The English register of Oseney abbey / by Oxford, written about 1460. Ed., with an introduction and indexes, by Andrew Clark.

[VI. Of the Foundation of Oseney]

[11.] Sequitur ffundacio Oseneye.

Notice of Robert Doyly II, founder, in 1129, of Oseney, for Regular Canons, at the instance of his wife Edith.

HIT is to be know to all trewe men of holy church þat Robert Doylly the fyrst And Nygell Doylly where carnall breþren, the which come with Kyng William conquerour bastard in-to Inglonde. The sayde Robert dyed withoute heyres of his body; the saide Nygell his brother succedyd hym in-to þe hery|tage as heyre, þe which Nygell gate Robert Doylly the secunde.

¶ In the ȝere of our lorde a þowsande hundrede and

xxix^ti. Robert Doylly the secunde, þ^e soone of Nygell Doylly aforsaide, founded the church of saynte Marye in þ^e Ile of oseney, consentyng ['Consenting' in the primate's case refers to a later (no. 34) confirmation. Theobald of Bec was not elected arch|bishop till Dec. 1138. Alexander was bishop of Lincoln 1123-47.] Theodbalde Archiebisshop of Caunterbury, And Aliȝaundur bisshop of [folio 2b] lincoln; in the tyme of Kyng Henry the ffyrst (þ^e soone, that is to say, of William Bastarde conqueroure of Inglonde), at þe peticion of Edythe (þe dowghter of fforn) wyfe of þ^e forsayde Robert Doylly, foundid was þe saide church.

[12.] A charter of Robert Doylly þ^e secunde, foundar of þe Howse of Oseneye: Off þe ffirst ffeffyng.

1129. Grant to Oseney, by its founder, Robert Doyly II, of (a) all his land in Oseney isle; (b) War|ham-bank; (c) tithes of Oxford Castle mills; (d) six rectories; (e) in Oxford, feudal superiori|ty over eighteen holdings; (f) a rent|charge of 2s.; (g) tithe; (h) in Hook|norton, superiori|ty over a hide, and a yardland; (i) near Oxford castle, a house; (k) Water|eaton manor; with manorial rights to wood, fishing, pasture.

BE hit i-knowe to all true men of holy church, bothe present and to be, þat I, Robert Doylly, wyllyng and grauntyng Edythe my wiffe and my soonys Henry and gilbert, yefe ande graunt, in-to perpetuall Almes, to þe church of god and of saynte marye his moder and to þe chanons in hit seruyng god, þ^e which [I] (Aliȝaundur by the grace of god bysshop of lincolne yevyng counseyle and confermyng) founded in the Ile þ^e which is i-called Oseney, for the helth of the Kyng and the welfare of all the Reame And also for myne helth and of my wyffe and of my soonys parentis and frendes, alle þat is myne in þ^e forsaide Ile; with all dwellynges þe which I had vppon the were [Marginal note: 'Weyres & Mylles by the Castell.' The 'were' mentioned was the narrow strip of land between the eastern boundary stream of Oseney (i.e. South Oseney) island and the feeder of the Castle mills: Wood's City of Oxford, i. 313. See more of it in no. 43.] the which is of myne myllys þe which been by þe castell of Oxonforde; and tithynges of the same Myllys; And þese churches [The six names are noted in the margin. Kidlington, Weston-on-the-Green, Hooknorton, Chesterton, are in Oxfordshire; Claydon is in Bucks. 'Sheneston,' the sixth, was not in Lincoln diocese, as is shown by its absence from the Lincoln confirmations, e.g. nos. 14, 19, 26. It is Shenstone in Staffordshire.] of my londe, of Cudelyngton, of Weston, of Hokenorton, of Cleydon, of Sheneston, of chesterton; with-in the borowgh of oxonford, londys þ^e which helden Engerike, Raymunde, Ailnoth, Good|wyne the soone of Edwachere, Ermenolde, Goodwyne Nicuma, Suetyng Cadica, Rauenyng, Segryn by the Walle, Henry Corueser, leofwyne Haltyng ['claudus,' in the Latin.] , Goodwyne money-maker ['monetarius.'] ,

