23. Assumpcio beate Marie virginis.
S. Tib. fol. 255a2—258. I T Mary.
Of Mari milde now will I mene,
Þat of all heuyns es corond quene [T al.]
And lady of all erth to tell [T al.]
And also Emperise of hell.
Forto bigin now am I boun
Line 5
Of hir haly assumpsioune,
How scho was tane to heuin on hight
And lendes euer in lastand light.
When Jhesus Crist had sufferd payne,
Was resin and went to heuin ogayne:
Line 10
Grete murnig made his moder milde [H murnig, T murn|ing.]
For missing of hir mightful schilde. [T childe.]
Scho and saint John, Cristes cosin dere,
Dwelled in þe temple bath in-fere,
With oþer also of hir kin,
Line 15
& many seke men dwellid þarin.
Scho serued bath to seke and hale
And was ful boun to bete þaire bale,
Wilfuli to wasche and wring [T wilfully.]
And in þaire beddes þam for to bring.
Line 20
And euer scho thinkes euyn and morn
On Jhesus þat was of hir born;
And he sent oft angels hir till
To comfort hir, als was his will.
Saint Jon euer was with her nere
Line 25
And zemid hir als his moder dere —
For of hir had he tane kepeing,
When Crist opon þe rode gan hing.
Þarfor to hir he toke entent [T þarfore.]
And with hir was, ware so scho went.
Line 30
And when þe daies war broght till ende
Þat Mari of þis werld suld wende:
Crist sent hir angels doun fra heuyn, [H angels (T?) st. an angel.]
Þat till hir said with milde steuyn:
"Mari mild, now mak gude chere!
Line 35
I am þi suns awin messangere,
Fra heuyn þus am I cumen to þe.
My lord gretes þe wele by me,
