The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.
Kingsford, Charles Lethbridge, editor. 1862-1926.
Page  137, vol. 2

303. THOMAS BANKE TO SIR WILLIAM STONOR 16 JANUARY [1482]

Thomas Banke was an Oxford D.D., who was Rector of Lincoln College 1493-1509, and Commissary of the University in 1501 and 1502. "My lord Edward" was one of the younger sons of John de la Pole, Duke of Suffolk. In Oct., 1480, the University desired of Edward IV that he would send his nephew, "the lord Edward Pole," to study at Oxford. They also asked the Bishop of Salisbury to use his influence. In March, 1481, it was reported that the Bishop would bring him there. On 28 March, 1482, the University wrote to the King praising his nephew's gifts of intellect and heart. In another letter in the same year they repeated their praise, and thanked the King "quod Magistrum Stanley, infantem etiam nobilem atque litterarum studiosum illi prenobili nepoti tuo studiorum suorum comitem adjunxeris". Edward de la Pole cannot have been more than fourteen when he went to Oxford. He was Archdeacon of the East Riding from 15 Oct., 1480, to 6 Jan., 1485, when he became Archdeacon of Richmond; he died not long after. (See Epistolae Academicae, ii, 454-6, 462-3, 478, 484.) Master Stanley was James, son of Thomas Stanley (afterwards Earl of Derby). He was first cousin to Sir William Stonor's third wife, Anne Neville, and was somewhat older than Edward de la Pole. He was bishop of Ely from 1506 till his death in 1515 (Dict. Nat. Biog., liv, 70). As to Sutton see No. 280. For Master Edmund see No. 194. The references show that the date of the letter must be either 1482 or 1483. Comparison with the reference to the troubles of Stonor's servants at Oxford in the next letter suggests that the former year is the more likely. From A.C., xlvi, 133.

Pleasyd ȝour maistyrshyp to understond þat I hayff beyn with doctour Sutton, our commyssare, and I dyd shew to hym howe ȝoure maistyr|shyp boyth was and ys dysposyd to þe universite, as in fyndyng and relevyng off divers scolars to þe same and also by relevyng off many oþer suche as cummys to ȝour maistyrshyp at divers tymes in þe ȝere, lyke as Mr. Eadmunde, Mr. Flynte, Mr. Kyckall, and I with oþer moye dyd layte; off whome I desyryd þe commyssare to inquire ȝour worshypfull and gentyll behaveȝour to tham and to iche on off tham, because I wolde he sulde gyff more credens to myn informacyon. Also, syr, I was with my lord Edwarde and maistyr Stanley, and informyd tham in lyke wyse, and dyd shew boyth to my lorde Edwarde, to maistyr Stanley, and to maistyr commyssare, þe delyng and þe behaveȝour off certan Page  138, vol. 2 scolars aȝanes ȝour maistyrshyp and ȝour servands, specyaly when þai cume to þe universite for suche necessytes as ȝe hayff to doo þer: and þen my lord Edwarde and Mr. Stanley desyryd þe commyssare at þer instanse to see an remedy, suche as ȝour servandes myght boyth cume and goo to or from þe universite in sayffe garde off þer bodes: and þe commyssare seyd he wolde doo as myche as he myght by þe vertu off hys offece to provyde an remedy: nott withstondyng all thys, me semys þe moste suerte ys ȝour awn wey to send for tham by privey selys. Cadwey ys benefysyd in Oxfurte: he may nott flee. Syr, I sayd to þe comyssare þat ȝe wold send for tham by privey seles, bod yff þe univer|site dyd see an remedy: and þe commyssare sayd, yff ȝe dyd so he culd nott blame ȝe, in so myche as þei wylnot be reulyd. No more, save I besyche Jhesu preseryff ȝo and ȝores evermore, Amen. Frome Oxfurth þe xvj day off Januer.

ȝour servand and bedman Thomas Banke.

Syr, Maistyr Stanley, eftyr all þe comunycacyon before rehersyd, dyd send for Cadwey to cume to hym: for Cadwey is grete with hym: and þer maystyr Stanley declaryd howe ney off kyn my laydy ȝour wyff and he stande, and desyryd hym as he wolde hayffe hys gude Maistyrshyp to owe hys luffe and favour to ȝour servandes in Oxfurth or owte off Oxfurth wharsoever þei dyd mete: for Maistyr Stanley sayd þat he moste nedes take ȝour parte in all ryght: and so sayd my lorde Edwarde also, when we dyd comon firste off þe mater: and so Cadwey hays pro|mysyd to Maistyr Stanley þat he wyll neþer doo ne sey aȝanes ȝour servandes, bod raþer to helpe to convey tham yff anyman wolde doo or sey aȝanes tham: bod þis ys no suerte to ȝour servandes for oþer off hys cuntremen. Warfor, me semes ȝour awn wey ys beste, to send for tham, or to cause þe kyng to wryte to þe universite for an remedy as ȝe thynke beste &c.

To hys worshypfull Maistyr Syr Wylliam Stonor, knyght, be þis de|lyveryd.