The early South-English legendary ; or, Lives of saints. I. Ms. Laud, 108, in the Bodleian library. Edited by Carl Horstmann.

36 Vita sancti Brendani, Abbatis de Hybernia.

SEint brendan, þe holi man : was here of ovre londe. Monek he was of harde liue : as ich me under-stonde, Of fastingue and oþur penaunce i-nov : and Abbot he was þere Of a þousend Monekes : þat alle under him were. Line 4 hit bi-feol in a day : as ore louerdes wille was, Þat beryn, [al. barint] an oþur Abbot : to him cam bi cas. Seint brendan him bi-souȝte anon : him don onder-stonde Ant tellen him ȝwat he hadde i-seiȝe : a-boute in oþur londe. Line 8 Þis guode man, þo he i-heorde þis : sichingues he made i-nowe Ant in grete þouȝte bi-gan for-to weope : and fel a-doun i-suowe. bi-twene his armes seint brendan : þis holie man op nam & custe him faste, & cride on him : al for-to is wit him cam; Line 12 "Fader," he seide, "par charite : oþur red þov most take; hidere þou come for ovre solas : and nouȝt suych deol to make. tel us ȝwat þou hast i-seiȝe : a-boute as þou hast i-wend In þe .se. of Occean : as ore louerd þe hath i-send." Line 16 Nou is þe .se. [of] Occean : grettest and mest al-so: heo goth a-boute al þe world : and alle oþere cometh þer-to. So þat berin, þis olde man : riȝt of is heorte grounde Al weopinde he hem tolde : ȝwat he hadde i-founde. Line 20 he seide, he [al. ic] hadde a wel guod sone : and Mernok was is name, "A Monek he was, as we beoth : and man of grete fame; his heorte him ȝaf for-to wende : in-to a priue stude and stille, [folio 104b] Þare he miȝte beo al one : to a-serui godes wille. Line 24 So þat bi mine wille he wende : ase ich it telle ov, to an yle fer in þe se : þat delitable was i-nov, bi-side þe Montayne of stones : þat is couth wel wide. Þe Monek likede þare wel : and longue gan þare a-bide, Line 28 And hadde þare under him : Monekes mani on. Þo ich heorde tellen þat : þuder-ward ich gan gon. So þat in auision : ore suete louerd him sende, Þat a-ȝen me, are ich to him come : þre Iorneies he wende. Line 32

Line 32 And in a schip we duden us sone : and Astward euere kenden In þe .se. of Occean : as ore louerd is grace us sende. toward þe est so fer we wenden : þat we comen ate laste In suyþe þuyster stude : and clouden us ouer-caste; Line 36 Al ane tide of þe daye : we weren in deorkhede. Ate laste ore suete louerd : forþere us gan lede. So þat we i-seiȝen a newe lond : þuder-ward ore schip drov; briȝttore it þouȝte þane þe sonne : Ioye þare was i-nov, Line 40 Of treon and herbes, þikke j-novȝ : bi-set in eche side, And of suete preciouse stones : þat briȝtte schynen and wide; Euerech herbe was ful of floures : and ech treo was ful of fruyt; bote it were in heuene : nas neuere more duyt. Line 44 Þare-Inne with Ioye and blisse I-novȝ : longue we duden i-wende; Ȝeot us þouȝte luytel ȝwyle : ne miȝte we finde non ende So þat we comen to a watur : cler and briȝt I-novȝ, þat euere fram-ward þe est : toward þe west it drovȝ. Line 48 We stoden and bi-heolden a-boute : for we ne miȝten ouer i-wende: Þare cam to us a ȝong ȝomman : swiþe fair and hende, And welcomede us euerech-one : wel mildeliche and swete; he nemnede euerech is riȝtte name : and faire gan us grete, Line 52 And seide þat we ouȝten [al. ȝe aȝte] Ihesu crist : þonki suyþe wel with riȝte 'Þat schewez eov is priuete : and al-so of is miȝte. Þis is þat lond þat he wole : ȝuyt are þe worldes ende [his dernelinges an erþe ȝyue : ȝ hyder he schal [heo scholle, on the margin.] wende. [This verse added by a later hand in the text and on the mar|gin.] ] Þis lond is half in þusse half : ase ȝe i-seoz wel wide, And bi-ȝeonde þe watere haluen-del : al bi þat oþur side— Þat watur ne mowe ȝe passi nouȝt : þat oþur del to seo. For [al. om.] here ȝe habbez al a ȝer : meteles i-beo, Line 60 Þat ȝe ne eten ne dronken : ne slepen nouȝt with eyȝe, Ne chele ne hete ne greuede ev nouȝt : noþur lowe ne heiȝe. Þis [al. For þis] is ore louerdes priue stude : and þoruȝ him it is þus liȝt; Þare-fore it is [her] euere day : and neuere-more niȝt. Line 64 ȝif Adam a-ȝein godes heste : ne hadde no-þing mis-do, here-Inne he hadde ȝuyt i-beo : and is of-sprung al-so. Ȝe ne mowen no leng here bi-leue : a-ȝen ȝe moten fare; [[Here 2 fol. are torn out in the MS. I supply the gap from MS. Harl. 2277.]]

[Þeȝ hit ne þenche ȝou bote a while : ȝe habbeþ ibeo her ȝare.' [Harl. 2277 folio 42b] Þat so [al. So þat] he brouȝte ous in oure schip : & faire his leue nom; & þo [MS. þe] we were hamward in þe see : we nuste whar he bi-com— Aȝe-ward he wende aȝen oure wille : þat of-þoȝte ous sore ynouȝ. Aȝen to þis oþer monekes : þis schip wel euene drouȝ. Line 72 ¶ Þis monekes vrne aȝen ous : þo hi ous miȝte iseo, & sori were & wroþe ynouȝ : þat we hadde so longe ibeo. we seide hem þat we hadde ibeo : in gret ioye & feste, Bifore þe ȝates of parays : in þe lond of biheste, Line 76 Þat oure suete louerd haþ bihote : hem þat he loueþ her, Þer is euere dai & neuere niȝt : & euere liȝt suyþe cler. ¶ 'Certes,' quaþ þis monekes : 'þis we mowe iseo Bi þe suete smyl of ȝou : þat ȝe habbeþ þer ibeo.' "— Line 80 ¶ Þo seint Brendan ihurde þis : he þoȝte & stod stille; [he þoȝte fondi more her-of : ȝif it were godes wille.] [This verse, om. in H., is taken from Ashm.] he wende aboute his monekes : & tuelue out he nom, Þat he triste to mest of alle : whan eni neode him com. Line 84 Þuse he nom in consail : & in priueite [hem] sede: ["I þenche do a priue þing : þer-of ȝe mote me rede, To seche þat lond of biheste : ȝif god wolde ous þuder lede.] [These 2 v. om. in H.] Siggeþ what ȝoure consail is : to do such a dede." Line 88 "Leoue fader," quaþ þis oþere : "oure wille we habbeþ forsake, ¶ Oure freond & al oure oþer god : & clanliche to þe itake: & whan al oure dede is on þe : & þu wolt þat hit beo, we schulle bliþeliche wiþ þe wende : godes grace to seo." Line 92 So þat hi faste fourti dawes : & gret penance dude also, & bede ȝurne oure louerdes grace : þulke veyage to do. hi leten hem diȝte a gret schip : & aboue hit albi [MS. abbi] -caste wiþ bole-huden stronge ynou : ynailed þerto faste, Line 96 & siþþe ipiched al abou[t]e : þat þe water [in] necome. [Harl. 2277 folio 43] hi wende to here breþeren : & wel faire here leue nome, And siþþe in oure louerdes name : to schipe wende anon; here breþeren þat bihynde were : sori were echon. Line 100 & þo hi were in þe schip : after þer come go [al. om.] tuo & bede faste þat hi moste : þane wei mid hem go. "Ȝe mowe wel," quaþ seint brendan : "ac ȝoure on schal atta[n] ende Repenti er he come aȝe : & al quic to helle wende." Line 104 Þider [al. vorþ him] wende þis holi man : whoder oure louerd hem sende; & þis tuei monekes þat come last : also wiþ hem wende. ¶ In þe grete see of occian : forþ hi rewe faste, & triste alto oure louerdes grace : & noþing nere agaste. Line 108

