Crist Iss King off alle kingess, & swa we muȝhenn offrenn himm Line 6710 Gastlike gold to lake; & uss birrþ lefenn þatt he iss Soþ Godd i mennisscnesse, & swa we muȝhenn offrenn himm Gastlike lac off recless; Line 6715 [col 167] & uss birrþ lefenn þatt he wass Soþ mann i lif & sawle, Forr þatt he wollde þolenn dæþ Forr all mannkinne nede,

& swa we muȝhenn offrenn himm Line 6720 Gastliȝ þatt illke sallfe Þatt mann doþ o þe dæde lic, Swa summ ȝe littlær herrdenn. & tu mihht lakenn Jesu Crist, Þatt witt tu wel to soþe, Line 6725 Wiþþ alle þise þrinne lac Þurrh þine gode þæwess. Ȝiff þatt tu follȝhesst witt & skill & soþ wissdomess leome, Þa lakesst tu þe Laferrd Crist Line 6730 Wiþþ gold i þine þæwess; Forr rihht all swa summ hord off gold Mang menn iss horde deresst, Rihht swa iss allre deresst lac Biforenn Godess ehne, Line 6735 Ȝiff þatt we follȝhenn rihht tatt witt Þatt follȝheþþ Godess wille, Þatt hallȝhe witt tatt læreþþ uss To berrȝhenn ure sawle. & ȝiff þu cwemesst tin Drihhtin Line 6740 Wiþþ bedess & wiþþ wecchess, Þa lakesst tu þin Drihhtin swa Alls itt wiþþ recless wære; Forr rihht all swa summ recless smec Iss god & swe¯¯t to dowwnenn, Line 6745 All swa iss haliȝ bedesang Full swe¯¯t biforenn Criste. & ȝiff þatt tu þin flæshess will & hire fule lusstess

Wiþþstanndesst þurrhu¯¯tlike wel Line 6750 & cwennkesst wel & cwellesst, Þa slast tu swa þin aȝhenn flæsh & hire fule wille, & offresst Godd þurrh haliȝ þæw Þatt derewurrþe sallfe Line 6755 Þatt mann doþ o þe dæde lic, Þurrh þatt tu slast & cwennkesst Þin aȝhenn flæshess fule lusst & hire fule wille. Þuss birrþ uss alle follȝhenn wel, Line 6760 Þurrh þæwess & þurrh trowwþe, Þa kingess þatt wiþþ þrinne lac Comenn Drihhtin to lakenn; & tuss birrþ uss þurrh haliȝ lif Drihhtin gastlike lakenn, Line 6765 Swa þatt we motenn cwemenn himm & berrȝhenn ure sawle. Þeȝȝ brohhtenn Drihhtin þrinne lac To don uss tunnderrstanndenn, Þatt ure Godd iss þripell Godd Line 6770 Inn Allmahhtiȝ þrimmnesse, Faderr, & Sune, & Haliȝ Gast, An Godd all untodæledd, [col 168] Þatt æfre wass, & iss, & beoþ Wiþþutenn ord & ende, Line 6775 & all þatt wass, & iss, & beoþ, He shop, & ah, & steoreþþ·

& ȝuw birrþ unnderrstanndenn wel & lefenn wel & trowwenn, Þatt mikell flocc off oþre menn Line 6780 Comm forþ wiþþ þa þreo kingess U¯¯t off þe Kalldewisshe land Till Beþþleæmess chesstre. Acc Goddspellboc ne spekeþþ nohht Off all þatt oþerr genge, Line 6785 Acc opennlike & wel itt uss Off þa þreo kingess telleþþ, Forrþi þatt tær wass þurrh þa þreo Þe Crisstenndom bigunnenn Bitwenenn all hæþene follc Line 6790 Þatt þurrh þreo menn wass streonedd, Affterr þatt tatt all mannkinn wass Þurrh Noþess flod offdrunncnedd; Forr all follc wass þurrh Noþess flodd O Noþess time drunncnedd. Line 6795 & efft þurrh Noþess suness þreo Wass hæþenn þeode streonedd, & all hæþene follc wass þær Þurrh þa þreo kingess awwnedd; Forr þurrh þa þreo þatt comenn forþ Line 6800 Þe Laferrd Crist to lakenn, Þurrh hemm, swa summ icc habbe seȝȝd, Wass Crisstenndom bigunnenn Bitwenenn þatt hæþene þeod Þatt þurrh þreo menn wass streonedd. Line 6805 Þe tweȝȝenn wærenn Sæm & Kam, & Jaf毯th wass þe þridde,

Þatt wærenn Noþess þrinne bærn, Forr Noþ hemm haffde strenedd.

