Abhandlungen zur Geschichte der Mathematik.

Der Tractatus Quadrantis des Robertus Anglicus. 61
Von den mylen.
51. Der halbtail der erden dyameters, damit der steren leng gevrsacht
wirt, ist 3250 meil, wann die nacher leng des mauns von der erden sy
33mal vnd ain halbs glych dem halben tails der erden dyameters, daz ist
10937 myl vnd ain halb mil, vnd die lenger leng des mauns ist 66 mal
vnd ain 6tail ains mals glich dem halben tail der erden dyameters, das
ist 542750 meil. Aber j die leng veneris, die da ist die nacher gen der 71',II.
lengern leng der sunnen, ist 608 mal glych dem halben tail der erden dyameters vnd ain halbs vil nach, das ist 1965000 myl; vnd die lenger leng,
die da ist die nacher leng marcis, ist 1220 mal glych den halben tail der
erden dyameters, das ist 3965000 meil; vnd die länger leng marcis, die
da ist die nächer leng jouis, ist 8876 mal glich den halben tail der erden
dyameters, das ist 2887000 meil; aber die lenger leng jouis, das ist die
nacher leng saturni ist 410045 mal glich dem halben tail der erden dyameters, das ist 46816250 myl; vnd die lenger leng saturni, die da glich
ist den stäten steren lengerung, ist zu 2000100 malen glich dem halben
tail der erden dyameters, das ist 65357500 stafel, die werden j milen von 72,I.
ALFRAGANO auszgezogen in dem 9 capitel, wann daselbst hat er gesprochen
dz 56 meil vnd 2 tercz ainer mil antworten glych ainem yetlichen stafel
des himels.
Von den 7 climat.
52. Darumb wirt gesechen, wie vil stafel sind in der braite des
ersten lantschafts. Also wirt erhöcht des hymels nab, als gesagt wirt
in dem Anfang des ersten, mit 12 staffeln vnd aines halben vnd ainem
viertail ains staffels. Aber jn dem end mit 20 stafeln vnd ainem halben.
Nun so wir daz miner von dem grössern ziechen, so werden in der vnderschaid 7 staffel vnd ain halber vnd ain viertail, das ist die leng des ersten
lantschafts nach den stafeln des hymels; darnach yetlichs stafel 56 meil,
mit 7 zu gemeren, so bekomen 392 1 meil. Darnach von ietlichs stafels 72, II.
terczen werden 14 quart, vnd der halbtail des stafels gewint 28 myl vnd
ain tercz, die werden zu den ersten getan, myl zu mylen vnd tercz zu
terczen, so werden darausz 420 meyl vnd 15 terczen, vnd ist vbrig 14 mail
vnd ain halb tercz, der wirt nicht geacht. Aber die myl werden zu den
ersten getan, so wirt dar ausz 434 myl, vnd wann 15 tercz tund 5 gancz,
so werden dafür genomen 5 myl vnd zu den ersten getan, so wirt dar ausz
439 myl, die sind in rechter warhait jn dem ersten lantschaft. Aber so
nicht mer denn ains gebricht von 440, das ain gerümpt zal ist, so tut
man das ain darczu, vnd wirt vollkomenlich die selb zal.