Line 108 Þe see drof here schip after wil : þe wynd was gret ynouȝ; As þe wynd hem drof est forþ : wel euene þe schip him drouȝ, Euene aȝe þat þe sonne ariseþ : a-midsomeres day— Nou nuste non of hem whar he was : ne no lond he nesay. Line 112 Euene forþriȝt fourti dayes : þe wynd hem drof faste: So þat hi seȝe in þe norþside : a gret ylle [r. yle] atte laste, Of harde roche & gret ynou : in þe see wel heȝe; Þreo dayes hi wende þer-aboute : er hi miȝte come þer-neȝe. Line 116 ¶ A lute hauene hi [MS. he] fonde þo : alond hi wende þere; hi wende alond as maskede [al. masid] men : hi nuste whar hi were. Þer com go a wel fair hound : as hit were hem to here; At seint Brendanes fet he ful adoun : & makede him faire chere. Line 120 ¶ "Beau freres," quaþ seint brendan : "ȝe neþore noþing drede: Ich wot þis is a messager : þe riȝte wei ous to lede." Þis hound ladde þis holi man : to an halle, fair ynouȝ, Gret & starc & suyþe noble : euene in he drouȝ. Line 124 Þis monekes fonde in þis halle : bord & cloþ isprad, & bred & fisch þer-vppe ynouȝ— : þer nas non þat nas glad. hi sete adoun & ete faste— : for hem luste wel þerto. Beddes þer were, al ȝare ymaked : er here soper were ido: Line 128 After here soper to bedde hi wende : to resten hem, as þe wise. Þo hi hadde alle islepe ynouȝ : sone hi gonne arise, & wende to here schip : as hi hadde er ibeo. In þe see wel longe hi were : er hi miȝte lond iseo. Line 132 ¶ Þo hi seȝe [r. seȝe hi] as bi þoþer side : an ylle fair ynouȝ, Grene & [wiþ] wel fair lese. : þiderward here schip drouȝ. Þo hi come on þis faire lond : & bihulde aboute wide, [Harl. 2277 folio 43b] Þe faireste scheep þat miȝte beo : hi seȝe in eche side; Line 136 A scheep was grettere þan an oxe : whittere ne miȝte non beo. Gret ioye hi hadde in here hurte : þat hi miȝte þis iseo. Þer com [al. þo com þer] go a wel fair man : & grette hem wiþ faire chere, & seide, "ȝe beoþ hider icome : þer ȝe neuere nere. Line 140 ¶ Þis is icliped þe lond of scheep : for scheep wel faire her beoþ, Mochele & white & grete ynouȝ : as ȝe aldai iseoþ; Fairere hi beoþ þan ȝoure scheep : & grettere vnyliche, For murie weder is her ynouȝ : & lese suyþe riche. Line 144 her nis neuere wynter non : for her nis non [al. ne non hei] ifounde, Ac hi eteþ þerbes nue : as hi springeþ of þe g[ro]unde. Ne me ne gadereþ noȝt of here mulc : þat hi scholde þe worse beo; ¶ For þis þing, & meni oþer : þe bet hi mowe iþeo. Line 148 To a stede ȝe schulle hunne wende : þurf oure louerdes grace,

Þat is foweles parays : a wel ioyful place : Þer ȝe schulle þis ester beo : & þis wit-sonedai also. Wendeþ forþ a-godes name : þat þis veyage were ido!" Line 152

SEint Brendan & his breþeren : to schipe wende anon, & rue forþ faste in þe see : wiþ tempest meni on. So þat hi seȝe in anoþer side : an ylle gret ynouȝ. here schip þurf godes grace : þiderwardes drouȝ. Line 156 Þo hit cam almest þerto : vpe þe roche hit gan ride, Þat hit ne miȝte noȝt to þe yle come : ac bileuede biside. Þis monekes wende [al. wode] vp to þis yle : ac seint brendan noȝt. Þis monekes gonne makie here mete : of þat hi hadde ibroȝt : Line 160 hi makede fur & soden hem fisch : in a caudroun faste. Er þis fisch were isode [I-nouȝ] : somdel hi were agaste : For þo þis fur was þurf-hot : þe yle quakede anon & wiþ gret eir hupte al vp— : þis monekes dradde echon, Line 164 [& þe wei toward hor schip : ech after oþer nom, God leuest hem þoȝte he was : þat sonest þuder com.] [om. in H.] hi bihulde hou þe yle : in þe see wende faste & as a quic þing hupte vp & doun : & þat fur fram him caste; Line 168 he suam more þan tuei myle : while þis fur ilaste. Þe monekes iseȝe þe fur wel longe : & were sore agaste : hi cride ȝurne on seint brendan : what þe wonder were. "Beoþ stille," quaþ þis gode man : "for noȝt ȝe nabbe [al. habbeþ] fere. Ȝe weneþ þat hit beo an yle : ac ȝe þencheþ amis : Line 173 hit is a fisch of þis grete see : þe gretteste þat þer is. Iastoni he is icleped : & fondeþ niȝt & dai [Harl. 2277 folio 44] To pulte his tail in his mouþ : ac for gretnisse he nemai."— Line 176 Forþ hi rue in þe see : euene west wel faste, Þreo dayes, er hi seȝe lond : hi were somdel a-gaste. ¶ Þo seȝen hi a wel fair lond : of floures þikke ynouȝ— wel glade hi were þo hi seȝe : þat here schip þider drouȝ. Line 180 In þis faire lond hi wende : lengere þan i^c telle : So þat hi fonde in a place : a suyþe noble welle. Bi þe welle stod a treo : brod & round ynouȝ; Line 183 Foweles white & faire ynouȝ : were in euerech [al. so þicke were in ech] bouȝ, Þat vneþe eni leef : hi miȝte þeron iseo— Þer was ioye & blisse ynouȝ : to lokie on suche o treo. ¶ Seint Brendan for ioye wep : & sat adoun akneo And bad oure louerd schowi him : what such a cas miȝte beo. Line 188 Þo fleȝ þer vp alute fowel : þo he gan to fleo, [al. & toward him gan te] As a fiþele his wynges furde : þo he to him-ward gan teo. [al. þo he gan to fleo]