Þa hirdess off Judisskenn menn Line 6810 Þatt sohhtenn Crist wiþþ trowwþe, Þatt nahht tatt he wass borenn her Bitwenenn menn onn eorþe, Þeȝȝ wærenn, þatt witt tu full wel, An waȝhe off Cristess kirrke, Line 6815 Off Cristess flocc, Crisstene flocc, [col 169] Þatt Cristess laȝhess haldeþþ· & tatt flocc off hæþene menn Þatt sohhte Crist wiþþ lakess, Þeȝȝ wærenn, þatt witt tu full wel, Line 6820 Rihht alls an oþerr waȝhe. & Jesu Crist tatt drohh till himm Þatt twinne kinne genge, He wass himm sellf þatt hirnestan Þatt band ta tweȝȝenn waȝhess. Line 6825 & all þatt follc þatt trowweþþ nu & lefeþþ uppo Criste, All comm itt off Judisskenn þeod & off hæþene leode; & all itt wass bigunnenn þær Line 6830 I Beþþleæmess chesstre, Þær þa twa gengess comenn till, To lefenn uppo Criste;

& all itt wass bigunnenn þær Þurrh hirdess, & þurrh kingess; Line 6835 & tatt wass don þurrh Jesu Crist, Forr þatt itt shollde tacnenn Þatt ure Laferrd Jesu Crist Iss baþe King, & Hirde; Forr Crist iss King, þatt steoreþþ uss, Line 6840 & Hirde, þatt uss fedeþþ; & ȝiff þatt tu þurrh Crisstenndom & þurrh þe rihhte læfe Willt follȝhenn ure Laferrd Crist, Þe birrþ beon king, & hirde; Line 6845 Þe birrþ beon king, þatt witt tu wel, To steorenn rihht te sellfenn, & ec to steorenn alle þa Þatt arrn i þine walde, Þatt teȝȝ ne draȝhe nohht hemm onn Line 6850 To follȝhenn ille þæwess; & ec þe birrþ beon hirdemann To fedenn hemm & fosstrenn.

Þatt ta þreo kingess comenn forrþ All wiþþ þe rihhte weȝȝe Line 6855 Anan inntill Judealand, Þatt newe king to sekenn, Þatt wass forr þatt teȝȝ haffdenn herrd Þurrh Balaamess lare Þatt Godess Sune, Jesu Crist, Line 6860 Þær shollde borenn wurrþenn.

Þiss illke Balaam wass an Full namecund prophéte Onn alde daȝhess, mikell fresst Biforenn Cristess come. Line 6865 & tatt Kalldealandess follc Þatt comm forr Crist to lakenn, Itt wass off Balaamess kinn & cuþe well hiss lare, & haffde redd upponn hiss boc, Line 6870 Þatt Godess Sune shollde Beon borenn i Judealand & off Judisskenn moderr, To lesenn mannkinn u¯¯t off dæþ & u¯¯t off deofless walde. Line 6875 & forrþi comenn þeȝȝ himm firrst To sekenn i þatt ende, Forr þatt teȝȝ haffdenn herrd tatt he [col 170] Þær shollde borenn wurrþenn; & tatt teȝȝ i Judealand Line 6880 Forrlurenn þeȝȝre steorrne, Þatt wass forr þatt teȝȝ sohhtenn þær Eorþlike witt & lade, Þurrh þatt tatt teȝȝ bigunnenn þær, Amang Judisskenn leode, Line 6885 To fraȝȝnenn hemm whær þeȝȝre king Wass borenn hemm bitwenenn; Forr whase leȝȝeþþ upponn mann Hiss hope & all hiss hellpe,

Himm birrþ forrlesenn all wiþþ rihht Line 6890 Drihhtiness hald & hellpe. & whase sekeþþ ræd & run & witt att deofless þeowwess, Drihhtiness lare & ræd & run Þatt illke mann forrleoseþþ· Line 6895 Herode wollde bliþeliȝ Þatt ȝunge king offcwellenn, Forr þatt he wollde ȝifenn all Hiss aȝhenn sune hiss riche, & forr he wollde ȝemenn himm Line 6900 Þatt he ne wære wreȝedd Biforr þe Romanisshe king Þatt wass hiss oferrlaferrd; Forr ȝiff he léte waxenn þær Awihht off wiþerrstrenncþe Line 6905 Onnȝæn hiss aȝhenn oferrking, Itt birrde himm wel abiggenn, & forrþi wollde he cwellenn Crist, Ȝiff þatt he mihhte himm findenn, Þatt he ne felle i wraþþe onnȝæn Line 6910 Þe Romanisshe leode. & tatt he toc swa stilleliȝ Þa Kalldewisshe kingess, To fraȝȝnenn hemm all dærneliȝ Off þeȝȝre newe steorrne, Line 6915 Þatt dide he forr he nollde nohht Þatt aniȝ mann itt wisste, Forrþi þatt he wass þa forrdredd Off hiss Judisskenn leode,

Off - þatt teȝȝ þeȝȝre rihhte king, Line 6920 Ȝiff þeȝȝ himm owhar wisstenn, Swa munndenn hidenn, þatt he nohht Ne shollde himm muȝhenn findenn, & forrþi nollde he nohht tatt teȝȝ Ohht herrdenn off þe sterrne, Line 6925 Noff þatt he wollde cwellenn himm, [col 171] Ȝiff þatt he mihhte himm findenn Forr þatt he wass forrdredd tatt teȝȝ Himm sholldenn summwhær hidenn.

