The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

302. PETER CAVERSHAM, ABBOT OF NUTLEY, TO SIR WILLIAM STONOR [? 1480-81]

Peter Caversham was abbot of Nutley, or Notley from 1480 to 1503. This letter was clearly written soon after Stonor's second or third marriage, i.e. either about the middle of 1480 or the end of 1481. As to Crendon see No. 239; the farm of the manor of Crendon belonged to the abbey (Monasticon, vi, 280). From A.C., xlvi, 184.

Worsypull Syr, y recomend me unto yowe, and y pray yowe y myȝt byn recomendyd to my lady yowr wyfe as a contreyman nowe of hurs nat to her kowyng, but with þe grace of God and yowr gentylnes y schall byn &c. As to þe intent of þis byll, þis hyt ys: ther one Paddenall of Crendon, whom ȝe kowe well and longyng unto ȝowe, and trobull me sore in my myndys of many dyverse matres, þe wych ar so long to writ unto yow and then hit wulde wery a man or he had don, and in specyall such a sympull writer as y am &c: prayng yowe, as my synguler trust is in yowe, and in tyme schert I schull reward yowe, þat such commynantes [Apparently meaning "covenants".] as y made with yowe of þe ferme of Crendon myȝt byn performyd: for þis sympull man, þe wych y release hit to, whom ȝe had promysyd me fryst, at yowr request, bydyth by no promysse þat he made to us, but trobull me: prayng of your gentyllnes to take none displesur thoy y trobull hym acordyng to þe lawe; for, saffe yowr reverans, he ys untrewe, for he sclaunders me þat Thomas Salman schuld seye þat y had more stondyd out j acre of þe kynges ground, the wych þe other never seyd nother never cowde make profe þerof: y wuld naut he myȝt for an hondur pond: þis myȝt every worsypull man byn sclaunder: as my trust, send me word howe þat ȝe wyll deale on þis mater, for in gode soth saffe for yower sake he schuld havyn kowyng þerof ar þis: as ȝe thynke hit is gode to yowe remember me, and I schall yowe, as my most trust. At Nott. by Syr Peter abbot of þe same.

Unto my most gode specyall frend, Syr William Stonor, in hast.