To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
FAmula is an herbe called sperworte, or la••∣secle, this hath leues ly∣ke to a spere hed, it hath a stalke, and in the top cōmyng out many smal stalkes, & it hath a why∣te flower, and it groweth in waters. ¶ The vertue therof is that he is good to hele the fe∣uers, and also for to breke botches and byles, and it is hote and drye.
FUmus terre is an herbe called fumeterry this herbe hath leues that ben somwhat whyte vnder, and they ben smal, and it hath a flower of purpul colour, and this herbe gro¦weth in stalkes, but not fullonge. ¶ The ver¦tue is that he comforteth the stomacke. Also he maketh a man to haue appetyde to mete, it helpeth a man to make water, and it openeth the stoppynge of the lyuer, & clereth a mānes blode. Also yf the ioyce therof be dronke it di∣stroyeth scabbes and ytchynge, and bladders that ben gendred of wycked humours, and it is hote and drye.
FRagra is an herbe called strawbery, and this herbe is cōmon. ¶ The vertue therof is that he is good to dystroye a webbe in the lyen. Also it is good to hele woundes. Also the ioyce medeled with hōny, and dronke he∣leth the akynge of a mannes mylte, this gro∣weth in clene and darke places.
FAbaria maior is an herbe called brokele∣ues, this herbe hath rownde leues & mo∣che lyke to myntes. ¶ The vertue therof is, yf he be puned with shepes talowe, and ma∣de hote in maner of a playster, and layde to
any swellynge it wyll hele it, this herbe gro∣weth in smal brokes, & moste amonge belton.
FIlex is an herbe called Ferne, this herbe is cōmon, and there be .iii. spyces therof, one is called Ferne, and another is called po∣lipode, another called Osmonde, and that is the .ii. spyces, another is called verrew & that is the .iii. spyce, polipode is good to make a man laxatyue, and he groweth in trees, Os∣monde is good to hele broken bones, and it groweth in dyches and woodes, the .iii. that mē cal euer verrew groweth on walles, and is good to hele the potagre, & he maketh strō∣ge a mānes senewes, & he groweth in woo∣des, dyches, and feldes.
FIlipendula is an herbe that men calleth Filipendull or dropworte, this is lyke to yaron, and he groweth next the groūde, the leues be more than the leues of yaron, it hath a small stalke, and a flower somdele whyte, and in the more small pelettes lyke yshape as it were smal pelettes rownde. ¶ The vertue is yt he wyll dystroy wycked wyndes aboute the lyuer and the mylte. Also he helpeth to di∣stroy the stone, it groweth in holowe places, and drye, and it is hote and drye.
FEnicnlum is an herbe that men calleth Fenell, this herbe is cōmon ynoughe.
¶ The vertue is, the sede when it is drye, it distroyeth wynde in the stomacke. Also it cō∣forteth a mannes stomacke. Also he openeth the stoppynge of the reynes & of the bladder. Also ye ioyce of this herbe stilled in to a mans iye doth away the webbe. Also yf it be dron∣ke with wyne, it dystroyeth all maner of ve∣nym. Also the ioyce dropped in to the eres sle∣eth wormes, that ben within. Also yf it be dronke with wyne it heleth the dropsy. Also it heleth all maner of swellynges. Also yf he be dronke with wyne or water, it maketh a womans mylke to wax. Also yf he be dron∣ke with wyne, it kepeth from castyng. Also yf he be medled with oyle it wyll hele ye swel∣lynge of a mans yerde. Also yf thou wyll be steryed to lecherye, take and drynke the sede therof with good wyne.
FAxmus is an herbe called hertwort or odobrame, this hath leues yshape as a hert and hath a flower as were bugle, and a shorte stalke. ¶ The vertue is yf he be broke and layde to a sore it heleth anone, this groweth in feldes and medowes.
FIniculus porcinus is an herbe called swynes fenel or worme sede, this her∣be hath small leues lyke to yaron, and of a stalke cōmynge many braunches it gro∣weth vpon walles, & hath small coddes and small red sede. ¶ The vertue of this herbe is, yf a man ete the sede therof, it distroyeth and sleyeth the wormes within the wombe, and it is hote and drye.
FEbrifuga is called fetherfoy or vethut foye, this herbe hath many stalkes cō∣mynge out of one stalke, and it hath a whyte flower as it were Mayes. ¶ The vertue is that he wyl comforte the stomacke. Also it swageth the feuer cotydyan. Also it is good to hele the crampe that cōmeth of a colde stomacke. Also yf this herbe be puned and layde to a sore that is bytten with a ve∣nymous worme or beest it shall be hole. Also this herbe tempered with eysell doth awaye the morfew. Also yf this be puned and layde to a wounde, in the whiche is broken bones, it shal hele the bones. Also the rote of this her¦be is good to staunche the blodymenson, this is hote and drye.
FIlago is an herbe called feldewort, this herbe hath leues a lytell enlong, and it is lyke to hore hounde, it is a lytell herbe and it groweth in wete.
FLāmula minor is an herbe called the lesse sperwort, it hath leues as it were grasse, but it is sharpe as it were a spere. ¶ The ver¦tue of this herbe is yf it be puned and layde to a hande that is byte, it shallbe hole anone.