Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Nonne Deo. Psal. 62.

Dafydd yn dangos fod yn rhaid i bob cenedl ymddiried yn Nuw. Ac na thâl dim heb Dduw.

FY vnig Dduw ydyw fy mlhaid, mae f'enaid yn ei ddisgwyl, O honaw ef, a thrwy ei rym daw iechyd ym' o'm hanhwyl. [verse 2] Duw yw fy nghraig, a'm vnig nerth, ac ymadferth fy einioes, Ac am hyn drwy ymddiffyn hir mi ni'm ysgogir eisoes.

[verse 3] Ba hyd y mae'n eich bryd barhau, i fwrw eich maglau aflwydd, Lleddir chwi oll: gwthir yn llwyr fel magwyr ar ei gogwydd.

[verse 4] Ymgasglent, llunient gelwydd mawr, iw roi i lawr o'i fowredd, Ar eu tafodau rhoi bendith a melidith dan ei dannedd.

[verse 5] Fy enaid dod (er hyn i gyd) ar Dduw dy fryd yn ddyfai, Ynto gobeithiaf fi er hyn, efo a'm tyn o'm gofal. [verse 6] Sef craig ymddiffyn yw ef ym', fy' nhwr, a grym fy mywyd, Am hynny y credaf yn wir na'm mawr ysgogir ennyd.

[verse 7] Yn Nuw yn vnig mae i gyd, fy iechyd, a'm gogoniant, Fy nghraig yw, a'm cadernid maith▪ a'm gobaith yn ddilyssiant. [verse 8] Gobeithiwch yntho: gar ei fron tywelltwch galon berffaith, Ac ymddiriedwch tra foch byw: a dwedwch, Duw yw'n gobaith.

[verse 9] Plant Adda, gwagedd ynt i gyd, plant gwyr sydd hud a gwegi, Gwagach na gwagedd yn eu tawl, mewn mantawl wrth eu codi. [verse 10] Na rowch eich coel ar gam na thrais, rhaid yw i falais drwccio: Os cynnydda cyfoeth y byd na rowch mo'ch goglyd arno.

[verse 11] Duw a lesarodd hyn vnwaith, mi a glywais ddwywaith hynny, Sef, mai Duw biau'r nerth i gyd, gostyngiad byd, neu ffynnu. [verse 12] O Arglwydd, ti hefyd a fedd drugaredd a daioni, I bawb dan gwmpas wybren faith, yn ol ei waith y teli.