Brychrik money-maker, Godrike, William, Raph Baker, Leof|wyn budda, Geffrey Miller; and twey shelyngworth of Rent þ^e which helde fromunde chapeleyne; And tithyng of Nichol of Stodeham, þe which þe same fromunde chapeleyn helde; with|in Hokenorton (myne Maner), halfe an hide of londe þe which was off Hugh ffraunceys, And j. ȝerde-londe, the which Maurice chanon helde and after hym þ^e sone of the same; and by the castell of oxonford, vndur the wall, a dwellyng þ^e which was of Waryn chapeleyne; Eton [Marginal note: 'Eton.'] all my towne, with all thynges þ^e which longe to hit (outetake þe Mille þe which I haue yefe to a-nother church [i.e. to St. Frideswyde's Priory, about 1125: Wigram's Cartulary of St. Frides|wide, ii. 208. This is the mill, called Hulk's mill (from the tenant), which comes in nos. 76-7.] , And sperwesaye ['Sperwesaye,' here excepted, was after|wards given (no. 24) by Henry Doyly I. 'Sparsey Mead' is still the name of the large meadow, east of Cherwell, opposite Watereaton Manor Farm.] ), And so that þat parte þe which my modur holdeth, whenne-so-euer she stynteth ['destiterit.'] to holde hit, þat hit come in-to þ^e lordeship of the church to þ^e vse of the breþrynne: Wherefore I woll and pray þat well & in peece, fully and worschipfully, the forsaide thynges þe forsaide church holde, with all customs and fredoms [Marginal note: 'Note þ^e ffredoms agaynste Cudelynton & Hokenorton,' i.e. against the Plecy family, who acquired these manors, after the Doylys died out, and were rather unfriendly to Oseney.] , þat is to say, in wode and playne, in Medes and ffedynges, in waters [Marginal note: 'fisshing.'] , in wayes and patthis, and all other places, as euer oony oþer man beste afore hit helde or my-selfe helde while þey were in my lorde|ship. These witnesses Walter, Archedecun et cetera.

[13.] A confirmacion of Kyng Henry þ^e ffirst, þ^e Sone of William Bastarde, of þe forsaide ȝevyng.

About 1129. Confirma|tion to Oseney, by Henry I, of the founder's grants (as in no. 12) viz.— (a); (k); (e); (d) the six churches, with Watlington added, with manorial juris|diction, and exemptions from courts and taxes (as in no. 7).

HENRY, Kyng of Inglonde and Duke of Normandye, to Archibisshops bisshops Abbotes Erles Barons Justices Shrevys Mynsters and to all his true men of all Inglonde helth. Know ȝe me to haue i-graunted and confermed, in-to perpetuall almys, þe yefte þe which Robert Doylly maade to þe church of saynte Marye þ^e which he foundid in the Ile of Oseneye ande to the chanons þere servyng god, all þat was his in the same Ile; and all Eton with his lordeship (outetake a mylle); And, with-in the borowgh of oxonford, men And londys the which he had

in his lordeship; and all churches of his lordeship (þat is to say, þ^e church [folio 3a] of Cudelynton, the church of Hokenorton, the church of Chesterton, the church of sheneston, the church of Watlyngton [The church of Watlington was ulti|mately (about 1170) the gift of William Paganell (no. 37), confirming his father-in|law's (Halinad de Bidun's) grant. It had probably been granted by Robert Doyly II with the others in no. 12, but before Oseney could obtain possession (by death of the rector), King Stephen took the manor (1142) from the Doylys. The new lord (William de Chesney) gave the church to Oseney, about 1150, but the manor was taken from him, about 1154, before Oseney obtained possession. It seems to have been erased from no. 12, but retained here.] , the church of cleydon, the church of Weston), with all thynges to þe same perteynyng in tithis And londes and men And medys and fedynges: Wherefore I will and surely charge þat þe forsaide church and chanons holde, welle and in pece, worschipfully, with [Marginal note: 'lybertyes,' attached by a bracket to the lines which follow.] sacke And soc tol and teme and Infangenthefe, and that they and all tenementes and þere men be quyte of shyrys and hundredis and wardys ande daneyeldis and comyn pleys and all other exaccions and playntes, outetake murther and thefte i-preued. Witnesse these: Aliȝaundur, bisshop of lyn|colne; Symon, bisshop of Wyrcetur; Robert, Erle of Glowcetur; et cetera.

[14.] A confirmacion of Aliȝaunder Bisshop of lincoln of þe fundacion of þ^e Howse of Oseneye.