Þatt Josæp nass nohht i þatt hus Line 6930 Wiþþ Sannte Marȝe fundenn, Þær þa þreo kingess comenn inn To lefenn uppo Criste, Þatt wass full wel, & tatt bilammp All affterr Godess wille. Line 6935 & itt wass baþe god & ned Till þatt Kalldewe genge, Þatt haffde follghedd aȝȝ till þa Illc hæþenndom & dwilde, & naffde næfre numenn gom Line 6940 Noff Godd, noff Godess lare; Forr ȝiff þa Kalldewisshe menn Haffdenn þatt time fundenn Josæp þærinne wiþþ þe child, & wiþþ þe childess moderr, Line 6945

Line 6945 Þeȝȝ munndenn trowwenn þatt te child Josæpess sune wære, & tatt hiss moderr wære wif, & nohht maȝȝdenn full clene; All þiss þeȝȝ munndenn trowwenn ske¯¯t, Line 6950 Forrþi þatt teȝȝ þatt time Ȝe¯¯t unnderrstodenn littlesswhatt Off all þe rihhte trowwþe, & all forrþi wass swiþe wel Þatt Josæp wass aweȝȝe, Line 6955 Þatt all þatt genge mihhte þær Rihht lefenn uppo Criste. & tatt wass þe þrittende daȝȝ Off Jesu Cristess elde, Þatt he wass onne i Beþþleæm Line 6960 Þurrh þa þreo kingess lakedd. & þinnke ȝuw nan wunnderr off Þatt ta þreo kingess comenn Fra Kalldea till Beþþleæm Uppo þrittene daȝȝess; Line 6965 Forr þatt follc rideþþ onn a der Þatt iss Droméluss nemmnedd, Þatt onn a daȝȝ wiþþ hefiȝ sæm Erneþþ an hunndredd mile; & forrþi mihhtenn þeȝȝ full wel Line 6970 Binnenn þrittene daȝȝess Uppo þatt der, þatt iss swa swifft, Full mikell weȝȝe forþenn. Þatt steorrne, þatt hemm awwnedd wass To ledenn hemm þe weȝȝe, Line 6975

Line 6975 Warrþ all to nohht forrþrihht anan Affterr þatt Crist wass fundenn.

Maþew þe Goddspellwrihhte seȝȝþ Þatt Crist comm her to manne I Beþþleæm Jude, forr swa Line 6980 To don uss tunnderrstanndenn, Þatt tweȝȝenn burrȝhess wærenn þa Þa Crist comm her to manne, An i þe land off Galile I Zabuloness maȝȝþe, Line 6985 An oþerr i Juda nohht ferr Fra Ȝerrsalæmess chesstre, & eȝȝþerr, wiss to fulle soþ, Wass Beþþleæm ȝehatenn. & ec he seȝȝþ þatt Jesu Crist Line 6990 Wass borenn her to manne Upponn Herode kingess daȝȝ, To don uss tunnderrstanndenn Þatt Jesu Crist wass witerrliȝ Þatt illke, off whamm profetess Line 6995 Haffdenn forrlannge cwiddedd ær, Þatt Issraæle þede Aȝȝ sholldenn habbenn allderrmenn & kingess off hemm sellfenn, Aȝȝ till þatt Godess Sune Crist Line 7000 To manne cumenn shollde; Forr þatt wass filledd opennliȝ Þurrh Jesu Cristess come,

Þatt comm upponn Herodess daȝȝ To wurrþenn mann onn erþe; Line 7005 Forr þatt unnfæle Herode king, Þatt Crist wass borenn unnderr, Ne wass nohht off Judisskenn þed Acc off hæþene þede. & þurrh þe king off Romeburrh Line 7010 Himm ȝifenn wass þatt riche, & he wass all hæþene king Amang Judisskenn þede, Þatt time þatt te Laferrd Crist Wass borenn her to manne. Line 7015 Þatt tun wass nemmnedd Beþþleæm Þatt Crist wass borenn i˘ne, & itt wass nemmnedd Effrata Biforenn þatt forrlannge, Forr uss to tacnenn mikell þing Line 7020 Þatt siþþenn shollde wurrþenn; Forr Beþþleæm bitacneþþ uss Þatt hus þatt bræd iss inne, & Effrata bitacneþþ uss Shæwerrne onn Ennglissh spæche. Line 7025 & baþe tacnenn opennliȝ Þa góde menness herrtess, Þatt nittenn eche lifess bræd Till þeȝȝre sawle berrhless, Þe Laferrd Cristess flæsh & blod Line 7030 All affterr Cristess lare, & sen & shæwenn þurrh innsihht & þurrh þe rihhte læfe

