King Horn; a Middle-English romance, edited from the manuscripts by Joseph Hall.

MS. Laud, Misc. 108. Bodleian Library, Oxford.

Alle ben he bliþe [folio 219b:1] Þat to me wilen liþe A song ich wille you singe of morye þe kinge Line 4 King he was bi westen Wel þat hise dayes lesten And godild hise gode quene Feyrer non micte bene Line 8 Here sone hauede to name horn Feyrer child ne micte ben born Ne reyn ne micte upon reyne Ne no sonne by schine Line 12 Fayrer child þanne he was Brict so euere any glas Whit so any lili flour So rose red was hys colur Line 16 He was fayr and eke bold [folio 219b:2] And of fiftene winter hold Was noman him yliche Bi none kinges riche Line 20 Xij. feren he hadde Þat he mid him ladde And alle rich kinges sones And alle swiþe fayre gomes Line 24 Mid hym forto pleye But mest he louede tueye Þat on was hoten ayol child And þat oþer fokenild Line 28

Line 28 Ayol was þe beste And fokenild þe werste

Hit was in one someres day Also ich nou tellen may Line 32 Þat morye þe gode kinge [morye] moye MS.] Rod on his pleyhinge Bi þe se syde Þer he was woned to ryde Line 36 With him riden bote tvo Al to fewe ware þo He fond bi þe stronde [stronde] r above line MS.] Ariued on his londe Line 40 Schipes ·xv· Of sarazines kene He acsede wat he sowte Oþer to londe broucte Line 44 A peynym it yherde And sone answerede Þi lond folc we wilen slon And al þat god leuet on Line 48 And þe we solen sone anon Sald þou neuere henne gon Þe king licte adoun of his stede For þo he hauede nede Line 52 And hise gode knictes ·ii· But ywis hem was ful wo Swerdes þe gonne gripe And to gydere smyte Line 56 He fouten an onder selde Some of hem he felde He weren al to fewe Ayen so fele srewe Line 60 Sone micten alle þe [þe] þ with an erasure of one letter MS.] Bringen þre deye [folio 220a:1] Þe paynimes comen to londe And nomen hyt al to honde Line 64 Cherches he gonnen felle And folc he gonne quelle Þer ne micte libbe Þe fremde ne þe sibbe Line 68 Bote he here ley forsoken And to here token

Of alle wimmenne Verst was godyld onne Line 72 For mory he wep sore [mory] moy MS.] And for horn wel more Godild hauede so michel sore Micte no wimman habbe more Line 76 Þe vente hout of halle Fram hire maydenes alle In to a roche of stone Þar he wonede allone Line 80 Þer he seruede god Ayenes þe houndes forbod Þer he seruede criste Þat paynimes ne wiste Line 84 And euere bed for horn child Þat ihesu crist him were mild Horn was in peynims honde Mid his feren of þe londe Line 88 Miche was his fayrhede So ihesu him hauede made Þo hundes wolde slon And some him wolde flon Line 92 Ȝif hornes fayrede nere Þe child yslawe ware

Uan bi spek him amyraud Of wordes he was swiþe baud Horn þou art swiþe scene Line 97 And follyche swiþe kene Þou art fayr and eke strong Þou art eueneliche long Line 100 Þou scald more wexe In þis fif yere þe nexte Ȝif þu to liue Mictest go An þine feren al so Line 104 Þat micte so bi falle Þou suldes slen us alle Þe for þou scald to stron go [folio 220a:2] And þine feren also Line 108 To schip ye schulen stonnde An sinken to þe grunde [An] A MS.] Þe se þe sal adrinke Ne sal hit us of þinke Line 112

Line 112 For yf þou come to liue With suerdes or with cniue We sholde alle deye Þi faderes det abeye Line 116 Þe childre yede to stronde Wringende here honde Ofte hauede horn child be wo Bute neuere werse þan þo Line 120 Horn yede in to þe shipes bord [Horn] Horns MS.] Sone at þe firste word And alle hise feren Þat ware him lef and dere Line 124 Þe se bigan to flowen· And horn faste to rowen And here schip swiþe drof Þe children adred þer of Line 128 Þei wenden alle wel ywis Of here lif haued ymis Al þe day and al þe nict Til him sprong þe day lyt Line 132 Til horn bi þe stronde Seth men gon alonde Feren he seyde singe Y telle ȝou a tidinge Line 136 Ych here foules singe And so þe gras him springe [springe] sc̣p ⁱ nge MS.] Bliþe be we oliue Houre schip hys come ryue Line 140 Of schip þe gon fonde An sette fot on grunde Bi þe se side Here schip bigan to glide Line 144 Þanne spek þe child horn [child] chid MS.] In sodenne he was yborn Go nou schip by flode And haue dawes gode Line 148 Softe mote þou stirie No water þe derie

Wanne þou comes to sodenne Gret wel al mi kinne [folio 220b:1] Line 152 And grete wel þe gode Quen godild my moder [godild] c̣godild MS.] And sey þat heþene king Ihesu cristes wiþerling Line 156 Þat ichc lef and dere On londe am riued here And sei þat he shal fonge Þe deth of mine honde Line 160 Þe schip bigan to flete And horn child forto wepe Þe children yede to towne Bi dales and bi downe Line 164

Metten he with aylmer king God him yeue god timing King of westnesse God him yeue blisse Line 168 For he spek to horn child Wordes wel swiþe mild Wenne be ye fayre grome Þat here to londe ben ycome Line 172 Alle ·xiij· Of bodi swiþe schene Bi ihesu þat me made So fayre on ereþ clade Line 176 Ne say neuere stonde In al westnesse londe Sey me wat ye seche Horn spak here speche Line 180 Horn spak for hem alle [Horn] Hor MS.] So hit moste by falle For þat he was fayrest And of witte wisest Line 184 We ben of sodenne Ycomen of godemenne Of cristene blode And of swiþe gode [swiþe] swiịþe MS.] Line 188 Paynims þer were riue [riue] riueḍ MS.] And broucten men of liue

He slowe and to drowe Cristene men hy nowe Line 192 So god me mote rede Vs he deden lede In to salyley Wit þe se to pleye Line 196 Day igo and oþer [folio 220b:2] Wit uten seyl and roþer [roþer] r above the line MS.] And hure schip suemne gan And he to londe it wan Line 200 Nou men us binde Oure honden us bi hinden And yf it be þi wille Help us þat we ne spille [Help] Helps MS.] Line 204 Þo bispac aylmer king Was he neuere nyþing Sey me child wat is þi name Ne schal þe tide bote game Line 208 Þat child him answerede Sone so he hit herde [he om. MS.] Horn hich am hote [Horn] Hor MS.] Ycome out of þe bote Line 212 Fram þe se syde King wel þe bi tyde