About 1145. Confirma|tion to Oseney, by the diocesan, of all its estates, particu|larly (i) the founder's gifts, viz.—six churches (five as in no. 12 d, and, in addition, Stone); also, lands in Oxford as in no. 12 a, b, c, e; Watereaton manor, 12 k; rent|charge and tithe, 12 f, g; in Hook|norton, as in 12 h; (ii) King Stephen's gifts, of 60s. rent, and of 5s. 5¾d. rent; (iii) queen dowager Alice's gift (no. 83); (iv) Lang|ney island; (v) Robert Foliot's land; (vi) Ralph, son of Siward's land. Anathema against violators of this con|firmation.

ALIȜAUNDER, by the grace of god bisshop of lincoln, to all in criste well i-loved soones of the church [i.e. of Lincoln diocese.] to the which he is hede (god ['deo auctore.'] beyng the doer), helth and the blesshyng of god and his. To the peticion, þe which to the stabylyng of religion and ['et [ad] animarum salutem.'] of sowles helth we know to perteyne, hit befalleth vs to assent swyftely and to make sure; where ['Quo circa.'] abowte, of owre mooste deer soone Wygoode prior [The head of Oseney was originally styled prior; Wood's City of Oxford, ii. 210. Wigod, after ruling as prior for nearly 16 years (1138-54), assumed the title of abbot, possibly granted him by the pope when he visited Rome (1151).] of Oseney and of his brethrynne, to þere ryȝghtfull peticions lyȝght ['facilem assensum.'] assent we ȝevyng, to þe church of saynte Marye (in the which þey been i-ȝefe to þ^e servyse of god) þe which in the Ile þe which is i-called Oseney is i-foundid and sett, vndur þe defense of seynte mary and owre to be defendid we take, and with þe surenesse ['sanctione.'] of þ^is present letters we make sure, by þ^e Auctorite of þe office that we vse, ordeyn|yng

þat all maner possessions, all maner goodes, nowe this same church by the offryng of true men ryȝghtfully and lawfully hath, vndewyd ['inviolata.'] to þem, and to þere successours sure and vnbroke ['inconcussa.'] Abyde. In the which, these we have avised ['duximus.'] to be schewed in þere owne namys: þat is to say, þe church [The six names are noted in the margin. 'Sheneston' is not mentioned (p. II, note 3). Stanes church (Stone near Aylesbury in Buckinghamshire) was the gift of William Bracy (no. 37).] of Cudelyngton, of Weston, of Hokenorton, of cleydon, of chesterton, of Stanes; and þat was of Robert Doylly (of this church founder) in Oseney, with all dwellynges þe which he had vppon þe were þe which is of þe Milles þe which ben by þe castell of oxonforde, and tith|ynges of þe same Milles, and all þe londe þe which to þe same church with-inne the borowghe of oxonford the same forsaide Robert yafe and with his charter confermed; alle Eton, with alle thynges to hit perteynyng (oute-take þ^e Mille, ande sperwe|say), and twey shelyngworth of Rent þ^e which helde fromunde chapeleyne, And tithynges of Nicholl of Stodeham; with-inne Hokenorton, free seruyce of Hugh ffraunceys ['Hugonis franci.'] of halfe an hide, And oon ȝerde of londe; and of þe yifte of Kyng stephyn ande of thempryce, prebende of lx. s. (of bensynton, xxiiij.; of bamton, xxiiij.; of Hedyndon, xij.), And of v. s. v. d. ob. qua. with-in the borowgh of oxonforde of that londe þ^e which ['quae dicitur Octovirgate regis.'] is viij. ȝerdys of the Kynge, with all thynges perteynyng to hit, with customes and liberteys; of the londe ['de dono.'] of quene Alyȝ, oon hide the which lyeth by Hanberge And longeth to staunton; langeneye, with all pertinences, of the howse [Read 'gift.' The translator has mis|read 'ex dono' as 'ex domo' (cp. no. 26). Langney was one of the islands, formed by streams of Thames, in the river-flat north|west of Oxford.] of Geffrey chamburleyne of Glymton; And the londe of the ffee of Robert ffolioth, of the yifte of the same, þ^e which lieth in the grete strete [No. 26 shows that this is Cornmarket Street (not High Street).] of Oxon|forde; and the londe that Raph fiȝth sywarde yafe; And what|so-euer thyng in tyme to be (god beyng mercyfull) by grauntyng or ȝevyng of princis, or by offryng of true men, or in other ryȝghtfull maners, may be i-purchased ['poterunt adipisci.'] , to þem or to þere successours (Reguler lyfe i-professed) vnbroke ['inconcussa et illibata, eorum omni|modo usibus profutura.'] and undefylyd

[folio 3b] abyde, to þ^e vsys of all þem to profete, sauyng dignytees and customs of the bisshop and of the church of lincolne: þerfore of this owre confirmacion agayne-sayers ['contradictores atque convulsores.'] and pluckers a-waye, and of this church robbers of goodes and wasters, if tweys and þe thirde tyme i-warned to satisfaccion wille not come, with the bonde of curse we bynde hym; Ande to alle to þe same place here ryȝghtes kepyng, be peece of oure lorde Ihu criste, þat here þe frute of goode workyng þey take, and, in tyme to be, rewardis of euerlastyng Joy geete þey. Amen.