Off Godess kinde, off Godess mahht, Off Godess eche wullderr, Line 7035 All þatt tatt erþliȝ mann maȝȝ sen Þurrh clennsedd sawless eȝhe. & gode menness clene lund, & gode menness herrtess, Þeȝȝ sinndenn þatt hallȝhe gessthus Line 7040 Þatt Crist iss borenn inne; Forr Cristess resste & Cristess ro & Cristess swete slæpess Sinndenn, þatt witt tu wel forr soþ, I gode menness herrtess; Line 7045 & gode menness clene lund, & gode menness herrtess, Tihhtenn & turrnenn hæþenn follc & ec Judisskenn lede, Þurrh haliȝ bisne & haliȝ spell, Line 7050 To lefenn uppo Criste, To sekenn Crist, to lutenn Crist, To lakenn Crist o cnewwess, All swa summ Judewisshe led & Kalldewisshe comenn Line 7055 Till Effrata, till Beþþleæm, To lefenn uppo Criste. Þe Kalldewisshe follc comm forþ To sekenn Crist wiþþ lakess, & seȝȝdenn till Judisskenn follc, Line 7060 Swa summ þe Goddspell kiþeþþ, Whær iss þe Judewisshe king Þatt borenn iss nu newenn?

Forr þatt teȝȝ wolldenn don hemm swa To sen & tunnderrstanndenn, Line 7065 Þatt teȝȝ þe laþe Herode king Ne comenn nohht to sekenn, Þatt ta wass winntredd mann & ald, & nass nohht borenn newenn.

Maþþew þe Goddspellwrihhte seȝȝþ Line 7070 Þatt ta Kalldisskenn kingess Þatt comenn forr to sekenn Crist Wærenn Magy ȝehatenn, & Magy sinndenn alle þa Þatt follȝhenn defless crafftess, Line 7075 Driȝmenn, weppmenn & wifmenn ec, Þatt follȝhenn wicche crafftess. Acc þa þatt sohhtenn Jesu Crist Wærenn Magy ȝehatenn, & nærenn þeȝȝ nohht tohh driȝmenn Line 7080 To follȝhenn wicche crafftess, Acc wærenn, þatt witt tu full wel, Uþwi˘tess swiþe wise, Þatt haffdenn dep innsihht & witt Off fĕle kinne þingess, Line 7085 & unnderrstodenn maniȝwhatt Þurrh snoterr gyn bi sterrness, & wærenn off an land tatt wass Pærsa bi name nemmedd. & tær iss i þatt illke land Line 7090 An æ Sabá ȝehatenn,

& all þatt land iss ec Sabá Affterr þatt waterr nemmnedd, & itt iss i Kalldealand œst, tær þe sŭne riseþþ· Line 7095 & ta þatt comenn off þatt land To sekenn Crist wiþþ lakess, Þeȝȝ wisstenn wel þatt Crist wass Godd, Þurrh þatt teȝȝ sæȝhenn heffne Buȝhenn till himm, to þewwtenn himm Line 7100 Wiþþ new & unncuþ sterrne, Þatt forrþrihht shapenn wass þurrh Crist, To tæchenn whær he wære, & forr to tacnenn Crisstenndom & all þe rihhte læfe, Line 7105 Þatt shollde ledenn hæþenn þed Upp inntill heffness blisse, Swa summ þatt sterrne ledde forþ Þatt Kalldewisshe lede Till Effrata, till Beþþleæm Line 7110 Þatt Crist wass borenn inne. New sterrne, & all unncuþ wass wrohht, Forr þatt itt shollde tacnenn Þatt newe Adam þatt cumenn wass All unncuþ her to manne. Line 7115 Kalldisske þed comm forþ & cwaþþ; Whær muȝhe we nu findenn Þiss Judewisshe follkess king Þatt iss nu borenn newenn? & tatt wass seȝȝd alls iff þeȝȝ þuss Line 7120 Wiþþ oþre wordess seȝȝdenn,

Ne telle himm nohht Herode king Forr king off Godess lede, Forr nass he nohht þurrh Godess follc O Godess hallfe crunedd, Line 7125 Ne nohht niss himm kinde to ben King off Judisskenn þede; Acc wi˘te ȝe to fulle soþ, Þatt her iss borenn newenn An child off þiss Judisskenn þed Line 7130 All affterr Godess wille, Þatt shall ben þiss Judisskenn king All þurrh rihht aþell kinde, & forrþi cume we nu forþ To lakenn himm wiþþ maddmess, Line 7135 & forr to lefenn upponn himm & buȝhenn himm o cnewwess, Forr þatt we sen full witerrliȝ Þurrh hefennlike takenn, Þatt he to manne cumenn iss, Line 7140 Soþ Godd off Godd ankennedd.