Horn child qwad þe king [Horn] Hon MS.] wel brouke þou þi naming Horn him goth snille Line 217 Bi dales an bi hulle And þoruuth eche toune Horn him shilleþ soune Line 220 So shal þi name springe Fram kinge to kinge And þi fayrnesse Þoruout westnesse Line 224 And stregþe of þine honde Þoruouth euerich londe Horn þu art so swete No schal yþe for lete Line 228 Hom rod him aylmer king And wit horn þe sweting

And alle hyse feren Þat weren lef and dere Line 232 Þe king com in to halle Among hise knictes alle He bad clepen aybrous Þe heye stiward of his hous Line 236 Stiward haue þou here Horn chil forto lere Of þine mestere Of wode and of felde Line 240 To riden wel wit shelde Tech him of þe harpe [folio 221a:1] Wit his nayles sharpe Biforn me forto harpen Line 244 And of þe cuppe seruen And of alle þe listes Þat þou on erþe vistes His feren deuise Line 248 Of oþer seruise

Horn child þou vnder fonge Tech him of harpe and songe And aylbrous gan leren [Before leren ḥịṃ MS.] Line 252 Horn and hise feren Horn in herte laucte Al þat men him taucte Wit hinne þe curt and wit oute And alle veie aboute Line 257 Men loueden alle horn child And mest him louede rimenild Þe kinge owne douter Line 260 He was euere in þoute So hye louede horn child Þat hye wex al wild Hye ne micte on borde Line 264 Wit horn speken no worde Noþer in þe halle Among þe knictes alle [kinctes MS.]

Ne nower in no stede Line 268 For folc þer was so meche [For] For for MS.] Hire sorwe and hire pyne Nolde he neuere fine Bi day ne bi nicte Line 272 Wit him speke ne micte In herte hye haue kare and wo Þus he hire bi þoucte þo He sende hire sonde Line 276 Aylbrous to honde And be he schold hire comen to [After be, erasure of one or two letters, perhaps bed.] And also scholde horn do In to hire boure Line 280 For hye gan to loure And ysoude seyde Wel riche was þe mede And bed him comen swiþe Line 284 For hye nas naut bliþ Þe stiward was in herte wo He ne wiste wat he micte do [folio 221a:2] Wat reymnyld wroute Line 288 Mikel wonder him þoute Abote horn þe ȝenge To boure forto bringe He þoucte on his mode Line 292 Hit nas for none gode He tok wit him anoþer Þat was hornes wed broþer Ayol he seyde ryt anon Line 296 Þou shalt wit me to boure gon To speke wit reymyld stille And witen al hire wille In hornes ylyche Line 300 Þou schalt hire bi swike Wel sore y me of drede Þat hye wile horn mis rede [hye] y corr. out of o.]

Aylbrous and ayol him myde Line 304 Boþe he to boure ȝede Opon ayol childe Reymyld was naut wilde Hye wende horn hit were Line 308 Þat hye hadde þere Hye sette him on bedde With ayol he gan wedde In hire armes tweye Line 312 Ayol he gan leye Horn hye seyde so longe Ich habbe y loued þe stronge Þou schalt me treuþe plyȝte Line 316 In mine honde wel ryhcte Me to spouse welde And ich þe louerd to helde And seyde in hire here Line 320 So stille so it were Ne tel þou more speche [tel] te MS.] Sum man þe wile bi keche Þi tale bi gyn to lynne Line 324 For horn nis nouth her inne Horn his fayr and riche Be we naut yliche Fayror honder ribbe Line 328 Þan ony man þat libbe Þei horn were honder molde Oþer elles qwere e wolde Hanne ouer a þousond mile [folio 221b:1] Ne schulde ich him bigile Line 333 Reymyld hire bi wende Þe stiward sone he schende Aylbrous þu foule þef Line 336 Ne worstu me neuere lef Wend out of mi boure Wyt michel mesauenture Heuele ded mote þou fonge Line 340 And on heuele rode onhonge Spak ich nou with horn His he nowt me biforn

He his fayror of liue Line 344 Wend out henne bilyue Þo aylbrous a stounde On kneus fel to grunde A leuedy min howe Line 348 Lyþe a litel þrowe To bringe þe horn to honde Horn hys fayr and riche His no man hys liche Line 352 And aylmer þe gode king Dede him in Mi loking Ȝyf horn þe were aboute Wel fore ich me doute Line 356 Þat ye schulden pleye Bitwen hou one tweye Þan scholde wit outen oþe Þe king hus maken wroþe Line 360 For ȝyf me þi tene My leuedi and my quene And horn ich wolle feche Wam so hit euere reche Line 364 Reymyld ȝyf hye cowþe Gan leyhe wyt hire mouþe Hye lowe and makede blyþe Wel was hire swiþe Line 368 Go hye seyde sone And bring him after none In a squieres wise Wan þe king aryse Line 372 He wende forþ to horne [Hẹ ẉẹṇḍẹ fọṛþ MS.] Ne wolde sche him werne He schal mid me bi leue Til hyt be ner heue [folio 221b:2] Line 376 Had ich of hym my wille Ne reche y wat men telle Aylbrous fram boure wende Horn in halle he fonde Line 380

Line 380 Bi forn þe king abenche Red win to schenche And after mete stale Boþe win and ale Line 384 Horn he seyde so hende To boure þo most wende After mete stille [After stille ẉịṭ MS.] With reymild to dwelle Line 388 Wordes swiþe bolde In herte gon þu holde Horn be me wel trewe [Hor MS.] Ne schal it þe nouth rewe Line 392

Horn him wende forþricte To reymyld þe brycte Hon kneus he him sette And rimyld fayre grette Line 396 Of þat fayre wihcte Al þe halle gan licte He spak fayre speche Ne þar him no ma teche Line 400 Wel þou sitte and softe Reymyld kinges douter With þine maydnes syxe Þat sittet þe nexte Line 404 Þe kinges stiward and houre [knges MS] Sente me to boure With þe hy speke schulde Sey me wat þou wolde Line 408 Sey and ich schal here Wat þi wille were Reymild up gan stonde And tok him biþe honde Line 412 Sette he him on palle Wyn hye dide fulle Makede fayre chere And tok him by þe swere Line 416 Often hye him kiste So wel hire luste Wel come horn hye seyde So fayr so god þe makede Line 420

