The Philippine review (Revista filipina) [Vol. 2, no. 1]

Poema Ermitense JEsUs BALMORI
I
EL QUE TA PENSA ELE
Na debajo de un pono que ta cargao de nanca
Ta mira bueno el biejo si puerte el marejada.
Na junto de ele, quieto, ta recostao el banca.
Como un mujer querida que ta dormf cansada.
Agora ta mori el iltimo sentellas
Del sol que ta roda como ensendido bola;
Y na propundo biento que ta mifie el estrellas
Ta tembl como un beso de espumas todo el ola.
El biejo ta pensa, ta pensa ele quilaya
Al quedA mAs de noche de rebolbi na playa
Y de dejA con Ychay na casa de Belite.
Para pod6 pescA mas que no hay ele sebo
Y pod6 ele comprA un par de corcho nuebo -
Con el diasque de Ychay, para andA na Cabite....
II
QUILAYA BOS
Si de jablA yo bueno quilaya el bos pigura
No de encontrA yo plores para bisA ele c6mo;
Bos como un talde blanco, ta lleno de dulsura;
Bos como el plores de oro que ta na sinamomo.
Si bos ta caminA ta sinti yo que todo
Ta llenA de perfume, resplandor y colores,
Como si de pasA un procesi6n na lodo
Y el lodo ta queda de repente hecho plores.
Na todo el nis6s pueblo no de encontrA mAs una
Mujer cual bos, tan bella, tan blanca como el luna
Cuando ta apares6 na pondo del bahiA,
Bos dnico el hermosa, bos unico el grasiosa,
Ni mAs ni menos como el Angeles de rosa
Que ta na pies del Nuestro Sefiora de la Guia.....
III
POR CAUSA DEL SIRENA
Ya amanes6 na playa, hinchado como un bola.
Seguro que ele joven todobia y hermoso...... )
Na su cuerpo tendido ta rebrincA el mana ola.....
Ele no ta mifieA na propundo reposo.
El ojos negro de ele ta todobia abierto.
El ropas destrosado, el cuerpo con herida.
Seguro mas de un dia que ta flota ele muerto.
Seguro no hay quien sabe que ya perd6 ele el bida.
Y ta jabla un soltera que ta quitA el arena
Del ojos de ele:-Pijo que ya cantA un Sirena
Y ya queda encantado el pobre pescador.....
Pijo.... porque na bida ta desgrasiA el mana hombre
Por causa de ese mana Sirena o cosa nombre
Que ilotros y nis6s ta pode llamA Amor.....