Maþþew þe Goddspellwrihhte seȝȝþ O þiss Goddspelless lare, Þatt tatt unnfæle Herode king Wass gramm & grill & bollȝhenn Line 7145 Forrþrihht, son summ himm awwnedd wass Off þatt Kalldisskenn genge, Þatt cumenn wass inntill hiss land, An new king forr to sekenn,

To lutenn himm, to lakenn himm, Line 7150 To buȝhenn himm o cnewwess. & wen iss þatt he wass forrdredd & serrhfull inn hiss herrte, Forr þatt he wennde þatt tatt follc Upponn himm cumenn wære Line 7155 Wiþþ strenncþe, forr to niþþrenn himm, To wannsenn himm hiss riche. & wel itt mihhte ben þatt he Wass gramm & grill & bollȝhenn All forr þe náness, forr þatt he Line 7160 Swa wollde don hiss lede To ben all þess te mare offdredd Off himm & off hiss eȝȝe. Forr ȝiff þe riche mann iss braþ, & grimme, & tór to cwemenn, Line 7165 Hiss lede þatt iss unnderr himm Himm dredeþþ þess te mare; & tohh swa þehh ne till þe follc, Ne till þe laferrd nowwþerr Niss þatt nohht þwerrt u¯¯t god inoh Line 7170 Till þeȝȝre sawle berrhless, Þatt he be grimme & aȝhefull, & braþ & tór to cwemenn, Forr he maȝȝ ben swa grimme mann Þatt he beþ laþ hiss lede, Line 7175 & tatt iss eȝȝþerr himm & hemm Unnhalsumm to þe sawle. & forrþi birrþ himm stanndenn in To don wiþþ word & dede,

Þatt hise lede lufenn himm Line 7180 & blettcenn himm wiþþ herrte, Forr þatt iss himm & ec hiss follc God hellpe to þe sawle; & tohh swa þehh iss ned tatt he Dredinng & aȝhe sette Line 7185 On alle þa þatt lufenn toþþ & woh & unnsahhtnesse, To don hemm follȝhenn laȝhe & griþþ All þeȝȝre æbære unnþannkess, Ȝiff þatt teȝȝ þeȝȝre þannkess griþþ Line 7190 Ne kepenn nohht to follȝhenn; Forr miccle bettre iss to þe mann Wiþþ lif & ec wiþþ sawle, To don all hiss unnþannkess god Þan ifell hise þannkess. Line 7195 & ec Herode king wass grill, & gramm, & breme, & bollȝhen, Forr þatt himm wass full laþ þatt Crist Wass cumenn þa to manne; Forr aȝȝ þe laþe gastess þeww Line 7200 Iss gramm, & grill, & bollȝhenn Aȝȝ, whannse he seþ þatt Godess rihht & Godess laȝhe riseþþ·

Herode le¯¯t himm brinngenn to Bisshopess off dep lare, Line 7205 & ȝe¯¯ an oþerr læredd follc Þatt ec wass depe læredd;

& teȝȝre wikenn wass forrþi To spellenn to þe lede Off-hu þeȝȝ mihhtenn cwemenn Godd Line 7210 Þurrh þæwess & þurrh dedess, & þurrh þe rihhte læfe o Godd, Þurrh laȝhess & þurrh lakess; & teȝȝ, þatt witt tu fuliȝwiss, Wærenn Scribe ȝehatenn, Line 7215 Forrþi þatt teȝȝre wikenn wass To writenn laȝhebokess, & ec to spellenn to þe follc Off laȝhess & off lakess. Kalldisskenn follc seȝȝde þatt Crist Line 7220 Wass borenn, wiss to soþe, & seȝȝdenn ec whatt daȝȝ þeȝȝ firrst Þe newe sterrne sæȝhenn, Þurrh whatt teȝȝ wisstenn wel whatt daȝȝ Crist borenn wass onn erþe; Line 7225 Acc whær o lande he borenn wass, Þatt wass hemm all unnawwnedd, & forrþi wass hemm sterrne sett, To ledenn hemm þe weȝȝe Anan inntill þatt illke tun Line 7230 Þatt Crist wass borenn inne. & tatt Judisskenn læredd follc, Bisskopess & larewess, Þatt unnderrstodenn all off Crist Þatt wi˘tess haffdenn cwiddedd, Line 7235 Þeȝȝ seȝȝdenn hu þatt illke land, & hu þatt tun wass nemmnedd,

Þær Messyass soþ Crist, soþ Godd, To manne cumenn sollde; Acc nisstenn þeȝȝ nohht tohh swa þehh Line 7240 Whatt time he cumenn wollde; Acc þatt wisste Kalldisskenn follc, Þatt he wass cumenn þanne, Þatt wisstenn þeȝȝ þurrh þatt hemm wass Awwnedd tatt newe sterrne. Line 7245 & swa þurrh þatt Kalldisskenn follc, & ec þurrh þatt Judisskenn, Well mikell lerrnde Herode king Off Crist, & off hiss come; Forr baþe he lerrnde wel þurrh hemm Line 7250 Whatt daȝȝ, & whære o lande, Þatt ȝunge wennchell borenn wass Off þatt Judisskenn lede, Þatt shollde ben Judisskenn king All wiþþ rihht aþell kinde. Line 7255 & sone siþþenn sennde he forþ Þatt Kalldewisshe genge, To sekenn þatt Judisskenn king I Beþþleæmess chesstre, Forr þatt he wollde cwellenn himm, Line 7260 Ȝiff þatt he mihhte himm findenn. Þatt burrh wass Daviþþ kingess burrh Þatt Crist wass borenn inne; & tatt wass baþe rihht & wel Þatt Crist wass borenn þære, Line 7265 Forr Crist wass off Daviþess kinn, & King off alle kingess.