Line 420 An heue and amorwe [folio 222a:1] For þe ich habbe sorwe [habbe] halbe MS.] Haue ich none reste Slepe me ne liste Line 424 Leste me þis sorwe Lyue hy nawt to morwe Horn þou schalt wel swiþe My longe sorwe liþe Line 428 Þou schalt wit uten striue Habben me to wiue Horn haue on me rewþe And plyct þou me þi trewþe Line 432 Horn child him bi þoute Wat he speke myȝte God qwad horn þe wisse And ȝyue þe ioye and bliffe [þe] þ MS. Before bliffe ḅịḷḷ MS.] Line 436 Of þine hosebonde Whare he be in londe Ich am hy bore to lowe Such a wyf to owe Line 440 Ich am bore þralle And fundlinge am bi falle Ich am nawt of kende Þe to spouse welde Line 444 Hit were no fayr wedding Bituene a þral and þe king Reymyld gan to mys lyke And sore forto syke [And] d above line.] Line 448 Armes hye nam boþe And doune he fel yswowe Horn hire ofte wende [Hor MS.] And in hys armes trende Line 452 Lemman qwat he dere Þin herte gyn þou to stere And help þou me to knicte [helþ] heþ MS.] Oppe þine myȝte Line 456 To my louerd þe kinge Þat he me ȝyue dobbinge

And þanne hys my þralhede Yterned in knyt hede Line 460 And þenne hy schal wite more And don after þi lore Þo reymyl þe ȝenge Com of hire swohinge Line 464 And seyde horn wel ricte Þou art so fayr and briycte [folio 222a:2] Þou schalt worþe to knyte Hyt comez sone nyȝte Line 468 Nym þou here þis coppe [Nym] y corr. out of e.] And þis ryng þer oppe And beryt houre styward And bid helde foreward Line 472 Bid hym for þe falle To kinges fot in halle Þat he dubbe þe to knicte Wyt hys swerde so bricte Line 476 Wyt siluer and wit golde Hyt worþ him wel hyȝolde

Horn god lene þe wel spede Þi herdne forto bede Line 480 Horn tok hys leue For it was ney eue Aylbrous he sowte And tok him þat he browte Line 484 He talede to him þere [þere] the first e corr. out of o MS.] Hou he hauede hy fare He telde him of his nede And bihet him his mede Line 488 Aylbrous wel bliþe To halle he ȝede wel swiþe And sette him on kneuling And grette wel þe king Line 492

Line 492 Syre he seyde wiltu luste Ane tale wit þe beste Þou schalt bere corune In þis hulke toune Line 496 To morwe worþe þi festes Me by houed gestes Ich þe wolde rede ate lest Þat þou horn knict makedest Line 500 Þi armes to him welde God knict he schal ben helde Þe king seyde sone Þat hys wel to done Line 504 Horn me wole ben queme To be knict him by seme He schal habbe my dubbing And be my nowne derling Line 508 And his feren ·xij Ich schal dobbe My selue Alle ich hem schal knicte [folio 222b:1] Bi for me to fyte Line 512 Amorwe her þe dey spronge

Aylmer king þoute wel longe Þe day by gan to springe Horn cam bi forn þe kinge Line 516 Wit swerde horn he girde [girde] d corr. out of t MS.] [In the margin opposite ore est horn adobbe.] Rit honder hys herte [In the margin opposite ore est horn adobbe.] He sette him on stede Red so any glede Line 520 And sette on his fotes Boþe spores and botes And smot alitel with And bed him ben god knict Line 524 Ayol fel on knes þere By forn þe king aylmere And seyde king so kene Graunte me my bene [Before my ḅ MS.] Line 528

Line 528 Þou haft knicted sire horn Þat in sodenne was hy born Louerd he hys in londe Of vs þat bi him stonde Line 532 Mid spere and wit scelde To fyten in þe felde Let him of alle knicte So hyt hys hise ricte Line 536 Þo seyde þe king wel sone wis Do horn as hys wil hys Horn a down gan lycte And makede hem to knicte Line 540 Comen were þe gestes Amorwe was þe feste Reymyld was nowt þere Hire þoute seue yere Line 544 After horn hye sende Horn to boure wende [Horn] Hor MS.] He nam his felawe in hys honde And fonde Reymyld in boure stonde Welcome art þou sire horn Line 549 And ayol chil þe bi forn Knict nou it his tyme Þat þo sitte by me Line 552 Yf þou be trewe of dedes Do þat þou aire seydes Do nou þat we speke To wif þou schalt me take [folio 222b:2] Reymyld qwat horn be stille Line 557 Hy schal don al þi wille Hat first hyt mote by tyde Mid spere þat ich ride Line 560 Mi knicthede for to proue Herft here ich þe wowe

We beþ knictes yonge Alto day by spronge Line 564 Of þe mestere Hyt hys þe manere Wyt som oþer knicte For hys leman to fycte Line 568 Her ich eny wif take Þer fore ne haue ich þe forsake To day so god me blisse [blisse] bịlisse MS.] Ich sal do pruesce Line 572 For þe lef wyt schelde In mideward þe felde And hy come to liue Ich take þe wiue Line 576 Knict qwat reymyl þe trewe Yich wene ich may þe leue Haue nou here þis gold ring [þis] s above line MS.] He his god to þi dobbing Line 580 Ne hys non swilk vnder sonne Þat man may offe konne Hy graue hys on þe Ringe Rymyld þi lef þe yenge Line 584 Þe ston him hys of swiche grace Þat þou ne schal in none place Of none doute fayle Þer þou biginnes batayle Line 588 And sire ayol þi broþer He sal haue a noþer [Before sal ịṣ MS.] Horn god hy þe bi teche [Before teche ṭạḳẹ MS.] Wit morninde speche Line 592 God þe ȝyeue god endynge An hol þe aȝen bringe Þe knict hyre gan to kusse And reymyld him blisse Line 596

