Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Exultate Dom. Psal. lxxxi.

Cyngor i foli Duw am ei ddaioni, ac i gydnabod â'n anniolchgarwch,

O Cenwch fawl i Dduw ein nerth, cerdd brydferth cenwch iddo: A llafar lais, a genau ffraeth, gerddwriaeth i Dduw Iago. [verse 2] Cymerwch gathl y psallwyr lân, a moeswch dympan hefyd: A cheisiwch ganu gydâ hyn y nabl a'r delyn hyfryd.

[verse 3] Cenwch vdcyrn arloer newydd, y pryd sydd nodol iddo: [verse 4] Sefdeddf yw hon ar wyl vchel, Duw Israel ac Iago. [verse 5] Yn Ioseph clymmodd hyn yn ddysg, pan ddaeth ofysg yr Aiphtwyr: Lle clywais iaith oedd ddieithr im', heb ddeall dim o'i hystyr.

[verse 6] Dwedodd fy Nuw: drwy nerth fy mraich tynnais faich eich ysgwyddau: Ac felly tynnais eich dwy law, i 'madaw a'r ffwrneisiau. [verse 7] I'th flinder gelwaist arnaf fi, gwaredais di sut yma: Wrth lais taran fy mrhofiad oedd, ynglan dyfroedd Meribba.

[verse 8] Fy mhobl Israel gwrando fi, os ystyri yn ffyddlon: [verse 9] Na fid ynot arall yn Dduw: na chrymma'i gaudduw estron. [verse 10] Myfi yr Arglwydd Dduw a'th ddug o'r Aiphtir caddug allan: Llanwaf dy fol heb ddiffyg dafn, lleda dy safn yn llydan.

[verse 11] Ni choeliai Israel fy rhybudd, ni fyddent vfudd ymy: [verse 12] Gollyngais hwynt iw ffyrdd eu hun, iw cyngor cyndyn hynny. [verse 13] Och na wrandawsai Israel, gan rodio'n ffel fy llwybrau: [verse 14] A phwys syllaw llethaswn fron eu holl elynion hwythau.

[verse 15] Caseion ein Duw, yn eilid, a ostyngesid iddaw. Ac ef a roesai yn y tir ammodau hir i'r eiddaw. [verse 16] Ein Duw a roesai iddynt borth, drwy frasder cymorth rhadol: Rhoi mel o'rgraig, rhoi llaeth yn flith, a gwenith yn ddigonol.