The parlament of foules, by Geoffrey Chaucer. Ed., with introduction, notes, and glossary, by T. R. Lounsbury.

54 THE PARLAMENT OF FOULES.

X.
Than bad he hym, syn erthe was so lyte,
And ful of turment and of harde grace, 65
That he ne schulde hym in this world delyte:
Thanne tolde he hym, in certeyn yeris space,
That euery sterre shulde come into his place,
Ther it was ferst; and al schulde out of mynde,
That in this world is don of al mankynde. 70
XI.
Than preyede hym Scipion to telle hym al
The weye to come into that heuene blis:
And he seyde, " Know thyself ferst immortal,
And loke ay besyly thow werche and wysse
To comoun profit, and thow shalt not mysse 75
To comyn swiftly to this place deere,
That ful of blysse is and of soulys cleere.
XII.
"But brekeris of the lawe, soth to seyn,
And lykerous folk, aftyr that they ben dede,
Schul whirle aboute therthe, alwey in peyne, 80
Tyl manye a world be passid out of drede,
And that forgeuyn is here wickid dede;
Than shal they come into this blysful place
To whiche to comyn God synde us his grace."
65. MS. reads, And was sumdel di- 7y. of before soulis not in this MS.
syuable and ful of arde grace. 78. [brekeris] brekeis.
66. [this] the. 80. [therthe] there
71. [Scifion] cypyon. 82. [here wickid] his weked.
73. [immortal] inmortaL 83. [come] comyn.
75. [shalt] shat. 84. his not in this MS.