Line 596 Leue at hire he nom And in to halle com Þe knictes ȝyede to table And horn in to stable Line 600 He tok forþ his gode fole [folio 223a:1] So blac so eny cole In armes he him schredde And hys fole he fedde Line 604 Hys fole schok hys brenye Þat al þe court gan denye Hys fole gan forþ springe [sc̣þ ⁱ nge MS.] And horn merie to synge [After horn ị MS.] Line 608 He rod one wile Wel more þan a mile He sey a schip rowe Mid water alby flowe [sarazine] sararine MS.] Line 612 Of out londisse manne Of sarazine kenne [water] wat MS.] Hem askede qwat he hadde Oþer to londe ladde Line 616 A geant him gan by holde And spek wordes bolde Þis lond we wile winne And slen al þat þer ben hinne Line 620 Horn gan hys swerd gripe And on his arm hyt wipe Þe sarazin so he smot Þat al hys blod was hot Line 624 At þe furste dunte Hys heued of gan wente Þo gonnen þo hundes gon Aȝenes horn alon Line 628 He lokede on hys gode ringe And þoute on reymild þe yenge He slow þer on haste An hundred at þe leste Line 632 Of þat þer were aryue [þer] þe MS.] Fewe he leuede on liue

Þe meyster kinges heued He haddit him by reued Line 636 He settit on hys swerde Anoven on þe horde Til he com to halle Among þe knictes alle Line 640 He seyde king wel mote þou sitte An þine knictes mitte Þer y rod on my pleying Sone hafter my dobbing Line 644 Y say a schip rowe Mid watere al by flowe [folio 223a:2] Of none londische menne [Of] Off MS.] Bote sarazines kenne Line 648 To deye for to pyne Þe and alle þine He gonnen me a saylen My swerd me ne wolde fayle Line 652 Ich broute hem alto grunde In one lite stounde Þe heued ich þe bringe Of þe meyster kinge Line 656 Nou ich haue þe yolde Þat þu me knicten wolde

Þe day bi gan to springe þe king rod on huntingge Line 660 To wode he gan wende For to latchen þe heynde Wyt hym rod fokenild Þat alþe werste moder child Line 664 And horn wente in to boure To sen auenture He fond Reymild sittende Sore wepende Line 668 Whit so eny sonne Wit teres albi ronne He seyde lemman þin ore Wy wepes þou so sore Line 672

Line 672 Hye seyde ich nawt ne wepe Bote ich schal her ich slepe Me þoute in my metynge Þat ich rod on fischinge Line 676 To se my net ich keste Ne Mict ich nowt lache A gret fys ate furste Mi net he makede berste Line 680 Þe fys me so by laucte [Before fys f̣ịṣ MS.] Þat ich nawt ne kaucte Ich wene ich schal forlese Þe fys þat ich wolde chese Line 684 God and seynte steuene Quad horn terne þi sweuene Ne shal ich neuere swike Ne do þat þe mis like Line 688 Ich nime þe to my nowe To habben and to howe For euerich wyȝte [folio 223b:1] Þarto my treuwþe ich plicte Line 692 Miche was þat rewþe Þat was at here trewþe Reymyld weþ wel stille [weþ omit. MS.] And horn let teres spille Line 696 He seyde lemman dere Þou schalt more here Þy sweuene ich schal schende Þe fis þat brac þi seyne Line 700 Hy wis hyt was som bleine Þat schal us do som tene Hy wis hyt worþ hy sene Þe king rod bi his toure Line 704 And horn was in þe boure Fykenyld hadde envie An seyde hise folye [In the margin hic accusatur horn.] Aylmere king ich wole warne Line 708 Horn chil þe wile berne Ich herde qware he seyde And hys swerd leyde To bringe þe of liue Line 712 And take rimenyld to wiue

Nou he hys in boure Al honder couerture By reymyld þi douter Line 716 And so he hys wel ofte Ich rede þat þu wende Þer þou myct him schende Do him out of þi londe Line 720 Her he do more schonde [he omit. MS.] Aylmer king hym gan torne Vel mody and wel Mourne To boure he gan ȝerne Line 724 Durst hym noman werne He fond horn wit arme In rimenyldes barme Henne out qwad aylmer king Line 728 Henne þou foule wendling Out of boure flore Fram reymyld þi hore Sone bote þe flette Line 732 Wit swerd hy wole þe hette Hout of londe sone Here hauest þou nowt to done Horn cam in to stable [folio 223b:2] Wel modi for þe fable Line 737 He sette sadel on stede With armes he hym gan schrede Hys brenye he gan lace Line 740 So he scholde in to place Þo hyt þer to gan ten Ne durst him noman sen [him] hīṛẹ MS.] Swerd he gan fonge Line 744 Ne stod he nowt to longe And ȝyede forþ ricte To reymyld þe bricte He seyde leman dereling Line 748 Now hauestu þi meting Þe fys þi net to rente Fram þe he me sente

Þe king gynneþ wiht me striue Line 752 Awey he wole me driue Reymyld haue god day For nov ich founde awey In to onekuþ londe Line 756 Wel more forto fonde Ich schal wony þere Fulle seve ȝere Ate ·vii ȝeres hende Line 760 Bot ȝyf hy come oþer sende Tac þou hosebonde For me þat þou wonde I armes þou me fonge Line 764 An kusse swiþe longe He kusten one stunde And reymyld fel to grunde Horn tok his leue Line 768 For hyt was ney heue He nam ayol trewe fere Al aboute þe swere And seyt knict so trewe Line 772 Kep Mi leue wiue So þou me neuere forsoke Reymyl kep and loke

Horn gan stede by stride Line 776 And forþ he gan ride Ayol wep wit heye And alle þat hym seye Horn chil forþ hym ferde Line 780 A god schip he him herde [folio 224a:1] Þat hym scholde wisse Out of westnisse Þe whyȝt him gan stonde Line 784 And drof tyl hirelonde To londe he gan flette [flette] f above the line, l corrected out of s MS.] And out of schip him sette He mette by þe weye Line 788 Kingges sones tweye Þat on was hoten ayld And þat oþer byrild

