¶ Saynt Hugh.
¶ Let the officers so behaue themselfe vnto theyr fe∣lowes / yt neyther they offende in grudgynge of theyr offyce / ne yet cause theyr felowes to grudge agaynst them for lacke of gentyll wordes / or charytable be∣hauyour. For murmure and grudge is a grete offence anenst almighty god. Saynt Gregory sayth. No per¦sone that doth murmure or grudge / shal euer receyue the kyngdome of heuen. And who so euer haue ones receyued ye kyngdome of heuen / shall neuer after mur¦mure ne grudge.* 1.1 Salomon sayth. Precordia fatui / quasi rota carri. &c. The stomacke of ye frowarde fole is lyke vnto ye whele of a carte that bereth a grete lode of hey / & euer murmureth & whyneth or wheketh as he goth. So done suche persones in religyon that ben carnall & nere vnto them selfe. For all though they do theyr duty / yet euer they grudge agaynst somwhat / & ben neuer content.* 1.2 The apostle coūseyled his discy∣ples they sholde not grudge as ye childer of Israel dyd that were slayne by serpentes. And why by serpentes were they slayne? bycause that murmure & grudge is a venymous serpēt. And who so euer done murmure & grudge / haue the venym of the deuyll vnder ye rotes