Memoirs presented to the Cambridge philosophical society on the occasion of the jubilee of Sir George Gabriel Stokes, bart., Hon. LL. D., Hon. SC. D., Lucasian professor.

xiv ORDER OF PROCEEDINGS.
Sequitur deinceps vir insignis Nemausi natus, Parisiensium in Universitate illustri
geometriam diu professus et scientiarum facultati toti praepositus. Peritis nota sunt
quattuor illa volumina, in quibus superficierum rationem universam inclusit; etiam pluribus
notum est, quantum patriae legatus deliberationibus illis profuerit, quae a Societate nostra
Regia primum institutae, id potissimum spectant, ut omnibus e gentibus quicquid a
scientiarum cultoribus conquiritur, indicis unius in thesaurum, gentium omnium ad fructum,
in posterum conferatur. Incepto tanto talium virorum auxilio ad exitum perducto, inter
omnes gentes ei qui rerum naturae praesertim scientiam excolunt, sine dubio vinculis
artioribus inter sese coniungentur.
Duco ad vos IOHANNEM GASTONUM DARBOUX.
Trans aequor Atlanticum ad nos advectus est vir insignis, qui ea quae professor
noster Lucasianus de aetheris immensi regione, in qua lux propagatur, orbis terrarum
motu perturbata, olim praesagiebat, ipse experimentis exquisitis adhibitis penitus exploravit.
Lucis explorandae in provincia is certe scientiarum inter lumina numeratur, qui olim
fratrum nostrorum transmarinorum in classe non ignotus, lampade trans oceanum e Gallia
sibi tradita feliciter accepta, etiam exteris gentibus subito affulsit, velocitatem immensam
eleganter dimensus, qua ]ucis fluctus videntur (ut Lucretii verbis utar)
'per totum caeli spatium diffundere sese,
perque volare mare ac terras, caelumque rigare.'
Duco ad vos ALBERTUM ABRAHAM MICHELSON.
Scandinavia ad nos misit scientiae mathematicae professorem illustrem, qui studiorum
suorum velut e campo puro laudem plurimam victor reportavit. Idern Regis sui auspiciis,
qui praemiis propositis magnum huic scientiae attulit adiumentum, etiam exterarum
gentium ad communem fructum prope viginti per annos Acta illa Mathematica edidit, quae
in his studiis quasi gentium omnium internuntium esse dixerim. Ipse Homerus (ut Pindari
versus verbo uno tantum mutato proferam) a"yyeov o"Xov "'a 7Lràv iey[la-rav 7rparyuart
7ravTrb (épetv av feTat ical M a O7o-t s c àyyeXkia op0àâs.
Duco ad vos MAGNUM GUSTAVUM1 MITTAG-LEFFLER.
Universitatem Heidelbergensem abhinc annos quadraginta professorum par nobile
spectroscopo invento in perpetuum illustravit. Adest inde discipulorum plurimorum in
scientia physica praeceptor, qui et in instrumentis novis inveniendis sollertiam singularem
et in eisdem adhibendis industriam indefessam praestitit. Ei qui in scientiae physicae
ratione universa versati, viri huiusce inventis utuntur, etiam de sua scientia verum esse
confitebuntur, quod de arte oratoria praesertim dixit Quintilianus:-' in omnibus fere minus
valent praecepta quam experimenta.'
Duco ad vos GEORGIUM HERMANNUM QUINCKE.