Byrild him gan preye Line 792 Þat he scholde seye Wat hys name were And qwat he wolde þere Cuberd he seyde ich hote Line 796 Comen fram þe bote Fer fram bi weste To chesen mine beste Byryld him gan ryde Line 800 And tok hym by þe bridel Wel be þou knict here founde Whyt me bileuest a stounde So ich ne mote sterue Line 804 Þe kyng þou schal serue Ne sey ich neuere on lyue So fayr knyt aryue Cubert he ledde to halle Line 808 And a doun gan falle He sette hym on knewlyng And grette wel þe gode king Þo seyde byrild wel sone Line 812 Whit hym þou hauez to done [þou omit. MS. hauez] z above line MS.] Tak hym þi lond to werye Ne schal hym noman derye He hys þe fayreste man Line 816 Þat euere in þis londe cam Þo seyde þe king so dere Wel come be he here Go nov byryld swyþe Line 820 An mak him glad and blyþe Wan þou farest awowen Tak hym þine glouen Þer þou hauest Mynt to wyue Line 824 Awey he schal þe dryue Hyt was at cristemesse [folio 224a:2] Naþer more ne lesse Þe king hym makede a feste Line 828 Wyt hyse knyctes beste

Þer com ate none A geaunt swiþe sone Armed of paynime [armed might be read ariued.] Line 832 And seyde in hys rime Syte knytes by þe king And lusteþ to my tydyng Here beþ paynyms a ryued Line 836 Wel mo þanne fyue By þe se stronde Kyng on þine londe One þer of wille ich fyȝte Line 840 Aȝen þi þre knyctes Ȝyf þat houre felle þyne þre Al þis lond schal vre be Ȝyf þyne þre fellen houre Line 844 Al þys lond þanne be ȝyure To morwe schal be þe fyȝtyng At þe sonne op rysyng Þo seyde þe king þurston Line 848 Cubert he schal be þat on Ayld chyld þat oþer Þe þrydde byryld hyse broþer Hye þre beþ þe strengeste Line 852 And in armes þe beste At wat schal do to rede Ich wene we ben alle dede Cubert set on borde Line 856 And seyde þis worde Syre king hyt nis no ryȝcte [After Syre kyre MS. nis omit. MS.] On wiþ þre to fyȝcte Ac wille ich alone Line 860 With outen mannes mone Mid my swerd wel heþe Bringen hem alle to deþe Þe kyng ros a morwe Line 864 And hadde meche sorwe

Cubert ros of bedde Wyt armes he hym schredde Hys brenye on he caste [he] ke MS.] Line 868 Lacede hyt wel faste He cam bi forn þe gode king [He] Ke MS.] At hyse op rysyng [folio 224b:1] He seyde king com to felde Line 872 Me for to byhelde Hou we scholen fyȝte And to gydere hus dyȝcte Ryȝt at prime tyde Line 876 He gonne hem out ryde He founden in a grene A geant swyþe kene Armed with swerd by side Line 880 Þe day for to abyde Cubert him gan asayle Wolde he nawt fayle He keyte duntes ynowe Line 884 Þe geant fel hy swowe Hys feren gonnen hem wyt drawe Þo here mayster wa slawe He seyden knyct þo reste [After reste þ̣ẹ MS.] Line 888 A wile ȝyf þe luste We neuere ne hente Of man so harde dunte [After man ṇẹṣ ḥọṇḍẹ MS.] Bute of þe king Mory Line 892 Þat was so swyþe stordy He was of hornes kinne We slowe hym in sodenne Cuberd gan a grise Line 896 And hys blod a ryse By for hym he sey stonde Þat drof hym out of londe And hys fader aquelde Line 900 He smot hym honder schelde He lokede on hys gode ringe [After hys c̣ọ MS.] And þoute on reymyld þe ȝonge Myd gode dunt ate furste Line 904 He smot hym to þe herte

Þe hondes gonnen at erne In to þe schypes sterne To schip he wolden ȝerne Line 908 And cubert hem gan werne And seyde kyng so þou haue reste Clep nou forþ ofe þi beste And sle we þyse hounden Line 912 Here we henne founden Þe houndes hye of laucte An strokes hye þere kaute [strokes] r above the line MS.] Faste aȝen hye stode [folio 224b:2] Line 916 Aȝen duntes gode Help nawht here wonder Cubert hem broute al honder He schedde of here blode [After here ḅọ MS.] Line 920 And makede hem al wode To deþe he hem browte Hys fader deþ he bowten Of al þe kinges rowe Line 924 Þer nas Bute fewe slawe [After nas ṇọṇ ḥỵ MS. Bute] te above line MS.] Bote hys sones tweye By fore he sey deye Þe king bi gan to grete Line 928 And teres for to lete Men leyden hem on bere And ledde hem wel þere

In to holy kyrke Line 932 So man scholde werke

Þe king cam hom to halle Among þe kniyctes alle Do cubert he seyde Line 936 As ich þe wolle rede Dede beþ myn heyres And þou þe boneyres And of grete strengþe Line 940 Swete and fayr of lengþe Mi reaume þou schalt helde And to spuse welde Hermenyl my douter Line 944 Þat syt in boure softe He seyde king wit wronge Scholde ich hire honder fonge Þing þat þou me bede Line 948 And þy reaume lede At more ich wile þe serue And fro sorwe þe berwe Þy sorwe hyt schal wende Line 952 Her þis seue ȝeres hende And wanne he beþ wente Kyng ȝyf þou me my rente [ȝyf] ȝys MS.] Wan ich þi douter herne Line 956 Ne schalt þou hire me werne

Horn child wonede þere Fulle sixe yere Þe seuenþe þat cam þe nexte Line 960 After þe sexte [folio 225a:1] [After sexte ỵẹṛes ḥẹṇḍẹ MS.]

To Reymyld he ne wende Ne to hyre sende Reymyld was in westnesse Line 964 Myd michel sorwenesse A kyng þer was aryuede Þat wolde hyre habbe to wyue At sone ware þe kynges Line 968 Of hyre weddinges Þe dawes weren schorte And reymyld ne dorste Lette in none wise Line 972 A writ he dede deuise Ayol hyt dide write Þat horn ne louede nawt lite And to eueryche londe Line 976 For horn hym was so longe After horn þe knycte For þat he ne Myȝte Horn þer of ne þoute Line 980 Tyl on a day þat he ferde To wode for to seche A page he gan mete He seyde leue fere Line 984 Wat sekest þou here Knyt feyr of felle Qwat þe page y wole þe telle Ich seke fram westnesse Line 988 Horn knyt of estnesse For þe mayde reymyld Þat for hym ney waxeþ wild A kyng hire schal wedde Line 992 A soneday to bedde Kyng mody of reny Þat was hornes enemy Ich haue walked wide Line 996 By þe se syde Ich neuere myȝt of reche Whit no londisse speche

