Memoirs presented to the Cambridge philosophical society on the occasion of the jubilee of Sir George Gabriel Stokes, bart., Hon. LL. D., Hon. SC. D., Lucasian professor.

Xii ORDER OF PROCEEDINGS.
The following Address, as approved by the Senate, and sealed with the
University seal, was read by the Public Orator, and presented to Sir George
Gabriel Stokes by the Chancellor.
Baronetto insigni
Georgio Gabrieli Stokes
Iuris et Scientiarum Doctori
Regiae Societatis quondam Praesidi
Scientiae Mathematicae per annos quinquaginta inter Cantabriqienses Professori
S. P. D.
Universitas Cantabrigiensis.
QUOD per annos quinquaginta inter nosmet ipsos Professoris munus tam praeclare
ornavisti, et tibi, vir venerabilis, et nobis ipsis vehementer gratulamur. Iuvat vitam tam
longam, tam serenam, tot studiorum fructibus maturis felicem, tot tantisque honoribus
illustrem, tanta morum modestia et benignitate insignem, hodie paulisper contemplari. Anno
eodem, quo Regina nostra Victoria insularum nostraruin solio et sceptro potita est, ipse
eodem aetatis anno Newtoni nostri Universitatem iuvenis petisti, Newtoni cathedram postea
per decem lustra ornaturus, Newtoni exemplum et in Senatu Britannico et in Societate
Regia ante oculos habiturus, Newtoni vestigia in scientiarum terminis proferendis pressurus
et ingenii tanti imaginem etiam nostro in saeculo praesentem redditurus. Olim studiorum
mathernaticorum e certamine laurea prima reportata, postea (ne plura commemoremus)
primum aquae et immotae et turbatae rationes, quae hydrostatica et hydrodynamica
nominantur, subtilissime examinasti; deinde vel aquae vel aëris fluctibus corporum motus
paulatim tardatos minutissime perpendisti; lucis denique leges obscuras ingenii tui lumine
luculenter illustrasti. Idem etiam scientiae mathematicae in puro quodam caelo diu vixisti,
atque hominum e controversiis procul remotus, sapientiae quasi in templo quodam sereno
per vitam totam securus habitasti. In posterum autem famam diuturnam tibi propterea
praesertim auguramur, quod, in inventis tuis pervulgandis perquam cautus et consideratus,Y
nihil praeproperum, nihil immaturum, nihil temporis cursu postea obsolefactum, sed omnia
matura et perfecta, omnia omnibus numeris absoluta, protulisti. Talia propter merita non
modo in insulis nostris doctrinae sedes septem te doctored. honoris causa nominavertunt,
sed etiam exterae gentes honoribus eximiis certatim cumulaverunt. Hodie eodem doctoris
titulo studiorum tuorum socios nonnullos exteris e gentibus ad nos advectos, et ipsorum
et tuum in honorem, velut exenmpli causa, libenter ornamus. In perpetuum denique observantiae nostrae et reverentiae testimonium, in honorem alumni diu a nobis dilecti et ab
aliis nomismate honorifico non uno donati, ipsi nomisma novum cudendum curavimus. In
honore nostro novo in te primum conferendo, inter vitae ante actae gratulationes, tibi
omnia prospera etiam in posterum exoptamius. Vale.
Datumn in Senaculo
mensis Iunii die secundo L-S
A. S. MDCCCXCIX.