Kalldisskenn lede seȝȝde þuss Till Issraæle þede; We sæȝhenn æst in ure land Line 7270 Þiss newe kingess sterrne, We sæȝhenn itt full brad & brihht œst, tær þe sunne ríseþþ· & tiss bilimmpeþþ wel till Crist Off þatt he comm to manne; Line 7275 Forr Crist sellf iss þatt sterrnelem Þatt all mannkinn birrþ follȝhenn, & Crist iss ec soþ sunnebæm Þatt all þiss werelld lihhteþþ, Þatt sunnebæm þatt riseþþ aȝȝ Line 7280 I gode menness herrtess, Þurrh þatt he doþ hemm risenn aȝȝ Upp inntill heȝhe mahhtess. & wunnderr mikell shame wass Till Issraæle þede Line 7285 Þatt hæþenn follc, Kalldisskenn follc, Wass warr off Cristess come, & teȝȝ þatt haffdenn lare inoh Off þatt he cumenn shollde, Nærenn nohht warre off þatt, tatt he Line 7290 Wass cumenn þa to manne & alle þa þatt herrdenn itt & wisstenn itt off siþre, Þatt he wass cumenn sikerrliȝ Forr all mannkinne nede, Line 7295 & nohht ne kepptenn þohh onn himm To lefenn ne to trowwenn,

Hemm alle beþ o Domess daȝȝ Binumenn muþ & spæche Þatt wise, þatt næfr an off hemm Line 7300 Ne shall þær muȝhenn mælenn Ȝæn Crist, forr to bitellenn himm Off — þatt he shall till helle, Forr þatt teȝȝ wisstenn wel þatt he Wass cumenn her to manne, Line 7305 & tohh swa þehh þurrh hete & niþ Himm all þwerrt u¯¯t forrwurrpenn.

Herode king le¯¯t sekenn Crist, & seȝȝde, þatt he wollde Lefenn onn himm & lutenn himm, Line 7310 & lakenn himm wiþþ maddmess, & þohhte þohh to cwellenn himm, Ȝiff þatt he mihhte himm findenn; & forrþi nass he rihht nohht wurrþ To findenn Crist tatt time, Line 7315 Acc he shall findenn Crist inoh O Domess daȝȝess time, Þa Crist shall himm wiþþ all rihht dom Till hellepine demenn. & he bitacneþþ alle þa, Line 7320 Þatt witt tu wel to soþe, Þatt lætenn þatt teȝȝ lufenn Crist & hise laȝhess haldenn, & wilenn þatt menn haldenn hemm Forr gode menn & clene, Line 7325

Line 7325 & sindenn þohh biforenn Godd Unnclene & all unncweme, I dærne unnclene þohht & þæw, I dærne unnclene dede. Þeȝȝ lætenn þatt teȝȝ sekenn Crist Line 7330 Biforenn menness ehne, Acc þeȝȝ ne findenn himm rihht nohht Till þeȝȝre sawle berrhless; Forr Crist forrwerrpeþþ falls & flærd, & iwhillc unnclænnesse. Line 7335 Þe sterrne comm rihht till þatt hus Þatt Crist wass borenn inne, & flæh itt ta na forrþerr mar Acc heng þæroferr stille. & tatt wass don alls iff itt tuss Line 7340 Wiþþ openn spæche seȝȝde, Her i þiss hus iss Crist, soþ Godd, Þatt cumenn iss to manne, Þatt me nu newenn shop þuss brihht, Forr þatt I shollde ledenn Line 7345 Þiss Kalldewisshe follc till himm, & tæchenn hemm þe weȝȝe. Þa kingess fellenn dun, itt seȝȝþ, To lutenn Crist & lakenn, & tær þeȝȝ gæfenn swa þurrh þatt Line 7350 Off soþ mecnesse bisne; Forr niss nan mann þatt lutenn maȝȝ Ne lakenn Godd tocweme, Wiþþutenn himm þatt lakeþþ Godd Wiþþ lac off soþ mecnesse. Line 7355