Murie[re] Instrument neuere nas : þan [MS. þat] his wyngen were! he bihuld seint brendan : wiþ wel faire chere. Line 192 "Ich hote [þe,]" seide seint brendan : "if þu ert messager, Þat þu sigge me what [þu] ert : & what ȝe doþ her." Þeȝ hit þoȝte aȝe cunde : þis fowel ansuerede anon : "We were," he seide "sum-tyme was : angles in heuene echon. Line 196 As [r. ac sone so] sone as we were ymaked : oure maister was so prout, Lucefer, for his fairhede : þat he ful sone out, & mid him also meni on : as here dede was; ¶ & we fulle also a-doun : ac for no synne hit nas, Line 200 for [MS. Ac for] noþing þat we assentede : to his foule vnriȝt, Bote soulement forto schewe : oure louerdes suete [al. suete louerdes] miȝt. Ne we ne beoþ her in pyne non : ac in ioye ynouȝ we beoþ, And somdel oure suete louerdes : miȝte we seoþ. Line 204 & bi þe vrþe we fleoþ : & bi þe lifte also, As gode angles, & liþere ek : riȝt is for-to do, Þe gode [for]-to do men god : þe liþer liþere makieþ. ¶ & sonedai, þat is dai of rest : such forme we takeþ : [MS. makeþ] Line 208 Þe forme of suche white foweles : as þu miȝt iseo, [&] honureþ god þat ous makede : her on þis brode treo. Tuelf-monþ hit [is] ipassed nou : þat ȝe gonne out wende, & alle þis six ȝer ȝe schulle fare : er ȝe schulle [al. om.] bringe ȝoure wille to ende; Line 212 For whan ȝe habbeþ iwend soue ȝer : oure louerd wole ȝou sende [Harl. 2277 folio 44b] A siȝt þat ȝe habbeþ longe isoȝt : anon after þe soue ȝeres ende. Eche ȝer ȝe schulle her mid ous : holde ester-feste, As ȝe nou doþ, forte ȝe come : to þe lond of biheste"— Line 216 Nou was hit an ester-day : þat al þis was ido. ¶ þe fowel nom his leue of hem : & to his felawes wende þo. Þe foweles, þo hit eue [al. time] was : bigonne here euesong— Muriere song nemiȝte beo : þeȝ god silf were among. Line 220 Þe monekes wende to bedde & slepe : þo soper was ido; & þo hit was tyme of matyns : hi arise þerto. ¶ Þe foweles sunge ek here matyns : wel riȝt, þo hit was tyme, Line 223 & of þe sauter seide þe [al. om.] uers : & siþþe also [MS. alto] prime, & vnderne siþþe, & middai : & afterwardes non, & eche tyde songen of þe dai : as cristene men scholde don. Þis monekes were in þe lond : eiȝte wyke also, Forto alþe feste of ester : & of witsonedai were ido. Line 228 ¶ Þo com atte trinite : þis gode man to hem þer Þat spac wiþ hem in þe lond of scheep : & ladde aboute er :

he chargede here schip suyþe wel : mid mete & drinke ynouȝ, & nom his leue wel hendeliche : & aȝeward drouȝ. Line 232 ¶ Þo seint brendan was in his schip : & his breþeren also, Þis fowel, þat spac wiþ hem er : wel sone com hem to; he seide, "ȝe habbeþ her wiþ ous : þis heȝe feste ibeo; Gret trauayl ȝou is to come : er ȝe eftsone lond iseo. Line 236 Ȝe schulleþ after soue monþes : iseo a wel fair yle. Þat abbey is icliped : þat is hunne meni a myle; Ȝe schulleþ beo mid holie men : þis myde-wynter þere. Ȝoure ester ȝe schulle holde þer : as ȝe dude to-ȝere : Line 240 Vpe þe grete fisches rugge : þer þi monekes were in-fere, & ȝoure ester [be] mid ous : riȝt as ȝe nou were." Seint brendan a-godes name : & his breþeren echon, In þe grete see of occian : forþ wende anon. Line 244 Þe wynd hem harlede vp & doun : in peryls meni on. So weri hi were of here lyue : þat hi nuste whoder gon. Four monþes hi were [al. wende] in þe see : in þis grete turment,] [[Here L. goes on again.]] Þat huy ne yseiȝen no-þing bote þe se : ant þe firmament. [folio 105] Line 248 Þo huy yseiȝen [al. seie hi] fer fram heom : ane yle ase þei it were; heo criden faste on Ihesu crist : þat huy mosten a-riuie þere. Ȝeot after þat seint Brendan : þis yle furst y-seiȝ, [MS. saiȝ] Fourti dawes heo wenden in þe se : er huy comen þere neiȝ, Line 252 Þat heom þouȝte heore lif was heom loz. : þe Monekes weren a-gaste, heo criden ȝeorne on Ihesu crist : and is help heo beden faste. A luytel hauene and swyþe streit : huy founden atþe laste, Þat vnneþes heore schip miȝte þerinne come : Aunker [MS. Annker] for-to caste Þis Monekes wenden a-lond þo : wel longue heom þouȝte er. Line 257 huy bi-heolden al-a-boute : murie heom þouȝte þer. Þo yseiȝen heo twey faire wellene : þat on was suyþe cler, And sumdel wori and þicke þat oþer was. : þe Monekes ȝeoden ner, to drinken of þat faire welle. : seint Brendan it i-seiȝ, Line 261 And seide, "with-oute leue of oþur men : ne come ȝe nouȝt þere neiȝ, Of olde men þat here-inne beoz : al þoruȝ godes wille [al. for mid gode wille] ; For [om.] heo wollez party þar-of mid us : and þare-fore beoz ȝeot stille." A fair old man and swiþe hor : a-ȝein heom þere cam gon; Line 265 he wel-comede heom faire i-novȝ : and seint Brendan he custe a-non, And ladde heom forth with him : bi a wel fair wei

