The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

32. EDMUND DE LA POLE TO EDMUND DE STONOR [c. 1380]

Edmund de la Pole (1337-1419) was son of Sir William de la Pole, and brother of the first Earl of Suffolk. He owned the manor of Borstall, Bucks, in right of his first wife, Elizabeth, daughter of Richard de Handlo (Napier, Swyncombe and Ewelme, pp. 291-2). From A.C., xlvi, 21.

Trescher sire et amy, endroit de ce qe mavez envoie qe vous vod|roiez savoir jour et lieu a ou nous puissoms estre ensemble pur faire fyn de le Manoir de Pottenham des diverses choses entre nous parlez touch|ant le dit Manoir, dounte vous plaise savoir qe si vous plaise estre a Borstall ice mescredy prochein avenir, je froy John Bracy et le persone de Pottenham vous encountrer illoqes. Et en cas qe vous ne plaise illoqes venir, veuillez menvoier ou qe vous veuillez qe je vienge a vous, et a qil jour et lieu: issint qil soit devaunt le xvij^o jour de ceste pre|sente mois de Marche: et je serroi prest de venir en ayse de vous. Et trescher sire, de cestes vous plaise menvoier respounce par le portour de cestes. Qe nostre seignur tres puissaunt vous encresse en honur a treslong durre. Escrites de ma maneys mayne a Borstall le ix^me jour de Marche.

Vostre Esmon de la Pole.

A mon trescher et tres . . . Monsyr Esmond de Stonor.