Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Misericordias. Psal. lxxxix.

Dafydd yn moli Duw am ei gyfamod, ac yn achwyn wacced oedd ei dyrnas: ac yn olaf y mae efe yn gweddio am ei wa∣red o'i flinderau, ac yn dangos byrred oes dyn.

MYfyriaf gerdd byth i barhau, o drugareddau'r Arglwydd: A'i wirionedd i'm genau fydd, hyd dragywydd yn ebrwydd. [verse 2] Sef dwedais hyn: cair byth yn wir, adeiledir trugaredd: I barhau byth cair yn y nef dy gadarn gref wirionedd.

[verse 3] Fal hyn (o Dduw) attebaist ym', mi a wneuthym rwym gan dyngu I Ddafydd f'etholedig wâs, a'r gair e'm grâs yn tarddu. [verse 4] Fal hyn sicrhâi dy hâd di byth, a gwnaf weheiyth drefniad.

I'th gadarn faingc o oed i oed, mi a rof bob troed yn wastad.

[verse 5] Am hyn y siccrwyd tragwyddawl y nef o fawl dy wyrthiau: Yngorsedd Sainct, ynghyrchfa hedd, am bur wirioned d'eiriau. [verse 6] Pwy sydd cystal â'n harglwydd cu, pe chwilid llu'r wybrennau? Ymysg Angylion pwy mal Ion, sef ymhlith meibion duwiau?

[verse 7] Drwy gynulleidfa ei Sainct ef, Duw o'r nef sydd of nadwy: A thrwy'r holl syd o'n hamgylch ni, i ofni sydd ddyladwy. [verse 8] Pwy sydd debig i ti Dduw byw, o Arglwydd Dduw y lluoedd? Yn gadarn Ior, a'th wir i'th gylch, o amgylch yr holl nefoedd.

[verse 9] Ti a ostyngi y mor mawr, a'r don hyd lawr yn ystig: [verse 10] A nerth dy fraich curi dy gâs, yr Aipht, fal gwâs lluddedig, [verse 11] Eiddod nef a daiar i gyd, seiliaist y hyd a'i lanw: [verse 12] Gogledd, deau, Tabor, Hermon, sy dirion yn dy enw.

[verse 13] I'th fraich mae grym', mae nerth i'th law, a'th gref ddeheulaw codi: [verse 14] Nawdd a barn yw dy orsedd hir, a nawdd a gwir a geri. [verse 15] Eu gwnfyd i'r holl bobl a fydd, a fo'i llawenydd ynod: Ac yn llewych dy wyned glân y rhodian i gyfarfod.

[verse 16] Yn d'vnig enw di y cânt, fawl a gogomant beunydd, Yn dy gyfiownder codi'a wnânt, ac felly byddant ddedwydd. [verse 17] Cans ti wyd gryfder eu nerth hw•• lle y caffent fwy o dycciant: Dydi a ddarchefi eu cyrn, ac felly cedyrn fyddant.

[verse 18] Cans o'r Arglwydd a'i ddaioni, y daw i ni amddiffin: O Sanct Israel drwy ei law, oddiyno daw ein brenin. [verse 19] I'th sanct y rhoist gynt wybodaeth drwy weledigaeth nefol: Gosodais gymorth ar gryf gun, derchefais vn dewisol.

[verse 20] Cefais (eneiniais ef yn ol) fy ngwâs dewisol Dafydd Ag olew sanct: 21 Braich a llâw gref, rhoist gyd ag ef yn llywydd. [verse 22] Ni chaiff gelyn ei orthrymmu, na'i ddrygu vn mab enwir: [verse 23] O'i flaen y coetha'i elynion, a'i holl gascion dihir.

[verse 24] Fy ngwirionedd, a'm trugaredd, rhof fi trwy gariad iddo, Ac yn fy enw fi'yn ddi orn, dyrchefir ei gorn efo. [verse 25] Gosodaf ei law ar y mor, ac o'r goror bwygilydd: A gosodaf ei law ddeau, hyd terfynau'r afonydd.

[verse 26] Ef a weddia arnaf fi iw galedi, gan ddwed••d, Ti yw fy nhad fy Nuw, fy ngharn, yn gadarn o'm ieuenctyd. [verse 27] Minnau gwnaf yntau im yn fab, yn gynfab ac etifedd,

Ar frenhinoedd y ddaiar las, yn vwch ei ras a'i fowredd.