A-boute in many a murie stude : and sethþe in-to on Abbey. Line 268 Seint Brendan bi-heold a-boute : and axede ȝwat it were, And ȝwat-manere men weren þare-inne : and ho þare [al. om.] woneden þere. Stille was þis olde man : and ne ȝaf him none Answere. Þo cam þere gon a fair couent : and ane croyz bi-fore heom bere, Line 272 With taperes in eyþur side— : Monekes it weren ech-on, A^nd yreuested faire and in queor-copes : a-ȝein heom huy comen gon, With procession faire i-nouȝ. : þe Abbod bi-hinde com, And wel faire custe seint Brendan : and bi þe hond him nom. Line 276 he ladde him and is monekus : in-to a noble halle, And setten [al. sette] heom a-doun alle on a rewe : and wuchs heore fet alle; Of þe worie welle heore fet he wuchs : þat huy er i-seiȝe. In-to þe freytore he ladde heom þo : and sette heom wel heiȝe, Line 280 I-medlede with heore [al. his] owene couent. : and þo heo weren alle i-sete, Þare cam on and seruede : and brouȝte heom alle mete : And ane wel faire ȝwite lof : he sette bi-twene to & to, Ȝwite moren, ase it of herbes were : bi-fore heom he sette al-so— Line 284 Swettore mete ne miȝte non beo : huy ne knewen it nouȝt on; Of þe clere welle þat huy er i-seiȝen : þe Monekes dronke ech-on. "beoz nouþe glade," þe Abbot seide : "and drinkez nouþe i-novȝ In charite of þulke welle : þat ȝe wolden er with wouȝ— Line 288 Betere it is drinke in charite : ȝwan it is ov i-brouȝt, Þane ȝe it þeofliche nomen : ase ȝe hadden i-þouȝt. Þis bred þat we eteth of : we nuten of ȝwan it is : An straunge man eche daye it bringuth : In-to ovre celere, i-wis, Line 292 We nutez nouȝt bote ope godes grace : wanne it is ibrouȝt— For ho-so trust to ihesu crist : him ne schal failly nouȝt. [folio 105b] We beoz foure-ant-twenti freres : and ȝwane we beoz i-sete, twelf ȝwite Miches [al. suche loues] men brynguth us : eche daye to ore mete; Line 296 Ate feste of eche hali-daye; and ȝwan it sonen-day is, Foure-and-twenti loues us comieth : so þat euer^ech man hath his; Þat euerech frere of þat him leuez : witiez to is soper. I-doublet it worth nouþe for ov : ase ȝe i-seoth wel her : Line 300 Al [al. vor al] ore couent nis nouȝt here : ake muche [al. muchedel] it hath vn-ete. So þat ore louerd þoruȝ is grace : sent us alle mete.

Fram seint paterikes Abbeye [al. dai : & seint ailbi also] : þat in yrlonde is al-so, Four-score ȝer we habbez i-beon here : þat no man ne cam us to; Line 304 euere-eft ore louerd þoruȝ is grace : I-fed us hath ech-on. And þis weder is euere murie i-nouȝ : syknesse here nis non. And ȝwane we schullen ore seruise don : ore louerd sent us liȝt; Ore taperes ne beoz no-þe lasse : þei huy brenne day and nyȝt." Line 308 heo a-risen op and wenden to churche : þo heo hadden yȝete : And twelf oþere freres heo i-metten : Inward to þe mete. "hov is þis?" quath seint Brendan : "ȝwy neren þeose nouȝt with us?" "Leoue fader," quath þe Abbot : "nede it mot beo þus; Line 312 Þer ne mouwen bote foure-and-twenti Monekes : in ore freitore beon ido, And ȝwane ȝe weren þare-inne with us : þeos ne miȝten nouȝt al-so. Þe ȝwile we singuth euesong : heo schullen sitte and ete, Line 315 And heore euesong huy schullen syngue : ȝwane heo habbez i-ȝet[e]." Seint brendan bi-heold þat weued : him þouȝte þat hit was al, weued and chaliz and Cruettes : þoruȝ-out cler cristal. Seue taperes weren in þe queor : for þare ne weren non mo, And foure-and-twenti segene : þat Monekes scholden to— Line 320 For þare weren foure-and-twenti Monekes : and euerech hadde his; And þe Abbodes sege was : a-midde þe queor, i-wis. Seint Brendan axede þe Abbode : "do seiȝe me, leue broþur, hov holde ȝe so silence : þat neuer on ne spekez with oþur?" Line 324 "Ore louerd it wot," þe Abbot seide : "þat [al. om.] we habbez here i-beo Four score ȝer in swuche lyue : ase ȝe mowen here i-seo, And þare nas neuere a-mong us alle : yspeke in none wise Are þis tyme non oþur word : bote ore louerdes seruise; Line 328 Ne we neren neuer-eft in feblesse : ne sike of us nouȝt on." Seint brendan, þo he i-heorde þis : for Ioyȝe he weop a-non. "Leoue fader," he seide : "mote we bi-leue here?" Line 331 "Þov wost wel," þe Abbot seide : "ȝe ne mowen in none manere. Ne haueth ore louerd i-schewed ov wel : ȝwat ȝe schullen do? Come þov schalt to yrlonde i-wis : and þine twelf breþren al-so; And fram þe to þe yle of Ankres : þe þreotteoþe schal i-wende, Þe fourteoþe al quic to helle : and beon þare with-outen ende." Line 336

Line 336 Þo cam [orig. com] þare-In a fuyri Arewe : at a fenestre a-non, Ase þei heo fram heouene come : and þe taperes tende ech-on, [folio 106] And flevȝ out a-ȝein ase heo cam In : bi þulke fenestre þere. Þe taperes barnden longue Inov : and no-þe lasse huy nere. Line 340 "Louerd crist," quath seint brendan : "Ich wondri In mi þouȝt houȝ þis taperes bernez þus : and ne waniez nouȝt." "Ne hastþou," quath þe Abbod : "In þe olde lawe i-founde hov Moyses say A þorn berne : fram þe toppe to þe grounde, Line 344 Þe More þat þe þorn barnde : þe grenore þe leues were? Ne wenestþou nouȝt þat ore louerd beo : ase miȝti here as þere?"— Þeos Monekes weren to-gadere : for-to Midewynter was al i-do, For-to after twelfte-day : are huy departeden a-to. Line 348 Anon to seint hyllaries day : seint Brendan forth i-wende With is Monekus in þe se : þoruȝ grace þat god heom sende. huy floten op and doun in soruwe I-novȝ : þe se heom caste heiȝe; Fram þulke tyme forto in leinte : no lond huy ne i-seiȝe. Line 352 So þat a-boute palme-sonenday : heo bi-heolden a-boute faste : heom þouȝte heo i-seiȝen swiþe fer : ase a cloude ate laste. Þis Monekes hadden wonder þar-of : ȝwat þe cloude were. "beoth stille," seide seint brendan : "ȝe habbez i-beon þere : Line 356 Þare is ore procuratour : þat muche guod us hath i-do In [þe] foulene parays : and In þe lond of schep al-so." So þat heore schip ate laste : to þat yle drouȝ— A-schereþores-day huy comen þudere : in gret trauaile inouȝ. Line 360 Þis procuratour heom cam aȝein : and welcomede heom a-non, Ant custe seint brendanes fet : and þe Monekes echon; And sette heom sethþe to þe soper : for þe day it wolde so, And sethþe he wuchs hore fet alle : þe maunde for-to do. Line 364 huy heolden þare heore maunde— : and þare heo gounnen bi-leue A-gode friday al þe longue day : for-to an ester eue. An ester eue heore procuratour : bad heom heore schip take And heore resurrection : opon þe fisches rugge make, Line 368 And aftur heore resurrection : he bad heom euene teo to þe foulene parays : ase heo hadden er i-beo. Þis holie men wenden forth : and ore louerdes grace nome, Þat [al. so þat] to þis grete fischse : þulke daye huy come, Line 372