Line 7355 Þurrh þatt te Kalldewisshe follc Oppnedenn þeȝȝre maddmess, Nohht i þe stræte, acc i þatt hus Þatt Crist wass borenn inne, Þærþurrh wass þe bitacnedd wel Line 7360 Hu þe birrþ Drihhtinn lakenn. Ne birrþ þe nohht forr erþliȝ loff, Ne nohht forr menness spæche, U¯¯t i þe stræte oppnenn þin hord, To don þin allmess dede Line 7365 Biforenn follc, þurrh idell gellp, Ne þurrh nan modiȝnesse, Forr swa to winnenn erþliȝ loff Wiþþ allmess þatt tu wirrkesst; Acc þe birrþ dærnelike don, Line 7370 Wiþþ innwarrd herrte & clene, Þin allmess dede onn alle þa Þatt hafenn ned off hellpe, & te birrþ i þin herrtess hus Aȝȝ innwarrdlike ȝernenn, Line 7375 Þatt Godd Allmahhtiȝ cweme be Whattse þu dost to gode, & tatt he ȝelde þe þi læn Inn heffne þurrh hiss are. Þatt hord tatt haldenn wass & hidd, Line 7380 & dærne & all unnawwnedd, A whil þatt ta Kalldisskenn menn Amang unnwiness wærenn, Þatt hord wass to bitacnenn uss, Þatt uss ne birrþ nohht awwnenn Line 7385

Line 7385 Hu mann birrþ lefenn uppo Godd, Ne nohht off Godess lare, Biforenn þatt unnfæle follc Þatt skirrpeþþ þær onnȝæness, Biforenn þa þatt tăkenn all Line 7390 Onn hæþinng þatt we spellenn; Forr ȝiff þeȝȝ herenn ohht off Godd, & skirrpenn þær onnȝæness, Þa beþ hemm ȝarrkedd mare inoh & werrse pine inn helle, Line 7395 Þann iff þeȝȝ haffdenn herrd itt nohht Ne skarnedd tær onnȝæness, & forrþi birrþ þe lokenn þe Þatt tu till hemm ne spelle, Þatt hemm ne falle þurrh þin spell Line 7400 Þe mare wa to dreȝhenn. Heroffe seȝȝþ þe Goddspellboc Þatt Crist himm sellf þuss seȝȝde; Ne birrþ þe nohht nan haliȝ þing Biforenn hundess werrpenn, Line 7405 Ne nohht ne birrþ þe to þe swin Werrpenn marrgrotestaness; Forr þa þatt lætenn hæþeliȝ Off Godess hallȝhe lare, Þeȝȝ sindenn wiss hundess & swin Line 7410 Þurrh þeȝȝre laþe sinness. & þurrh þatt hord tatt oppnedd wass & draȝhenn forþ & awwnedd Þurrh þa þre kingess, i þatt hus Þatt Crist wass borenn inne, Line 7415

Line 7415 Þærþurrh wass uss tacnedd tatt uss Birrþ awwnenn Godess lare Till alle þa þatt lufenn itt, & ȝernenn itt to lernenn, Till alle þa þatt cumenn forþ Line 7420 To wurrþenn Cristess þewwess, Till alle þatt i Godess hus Þurrh soþ mecnesse turrnenn Till fulluhht & till Crisstenndom, & till þe rihhte læfe, Line 7425 Hemm alle uss birrþ i Godess hus Wiþþ soþ mecnesse shæwenn Hu þeȝȝm birrþ lefenn uppo Godd, & hise laȝhess haldenn. Þa þre kingess lakedenn Crist Line 7430 Wiþþ þrinne kinne lakess, Wiþþ recless, & wiþþ gold, & ec Wiþþ myrra, an dere sallfe, Forr þatt teȝȝ wisstenn þatt he wass Soþ Godd i mennisscnesse, Line 7435 & King off alle shaffte, & ec Soþ mann þatt wollde swelltenn. & ec þa kingess comenn þa Till Crist wiþþ swillke lakess, To lihhnenn þatt lærede follc, Line 7440 Þatt þurrh dwallkennde lare Tahhtenn & turrndenn lawedd follc To lefenn wrang o Criste. Þeȝȝ gæfenn Crist recless to lac, Forr þatt teȝȝ wolldenn lihhnenn Line 7445

Line 7445 All þatt unnfæle læredd led, Þatt dide menn to trowwenn Þatt nass nohht rihht to brinngenn lac Ne toffrenn ohht till owwþerr, Till Sune, ne till Haliȝ Gast, Line 7450 Acc till þe Faderr ane. Off all þiss laþe læredd follc Þatt we nu mælenn ummbe Wass maȝȝstredwale, an defless þeww, Þatt Arriuss wass nemmnedd. Line 7455 Þeȝȝ brohhtenn Crist off myrre lac, Forr þatt teȝȝ wolldenn lihhnenn All þatt unnfæle læredd led, Þatt dide menn to trowwenn Þatt Jesu Crist nass næfre dæd Line 7460 In ure mennisscnesse. Off all þiss laþe læredd follc Þatt we. . . . . . . . . .de. . . . . . . . . . Þa þreo kingess i peȝȝre þohht Line 7465 O Drihhtin haffdenn bonedd, Þatt he þeȝȝm ȝæfe raþ þatt nahht [col 172] Þurrh Haliȝ Gastess rune, Ȝiff þatt teȝȝ sholldenn oþerr nohht Efft wendenn till Herode. Line 7470 & Godess Gast anndswere hem ȝaff Him sellf & nohht þurh enngell,

