Cantate Domino. Psal. xcviij.
Annog pob creadur i foli Duw, am ei allu, a'i drugaredd, a ffyddlondeb ei gyfammod ynghrist, drwy'r hwn y mae ein cadwedigaeth ni.
CEnwch i'r Arglwydd newydd gân,
ei waith fu lân ryfeddod:
Ei law ddeau a'i fraich a wnaeth,
in iechydwriaeth parod.
[verse 2] Yr Arglwydd hysbys in' y gwnaeth
ei iechydwriaeth gyhoedd,
A'i gyfiownder ef yn dra hawdd
datguddiawdd i'r cenhedloedd.
[verse 3] Fe gofiodd ei drugaredd hir,
a'i wir i dy Israel,
Fel y gwelodd terfynau'r byd
ei iechyd yn ddiymgel.
[verse 4] I'r Arglwydd â chaniad llafar,
chwi yr holl ddaiar cenwch,
A llafar lais, ac eglur lef,
fry hyd y nef y lleisiwch.
[verse 5] Cenwch i'r Arglwydd Dduw fal hyn
â'r delyn, a chywirdant:
A chydâ'r delyn lais a thon,
rhowch iddo gyson foliant.
[verse 6] Canu yn llafar ac yn rhwydd,
o flaen yr Arglwydd frenin:
Ar yr vccyrn, a'r chwythgyrn pres,
fal dyna gyffes ddibrin.
[verse 7] A rhued y mor mawr i gyd,
a'r byd, ac oll sydd ynthynt,
[verse 8] Y llifddyfroedd, a'r mynyddoedd,
y mae yn addas iddynt.
[verse 9] Curant, canant, o flaen Duw cu,
yr hwn sy'n barnu'r bydoedd.
I'r byd y rhydd ei farn yn iawn,
ac yn vniawn i'r bobloedd.