Line 372 Þat houede ase it were a lond. : heore caudron heo founden þere Ase heo it bi-leften opon is rugge : in þat oþere ȝere. Louerd crist, þat swch a best : scholde houi so stille And soffri men op-on him gon : and don al heore wille! Line 376 Þis Monekes op-on þe fisches rugge : bi-leften al þe nyȝt, And songuen matynes and euesong : and sethþe, þo it was liȝt, Op-on is rugge huy sounguen : heore massene echon; [MS. echone] And euere [MS. eueuere] houede þis muche fichs : stille so eny ston. Þo heore resurrection was : with gret honour i-do Line 381 And þis Monekus hadden i-songue : heore Massene al-so, A-boute onderne of þe daye : to þe schipe huy heom nome, [folio 106b] And to þe foulene parays : þat ilke day huy come. Line 384 Þo þis foules i-seiȝen heom come : huy gonne singue ech-one Aȝenest heom with gret melodie : ase it were for þenone. Þe foul þat spac with [heom] er : a-ȝein hem [orig. him] sone he drouȝ— þe drem of is winguene murie was— : he welcomede heom faire ynouȝ. Line 388 "Ȝe Auȝten," he seide, "ore louerd crist : þonky mid þe beste, Þat porueiez ou þeos four studes : to habben on ouwer reste : With ouwer guode procratour : ouwer maunde for-to do, And sethþe ouwer resurrection : ope þe fisches rugge al-so, Line 392 And sethþe with us þis eiȝte wokes : a-non to witsonen-day, And fram Mide-winter to candele-masse : In þe yle of Abbey. [MS. Aylbey] In þe se [of] Occean : in gret peril ȝe schullen i-wende In trauail al þat oþur tyme : for-to þe seuen ȝeres ende : Line 396 And sethþe þat lond of bi-heste : god wole þat ȝe i-seon, And fourti [dawes] sethþe þar-inne : In ioyȝe ȝe schullen beon. And to þe contreye þat ȝe beoz of : sethþe ȝe schullen i-wende With-oute trauail al aisieliche : and þare ower lif ende." Line 400 Þis holi men bi-lefden þare : for-to þe trinite : heore procratour to hem cam : and [al. þat] was euere in plente, he brouȝte heom mete and drinke i-nouȝ : ase he hadde er i-do, And chargede heore schip þere-with : and let heom wenden so. Line 404 Þis holie men wenden forth : ase god heom wolde sende— For godes grace was with heom : þe betere huy miȝten wenden.— Al-so huy wenden In a tyme : In strong tempeste j-nouȝ, [Pissis mala.]

A gret fisch huy seiȝen and grislich : after þe schipe he drouȝ; Line 408 brenninde fom out of is mouth : after heom he caste, Þat water was herre þane heore schip : bi-fore heom at eche blaste; he cam wolchi after ase an hous : aⁿd porsiwede heom so faste; Line 411 So [al. so faste] he schef with is breostene : þe Monekes weren a-gaste, And criden ȝeorne on seint brendan : and on ore louerd al-so. After heore schip so swyþe he schef : þat he cam al-mest þer-to. And þo he heom hadde al-mest ouer-take : [&] huy ne tolden nouȝt of hore liue, An oþur fisch out of þe west : þare cam swymme bliue, Line 416 he gan i-mete þis luþere fisch : and smot to him faste, Þat he for-clef is foule bouk : in þre partyes atþe laste; Þat ilke [al. & þane] wey þat he cam er : wel euene a-ȝein he drouȝ. Þis monekes þonkeden iesu crist : and weren [gladde] [added later; al. ioyful] ynouȝ.— Line 420 Longue [al. So longe] wenden þis gode men : in þe se forth so, Þat huy weren of-hongred sore : and heore mete was al i-do. [Auis paradisi.] Þo cam þare fleo a luytel foul : and brouȝte a gret bouȝ Fol of grapus swyþe rede : and euene to heom he drouȝ. [A v. om.: þis grapes he tok s. brendan : þis gode man som|del louȝ.] Þare-bi heo liueden fourtene niȝt : and hadden mete i-nouȝ. Þo þis grapes weren i-don alle : of-hongrede huy weren sore : Line 426 bi þone side huy i-seiȝen an yle : and mete þar-inne more. Þe yle was ful of faire treon : and so ful was euerech bouȝ [folio 107] Of swuche grapes ase huy hadden er : þat on þe grounde it drouȝ. Seint brendan wende op of þis schip : þe grapes he nam faste Line 430 And bar into þe schipe, to libbe þer-bi : þat fourti dawes it [al. i-laste] laste.— Sone þare cam a gryp fleoinde : after heom in þe se And a-saillede heom in heore schip : and fondede heom to sle. Line 433 Þis Monekes criden deolfolliche : and tolden luyte of heore lyue. Þo iseiȝen huy come þat luytel foul : toward hem wel bliue Þat heom [al. om.] in foulene parays : so ofte heom hadde irad. Þo seint brendan i-saiȝ him [MS. heom] come : he nas nouȝt a luytel glad. Line 437 Þis luytel [foul] [added later.] smot to þis gryp : and nam is dunt so heiȝe And at þe furste dunte : he smot out eyþur eyȝen; Sone he a-slouȝ þis luþere best : þat he fel doun in-to þe se— Line 440 Þing þat god wole habbe i-wust : ne schal it no wiȝt [orig. man, al. þing] sle.— Þis holie Men wenden in þe se : a-boute here and þere :

In on of þe four studes : þe heyȝe festes huy were. In a seint peteres day : gret feste huy maden with heore tounge Line 444 And swiþe murie of seint peter : In þe se huy sounge. In a stude of þe se : so cler þe se huy founde, A-boute heo i-seiȝen in eche side : clerliche to þe grounde : heom þouȝte þe ground was on eche half [al. iheled was] : with fisch al on hepe. Þis Monekes beden seint brendan : þat he softe speke, Line 449 So þat he ne a-weiȝte nouȝt þe fisches : laste huy heore schip breke. Alle þe fisches leiȝen stille : ase þei heo weren a-slepe. [This v. follows after 448 in the other MSS.] "beo ȝe a-ferde?" quath seint brendan : "ȝwarof beo ȝe a-drad? Line 452 Opon þe maisteres rugge of alle fisches : ȝe habbez i-beon wel glad And fuyr i-maked op-on is rugge : and doth fram ȝere to ȝere!" Þis holie Man þe luddere song : for þes ones [al. þen one] ase þei it were. Þe fisches sturten op with þis song : ase þei huy a-woken a-slepe, And comen a-boute þis monekes : alle to one hepe; Line 457 So þicke huy floten bi eche side : no water man ne i-seiȝ, [MS. sạ^eiȝ] And bi-setten þat schip al-a-boute : Ake no water [al. ac hi] ne cam þare neiȝ. So þicke huy weren a-boute þis schip : And euere syweden it so, Line 460 Þe ȝwyle brendan is Masse song : for-to heo was al ido; And þo þe Masse was al [MS. all] ido : ech fisch wende in is ende— Muche ȝwounder man may i-seo : þat wide wole i-wende.— Þe wynd was boþe strong and stif : and drof heore schip so faste; Al-so feor ase heo miȝten seue-nyȝt wenden : þat clere water i-laste, þat heo iseiȝen in þe se : ase clerliche ase huy miȝten a-londe— Line 466 gret wonder hadden þis gode Men : and þonkeden godes sonde. Þo cam sone a souþerne wynd : and northþe-ward drof heom faste; Riȝt euene with heom he was : and eiȝte dawes he laste. Line 469 Þo i-seiȝen huy feor in þe north : a lond deork i-nouȝ, Smoke stynkinde foule [al. smokie as it smythes were] : and þuder-ward heore schip drouȝ. Þo i-heorden heo gret blowynge : of manie beolies þere Line 472 And gret betynge and noyse i-nouȝ : þondre ase þei it were. [folio 107b] þo was brendan sori j-nouȝ : and blessede him wel faste. Þo cam þare out a luþer wyȝt : ful Atelich ate laste, Þoru-out swart and brenninde— : ope heom is eiȝene he caste Line 476 And tornede him anon a-ȝen— : þis Monekes weren a-gaste.