Nis he nower founde Line 1000 A weylawey þe stounde Reymyld worþ by gile Weylawey þe wile Horn hyt herde with eren Line 1004 And wep with blody teren So wel þe grom by tide [folio 225a:2] Horn stant by þy syde Aȝen to reymyld turne Line 1008 And sey þat he ne morne Ich schal ben þer by tyime A soneday by prime Þe page was blyþe Line 1012 And schepede wel swyþe Þe se hym gan to drenche Reymyld hyt Myȝt of þinche Þe se hym gan op þrowe Line 1016 Honder hire boures wowe Reymyld gan dore vn pynne Of boure þat he was ynne And lokede forþ riȝcte Line 1020 After horn þe knyte Þo fond hye hire sonde Drenched by þe stronde Þat scholde horn bringe Line 1024 Hyre fingres hye gan wringe Horn cam to þurston þe kinge And telde hym hys tydinge So he was by cnowe Line 1028 Þat reymyld was his owe

He seyde kyng so wise Ȝeld me my seruyse Reymyld me help to winne Line 1032 Þat þou ith nowt ne lynne And hy schal to house Þy douter do wel spuse He schal to spouse haue Line 1036 Ayol My trewe felawe He hys knyt wyt þe beste And on of þe treweste Þo seyde þe kyng so stille Line 1040 Horn do þine wille

Horn sente hys sonde In to eueryche londe After men to fyȝte Line 1044 Hyrische men so wyȝte To hym were come hy nowe Þat in to schipe drowe Horn tok hys preye Line 1048 And dude him in hys weye [hī in added in the margin MS.] Here scyp gan forþ seyle [forþ] r inserted under line MS.] Þe wynd hym nolde fayle [folio 225b:1] He striken seyl of maste Line 1052 And anker he gonne kaste Þe soneday was hy spronge [spronge] sp with erasure of two letters following MS.] And þe messe hy songe Of reymylde þe ȝonge Line 1056 And of mody þe kinge And horn was in watere Myȝt he come no latere He let scyp stonde Line 1060 And ȝede hym op to londe Hys folc he dide abyde Honder þe wode syde He wende forþ alone Line 1064 So he were spronge of stone

A palmere he mette Wyt worde he hym grette Palmere þou schalt me telle Line 1068 He seyde on þine spelle So brouke þou þi croune Wi comest þou fram toune Þe palmere seyde on hys tale Line 1072 Hy com fram on bridale Ich com fram brode hylde Of Mayden reymylde Fram honder chyrche wowe Line 1076 Þe gan louerd owe Ne miyȝte hye hyt dreye Þat hye wep wyt eye He seyde þat hye nolde Line 1080 Be spoused Myd golde Hye hadde hosebonde Þey he nere nawt in londe Mody Myd strencþe hyre hadde And in to toure ladde Line 1085 In to a stronge halle Whit inne kastel walle Þer ich was attegate Line 1088 Moste ich nawt in rake Awey ich gan glyde Þe deþ ich nolde abyde Þer worþ a rewlich dole Line 1092 Þer þe bryd wepeþ sore Palmere qwad horn so god me rede Ich and þou willen chaungen wede Tac þou me þi sclauyne [folio 225b:2] And haue þou cloþes myne Line 1097 To day ich schal þere drynke Som man hyt schal of þinke Þe sclavyn he gan doun legge Line 1100 And horn hyt dide on rigge Þe palmere tok hys cloþes Þat ne weren hym nowt loþe Line 1103

Horn toc burdoun and scrippe And gan wringe hys lippe

He makede a foul chere And kewede hys swere He cam to þe gateward Line 1108 Þat hym answered hard He bed ondo wel softe Fele syþe and ofte Myȝte he nowt wynne Line 1112 For to come þer inne [þer] r above the line MS.] Horn gan to þe yate turne And þe wyket op spurne Þe porter hyt scholde abygge Line 1116 He pugde hym ofer þe brigge Þat hys ribbes gonnen krake And horn gan in to halle rake He sette hym wel lowe Line 1120 In beggeres rowe He loked al aboute Mid hys kelwe snowte He sey Reymyld sytte Line 1124 Al so hy were of witte Wyt droupnynde chere Þat was hys lemman dere He lokede in eche halke Line 1128 Sey he nowere stalke Ayol hys trewe felawe Þat trewe was and ful of lawe Ayol was op in toure Line 1132 Aboute for to poure After hornes cominge Ȝyf water hym wolde bringe Þe se he sey flowe Line 1136 And horn nower rowe He seyde in hys songe Horn þou art to longe Reymyld þou me by toke Line 1140 Þat ich hyre scholde loke [folio 226a:1]

Ich haue hire yloked euere And þou ne comest neuere Reymyld ros of benche Line 1144 Þe knyȝtes for to schenche An horn hye ber on honde As hyt was lawe of londe Hye drank of þe bere Line 1148 To knyt and to squiere And horn set on þe grunde Hym þoute he was bounde He seyde quen so hende Line 1152 To meward gyn þou wende Schenk hus Myd þe furste Þe beggeres beþ of þerste Þe horn hye leyde a doune Line 1156 And fulde hem of þe broune A bolle of one galun Hye wende hye were a glotoun [were corr. out of iaere MS.] Nym þou þe coppe Line 1160 And drinkyt al oppe Sey ich neuere ich wene Beggere so bold and kene Horn tok þe coppe hys fere Line 1164 And seyde quen so dere No drynk nel ich bite Bote of one coppe wite Þou wenst ich be a beggere Line 1168 For gode ich am a fyȝssere Hy come fram by weste To syȝen an þi feste My net hys ney honde Line 1172 In a wel fayr ponde Hyt hat hy be here Al þis seue ȝere

Hyc am hy come to loke Line 1176 Ȝif any he toke Ȝyf any fyȝs hys þerynne Þer of þou winne Ich am hy come to fyȝsse Line 1180 Drink to me of þy disse Drynk to horn of horn For ich habbe hy ȝouren Reymyld hym gan by holde Line 1184 And hyre herte to kolde Neyȝ he nowt hys fyssyng [folio 226a:2] Ne hym selue no þyng Wonder hyre gan þynke Line 1188 Wy he hyre bed drynke He fulde horn þe wyn And dronk to þe pylegrim Palmere þou drinke þy fulle Line 1192 And syþe þou schalt telle Ȝyf þou horn awt seye Honder wode leye