[15.] A charter of Robert Doylly the secunde vndur|write, of þ^e Encresynges to þ^e forsaide writynges.

About 1140? Grant to Oseney, by the founder, in addition to the gifts in no. 12, of (l) in Oxford, the house of William son of Helga; (m) in Watereaton, a garden; land of Wido reeve; and one cottar's land.

BE hit i-knowe to alle true men of holy church boþe present and to be þat I, Robert Doylly, above thes thynges þe which I haue i-ȝefe to þe church of god and to saynte Marye of Oseney whenne I foundid hit, for my helth and my wyfes and of my soones & aunceturs and my parentis, ȝefe and graunte these encresynges [But four of them had been included in his former gift: viz. no. 12 (a), (b), (f), (g); and it is possible that his house here called of William is Waryn's house, no. 12 (i).] , to þe same church and chanons in hit seruyng god, perpetuelly to be had:—a dwellyng of William fiȝht Helg; and [Marginal note: 'Weyres & tithings of Mylles Oxon. &c.'] all mansions þe which I had vppon the were; and þe tithynges of my mylles þe which ben by þe castell of oxonforde; ande ij. shelyngworth of rente, ande þe tithyng of Nichol of stodeham, þe which fromunde Capeleyne helde; and my gar|deyne with þe londe that longeth to hym of Eton; And Wydon reve, with all his tenure; And the londe ['terram unius cotarii.'] of oo cotarye. These witnessys, ffowke Doylly, et cetera. Þis yifte I made, grauntyng my soonys Henry And gilberte and my wife and my broþer ffowke.

[16.] A charter confermyng, of Henry Doylly þ^e ffirst, of þ^e ȝiftes of Robert Doylly the Secunde his ffadur.

About 1152. Confirma|tion to Oseney, by Henry Doyly I, of his father's grants, as in no. 12, with addition of Watling|ton church, as in no. 13, with manorial privileges.

BE hit i-knowe to true men of holy church boþ^e present and to be þat I, Henry Doylly, graunte and with my charter con|ferme, in-to perpetuell almes, to þ^e church of god and of saynte marye his modur and to the chanons in hit seruyng god—þe

which my ffader foundid in þe Ile þe which is Called Oseney—for þe helth of þe Kyng and þe wellefare of all þe Reame and also for myne helth and of my wife and of soonys kynnesfolkes and frendes, all such thynges þe which my ffadur to þe same church yafe and with his charter confermed, þat is to say, all that was his in the foresaide Ile of Oseney vnto þe mylles [Marginal note: 'Mylles, Oxon.'] of þe castell; and the tythe of þ^e mylles; And þese churches, with here pertinences, þe church [Names of all seven noted in margin.] of Cudelyngton, of Weston, of Cleydon, of Hokenorton, of chesterton, of Scheneston, of Wat|lynton; And with-in þ^e borowgh of oxonforde londes þe which helde Engerike and oþer, as his charter witnesseth; and þe tithe of Nichol Stodeham, þe which ffromunde chapeleyne helde; and with-in Hokenorton dj. hide the which was of Hugh ffraunceys, and j. ȝerde which was of maurice chanon; and Eton and all þat longeth to hit (oute-take þe Mille). Wherefore I wille and surely ordeyne þat nowe þe saide church alle þe forsaide possessions and tenentryes holde, welle and in peece, and worschipfully and fully, with all liberteis and his ffree customs, in men, in howses, in woode and playne, and in all other thynges and places, as euer oony other afore best helde hit. These witnyssis et cetera.

[17.] A confirmacion of Robert [folio 4a] Doylly þ^e thirdde, þat is to Say, þ^e sone of Henry Doylly þ^e ffirst aforesaide and Broþer off Henry Doylly þe Secunde.

About 1185. Confirma|tion to Oseney, by Robert Doyly III, of the gifts of his grand|parents, of his father, and of his elder brother.