[verse 28] A chadwaf iddo (yr vn wedd) drugaredd yn dragwyddol: A'm cyfammod iddo yn llawn, yn ffyddlawn, ac yn nerthol. [verse 29] Gosodaf hefyd byth i'w had, nerth a mawrhâd vwch bydoedd A'i orseddfaingc ef i barhau, vn wedd a dyddiau'r nefoedd.

[verse 30] Ond os ei blant ef (drwy afrol) nid ânt yn ol fy nghyfraith, Os hwy ni rodiant, gan barhau, i'm beirn a'm llwybrau perffaith, [verse 31] Os fy neddfau a halogant, ni chadwant fy holl eirchion, [verse 32] Yna ymwelaf a'i cam gwrs, â gwiail sewrs, neu goedffon.

[verse 33] Ond ni thorraf ag ef vn nod, o'm hammod a'm trugaredd: Ac ni byddaf fi ddim yn ol, o'm ystyriol wirionedd. [verse 34] Ni thorraf fy nghyfammed glân, a ddaeth ailan o'm genau, Ac ni newidiaf air o'm llw, mi a rois hwnnw 'n ddiau.

[verse 35] Yn fy sancteiddrwydd tyngais im' na phallwn ddim i Ddafydd, [verse 36] Bydd ei had a'i drwn, yn ddi draul o'm blaen fel haul tragywydd. [verse 37] Yn dragywydd y siccrh•••• ef, fel cwrs (is nef) planedau Haul neu leuad, felly y bydd ei gwrs tragywydd yntau.

[verse 38] Ond ti a'n ffieiddiaist ar fyrr, ac yn ddiystyr lidiog Di a gyffroaist yn dra blin, wrth dy frenin eneiniog. [verse 39] Diddymaist di dy air i'th was, a'th râs, a'th addewidion: Ac a'i halogaist ef yn fawr, gan daflu'i lawr ei goron.

[verse 40] A drylliaist ei fagwyrydd ef, a'i gaer gref rhoi'st yn adwy. [verse 41] Yn egored felly y mae yn brae i bawb sy'n tramwy. [verse 42] Iw gym'dogion gwarthrudd yw ef, a than law gref ei elyn, A llawen iawn y codent floedd, bob rhai a oedd i'w erbyn.

[verse 43] Troist hefyd fin ei gleddau ef, a'i law oedd gref a blygaist: [verse 44] Darfu ei lendid ef a'i wawr, a'i drwn i'r llawr a fwriaist. [verse 45] Pryd ei ieuenctyd heibio'r aeth, a thi a'i gwnaeth cyn fyrred, A bwriaist drosto wradwydd mawr, o nen hyd lawr y torred.

[verse 46] Pa hyd fy Nuw y byddi' nghudd? ai byth, fy llywydd nefol? A lysg dy lid ti fel y tân yn gyfan yn dragwyddol? [verse 47] O cofia f'oes ei bod yn ferr, ai 'n ofer gynt y gwnaethost Holl blant dynion? o dal dy law, ac yn' ni ddaw yn rhydost.

[verse 48] Pa wr ysydd a'i oes dan sel, na ddel marwolaeth a••to? Pw•• a all ddiangc, ac ni ddew y 〈◊〉〈◊〉 a'r r••aw i'w guddio? [verse 49] O mae dy nodded Arglwydd gynt? mae helynt dy drugaredd?

Mae dy lw, o ystyriol ffydd, i Ddafydd i'th wirionedd?

[verse 50] Cofia Arglwydd yn wradwydd llym' lle'r ydym ni, dy weision. Yr hwn a dawdd i'm monwes i, gan ffrost y Cowri mowrion. [verse 51] Yr hwn warth 'r oedd d'elynion di yt' yn ei roddi 'n eidiog, (Fy Arglwydd Dduw) a'r vn syrrhâd i droediad dy eneiniog.

[verse 52] Moler yr Arglwydd byth, Amen, a byth Amen, hyn fytho. Moler yr Arglwydd byth, Amen, a byth Amen, hyn fytho.