The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

76. THOMAS HAMPTON TO THOMAS STONOR [c. 1465]

The writer is Hampton of Kimble: see No. 65. The date is certainly later than 1460, but perhaps only a few years. John Hampton of Staffordshire occurs as a squire for the body from 1437 to 1459 (C.P.R., Henry VI, iii, 45, vi, 532); in the last year he was rewarded for his long service to Henry V and Henry VI. From A.C., xlvi, 55.

After almaner of due recommendaciouns, in my most tender wyse I recommaunde me to yow. S[yr . . . . .] haf knowlyche whether þe sute be takyn ayenst Will. Tystede ye or nay, and W . . . for as hit was law, tolde me he scholde sey he sette not þer by: What hit menyth

I can not sey. My moder, my wyf, and all my douchters, your pore kynnyswymmen, tenderly recommaundyn þem to yow, of whos prefer|ment I pray yow to haf rememberaunce, þyf eny fortune may grow in eny plase. Syr, I haf late been in the Counte of Stafford with my Cosyn John Hampton, sometyme Squier for þe body with Kynge H., and in my þer beyng he hath made estate of xl. markes of his lond, and takyn estate of me ayen ther of his lyff and of his wyffes, þe remaynder to me and to myn heyres, with all þe evydens acordyng, where of I haf the more parte at home, wyche þey schall enyoye with al oþer of my londes. Syr, when and what tyme we schall see yow and my cosyn W., I pray yow sende me worde. Syr, þat tyme I haf worde by my Cosyn Waller, brynger of þis my sympull byll, Gode Syr, whether Palmer be delynge ge ... ye, and how my Suster Swete doth. No more at þis tyme, but almythty godde have yn hys kepyng, Amen.

By your owne T. Hampton.

To my Rythe Wurshypfull Cosyn, T. Stonor, be Wylyam be þis delyveryd.