BE hit i-knowe to all true men of holy church that I, Robert Doylly þe sone of Henry Doylly, grauntid and with this present confermyd, to þe church of saynte Marye of Oseney ande to þe chanons þer seruyng god, for þe sowles of my predecessours and of my kynnysfolkes, for my helth and of Henry my broþer and of all myne, all þe tithynges ['tithynges' in error for 'yevynges,' donaciones of the Latin being misread as decimaciones.] þe which Robert my beele sire and Edithe my beele Dame and Henry my ffadur and Henry my broþer to þe same church maden, in churchis and tithis and men and londis and medis and fedynges and in all þynges tenentries and liberties, as þe charter of þe forsaide Henry

witnesseth the which (me beyng present and assent yevyng) to þeme he yafe. I haue i-grauntid also and confermed alle tithynges [See p. 16, note 3.] þe which men of the ffee of my fadur to þe same church & chanons maaden, as þe forsaide Henry my broþer (me beyng present ande assent yevyng) with his charter to þem confermyd. These witnysses: Henry Doylly my broþer, et cetera. mony oþer.

[18.] A Bull of Eugenye pope iij confermyng þe forsaide ȝevynges.

About 1146. Confirma|tion to Oseney, by pope Eugenius III, under protection of the papacy, of all their estates, and, by name, of those in|cluded in the diocesan's confirma|tion (no. 14), also of (no. 12) Shenstone, and, in addition, (vii) Ston|nall in Shenstone, Staffs.; (viii) El|ueue pulchyn's gift; (ix) Hugh of Pole|sted's gift; (x) Stone church. Right to hold services during interdict. Right to bury in the conventual cemetery all canons and ser|vants of Oseney itself, and all visitors to Oseney who die there. Anathema against violators of this charter.

EUGENYE, bisshop, seruaunte of þe seruauntes of god, to my louyd soonys Wigoode prior of Oseneye and his breþeryn both present and to be (reguler lyfe i-professid, et cetera) of [English darkened by following the Latin order: 'apostolice sedis . . . nos hortatur auctoritas.'] þe Apostlis see, to þe which [i.e. the see of Rome: cp. similar roundabout description of the see of Lincoln, 13/14.] (owre lorde disposyng) þowgh vnworthy we bee hede, vs sterith auctorite to ryȝghtfull axynges with dewe bonnys ['benignitate,' boon-ness.] to fauere, to þem namely þe which (wor[l]dly plesaunce i-put by-hynde) after ['secundum regularis vite propositum.'] þe purpose of reguler lyfe religiously to leve and to þe almyȝghty lorde been ['militare noscuntur.'] knowe to serue: for this cause, of [Omit 'of.' The Latin is in vocative case.] my belouyd soonnys in our lorde, to yowre ryȝghtfull axynges we mercifully ['clementer annuimus.'] graunt, and þe church of the blessid marye moder of god and euer Virgyn in þe which ye been sett to goddis seruice vndur þ^e proteccion of saynte petur and our we take, and with þe priuyIege of this writyng we make stronge, ordeynyng þat all maner possessions, all goodis, now ryȝgh[t]fully and lawfully ȝe haue, or in tyme to come by graunt|yng of bisshopis, liberalnys of kynges, yevyng of pryncis, offryng of true pepuls, or in oþer ryȝghtfull maners (oure lorde graunt|yng) ȝe ['poteritis adipisci.'] shall be of powre to purchase, sure to yow and to your successours and vntaxid ['illibata.'] abyde. In þe which, these thynges we haue avised to be i-schewed in there owne names:—þe church [The names of the six churches are noted in the margin.] of Cudelyngton, þe church of Weston, þe church of Hokenorton, þe church of Cleydon, þe church of Scheneston [The marginal spelling is 'Shenston.'] ,