Þat luþere wiȝt ȝaf a cri : þat Men miȝten i-heore him wide. Þo come þare out swuch^e schrewes mo : þicke on eche side, Line 479 With tongen [orig. tongene] and with hameres : brenninde mani on; Op-on þe watere heo ornen faste [al. To þe brimme h. o. of þe se] : After þat schip ech-on. þo huy ne miȝten þare-neiȝ come : huy gounnen to ȝeolle faste, heore hameres al brenninde : after þis men huy casten, Line 483 Þat men ne miȝten no-þing bote fuyr : noþer iseo ne huyre; [MS. hẹ^uọ^yre] Þe se was brenninde al-a-brod : ase þei heo were a-fuyre. euer-ech caste is owel op oþur : and some huy þrewen an heiȝ, huy þrewen alle a-boute þat schip : ake non ne cam þare-neiȝ. Line 487 Ate laste heo torneden alle aȝein : þo huy ne spedden nouȝt þere, And al þat lond þouȝte of heom : a-fuyre ase þei it were, And al þe se þare a-boute : barnde and smokede faste— Strong was þe stunch and þe smoke : and longe, i-wis, it laste. Line 491 Þo þe smoke [al. monekes] was sum-del feor : þat heo ne iseiȝen non more, Ȝeot heo i-heorden heore ȝeollinge : þe þeoues weopen sore. "hou þinchez ou," quath brendan : "was þis a murie pas? Line 494 We nellez non-more come þare-neiȝ— : þat on ende of helle it was, And þe feondes hopeden suyþe wel : habbe i-haued a wel god cas; Ake i-hered beo swete ihesu crist : huy casten Aumbes as!"— Line 497 Þe souþerne wind laste ȝuyt : and ȝuyt drof heom forth. So þat huy i-seiȝen ane hul : wel feor in þe north, glowinde and brenninde smoke : gret stunch so was þere; Line 500 Þe leiȝe stod op an heiȝ : ase þei it a wal were; Ȝif þare was muche in þat oþur stude : þare was ȝeot wel more. On of þe monekes þo bi-gan : to weope and ȝeollen sore : For is tyme was þo i-come : he ne miȝte no leng bi-leue. Line 504 he hupte out of þat schip : and amidde þe se he gan weue And orn faste op-on þe watere : to-ward þat ilke fuyre. he cride ȝeorne and ȝal deolfulliche : þat gret deol it was to huyre; "Alas," he seide, "mi wrechche lijf! : for nou i seo min ende. Line 508 In ioye ich habbe with ou i-beo : ake i-ne may nouȝt aȝen wende. A-corsed beo þat me bar : and þe tyme þat ich was i-bore, And þe fader þat me bi-ȝat! : for ich am nouþe for-lore." Þe feondes comen him a-ȝein : and nomen þat wrechche faste Line 512 And defouleden him stronge Inouȝ : and a-midde þe fuyre him caste.

Þo fond he soth þat seint brendan : seide, þo he out wende : him failede grace, hou-so it was : his sunnes for-to a-mende.— So faste barnde þe Montayne : þat no-þing huy ne i-seiȝe, Line 516 Þe ȝuyt heo weren feor þare-fram : no-þing bote leyȝe. Þo tornede þe wynd in-to þe North : and drof heom south-ward faste, [folio 108] In þulke side stronge Inouȝ : þat seuen-Niȝt fulle he laste. So longe huy wenden euene south : þat huy i-seiȝen at þen ende [Judas.] Line 520 One harde roche In þe se : and þe se þare-ouer wende; Þare-ouer þe se caste i-lome : and ofte he was bar. Ant þo heo comen þe roche neiȝ : of a gost heo weren i-war : heo i-seiȝe on-ouewarde þe roche sitte : ȝwane þe se with-drouȝ, Line 524 A wrechche gost, naked and bar : in stronge meseise j-nouȝ; A-boue him was a cloth i-tild [al. teid] : with tweie tonguene faste, to is chin tilde þe neoþer ende— : þe wynd it wide caste, Þat euere ȝwane þat water him with-drouȝ : þat cloth, þat heng heiȝe, Line 528 beot him, [al. om.] ase þe wynd him blevȝ : þat wrechche gost [al. om.] in þen eiȝe; Þe wawes of þe se beoten also : bi-fore and bi-hynde— A ȝeomerore gost þane he was : ne miȝte no man finde. Seint Brendan him bad a-godes name : telle ȝwat he were Line 532 And ȝwat he hadde ore louerd mis-don : and ȝwi he sete þere. "Ich am," he seide, "a deolful gost : ich hote wrechche Iudas, Þat ore louerd for panewes solde : and on eorþe with him was. Þis nis nouȝt mi riȝte stude : ake ore louerd doth me grace Line 536 to habben mi parays : here in þis place, For no guodnesse þat ich dude : bote ore louerdes ore. I-ne habbe nouȝt so muche pine : þat ich nere wurþe more. For in þe brennynde hulle : þat ech of eov i-saiȝ, Line 540 Mi riȝte is to brennen Inne : boþe nyȝt and dayȝ; Þare ich was þis ȝeondere daiȝ : þo ower broþer þudere cam And was into pine i-lad : and þare hadde is dom. Þare-fore helle was so glad [orig. gled] : and makede so grete leiȝe, Line 544 For þat he was þudere i-come : and so neiȝ him [al. þat ȝe so ver] i-seiȝe— So huy doz ȝwane ani soule : is formest þudere i-come. Þoruȝ godes heiȝe milce : þare-fram ich am i-nome : For here ich am euer-ech sonenday : and fram saterdayȝes eue Line 548