Horn drank of horn a stounde and þrew hys ryng to þe grounde [hys] s above line MS. þe] e above line MS.] Line 1197 He seyde quen nou seche Qwat hys in þy drenche Reymild ȝede to boure Line 1200 Wyt hyre maydenes foure He fond þat he wolde A ryng hy grauen of golde Þat horn of hyre hadde Line 1204 Wel sore hyre of dradde Þat horn child ded were For þe ryng was þere Þo sende hye a damysele Line 1208 Adoun after þe palmere Palmere hye seyde so trewe Þe ryng þou here þrewe Sey war þou ith nome Line 1212 And hyder wi þou come He seyde by seynt gyle Ich aue hy go mani amyle

Wel fer her by weste Line 1216 To seche my beste My mete for to bidde So hyt me by tidde Þat fond ich horn child stonde To scyppeward on stronde Line 1221 He seyde he wolde agesce To ryuen in westnesse Þat scyp hym ȝede to flode Line 1224 Myd me and horn þe gode Horn was sech and ded And for his loue me bed To schipe with me þe ring Line 1228 To Reymyld quene þe ȝeng Ofte he me kuste God ȝyue hys soule reste [folio 226b:1] Reymyld seyde ate ferste Line 1232 Herte nou to berste Horn ne worþ me na more For wam hy pyne sore Hye fel adoun on þe bed Line 1236 Þer hye hauede knyues leyd To slen hire louerd loþe And hyre selue boþe In þat hulke nyȝte [nyȝte omit. MS.] Line 1240 Bote horn come myȝte Knyf to hyre herte hye sette And horn hire gan lette Hys schirt lappe he gan take Line 1244 And wiped awey þat blake Þat was on hys swere And seyde quene so dere Canst þou me nawt knowe Line 1248 Ne am ich al þyn owe Ich am horn of estnesse In þyn armes þou me kusse Hye clepten and hye kuste Line 1252 Þe wile þat hem luste

Reymyld qwad hornich moste wende To þe wodes hende After mine knyȝtes Line 1256 Hyrische men so wyȝte Armed honder cloþe He scholen maken wroþe Þe kyng and hyse gestes Line 1260 Þat sytten atte feste To day we schole hem keche Ryȝt nou ich wolle hem teche

HOrn sprong out of halle Line 1264 Þe sclavyn he let falle And Reymyld wente to toure And fond Ayol lure Ayol be wel blyþe Line 1268 And go to horn swyþe He hys honder wode bowe And Myd hym felawe ynowe Ayol forþ gan springe Line 1272 Wel glad for þat tydyngge Faste after horn he rende Hym þoute hys herte brende Of tok he horn hy wys [folio 226b:2] And kuste hym wit blys Line 1277 He com aȝen wel sone Þe gates weren ondone Hye þat ate feste heten Line 1280 Here lyue he gonnen þer leten And þe kyng mody Hym he made blody And þe king aylmere Line 1284 Þo hauede myche fere

Horn no wonder ne makede Of fykenildef falfede He fworen alle and feyde Line 1288 Þat here non hym by wreyde And ofte he fworen hoþef holde Þat þere non ne fcholde No ware horn by wreyen Line 1292 Þou he to deþe leyen He rongen þe bellen Þe wedding for to fullen Of horn þat was fo hende [horn] hor MS.] Line 1296 And of reymyld þe ȝonge Horn ledde hyre hom wit heyfe To hyre fader paleyfe Þer was brydale fwete Line 1300 Riche men þer hete Tellen ne Myȝte no tonge Þe joye þat þer was fonge

Horn fet on hys cheyere Line 1304 And bed he fcholden alle here He feyde kyng fo longe My tale þou honder ftonde Hy was born in fodenne Line 1308 Kyng waf My fader of kunne Þo me to knyȝte þou ȝoue My knyȝt hede ich haue proued To þe of me men feyde Line 1312 War for þi herte treyde Þou makedeft me to rewe Þo þou bede me fleme Þou wendef þat ich wroute Line 1316 Þat hy neuere ne þoute Wyt Reymyld for ligge Iwys ich hyt wyt figge Ich ne fchal neuere a gynne Line 1320 Er ich fodenne wynne [folio 227a:1] [The guard on f. 226 v has her ich fodẹne wyne.] Kep hire me a ftounde Þe wille ich hennes founde

In to myn heritage Line 1324 Mid myn hirysce page Þat lond ich schal of reche And do my fader wreche Ich schal be kyng of tune [be] ke MS.] Line 1328 And wite of kynges owne [Before owne erasure of one letter, apparently t or s MS.] Þenne schal Reymyld þe ȝonge Lyggen by horn þe kynge Horn gan to schipe ryde [Horn] Hor MS.] Line 1332 And hys knyȝtes bi side Here schip gan to croude Þe wynd hym bleu wel loude Honder fodenne syde Line 1336 Here schip bigan to glide [schiþ] s above line MS.] Abowte myd niȝte Horn hym yede wel ryȝte Nam ayol on hys honde Line 1340 And yeden op hon londe Hye founde honder schelde A knyt liggen in felde Op þe scheld was drawe Line 1344 A crowch of ihesu cristes lawe Þe knyt hy lay on slepe In armes wel y mete [Substituted for Ḥoṛṇ ḥỵṃ g̣ạ̄ ṃ MS.] Horn hym gan take Line 1348 And seyde knyt awake Me þynkeþ by þe crowches lyste [þe] þ corr. out of c MS.] Þat þou leuest on criste Bote þou hyt raþe schewe Line 1352 Wyt Mi swerd ich schal þe hewe Þe gode knyt op a ros [knyt] n above line MS.] Of hornes wordes hym agros

He seyde hy serue ylle Line 1356 Paynyms aȝen My wille Ich was cristene som wyle And þo were come in to þif yle Sarazyns lodlike and blake Line 1360 And dide me god forsake Bi god on wam y leue Þo he makeden me reue To loke þis passage Line 1364 For horn þat hys of age [folio 227a:2] He woneþ alby weste God knyt myd þe beste He slow Mid hys honde Line 1368 Þe kyng of þise londe And wyt hym men an hundred Þer fore me þinkeþ wonder Þat he ne comeþ fiȝycte [ne omit. MS.] Line 1372 God yeue hym þe miyȝte Þat wynde hym driue To bringen hem of liue He slowen þe kyng mory Line 1376 Hornes fader so stordy Horn to water he sente xij. children Myd hym wente Þer mong was ayol þe gode Line 1380 Myn owe child myn owe fode He louede horn wel derne And horn hym also ȝerne Ȝyf horn hys hol and sounde Line 1384 Ayol ne tyt no wounde Bote ich nou se hem tweye Iwys ich wolle deye Knyt be swiþe blyþe Line 1388 Mest of alle syþe Ayol and horn yfere Boþe he ben here Þe knyt to hem gan steppe Line 1392 And in armes cleppe