Þatt teȝȝ ne sholldenn nohht onȝæn Efft wendenn till Herode, Acc farenn ham till here land Line 7475 All wiþþ summ oþerr weȝȝe. All þiss hem seȝȝde Godess Gast O bedde þer þeȝȝ slepptenn, Forr þatt he wollde þurrh þatt slep Well mikell þing bitacnenn. Line 7480 Itt tacneþþ uss þatt alle þa Sinndenn Drihhtin full cweme, Þatt slæpenn fra þe weorrldess lusst & wakenn aȝȝ wiþþ Criste. & tatt ta kingess forenn ham Line 7485 All wiþþ an oþerr weȝȝe, Þatt uss bitacneþþ mikell þing, Þatt uss iss ned to follȝhenn. Uss alle birrþ till ure land Wiþþ oþerr weȝȝe wendenn; Line 7490 Ure allre land iss Paradis, Forr þeþenn u¯¯t we comenn. Adam & Éve wærenn don I Paradisess riche, To libbenn a wiþþutenn dæþ, Line 7495 & aȝȝ occ aȝȝ i blisse, Ȝiff þatt þeȝȝ wolldenn Godess word & Godess wille follȝhenn. Acc þeȝȝ forrlurenn Paradys Þurrh þeȝȝre baþre gillte, Line 7500 Þurrh þatt teȝȝ Godess bodeword Forrletenn & forrȝemmdenn.

Þeȝȝ ba forrlurenn Paradis Þurrh laþ unnherrsummnesse; & uss birrþ cumenn efft onnȝæn Line 7505 Þurrh luffsumm herrsummnesse; Forr uss birrþ beon fullherrsumm follc To follȝhenn Godess wille, & swa we muȝhenn cumenn efft Onnȝæn wiþþ oþerr weȝȝe. Line 7510 Þeȝȝ ba forrlurenn Paradys Þurrh sinnfull grediȝnesse; & uss birrþ weorelldþingess lusst Forrbuȝhenn & forrwerrpenn, & uss birrþ follȝhenn mett & mæþ Line 7515 I claþess & i fode, Forr swa to cumenn efft onnȝæn Till Paradisess riche Wiþþ all an oþerr kinness lif, Þatt iss, wiþþ oþerr weȝȝe. Line 7520 Þeȝȝ ba forrlurenn Paradys Þurrh hefiȝ modinesse; & uss birrþ follȝhenn soþ meocleȝȝc Wiþþ bodiȝ & wiþþ herrte. Uss birrþ lætenn unnorneliȝ Line 7525 & litell off uss sellfenn, & lætenn wel off oþre menn, & lutenn hemm & lefftenn; & swa we muȝhenn cumenn efft Onnȝæn wiþþ oþerr weȝȝe Line 7530 Till ure land i Paradys, Þurrh soþ meocnessess lade.

Þeȝȝ ba forrlurenn Paradys [col 173] Þurrh sinnfull gluterrnesse, & tu þurrh mæþ i mete & drinnch Line 7535 Mihht winnenn efft tatt illke; Forr mikell mihhte itt hellpenn uss To winnenn heoffness blisse, Ȝiff þatt we wolldenn tăkenn aȝȝ Unnorne fode & litell, Line 7540 & ȝiff we wolldenn shunenn aȝȝ To fillenn uss wiþþ esstess; Forr swa we mihhtenn follȝhenn Crist & hise Leorninngcnihhtess, Þatt tokenn aȝȝ wiþþ mikell mæþ Line 7545 & aȝȝ unnorne fode. All þuss we muȝhenn cumenn efft Till Paradysess riche Wiþþ oþerr weȝȝe, ȝiff þatt we All affterr ure mihhte Line 7550 Aȝȝ follȝhenn Godess bodeword & aȝȝ forrbuȝhen sinne, Onnȝæn þatt ta twa firrste menn Ne wolldenn nowwþerr haldenn, Ne follȝhenn Godess bodeword, Line 7555 Ne ȝemenn hemm fra sinne. Þa kingess alle forenn ham, & come þeȝȝ na mare Till þatt unnfæle Herode king; Forr þatt itt shollde tacnenn Line 7560

Line 7560 Þatt whase wile borrȝenn beon & brukenn eche blisse, Himm birrþ all þwerrt u¯¯t wurrþenn shadd Fra deofell & fra sinne. & ure Laferrd Jesu Crist Line 7565 Uss ȝife þurrh hiss are To shædenn uss fra sinne swa, & fra þe deofless wille, Swa þatt we motenn borrȝhenn beon Att ure lifess ende. Line 7570

Amæn;·