Line 548 For-to euen-song tyme þane sonenday : here i schal bi-leue; Ant at Midewinter al-so : for-to twelfte-dai beo ido, Ant fram þe bi-guynninge of estur : þat ȝwit-sonenday come, al-so, Ant al-so at ore lauedi festes— : so ful of milce heo is; Line 552 Ake alle oþure tymene : In helle ich am, i-wis, With pilatus. ant with heoroudus : and al-so with [al. Anne and] cayphas— A-corsed beo þe tyme : þat ich i-boren was! Ich bidde þe for þe loue of god : fonde on alle wise Line 556 For-to bi-leuen [al. þat ich bileue] here al þis [al. niȝt] : þat þe sonne a-rise, And þat ȝe wyten me fram þe feondes : þat sone comieth aftur me." Seint Brendan seide, "þoruȝ godes grace : we schullen schilde þe. tel me nouþe ȝwat is þat cloth : þat so heiȝe hanguth her [orig. here] ." "Þo ich was on eorþe : and godes panewes ber, Line 561 Þis cloth ich ȝaf a musel : and min owene it nas nouȝt, For it was with ore louerdes panes : ant mine felawes i-bouȝt. [folio 108b] Ant for ich it ȝaf for godes loue : nouþe it is me bi-fore— Line 564 So luyte ne schal man for him do : þat schulle beo i-lore. For it was of oþur mannes : ase ich me under-stod, Þei it hangy bi-fore me : it doth me more harm þane guod : In mine eiȝene it bat sore : ant doth hem harm i-nouȝ."— Line 568 Man mai i-seo ȝwuch it is : to ȝyuen oþur mannes þing with wouȝ; As wollez manie of þis riche men : with onriȝte al day take Of pouere men here ant þer : and almesse þar-of make. Þat heo doth for godes loue : ne schal nouȝt beo for-ȝite, Line 572 Ake to pine it heom turne schal : ant þat huy schullen i-wite!— "Þe tonguene al-so," quath Iudas : "þat ȝe so heiȝe i-seoth, tweye preostes ich ȝaf on eorþe : and þare-fore here heo beoth— For man schal clanliche ech þing finde : þat he doth for is loue. Line 576 Þe ston þat ich op-on sitte : and makez me sitte a-boue, In one weiȝe ich hyne fond : þare non neode nas no ston : In a fenni dich ich it caste : þat men miȝten þare-ouer gon. Fewe goddedes ich haue i-don : of ȝwan ich nouþe may telle; Line 580 Nis non so luyte þat man ne may fynde : in heuene oþur in helle." Þo it was .eue. þe sonenday : þe feondes comen blaste, For-to leden to helle þat sori gost— : huy weopen ant ȝollen faste.

"Wend heonne," heo seiden, "þou gode [al. godes] man : þou nast nouȝt here to done; Line 584 Lat us habbe ore felawe : ant to helle leden him sone : For we ne dorren ore mayster i-seo : are we him [MS. him him] habben i-brouȝt. Þou wend fram him, for it is tyme : and ne lete us nouȝt!" "Ich ne lette ov nouȝt," quath seint brendan : "to don ouwer mester, Line 588 Ake doth ore louerd iesu crist : þat is of more pouwer." "hou darst þou," þe feon[des] seide : "bi-fore him nemme is name? Ne bi-trayde he him and solde him al-so : to deþe with grete schame?" Seint Brendan seide, "in his name : ich hote ov, ase ich may, Line 592 Þat ȝe ne derien him to-nyȝt : are to-morewe þat hit beo day." Reuliche þe feondes ȝollen þo : ant hamward gonne fleo. Iudas þonkede reufolliche : þat it was deol to seo. A-morewe, a-non so þat it was day : þe feondes comen blaste. Line 596 Grysliche heo ȝollen ant weopen : ant gonnen to chide faste. "A-wey," huy seiden, "gode man! : a-corsed beo þe stounde Þat þou come here us so neiȝ : and þat we þe here founde : Ore Maister us haueth i-pyned : bitterliche al þis nyȝt Line 600 Ant swyþe strongue, for we ne brouȝten : with us þis sorie wiȝt. Ake we wollez þeos six dawes : doubli al is wo And so we wollez a-wreken us : for on him-sulf it schal go!" Line 603 Þat wrechche gost quakede þo : þat reuþe it was to seo oþur telle. Þe fendes nomen þo þis gost : ant ladden in-to helle; Ant seint Brendan hem for-bed : In ore louerdes name Þat heo ne scholden for þat nyȝt : don him þe more schame.— Seint Brendan and is Monekus : In þe se forth wende [folio 109] Line 608 Þre dawes euene south : ase ore louerd hem grace [al. om.] sende. Þe feorþe dai heo i-seiȝen ane yle : albi souþe an heiȝ. Seint Brendan siȝte sore : þo he þat [yle] i-seiȝ. "Powel þe heremite : is in þe yle þat ich i-seo, Line 612 here he haueth with-oute mete : fourti ȝer i-beo." Þo heo comen to þis yle : heo wenden in ech-on. Þis heremite, þat was so old man : a-ȝein hem cam a-non. his her tilde doun to is fet : of berde and of heued, Line 616 and helede is bodi al-a-boute— : riȝt nouȝt þare nas bar bi-leued;

None oþur cloþes nadde he on : is limes weren al hore. Brendan stod and bi-heold : and weop swiþe sore, [A v. om.: Alas, he sede, ichabbe so ȝare: in stude of monek ibe,] "And nouþe In liue of Aungele : ane man ich i-seo." "beo stille," quath þe hermite : "for god doth wel bi þe; Line 621 For he schewez þe more þane ani oþur : of is priuete. For a Monek liuez muche : bi swunche of mannes [al. is owe] honde, Ant þou liuest bi godes grace : ant þoruȝ is owene sonde. Line 624 In þe Abbeye of seint paterich : Monek ich was, i-wis And of is churche a wardein : þare is purgatorie is. A day þare cam a man to me : ich eschte him ȝwat he were. he seide, 'ich am þin Abbot : ne haue of me no fere.' Line 628 'Non oþur man þane seint paterik : min Abbot nis,' ich sede. 'Ich it am,' quath he a-ȝein : 'ne haue of me no drede. to-morewe,' he seide, 'ȝwane it is day : to þe se þou most i-wende : Al-ȝare þou schalt finde a schip : þat god þe wole sende; Line 632 Ant do þe forth in þe se : in þine schipe wide : hit wole þe lede to þe stude : þare þou schalt a-bide.' Sone morewe ich oup a-ros : to don is holie bone : And þo ich cam to þe se : þat schip ich fond wel sone. Line 636 Mid me ich bad [r. let] þat schip i-worþe : wel euene forth it wende. Þe seuenþe dai to þis yle : ore louerd me hydere sende. Þo ich was out of þat schip : þane wei a-non ich [al. aȝen it] nam Riȝt euene þoruȝ godes grace : so þat ich [al. riȝt as it] hidere cam. Line 640 Elinge ich ȝeode here al one : confort nad-ich non : So þat on is hindore fet : An .Otur. þare cam gon, Bi-twene is forþere fet he brouȝte : a fuyr-Ire ant a ston, Þare-with to smite me fuyr : and fisch he brouȝte sethþe guod won. Line 644 Þis [otur] wende sone a-ȝein. : ich makede me fuyr faste Ant seth me fisch a-godes name— : þre dayes it i-laste. So þat euere þene þridde day : þis .Otur. to me drouȝ And brouȝte me mete, þat ich hadde : þre dawes þar-on i-nouȝ. Line 648 Watur of þis harde stone : þoruȝ ore louerdes sonde Þare sprong out of eche daye [al. ech sonedai] : to drinke and wasche min honde. Þis welle bi-gan furst hire to schewen : þat þou miȝt i-seo, here [al. þo] ich hadde [MS. habbe] þritti winter : In swuche liue i-beo; [both vv. are transp. in other MS.]