Þe Joie þat he made [Joie] i above line MS.] Myȝte no man rede He seyde wit steuene ȝare [wit above line MS.] Line 1396 Children hou abbe ȝe fare [abbe] albe MS.] Wolle ȝe þis lond winne And wonye þer inne He seyde leue horn child Line 1400 Ȝet liueþ þy moder godild Horn seyde on hys rime Hy blessed be þe tyme Ich am ycome to sodenne Line 1404 Wyt Myn hyrysce menne [Before menne ṇẹ MS.] Þis lond we schollen winne [Before we ṃ MS.] And sle al þat þere ben inne And so we scholen hem teche Line 1408 To speken oure speche Horn gan hys horn blowe [folio 227b:1] [horn above line MS.] Þat hys folc it gan knowe He comen out of scyp sterne Line 1412 To horn ward wel ȝerne He smyten and he fouten Þe nyȝt and eke þe ouȝten Myd speres hord he stonge Line 1416 Þe held and eke þe ȝonge Þat lond he þoru sowten To deþe he hus brouten Sarazines kende Line 1420 Þe leuede on þe fende Horn let sone werchen Chapeles and cherchen

Bellen he dide ryngen Line 1424 And prestes messe syngen He sowte hys moder oueralle Wit inne eueriche walle [Repeated with wyt instead of wit MS.] He custen and hye cleten Line 1428 And in to halle wenten Croune he gonnen werie And makede festes merye Murye he þere wroute Line 1432 Reymyld hyt aboute Wile þat horn was oute Fikenyld ferde aboute To wiue he gan hire ȝerne Line 1436 Þe kyng ne dorst him werne [him] hīṛẹ MS.] Muche was hys prede Þe ryche he ȝaf mede Ȝonge and eke þe helde Line 1440 Þat Mid hym scholde helde Ston he dede lede And lym þer to he made [lym] hym MS.] A kastel he dude feste Line 1444 Wit water alby sette Miȝt no man hon on legge By paþe ne by brigge Bote wan þe se wit drowe [se omit. MS.] Line 1448 Þer Miȝte come ynowe [þer Mūche come MS.] Þis fykenild gan to wende [wende] wēḍde MS.] Reynyld for to wende [for over an erasure, for in margin MS.]

Þe day by gan to wexe Line 1452 Þat hem was by twexe Fekenyld her þe day gan springe [folio 227b:2] Ferde to aylmer þe kynge After reynyld þe bryȝte Line 1456 And spousede hire by niȝte He ledde hyre hom in derke To his newe werke Þe festes he by gonne Line 1460 Here aryse þe sonne Þat nyȝt gan horn swete And harde forto mete Of Reymyld hys make Line 1464 Þat in to schype was take Þat schip scholde on hire blenche Hys leman scholde adrenche Reymyld wit hire honde Line 1468 Wolde suemme to londe Fykenyld hire ȝen pulte Wit his swerd hylte Ayol qwat horn trewe felawe Line 1472 Into schip gonne we drawe Fykenyld haueþ gon onder And don Reynyld som wonder

God for hys wordes fiue Line 1476 To nyȝt us þyder driue Horn gan to Scype Ride And his knyȝtes by side [knyȝtes] ȝ corrected out of c MS.] Here schip bigan to terne Line 1480 By þe wateres sterne Hys schip stod in store Honder fikenildes boure Ne wiste horn on liue Line 1484 Whare he was a Ryue Þe kestel he ne knewe For he was so newe Þe song by gan to drye Line 1488 And hyt hym makede weye He fond stonde arnoldyn Þat was ayolles cosyn Þat was þere in tyde Line 1492 Horn for to abyde He seyde horn kynges sone Wel be þou here to londe come Nou hat wedded fikenyld Line 1496 Þy nowe lemman Reymyld Nele ich þe nowt lye He haueþ þe gyled twye [folio 228a:1] Þis castel he dude make Line 1500 For Reymyldes sake Þer may no man on legge By paþe ne by brigge Horn nou crist þe wisse Line 1504 Of Reymyld þat þou ne misse Horn herkenede alþe lyste Þat any man of wiste To herpe he gan drawe Line 1508 And wyȝt hys tweye felawe

Knyȝtes swyþe felle And schurde hem in pelle Wyt swerdes he hem gyrte Line 1512 Anouen here schirte He wenden on þe grauel Toward þe castel He gonne murye synge Line 1516 And makede here glewinge Þat fykenild myȝt yhere He askede wat hye were [askede] arkede MS.] Men seyde hyt harperes Line 1520 Jogelours and fiþeleres He dude hem in lete At halle dore he sete Horn set on þe benche Line 1524 Hys harpe he gan clenche He makede Reymyld a lay And reynyld makede weylawey Reynyld fel y swowe Line 1528 Þo was þer non þat lowe Hyt ȝede to hornes herte Sore hym gan smerte Hey lokede on hys gode Ryng Line 1532 And Reymyld þe ȝonge Hey ȝede op to borde Mid hys gode swerde Fykenyldes crowne Line 1536 He leyde þere adowne And alle hys men arewe He dide adoun þrewe Þo he weren alle yslawe Line 1540 Fykenyld he dide to drawe He makede arnoldyn kyng þere After þe kyng aylmere Þe knytes and þe barnage [folio 228a:2] Dude hym alle truage [truage] utrage MS.] Line 1545

Line 1545 Horn tok rymyld by þe hond And ledde hire by þe se strond He tok hym syre aylbrous Line 1548 Stiward of þe kynges hous He riuede in a reaume In a wel fayr streume Þer kyng mody was syre Line 1552 Þat horn slow wyt yre Aybrous he makede þer kyng For hys gode tydyng. For syre hornes lore Line 1556 He was kyng þore Horn ariuede in hyrelonde Þer he hadde woned so longe Þer he dude ayol childe Line 1560 Wedden mayden hermenylde Horn wente to sodenne To hys owe kunne Reynyld he makede quene Line 1564 So ith Miyȝte wel bene Alle folc hyt knewe Þat he hem louede trewe Nou ben he alle dede Line 1568 God hem to heuene lede

-Am—e—n-