þe church of Chesterton; all þat was of Robert Doylly in Oseney, with alle Dwellynges þe which he had vppon þe were þe which is of þe Milles the which ben by þ^e Castell of oxon|ford; And tithynges of þ^e same Milles; with-in þe borowgh of oxonford, all rentis of londis þ^e which þe forsaide Robert ȝafe to þe same church, ij. s. of rent þe which helde ffromunde chapeleyne, þe tythe of Nychol Stodeham; with-in Hokenorton, free seruice of Hugh ffraunceys of halfe j. hide, and j. ȝerde of londe; alle Eton with all thynges to hit perteynyng (outetake þe mylle, and sperwesaye); of þe yifte of Kyng stephyn, A pre|bende of lx. s. (of bensynton, xxiiij.; of Bampton, xxiiij.; of Hedyndon, xij. s) and v. s. v. d. ob. qua. with-inne þe borowgh of oxonforde of þat londe þe which is i-called viiij. [folio 4b] yerdys of þe Kynges, with all customs to hit perteynyng; Of þ^e yifte of Alide quene, j. hide þe which lyith at Hanberge and longeth to Staunton; of þe yifte of Geffrey Chamburleyne of Glymton, langeneye, with alle thynges to hit perteynyng; Of þe yifte of Robert ffolioth, þat londe of his ffee þe which lieth in þ^e grete strete of Oxonforde; Of þe yifte of Hugh tywe, Stanhale, with all thynges to hit longyng; The londe Also þe which was of Raph ffiȝt sywarde, and elueue pulchyn, to yow resonablie was yeve; Of þe yifte of Hugh palestede [Hugh of Polested in Suffolk (H. Salter).] , dj. hide in þe same town, with þe consent of Henry of Estsexe ['Essexa,' in Latin.] ; Of þe ffee of William Bracy, þe church of Stanes [Name noted in margin.] . We haue also ordeynyd þat if þe fforsaide Castell of oxonforde fro diuinis seruices by chaunce be Enterdited, hit shall be lefull to yow notwithstondyng, yates i-closed and cursed men or enterdited i-putt owte, in lowe voice to saye diuine seruice [Marginal note: 'Note this priuilege to say diuine seruice, þ^e londe Enterdited, In þ^e castell.'] ; and your howseholde, and all them of your [Read 'other': 'et eos omnes de alienis parochiis, qui apud vos hospitalitatis causa diuerterint.'] paryssis þe which at ȝowe turne inne by cause of hospitalite and þerre hap to be sike and to dye, in your churchȝerde ffree faculte to berye we graunt to yow. ffor ['Decernimus ergo ut.'] þis, we decree þat hit be not lawfull to oony manne to troble frowardely þe forsaide monastery, or þe possessions of hit to take aweye, or i-take awey to withholde, to lesson, or with ony greuaunces to make wery,

but all þynges hoole be kepid for gouernyng ['gubernatione.'] and susteynyng of them þe which þey ['concessa sunt vsibus omnimodis profi|tura.'] were i-grauntid to profite in all maner vsis, sauyng þe auctorite of Apostlis see and þe lawfull ryȝght and reuerence of þe bisshop Diocesane. þerfore if oony man of þe church or seculere persone, knowe [Read 'knowing,' 'sciens.'] this writyng of owre ordin|aunce, will ataste ['temptaverit.'] to come agaynste hit, þe secund or þe þirde tyme i-warnyd, if he amende not with conuenient satisfaccion, lacke ['potestatis honorisque sui dignitate ca|reat.'] (or lese) he þe dignyte of his powre and of his worschip, and know he hym-selfe gilty in þe Dome of god of þe wikednysse i-doo, and be he maade straunge and ferre fro the most holy body and blode of god and of oure lorde agayne-byer Ihu criste, And be he vndur [i.e. subject to the strait vengeance at the last judgement.] to þe streyte veniaunce in þe last dome; And the kepers and conseruatoures be filled with goddis blesshyng, & Joy they with þe rewarde of Euerlastyng blisse. Amen.

[19.] A confirmacion of þe chapiter of lincoln of þe churchis of Hokenorton, Cudelinton, Waterperye, Cleydon, and Stanes.

About 1200. Confirma|tion to Oseney, by the dean and chapter of Lincoln, of five rectories.

TO all soonys of owr modur þ^e church to þ^e which this present writyng shall come, Roger [Roger de Rolveston, dean of Lincoln, 1195-1223.] , Deen, and the chapiter of lincolne, euerlastyng helth in our lorde. Know ye all we to haue i-grauntid, and as muche þat perteyneth (or longeth [Alternative rendering of 'pertinet.'] ) to vs to have i-confermed, to the church of saynte marye of Oseneye and to þe chanons þere seruyng god, churchis [Stone and Waterperry, as in no. 37; the others, as in no. 12.] of Hokenorton, of Cudelyngton, of Waterperye, of Cleydon, of Stanes, with all þere pertinences, in to þere owne vsis, to be had and to be holde, also hooly and pesibli as þey holde and haue i-holde of grauntyng of worschipfull ffadurs bisshops of þe church of lincoln. And that þis grauntyng and confirmacion abide clere in tyme to be, this present writyng, with þe streng[t]h of oure seele we haue i-made hit myȝghty and stronge. These witnyssys .et cetera.