bi þis welle ich habbe I-leoued : fourti ȝer and on, And fifti ȝer ich was old : are ich gan hidere gon; [folio 109b] So þat of an hondred ȝer : and twenti ȝer þare-to Ich am nouþe bi þis time— : ore louerd is wille bi me do. Line 656 And mi deth ich a-bide here : ȝwane god it wole sende, Ȝwanne mi louerd wole þat ich come to him : and of þis world i-wende. Ake nim with þe of þis watur : þat þou hast neode to, And wiend þe forth in þe se : for þi wei nis nouȝt al i-do. Line 660 For þou schalt ȝeot in þe se : fourti dawes fare, And þanne þou schalt þine Ester holde : ase þou hast i-don are, And fram þanne þou schalt wiende forth : to þe londe of bi-heste And þare þou schalt fourti dawes : bi-leuen atþe leste, Line 664 And to þin owene londe aȝein : þou schalt wiende so." Þis guode men with deol i-nouȝ : þus de-parteden a-two.— Þis holie men wenden hem forth : in tempeste [al. in þe se] wel faste, Fourti dawes euene south : þe ȝwile þat leinte i-laste. Line 668 to heore guode procratour : an ester eue huy come. With heom he made ioie i-nouȝ : ase he dude er i-lome. he ladde heom to þis grete fisch. : þudere huy comen an eue; Þe Ester niȝt for-to a-moruwe : þare huy gounne bi-leue; Line 672 Þare huy songuen heore matynes : and heore masse al-so. Þe fisch bi-gan to meouen him : þo þe masse was al i-do, And bar þis Monekes forth with him : And swam swiþe faste In þe se wel stuyrneliche— : þe monekes weren a-gaste. Line 676 A wonder þing it was to seo : ho-so it hadde i-seiȝe, A so gret best a-boute wiende : ase it were a gret contreie! Riȝt to foulene parais : þis monekes he ladde ech-on, And sette heom up hole and sounde : and wende a-ȝein a-non. Line 680 Þis monekes, þo huy þudere comen : wel glade and bliþe huy were. For-to aftur þe trinite : huy bi-lefden þere. For heore guode procuratour : þulke tyme brouȝte heom mete and drink i-nouȝ, Ase he hadde er ido— : into heore schip he it drouȝ, Line 684 And al-so he wende forth with heom : ȝwodere-so god heom sende. Riȝt euene towar^d þe est : fourti dayes huy wende.

Þo þe fourti daiȝes weren a-gon : hit gan to hauli faste; A wel deork mijst þare com al-so : þat swiþe longue i-laste. Line 688 "beoth glade," seide þis procuratour : "and makiez grete feste, For ichot wel þat ȝe beoth : in [al. nei] þe londe of bi-heste." Þo huy comen out of þis Mijst : and miȝten a-boute i-seo, In [al. vnder] þe faireste lond huy weren : þat euere miȝte beo. Line 692 So cler and so liȝt it was : þat Ioye þare was I-nouȝ; Treon þare weren fulle of fruyt : wel þicke euer-ech bouȝ. Þicke it was i-set wit^h treon : þe treon wel faire were, [al. & þe treon þicke bere] Þe Applene weren ripe inouȝ : riȝt ase it heruest were. Line 696 Fourti dawes in þis londe : a-boute huy gounne i-wiende, In none half huy ne miȝten finde : of þis lond non ende. [folio 110] hit was euere-more day : heom þouȝte, and neuere-more nyȝt, huy ne founden in none stude : neuere so muche liȝt; Line 700 Þe eyr was euere in o stat : naþur to hot ne to cold— Ȝwat [ioie] huy þere founden : ne may neuere beon i-told. So þat huy comen to a fair watur. : huy nolden nouȝt ouer i-wiende. [A v. om.: Ac ouer hi miȝte þe lond ise : vair wiþ-outen ende.] Þo cam to heom a ȝonglich man : swiþe fair and hiende, Line 704 Fairore ne miȝte neuere non beo : ase god him gan þare [MS. þure] siende. he wel-comede euerech bi is name : and custe heom ech-on, Faire he honourede seint Brendan : and on is hond him nam a-non. "Lo," he seide, "here þe lond : þat ȝe habbez i-souȝt so wide. Line 708 For ore louerd nele nouȝt : þat ȝe here-Inne longue þus a-bide, Ake ȝe schullen in þe se : is priuetez i-seo, [These vv. are corrupt.] Chargiez ower schip with of þis fruyt : for ȝe ne mouwen no leng here beo." to seint Brendan he seide And spak : þis ȝounge man fair and hende : [This v. al. om.] Line 712 "Þou most to þin owene lond : a-ȝeinward a-non i-wiende : For þou schalt sone out of þis world : þi lijf is neiȝ atþende. Þis watur þat ȝe here i-seoth : delez þis world a-two; Line 715 Þeos half ou þinchez fair i-novȝ : and bi-ȝeonde half al-so. Ȝe ne mouwen nouȝt comen a-ȝend [MS. ȝende] half : for it [is] nis nouȝt riȝt. Ake þis fruyt is euere i-liche ripe : and þis lond i-liche briȝt. And ȝwane ore louerd eche-manere men : to him haueth i-drawe

And ȝwane alle-manere men knowez him : and vnder-stondez is lawe, Þat lond he wole þanne schewe : toward þe worldes ende Line 721 heom þat beth to him i-core : are huy heonnes i-wiende." Seint Brendan a[n]d is Monekes : of þis fruy^t token faste, And of preciouse stones al-so : and into hore schipe it caste; Line 724 And faire and wel heore leue nomen : þo al þis was i-do, And with wop and sor and deol i-nov : departeden a-two; And wenden hamward in þe se : ase ore louerd heom sende. Wel sonere, ich wot, hom huy come : þane huy outward wende. Line 728 heore breþren, þo huy comen hom : Ioyfule weren i-nouȝ. Seint Brendan, þe holie man : sone to deþe drouȝ— For neueref[t] aftur þulke tyme : of þe world he ne rouȝte, Bote as a man of an oþur worlde : and ase he were in þouȝte— Line 732 And deide sone in yrlaunde : aftur þulke stounde. Mani fair miracle men habbez sethþe : for him þare i-founde; And a fair Abbeie þare is a-re[r]d : ase is bodi was i-do. God bringue us to þulke Ioye : þat is soule wende to. AmeN. [[Fol. 110 b is left vacant.]] Line 736